ٹی وی لائسنس فیس میں اضافہ، سوشل میڈیا پر حکومت تنقید کی زد میں

پاکستان میں دنیا بھر کے دوسرے ملکوں کی طرح ملک کے سرکاری نشریاتی ادارے کے لیے لائسنس فیس لی جاتی ہے۔ کچھ روز سے پاکستان میں اس فیس میں اضافے کے بارے میں خبریں مقامی میڈیا پر گردش کرنے لگیں اور اس پر ایک بحث شروع ہو گئی ہے۔ جو اب بھی جاری ہے۔

پی پی پی کے ایک رکن نے اپنی ٹویٹ میں کہا کہ حکومت نے پی ٹی وی کی فیس 35 روپے سے بڑھا کر 100 روپے کر دی ہے۔ پی ٹی وی فی صارفین کے بجلی کے بل میں ہر مہینے شامل کی جاتی ہے۔ اس اضافے کا مطلب ہے کہ اندازاً 21 ارب روپ صارفین سے جمع کیے جائیں گے۔

ڈاکٹر ثقلین شاہ نے لکھا کہ ایماندار کپتان نے ہر وہ چیز اپنا لی ہے جسے وہ کوستے تھے۔ جنگلہ بس، آئی ایم ایف، پی ٹی وی فی، دہری شہریت وغیر ہ وغیرہ۔ فرق صرف یہ ہے کہ وہ پہلے والوں سے بھی زیادہ نالائق ہیں بس ان کا دفاع کرنے والے بیوقوفوں کی ایک فوج موجود ہے۔

عثمان اشفاق نے لکھا شکر کریں حکومت نے بل میں پی ٹی وی کے ساتھ اے آر وائی کی فی شامل نہیں کی۔

https://twitter.com/_MyLovePakistan/status/1284773721572544513?s=20

ایک اور صارف نے لکھا کہ عمران خان آپ کو پی ٹی وی فی میں اضافے کا جواب دینا ہوگا۔

https://twitter.com/zia_sears/status/1285131232511168512?s=20

ضیاءالرحمٰن نے فیس میں اضافے کے فیصلے پر جواب مانگنے کے بارے میں لکھتے ہوئے دوسرے فیصلوں کی طرف اشارہ کرتے ہوئے کہا کہ پی ٹی وی فیس میں اضافہ بہت سوں میں سے ایک ہے۔

صحافی بلال فاروقی نے ایک اور صحافی زاہد گشکوری کے توسط سے ایک ویڈیو شیئر کی جس میں وزیر اعظم بننے سے پہلے عمران خان پی ٹی وی فیس کے لیے اکٹھی کی جانے والی رقم کے محاسبے کا ذکر کرتے ہیں۔ پی ٹی وی فیس کے اضافے کا ذکر کرتے ہوئے وہ لکھتے ہیں کہ سنیں عمران خان ٹی وی فیس میں اضافہ کے بارے میں کیا کہتے تھے۔

باقر سجاد نے بھی بہت سے صارفین کی طرح اسی ویڈیو کو شیئر کرتے ہوئے لکھا کہ حکومت نے پی ٹی وی لائسنس فیس میں 65 روپے کا اضافہ کر کے اسے 35 روپ سے 100 روپے کر دیا ہے جس سے سرکاری چینل کو مزید 21 ارب ملیں گے۔ مجھے عمران خان کے وہ الفاظ یاد آ رہے ہیں کہ نئے پاکستان میں باشعور قوم پوچھے گی اس کے استعمال کے بارے میں۔ کیا وزیراعظم وضاحت دیں گے؟

فیصل شیرجان لکھتے ہیں کہ پی ٹی وی کے لیے بجلی کے بل میں ماہانہ فیس کے لاگو کیے جانے کا کوئی جواز نہیں تھا۔ اب اسے بڑھا کر 100 روپے مہینہ کر دیا گیا ہے۔ پی ٹی وی ایسا ایک اور سرکاری ادارہ ہے جو بددیانتی اور نااہلی سے بھرا ہوا ہے۔ اس کی مقامی نشریات پر مکمل اجارہ داری اور یہ ناکام ہے۔

محمد باسط بیگ لکھتے ہیں کہ ارطغرل غازی ہے پی ٹی وی فیس کی 35 روپے سے 100 روپے تک بڑھائے جانے کی وجہ۔

https://twitter.com/Zuriathinksalot/status/1284503662891499520?s=20

ذورائیت نے اس فیس میں اضافے کا ذکر کرتے ہوئے لکھا کہ 35 روپے سے بڑھا کر 100 روپے کر دی گئی ہے۔۔ 35 روپے بھی کیوں دیں۔ اور میں تو ارظغرل بھی نہیں دیکھتی۔

میاں اویس بھی اس فیصلے سے ناخوش ہیں۔ وہ کہتے ہیں کہ سر عمران خان ہم تو پی ٹی وی دیکھتے ہی نہیں اور اس ناکام چینل میں دلچسپی نہیں رکھتے۔ آپ ہم پر بجلی کے بل میں اضافی 100 روپے کیوں لاگو کر رہے ہیں۔ میرا یقین کریں مجھے افسوس ہے کہ میں نے آپ کو ووٹ دیا۔ آپ کا تقریباً ہر فیصلہ آپ کے وعدوں کے برخلاف ہے۔

حیدر علی نے لکھا کہ آپ پی ٹی وی فیس کے لیے 200 روپے لے لیں مگر کپاس کے کاشتکاروں کے نام پیغام اور مالاکٹڈ، سوات میں بارش والا موسم کے حال کو نیا بنائیں۔

پلوشہ آفتاب نے لکھا کہ میں ایک ایسے چینل کو اپنا پیسہ کیوں دوں جو اپنے ناظرین کو معیاری مواد کے ذریعے تفریح فراہم کرنے کی ذرا بھی قابلیت نہ رکھتا ہو اور صرف پتلے بنانے کا وسیلہ ہو۔ اگر یہ سول نافرمانی کے لیے کافی نہیں تو اور کیا ہو سکتا ہے؟

میں اُس کے لیے ادائیگی کروں گا جو میں دیکھتا ہوں۔ پی ٹی وی فیس کا بجلی کے بل میں شامل کرنے سے انکار

رانا فہد ارشد نے پی ٹی وی کے بارے میں عمران خان کی اپنی ریلیوں سے خطاب کی ویڈیو شیئر کی اور لکھا کہ میری خواہش ہے کہ کسی روز عمران خان اپنی پرانی تقریریں اور بیانات سنیں۔۔ میرے پاس اور کچھ کہنے کو نہیں ہے۔