بھارتی آرمی چیف کا ہیلی کاپٹر تباہ، چیف کی ہلاکت کا خدشہ
بھارتی نیوز ایجنسیوں اور میڈیا کی خبروں کے مطابق بھارتی چیف آف ڈیفینس سٹاف جنرل پبن راوت کا ایم آئی سترہ ہیلی کاپٹر تامل ناڈو کے علاقے کائمباتور میں تباہ ہو گیا ہے۔ ہیلی کاپٹر میں جنرل راوت اور ان کی بیگم کے علاوہ چودہ دیگر افراد سوار تھے۔
کریش ویلنگٹن آرمی سینٹر کے ٹریننگ کیمپ کے قریب ہوا۔ نزدیکی آرمی اڈوں نے سرچ اینڈ ریسکیو آپریشن شروع کر دیا ہے۔ ویڈیوز میں ہیلی کاپٹر کا ملبہ اور آگ دکھائی دے رہے ہیں۔
ابتدائی رپورٹس کے مطابق چار افراد کی ہلاکت بتائی گئی تھی لیکن جنرل بپن راوت اور ان کے سٹاف کے بارے میں کچھ نہیں بتایا جا رہا۔ بعض ذرائع ان کی ہلاکت کا خدشہ ظاہر کر رہے ہیں۔
#WATCH | Latest visuals from the spot (between Coimbatore and Sulur) where a military chopper crashed in Tamil Nadu. CDS Bipin Rawat, his staff and some family members were in the chopper. pic.twitter.com/6oxG7xD8iW
— ANI (@ANI) December 8, 2021
اے این آئی کے مطابق جب آرمی اہلکار اس جگہ پہنچے تو انہیں بتایا گیا کہ مقامی افراد نے دو افراد کو ایک مقامی ہسپتال پہنچایا جن کے 80 فیصد جسم جل چکے تھے۔
”ارد گرد کے پہاڑی علاقے میں انسانی جسم بکھرے دیکھے جا سکتے ہیں۔ انہیں اٹھانے اور شناخت کی کوششیں جاری ہیں“ اے این آئی کو ذرائع نے بتایا۔
بھارتی ائرفورس نے ٹویٹ میں کنفرم کیا ہے کہ جنرل راوت ہیلی کاپٹر میں موجود تھے اور حادثے کی وجہ جاننے کی خاطر انکوائری شروع کر دی گئی ہے۔ ابھی تک زخمیوں اور ہلاکتوں کے بارے میں سرکاری بیان جاری نہیں کیا گیا ہے۔
An IAF Mi-17V5 helicopter, with CDS Gen Bipin Rawat on board, met with an accident today near Coonoor, Tamil Nadu.
An Inquiry has been ordered to ascertain the cause of the accident.— Indian Air Force (@IAF_MCC) December 8, 2021
Facebook Comments - Accept Cookies to Enable FB Comments (See Footer).