شاہ چارلس سوم کی زندگی کی تصویری جھلکیاں

11/09/202211/09/2022 بی بی سی family, father, history, media, mother, rights

King Charles III posed for an official portrait to mark his 60th birthday.

برطانیہ کی تاریخ میں سب سے طویل عرصے تک ولی عہد رہنے والے چارلس سوم اب بادشاہ بن چکے ہیں۔ ستّر برسوں پر محیط ان کی ولی عہدی کے باعث وہ تخت نشین ہونے والے سب سے عمر رسیدہ سربراہِ مملکت بنے ہیں۔

آئیں 73 برس کے شاہ چارلس سوم کی زندگی کی عکاسی کرنے والے اہم لمحات کی تصاویر دیکھیں۔

ملکہ الزبتھ، شاہ چارلس — چارلس فلپ آرتھر جارج 14 نومبر 1948 کو پیدا ہوئے تھے۔ وہ تین سال کے تھے جب اُن کی والدہ ملکہ بنیں

فلپ — وہ صرف ایک برس کے تھے جب اُنھوں نے پہلی مرتبہ اپنے والدین سے جدائی سہی کیونکہ اُن کی والدہ اُن کے والد اور حاضرِ سروس نیول افسر شہزادہ فلپ سے ملاقات کرنے مالٹا چلی گئی تھیں

ملکہ الزبتھ، شاہ چارلس — کمسن چارلس کا ایسے دنوں میں نرسری عملہ خیال رکھا کرتا تھا

شاہ چارلس — آٹھ برس کی عمر تک گھر پر تعلیم حاصل کرنے والے چارلس (جن کا پیر گیند کے ساتھ ہے) سکول جانے والے پہلے ولی عہد بنے۔ یہاں پر اُنھیں 1957 میں فٹ بال کھیلتے ہوئے دیکھا جا سکتا ہے

ملکہ الزبتھ، شاہ چارلس — شاہ جارج ششم اور مادر ملکہ اپنے نواسے شہزادہ چارلس اور نواسی شہزادی این کے ہمراہ سکاٹ لینڈ میں بیلمورل کاسل آ رہے ہیں۔ شاہ چارلس اپنی نانی مادر ملکہ کے نہایت قریب تھے

ملکہ الزبتھ، شاہ چارلس — اُنھیں سخت جان بنانے کے لیے گورڈنزٹاؤن سکاٹ لینڈ میں تعلیم حاصل کرنے کے لیے بھیجا گیا مگر وہاں اُنھیں دوسرے بچے ہراساں کرتے چنانچہ اُنھوں نے والدین سے کہا کہ اُنھیں وہاں سے نکالا جائے۔ یہاں ملکہ الزبتھ ان سے 31 جولائی 1967 کو گورڈنزٹاؤن میں ان کے آخری دن ان سے ملنے کے لیے آئی ہوئی ہیں

چارلس — شاہ چارلس مئی 1969 میں ٹرینیٹی کالج کیمبرج میں اپنے کمرے میں پڑھائی کرتے ہوئے۔ اُنھوں نے پہلے آثارِ قدیمہ، پھر بشریات اور پھر تاریخ پڑھی۔ وہ ڈگری مکمل کرنے والے پہلے ولی عہد تھے۔

چارلس — جولائی 1969 میں چارلس کو پرنس آف ویلز کا خطاب دیا گیا۔ اس موقع پر اُنھوں نے انگریزی اور ویلش زبانوں میں تقریر کی

چارلس — اُنھوں نے فوجی خدمات انجام دینے کی خاندانی روایت کو قائم رکھا۔ یہاں وہ 20 مئی 1969 کو رائل ایئرفورس کے ایک طیارے میں ہیں۔ اُنھوں نے پہلے رائل ایئرفورس میں ہوابازی کی تربیت حاصل کی اور پھر ڈارٹمتھ میں رائل نیول کالج چلے گئے

چارلس — اُنھوں نے سخت تر فوجی تربیت حاصل کرتے ہوئے ‘ایکشن مین’ کا خطاب پایا۔ اُنھوں نے طیارے سے کودنے، آبدوز سے نکلنے، غوطہ خوری اور کمانڈو ایکشن کی تربیت حاصل کی

چارلس — کئی بحری جہازوں پر خدمات انجام دینے کے بعد اُنھیں رائل نیوی کے بارودی سرنگ ناکارہ بنانے والے طیارے ایم ایچ ایس بروننگٹن کی کمان عطا کی گئی

چارلس — جب وہ 30 برس کی عمر کو پہنچنے لگے تو پرنس آف ویلز کو پلے بوائے سمجھا جانے لگا۔ یہاں پر وہ 1975 میں ونڈزر کے پولو میدان میں اپنی ایسٹن مارٹن سپورٹس کار چلا رہے ہیں

چارلس — اکثر اوقات اُن کی سوئمنگ یا سرفنگ کرتے وقت یا پولو کھیلتے وقت تصاویر لی جاتیں

کمیلا — شاہ چارلس سوم اور کمیلا پارکر بویلز 1972 میں ایک پولو میچ کے بعد۔

چارلس — شاہ چارلس فجی کے دورے میں اپنے اعزاز میں منعقد ایک تقریب کے دوران

چارلس — سنہ 1981 میں شاہ چارلس اور لیڈی ڈیانا سپینسر کی منگنی ہو گئی۔ یہاں وہ 24 فروری 1981 کو اپنی منگنی کے اعلان کے بعد بکنگھم پیلس کے باہر موجود ہیں

چارلس — پانچ ماہ بعد اُن کی سینٹ پال کیتھیڈرل میں شادی ہو گئی۔ اس موقع پر تقریباً چھ لاکھ لوگ لندن کی سڑکوں پر اُنھیں دیکھنے کے لیے جمع تھے

چارلس — 19 اگست 1981 کو شاہی جوڑا بیلمورل کاسل میں اپنے ہنی مون کے دوران

چارلس — سنہ 1982 میں شہزادہ ولیم اور پھر 1984 میں شہزادہ ہیری کی پیدائش کے باوجود یہ شادی نہ چل سکی اور جولائی 1996 میں ‘ناقابلِ سمجھوتہ اختلافات’ کو وجہ بنا کر چارلس اور ڈیانا الگ ہو گئے

چارلس — سنہ 1997 میں ڈیانا کی ایک کار حادثے میں اچانک وفات کے بعد چارلس نے اصرار کیا کہ اُن کا جنازہ شاہی روایات اور اعزازات کے ساتھ ہو

چارلس — ڈیانا کی موت کے بعد بادشاہت کو اپنے تشخص پر دوبارہ غور کرنا پڑا اور چارلس نے فوراً ہی خود کو نئے حالات کے مطابق ڈھالا۔ پھر وہ ایک خیال رکھنے والے اور مشفق باپ اور ایک نئے دور کے ولی عہد کے طور پر نظر آنے لگے۔

چارلس — ڈیانا کی موت کے بعد چارلس پر الگ تھلگ اور غیر حساس ہونے کا الزام عائد کیا گیا جس کے بعد اُنھوں نے اپنا ایک نیا تشخص بنایا اور لوگوں کے ساتھ تعلق میں آنے لگے

چارلس — وہ کئی معاملات پر کھل کر بولتے تھے جن میں نامیاتی کاشتکاری اور متبادل ادویات شامل ہیں۔ وہ جینیاتی طور پر تبدیل شدہ فصلوں کے خلاف تھے

چارلس — وہ جدید طرزِ تعمیر کے خلاف تھے اور ان کی شہری منصوبہ بندی کا وژن ڈورسیٹ میں پاؤنڈبری گاؤں میں دیکھا جا سکتا ہے

چارلس — سنہ 2002 میں اُنھوں نے اپنی ‘سحر انگیز’ نانی مادر ملکہ کے بارے میں ایک جذباتی تقریر کی جب وہ 101 برس کی عمر میں وفات پا گئی تھیں۔ یہاں اُنھیں لندن میں ویسٹ منسٹر ہال میں مادر ملکہ کے تابوت کے ساتھ دیکھا جا سکتا ہے

چارلس — سال در سال اُنھوں نے کمیلا پارکر بویلز کے ساتھ اپنے تعلقات قائم رکھے اور اُنھوں نے 1970 میں پہلی مرتبہ ملنے کے بعد سنہ 2005 میں بالآخر اپنی منگنی کا اعلان کر دیا

چارلس — وہ شاہی خاندان کے پہلے رکن تھے جن کی ایک سویلین تقریب میں شادی ہوئی۔ شادی کے بعد کمیلا ڈچز آف کارن وال بنیں اور چارلس کی تخت نشینی کے بعد وہ ملکہ شریکِ حیات بن گئی ہیں

چارلس — سنہ 2011 میں اُن کے بیٹے شہزادہ ولیم نے ویسٹ منسٹر ایبی میں کیٹ مڈلٹن سے شادی کر لی

چارلس — چارلس کے پہلے پوتا پوتی جارج اور شارلٹ 2013 اور 2015 میں پیدا ہوئے تھے

چارلس — شاہ چارلس سنہ 2018 میں میگھن مارکل کے ساتھ ان کی شادی کے موقع پر

چارلس — شاہ چارلس اپنے والد شہزادہ فلپ کے جنازے کے موقع پر ونڈزر کاسل میں۔ اس وقت وہ واضح طور پر افسردہ نظر آئے

چارلس — چارلس ایک ایسے وقت میں بادشاہ بنے ہیں جب بادشاہی کے متعلق لوگوں کے رویوں میں تبدیلی آ رہی ہے

تمام تصاویر کے حقوق محفوظ ہیں

Facebook Comments HS

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 33851 posts and counting.See all posts by british-broadcasting-corp