سپریم کورٹ کے سینئیر پیونی جج اعجاز الاحسن نے استعفیٰ دے دیا
پاکستانی سوشل اور الیکٹرانک میڈیا پر چلنے والی خبروں کے مطابق سپریم کورٹ کے سینئیر پیونی جج اعجاز الاحسن نے اپنا استعفیٰ صدر مملکت عارف علوی کو بھجوا دیا ہے۔ ابھی استعفے کے مندرجات سامنے نہیں آئے ہیں۔
انہوں نے آج سابق جج جسٹس مظاہر نقوی کے خلاف دائر کردہ درخواستوں کی سماعت کے لیے ہونے والے سپریم جوڈیشل کونسل کے اجلاس میں بھی شرکت نہیں کی تھی۔ جسٹس اعجاز الاحسن نے اکتوبر 2024 میں چیف جسٹس آف پاکستان کا عہدہ سنبھالنا تھا۔
اب سینیارٹی کے اصول کے مطابق ان کی جگہ جسٹس منصور علی شاہ 26 اکتوبر 2024 کو چیف جسٹس کا عہدہ سنبھالیں گے اور اس عہدے پر 27 نومبر 2027 تک فائز رہیں گے۔
Latest posts by ہم سب نیوز (see all)
Facebook Comments - Accept Cookies to Enable FB Comments (See Footer).