میں ایک قیدی ہوں مگر میرا پنجرہ کھلا ہوا ہے۔ اب آپ کے ذہن میں یہ سوال آیا ہو گا کہ میاں تم پنجرے سے باہر نکل کر آزاد کیوں نہیں ہو جاتے۔ کیا تم کو آزادی پسند نہیں ہے یا تم کو اسیری میں مزہ آتا ہے یا تم؟ ارے ارے ٹھہر جائیے اس سے پہلے کہ آپ کے سوالات کی مزید بوچھاڑ ہو، میرے پنجرے کے قریب آ جائیے اور میرے ساتھ میرے فاتحین مغلیہ دربار میں چلیے۔ یہ جو منظر میں آپ کے سامنے دربار لگا ہے اس میں میرے پنجرے کا بھاؤ تاؤ ہو رہا ہے اور میں داہنی آنکھ کو بند کر کے، اپنا بایاں پاؤں اٹھا کر مسرت کے ساتھ ان کو دیکھ رہا ہوں۔