ایک مقامی نجی سکول کی کمسن خاتون ٹیچر عاصمہ کی اندوہناک موت کے سلسے میں ڈپٹی کمشنر کے حکم سے قائم انکوائری کمیٹی کی رپورٹ جاری ہوئی ہے، جس کے مطابق اس واقعے کی اولین سوشل میڈیا رپورٹس کی تصدیق ہوتی ہے۔ یاد رہے، سکول مالکان کی جانب سے بعدازاں لفاظی کے ذریعے واقعے کو توڑ مروڑ کر پیش کر کے حقائق کو چھپانے کی باقاعدہ کوششیں کی گئیں اور اس مقصد کے لیے سوشل میڈیا کا انتہائی مستعدی سے

برادر عدنان خان کاکڑ نے گزشتہ روز اپنی ایک پوسٹ میں پنجاب میں انگریز کی آمد کو ایک بھولے ہوئے تناظر میں پیش کیا تھا، جس میں پنجاب کے وڈیروں پر لگنے والے الزام کو ایک مثبت تناظر میں برمحل پیش کیا گیا تھا۔ ان کے بقول انگریز مسلمانان پنجاب کے لیے نجات دہندہ بن کر آئے تھے اور مقامی وڈیروں اور عمائدین علاقہ کے پاس انگریز کی حمایت کرنے کی معقول وجہ تھی۔

یہ حقیقت ہے کہ ہمارے یہاں اس سچ سے صرفِ نظر کیا جاتا ہے۔ بہت سارے ہمارے قومی بیانیوں کی طرح اس تاریخی حقیقت پر ہمارا رائج بیانیہ بھی حق پر مبنی نہیں۔ انگریز کو ہمیشہ صرف ولن کے روپ میں پیش کیا گیا۔ حالانکہ انگریز کا بنایا ہوا ریلوے، پوسٹ آفس، انہار، تعلیمی، صحت، پولیس، عدلیہ اور افواج پر مشتمل نظامِ حکومت، انفراسٹرکچر اور ان اداروں کی صورتحال انگریز سے قبل و بعد کے ادوار سے بہت بہتر تھی۔ بلکہ کافی سارے پیچیدہ اور مشکل ادارے تو گرانقدر رقومات صرف کر کے انگریز بہادر نے یہاں پہلی بار متعارف کرائے۔ انگریز کا انصاف ہمارے زرین ماضی کے مثل تھا۔ انہوں نے سیکھ لیا تھا کہ تھوڑی فرنگی افرادی قوت کے ساتھ ہندوستان میں رہنے کے لیے انصاف اور عدم تعصب انتہائی ضروری تھا۔

اسے سمجھنے کے لیے مدارس کے سسٹم اور اس کے مقابلے میں وزارتِ تعلیم کے تحت سرکاری و نیم سرکاری سکولوں کی حالتِ زار پر بالخصوص اور تمام سرکاری اداروں اور ان کے ملازمین کی نا اہلی اور کرپشن پر بالعموم نظر ڈالنا ضروری ہے۔مدارس کے غریب طلبا سے داخلہ اور سیکیورٹی فیس کی مد میں کچھ لیا جاتا ہے نہ ہی یونیفارم، کتابوں کاپیوں اور نہ ہی کسی ایونٹ کی مد میں جیبیں گرم کرنے کے لیے۔ مدارس انتظامیہ کوئی کمیشن بٹورتی ہے بلکہ یہ سب چونچلے تو وزارتِ تعلیم کے تحت چلنے والے سرکاری و غیر سرکاری اسکولوں کے ہیں۔ عصری تعلیمی اداروں کے برعکس مدارس میں بچوں کو تعلیم بالکل مفت دی جاتی ہے۔ کپڑے، کھانا، کتابیں اور رہائشی سہولیات بھی بلا معاوضہ اور اوپر سے ہر طالب علم کو جیب خرچ اور گھر آنے جانے کا کرایہ بھی ملتا ہے۔

مسجد قرطبہ کے صحن میں بیٹھا ایک طالبعلم اپنے خیالوں میں عجیب مگن تھا، انتہا کی سنجیدگی اس کے چہرے سے عیاں تھی۔ اس کے دیگر دوست جو وہیں کھیل کود میں مشغول تھے، اچانک ان کی اس پر نظر پڑی۔ ایک نے اچانک سوال داغا، ”عامر تم کس دنیا میں کھو گئے ہو“؟ دوسرے نے شوخی سے کہا عامر دن کے خواب دیکھ رہا ہے۔

سنجیدگی میں ڈوبے اپنے خیالوں کے بارے میں اس نے اپنے ساتھیوں کو بتایا : ”ایک دن میں اندلس کا وزیراعظم بننے جا رہا ہوں، اندلس کو درپیش مسائل کو اپنے دور حکومت کے دوران حل کرنے کے لیے میں سوچ و بچار میں مصروف تھا“۔ یہ سنتے ہی دوستوں کا ہنس ہنس کر برا حال ہو گیا۔ مستقبل کے وزیراعظم نے غصے سے انہیں چپ کرایا اور کمال شاہی جلال سے کہا کہ وہ مناصب بتاؤ جو تم لوگ میرے دورِ وزارتِ عظمی میں حاصل کرنا چاہو گے۔ ہنسی تھمی، دوستوں نے چہروں پہ سنجیدگی طاری کی اور ایک نے شہر کا قاضی بننے کی خواہش کی، دوسرے نے داروغہ بننا چاہا، تیسرے نے باغات کی نگرانی میں دلچسپی لی جبکہ چوتھے نے بدستور غیر سنجیدگی اور بدتمیزی کا مظاہرہ کرتے ہوئے شاہی جلال کو یوں غضبناک کیا : ”جب کبھی یہ انہونی ہو کہ تم بادشاہ بنائے جاؤ تو میں چاہوں گا کہ میرا چہرہ سیاہ کر کے گدھے پر بٹھا کر پورے قرطبہ کا گشت کرایا جائے“۔

نواز شریف کی الیکشن کیمپین ( 2013 ) کے منشور کا ایک مرکزی و زریں نکتہ بھارت کے ساتھ بہتر تعلقات اور خطے میں امن کا دیرپا قیام تھا۔ یہ ان کا لا اُبالی بخار تھا نہ ہی بے وقت کا راگ، بلکہ بطور اسٹیٹسمین یہ ان کا سوچا سمجھا اور دیرینہ خواب تھا۔ اپنی پہلی حکومت کے دوران روس سے آزاد ہونے والی مسلم ریاستوں کے ساتھ ترجیحی بنیادوں پر تعلقات، موٹر وے ہو یا آخری حکومت کے دوران

بھارت کے ساتھ مجوزہ و ممکنہ ملاقات میں ناکامی کے بعد وزیراعظم پاکستان نے غیر پارلیمانی و غیر سفارتی زبان پر مشتمل ایک غیر متوقع ٹویٹ کی، جس کی ٹرمپ کے علاوہ شاید ہی دنیا میں کوئی نظیر ہو۔ یہ ٹویٹ ہر جگہ گپ شپ اور بحث مباحثے کا موضوع بن گئی تھی۔ حکمران جماعت کے لوگوں نے ٹویٹ کا دفاع ویسے ہی کیا جیسے ہمیشہ کرتے آ ئے ہیں۔ کاش بطور وزیراعظم پاکستان عمران خان ایسا نہ کرتے بلکہ

ایک دن ابنِ عمر رضی اللہ عنہ نے اپنے غلام کی پیٹھ پر کچھ نشانات دیکھے تو اس سے پوچھا : ”کیا میں نے تجھے یہ تکلیف پہنچائی؟ “ غلام نے جواب دیا : ”نہیں تو۔ “۔ ابن عمر نے فوراً اسے آزاد کر دیا۔ آپ نے تکلیف دی تھی نہیں، غلام کو گلہ تھا نہیں مگر خوفِ خدا تھا کہ روزِ قیامت کہیں اس نشان کی بھی پوچھ گوچھ نہ ہو جائے۔ یہ سب رہبرِ کامل ﷺ کی تعلیم،

دوسرے میلینئم کے آخری سال کے آخری مہینوں کے دوران ایک دن اسپین کے جزیرے طینیریفے میں شوروم پر کلائنٹس کے ایک سیاح جوڑے نے مجھے اپنی طرف متوجہ کیا۔ روسی حلئے کی خاتون نے گلے کی گولڈ چین میں ہاتھ کی شکل کا ایک طلائی کالگینٹ ہینگ کیا ہوا تھا۔ پنجہ نما یہ چیز پاکستان میں بھی اکثر دیکھی ہوئی تھی جسے ہمارے یہاں غالبا ”پنجہ پنج تن پاک“ کہتے ہیں۔ میرے استفسار پر انہوں نے بتایا کہ ”دستِ

  بیلجئم کی لیون یونیورسٹی کے فلاسفی ڈیپارٹمنٹ میں ”فلاسفی آف سائنس“ کا اورل ایگزام تھا۔ دس سٹوڈنٹس کو پروفیسر صاحب نے بلایا ہوا تھا۔ راؤنڈ ٹیبل پر بیٹھے سب طلباء کو بیس ٹاپکس کی ایک لسٹ اور ایک رائیٹنگ شیٹ دیدی گئی۔ بعد میں پروفیسر صاحب نے ہر سٹوڈنٹ کو لسٹ میں سے ایک مختلف ٹاپک پر لکھنے کو کہا۔ دس منٹ بعد ایک ایک کر کے سٹوڈنٹس کو بلانے لگے۔ ہر ایک کی شیٹ پر نظر ڈالتے اور

دنیا سمٹ کر گلوبل ویلیج کی صورت اختیار کر رہی ہے۔ ”گلوبل ویلیج دنیا“ کی مختلف جگہوں پر مختلف رنگوں، معاشروں، علاقوں، نسلوں اور مزاہب سے تعلق رکھنے والے گروپوں کے ادغام سے نئے معاشرے جنم لے چکے ہیں۔ اور کئی دوسری جگہوں پر ایسے نئے ملٹی کلر، ملٹی ریشل، ملٹی لینگول معاشرے جنم لے رہے ہیں۔ جبر و استبداد والے یک رنگی یا یک مذہبی ممالک یا معاشروں کی بجائے اب مختلف رنگوں پر مشتمل کثیر المزاہب، کثیرالاقوامی و