یہ حقیقت ہے کہ شہباز شریف اسٹیبلیشمنٹ سے ٹکراؤ کی پالیسی کے خلاف ہیں، جانتے ہیں کہ پاکستان جیسے تیسری دنیا کے ملک میں اداروں کا کردار ختم کرنا ممکن نہیں بلکہ سیاستدان اپنی کارکردگی سے اس کردار کو محدود کر سکتے ہیں، جبکہ دوسری جانب اسٹیبلشمنٹ کے لیے یہ بات ہضم کرنا بہت مشکل ہے کہ جس شہباز شریف پر وہ تکیہ کرنے کا سوچتے ہیں وہ نواز شریف کا بھائی ہے، لیکن جب کارکردگی اور صلاحیتوں کا موازنہ کرتے ہیں تو شہباز شریف کی کارکردگی کا پلڑا بھاری ہوجاتا ہے۔

اسٹیبلیشمنٹ کے مسیحا بھی یہ بات دل سے تسلیم کرتے ہیں کہ اگر کبھی مسلم لیگ نون سے بات چیت ہوئی تو اسی دروازے سے ہوگی۔ مارگلہ کی اوٹ میں بنے ہوئے کچھ گھروں میں شام کو یہی باتیں ہوتی ہیں کہ ”نواز شریف اپنے مخالف کو کبھی نہیں بھولتا“