آہ بابائے انسانیت۔ جمانہ بڑا جالم ہو گیا ہے۔ آج بابائے انسانیت ایدھی صاحب کی برسی پر معاشرے کی بے حسی پر ایدھی فاؤنڈیشن میں گزرے ایام کے چند لمحے ذہن میں گردش کر رہے ہیں جن لمحوں میں بندہ کو اس عظیم انسان کو قریب سے دیکھنے کا شرف حاصل ہوا۔ تو سوچا کیوں نہ ٹیڑھے میڑے الفاظ میں ایک دو لمحوں کو آپ احباب کے پیش خدمت عالیہ کروں۔ لیکن رکھیے۔ کچھ بھی لکھنے سے پہلے احباب سے عرض کرتا چلوں کہ آپ بھی آگے بڑھنے سے پہلے دل میں تہیہ کر لیں کہ آپ مکمل مضمون پڑھنے کے بعد مجھے ان القابات سے نہیں نوازیں گے جن القابات سے ان کو نوازا گیا کیونکہ میں سیدھا سادہ سنی مسلمان ہوں۔ ڈر بھی بڑا لگتا ہے۔ اور نہ ہی ایدھی جیسا سینہ رکھتا ہوں جو ان تمام القابات سے متصف ہونے کے باوجود انسانیت کی خدمت کرتا رہا ان کے لیے بھیک مانگتا رہا اور کھلاتے کھلاتے مر گیا۔