انسان جب پیدا ہوتا ہے تو ہر طرح کی ملاوٹ سے پاک بالکل خالص حالت میں ہوتا ہے اُس کے گرد و نواح میں موجود لوگ اس میں ملاوٹ کی بوٹی کو لگاتے ہیں جو آہستہ آہستہ پروان چڑھتے ہوئے اُسے اپنی حقیقت سے دور ’بہت دور بھٹکا دیتی ہے۔ اُسے احساسِ برتری اور احساسِ کمتری سے روشناس کروا کر تکبر اور حسد کو جنم دیتی ہے اور اس کی کونپلیں انسان کی شخصیت کو اس قدر جکڑ لیتی ہیں

ایک خواجہ سرا بھیک مانگتے مانگتے سہیل صاحب کی کار کے قریب آیا اور خیرات کی فریاد کی پہلے پہل تو سہیل نے معافی طلب کرنا چاہی مگر ایک دم سے ناجانے اُسے کیسا خیال آیا کہ جیب میں موجود سارے پیسے اُس خواجہ سرا کو تھما دیے۔

شاید اُسے خواجہ سرا کی آنکھوں میں وہی خالی پن نظر آیا ہو جس کا سامنا وہ اپنی ذات میں پچھلے کئی سالوں سے کر رہا تھا گاڑی، پیسا، اعلئی عہدہ، دوست، بیوی، بچے حتٰی کہ زندگی کی ہر آسائش کے ہوتے ہوئے بھی وہ احساسات سے خالی زندگی گزار رہا تھا۔

 ہم اس معاشرہ کا حصہ ہیں جہاں لوگ مسلمانیت کا لبادہ اوڑے ہندوآنہ رسومات میں جکڑے انگریزوں کے طرز عمل پر زندگی گزار رہے ہیں۔ ہمارے ہاں سارے گناہ کرنے کی اجازت ہے مگر ”چھپ کر“ زمانہ کے سامنے شرافت کا لباس پہنے رکھنے میں ہی بھلائی سمجھی جاتی ہے۔ یہ منافق معاشرہ بہت سارے مظالم کو اپنے اندر سموئے ہوئے ہے اور یہاں کے لوگ اندھے ’گُونگے ہونے کے ساتھ ساتھ بے حس ہو گئے ہیں یہ لوگ بہت