مشہور ٹی وی اداکار پرل وی پوری (Pearl V Puri) کو رات گئے گرفتار کرلیا گیا۔ اداکار پر عصمت دری اور چھیڑ چھاڑ کا الزام عائد کیا گیا ہے۔ موصولہ اطلاع کے مطابق ایک خاتون نے اداکار پر عصمت دری کا الزام عائد کیا ہے۔ خاتون اور اس کے اہل خانہ نے پرل وی پوری کے خلاف شکایت درج کروائی ہے اور پولیس نے 4 جون کو دیر رات انہیں گرفتار کرلیا۔ فی الحال اداکار پولیس کی تحویل میں ہے۔ اداکار پرل وی پوری (Pearl V Puri) پر الزام لگایا گیا ہے کہ انہوں نے اپنی ایک خاتون ساتھی اسٹار کی نابالغ بیٹی کے ساتھ عصمت دری کی ہے۔ متاثرہ لڑکی نے اپنے والد کو زیادتی کے بارے میں بتایا جس کے بعد متاثرہ لڑکی کے والد نے والیو پولیس میں ایف آئی آر درج کروائی۔