وطن عزیز، مذعومہ اسلامی لیبارٹری میں ہم نے اسلام پر عمل کرنے کی تو کوئی سنجیدہ کاوش نہ کی البتہ اس نو مولود ریاست کے جسد ناتواں پر یوم ولادت سے وہ سیاسی تجربے کیے کہ آدھا جسم پہلے مفلوج ہوا اور اخرش کاٹ ڈالا گیا۔ لیکن ہماری افتادطبع پر اس سانحہ جانکاہ کا بھی…

سیاست معاشرے کی مجموعی نمو کی امین اور استعارہ ہوتی ہے اور چرخ کہن اس بات کا گواہ ہے کہ ہماری سیاست کا باوا آدم ہی نرالا ہے۔ اقوام عالم اور خطے میں ہماری قومی توقیر کے پھریرے چار سو اگر لہرا رہے ہیں تو یہ ہماری اسی سیاسی انفرادیت کی بدولت ہی ممکن ہوا ہے۔پسماندہ اور غیر تہذیب یافتہ دنیا میں سیاست قومی کے اجزائے ترکیبی پر نظر دوڑائی جائے تو وہ لوگ اکیسویں صدی میں بھی سیاستدان، سیاسی جماعتوں، اورروٹین کے انتخابات پر ہی تکیہ کیے ہوئے ہیں۔ جو کہ ان کی ذہنی نا رسائی اور دماغی بودے پن کا کھلا اظہار ہے۔ نا ہنجار آج بھی سیاست اور سیاستدانوں سے امید لگائے بیٹھے ہیں کہ وہ سماج اور ملک کو آگے لے کر جائیں گے۔ یہ کوتاہ نظری اور کور چشمی ہم اپنے ہمسایہ ممالک میں بھی دیکھ سکتے ہیں۔

اختلاف اور اختلاف رائے بنیادی انسانی جبلت ہے۔ اور تنازعات، مناقشے لڑائی جھگڑے حیوانی جبلت کا خاصہ ہیں۔ جب انسان دوسرے حیوانوں کے ساتھ غیر متمدن جنگلوں میں رہائش پذیر تھا تو وہ بھی دیگر حیوانوں کی طرح طاقت کے اصولوں پر عمل پیرا تھا۔ اور جس کی لاٹھی اس کی بھینس کا اصول ہی…

ہماری ممدوح پی ٹی آئی حکومت کئی طرح سے ماضی کی حکومتوں سے مختلف ہے۔ یوں تو اس پارٹی کی گزشتہ سالوں میں اٹھان سے لے کر الیکشن میں کامیابی تک سب کچھ نرالا ہے لیکن جیسے تیسے بر سر اقتدار آنے کے بعد انہوں نے اک نیا طرز حکمرانی متعارف کروایا ہے۔ پنجاب میں…

کار سیاست کو اگر معاشرے کی آشیاں بندی کہا جائے تو بے جا نہ ہوگا۔ اور چونکہ معاشرے اور سماج کی اکائی انسان ہے اور انسان رنگ، نسل، زبان، علم اور اپچ کے اعتبار سے متنوع ہوتے ہیں۔ اس لیے اہل سیاست بھی سماج کو انہی انسانی تحدیدات کی روشنی میں دیکھتے ہیں اور دل و دماغ کو وسعت دیتے ہوئے عوام الناس کی فلاح وبہبود کے لئے کوشاں رہتے ہیں۔

ازل سے کائنات سچائی کے سنہری اصول پر قائم کی گئی ہے اور تا ابد سانچ کو آنچ نہیں۔ جھوٹ، فریب، پروپیگنڈا، ملمع کاری کسی بھی فرد یا قوم کو وقتی فائدہ دے سکتی ہے۔ لیکن مآل کار یہ لمحاتی امرت دھارا، زہر ہلاہل ہی ثابت ہوتا ہے۔ وطن عزیز جو کہ اسلام کے نام پر حاصل کیا گیا تھا۔ یہاں پر ہم نے بہت سے تجربات کیے ہیں سوائے ایک بار سچ کو آزمانے کے۔ میدان سیاست ہماری اس قومی افتاد طبع کی خاص جولان گاہ رہی ہے۔ اور اس ضمن میں ہم نے وہ کشتوں کے پشتے لگائے ہیں کہ ہند، سندھ میں ہمارا کوئی ثانی نہیں۔ محترمہ فاطمہ جناح کو اپنے ممدوح فیلڈ مارشل کے مقابل آنے کی پاداش میں غدار قرار دینے سے لے کر بے نظیر بھٹو اور نواز شریف کو سیکیورٹی رسک قرار دینے تک ہم نے کئی معرکے سر کیے ہیں۔