میں نعیم رشید اپنے لخت جگر طلحہ کے ساتھ سفر آخرت کی طرف گامزن ہوں۔ آپ لوگوں کی دعائیں کام آرہی ہیں اور آسانی کی سبیلیں پیدا ہو رہی ہیں۔ اپنے لئے آپ حضرات کی ہمدردیاں دیکھ کر خوشی بھی ہوتی ہے مگر اس سے کہیں زیادہ حیرانی ہوتی ہے۔ ارے میں جسم و روح کے ساتھ آپ کے بیچ میں تھا تو میری کیا قدر تھی؟ اب جبکہ آپ کے پاس صرف میری میت ہے تو کتنی قدر ہے؟ کیا سانسوں کا بوجھ نہیں سہارا جاتا آپ سے؟ کیا مزارات اور قبور ہیں چاہئیں آپ کو؟ زندہ انسانوں کی کوئی قیمت نہیں؟ ظاہر ہے زندہ تو بول سکتا ہے، مطالبہ کر سکتا ہے، اس کی ضروریات ہیں، وہ حقوق و حساب مانگتاہے۔ وہ کیسے برداشت ہو سکتا ہے۔