ٹی وی چینلز پر ہم روزانہ کئی مناظر دیکھتے ہیں اخبارات میں خبروں کے ساتھ تصاویر بھی نظروں سے گزرتی ہیں اور ہم انہیں بھول جاتے ہیں۔ لیکن چند مناظر اور تصاویر ایسی ہوتی ہیں جو ذہن پر نقش ہوجاتی ہیں۔ ان کا اثر طویل عرصے تک رہتا ہے۔ ایسا ہی ایک منظر اور تصویر مجھے بھلائے نہیں بھولتی۔ شخصیت پرستی کے بت کیسے چکنا چور ہوتے ہیں، ہمارے ہیرو کیسے ہماری آنکھوں کے سامنے پستی میں گرسکتے ہیں یہ

دیکھئے! ہوسکتا ہے آپ کی طبیعت پر گراں گزرے۔ یہ بھی ہوسکتا ہے کہ آپ کا دل دکھ سے بھرجائے یا کم از کم، جیسا کہ گارشیا مارکیز نے کہا ہے، آپ کے حلق میں کڑوے باداموں کا ذائقہ آجائے۔ لیکن یقین جانیے میرا ارادہ کسی کو تکلیف پہنچانا ہرگز نہیں ہے۔ لیکن سچ پوچھئے تو مجھے بہت دکھ پہنچا تھا۔ بلکہ اگر میں زیادہ حقیقت پسندی سے کام لوں تو ابھی تک اس احساس سے نہیں نکل سکا ہوں۔