انیس سو اٹھاسی میں امریکی بحریہ نے ایک ایرانی مسافر جہاز مار گرایا اور اس میں سوار تمام دو سو نوے مسافر ہلاک ہو گئے۔ اس کے بعد جب امریکہ کے خلاف ایک عالمی ردعمل آیا تو اس وقت کے امریکی صدر جارج بش نے بیان دیا کہ  حقائق کچھ بھی ہوں، میں امریکہ کی طرف سے کبھی معذرت نہیں کروں گا۔ اس بیان پر دائیں بازو کے ایک مخصوص طبقے کو چھوڑ کر امریکی میڈیا اور معاشرے نے منفی ردعمل دیا۔ اس بیان پر بحث کے دوران کئی دفعہ یہ کہا گیا کہ اپنے ملک سے محبت ہونی چاہیے لیکن یہ محبت اس قدر لا محدود نہیں ہو سکتی کہ اپنے ملک کی برائیوں کا اعتراف بھی نہ کیا جا سکے۔