احساسات کی موجودگی اس وقت تک بار گراں نہیں، جب تک وہ اپنے ہونے کا احساس دلاتے ہوئے چیختے چنگھاڑتے رہیں، اشکوں سے بہتے اور الفاظ سے اظہار پاتے رہتے ہیں، لیکن اذیت تو یہ ہے کہ جب احساسات مسلسل ماحول اور حالات کی بے قدری سے دل، دماغ حتیٰ کے روح میں اتر کر بھی آہستہ آہستہ خاموش ہوتے چلے جائیں۔ ان کی خاموشی خیالات کو بھی گونگا پن سونپ دیتی ہے، اور خیالات کا گونگا پن، اظہار کے

جب ذہن کی زمین پہ خیال کی زرخیزی کسی پل چین نہ لینے دیتی تھی تو وقت کا پرندہ ہاتھ نہ آتا تھا، جب وقت کی دولت میسر آئی تو خیال طویل بنجر پن کی اذیت سہنے لگا اور میں سراسیمگی میں پوچھ بیٹھی کہ میں یہ کیا ہے؟ وہ کیا تھا؟ لاشعوری طور پہ وجود میں آنے والی تخلیقات پسندیدگی کی مسند پہ براجمان ہو کر الہام قرار پاتی ہیں اور شعوری طور پہ وجود میں لائی گئی تخلیقات