انسان اپنے ابتدائی دور سے ہی اس کائنات اور اپنی ذات کو جاننے اور اس کی پیچیدہ گھتیوں کو سمجھنے اور سلجھانے میں مصروف ہے۔ سمجھنے اور سلجھانے کے اس عمل کے دوران ابتدائی انسانی دور ہی میں دو مکتبہِ فکر سائنسی فلسفے اور غیر سائنسی فلسفے کی صورت وجود میں آگئے تھے۔ سائنسی اور…

جب بھی ہم جیسے لوگ معاشرے میں رائج پسماندہ رویوں اور روایات کی نشاندہی کرتے ہیں تو ہمیں ہمیشہ ہی رجعت پسند عناصر کی جانب سے ایک مخصوص نفرت انگیز ردعمل کا سامنا کرنا پڑتا ہے۔ اگر اختلافات کی بنیاد عقل، دلیل اور سماج کی بہتری کے لئے ہوں تو یہ اختلافات سر آنکھوں پر۔ لیکن رونا اسی بات کا تو ہے کہ قوم کا یہ حصہ عقل و دلیل کی انسانی خصوصیت سے محروم ہے۔ قوم کا یہ مخصوص حصہ جس کے کہنے ہی کیا ہیں۔ مجال ہے کوئی سنجیدہ بات ان لو گوں کو ہضم ہو جائے۔

کس کس کا نوحہ لکھا جائے۔ کس کس کا ماتم کیا جائے۔ پھول جیسی زینب کا یا معصوم اور فرشتہ جیسی فرشتہ کا۔ ایبٹ آباد کی تین سالہ فریال کا جس کا ریپ کے بعد بہیمانہ قتل کردیا گیا یا لاہور کی شاہدہ کا جسے ریپ کے بعد سوئمنگ پول میں ڈبو کر مار دیا گیا۔ آسلام آباد اور کراچی کی ان بد نصیب بچیوں کا جو اپنے ہی گھر میں اپنے بھائیوں کے ہاتھوں ریپ کا شکار ہوئی یا سیالکوٹ کی اس بیٹی کا جو اپنے ہی سگے باپ کے ہاتھوں بے آبرو ہوئی۔ واقعات گنوانا شروع کر دوں تو دن ختم ہوجائے گا مگر کردار باقی رہ جائیں گے کیونکہ پاکستان میں ہر 40 منٹ بعد ابک بچی، ایک عورت یا ایک بچہ جنسی زیادتی یعنی ریپ کا شکار ہوتے ہیں۔

ہم تمام پاکستانیوں کا ماننا ہے کہ امریکی صدر ڈونلڈ ٹرمپ انسانیت کے لئے خطرہ ہیں کیونکہ وہ ایک دائیں بازو کے (عیسائئ) نظریات رکھتے ہیں ں۔ ہ انڈیا کے وزیراعظم نریندر مودی انسانیت کے لئے خطرہ ہیں کیونکہ وہ ایک دائیں بازو کے (ہندو) نظریات رکھتے ہیں اسرائیل کے صدر ریولن انسانیت کے لئے خطرہ ہیں کیونکہ وہ ایک دائیں بازو کے (یہودی) نظریات رکھتے ہیں۔ تاہم ہم تمام پاکستانیوں کا یہ بھی ماننا ہے کہ نیوزی لینڈ کی وزیراعظم جیسنڈا آرڈن ایک انسانیت دوست، عظیم، اور قابل فخر شخصیت ہیں۔