ابھی پچھلے ہفتے ہی کی بات ہے۔ ہم ایک کرم فرما کی ضیافت میں تھے۔ موصوف کا بڑا بیٹا او لیول سے نکل کر اسکالرشپ کے لیے اپنے پر تول رہا تھا۔ نصاب کے ساتھ بچے کو لبرٹی سے کتب لا لا کر پڑھنے کی خاصی لت لگی ہوئی تھی۔ یہ جدا بات ہے کہ اس کا باپ اس بات سے خاصہ پریشان دکھائی دیتا تھا۔ ہم ڈرائینگ روم میں بیٹھے تھے۔ نیٹفلیکس پر ہالی ووڈ کی مووی 300 چل

قازکستانی مفکر جناب سلیمان اولیانوف جو اکثر شاعری بھی کرتا تھا، اس نے ایک جگہ کیا خوب لکھا ہے کہ: ”کارواں میں ہمیشہ آخری اونٹ پر قافلہ کوچ کرنے سے پہلے کچھ لادا نہیں جاتا! ہاں البتہ جب منزل قریب آتی ہے تب دیکھتے ہیں کہ وہ ہی اونٹ سب سے زیادہ سامان اٹھائے ہوئے ملے گا۔ ایسا اس لیے کہ سفر کے دوران اگلے اونٹوں سے جو چیزیں گرتی جاتی ہیں، قافلہ والے وہ چیزیں اس آخری اونٹ پر

جلیل صاحب کو جیسے ہی بڑا عہدہ اور نئی گول گول گھومنے والی کرسی ملی تو اس کا منہ دوسرے دن ہی اتر گیا۔ وجہ یہ تھی کہ اس کے دونوں چپراسی بہاری تھے جو اس کا اچھا خاصا نام ملیا میٹ کرکے ہر جگہ رٹ لگا کر یوں گویا ہوتے کہ: ”ذلیل صاب نے فلاں کام دیا ہے۔ “ ”ذلیل صاب کے ہُواں جا ریا ہوں۔ “ ”ذلیل صاب نے پھُلاں پھائیل بولا ہے۔ “ ”ذلیل صاب یوں ذلیل

وہ ایک ڈچ انجنیئر تھا۔ انگریزی ہم سے بھی شکستہ بول کر ٹیلیوژن پر ایک لاہوری معلم جو کہ جدید پاپ گانے بھی گاتا ہے اس کے گانے پر جھوم کر مجھ سے پوچھا کہ کیا گا رہا ہے۔ میں نے بتایا کہ وہ اپنی محبوبہ کے گھر کی بات کر رہا ہے کہ جس جس کو بھی چلنا ہے آئے اور ٹکٹ کٹا کر قطار بنائے اور چلے۔ بتانے کے لیے تو میں نے بتادیا، لیکن بعد میں مجھے

فطرت میں دیکھا گیا ہے کہ دیوہیکل اور بڑی جسامت والے حیوان اپنی بے پناہ طاقت کے باوجود کاہل اور سہل پسند ہوتے ہیں، جبکہ کم طاقت والے اجسام چست اور محنتی ہوتے ہیں۔ یہی اصول عورت اور مرد پر بھی لاگو ہوتا ہے۔ مرد جسمانی طور پر عورت سے طاقتور ہونے کی وجہ سے کاہل اور کام چور ہوتا ہے اور ساتھ میں سہل پسند، آرام، عیش و عشرت کا دلدادہ۔ وہ ذرہ برابر بھی درد برداشت نہیں کرتا

میں نے سنا کہ: نہر کے کنارے پر ایک آدمی کا گھر تھا، سردی کا موسم تھا، وہ گھر کے باہر کنارے پر دھوپ کا مزہ لیتے لیتے چارپائی پر سو گیا۔ اچانک کسی ناصح ٹائیپ بندے کا وہاں سے گزر ہُوا، اس نے کچھ سوچ کر سوئے ہوئے آدمی کے پاؤں ہلاکر جگایا اور سلام دعا کی۔ میزبان نے آئے ہوئے مہمان کو چارپائی پر بٹھایا اور حال احوال لینے کے لیے مدعا پوچھا۔ تب اس بندے نے کہا:

کئی برس گزر گئے میں لاہور کے ایک علاقے شاہدرہ میں رہتا تھا۔ میں اور میرا دوسرا ساتھی اجمل ریلویز میں کام کرتے تھے۔ ہمارے گھر کے ساتھ جس صاحب کا گھر تھا اس کا نام محی الدین تھا اور اس کی بیوی کا نام صاعقہ جسے میرا دوست ”سائکو“ کہتا تھا۔ اور یہ ٹھیک نام تھا! میری نانی اللہ پاک اسے کروٹ کروٹ اپنے پیاروں کے ساتھ رکھے، کہتی تھی کہ نام کا اثر کردار پر بھی پڑتا ہے

”آخر میں نے اس بوڑھی عورت کو ہی قتل کیوں کیا، کیا وجہ تھی کہ صرف اسے ہی قتل کیا؟ اگر قتل کرنا ہی مقصود ہوتا تو میرے اطراف لاکھوں افراد گھومتے ہیں، میں کسی کو بھی مار دیتا، لیکن صرف اسی بوڑھی عورت کو کیوں کیا؟ اور یہ کیا وجہ ہے کہ میرے خوابوں میں اس شرابی کی بیٹی سونیا ہی آتی ہے جو مجھے اپنے جسم کے بہت قریب لگتی ہے جس کے باپ کی میں نے مدد

”فلاں کی غلطی سے ہمارا ایک بازو کٹ گیا! “ ”فلاں نے ہمارے وطنِ عزیز کو دو ٹکڑوں میں تقسیم کر دیا! “ ”فلاں کے ہاتھوں آج بنگال ہم سے جدا ہو گیا۔ “ نیز جتنے سیاستدان (یعنی منہ) اتنے جملے لیکن ان سب کے دکھڑوں کا لب لباب یہ کہ ”بنگال ہمارا بھائی ہم سے ٹوٹ گیا۔ “ چلیں ایک اور دھارا پر تصور کرکے دیکھتے ہیں کہ ہمارے وطنِ عزیز میں یہاں دن دگنی رات چوگنی گھریلو، اور

سنا ہے کہ اِسی برس امریکا بشمول ناٹو کے فوجی افغانستان سے جا نہیں بلکہ بھاگ رہے۔ (ممکن ہے اگلے برس۔ لیکن وہ بھاگنے کی تیاریوں میں ضرور ہیں! ) اب ذرا امریکیوں کی سوچ کو سمجھیں تو وہ پاکستان کے لیے بالکل ٹھیک ویسے ہی خیالات رکھتے ہیں جو ہم امریکہ کے لیے۔ یعنی بہت برے۔ سو یہ جو صاحب بہادر امریکا تھوڑا بہت ہلکا ہاتھ رکھ رہا ہے پاکستان پر وہ بھی اس وقت تک ممکن ہے جب