••• اے شہر لاہور۔ تیرا دیا ہوا دکھ آج بھی ڈستا ہے ••• ”ہاں ہاں جانتا ہوں، یہ 2021 ہے مگر جو بات مجھے بتانی ہے اس کے لیے تمہیں میرے ساتھ 10 مئی 2014 میں جانا ہو گا۔“ ”کیا کہا؟“ ”یہ کیسے ممکن ہے؟“ ”بالکل ممکن ہے۔ میں تمہیں مئی 2014 میں لے جا سکتا ہوں۔“ ”کیسے؟“ ”اس کے لیے تمہیں میری آنکھوں کے راستے میرے وجدان کی دنیا میں اترنا پڑے گا۔“ ”جی بالکل اسی طرح میری آنکھوں

بریک ختم ہوتے ہی میں اپنا اردو کا پیریڈ لینے ساتویں کلاس کی طرف بڑھ گیا۔ پتہ نہیں کیوں آج میرا پڑھانے کو بالکل بھی جی نہیں کر رہا تھا بلکہ ہلکی پھلکی گپ شپ کے ساتھ ساتھ طالب علموں سے کچھ سننے سنانے کا موڈ بنا ہوا تھا جو میں اکثر کیا کرتا تھا، جس کی وجہ سے لڑکے بہت خوش رہتے تھے اور مجھے اپنے بہت قریب سمجھتے تھے۔ شاید یہی وجہ تھی کہ وہ مجھے اپنا دوست سمجھ کر مجھ سے کوئی بھی بات بلاجھجک کہہ دیتے تھے۔چہرے پر مسکراہٹ سجائے میں کلاس میں داخل ہوا تو سبھی طلباء احتراما ًاٹھ کھڑے ہوئے۔ کرسی پر بیٹھنے سے قبل میں نے ایک طائرانہ نگاہ دوڑا کر تمام لڑکوں کے چہروں کی تلاشی لی کہ کہاں کیا چل رہا ہے؟ میں ابھی پوری طرح سے ان کے چہروں کو پڑھ نہیں پایا تھا کہ اچانک کلاس کا سب سے دراز قد لڑکا ہاشم اپنی جگہ سے اٹھتے ہوئے بولا:”سر۔ ! آج کینٹین پر بہت رش تھا۔ عدیل نے مجھے پیچھے سے دھکا دیتے ہوئے کہا ہٹو آگے سے شیعہ کافر۔ “