واہ جی واہ، سب مسلمان رطب اللسان ہیں جیسنڈا کی انسان دوستی پہ۔ نازاں ہیں کہ جو ظلم مسجد کے اندر ہوا اس پہ گوری چمڑی والے خوب شرمندہ ہیں۔ اور اس شرمندگی کا اذالہ کرنے کے لئے بے چارے مسجدوں میں بھی چلے آ رہے ہیں اور سر پہ حجاب بھی لے رہے ہیں۔ کھانا بھی اکٹھا کر رہے ہیں، مسجدوں کے دروازے پہ پہرے بھی دے رہے ہیں۔ چلئے اسی بہانے بیچارے شاید بخشے جائیں۔

ہماری بیٹی ایک محفل کا احوال سنا رہی تھی جہاں مختلف قومیتوں، مختلف مذاہب کے لوگ موجود تھے۔ کسی بات کی بحث کے دوران ایک نے میری بیٹی سے مخاطب ہو کے کہا، ہمیں معلوم ہے کہ تم مسلمان مذہبی احساس برتری کے مارے لوگ ہو اور ہمارے بارے میں کیا سوچتے ہو کہ ہم تو سیدھا جہنم کا مال ہیں، چاہے ہم جتنے چاہیں نیکی کے کام کر لیں، ہمارا ٹھکانا جہنم ہی ہو گا اور جنت تو تخلیق ہی تم لوگوں کے لئے ہوئی ہے اور برے سے برا بندہ بھی جنت میں جائے گا کہ بلآخر معاف کر دیا جائے گا۔ ہماری بیٹی کے پاس اس بات کا کوئی جواب نہ تھا۔ اور شاید ہمارے پاس بھی نہیں ہے۔

تو آپ نے منہ موڑ ہی لیا، لبیک کہہ ہی دیا اپنے مالک کے حکم پہ، اپنی اولاد کو روتا بلکتا چھوڑ کے اپنے آخری سفر پہ روانہ ہو ہی گیئں وہ سفر جو سب کا سفر نصیب ہے، جو بر حق ہے، جو ہماری اس دنیا میں آمد کے بعد سے ہمارا انتظار کرتا ہے۔ امی، آپ کی کیا کیا بات یاد کروں، یوں تو سب ہی کو اپنی ماں پیاری لگتی ہے مگر کیا کروں کہ دل دہائی

لو جی، تصویریں آ گئیں، دیکھ کے دل با غ باغ ہو گیا کہ یونی ورسٹی کے ارباب اختیار نے کچھ کم عقل اور حیا سے عاری لڑکیوں کو با حیا بنانے کا ٹھیکہ اٹھایا ہے اور اپنے ایمان کو خدا کے فضل و کرم سے محفوظ کر لیا ہے

ہمار ے نزدیک وہ بہت زیادہ مبارک کے مستحق ہیں کہ معاشرے میں ایک نئئے ٹرینڈ کے بانی ہیں اور وہ کام جو ضیا الحق کی سمجھ میں نہ آیا کہ وہ صرف میڈیا کی عورتوں کے ساتھ محدود رہے وہ آج ان کے پیروکاروں نے کر دکھایا۔

ایک اور لحاظ سے بھی وہ قابل تحسین ہیں کہ انہوں نے بچارے کم عقل، اور نا سمجھ ماں باپ کو گائیڈ کیا ہے جو غم روزگار میں الجھ کے اپنی بیٹیوں کو اعلی تعلیم یافتہ بنانے کا خواب دیکھ کر، یونی ورسٹی تو بھیج دیتے ہیں مگر ساتھی طالب علموں سے لے کر استادوں تک، کو اذیت میں مبتلا کر دیتے ہیں اسی لئے کسی بہت ہی ذہین اور فطین نے اس کام کا بیڑا اٹھایا اور ماں باپ کو آئینہ بھی دکھایا گیا اور تنبیہ بھی۔

بہت بچپن کی یاد ہے ہمارا گھر ایک بازار کے نزدیک تھا اور بازار میں خوب چہل پہل ہوا کرتی تھی، ہم نے بازار جانے کا شوق تبھی سے پال لیا تھا جونہی دیکھتے کہ امی باہر جانے کے لئے تیار ہیں ہم بھی جوتا پہننے کو دوڑ پڑتے امی کی گھوریاں، ڈانٹ ڈپٹ، ابا سے سر زنش کی دھمکی، کچھ بھی ہمیں باز نہ رکھ سکتی۔
بازار کی رونق، گہما گہمی، آوازیں، راہگیروں کی دھکم پیل اور روشنیاں ہمیں خوب لطف اندوز کرتیں۔

ان تمام یادوں میں ایک یاد ایسی ہے جس نے ہمیں بہت حیران و پریشان کیا اور یہ حیرت بہت سالوں تک ہمارے ساتھ رہی۔ ہم دیکھتے کہ کچھ لحیم وشحیم خواتین زرق برق لباس میں خوب میک اپ اور زیورات پہنے، دوپٹہ گلے میں لٹکائے، جسم کے خطوط نمایاں، بازار میں آ جا رہی ہوتیں، یک لخت کہیں رکتیں اور انتہائی موٹی اور مردانہ آواز میں گانا گاتیں اور تالیاں بجاتے ہوئے اشارے کرتیں، ہمیں کچھ سمجھ میں نہ آتا کہ یہ کون عورتیں ہیں جو بازار میں یوں گھوم رہی ہیں ان کا حلیہ اس قدر مختلف کیوں ہے آواز مردوں جیسی کیوں ہے، میک اپ کیوں گہرا ہے لباس اس قدر شوخ اور تنگ کیوں ہے اور وہ کیوں اٹھلا اٹھلا کر دکانداروں سے بات کرتی ہیں اور جواب میں سب مردوں کی اتنی باچھیں کیوں کھلی ہیں۔ ہم نے مردوں کو انہیں آنکھ مارتے اور چٹکی کاٹتے بھی دیکھا جس پر وہ قطعی برا نہ مانتیں اور زور زور سے ہنس پڑتیں۔

پچھلے زمانوں میں جب حضرت انسان جنگلوں میں دوڑا پھرتا تھا، نہ تن ڈھانپنے کا شوق، نہ ننگے پاؤں کی فکر۔ فطرت نے ہر غم زندگی سے آزاد رکھا ہوا تھا۔ مرد شکار کے پیچھے دوڑتا اور عورت لائے ہوئے شکار کو نظام ہضم کا حصہ بنانے میں مدد کرتی۔ طاقت کے استعمال نے مرد کو اپنے طور ہی باور کروایا کہ نیزہ لے کے دوڑنا ہی بنیادی کام ہے سو فطرت کے اس نظام کی ڈور اس کے ہاتھ