سنا ہے سیٹھ اتنے زور سے بلبلا اٹھے ہیں۔ کہ ایوانوں میں ذلزلہ آ رہا ہے۔ تبدیلی کے بادل سمٹ رہے ہیں۔ طوفان میں کشتی کو سنبھالنے والے ناخدا کو کشتی سے دور کیا جا رہا ہے۔ اور تو اور کسی نے یہ بھی بے پر کی آڑائی ہے۔ کہ قریشی سیٹھ کو وڈے وزیر بنانے کی تگ و دو ہو رہی ہے۔ اور ان کو وڈے وزیر بنانے کے لئے مولانا صاحب کے مجاہدے بھرے حلقے کا پرنور آغا‌ز

کیا افغانی کا ریپ اور قتل جائز ہے؟ درندوں کے بیچ جب زندگی دم توڑتی نظر آ‎ئے۔ جب ہوس کے پجاری ننھی کلیوں کو مسلتے ہوئے شیطانی کارندے بن جائیں۔ جب زندگیوں اور عزتوں کے محافظ جرم کو قانون کا جامہ پہنائیں۔ جب شیطان کے سامنے انسانی شیطانوں کا جادو سر چڑھ کر بولے۔ جب زندگی کے حسیں رنگوں میں خون کے رنگت کی امیزش لازمی ٹھرے۔ جب انسان درندہ بن کے انسانیت کا خون کرے۔ جب ظلم مصلحت اور منافقت کے دبیز چادر تلے دب جائے۔ جب ظلم کی درجہ بندی قومیت کی آڑ میں ہو۔ جب انسانوں کی بستی سے انسانیت روٹھ جائے۔ تب ایسی بستی میں ایسے سوال لا معنی ہیں۔

عیدالفطر کے بعد دما دم مست ہونے کا قوی امکان ہے۔ کیوں کہ اپوزیشن سیاسی دھمال ڈالنے کے لئے سخت بے چین ہے۔ وقت کے تیور بدل رہے ہیں۔ لگتا یوں ہے کہ عمران خان کے گرد گھیرا تنگ کیا جا رہا ہے۔ اور ان کی سیاسی بساط لپیٹنے کے لئے حالات موزوں بنائے جا رہے ہیں۔ تو کیا عمران خان کی حکومت خطرے میں ہے؟ یہ کہنا یقینا قبل ازوقت ہے۔ لیکن ایک بات بہرحال یقینی ہے۔ کہ انتہا‏ئی

”عوام الناس“ اردو اور عربی زبان کے زبردستی جوڑ توڑ سے بنایا گیا عرب و عجم کا اک سنگین قسم کا عامیانہ سا ملاپ ہے۔ خصوصا ترقی جیسی ستم ظریف ہستی کے پیچھے صرف رو رو کر ہلکان ہونے والے ناکام عاشق کی طرح دربدر ممالک میں یہ طائفہ وافر مقدار میں موجود ہے۔ تاریخ گواہ ہے، بلکہ اب تو یہ بات ایک مسلمہ حقیقت بن چکی ہے۔ کہ جس کسی کو خصوصا باس کو کبھی بھی اپنا الو سیدھا کرنا ہو تو وہ اللہ کا نام لے کر سب سے پہلے ”عوام الناس“ کے بے جان کندھوں کا سہارا لیتا ہے۔ لیکن اس کی سب سے قابل رحم صورت اس وقت سامنے آتی ہے جب کوئی خمار میں آ کے پوری کی پوری بستی کے عوام الناس کا الو سیدھا کرنے کے لئے خواہ مخواہ با الجبر و الرضا آناً فاناً بڑی تندہی اور جان فشانی سے تیوری چڑھائے پوری قوت سے ترنگ میں آکر کہہ جاتا ہے ”میرے عزیز ہم وطنو“ ۔

ہم غالبا دنیا کی واحد منفرد قسم کی بے حس قوم بن چکے ہیں کہ جس کے ضمیر کو جگانا تقریبا ناممکن ہو چکا ہے۔ جس نے نہ تو ماضی سے سبق سیکھا ہے۔ نہ ہی حال کو درست سمت پہ گامزن کیا ہے اور نہ ہی مستقبل کی فکر کی ہے۔ ہم اخلاقی پستی میں مدغم وہ زوال پذیر قوم ہیں۔ جسے پستی اور غلامی میں جینے کا مزا آ تا ہے۔ تو سوال یہ ہے کہ کیا عمران

قوم کی خوش قسمتی اور شہباز شریف کی بدقسمتی دیکھیے کہ آخرکار شہباز شریف کے وزارت عظمی کے خواب چکنا چور ہوئے۔ اور ساتھ ہی ساتھ ان کے وزارت اعلی کے دور کا خاتمہ بھی ہوا ۔ یعنی نہ خدا ہی ملا نہ وصال صنم ۔ اگر خدا نخواستہ شہباز شریف وزیر اعظم بن جاتے تو محرومیاں اور بڑھتیں اور کشیدہ حالات مزید خراب ہوتے۔ کیونکہ ان میں قومی رہنما کے خواص بالکل بھی نہیں پائے جاتے۔ دوسری طرف ان

پرویز خٹک کے دوبارہ وزیراعلی بننے میں کوئی عیب نہیں۔ انھوں نے تجربے، صلاحیتوں اور ٹیم ورک سے پارٹی کو 65 سیٹوں کے ساتھ بہترین پوزیشن پہ لا کھڑا کیا ہے۔ اور یہ ان کی اور پارٹی کی کارکردگی کا منہ بولتا ثبوت ہے۔ تحریک انصاف کو انھیں کوئی اور ذمہ داری سونپنے سے گریز کرنا چاہیے۔ کیونکہ پرویز خٹک کی پارٹی رہنماؤں کے ساتھ ہم آہنگی مستحکم ہو چکی ہے اور نئے تجربے کی صورت میں پارٹی اگلے انتخابات

عمران خان زرداری پر ماضی میں شدید تنقید اور چند پارٹی رہنما‎ؤں کے ناقص سیاسی مشوروں کی وجہ سے زرداری کو اپنانے سے گریزاں ہیں۔ ایک طویل ترین مشق کے ذریعے چھوٹی چھوٹی پارٹیوں اور آزاد امیدواروں کے پیچھے پارٹی رہنماؤں کو ہلکان کر رہے ہیں۔ ان کے بے جا ناز نخروں کے آگے سر تسلیم خم کر رہے ہیں۔ لیکن دانش مندی کا تقاضا یہی ہے کہ وہ زرداری کو صدر بنا کر پیپلز پارٹی کے ساتھ اک مستحکم

انتخابات 2018 کے حوالے سے قیاس آرائی کی جائے تو سیٹوں کے لحاظ سے تحریک انصاف پہلی، مسلم لیگ ( ن) دوسری اور پیپلزپارٹی تیسری بڑی پارٹی بن سکتی ہے۔ البتہ پاکستان میں انہونی چونکہ ایک عام سی بات ہے۔ لہذا مسلم لیگ (ن) کو ہمدردی اور مظلومیت کے لبادے کی آڑ میں برتری بھی دلائی جاسکتی ہے۔ وزیر اعظم عمران خان، صدر زرداری اس بلاک میں تحریک انصاف، پیپلزپارٹی، آزاد امیدوار، ایم ایم اے اور ایم کیو ایم اتحاد

با ادب کے فرشتوں کے وہم و گمان میں بھی نہ تھا کہ خان صاحب ”لغات“ میں اتنے اختراع پسند ہیں، جیسے تبدیلی، جنون، پھٹیچر، ریلوکٹا وغیرہ۔ یہ بہرحال اک ”باسی“ اختراع ہے کہ بے ادب ہجو گوؤں نے ” لغات ” زبان زد عام کرکے اس قدر ”لغویات“ کر دیں۔ کہ پھٹیچر ریلوکٹوں نے بنی گالہ کا رخ کرنا شروع کر دیا۔ وہاں ”آسمان سے گرے کھجور میں اٹکے“ کے مصداق جب تبدیلی تیل سے ان کی مالش ہوئی۔

شہباز شریف کے قومی حکومت کی تشکیل والے بیان سے لگتا یہی ہے۔ کہ مسلم لیگ (ن) کو اپنی ہار یقینی نظر آرہی ہے۔ چند سالو‎ں سے مسلم لیگ (ن) حیرت انگیز طور پر قوم پرست جماعتوں کی چہیتی بنی ہوئی ہے۔ یہی قوم پرست جو چند سال پہلے مسلم لیگ (ن) کو پنجاب کی پارٹی، نوازشریف کو ایک متعصب لیڈر اور پنجاب کی نا انصافیاں ذکر کرتے نہیں تھکتے تھے۔ آج کل ان جماعتوں کے رہنما اور پیروکار نواز

  جب کبھی میں انصاف کی دیوی کے ٹھاٹھ باٹھ دیکھتا ہو ں۔ مجھے علاؤالدین خلجی کے عہد حکمرانی میں قاضی القضاۃ کی کفن پگڑی یاد آجاتی ہے۔ وقت کتنا بدل گیا ہے۔ انصاف کی دیوی کا بول بالا ہے۔ اچھی بات ہے، لیکن انصاف کی دیوی کی حق کے ساتھ پرانی آشنائی تھوڑی پھیکی پھیکی سی پڑ گئی ہے، جو بہرحال پریشان کن ہے۔ سٹینلے لین پول لکھتے ہيں کہ علاؤ الدین خلجی نے ایک بار قاضی القضاۃ سے

  جناب مدیر صاحب جب سے "ہم سب” کیلئے قلم آٹھایا ہے، بھرپور کوشش کی ہے کہ فن تحریر کے ساحل سمندر سے رنگ برنگے سنگریزے اٹھا کر خوب تراش تراش کرکے پیش کر سکیں۔ ساحل سمندر کا پینگوئن پرندہ اپنے محبوب کیلئے سب سے خوبصورت سنگریزہ تلاش کرتا ہے ۔ اس سے نکتہ دان "ہم سب” کے ساتھ ہمارے لگاؤ کا بخوبی اندازہ لگا سکتے ہیں۔ لیکن بعض تحریر وں کے شا ئع ہونے کیلئے طویل انتظار کر نا

عمران خان واحد رہنما ہیں۔ جنھوں نے استقامت اور ثابت قدمی سے ایک سیٹ والی پارٹی کو تیسری بڑی پارٹی کے طور پر لاکھڑا کیا۔ وہ ڈنکے کی چوٹ پہ سچ بولتے ہیں۔ یقینا بعض اوقات پارٹی کے مفاد کی خاطر مصلحتا خاموش رہتے ہیں۔ آپ چاہے ان کی شخصیت میں تبدیلی برپا کرنے کا خاصہ دیکھتے ہیں یا سیاسی فلسفے کے شدید ناقد، بحرحال آپ کو بالرضا یا چار وناچار یہ تسلیم کرنا ہی پڑے گا۔ کہ وہ یقینا

بقول آصف علی زرداری پیٹھ میں چھرا گھونپنا نواز شریف کا وطیرہ ہے۔ یعنی نواز شریف سیاسی سودے بازی اور سیاسی یکجہتی کے لئے قابل اعتبار شخصیت نہیں۔ حالیہ دنوں زرداری اور نواز شریف کی آئندہ انتخابات کے لئے سیاسی ڈیل کی خبریں گردش میں تھیں۔ اگر اطلاعات مصدقہ ہیں، تو زرداری اک بار پھر پیٹھ میں چھرا سہنے کے لئے اتنے بے چین کیوں ہیں؟ جیسے ہی زرداری نے انتخابات کے بعد ضرورت پڑنے پر عمران خان سے ممکنہ

مسلم لیگ (ن) کی اسٹبلشمنٹ اور خصوصا عدلیہ کے ساتھ رواں دواں تناؤ ایک سوچی سمجھی منصوبہ بندی اور 2018 کے انتخابات کے لئے اپنے آپ کو توانا رکھنے کے لئے ایک بھرپور حکمت عملی نظر آتی ہے۔ تنا‎ؤ کے اس پڑا‎ؤ میں غازی بننے کی شرف یابی حاصل کرنے کا کاروبار کامیابی سے جاری وساری ہے۔ یہ شرف حاصل کرنے اور سب سے بڑے غازی مرد میدان بننے میں وڈے میاں صاحب کا پہلا نمبر ہے۔ پنجہ آزمائی اور

عائشہ گلالئی، میشا ظفر اور ریحام خان کا می ٹو مثلث ہوبہو برمودا مثلث کی طرح ہے۔ اس مثلث میں عائشہ گلالئی اور ریحام خان نے سیاسی جبکہ میشا ظفر نے پیشہ ورانہ میدان میں جنسی ہراسانی کا رنگ بھرا۔ اس بحرغرقاب میں عزت نام کی پو شاک مبینہ طور پر غرق ہوئی اور سطح پہ جو بچھے کچھے چیتھڑے اچھل رہے تھے، انھیں خوب اچھالا گیا۔ حسینوں کی عزت کا ٹائی ٹینک جنسی ہراسانی کے برفانی تودے سے ٹکرا

پاکستان کے سیاسی مسکراہٹوں کی دوڑ میں جناب آصف علی زرداری دل موہ لینے والی مسکراہٹ کےساتھ“اک زرداری سب پہ بھاری ”والی قول پہ صادق اترتےہیں۔ مسکراہٹوں پہ یقینا آرٹیکل باسٹھ تریسٹھ کا اطلاق نہیں ہوتا ہوگا۔ مسکراہٹ کیا ہے۔ اک دلکش سیاسی ادا ہے۔ تلخ سے تلخ بات ایسے شیریں انداز میں کر دیتےہیں۔ کہ شک پڑجاتاہے۔ کہیں میڈیا والوں نے ڈبنگ تو نہیں کی ہے؟ ویسےکیا یہ معجزے سے کم ہے، کہ پاکستانی جیلوں میں اتنےسالوں رہنے کے

پچلھے دنوں کاکڑ صاحب نے کالم "کتنا لکھیں، کیسے لکھیں اور کیسے شائع کروائیں؟” لکھا اور "مضمون شائع نہ ہونے کی اطلاع کیوں نہیں دیتے؟” کے عنوان سے پوسٹ کیا ۔ دونوں بہت ہی اچھے لگے۔ لیکن پوسٹ کے جملے "ریگولر شائع ہونے والے مصنفین مضمون شائع نہ ہونے کی صورت میں دو دن کے بعد یاددہانی کی ای میل ڈال دیا کریں” نے خیالی پلاؤ کے خداداد صلاحیت کو جلتی پہ تیل کی طرح یوں متحرک کیا کہ ہم

پنگا لینے کی سیاست میں میاں صاحب کا کوئی ‎ثانی نہیں۔ ان کے لئے پنگا لینا کسی مشغلے سے کم نہیں۔ پنگا لینے کا عظیم الشان مظاہرہ آپ میاں صاحب کا کمانڈو جرنیل کے ساتھ اپنی آنکھوں سے بخوبی دیکھ چکے ہیں، جس کے اثرات یقینا ابھی تک پڑ رہے ہیں۔ آپ شاید تیراندازی کے مشغلے سے شغف رکھتے ہوں گے اورتیر چلانا آپ کو پسند ہوگا۔ یا آپ غالبا بلے بازی کے شوقین ہیں۔ اور یقینا آپ کو بلے

جب سے وڈے میاں صاحب سیاسی شطرنج سے آوٹ کلاس کر دیے گئے ہیں۔ تب سے سیاسی افق پہ چھوٹے میاں صاحب اک نئی آن بان سے جلوہ گر ہوکر وزارت عظمی کے خواب دیکھنے لگے ہیں۔ خواب دیکھنے میں ویسے کوئی برا‏‏ئی تو نہیں۔ نہ یہ کسی کی جاگیر ہیں اور نہ ہی شجر ممنوعہ۔ ہاں البتہ تخت طاوس کے خواب کی تعبیر اپنے حق میں پانے کیل۔ ئے بڑے پاپڑ بیلنے پڑتے ہیں۔ اور سیانے تو ناقابل یقین

جب سے دنیا میں روشنی کا ظہور ہواہے۔تب سے اندھیر نگری کے باسیوں اور عقل کے دشمنوں نے ایسے کئی مشال بجھا‎ۓہیں۔تب سے منصور دارپہ چڑھا ہے۔ انسانیت کئ بار سسک سسک کے مری ہے۔ اور مٹی کی سوندھی خوشبو بہتے خون کے فواروں سے آلودہ ہو ئی ہے۔تب سے شہید کا جام شہادت حق کے منبر پر ٹوٹے پیمانے سے رس رس کر گرا ہے۔ میں اک ٹوٹا پیمانہ اک چھلکتا ہوا جام اک بے ربط تخیل اک فسانہ