اسپیس ایکس کا خلائی جہاز امریکی ریاست فلوریڈا سے چار عام مسافروں کو لے کر خلا کے سفر پر روانہ ہو گیا ہے۔

پاکستان کی حکومت نے پیٹرولیم مصنوعات کی قیمتوں میں اضافہ کر دیا ہے جس کے بعد پیٹرول کی نئی قیمت 123 روپے 30 پیسے اور ڈیزل کی نئی قیمت 120 روپے چار پیسے فی لیٹر ہو گئی ہے۔

پاکستان اور نیوزی لینڈ کے درمیان 18 سال بعد پاکستان کی سرزمین پر ہونے والی سیریز کا آغاز جمعہ سے ہو رہا ہے۔ تین ون ڈے میچز پر مشتمل سیریز کا پہلا میچ راولپنڈی کرکٹ اسٹیڈیم میں کھیلا جائے گا۔

امریکہ اور برطانیہ آسٹریلیا کی جوہری مواد سے چلنے والی آبدوزوں کا دستہ بنانے میں مدد کریں گے۔ یہ بات امریکہ کے صدر جو بائیڈن نے بدھ کو اس وقت کہی جب تینوں ممالک کے سربراہان نے انڈو پیسفک ریجن پر توجہ کی متقاضی نئی سہہ فریقی شراکت داری کا اعلان کیا۔

پاکستان کے قومی سلامتی کے مشیر معید یوسف کا کہنا ہے کہ پاکستان کے پاس افغانستان میں طالبان کی حکومت کے ساتھ روابط رکھنے کے سوا کوئی چارہ نہیں ہے۔ اور اگر دنیا نے افغانستان کو تنہا چھوڑا تو دوبارہ دہشت گردی کا سامنا کرنا پڑ سکتا ہے۔

افغانستان میں ڈاکٹر اشرف غنی کی حکومت کے خاتمے اور طالبان کی اقتدار میں واپسی کے ساتھ ہی ملک میں زیرِ تعلیم پاکستانی طلبہ اپنے مستقبل کے حوالے سے پریشان دکھائی دیتے ہیں۔

چین میں انٹرٹینمٹ انڈسٹری کے خلاف ایک ایسے کریک ڈاؤن کا آغاز ہو گیا ہے جسے بعض تجزیہ کار 1960 اور 1970 کی دہائی کے ’ثقافتی انقلاب‘ کی باز گشت قرار دے رہے ہیں۔

ایپل نے اپنے آئی فون کے اگلے ماڈلز کی نقاب کشائی کر دی ہے جس کا ایپل کے صارفین شدت سے انتظار کر رہے تھے۔ ان میں ایک ایسا ماڈل بھی شامل ہے جس میں پچھلے ماڈلز کی نسبت ڈیٹا ذخیرہ کرنے کی گنجائش دو گنے سے بھی زیادہ ہے۔

سال 2021 کے لیے چھ ناول شارٹ لسٹ کیے گئے ہیں۔ امریکہ سے تعلق رکھنے والی شاعرہ اور ناول نگار پیٹریکا لاک ووڈ کا پہلا ہی ناول ’نو وون از ٹاکنگ اباؤٹ دس‘ بھی انعام کے لیے اعلان کی گئی حتمی فہرست میں شامل ہے۔ بکر پرائز کے جج انعام جیتنے والی کتاب کا اعلان تین نومبر کو کریں گے۔

چین پاکستان اقتصادی راہداری (سی پیک) سے متعلق وزیرِ اعظم پاکستان کے معاونِ خصوصی خالد منصور نے کہا ہے کہ اگر افغانستان میں مستقل امن لوٹ آتا ہے تو سی پیک کو افغانستان اور اس سے آگے توسیع دینے کے وسیع امکانات موجود ہیں۔

پاکستان میں حالیہ دنوں میں ڈالر کی قیمت میں مسلسل اضافے اور روپے کی قدر میں گراوٹ کے باعث مہنگائی کی نئی لہر کا خدشہ ظاہر کیا جا رہا ہے۔

امریکہ کے صدر جو بائیڈن نے آئندہ ہفتے امریکہ، بھارت، آسٹریلیا اور جاپان پر مشتمل ‘کواڈ ممالک’ کا اجلاس واشنگٹن ڈی سی میں بلایا ہے جسے افغانستان کی صورتِ حال اور ہند بحرالکاہل میں چین کے بڑھتے ہوئے اثر و رسوخ کے تناظر میں اہم قرار دیا جا رہا ہے۔

نیوزی لینڈ کے سائنسدان کہتے ہیں کہ وہ گائے کی ‘پوٹی ٹریننگ’ کرنے میں کامیاب ہو گئے ہیں جو موسمیاتی تبدیلیوں سے نمٹنے کے لیے مددگار ثابت ہو سکتا ہے۔

پاکستان کے وفاقی دارالحکومت اسلام آباد کی پولیس نے نور مقدم کیس کا عبوری چالان مکمل کر لیا ہے جس میں ملزم ظاہر جعفر کو سزائے موت دینے کی استدعا کی گئی ہے۔

سہیل احمد میمن گریڈ ٹو میں ایڈمن افسر کے طور پر آئل اینڈ گیس ڈویلپمنٹ کمپنی لمیٹڈ (او جی ڈی سی ایل) میں کام کر رہے تھے اور ان کی آخری پوسٹنگ پاکستان کی بڑی گیس فیلڈ کنر پشاکی میں تھی۔ البتہ گزشتہ ماہ 17 اگست کو سپریم کورٹ کا ایک فیصلہ ان پر بجلی بن کر گرا۔ اور انہیں ملازمت سے اسی روز نکال دیا گیا۔

امریکہ کے صدر جو بائیڈن آئندہ ہفتے ‘کواڈ گروپ’ میں شامل ملکوں کے سربراہان کے اجلاس کی صدارت کریں گے۔ اجلاس کا مقصد چین کے بڑھتے ہوئے اثر و رسوخ کے پیشِ نظر ایک دوسرے کے درمیان تعاون کو بڑھانا ہے۔

معروف امریکی پاپ اسٹار برٹنی اسپیئرز نے اپنے بوائے فرینڈ سیم اصغری کے ساتھ پانچ برس ڈیٹنگ کے بعد اب بالاخر اتوار کو ان سے منگنی کا اعلان کیا ہے۔

سن 1968 میں جب برطانیہ کی ورجینیا ویڈ نے یو ایس اوپن ٹینس کا ٹائٹل جیتا تھا تو ان کے وہم و گمان میں بھی نہیں تھا کہ اگلی پانچ دہائیوں تک کوئی برطانوی خاتون ٹینس کھلاڑی امریکی سرزمین پر یہ اعزاز حاصل نہیں کر پائے گی۔

پاکستان بھر میں قائم فوجی چھاؤنیوں میں ہونے والے انتخابات میں حکمراں جماعت نے مجموعی طور پر برتری حاصل کی ہے جب کہ بعض شہروں کے کنٹونمنٹ بورڈز میں اپوزیشن جماعتوں نے میدان مار لیا ہے۔

سابق ٹیسٹ کرکٹر سابق کپتان پاکستان کرکٹ ٹیم اور 1992 ورلڈ کپ کی فاتح ٹیم کے رکن رمیز راجہ بالآخر پاکستان کرکٹ بورڈ (پی سی بی) کے چیئرمین منتخب ہو گئے ہیں۔ انہوں نے یہ چارج سابق پی سی بی چیئرمین احسان مانی کی مدت ملازمت پوری ہونے کے بعد سنبھالا اور اس کی منظوری پی سی بی کے گورننگ بورڈ نے دی۔

امریکہ کے وفاقی تفتیشی ادارے (ایف بی آئی) نے نائن الیون کے حملوں میں ملوث دو سعودی ہائی جیکرز کو مدد فراہم کرنے سے متعلق خفیہ دستاویزات جاری کی ہیں۔

افغانستان میں طالبان کی عبوری حکومت کے قیام کے بعد قطر کے وزیرِ خارجہ شیخ محمد بن عبدالرحمٰن آل ثانی نے کابل کا دورہ کیا ہے اور طالبان کے وزیرِ اعظم اور اہم رہنماؤں سے ملاقات میں باہمی دلچسپی سمیت اہم امور پر تبادلۂ خیال کیا۔

روسی ٹینس اسٹار ڈینل مڈویڈیو نے عالمی نمبر ون سربیا کے اسٹار نواک جوکووچ کو یو ایس اوپن کے فائنل میں شکست دے کر پہلا گرینڈ سلیم ٹائٹل اپنے نام کر لیا ہے۔

افغان طالبان کا کہنا ہے کہ کابل کے صدارتی محل پر طالبان کا پرچم لہرا دیا گیا ہے جس کے بعد طالبان کی عبوری کابینہ نے باضابطہ طور پر کام شروع کر دیا ہے۔

امریکہ میں نائن الیون کے واقعات کے 20 برس مکمل ہونے پر القاعدہ کے سربراہ ایمن الظواہری کی ایک ویڈیو سامنے آئی ہے جس میں وہ امریکی فوج کے افغانستان سے انخلا، یروشلم اور رواں برس کے آغاز پر شام میں روسی افواج کو نشانہ بنانے کا تذکرہ کر رہے ہیں۔

امریکی وزیرِ دفاع لائیڈ آسٹن نے کہا ہے کہ امریکہ 20 برس قبل کی نسبت اب زیادہ محفوظ ہے اور اس کی دفاعی اور اہداف کو نشانہ بنانے کی صلاحیتوں میں بھی اضافہ ہوا ہے۔

دنیا میں کئی گلوکار ایسے بھی ہیں جنہوں نے لاتعداد فلمی گیت، غزلیں اور نغمے گا کر اپنے مداحوں کو محظوظ کیا جب کہ کچھ ایسے گلوکار بھی ہیں جنہوں نے کام تو کم کیا مگر آج بھی ان کے کام کو یاد کیا جاتا ہے۔

ایک حالیہ اخباری رپورٹ میں سامنے آیا ہے کہ امریکہ نے افغانستان میں انخلا کے آخری دنوں میں داعش کو نشانہ بنانے کے لیے کابل میں کیے گئے ڈرون حملے میں انتہا پسند تنظیم کے جنگجو کے بجائے مبینہ غلطی سے ایک مشتبہ امدادی کارکن کو نشانہ بنایا تھا۔

اسرائیل کی پولیس کا کہنا ہے کہ اس نے رواں ہفتے سخت سیکیورٹی والی گلبوا جیل سے فرار ہونے والے چھ فلسطینی قیدیوں میں سے چار کو دوبارہ گرفتار کر لیا ہے۔

امریکہ کے صدر جو بائیڈن نے بیس برس قبل ہونے والے نائن الیون واقعات کو یاد کرتے ہوئے قوم سے اپیل کی ہے کہ وہ وہی جذبہ ایک بار پھر پیدا کریں جو ان واقعات کے بعد نظر آیا تھا۔

افغانستان کے صوبہ پنجشیر کے مقامی ذرائع نے دعویٰ کیا ہے کہ سابق افغان نائب صدر امر اللہ صالح کے بھائی روح اللہ صالح کو طالبان نے دو روز قبل قتل کر دیا تھا۔

اقوام متحدہ کے حقوقِ انسانی کے دفتر نے افغانستان میں پرامن احتجاجی مظاہرہ کرنے والوں پر طالبان کی جانب سے سخت کارروائی کرنے کی مذمت کی ہے، اس مظاہرے میں خصوصی طور پر خواتین شامل تھیں، جو معاشرے میں خواتین کے حقوق پر طالبان کی پابندیوں کے ماحول میں اپنے حقوق کے لیے آواز بلند کر رہی ہیں۔

چین نے بدھ کے روز افغانستان کے لیے تین کروڑ 10 لاکھ ڈالر کے امدادی پیکیج کا اعلان کیا، جو کہ طالبان کی قیادت والے ملک کے لیے پہلی نئی غیر ملکی امداد ہے۔

آج جمعے کو شائع ہونے والی یونیسکو کی ایک رپورٹ کے مطابق 2001 کے بعد سے افغانستان نے تعلیمی شعبے میں ترقی کی ہے۔ لیکن اب اس ترقی سے حاصل ہونے والے اہم فوائد خطرے میں ہیں، جس کے پیش نظر تعلیم حاصل کرنے والوں بالخصوص لڑکیوں کے لیے تعلیم کے حق کو ایک ایسے موقع پر برقرار رکھنے کی ضرورت ہے، جب کہ اس ملک کو ایک انسانی بحران کا خطرہ درپیش ہے۔

آب و ہوا کی تبدیلی کے خلاف جنگ میں دو براعظموں میں ایک ساتھ کی جانے والی کوششوں میں سائنس دانوں نے ایک اہم سنگ میل عبور کرتے ہوئے ایک بہت بڑا مقناطیس تیار کیا ہے، جس سے بڑے پیمانے پر توانائی حاصل کی جا سکے گی۔

افغانستان کرکٹ ٹیم کے سٹار لیگ اسپنر راشد خان کی جانب سے ٹی ٹوئنٹی ورلڈ کپ کے لیے ٹیم کی قیادت سے دست بردار ہونے کے اعلان کے بعد اب تک یہ واضح نہیں ہے کہ آئندہ ماہ شروع ہونے والے عالمی مقابلے میں افغان ٹیم کی قیادت کون کرے گا۔

اقوامِ متحدہ کے ادارہ برائے اطفال ‘یونیسف’ کا کہنا ہے کہ کرونا وائرس کے باعث اسکولوں کی بندش کی وجہ سے پاکستان سمیت جنوبی ایشیا میں میں کروڑوں بچوں کی تعلیم کا سلسلہ متاثر ہوا ہے۔

خبر رساں ادارے ‘رائٹرز’ کے مطابق فیس بک نے اپنے اسمارٹ گلاسز معروف برانڈ ‘رے بین’ کی شراکت سے بنائے ہیں جس کی مدد سے صارفین تصاویر اور ویڈیوز بنانے کے ساتھ ساتھ اسے فیس بک ایپ کا استعمال کرتے ہوئے شیئر بھی کر سکیں گے۔

جوڈیشل کمیشن کے اجلاس میں جسٹس عائشہ ملک کو بطور جج سپریم کورٹ تعینات کرنے کے حوالے سے اتفاق رائے نہ ہونے اور اکثریتی ووٹ نہ ملنے کے باعث ان کی تعیناتی نہ ہوسکی۔ جسٹس عائشہ ملک کی تعیناتی کا معاملہ ٹائی ہوگیا اور کمیشن کے چار چار ارکان نے حق اور مخالفت میں ووٹ دیا۔

کرکٹ آسٹریلیا نے طالبان کی جانب سے خواتین کو کھیلوں کی سرگرمیوں کی اجازت نہ دینے کے عندیے پر کہا ہے کہ اگر ایسا ہوا تو افغان مینز ٹیم کے ساتھ کھیلا جانے والا تاریخی مجوزہ ٹیسٹ میچ منسوخ کر دیا جائے گا۔

گذشتہ نصف صدی میں آب و ہوا میں تبدیلیوں اور شدید موسم کی وجہ سے ہونے والی قدرتی آفات میں پانچ گنا اضافہ ہوا جن سے کم ترقی یافتہ ممالک کو سب سے زیادہ نقصان اٹھانا پڑا۔

بعض افراد شاید سمجھتے ہوں کہ نیٹ فلکس کی مشہور سیریز ‘منی ہائیسٹ’ سے قبل ‘ڈکیتی’ پر بنی فلموں یا ڈراموں کا کوئی تصور نہیں تھا۔ البتہ ایسا نہیں، ایک منظم گروہ کی کوئی ناقابلِ یقین چوری کرنا آج سے نہیں، بلکہ ہمیشہ سے ہی فلم بینوں اور فلم سازوں کے لیے دلچسپی کا موضوع رہا ہے۔

بھارت کے زیرِ انتظام کشمیر میں پولیس نے بدھ کی صبح چار مقامی صحافیوں کے گھروں پر چھاپے مار کر ان کے اور اہل خانہ کے زیرِ استعمال موبائل فونز، لیپ ٹاپس اور دستاویزات اپنی تحویل میں لے لی ہیں۔

طالبان کی جانب سے افغانستان میں عبوری حکومت کے قیام پر تاحال بھارت کی جانب سے کوئی باضابطہ ردِعمل سامنے نہیں آیا۔ البتہ بعض بھارتی تجزیہ کاروں کے بقول دنیا کے دیگر ممالک کی طرح بھارت کے لیے بھی یہ پیش رفت تشویش کا باعث ہے۔

فائل فوٹو سرینگر — بھارت کے زیرِ انتظام کشمیر کے علیحدگی پسند رہنما سید علی گیلانی کی وفات کو کئی روز گزر جانے کے باوجود اُن کی قبر پر پولیس کا پہرہ ہے اور قبرستان آنے والوں کی کڑی نگرانی کی جا رہی ہے۔ گزشتہ ہفتے بدھ کو اکیانوے برس کی عمر میں وفات پانے والے سید علی گیلانی کو سرینگر کے حیدرہ پورہ کے علاقے میں واقع قبرستان میں سپردِ خاک کیا گیا تھا۔ ان کے اہلِ خانہ نے

مائیکرو بلاگنگ ویب سائٹ ٹوئٹر پر حال ہی میں ایک نئے فیچر کی آزمائش شروع کی گئی ہے جس کے ذریعے اب صارفین کو فالوورز بلاک کرنے کے بجائے انہیں فالوور ری موو یعنی ‘اَن فالو’ کرنے کا اختیار دیا گیا ہے۔ اس ضمن میں ٹوئٹر نے منگل کو اپنے آفیشل اکاؤنٹ ‘ٹوئٹر سپورٹ’ سے ایک بیان بھی جاری کیا ہے۔ ٹوئٹر کے بیان کے مطابق ہم اپنے صارفین کی آسانی کے لیے ویب پر ایک ایسے فیچر کی آزمائش

مسافروں کی جامہ تلاشی اور سامان کی اسکیننگ نائن الیون سے پہلے بھی ہوتی تھی لیکن اس سانحے کے بعد باپندیوں میں اضافہ ہوتا چلا گیا۔(فوٹو فائل) ڈیلس — جو لوگ 11 ستمبر 2001 سے پہلے فضائی سفر کرتے رہے ہیں وہ بتا سکتے ہیں کہ اس دور کے مقابلے میں یہ سفر آج کتنا مختلف ہو چکا ہے۔ نائن الیون حملوں سے قبل بھی سیکیورٹی کے لیے اقدامات ہوتے تھے اور سامان کی تلاشی وغیرہ بھی لی جاتی تھی۔ لیکن

افغانستان سے امریکہ کے انخلا کے ایک ہفتے بعد طالبان نے اب عبوری حکومت کے قیام کا اعلان کر دیا ہے جس میں محمد احسن اخوند کو عبوری مدت کے لیے وزیرِ اعظم مقرر کیا گیا ہے۔

مادبا، اردن — آپ نے صابن، کریمز اور دیگر بیوٹی پروڈکٹس میں بکری کے دودھ کے استعمال کے بارے میں تو سنا ہی ہو گا لیکن آج ہم آپ ‘گدھی کے دودھ’ سے بنے صابن کے بارے میں بتائیں گے۔

پاکستان کو رواں مالی سال کے پہلے دو ماہ کے دوران تاریخی تجارتی خسارے کا سامنا کرنا پڑا ہے۔ ادارہ شماریات کی جانب سے جاری کردہ اعداد و شمار کے مطابق ملک میں جولائی اور اگست میں ساڑھے چار ارب ڈالرز کے لگ بھگ برآمدات کے مقابلے میں 11 ارب ڈالرز کی درآمدات ہوئیں۔ یوں تجارتی خسارہ 7 ارب ڈالرز سے بھی زیادہ کا ریکارڈ کیا گیا۔

دنیا بھر میں بہت سے ایسے حادثات و واقعات رونما ہوتے ہیں جو تاریخ کا اہم حصہ بن جاتے ہیں۔ ان واقعات پر پھر بہت سی کتابیں لکھی جاتی ہیں تو کبھی فلموں کے ذریعے ان کی منظر کشی کی جاتی ہے۔

وسطی امریکہ کا ملک ایل سیلواڈور دنیا کا پہلا ملک بن گیا ہے جس نے آن لان کرنسی بٹ کوائن کی خرید و فروخت قانونی قرار دے دی ہے۔

پاکستان میں کرونا وائرس کی شدت کے پیشِ نظر حکومت نے رواں ہفتے تعلیمی ادارے بند رکھنے کا فیصلہ کیا ہے۔ البتہ والدین اور نجی اسکول انتظامیہ کی جانب سے حکومت کے اس فیصلے پر تحفظات کا اظہار کیا جا رہا ہے۔

پاکستان کرکٹ بورڈ (پی سی بی) کے بھی انداز نرالے ہوتے ہیں جو کھلاڑی سارا سال ٹیم میں جگہ نہیں بنا پاتے، انہیں ورلڈ ٹی ٹوئنٹی کی ٹیم میں جگہ مل جاتی ہے اور جو 12 ماہ ٹیم کے ساتھ رہتے ہیں انہیں باہر کر دیا جاتا ہے۔

کشمیر پر سخت گیر مؤقف رکھنے والے علیحدگی پسند رہنما مسرت عالم بٹ کو استصوابِ رائے کی حمایتی تنظیم کل جماعت حریت کانفرنس (اے پی ایچ سی) کا چیئرمین مقرر کر دیا گیا ہے۔ چودہ ماہ قبل تک حریت کانفرنس کے اس دھڑے کے سربراہ سید علی گیلانی تھے جو چند روز قبل اکیانوے برس کی عمر میں انتقال کر گئے تھے۔

افغانستان میں دارالحکومت کابل پر اگست کے وسط میں طالبان کے کنٹرول کے بعد سے اب نئے قوانین کے تحت یونیورسٹیاں ایک بار پھر سے کھول دی گئی ہیں۔ درس و تدریس کے دوران کلاسوں میں طلبہ اور طالبات کو الگ کرنے کے لیے درمیان میں پردے یا بورڈز بھی لگائے گئے ہیں۔

افغانستان کے صوبے پنجشیر کو فتح کرنے کے طالبان کے دعوے کے باوجود مزاحمتی محاذ کے سربراہ احمد مسعود مزاحمت جاری رکھنے کے لیے پرعزم ہیں۔

افغانستان میں طالبان کے کنٹرول کے بعد جہاں حکومت سازی کے لیے مشاورت جاری رکھے ہوئے ہے وہیں طالبان کی جانب سے خطے کے دیگر ممالک کے ساتھ روابط قائم کرنے کی بھی کوشش کی جا رہی ہے۔

نئی دہلی — بھارت میں متنازع زرعی قوانین کے خلاف کئی ماہ سے سراپا احتجاج کسانوں نے اتوار کو ریاست اتر پردیش کے شہر مظفر نگر میں ریلی نکالی اور حکومت سے مذکورہ قوانین فوری طور پر واپس لینے کا مطالبہ کیا۔

”کسان مہا پنچایت“ کے نام سے نکالی گئی ریلی کو گزشتہ چند ماہ کے دوران بڑی ریلیوں میں سے ایک قرار دیا جا رہا ہے۔ ریلی میں اتر پردیش، ہریانہ، پنجاب، راجستھان، مدھیہ پردیش، مہاراشٹرا، تیلنگانہ اور دیگر ریاستوں کے کسانوں نے شرکت کی۔

ویب ڈیسک — امریکہ میں ہر سال ستمبر کے پہلے سوموار کو وفاقی اور بیشتر نجی اداروں میں عام تعطیل ہوتی ہے۔ اس دن کو منانے کا مقصد مزدوروں کی خدمات کا اعتراف اور امریکی معیشت میں ان کے کردار کو سراہانا ہوتا ہے۔ لیکن بہت سے امریکی اسے موسم گرما کے اختتام کی خوشی میں بھی مناتے ہیں۔​

کیلی فورنیا — گزرے بیس برسوں میں جیک گرینڈ کولس کبھی وہ صبح بھلا نہیں سکے۔ گھڑی میں سات بج کر تین منٹ کا وقت ہو رہا تھا۔ جیک نے بیدار ہو کر گھڑی دیکھی جس کے بعد ان کی نگاہ کھڑکی سے نظر آتے آسمان پر رک گئیں۔ جیک اس بات سے بے خبر تھے آج ان کی زندگی ہمیشہ کے لیے تبدیل ہونے والی ہے۔

آن لائن اسٹریمنگ پلیٹ فارم نیٹ فلکس ہو یا سوشل میڈیا، آج کل ہر جگہ مقبول اسپینش ویب سیریز ‘منی ہائیسٹ’ کے چرچے ہیں۔ چار برس قبل ریلیز ہونے والی اس ویب سیریز نے مداحوں کو اپنا گرویدہ بنا رکھا ہے اور وہ اس کے نئے سیزن کے بے تابی سے منتظر رہتے ہیں۔

پاکستان کرکٹ بورڈ (پی سی بی) نے تصدیق کی ہے کہ قومی کرکٹ ٹیم کے ہیڈ کوچ مصباح الحق اور بالنگ کوچ وقار یونس اپنے عہدوں سے ‘دست بردار’ ہو گئے ہیں۔ پی سی بی کا کہنا ہے کہ نیوزی لینڈ کے خلاف سیریز کے لیے ثقلین مشتاق اور عبدالرزاق بطور عبوری کوچز ذمے داریاں نبھائیں گے۔

پاکستان کرکٹ بورڈ (پی سی پی) نے ٹی ٹوئنٹی ورلڈ کپ کے لیے 15 رکنی اسکواڈ کا اعلان کر دیا ہے۔ سابق کپتان سرفراز احمد، شعیب ملک اور محمد عامر اسکواڈ میں جگہ نہ بنا سکے۔

امریکہ کی ریاست فلوریڈا کے شہر لیک لینڈ کے دو گھروں میں مسلح شخص کی فائرنگ سے چار افراد ہلاک ہوگئے ہیں۔ مرنے والوں میں ایک ماں اور ان کا تین ماہ کا بیٹا بھی شامل ہے۔

امریکہ کے وزیرِ خارجہ اینٹنی بلنکن اور وزیرِ دفاع لائیڈ آسٹن اتحادی ممالک کے ساتھ افغانستان کی صورت حال پر بات چیت کے لیے خلیج فارس اور یورپ کے الگ الگ دوروں پر اتوار کو روانہ ہو رہے ہیں۔

پاکستان کے صوبہ بلوچستان کے مرکزی شہر کوئٹہ کے نواحی علاقے میں ایک خود کش حملے میں فرنٹیئر کور (ایف سی) کے کم از کم چار اہل کار ہلاک جب کہ 16 زخمی ہو گئے ہیں۔

بھارت کے زیرِ انتظام کشمیر کی پولیس نے حال ہی میں وفات پانے والے علیحدگی پسند رہنما سید علی گیلانی کے اہلِ خانہ کے خلاف بھارت مخالف نعرے لگانے اور اُن کی میت کو پاکستانی پرچم میں لپیٹنے کے الزام میں انسدادِ دہشت گردی کی دفعات کے تحت مقدمہ درج کر لیا ہے۔

فیس بک نے کہا ہے کہ اس نے اپنے ’ٹاپک ریکمنڈیشن فیچر‘ یعنی موضوعات کی تجویز کرنے والے فیچر کو اس وجہ سے بند کر دیا ہے کیوں کہ سوشل میڈیا نیٹ ورک پر موجود ویڈیوز میں یہ فیچر سیاہ فام مردوں کی شناخت ’پرائمیٹس‘ کے طور پر کر رہا تھا۔

آن لائن پلیٹ فارم گوگل نے افغانستان کے سرکاری طور پر استعمال ہونے والے ای میل اکاؤنٹس عارضی طور پر لاک کر دیے ہیں۔ لاک کیے گئے اکاؤنٹس کی تعداد واضح نہیں ہے۔

افغانستان میں بڑھتے انسانی بحران سے نمٹنے کے لیے درکار مالی معاونت میں تیزی سے اضافہ کرنے کے لیے اقوامِ متحدہ کے سیکریٹری جنرل نے رواں ماہ اعلیٰ سطح کا اجلاس طلب کیا ہے۔

امریکہ کے صدر جو بائیڈن نے سمندری طوفان آئیڈا سے ریاست لوئزیانا میں ہونے والے نقصان کا معائنہ کرنے کے لیے ریاست کا دورہ کیا ہے۔

قانون نافذ کرنے والے ادارے ہوم لینڈ سیکیورٹی کے سیکریٹری آلے ہاندرو مے یورکاس نے کہا ہے کہ امریکہ 50 ہزار سے زائد ایسے افغان شہریوں کو اپنے ملک میں بسانے کی امید رکھتا ہے جنہوں نے افغان جنگ کے دوران امریکہ کی مدد کی تھی۔

افغانستان کے دارالحکومت کابل میں بعض طالبان جنگجوؤں کے پنجشیر کا کنٹرول سنبھالنے کے دعوے کے بعد کابل میں ہوائی فائرنگ کا سلسلہ شروع ہو گیا جس کے نتیجے میں 17 افراد ہلاک ہوئے ہیں۔