ساتویں یا شاید آٹھویں جماعت میں تصدق حسین کوثر صاحب کے لکھے ایک مضمون پرفیوم کی تیاری کو پڑھے کئی سال گزر گئے جس میں جو تفضیلات دی گئی تھیں ان کی بنیاد پر اس میں مزید معلومات کا اضافہ کر کے ”ہم سب“ کے قارئین کی خدمت میں پیش کیا جا رہا ہے : ہر سمت خوشبو بکھیرنے والے پرفیوم اور عطر بنانے کی تاریخ فراعین مصر سے چلی آ رہی یے۔ آج کے جدید دور میں بھی قیمتی

فروری، مارچ، اپریل کے بعد نمودار ہونے والا مئی کا مہینہ جہاں ملک کے بیشتر علاقوں میں گرمی کی شدید لہر لائے گا وہیں ہم وطنوں کو لوڈشیڈنگ کے بڑے عفریت سے بھی نبٹنا پڑے گا کیونکہ حکومت، واپڈا اور بجلی کی ترسیل کرنے والی کمپنیاں لوڈ شیڈنگ کے بحران سے نبردآزما ہونے کی صلاحیت سے عاری دکھائی دیتی ہیں۔ دوسری طرف بجلی کی بڑھتی ہوئی قیمتوں کو کنٹرول کرنے میں بھی حکومتی وزراء کا علم یا تو نہایت واجبی ہے یا پھر وہ اس اہم ترین معاملہ کو حل کرنے میں دلچسپی ہی نہیں رکھتے۔

اقتصادیات اور کاروبار کی خبریں دینے والے مؤقر برطانوی روزنامہ اکنامک ٹائمز نے کلکتہ انڈیا میں مقیم اپنے سینئیر اسسٹنٹ ایڈیٹر دیپجانجن رائے چوہدری (Dipanjan Roy Chaudhury) کی خیالی سٹوری کی بنیاد پر سابق آئی ایس آئی چیف لیفٹیننٹ جنرل نوید مختار پر شدید اور بے بنیاد تنقید کی ہے۔ رائے چوہدری نے لکھا ہے کہ بنگلہ دیش کے 30 دسمبر 2018 ء کے الیکشن سے پہلے آئی ایس آئی چیف جنرل نوید مختار اپنے بنگالی ایجینٹوں کی مدد سے

شکسپئیر نے کہا تھا کہ دنیا ایک اسٹیج ہے اور یہاں ہر شخص ایک فنکار ہے جو اپنا اپنا کردار ادا کرنے کے بعد اپنی ابدی منزل کی طرف روانہ ہو جاتا ہے۔ لیکن یہ بھی تو سچ ہے کہ چند کردار ایسے بھی ہوتے ہیں جو دوسروں کی خوشی کے لئے طرح طرح کے سوانگ بھرتے ہیں۔ دوسروں کے ہونٹوں پر مسکراہٹ بکھیرنے کے لئے لاکھوں جتن کرتے ہیں۔ وہ نہ تو بہت شہرت کے تمنائی ہوتے ہیں نہ

عظیم سائنسدان اسٹیفن ہاکنگ نے کہا تھا میں جو دنیا چھوڑ کے جا رہا ہوں، اس کے تین مسائل ہیں۔

پہلا پانی۔
دوسرا دنیا کو خوراک کی فراہمی۔
تیسرا گلوبل وارمنگ۔

ماہرین کے مطابق تیزی سے کم ہوتے پانی کی اگر یہی صورتحال برقرار رہتی ہے تو 2030 ء تک پانی کی کمی میں ہونے والے اضافے کی وجہ سے عالمی سطح پر استعمال ہونے والے اجناس کی مقدار میں 30 فیصد کمی واقع ہو سکتی ہے۔ اندازہ یہ بھی لگایا گیا ہے کہ 2025 ء تک دنیا کے ایک ارب 80 کروڑ افراد ایسے علاقوں میں (بشمول پاکستان) رہائش پذیر ہوں گے جہاں پانی کی کمی ہو گی جبکہ دو تہائی آبادی ایسے علاقوں میں موجود ہوگی جہاں صاف پانی میسر نہیں ہوگا۔ واضح رہے کہ اس وقت دنیا کے 780 ملین افراد صاف پانی سے محروم ہیں۔

چیف جسٹس آف پاکستان میاں ثاقب نثار پاکستان کے پانی پر انڈیا کی طرف سے ڈیم بنا کر اس کا رخ موڑنے پر انتہائی فکرمندی کا بجا اظہار کر رہے ہیں۔ یہ درست ہے کہ ڈیم بنانے، انڈیا کی طرف سے دریاؤں کا رخ موڑ کر پاکستان کو پانی سے محروم کرنے جیسے معاملات پر حکومتی حکمت عملی بنانا عدالت عظمی یا جج کا کام نہیں ہے مگر سوال یہ ہے کہ جن کا یہ کام ہے کیا وہ اپنی ذمہ داری انجام دے رہے ہیں۔

کیا اس معاملہ کے ذمہ داران کو معلوم ہے کہ انڈیا کس طرح کی خطرناک جنگ پاکستان کے ساتھ چھیڑ چکا ہے اور اس جنگ میں بھارت کو مسلسل کامیابی مل رہی ہے جب کہ پاکستان کے حکمران/ بیورکریٹس گھوڑے بیچ کر سو رہے ہیں۔ شاید انہوں نے اس غلط فہمی میں چپ سادھ رکھی ہے کہ کون سا بھارت نے پاکستان کے خلاف میدان جنگ اپنی فوج اتار دی ہے۔

اس سال کو کہاں سے شروع کیا جائے اور کہاں ختم کیا جائے۔ جیسے دستور دنیا ہے کہ آغاز کتنا ہی خوش گوار کیوں نہ ہو، اگر انجام بخیر نہ ہو تو اس سفر کو کام یاب سفر نہیں کہتے۔ سردی کی طویل راتیں، دھند اور اندھیرا اپنے دامن میں اداسی باہم مل کر ان جانا سا غم اور دکھ کے چھپے سائے لے کر آتی ہیں۔ قوموں کی زندگی بھی موسموں کی آس میں گزرتی ہے۔ قدرتی موسم انسان کے بس میں نہیں ہوتے، جب کہ قوموں کے موسم وہ خود تخلیق کیا کرتی ہیں۔ کہتے ہیں نا کہ قومیں براہ راست یا بالواسطہ مارشل لا سے نہیں جمہوریت ہی سے پنپا کرتی ہیں۔

دوسری جنگ عظیم کے بعد جاپان پر سرد ترین ایک طویل سیاہ رات مسلط کر دی گئی تھی۔ جنگ ہاری ہوئی قوموں کو اپنا وقار بحال کرنے میں دہائیاں نہیں صدیاں لگ جایا کرتی ہیں۔ دوسری عالمی جنگ میں شکست کے بعد جاپان کو بھی محکوم بنا کر ذلت آمیز شرائط ماننے پر مجبور کیا گیا؛ جس میں 1948 ء کے جاپانی آئین کی شق 9 کے تحت یہ بھی شامل تھا کہ وہ اپنی فوجی قوت کو کسی دوسرے ملک سے جنگ کے لئے استعمال نہیں کرے گا یعنی اس کی کوئی باقاعدہ فوج ہی نہیں ہو گی۔ اسی لئے جاپان کی حفاظت کی تمام ذمہ داری ان پچھلے 70 برسوں میں امریکا جاپان کے دفاع کے معاہدہ کی شق 5 کے تحت فراہم کرتا رہا ہے۔

تاریخ، پولیٹیکل سائینس سے وابستہ لوگ جانتے ہیں کہ فرانس میں 18 ویں صدی یعنی روشن خیالی کی صدی میں Montesquieu نے ریاست میں اختیارات کی تقسیم کے حوالہ سے گرجا گھروں کے کردار اور آرمی کے رول کے متعلق لکھا۔ معاشرے میں گرجا گھر اور آرمی کا یقیناً اہم کردار ہے لیکن ریاستی معاملات میں یہ کردار واضح طورپر الگ ہونا چاہیے۔ بدقسمتی سے ہم 71 سالوں سے مذہبی افلاطونوں کی جعلی اور خودساختہ توضیحات کے بدترین شکنجہ اور ملکی معاملات میں اسٹیبلشمنٹ کی مداخلت کے زیر اثر ہیں۔

آج کل ہر جگہ ٹیلی مارکیٹنگ، ای کامرس اور سائبر کسٹمر ریلیشن شپ کا بہت دوردورہ چل رہا ہے۔ راقم کا استدلال یہ ہے کہ ان سہولتوں کے آنے سے پہلے بھی تو تجارت کی دنیا قائم و دائم تھی اور ان کے آنے کے بعد بھی تجارت تو دنیا کے کسی نہ کسی خطہ میں ہر وقت چلتی ہی رہتی ہے۔ کیا ہم اتنے ہی بے بس ہو چکے ہیں کہ سیدھا سادا بزنس کرنے کی بجائے اپنے بزنس کو صرف ٹیلی فون، ای میل اور انٹرنیٹ ذرائع کے علاوہ سوچنا ممکن ہی نہیں سمجھ رہے۔ مصیبت کی بات یہ نہیں کہ ٹیلی فون، موبائل، ای میل یا انٹرنیٹ بزنس کے لئے برا ہے بلکہ مصیبت یہ ہے کہ ان ذرائع کا غلط استعمال غیر متعلقہ لوگوں کی زندگی اجیرن بنا رہا ہے۔ اس بات کی وضاحت کے لئے مثال کے طور پر اپنی زندگی کے کچھ دن پہلے گزارے ایک دن کا حال آپ کو سناتے جاؤں :۔

کراچی سے 450 کلومیٹر دور، سطح سمندر سے 5688 فٹ بلند، گورکھ ہل اسٹیشن صوبہ سندھ کے شہر دادو سے 93 کلومیٹر کے فاصلہ پر شمال مغرب کی طرف کوہ کیرتھر پر واقعہ ہے۔ گورکھ ہل اسٹیشن نہ صرف صوبہ سندھ کا بلند ترین مقام ہے بلکہ اسے آب و ہوا کے لحاظ سے پاکستان کے مشہور ترین پہاڑی تفریح گاہ مری کا ہم پلہ بھی قرار دیا جاتا ہے۔

یوں تو گورکھ ہل میں میٹھے چشمے، آبشار اور قدرتی مناظر وافر نظر آتے ہیں اور فطری خوبصورتی کے رسیا لوگ پہاڑوں کا حسن دیکھنے کے لئے اکثر وہاں جاتے ہیں لیکن اس سیاحتی مقام سے کچھ پراسرار باتیں بھی منسوب ہیں جن میں گورکھ ہل کے ویرانوں میں مقامی لوگوں کے رکھے نام ”مم“ جیسی پرسرار مخلوق کی جھلک بھی نہ جانے کتنے برسوں سے سیاحوں اور مقامی لوگوں کو کئی دفعہ نظر آ چکی ہے۔ مم نامی یہ مخلوق بن مانس سے مشابہہ اور قد کاٹھ میں انسانوں جیسی مگر ان کا جسم بالوں سے ڈھکا ہوا ہوتا ہے۔ ایسی ہی مخلوق تبت کے پہاڑوں میں یٹی (Yeti) کے نام سے اور امریکی جنگلات میں بگ فُٹ (Big Foot) کے نام سے مشہور ہے۔

بعض لوگوں کا کہنا ہے کہ یہ مخلوق انسان نما بھیڑیے کی نسل سے ہیں جو چلتے پھرتے تو بن مانس کی طرح ہیں مگر انسانوں اور جانوروں کا شکار بھیڑیے کی طرح ہی خون سونگھ کر اور چیر پھاڑ کر ان کا شکار کرتے ہیں۔ ایک داستان یہ بھی مشہور ہے کہ گورکھ ہل کا نام بھی بھیڑیے کی وجہ سے ہی پڑا کیونکہ فارسی میں بھڑئیے کو گرگ کہتے ہیں۔

تاریخ کا مسلمہ فیصلہ ہے کہ پاکستان کی تاریخ کا بدترین مارشل لاء جنرل ضیاء الحق نے 4 جولائی 1977 ء کو لگایا تھا۔ آمریت کے دلدادہ اور قابض حکمران سے وطن۔ عزیز کی جان اس وقت ہی چھوٹ سکی جب 17 اگست 1988 ء کو ایک طیارہ حادثہ میں وہ امریکی سفیر سمیت ہلاک ہوا۔

کہنے کو تو سیاسی عمل سے خائف جنرل ضیاءالحق نے آئین کا حلیہ بگاڑ کر بادل نخواستہ فروری 1985 ء میں سرکردہ سیاسی جماعتوں کے بغیر انتخابات کروا دیے تھے لیکن 29 مئی 1988 ء میں ان اسمبلیوں کو بھی شخصی اقتدار کی قربان گھاٹ پر اتار دیا گیا۔ اس للئے پاکستان کے عوام کو جمہوریت کی بحالی 11 طویل سالوں کے بدترین مارشل لاء کے بعد آج کے دن یعنی 16 نومبر کو جماعتی بنیادوں انتخابات منعقد ہونے پر ہی ملی۔ تب سے آج تک جمہوریت کی یہ گاڑی مسلسل چل ہی رہی ہے اور ہر جمہوریت پسند و آزاد منش فرد کی یہی فطری خواہش ہے کہ یہ سلسلہ چلتا ہی رہے۔

کہتے ہیں کہ آمریت کے زیر۔ اثر ایک تیزی سے ترقی کرتے ملک میں کسی بت تراش نے ایک دیوی بنائی۔ سفید مرمریں بدن پر تیکھے نقوش کھودے، قامت میں نخرا اور کاٹھ میں ایک غرور بھرا اور دیوی کو اٹھا کر بازار کے مرکزی چوک میں رکھ دیا۔

اس کی زندگی ایک پل کے نیچے چند گز کے ٹھکانہ پر مشتمل تھی جسے گھر کہنا بھی مذاق ہی تھا۔ اس نے اپنے باپ کی تو شکل ہی نہیں دیکھی تھی جبکہ ماں اپنے لئے اور اس کے لئے پیٹ کا ایندھن بھرنے کے لئے سارا دن یہاں وہاں گھومتی رہتی اور جو کچھ ملتا دونوں ماں بیٹا کھا پی کر زندگی کے دن گزار ریے تھے۔ اس کی ماں کو کہیں سے ایک ٹوٹا پھوٹا کھلونا مل گیا

گریوہٹی ڈیمز کے بارے پوچھے جانے والے سوالات کے حوالہ سے عرض ہے کہ گریویٹی ڈیم کو نارمل کنکریٹ یا پتھروں کی کنکریٹ سے اس طرح تعمیر کیا جاتا ہے کہ یہ سطحی سمت میں بہنے والے پانی کے دباؤ کو کنکریٹ میٹریل کے وزن سے روک سکے – گریویٹی ڈیم کی ڈیزائننگ میں یہ خاص طور پر خیال رکھا جاتا ہے کہ ڈیم کا ہر سیکشن متوازن اور ایک دوسرے سے آزادانہ رہتا ہے – گریویٹی ڈیموں کے لئیے

مالم جبہ سوات کے رہنے والوں کو 1970 ء کی دہائی میں آنے والا برف کا طوفان کبھی نہیں بھولے گا جب درجنوں فٹ گہری برفباری کے دوران مقامی ریڈیو سٹیشن کی کبھی کبھار چلنے والی نشریات کے دوران ہلکی بارش کی خبر پر بھی جشن منانا شروع کر دیتے تھے کیونکہ بارش سے برفباری میں کمی آتی تھی۔ سطح سمندر سے 8 ہزار 7 سو فٹ کی بلندی پر واقع مالم جبہ سوات کے حسین مقامات میں سے ایک

یہودی ماہر نفسیات ابراہام موسلو کا شمار امریکہ کی تاریخ کے نامور اساتذہ اور محققین میں ہوتا ہے۔ دوسری جنگ عظیم میں تباہی و بربادی کے بعد انسانی نفسیات پر اس کی تحقیق پڑھنے کے لائق ہے۔ موسلو نے انسانی نفسیاتی اور مادی جبلتوں کو پانچ حصوں میں تقسیم کیا ہے :۔ 1) :۔ سب سے پہلے آتی ہیں جسمانی اور جنسی ضروریات۔ روٹی، پانی اور نفسانی ضروریات کے حصول کے لئے انسان کسی حد تک بھی جا سکتا ہے

توہین مذہب کے مبینہ الزام سے 9 سال بعد رہائی پانے والی آسیہ نورین عرف آسیہ بی بی جلد کسی وقت بھی اپنے شوہر عاشق مسیح اور بیٹی ایشام عاشق کے ساتھ لندن کے لئے روانہ ہو جائے گی۔ برطانیہ کی ایک این جی او ”ایڈ ٹو دی چرچ ان نِیڈ“ (Aid To The Church in Need) نے آسیہ بی بی کے خاندان کی انگلینڈ میں رہائیش اور اس کے کیس کی پیروی کے لئے وسائل کا بندوبست کیا ہے۔

عظیم چینی فلسفی کنفیوشس سے کسی نے پوچھا تھا کہ اگر ایک قوم کے پاس تین چیزیں انصاف، معیشت اور دفاع ہوں اور بوجہ مجبوری اِن تین چیزوں میں سے کسی ایک چیز کو ترک کرنا مقصود ہو تو کس چیز کو ترک کیا جائے؟ کنفیوشس نے جواب دیا۔ دفاع کو ترک کر دو۔ سوال کرنے والے نے پھر پوچھا اگر باقی ماندہ دو چیزوں یعنی انصاف اور معیشت میں سے بھی کسی ایک کو ترک کرنا لازمی ہو تو کیا کیا جائے؟ کنفیوشس نے جواب دیا، معیشت کو چھوڑ دو۔

اس پر سوال کرنے والے نے حیرت سے کہا کہ ”معیشت اور دفاع کو ترک کیا تو قوم بھوکوں مر جائے گی اور دشمن حملہ کر دیں گے“۔ تب کنفیوشس نے جواب دیا، ”نہیں! ایسا نہیں ہو گا بلکہ

بے شک عرب حکمرانوں کو یہ شدید غلط فہمی ہے کہ امریکہ ان کا دوست ملک ہے مگر حقیقت یہی ہے کہ تیل کی دولت سے مالا مال یہ عرب ملک امریکہ کے لئے صرف دودھ دینے والی گائیں ہی ہیں۔ حتی کہ اپنی انتخابی مہم میں بھی صدر ڈونلڈ ٹرمپ کہہ چکے ہیں کہ، ”سعودی عرب ہمارے لئے ایک دودھ دینے والی گائے ہے، ہم جب بھی چاہیں گے، اس سے سونا اور ڈالر دوہیں گے اور جب اس

ضمنی انتخابات کے نتائج نے اپوزیشن کے جذبات میں حرارت پیدا کر دی ہے اور متحدہ اپوزیشن کے قیام کی طرف سیاسی جماعتوں کے اکابرین کی سرگرمیاں تیز ہو رہی ہیں۔ پارلیمنٹ میں متحدہ اپوزیشن کے قیام کے لئے ہم خیال جماعتوں کی آل پارٹیز کانفرنس بلانے اور اس میں زیادہ سے زیادہ جماعتوں کی شرکت کے لئے مولانا فضل الرحمن کو متحرک کر دیا گیا ہے جن کو آصف علی زارداری اور میاں نواز شریف کی حمایت حاصل ہے۔

جمہوریت میں موروثی سیاست کے خاتمہ کا نعرہ لگانے والی تحریک انصاف اور اس کے اتحادیوں نے عام انتخابات کے بعد ضمنی انتخابات میں قومی و صوبائی اسمبلیوں کی کل 35 نشستوں میں 17 نشستیں حاصل کیں اور ان 17 میں سے 11 نشستیں ایسی ہیں جو موروثی سیاست کے ذریعہ ہی حاصل کی گئی ہیں۔ تفضیلات کے مطابق تحریک انصاف نے ضمنی انتخابات میں 35 قومی و صوبائی اسمبلیوں کی سیٹوں میں قومی اسمبلی کی 11 نشستوں میں سے

عالمی شہرت یافتہ روسی مصنف لیو ٹالسٹائی نے ایک افسانہ ”تین سوال“ لکھا تھا جو بہت مشہور ہوا۔ اس افسانے میں بتایا گیا ہے کہ ایک بادشاہ کو ایک بار یہ خیال ذہن میں آ گیا کہ اگر اسے اپنے 3 سوالوں کے جواب معلوم ہو جائیں تو وہ کسی معاملے میں شکست نہیں کھا سکے گا اور اس کے اقتدار کو بہترین مان لیا جائے گا۔ اس کے تین سوال یہ تھے:۔ 1):۔ کسی حکمران کے لئے ہر کام

راقم کے سکول میں داروغہ والا لاہور کا بدر خلیل بھی پڑھتا تھا۔ نکلتا ہوا قد، گوری رنگت اور نیلی آنکھوں کے ساتھ وہ انگریز ہی لگتا جس نے لاہور کی دھوپ کھا کے اپنا رنگ تھوڑا جھلسا کر خود کو اور جاذب نظر بنا لیا تھا۔ لڑکا خوبصورت ہونے کے ساتھ ذہین بھی تھا اور پڑھائی میں تیز بھی تھا۔ اس سے اچھی دوستی تھی۔ کلاس میں ہم ساتھ ساتھ ہی بیٹھتے تھے اور گھر جانے کے لئے بس

راقم کے استاد محترم زیدی صاحب فرماتے ہیں کہ سیاسی مخالفت سے ذاتی دشمنی تک کا عمل ہمارے خطہ کی پرانی روایت ہے اور ابھی تک ہم اصلی جمہوری نظام کو اپنے ملک میں رائج نہیں کر سکے جہاں سیاسی اختلاف رائے کو کبھی بھی ذاتی دشمنی تک نہیں لے جاتے – کہتے ہیں کہ مولانا شمس الدین خراسان کے تھے اور خراسان میں کسی مولوی سے رنجیدہ تھے – ان مولوی صاحب کا اچانک انتقال ہوگیا ۔ مولوی صاحب

پنجاب کے سابق ”خادم اعلی“ اور موجودہ اپوزیشن لیڈر قومی اسمبلی شہباز شریف کو قومی احتساب ادارہ (نیب) نے گزشتہ روز آشیانہ ہاؤسنگ اسکینڈل میں گرفتار کر لیا تو مجھے 2012ء کے وہ لمحات یاد آئے جب نیشنل انجینئیرنگ سروسز پاکستان (نیسپاک) کے ساتھ آشیانہ قائد ہاؤسنگ اسکیم میں بنے فلیٹس نما گھروں میں مرکزی بیڈ روم کی اندرونی چھت میں پڑنے والے کریک اور اس کے اوپری منزل پر ٹھیک اسی جگہ پڑنے والے کریک کے حل کے لئے

جوناتھن آر ملر نے کہا تھا کہ، ’آپ ماضی کے لئے جواب دہ نہیں ہیں لیکن اگر آپ ہاتھ پر ہاتھ دھرے بیٹھے رہے تو آپ اس ماضی کی وجہ سے حال اور مستقبل میں وجود میں آنے والے حالات کے ذمہ داران میں ضرور شامل ہو جائیں گے۔ ‘‘ اقتصادی ماہرین کہتے ہیں کہ ملک کے گردشی قرضے تاریخ کی نئی بلند ترین سطح پر پہنچنے سے حجم 1ہزار 6 ارب (1006 ارب) روپوں تک پہنچ گیا ہے۔ ان

ملک میں پانی اور بجلی کی شدید کمی کا بڑا بحران چل رہا ہے۔ اب صرف مین اسٹریم میڈیا ہی نہیں بلکہ سوشل میڈیا بھی اس بحران کی سنگینی اور اس کے حل پر مضامین سے بھرا ہوا ہے۔ بجلی کی شدید کمی اور اس کے ممکنہ حل کے بڑے بڑے دعوی اس وقت تک تجزیہ کے مراحل سے نہیں گزر سکتے جب تک بجلی پیدا کرنے کے موجودہ اور زیر تعمیر پراجیکٹس کے بارے بنیادی معلومات نہ ہوں۔ ہم

آج کل غیر سرکاری تنظیمیں اور کچھ صحافی کٹ ذرہ Katzarah ڈیم کی تعمیر کے لئے مہم چلا رہے ہیں جسے 2007ء میں واپڈا بےشمار تکنیکی معاملات کی وجہ سے ناقابل عمل قرار دے چکی ہے جبکہ انجینئیر فتح اللہ خاں گنڈا پور (جو ارسا کے سابق چئیرمین ہیں) آج کل بھی انگریزی اخبارات میں کالم لکھ کر اس ڈیم کو بنانے کے مشورے دے رہے ہیں۔ بدقسمتی یہ ہے کہ بے بے شمار فوائد کے حامل اس ڈیم سے