مسلم لیگ (ن) کے بلامقابلہ منتخب ہونے والے سینیٹرز سعدیہ عباسی، اعظم نذیر تارڑ، پروفیسر ساجد میر، عرفان صدیقی اور ڈاکٹر افنان اللہ خان شامل ہیں۔ پانچوں امیدوار پنجاب سے نون لیگ کے ٹکٹ پر سینیٹر منتخب ہوئے ہیں۔ کس کو کیوں اور کس اہلیت اور معیار پر ٹکٹ دیا گیا اس کی تفصیل کچھ یوں ہے۔
Read more
مسلم لیگ (ن) کے قائد نواز شریف نے لندن سے پارٹی کو متحرک اور منظم کرنے کی منصوبہ بندی کرلی ہے، نواز شریف پارٹی اجلاسوں میں بذریعہ ویڈیو لنک شریک ہوں گے ۔ وہ اہم اور سینئر رہنماؤں کے ساتھ فرداً فرداً مسلسل رابطے میں رہیں گے۔ پہلے مرحلہ پر 27 فروری کو مرکزی جنرل کونسل کا اجلاس طلب کر لیا گیا ہے۔ جس میں نواز شریف بذریعہ لنک خطاب کریں گے۔ اس اہم اجلاس میں سینیٹ الیکشن اور لانگ مارچ کی حکمت عملی بارے مشاورت کی جائے گی۔
Read more
سابق وزیراعظم میر ظفر اللہ خان جمالی کی سیاسی جدوجہد نصف صدی کے لگ بھگ رہی، پہلا الیکشن 1977 میں پیپلز پارٹی کے ٹکٹ پر صوبائی اسمبلی کا لڑا جبکہ ان کی زندگی کا آخری الیکشن 2013 کا تھا جس میں آزاد حیثیت سے منتخب ہوئے اور مسلم لیگ نون میں شمولیت اختیار کی، وزیراعظم شاہد خاقان عباسی کے دور میں ختم نبوت کے معاملہ پر نون لیگی حکومت سے ناراض ہو گئے اور اسمبلی کے فلور پر استعفی دے کر سیاست کو خیرباد کہہ دیا۔
ضیا الحق کی کابینہ میں وفاقی وزیر رہے، وزیراعلی بلوچستان، کئی مرتبہ رکن قومی اسمبلی، وفاقی وزیر، سینئر اور بالآخر 2002 میں وزیراعظم منتخب ہوئے، تاہم صدر پرویز مشرف کے ساتھ اختلافات کی وجہ سے دو سال بعد وزارت عظمی کے عہدے سے ہٹا دیے گئے، بطور وزیراعظم میر ظفر اللہ جمالی انہوں نے دو اہم کارنامے انجام دیے جو جمہوری وزیراعظم کے لئے ایک مثال کے طور پر چھوڑ گئے ہیں، انہوں نے دو مرتبہ ڈکٹیٹر پرویز مشرف دوسرے لفظوں میں امریکہ کو ناراض کیا جس کی وجہ سے ان کی چھٹی ہوئی۔
Read more
مسلم لیگ (ن) نے جسٹس فائز عیسی قاضی کے خلاف ریفرنس مسترد ہونے پر صدر مملکت ڈاکٹر عارف علوی کے خلاف مواخذہ کی تحریک پیش کرنے بارے غور و خوض شروع کر دیا ہے۔ سابق سپیکر ایاز صادق کو ذمہ داری سونپی گئی ہے کہ وہ پیپلز پارٹی سمیت اپوزیشن کی دیگر جماعتوں کے ساتھ رابطہ کر کے ان کی رائے لیں تاکہ متفقہ طور پر فیصلہ کیا جاسکے، مسلم لیگ نون نے جانبداری پر سپیکر کو خط لکھنے کا فیصلہ کرتے ہوئے کہا ہے کہ اگر وہ غیر جانبدار نہ ہوئے تو پارٹی قائمہ کمیٹیوں کے علاوہ دیگر تمام سرکاری تقریبات، خصوصی کمیٹیوں کے اجلاس اور سپیکر کی دعوت پر کسی مشاورتی اجلاس میں شریک نہیں ہوگی، مسلم لیگ نون کے پارلیمانی لیڈر خواجہ آصف نے ترقیاتی فنڈز نہ ملنے پر احتجاج کی تجویز مسترد کرتے ہوئے کہا کہ ہم نے بھی اپنے اقتدار میں اپوزیشن کو فنڈز نہیں دیے تھے۔ اس لئے ہمارا احتجاج بے سود ہوگا۔
Read more
یہ بات ہر عام و خاص پر روز روشن کی واضح ہے کہ مریم نواز اسٹیبلشمنٹ کی طرف سے سیاست میں مداخلت بارے اپنے والد نواز شریف سے بھی زیادہ سخت موقف رکھتی ہیں اور اس موقف کی وہ بھاری قیمت ادا کر چکی ہیں اور مزید بھی ادا کرنے کے لئے تیار ہیں۔ قائد (ن) لیگ نواز شریف جو برادر خورد کی طرف سے کچھ یقین دہانیوں پر خاموش تھے بالآخر پھٹ پڑے ہیں، انہوں نے آل پارٹیز کانفرنس میں جو لندن سے بذریعہ ویڈیو لنک خطاب کیا ہے اس کے بعد ڈیل، ڈھیل اور مفاہمت کے تمام تر اندازے غلط ثابت ہو گئے ہیں۔
نواز شریف نے مستقبل میں بھی طاقتور اسٹیبلشمنٹ کے ساتھ کسی قسم کی ڈیل کی گنجائش نہیں چھوڑی مزید برآں یہ کہ انہوں نے جلتی پر تیل کا کام کرتے ہوئے مریم نواز کو پیپلز پارٹی کے زیراہتمام آل پارٹیز کانفرنس میں بیٹھنے کی ہدایت کی جو نون لیگ کے اندر بعض رہنماؤں کو پسند نہیں آیا بہرحال مجبوری یہ تھی کہ نواز شریف کا حکم تھا، نواز شریف کے خطاب اور مریم نواز کی اے پی سی میں شرکت سے پارٹی کے اندر مفاہمتی گروپ کو شدید زک پہنچی ہے جس کا اظہار آف دی ریکارڈ کیا جار ہا ہے تاہم کچھ دنوں تک آن دی ریکارڈ بھی سامنے آ جائے گا۔
Read more
وزیراعلی پنجاب عثمان بزدار نے ارکان قومی اسمبلی کو یقین دہانی کرائی ہے کہ کسی کا جائز کام ایک سیکنڈ کے لئے نہیں رکے گا، ارکان قومی اسمبلی کو دس دس کروڑ روپے کے ترقیاتی فنڈز فوری طور پر جاری کیے جائیں گے، میونسپل کمیٹی کو ایک کروڑ روپے گرین اینڈ کلین پنجاب کے لئے جاری کیے گئے ہیں، ٹاؤن کمیٹیوں کو 5 سے 7 کروڑ روپے دیے ہیں وزیراعلی نے کہا کہ 2 سال کے عرصے میں 7 یونیورسٹیاں، 9 چھوٹے بڑے ہسپتال بنائے ہیں، محکمہ صحت میں 25 ہزار افراد بھرتی کیے، جن میں 15 ہزار ڈاکٹرز ہیں۔
Read more
وزیراعلی پنجاب عثمان بزدار کی بوری میں ہونیوالا سوراخ بندہوگیا ہے ہر گز نہیں‘متبادل کی تلاش جاری ہے‘ جلد یا تاخیر‘ عثمان بزدار کو جانا ہے‘ یہ بات سب ہی جانتے ہیں کوئی مان رہا ہے کوئی نہیں مان رہا‘ سبھی سٹیک ہولڈرز کو پیغام دیدیا گیا ہے کہ پنجاب میں تبدیلی ناگزیر ہے تاہم فیصلہ کن قوتوں اور شخصیات کسی ایک نام پر متفق نہیں ہورہے‘ وزیراعظم عمران خان نے بھی نا چاہتے ہوئے رضامندی ظاہر کر دی ہے
Read more
تمام سیاسی جماعتیں جنوبی پنجاب، ہزارہ، بہاولپور صوبہ کا نعرہ محض سیاسی و انتخابی فائدے کے لئے لگاتی رہی ہیں۔ ووٹ لینے کے بعد سب کچھ بھول کر ہر حکومت سارا ملبہ اپوزیشن پر ڈال دیتی ہے۔ اب ایک مرتبہ پھر یہی کھیل کھیلا جا رہا ہے۔ مرکز اور پنجاب میں حکمران جماعت تحریک انصاف نے جنوبی پنجاب صوبہ کے قیام کے لئے صوبائی اسمبلی میں بل پیش کرنے کا اعلان کیا ہے۔
یہ فیصلہ لاہور میں وزیراعظم عمران خان کی زیرصدارت اجلاس میں کیا گیا جس میں وزیراعلیٰ عثمان بزدار، جنوبی پنجاب سے تعلق رکھنے والے وزرا، ارکان پارلیمنٹ نے شرکت کی، اجلاس میں طویل غور و خوض کے بعد جنوبی پنجاب صوبہ پر ”سیاست“ کرنے کا فیصلہ کیا گیا ہے اجلاس کے شرکا نے موقف اختیار کیا کہ ہم جنوبی پنجاب صوبہ کے نام پر ووٹ لے کر اقتدار میں آئے ہیں جنوبی پنجاب صوبہ محاذ نے تحریک انصاف میں ضم ہونے کا اعلان اس معاہدے پر سربراہ تحریک انصاف، وزیراعظم عمران خان کے دستخط موجود ہیں۔ اب جنوبی پنجاب کے ارکان پارلیمنٹ وفاقی و صوبائی وزرا کے لئے دو سال میں صوبہ نہ بننے بارے جواب دینا مشکل ہوچکا ہے۔ ظاہر ہے کہ آئندہ الیکشن کے لئے پھر عوام کے پاس جانا ہے۔
Read more
پاکستان تحریک انصاف نے پنجاب اسمبلی میں جنوبی پنجاب کے صوبے کے قیام کے لئے بل لانے کا فیصلہ کیا ہے، یہ فیصلہ وزیراعظم عمران خان، وزیراعلیٰ سردار عثمان بزدار کے زیر صدارت جنوبی پنجاب کے ارکان اسمبلی وزرا کے اجلاس میں کیا گیا اجلاس میں جنوبی پنجاب صوبہ کے قیام پر تفصیلی غور و خوض کیا گیا۔ جنوبی پنجاب سے تعلق رکھنے والے وفاقی و صوبائی وزرا ارکان اسمبلی نے ملتان اور بہاولپور میں سیکرٹریٹ کے قیام، 104 ارب روپے علاقے کی ترقی کے لئے مختص کرنے پر شکریہ ادا کیا۔
Read more
وزیراعلی پنجاب عثمان بزدار کی تبدیلی کیوں موخر ہوئی اس کی دو بڑی واضح وجوہات سامنے آئی ہیں، اول یہ کہ بزدار آدھے ووٹ کی اکثریت سے حکومت چلا رہے ہیں۔ وزیراعلی عثمان بزدار انتخابات 2018 کے بعد اتحادی (ق) لیگ، آزاد ارکان اور تحریک انصاف کی حمایت سے 186 ووٹوں سے سب سے بڑے صوبے کے چیف ایگزیکٹو منتخب ہوئے تھے
Read more
وزیراعظم عمران خان کا کابینہ اور بیوروکریسی کو کارکردگی دکھانے کا الٹی میٹم صرف وفاق اور مرکزی حکومت تک محدود نہیں بلکہ پنجاب حکومت کو بھی پیغام دیدیا گیا ہے کہ گڈ گورننس اور کارکردگی کو مثالی بنایا جائے بصورت دیگر وفاقی کابینہ سے کہیں زیادہ رد و بدل پنجاب کابینہ میں ہو سکتا ہے، جس میں وزیراعلی کی تبدیلی جیسا بڑا فیصلہ بھی سامنے آ سکتا ہے۔
Read more
بی این پی کے تحریک انصاف کی حکومت سے الگ ہونے کی وجوہات
بلوچستان نیشنل پارٹی کی وفاقی حکومت سے علیحدگی کے بعد صوبہ میں سیاسی جوڑ توڑ شروع ہوگیا ہے۔ اپوزیشن جماعتوں میں ایک پلیٹ فارم پر اکٹھے ہو کر جدوجہد کے لئے مشاورت کا سلسلہ جاری ہے۔ اس تناظر میں اسلام آباد میں جے یو آئی سربراہ نے بی این پی کے سربراہ سردار اختر جان مینگل سے ملاقات کی ہے دیگر جماعتوں اور قوم پرستوں، رہنماؤں میں ملاقاتیں متوقع ہیں۔ رپورٹ کے مطابق بلوچستان میں پارٹی پوزیشن کچھ اس طرح ہے۔
Read more