وکلاء گردی کی اصطلاح یونہی زبان زد عام نہیں ہوئی۔ ججوں کی مار پیٹ سے لے کر ہسپتالوں میں توڑ پھوڑ تک کے واقعات تو آپ تک میڈیا کے ذریعے پہنچتے ہی رہتے ہیں۔ معاملہ اگر یہیں تک محدود رہتا تو غنیمت تھا۔ مگر اب تو حد ہی ہو گئی۔ سب حدود پار کرتے ہوئے نوجوان وکلاء نے مرحومہ عاصمہ جہانگیر کی یاد میں منعقدہ تقریب کے دوران معزز چیف جسٹس و دیگر جج صاحبان کی موجودگی میں ببانگ دہل

لانے والے بڑے اہتمام سے لاتے ہیں اور آنے والے خراماں خراماں چلے آتے ہیں۔ حکومت نے عددی اکثریت کے بل پر سب بل منظور کروا لیے۔ عددی اکثریت کو یقینی بنانے کے لیے کیا ”بندوبست“ کیا گیا؟ یہ معاملات عموماً مؤرخ کا قلم آنے والی دہائیوں میں رقم کیا کرتا ہے۔ یا پھر کسی آشنائے راز کا ضمیر، کار دنیا سے فراغت کے برسوں میں اچانک جھرجھری لیتا ہے اور نئی پود ماضی کے ارباب بست و کشاد کے

ایک تو اس ملک میں سوال اٹھانے کے شوقین بہت ہیں۔ خود اٹھا لیے جاتے ہیں، مگر سوال اٹھانے سے باز نہیں آتے۔ اور جب ان میں سے کوئی ”اٹھا لیا“ جائے، تو بھی پوچھیں گے کہ کس نے اٹھایا؟ یعنی ناشکری کا یہ عالم ہے کہ اس پر بھی خوش نہیں کہ چلو اٹھایا گیا تھا تو ”ہلکی پھلکی سرزنش“ کر کے چھوڑ تو دیا گیا۔ اب یا تو سب کو ایک ایک مرتبہ اٹھایا جائے کہ انہیں خود

اب نواز شریف کے صاف بچ نکلنے کے بعد احتساب کے عمل سے مایوس قوم کو یقین دلایا جائے گا کہ سیاسی نظام کی تبدیلی اشد ضروری ہے۔ اس کے لیے کام شروع ہو چکا ہے اور اس وقت #باغی ہوں ایسے نظام کا۔ ٹویٹر پر ٹاپ ٹرینڈ چل رہا ہے۔ یقین مانیے جب تک قوم کا اجتماعی شعور اپنے لیے غلط اور صحیح کا فیصلہ کر کے تبدیلی لانے کا اہل نہیں ہوتا، اوپر سے تھوپا گیا کوئی نظام

اعلیٰ حضرت جناب جسٹس (ر) ثاقب نثار صاحب کہ (جن کے نام سے قبل ریٹائرڈ لکھتے ہوئے اب بھی انگلیاں کپکپا اٹھتی ہیں ) ، جنت مکانی، خلد آشیانی نے اپنے دورِعدل میں ہم عوام کو عدل و انصاف کے نئے مفہوم سے روشناس کرایا تھا۔ ہم کم فہم کہ عدل و انصاف کو ایوانِ عدل کی چاردیواری کی حد تک محدود خیال کرتے تھے۔ خدا کا کرم ہوا کہ اس نے ایک ایسی شخصیت کو مسندِ عدل پر متمکن

حیرت ہے تحریکِ انصاف کے ان نمائندوں پر جو کہ کپتان کے القاعدہ کی ٹریننگ بارے بیان کو ”سلِپ آف ٹنگ“ کہہ کر ہمارے وزیرِ اعظم کی جراءت، بے باکی اور حق گوئی کو تسلیم کرنے سے پہلوتہی کرتے نظر آتے ہیں۔ اسی راست گوئی اور حق شناسی سے متاثر ہو کر تو خان صاحب کو اس منصبِ جلیلہ کے لیے چنا گیا تھا۔ آج سے قبل ہمارے کس سیاسی لیڈر میں یہ ہمت و حوصلہ تھا کہ امریکہ بہادر

دہشتگردی کی جڑیں انتہا پسندی سے پھوٹتی ہیں۔ اور یہ ایک تلخ حقیقت ہے کہ انتہا پسندی کی بنیاد راسخ العقیدگی پر استوار ہوا کرتی ہے۔ مذہبی عقائد کے علاوہ ہمارے نظریات بھی کبھی کبھار اپنی شدّت کے باعث عقیدے کا روپ دھار لیتے ہیں۔ اپنے عقائد پر مضبوطی سے جمے رہنا جہاں ایک جانب باعثِ توصیف سمجھا جاتا ہے، تو دوسری جانب اپنی سوچ، عقائد اور نظریات کے متعلق لچک نہ رکھنا انتہا پسندانہ رویّوں کو جنم دیتا ہے۔ یہ انتہا پسندانہ رویّہ تعصب کو ابھارتا ہے۔ اور اسی تعصب کے باعث ہمارا مخالفین کے معاملے میں ردِّ عمل اس قدر شدید ہوتا ہے کہ ہم اپنے سچ کی فتح کی خاطر انسانی جان لینے سے بھی دریغ نہیں کرتے۔

جنگ کے اس ماحول میں امن و سلامتی کی باتیں کس قدر لایعنی معلوم ہوتی ہیں۔ مگر سرحد کے دونوں جانب ایسے احمق موجود ہیں جو یہ بے وقت کی راگنی گاتے نظر آتے ہیں۔ خدا خدا کر کے جنگ کا ماحول بنا ہے۔ کتنی تمنّا تھی جنگ کو اپنی ان آنکھوں سے دیکھنے کی۔ ہم سے پہلی نسل کس قدر خوش نصیب تھی کہ اسے دو جنگیں اپنی آنکھوں سے دیکھنے کا موقع ملا۔ ہم نے تو جب سے ہوش سنبھالا، صرف ان جنگوں کے واقعات سن کر ہی لہو گرمایا کیے۔

کتنے رشک سے اپنے بزرگوں کو دیکھا کرتے تھے۔ ایسا لگتا تھا کہ جنگ دیکھنے کی حسرت دل میں لیے ہی عمر بیت جائے گی۔ بڑھاپے میں اپنے بچوں اور پوتوں پوتیوں کو کیا منہ دکھائیں گے۔ لے دے کر ایک کارگل کی جنگ ہی ہمارے حصے میں آئی تھی۔ یہ بھی بھلا کیا خاک جنگ ہوئی کہ نہ تو شہری آبادی پر گولہ باری ہوئی، نہ بلیک آؤٹ کے سائرن بجے، نہ طیاروں کی زناٹے دار آوازیں فضا میں گونجیں اور نہ بھاگ کر خندقوں میں چھپنے کی نوبت آئی۔ اتنی ہومیو پیتھک قسم کی جنگ بھی کوئی جنگ ہوئی بھلا۔ ایسے میں اگر امید کی ایک کرن پھوٹی بھی تو لگے ان مردودوں کے پیٹ میں مروڑ اٹھنے لگے۔

ستم ظریفی یہ ہے کہ تحریکِ انصاف کی حکومت سوشل میڈیا سے خوف زدہ ہے۔ تحریکِ انصاف جس نے کہ سوشل میڈیا کو اپنی سیاسی جدوجہد کے دوران ایک موثر ہتھیار کے طور پر استعمال کیا، اور مخلف سیاسی جماعتوں کو اس قدر زک پہنچائی کہ یہ جماعتیں اپنے اپنے سوشل میڈیا سیل قائم کرنے پر مجبور ہو گئیں۔ آج اسی تحریکِ انصاف کی حکومت کے وزیرِ اطلاعات سوشل میڈیا کو ریگولیٹ کرنے اور اس پر کریک ڈاؤن کی نوید

خدا کا کرم ہے کہ ہمارے معاشرے میں حق و باطل کی پہچان آسان سے آسان تر ہوتی چلی جاتی ہے۔ مومن اور منافق کے مابین فرق واضح تر ہوتا چلا جاتا ہے۔ حب الوطنی اور غدّاری کے پیمانے متعیّن کر لیے گئے ہیں۔ دوست اور دشمن کی شناخت کرنا مشکل نہیں رہا۔ ایک سچا مسلمان اور محبِّ وطن پاکستانی بننے کی راہ روزِ روشن کی طرح عیاں ہے۔ حق و باطل کی اس کسوٹی پر کھرے اور کھوٹے کی

وزیرِاعظم کے انتخاب کا مرحلہ پایہء تکمیل کو پہنچا۔ حسبِ توقع عمران خان صاحب وزیرِاعظم اسلامی جمہوریہ پاکستان منتخب ہو چکے ہیں۔ ان کی یہ کامیابی اپوزیشن جماعتوں سے اب تک ہضم نہیں ہو پارہی۔ نتیجتاً ان کی تقریر سے دوران ایسا ہنگامہ برپا کیا کہ خان صاحب کو صبروتحمّل کا دامن ہاتھ سے چھوڑتے ہی بنی۔ یہ یقیناً ایک سوچی سمجھی سازش تھی۔ ایک زمانے کو علم ہے کہ نومنتخب وزیرِاعظم ایک سادہ طبیعت انسان ہیں۔ مکر و فریب

یقین مانیے تبدیلی بہت ضروری ہے۔ ایک طویل عرصے کا جمود عوام میں بے چینی پیدا کرتا ہے۔ عوام کو مطمئن رکھنے کے لیے تبدیلی آتی رہنی چاہیے۔ تبدیلی سے پیدا ہونے والی ہلچل نئی امیدوں کو جنم دیتی ہے۔ پرانے خوابوں کی تعبیر سے مایوس ہو جانے والی آنکھیں نئے سپنے سجانے لگتی ہیں۔ اور اسی طرح سسٹم چلتا رہتا ہے۔ تبدیلی ناگزیر ہو چکی تھی۔ ہمیشہ کی طرح اس مرتبہ بھی عوام کی امنگوں کا یہ بوجھ انہی

شہباز شریف کی مصلحت کوشی کسی کام نہ آئی۔ الیکشن میں عددی برتری حاصل کرنے کا خواب دیکھنے کی بجائے اگر وہ نوازشریف کے مزاحمتی بیانیے کا ساتھ دیتے تو شاید اپنی پارٹی کی عزّت کسی حد تک بچا پاتے۔ مرکز میں حکومت بنانا تو دور کی بات ہے، اب تو پنجاب کی صوبائی حکومت بھی ہاتھ سے جاتی نظر آتی ہے۔ نواز شریف اب بادشاہ گروں کے کسی کام کے نہیں رہے۔ ان کا پاکستان آ کر گرفتاری پیش

سیاسیت کی گرم بازاری، الیکش کی گہما گہمی، بد امنی کے اندیشوں اور غیر تسّلی بخش معاشی صوتحال کے باوجود محبِّ وطن حلقوں کے لیے مژدہ ہے کہ اس وقت حالات مکمّل کنٹرول میں ہیں۔ عوام النّاس کے سیاسی شعور کی ناپختگی کو مدِّ نظر رکھتے ہوئے اس بات کا قوی امکان موجود تھا کہ وہ اس مرتبہ بھی اپنے حقِ انتخاب کا استعمال کرتے وقت ملک کے وسیع تر قومی مفاد کے ادراک میں ناکام رہیں گے۔ سسٹم کی

مبارک ہو کہ ہماری ملکی سیاست شیروں اور ٹائیگرز سے ہوتی گدھوں تک آن پہنچی۔ اس سے قبل کہ گدھوں کے میدانِ سیاست میں قدم رکھنے کو خوش آئند قرار دیا جاتا، کراچی میں ہونے والے واقعے نے گدھا برادری میں سراسیمگی کی لہر دوڑا دی ہے۔ گدھے اب تک حیران ہیں کہ یہ کون گدھے تھے جنہوں نے اپنا غصّہ اپنے ہم جنس پر نکالا۔ تب سے یہ صورتحال ہے کہ جس شہر میں بھی تحریکِ انصاف کی ریلی

نگران ”عسکری“ حکومت کے بد حواسی میں کیے گئے اقدامات نے ایک عام سے شو کو بلاک بسٹر بنانے میں کوئی کسر نہیں چھوڑی۔ امید کے برعکس اس مرتبہ نوازشریف نے فرار کی بجائے مقابلہ کرنے کا راستہ اختیار کیا۔ یہ فیصلہ انتخابی نتائج پر اثرات مرتّب کر سکتا تھا مگر المیہ یہ ہے کے انتخابی سرگرمیوں کے دوران پختونخوا اور بلوچستان میں ہونے والے دہشت گردی کے واقعات ایک مرتبہ پھر انتخابات کے بروقت انعقاد کے متعلق شکوک و

میاں محمد نوازشریف نے اپنے سیاسی سفر کا آغاز آمریت کے سائے میں کیا۔ ان کے متعلق ایک عمومی تاثر یہ پایا جاتا ہے کہ وہ نازونعم میں پلے پنجاب کے لاڈلے بچے ہیں جو قید و بند کی صعوبتیں برداشت نہیں کرسکتا اوراسی لیے وہ مشرف کے ٹیک اوور کے بعد ایک ڈیل کے تحت ملک سے باہر چلے گئے تھے۔ مزاحمت کی سیاست کرنا ان کے بس کی بات نہیں۔ یوں بھی ان کا خاندانی پسِ منظر کاروباری