افغان طالبان کے ترجمان ذبیح اللہ مجاہد ہماری توقعات سے کہیں بڑھ کر معاملہ شناس نکلے۔ برادرم شاہد خان نے مترجم کے فرائض ادا نہ کئے ہوتے تو ہم پشتو میں ان کے جوابات کا مطلب سمجھ نہ پاتے۔ ذبیح اللہ مجاہد امن معاہدے کے سلسلے میں خاصے مصروف تھے بعد میں لیکن ارشاد احمد عارف صاحب اور اسد اللہ کے شو ’’کراس ٹاک ‘‘میں بھی فون پر بات کرتے رہے ان سے جو سوال ہوئے ان کے جواب میں

ذرائع ابلاغ کے ذریعے بطور قوم ہم دو طرح کے آئینی ماہرین سے مرعوب رہے ہیں۔ ایک وہ جو اے کے بروہی اور شریف الدین پیرزادہ کہلائے، فوجی آمروں کے اقدامات کو تحفظ دینے والے، آئین کی شقوں میں سے آمروں کے ہر فیصلے کی تائید تلاش کرنے کی صلاحیت سے مالا مال جو ثابت کر سکتے ہیں کہ سامنے بیٹھا کوا کالا نہیں سفید رنگ کا ہے۔ ایس ایم ظفر صاحب ان کی زندہ نشانی ہیں۔ دوسرے وہ لوگ

جیسے چندہفتے قبل ہمارے ہاں آٹے کی کمی دیکھنے میں آئی، قدیم روم میں اچانک روٹی کی قلت ہو گئی۔ شہنشاہ ڈائیکلیٹان نے پرائس سیلنگ جاری کر دی، اعلان کیا گیا کہ جس کسی نے روٹی کی مقررہ زیادہ سے زیادہ قیمت سے بڑھ کر نرخ وصول کیے اسے موت کی سزا دی جائے گی۔ درمیان کے عہد سے گزر کر ہم بیسیویں صدی میں آ جاتے ہیں۔ 1941 ء میں پرل ہاربر پر حملہ ہوا، امریکہ نے جرمنی اورجاپان

کام کی بات کی کوئی ایکسپائری ڈیٹ نہیں ہوتی۔1951ء میں تائیوان کی حکومت نے ٹیکس چوری روکنے کے لئے بعض اقدامات کئے۔ یہ تدابیر اس قدر موثر ثابت ہوئیں کہ اس بار گزشتہ سال کی نسبت تین گنا زیادہ ٹیکس جمع ہوا۔ اس سے پہلے کہ میں ٹیکس چوری کے انسداد کا تائیوانی طریقہ بتائوں چند ایسے طریقوں کی بات کر لیتے ہیں جو ٹیکس چور استعمال کرتے ہیں۔ ٹیکس چوری کا ایک معروف طریقہ کار یہ ہے کہ اپنی

اس بار ہفتہ وار چھٹی پر مستنصر حسین تارڑ صاحب سے ملنا تھا۔ دو اور دوستوں سے ملاقات طے تھی مگر سب کی مصروفیات میں ایسی تبدیلی آئی کہ میرے پاس اپنے نرسری فارم پر جانے کے سوا کوئی کام نہ رہا۔ گھر آیا اور کئی برسوں بعد ایک نشست میں دو فلمیں دیکھیں۔ دونوں فلمیں پنجابی ہیں مگر ایک پاکستان اور دوسری بھارت میں نمائش کی گئی۔ چھومنتر 1958 ء کو ریلیز ہوئی تھی اور اس میں نورجہاں، اسلم

دو ہفتے قبل تحریک انصاف کی حکومت جن خطرات کا شکار دکھائی دیتی تھی آج وہ ان خطرات سے نجات پا چکی ہے۔ بغاوت پر آمادہ اتحادی اب اپنے طرز عمل کو مشورے اور اصلاح احوال کی کوشش قرار دے رہے ہیں۔ پنجاب میں ن لیگ‘ پی پی اور ق لیگ کے بعض ارکان تو مخلوط حکومت کی صورت میں وزارت اعلیٰ‘ سپیکر شپ اور وزارتوں تک کی منصوبہ بندی کر بیٹھے تھے۔ صورت حال اس قدر تشویشناک تھی کہ

دوراہے ہمیشہ اس کے سامنے آتے ہیں جو اپنے راستے سے واقف نہیں ہوتا۔ قوم خارجہ تعلقات اور معاشی مجبوریوں سے لڑھکتی ہوئی اس سطح پر آ پہنچی ہے کہ ہمیں ایک آخری موڑ کا انتخاب کرنا ہے۔ ایک راستہ وہ ہے جو ہمیں پھر سے کرپشن کی وادیوں، جھوٹے اعداد و شمار اور قرض کی طرف لے جائے گا، بدلے میں دستار ہی نہیں اس بار سرگروی رکھنا ہوں گے۔ دوسرا راستہ تھوڑا مشکل، طویل اور پتھریلا ہے۔ طے

مسلکی سوچ نے ہمیشہ مسلمانوں کو ان شخصیات کا احترام کرنے سے روکا جو پوری امہ کے مفادات کا تحفظ کرتے ہوئے دشمن کے ہاتھوں شہید ہوئیں۔ جنرل قاسم سلیمانی کا مسلک اور عقائد اگر مجھ سے مختلف تھا تو اس کا یہ ہرگز مطلب نہیں کہ میں ان کی خدمات سے انکار کر دوں۔ مسلمان سمجھتے ہیں کہ مقدس سرزمینوں پر تمام مذاہب کا یکساں حق ہے۔ یہودی‘ عیسائی اور مسلمان ارض فلسطین کے مشترکہ وارث ہیں لیکن جب

سردی کے ساتھ یکطرفہ رومان میں مبتلا ہم اہل لاہور اس بار سردی کی جانب سے اظہار محبت کا لطف اٹھا رہے ہیں ۔سردی کسی کے گھٹنوں سے لپٹ رہی ہے تو کسی کے ماتھے پہ بوسے دے رہی ہے اور ہم ہیں کہ اس کی بے باکیوں سے شرما کر سکڑے جا رہے ہیں۔ لحاف میں دبکے بیٹھے ہیں یا ہیٹر کی قربت میں پناہ لیے ہوئے ہیں۔ لوہے کی بنی ہر چیز گویا برف کی بن چکی ہے۔

محنت اور محنت کے ٹولز بدل رہے ہیں۔ کوئی چاہے تو ڈیجیٹل پاکستان پروگرام کو تبدیلی کی علامت قرار دے سکتا ہے۔ تانیہ ایدریس کسی سیاستدان یا معروف پاور بروکر کی بیٹی نہیں، ایک عام پاکستانی خاتون ہے جس نے ٹیکنالوجی کے ذریعے ذرائع پیداوار تبدیل کرنے کی سائنس سیکھی۔ تانیہ ایدریس اور ان کی ٹیم گوگل میں اہم ذمہ داریاں ادا کرتی رہی ہے۔ گوگل کو جو لوگ نہیں جانتے وہ جان لیں کہ اس ڈیجیٹل کمپنی کا سالانہ

موسم بدلا رت گدرائی اہل جنوں بے باک ہوئے ظہیر کاشمیری کی یہ غزل تو موسم بہار کی آمد کا مضمون باندھتی ہے لیکن مجھے لگتا ہے کہ دس ماہ گرمی کی لپیٹ میں رہنے والے ہم لوگوں کے لیے سردیاں وہی لطف لاتی ہیں کہ جنون میں بے باک ہونے کو جی چاہتا ہے۔ اس بے باکی کے ساتھ ہوش ضروری ہے وگرنہ خواہ مخواہ جی چاہے گا کہ اس تصفیے کی حقیقت جانی جائے جس کے نتیجے میں

کبھی سوچا؟ ہم ،پوری قوم سنسنی خیزی کے نشے کی لت میں پڑ چکے ہیں۔ ہم میں سے کچھ لوگ اس بات پر خوشی سے پرجوش ہو جاتے ہیں کہ ہمارے گھر میں آگ لگی ہے۔ آگ لگی ہمری جھونپڑیا میں ہم گائے رے ملہار چلیں کچھ تاریخی معلومات کو دیکھتے ہیں،جس طرح برصغیر میں قدیم عمارتیں ماش کی دال، پتھر اور گارے سے تیار مرکب سے تعمیر ہوئیں اس طرح سیمنٹ کو سب سے پہلے اہل یونان نے استعمال

دنیا وہی ہے ۔ کائنات بھی وہی ہے جو ہزاروں اور لاکھوں سال سے موجود ہے۔ اس کو بدلتا دیکھنے والی آنکھ اور شعور کس چیز کو تبدیلی سمجھتے ہیں اس کا انحصار معاشرے کی عمومی سوچ پر ہے۔ کسی ایک صاحب دل کی آنکھ اورتجزیہ بسا اوقات اپنے پورے عہد کا شعور بن کر سامنے آتا ہے یا پھر پورا معاشرہ’’موت کا منظر‘‘ کا اسیر ہو سکتا ہے۔ مستقبل کی جنگوں اور قوم کی نشاۃ ثانیہ پر پیشگوئیاں کی

سیاست کتنی بے رحم ہوتی ہے۔ شیرجیسے درندے سے زیادہ۔ مولانا کیا بیچتے تھے؟ ریاستی اداروں سے ماضی کی شراکت داری کے راز‘ مدارس کے طلباء کی عقیدت و سرفروشی‘کچھ حسینوں کے خطوط اور کچھ تصاویر بتاں۔ادارے کب کسی سے بلیک میل ہوتے ہیں‘ مدارس کے طلباء کے علاوہ مارچ میں کوئی نہیں تھا۔ اسے سیاسی مارچ نہیں مدرسہ مارچ کہا جا سکتا ہے۔ چند روز قبل جس زبان سے لاکھوں کے مجمع کی بات کی جا رہی تھی وہ

تذکرہ غوثیہ حضرت سید غوث علی شاہ پانی پتی کے ملفوظات و حالات کا بیان ہے۔ اس کتاب کی تالیف حضرت کے مرید مولانا شاہ گل حسن نے کی جبکہ ترتیب مولانا اسمعیل میرٹھی نے فرمائی،بڑی سبق آموز حکایتوں سے بھر پور کتاب ہے۔ ایک حکایت ہے گرو اور اس کا چیلا سفر کرتے کرتے‘ منزلیں مارتے ایک شہر میں پہنچے۔ شہر میں ہر چیز ایک روپے کلو تھی۔ دیسی گھی اور بناسپتی گھی دونوں کی قیمت ایک روپیہ تھی۔

کہانیوں میں شہزادہ بہادر ہوتا ہے اور شہزادی ہمیشہ خوبصورت۔ باوقار‘ نرم دل اور عوام کی محبوب۔ پرنس ولیم کی والدہ پاکستانیوں کی محبوب تھیں۔ لیڈی ڈائنا نے شوکت خانم ہسپتال کے لئے فنڈز جمع کرنے میں مدد دی۔ پرنس ولیم نو آبادیاتی حکمران خاندان کے چشم و چراغ کی بجائے اپنی والدہ لیڈی ڈائنا کی نسبت سے پاکستانیوں میں مقبول ہیں جبکہ ان کی اہلیہ شہزادی کیتھرین (کیٹ مڈلٹن) نے لیڈی ڈائنا کی طرح کینسر کے مریض بچوں، ایس

سردی اترتی ہے‘ جانے آسمان کی کھڑکیوں سے کون یخ ہوائوں کو زمین زادوں کے گھر بھیج دیتا ہے۔ سردی اترتی ہے‘ تو کئی دل عشق کی گرمی سے دہکنے لگتے ہیں اور کچھ آنکھیںدہلیز پر گلیشئر ہو جاتی ہیں۔ سردی اترتی ہے تو شہر میں گرم ملبوسات کی مہنگی دکانوں پر رش بڑھ جاتا ہے۔ سردی اترتی ہے تو کئی بے لباس جسموں کو اترن کی آس آ گھیرتی ہے۔ اس بار سردی اترے گی تو ہو سکتا ہے

پنجاب یونیورسٹی میں ایم ایس سی فلم اینڈ ٹی وی کے طلباء کو گزشتہ چند برسوں سے میں ’’قومی و بین الاقوامی امور‘‘ پڑھا رہا ہوں۔ صرف ایک لیکچر رہ گیا ہے۔ سمسٹر مکمل۔ ’’ڈپلومیسی، اس کا ڈھانچہ اور اس کے مقاصد‘‘ ان فنکار طالب علموں کے لئے شاید ایسا ہی خشک موضوع ہے جیسا ہمیں ریاضی معلوم ہوا کرتا تھا۔ لیکچر مکمل ہونے پر میں نے کچھ فنی گفتگو کا فیصلہ کیا۔ میں نے پوچھا آپ میں سے کتنے

مستنصر حسین تارڑ صاحب ڈھائی ماہ کے بعد ملک واپس آ ئے ہیں۔ رات کو ان کے ہاں مدعو تھا۔ عمران خان کا خطاب شروع ہوا تو ابتدائی چند منٹ کے بعد مجھے دفتر سے تارڑ صاحب کی طرف نکلنا پڑا۔ اگلی صبح نشرر مکرر میں ساری تقریر سنی۔ عمران خان کہاں، ایک درد تھا جو لفظوں کے سیلاب میں ڈھلا اور اقوام عالم کو بہا لے گیا۔ کیا دکھ تھا جس کو عیاں نہ کیا۔ مسلم ریاستوں میں عربی

مولانا فضل الرحمان کے مارچ کو ختم نبوت سے جوڑیں یا عمران مخالف جذبات کا اظہار کہیں یہ سچ ہے کہ ریاست کو اپنی تعمیر کردہ ایک اور دیوار کو دھکا دینے کا وقت آ پہنچا۔ مولانا کا مزاج اقتدار پسندانہ ہے۔ ان کے پاس اپنی بات کہنے کے سو طریقے ہیں۔ سب سے خطرناک طریقہ مذہبی کارڈ کا استعمال ہے جو شاید پہلی بار اداروں کی مرضی کے خلاف استعمال ہو رہا ہے۔ چند ماہ قبل ایک کالم میں

نواب سعداللہ خان کا باپ بادشاہ شاہجہاں کا وزیر تھا۔ اس کی عالی شان حویلی ”حویلی میاں خاں“ کے نام سے اپنی لٹی ہوئی عظمت رفتہ کے ساتھ اب بھی لاہور میں رنگ محل کے پاس موجود ہے۔ وسیع و عریض حویلی کے اندر سینکڑوں خاندان چھوٹے چھوٹے دڑبے نما مکانوں میں رہ رہے ہیں۔ ایسے ہی ایک مکان میں نواب سعداللہ خان کی اولاد میں سے ایک کوثر شمسی کا دو ماہ پہلے انتقال ہوا۔ کوثر شمسی کے متعلق جاننے سے پہلے کچھ ذکر میاں خان کی حویلی اور باغ کا ہو جائے۔

1950ء کے عشرے یعنی آزادی کے فوری بعد جب کانگرس کی طرف سے سکھوں کے ساتھ کئے گئے وعدے پورے ہوتے نظر نہ آئے تو پنجاب کی لسانی شناخت محفوظ بنانے کے لئے مظاہروں کا سلسلہ شروع ہو گیا۔ بھارت کے سٹیٹ ری آرگنائزیشن کمشن نے شدید احتجاج کے بعد پنجابی زبان کو قومی زبانوں میں شامل کرنے کے حوالے سے سکھوں کے مطالبات تسلیم کر لئے مگر اس کے بعد مشرقی پنجاب کے وسیع علاقے کو ہما چل پردیش

اس نے کہا کہ 14مئی 1946ء کے بیان کی بنیاد پر ہم چاہتے ہیں کہ اگر سرکار برطانیہ سکھوں کو بیچ منجدھار چھوڑ کے چلی گئی تو یہ بہت بڑی ناانصافی ہو گی‘‘ اس ملاقات میں کرتار سنگھ نے تجویز دی کہ پنجاب کے دو حصے کر کے انہیں اختیار دیدیاجائے کہ وہ جب چاہیں نئے آئین سے علیحدہ ہو سکیں۔ گیانی کرتار سنگھ نے اس موقع پر ایک سکھ ریاست کے کچھ خدوخال بھی گورنر کے سامنے رکھے۔ اس

دس روز قبل انگریزی کے ایک اخبار نے خبر دی کہ امریکہ اور طالبان انخلا کے معاہدے پر متفق ہو گئے ہیں۔ ایسی ہی کچھ باتیں حساس اطلاعات تک رسائی والے مبصرین کر رہے تھے‘ افغانستان کے تنازعے پر مذاکرات کے آٹھ مرحلے ہو چکے تھے ان مذاکراتی ادوار میں جو پیشرفت ہوئی ہم اسے بھی زیر بحث لاتے رہے ہیں۔ امریکہ اور طالبان کا آٹھواں دور بہت اہم شمار ہو رہا تھا۔ امید تھی کہ اس بار معاہدے پر

پنجاب کی سانجھ اس کے پانچ دریا اور چھ بابے ہیں۔ بابا فرید‘ شاہ حسین‘ بلھے شاہ‘ سلطان باہو ‘ میاں محمد بخش اور وارث شاہ۔ وارث شاہ نے اپنی زندگی میں قصہ ہیر رانجھا کے علاوہ کچھ اور لکھا ہے تو میرے علم میں نہیں۔ انہوں نے ہیر لکھ کر پنجاب کی زبان ‘ اقدار اور ثقافت کے کئی ابدی رخ اجاگر کر دیے۔ یہ قصہ سیدھا چلنے والے اور سکھ کے ساتھ زندگی گزارنے کی آرزو کرنے والوں

کیا یہ دنیا سیاستدانوں نے بنائی ہے؟ آپ حمورابی‘ افلاطون‘ پنڈت چانکیہ ‘ روسو اور ہمارے عہد کے نوم چومسکی اور ہنری کسنجر جیسے فلسفیوں تک کو پڑھے ہوں گے۔ پھر بتائیے کیا یہ دنیا سیاسی مفکرین نے بنائی ہے؟ ہم جس دنیا میں رہتے ہیں اسے بادشاہوں اور شاعروں نے بنایا ہے۔ شاعر خواب دیکھتا ہے۔ بادشاہ خواب پورے کرتا ہے۔ بادشاہ کے خواب جنگ میں غلبہ حکومت‘ طاقت اور مال و زر میں اضافہ سے متعلق ہوتے ہیں۔

مولانا فضل الرحمن‘ بلاول بھٹو زرداری اور مریم نواز جن دو باتوں پر متفق ہوئے ان میں سے ایک چیئرمین سینٹ صادق سنجرانی کو ہٹانا اور دوسری وفاقی بجٹ قومی اسمبلی میں منظور نہ ہونے دینا تھا۔ ایک حکمت عملی اختیار کی گئی۔ جو پی ٹی آئی رکن کسی وجہ سے اپنے عہدے سے ہٹایا گیا یا تبدیل کیا گیا اس سے ہمدردی کی آڑ میں اسے عمران خان سے بیزار کرنے کی کوشش کی گئی۔ بلاول بھٹو نے فواد