سماجی رابطوں کی معروف ویب سائٹ ‘فیس بک’ نے کہا ہے کہ وہ 2020 کے امریکی انتخابات کے دوران امیدواروں کے وقت سے پہلے کامیابی کے اعلان، سرکاری نتائج تسلیم کرنے سے انکار اور ووٹرز کو ڈرانے دھمکانے جیسے عوامل سے نمٹنے کے لیے سیاسی اشتہارات پر الیکشن کے بعد ایک ہفتے کے لیے پابندی عائد کر دے گا۔
Read more
امریکی حکام کا کہنا ہے کہ برطانیہ سے تعلق رکھنے والے داعش کے دو شدت پسندوں کو امریکی شہریوں کو قتل کرنے کے الزامات کے تحت فردِ جرم عائد کر دی ہے۔
حکام کا کہنا ہے کہ امریکی اٹارنی جنرل ولیم بر کی برطانیہ کو اس یقین دہانی کے بعد ملزمان کی امریکہ منتقلی ممکن ہوئی کہ اُنہیں سزائے موت نہیں دی جائے گی۔
Read more
امریکہ کے صدر ڈونلڈ ٹرمپ نے کہا ہے کہ رواں برس کرسمس تک امریکہ کی تمام فوج افغانستان سے واپس اپنے ملک آجانی چاہیے۔
صدر ٹرمپ نے یہ بات جمعرات کو اپنے ایک ٹویٹ میں کی۔ انہوں نے یہ ٹویٹ ایسے موقع پر کی ہے جب امریکہ کے قومی سلامتی کے مشیر نے چند گھنٹے قبل ہی کہا تھا کہ امریکہ آئندہ برس کے اوائل تک افغانستان میں اپنی فوجیوں کی تعداد 2500 تک گھٹا دے گا۔
Read more
امریکہ کی دونوں بڑی سیاسی جماعتوں ری پبلکن اور ڈیموکریٹک پارٹی کے نائب صدارتی امیدواروں کے درمیان بدھ کو صدارتی مباحثہ ہوا۔ اس مباحثے میں دونوں امیدواروں نے بیشتر وقت کرونا وائرس اور اس سے نمٹنے کی حکمتِ عملی پر ہی صرف کیا۔
Read more
امریکہ کی فوڈ اور ڈرگ انتظامیہ (ایف ڈی اے ) نے کووڈ۔ 19 ویکسین کے استعمال کی اجازت کے لیے نئے رہنما اصول جاری کیے ہیں جس کے تحت دوا ساز کمپنیوں کی طرف سے آخری مرحلے کی جانچ کے دوران رضاکار کو اس ویکسین کی دوسری اور آخری خوراک دیے جانے کے بعد ان کی کم سے کم دو ماہ تک نگرانی کرنا لازمی قرار دیا گیا ہے۔
Read more
نئی دہلی: بھارت کی ریاست اتر پردیش کے ضلع ہاتھرس میں گینگ ریپ کے بعد 19 سالہ لڑکی کی ہلاکت کا معاملہ بھارت میں موضوع بحث بنا ہوا ہے۔ اترپردیش کی پولیس نے ہاتھرس جانے والے ایک صحافی سمیت چار افراد کو حراست میں لے لیا ہے جس پر صحافتی ادارے اور سول سوسائٹی کی تنظیمیں سراپا احتجاج ہیں۔
حراست میں لیے جانے والوں میں ریاست کیرالہ کی ایک معروف ویب سائٹ کے دہلی میں تعینات نمائندے صدیق کپن بھی شامل ہے۔ اتر پردیش حکومت نے الزام لگایا ہے کہ مذکورہ صحافی کا تعلق ‘پاپولر فرنٹ آف انڈیا’ نامی تنظیم سے ہے جس پر ریاستی حکومت پابندی لگانے کی خواہاں ہے۔
Read more
کراچی کے ساحل پر عام طور ہر تعطیل پر رش ہوتا ہے۔ لیکن یہ تفریحی مقام صرف انہیں دنوں میں نہیں بلکہ عام دنوں میں بھی خبروں کا حصہ ہوتا ہے۔
ساحل پر آلودگی کے باعث مختلف سماجی تنظیمیں اس کی صفائی کا کام کرتی رہتی ہیں۔ البتہ ساحل کا بڑا حصہ، جہاں سیر و تفریح کے لیے لوگوں کا آنا جانا لگا رہتا ہے، کلفٹن کنٹونمنٹ بورڈ کی حدود میں ہے۔
ورلڈ وائلڈ لائف فنڈ (ڈبلیو ڈبلیو ایف) پاکستان کے ٹیکنیکل ایڈوائزر معظم خان کے مطابق کراچی کے ساحل پر اس وقت آنے والا کچرا زیادہ تر وہ ہے جو بارش کے ذریعے بہہ کر سمندر میں چلا جاتا ہے۔
Read more
فرانسیسی خاتون سائنس دان ایمانوئیل چارپینٹیئر اور امریکی ماہر جینیفر اے ڈوڈنا کو ’جینوم ایڈیٹنگ‘ کا ایک طریقہ دریافت کرنے پر کیمسٹری کے نوبل انعام کا فاتح قرار دیا گیا ہے۔
بدھ کو اپنے اعلان میں نوبل جیوری نے کہا کہ اس طریقے کی بدولت محققین جانوروں اور پودوں کا ڈی این اے بھی تبدیل کر سکتے ہیں اور اس کے ذریعے والدین سے بچوں میں جینیاتی بیماریوں کی منتقلی بھی روکی جا سکتی ہے۔
اسلام آباد، پاکستان کے وزیرِ اعظم کے مشیر تجارت عبدالرزاق داؤد نے کہا ہے کہ پاکستان بھارت کی طرف سے یورپی یونین میں باسمتی چاول کو جغرافیائی طور پر بھارت کے ساتھ مخصوص کرنے کی درخواست کی بھرپور مخالفت کرے گا۔
یاد رہے کہ یورپی یونین نے 11 ستمبر کو ایک اعلامیے میں بتایا تھا کہ نئی دہلی نے باسمتی چاول کو بھارت کی پیداوار قرار دینے کی درخواست دی ہے۔
پاکستان سمیت کئی دیگر متعلقہ اسٹیک ہولڈرز بھارت کی طرف سے جیوگرافگ انڈیکشین کے قواعد و ضوابط کے تحت باسمتی چاول کو اپنی پیدوار قرار دینے کے دعوے کے جواب میں آئندہ تین ماہ کے اندر اپنے اپنے مؤقف سے یورپی یونین کو آگاہ کر سکتے ہیں۔
Read more
ڈیمو کریٹک پارٹی کے صدارتی امیدوار جو بائیڈن نے کہا ہے کہ اگر صدر ڈونلڈ ٹرمپ کرونا سے اب تک متاثر ہیں تو آئندہ ہفتے شیڈول صدارتی مباحثہ نہیں ہونا چاہیے۔ دوسری جانب صدر ٹرمپ اس بات پر مصر ہیں کہ وہ مباحثے میں شرکت کریں گے۔
Read more
امریکہ میں اس سال تین نومبر کو ہونے والے صدارتی انتخابات سے قبل ریکارڈ 40 لاکھ ووٹرز نے ووٹ کا حق استعمال کر لیا ہے، جس کے بعد امکان ظاہر کیا جا رہا ہے کہ صدارتی انتخابات میں ووٹ ڈالنے کی ریکارڈ شرح ہو سکتی ہے۔
Read more
کرونا وائرس کی عالمی وبا کے باعث متعدد بڑے فلم ساز اداروں کی فلموں کی ریلیز تاخیر کا شکار ہے۔ ان فلموں کی فہرست میں اب ‘جراسک ورلڈ’ کے سیکوئل کا بھی اضافہ ہو گیا ہے۔
Read more
امریکہ کی فوج کے چیئرمین جوائنٹ چیفس آف اسٹاف جنرل مارک ملے سمیت دیگر اعلیٰ افسران نے کرونا وائرس کی احتیاط کے پیشِ نظر خود کو قرنطینہ کر لیا ہے جب کہ وائٹ ہاؤس کے سینئر مشیر اسٹیفن ملر کا ٹیسٹ مثبت آیا ہے۔
پینٹاگون کے حکام نے تصدیق کی ہے کہ جنرل مارک ملے وائس چیئرمین جنرل جان ہیٹن اور دیگر اعلیٰ فوجی افسران نے گزشتہ ہفتے کوسٹ گارڈ کے وائس کمانڈنٹ ایڈمرل چارلس رے کے ساتھ ایک اجلاس میں شرکت کی تھی جن کا کرونا ٹیسٹ مثبت آیا تھا۔
Read more
ایک حالیہ سروے سے پتا چلا ہے کہ 18 سے 24 سال کی عمروں کے ہر 10 میں سے چار عرب نوجوان اپنا آبائی وطن چھوڑ کر دوسرے ملکوں میں آباد ہونے کے خواہش مند ہیں۔
سترہ عرب ملکوں میں کرائے گئے ایک سروے میں 4000 نوجوانوں کے انٹرویوز کیے گئے، جس کے نتائج کا اعلان چھ اکتوبر کو کیا گیا ہے۔
Read more
رواں سال طبعیات کا نوبل انعام مشترکہ طور بر برطانیہ، جرمنی اور امریکہ کے سائنس دانوں کو دیا گیا ہے جنہوں نے بلیک ہول سے متعلق تحقیق کے دوران اہم انکشافات کیے تھے۔ ان سائنس دانوں میں برطانیہ کے روجر پینروز، جرمنی کے رین ہارڈ گینزل اور امریکہ سے تعلق رکھنے والی خاتون سائنس دان اینڈریا گیز شامل ہیں۔
Read more
عالمی طاقتوں کی اپیل کے باوجود آذربائیجان اور آرمینیا کے درمیان ناگورونو کاراباخ کے تنازع پر جاری جھڑپوں کے دوران شہری آبادی کو بھی نشانہ بنایا جا رہا ہے جس کے بعد امریکہ، فرانس اور روس نے ایک مرتبہ پھر دونوں ملکوں سے غیر مشروط جنگ بندی کی اپیل کی ہے۔
کاباراخ کی علیحدگی پسند فورسز کا کہنا ہے کہ دارالحکومت اسٹیپنے کرٹ پر آذربائیجان کی جانب سے دوبارہ بھاری ہتھیاروں سے گولہ باری کی جا رہی ہے۔
Read more
نئی دہلی۔ بھارت میں ان دنوں 19 سالہ خاتون کے ساتھ گینگ ریپ کے افسوس ناک واقعے کی انسانی حقوق اور غیر سرکاری تنظیموں کے علاوہ سیاسی جماعتوں کی جانب سے بھی مذمت کا سلسلہ جاری ہے۔ اس معاملے پر سپریم کورٹ نے بھی منگل کو سماعت کی اور ریاستی حکومت سے جواب طلب کر لیا ہے۔
Read more
عالمی ادارہ صحت (ڈبلیو ایچ او) نے کہا ہے کہ ہو سکتا ہے کہ دنیا کی 10 فی صد آبادی کرونا وائرس سے متاثر ہو چکی ہو۔
عالمی ادارہ صحت کے ہیلتھ ایمرجنسی پروگرام کے سربراہ مائیک ریان نے پیر کو ایک بیان میں کہا کہ ایجنسی کے اندازے کے مطابق اس وقت تک دنیا میں 76 کروڑ افراد کرونا وائرس سے متاثر ہو چکے ہیں۔
Read more
افغانستان کی قومی مفاہمت کی اعلیٰ کونسل کے سربراہ عبداللہ عبداللہ چار روزہ دورے پر منگل کو بھارت پہنچ گئے ہیں۔ اطلاعات کے مطابق وہ افغان امن عمل میں بھارت کی حمایت حاصل کرنے اور بھارت کو طالبان سے مذاکرات کے لیے آمادہ کرنے کی کوشش کریں گے۔
خیال رہے کہ امریکہ اور افغان حکومت کی جانب سے طالبان کے ساتھ مذاکرات کے باوجود بھارت طالبان سے مذاکرات سے انکار کرتا رہا ہے۔
Read more
بالی وڈ کے ہیرو اجے دیوگن کے ساتھ فلم ’سنگم‘ میں کام کر کے شہرت حاصل کرنے والی اداکارہ کاجل اگروال بھی پیا دیس سدھارنے والی ہیں۔
انہوں نے اپنے انسٹاگرام پوسٹ میں اس بات کی تصدیق کرتے ہوئے لکھا ہے کہ وہ 30 اکتوبر کو ممبئی کے ایک تاجر گوتم کچلو سے شادی کرنے والی ہیں۔
Read more
تین نومبر کے انتخابات سے قبل امریکہ کی دونوں بڑی جماعتوں کی جانب سے نائب صدارت کے نامزد امیدواروں کے درمیان واحد مباحثہ بدھ کو ریاست یوٹا کے شہرسالٹ لیک سٹی میں ہو گا۔
نائب صدر مائیک پینس اور ڈیموکریٹک امیدوار کاملا ہیرس کے درمیان سات اکتوبر کو ہونے والا مباحثہ کئی حوالوں سے اہم ہے۔
Read more
پاکستان میں موسم کی تبدیلی کے ساتھ کرونا وائرس کے کیسز کی تعداد میں ایک مرتبہ پھر اضافہ ہونے لگا ہے۔ اس اضافے کو روکنے کے لیے پاکستان کے زیر انتظام کشمیر سمیت مختلف شہروں میں اسمارٹ لاک ڈاؤن کا بھی آغاز ہو گیا ہے۔
Read more
کرونا وائرس کے شکار امریکہ کے صدر ڈونلڈ ٹرمپ کی صحت میں بہتری آ رہی ہے اور انہیں اسپتال سے وائٹ ہاؤس منتقل کر دیا گیا ہے۔
صدر ٹرمپ واشنگٹن کے فوجی اسپتال میں 72 گھنٹے تک زیر علاج رہنے کے بعد جمعے کو وائٹ ہاؤس پہنچے تو وہاں موجود افراد نے ان کا استقبال کیا۔
Read more
امریکی محققین ہاروی آلٹر، چارلس رائس اور برطانوی محقق مائیکل ہوٹن نے طب کا نوبل انعام برائے 2020 جیت لیا ہے۔ نوبل جیوری کے مطابق انہیں یہ اعزاز پیر کو ہیپاٹائٹس سی وائرس کی دریافت پر دیا گیا ہے۔
Read more
امریکہ کی طرف سے 2018 کے اوائل میں پاکستان کی فوجی امداد معطل کیے جانے کے باوجود امریکی ادارہ برائے بین الاقوامی ترقی (یو ایس ایڈ) پاکستان کے لیے 2010 میں منظور کردہ چار ارب 30 کروڑ ڈالر کی اقتصادی امداد میں سے تین ارب 40 کروڑ ڈالر دے چکا ہے۔
Read more
امریکہ میں اس وقت انتخابی مہم زور و شور سے جاری ہے اور کرونا بحران کی بندشوں کے باوجود تین نومبر کا الیکشن قومی توجہ کا مرکز بنا ہوا ہے۔
انتخاب میں جہاں کروڑوں امریکی ووٹرز اپنا حقِ رائے دہی استعمال کرنے کے لیے پرجوش ہیں، وہیں لاکھوں امریکی شہری مختلف وجوہات کی بنیاد پر ووٹ کا حق استعمال نہیں کر سکتے۔
بعض تجزیہ کار ایسے امریکیوں کو ‘خاموش شہری’ کہتے ہیں کیوں کہ وہ دیگر ہم وطنوں کی طرح جمہوری عمل میں ووٹ کا بنیادی حق استعمال نہیں کر پاتے۔
Read more
شام کے صدر بشارالاسد کا کہنا ہے کہ ان کے ملک میں روسی فوجی اڈے مغربی طاقتوں کے دباؤ کو روکنے میں مددگار اور خطے میں طاقت کا توازن قائم رکھے ہوئے ہیں۔
شام میں روسی مداخلت کے پانچ برس مکمل ہونے کے موقع پر ایک روسی چینل کو دیے گئے انٹرویو میں بشار الاسد نے کہا کہ عالمی سطح پر طاقت کا توازن برقرار رکھنے کے لیے روس کا کردار اہم ہے۔ اس کے نیول اور ائر بیسز کی وجہ سے خطے میں امریکی اثر و رسوخ کا مقابلہ کرنے میں مدد ملی ہے۔
آرمینیا اور آذربائیجان کے درمیان ایک ہفتے سے جاری مسلح جھڑپوں کے باعث اب تک درجنوں افراد ہلاک ہو چکے ہیں جن میں عام شہری بھی شامل ہیں۔
دونوں اطراف سے بھاری ہتھیاروں اور ٹینکوں سے ہونے والی گولہ باری کے باعث حالیہ جنگ کی وجہ بننے والے علاقے ناگورنو کاراباخ کا ایک گرجا گھر لوگوں کے لیے اب ایک پناہ گاہ بن چکا ہے۔
Read more
نیوزی لینڈ میں رواں ماہ رگبی کا میچ تماشائیوں سے بھرے گراؤنڈ میں ہو گا۔ اس بات کا اعلان پیر کو رگبی کی انتظامیہ نے کیا ہے۔
نیوزی لینڈ کی وزیر اعظم جیسنڈا آرڈرن نے پیر کو ملک میں کرونا کو شکست دینے اور آکلینڈ میں کرونا وائرس کے باعث عائد پابندیوں کے خاتمے کا اعلان کیا ہے۔
وزیر اعظم جیسنڈا کے اعلان کے بعد نیوزی لینڈ رگبی (این زیڈ آر) نے اپنے بیان میں اس اعلان کو خوش آئند قرار دیتے ہوئے رواں ماہ ہی رگبی کا ایک میچ تماشائیوں کی موجودگی میں کرانے کا اعلان کیا ہے۔
Read more
نیوزی لینڈ کی وزیرِ اعظم جیسنڈا آرڈرن نے اعلان کیا ہے کہ اُن کے ملک نے کرونا وائرس کو دوسری مرتبہ شکست دے دی ہے۔
وزیرِ اعظم جیسنڈا نے پیر کو اپنے ایک بیان میں کہا کہ حکومت نے وائرس کو دوبارہ پھیلنے سے روکنے کی لڑائی میں وبا کو شکست دے دی ہے جس کے بعد ملک کے سب سے بڑے شہر آکلینڈ سے پابندیاں اٹھا لی ہیں۔ وزیرِ اعظم جیسنڈا نے شہریوں کو پابندیوں پر عمل درآمد کرنے پر مبارک باد بھی دی۔
Read more
ہالی وڈ کی کئی فلموں کی طرح جیمز بانڈ کی نئی فلم ‘نو ٹائم ٹو ڈائی’ بھی تاخیر کا شکار ہو گئی ہے جس کے بعد بڑی سنیما چین ‘سنے ورلڈ’ نے امریکہ اور برطانیہ میں واقع اپنے تمام تھیٹرز بند کرنے کا عندیہ دیا ہے۔
Read more
کرونا وائرس کے شکار ہونے والے امریکہ کے صدر ڈونلڈ ٹرمپ واشنگٹن کے والٹر ریڈ نیشنل ملٹری میڈیکل سینٹر میں زیرِ علاج ہیں جہاں امریکی نیوی کے کمانڈر ڈاکٹر سین کونلے کی سربراہی میں ڈاکٹروں کی ایک ٹیم اُن کا علاج کر رہی ہے۔
Read more
عام حالات میں پریشانیوں سے نمٹنے کے دوران ہنسی مزاح کا اپنانا ایک مثبت رویہ تصور کیا جاتا ہے لیکن کرونا کے طول پکڑتے ہوئے بحران میں قہقہے کسی طبی نسخے سے کم نہیں۔
اگرچہ کرونا کے خلاف کوئی مؤثر دوا تو دریافت نہیں ہوئی لیکن ڈاکٹروں، ماہرینِ صحت اور میڈیکل اسٹاف کی اکثریت اس بات پر یقین رکھتی ہے کہ ذہنی دباؤ اور تناؤ کی کیفیت سے نکلنے میں قہقہے لگانا بہت اہم ہے۔
Read more
امریکہ میں صحت عامہ کے امور کے نگران ادارے ’سینٹرز فار ڈیزیز کنٹرول‘ (سی ڈی سی) نے رواں ماہ جاری کی جانے والی رپورٹ میں انکشاف کیا ہے کہ ملک میں کرونا وبا کے دوران خواتین نے گزشتہ سال کے مقابلے میں زیادہ شراب پی۔
Read more
کرونا وائرس کی تشخیص کے بعد اسپتال میں زیر علاج امریکہ کے صدر ڈونلڈ ٹرمپ نے کہا ہے کہ اب وہ بہتر محسوس کر رہے ہیں اور بہت جلد واپس آئیں گے۔
Read more
امریکہ کے ٹرانسپورٹیشن ڈپارٹمنٹ نے ایمرٹس ائر لائن پر چار لاکھ ڈالر کا جرمانہ عائد کیا ہے۔ متحدہ عرب امارات کی ائر لائن پر الزام ہے کہ اس نے اپنے مسافر طیاروں کو گزشتہ سال ایک ایسے وقت میں ایران کی فضائی حدود سے گزرنے کی اجازت دی تھی جب امریکہ اور ایران کے درمیان سیاسی کشیدگی عروج پر تھی۔
Read more
امریکہ میں آئندہ ماہ ہونے والے صدارتی انتخابات میں ڈیموکریٹک امیدوار جو بائیڈن نے کہا ہے کہ صدر ٹرمپ میں کرونا وائرس کی تشخیص سے یہ ثابت ہو گیا ہے کہ عالمی وبا کے دوران عوام کے سامنے خود کو مضبوط ظاہر کرنے سے زیادہ اہم انہیں ماسک پہننے کی تلقین کرنا ہے۔
Read more
سعودی عرب کی حکومت کے مطابق اس کی معیشت رواں برس کی دوسری سہ ماہی میں گزشتہ سال کی اسی مدت کے مقابلے میں سات فی صد تک سکڑ گئی ہے اور بے روزگاری کی سطح بھی ریکارڈ بلندی کو چھو رہی ہے۔
Read more
امریکی خلائی ادارے ناسا نے بین الاقوامی خلائی اسٹیشن اور چاند پر استعمال کے لیے ایک جدید ترین ٹائلٹ تیار کیا ہے۔ یہ خصوصی ٹائلٹ قیمتی دھات ٹائیٹینیم سے بنایا گیا ہے۔
نئے ٹائلٹ میں ان خامیوں کو دور کرنے کی کوشش کی گئی ہے جو اس سے قبل کے خلائی ٹائلٹس میں موجود تھیں۔ ٹائلٹ کو قیمتی دھات سے بنانے کا مقصد اسے ممکنہ کیمیائی تبدیلیوں سے محفوظ بنانا ہے۔
Read more
امریکہ کے صدر ڈونلڈ ٹرمپ کے کرونا وائرس سے متاثر ہونے کی تصدیق کے بعد انہیں جمعے کی شام اسپتال منتقل کر دیا گیا ہے۔ وہ اپنے صدارتی فرائض اسپتال سے ہی سر انجام دے رہے ہیں۔
اسپتال سے انہوں نے اپنے ٹوئٹ میں سب کا شکریہ ادا کرتے ہوئے کہا ہے کہ میرا خیال ہے کہ سب ٹھیک چل رہا ہے۔
Read more
پاکستان کے سابق وزیر اعظم نواز شریف کے حالیہ بیانات سے حکومتی اور سیاسی حلقوں میں ایک نئی بحث شروع ہو گئی ہے جس کے بعد عمران خان کے ایک انٹرویو نے اس بحث کو مزید پروان چڑھا دیا ہے۔
تجزیہ کاروں کے مطابق ایسی صورت حال میں حکومت اور حزب اختلاف کی سیاسی جماعتوں کو احتیاط سے کام لینا چاہیے۔ کیوں کہ ٹکراؤ کی صورت میں نقصان پاکستان کا ہی ہو گا۔
کرونا وائرس کو پھیلنے سے روکنے کے لیے جو احتیاطی تدابیر وضع کی گئی ہیں۔ ان میں ایک فرد سے دوسرے کے درمیان چھ فٹ کا فاصلہ رکھنا بھی شامل ہے۔ لیکن کیا چھ فٹ دور رہنے سے لوگ وائرس سے محفوظ ہو جاتے ہیں؟
ماہرین اس سوال کا جواب نفی میں دیتے ہیں۔ ان کا کہنا ہے کہ فضا میں تیرتے ہوئے ایسے ننھے آبی قطرے، جو وائرس کو ایک فرد سے دوسرے فرد تک پہنچانے کا سبب بنتے ہیں، چھ فٹ سے زیادہ فاصلہ بھی طے کر سکتے ہیں۔
Read more
فرانسیسی صدر ایمانوئل میخوان نے ترکی پر آذربائیجان میں جہادی بھیجنے کا الزام لگاتے ہوئے مغربی ملکوں کے فوجی اتحاد (نیٹو) سے مطالبہ کیا ہے کہ وہ ترکی سے جواب طلبی کرے۔
بیلجیم کے دارالحکومت برسلز میں جمعے کو یورپی ملکوں کے رہنماؤں کے اجلاس کے بعد بات کرتے ہوئے فرانسیسی صدر نے کہا کہ ترکی نے سرخ لکیر عبور کر لی ہے جو ناقابل قبول ہے۔
Read more
امریکہ کے صدر ڈونلڈ ٹرمپ اور اُن کی اہلیہ میلانیا ٹرمپ کا کرونا ٹیسٹ مثبت آیا ہے جس کے بعد دونوں نے خود کو قرنطینہ کر لیا ہے۔
Read more
دنیا میں آن لائن خرید و فروخت کی سب سے بڑی کمپنیوں میں سر فہرست ایمیزون نے کہا ہے کہ کرونا وائرس کی وبا کی وجہ سے اب تک اس کے 19 ہزار 800 سے زائد ملازمین کا کرونا ٹیسٹ مثبت آ چکا ہے۔
Read more
پشاور۔ پاکستان نے افغانستان کے ساتھ اپنے تعلقات مستحکم کرنے کے لیے نئی ویزا پالیسی کی منظوری دے دی، جس میں پاکستان آنے والے شہریوں کے لیے کئی نئی سہولتیں فراہم کی گئی ہیں۔
Read more
خبر رساں ادارے ’رائٹرز‘ کے مطابق متحدہ عرب امارات میں دبئی کے النصر فٹ بال کلب نے اسرائیل کے 27 سالہ کھلاڑی ضیا سبع سے دو سال کے لیے معاہدہ کیا ہے۔
Read more
فرانس کے دارالحکومت پیرس میں دو افراد کو چاقو کے وار کر کے زخمی کرنے والے مبینہ حملہ آور ظہیر حسن محمود کے والدین نے وزیر اعظم عمران خان سے اپیل کی ہے کہ حکومت ان کے گرفتار بیٹے کی مدد کے لیے اقدامات کرے۔
Read more
ترکی میں جمعرات سے سوشل میڈیا سے متعلق نئے قوانین کا نفاذ ہو گیا ہے جس کے ساتھ ہی ملک میں فیس بک اور ٹویٹر کے بند ہونے کا خدشہ بھی پیدا ہو گیا ہے۔
رواں برس جولائی میں منظور ہونے والے قانون کے تحت ایسے سوشل میڈیا پلیٹ فارمز جن کے صارفین کی تعداد دس لاکھ سے زیادہ ہے، انہیں ترکی میں لازمی دفاتر کھولنا ہوں گے۔
Read more
آرمینیا اور آذربائیجان نے عالمی برادری کی جانب سے جنگ بندی کی اپیلوں کو مسترد کر دیا ہے اور دونوں ملکوں کے درمیان چوتھے روز بھی جھڑپیں بدستور جاری رہیں۔
اتوار سے شروع ہونے والی جھڑپوں کے دوران اب تک 100 سے زائد افراد ہلاک ہو چکے ہیں جن میں شہری بھی شامل ہیں۔ دونوں ملکوں کی جانب سے حریف ملک کو زیادہ نقصان پہنچانے کے دعوے کیے جا رہے ہیں۔
Read more
پاکستان میں حالیہ چند روز سے اپوزیشن کی سیاسی جماعتوں اور ملک کی طاقت ور اسٹیبلشمنٹ کے درمیان اہم قومی اور سیاسی معاملات، تجزیہ کاروں کے مطابق، خلیج مزید گہری ہوتی جا رہی ہے۔
اپوزیشن کی آل پارٹیز کانفرنس میں سابق صدر آصف زرداری اور سابق وزیراعظم نواز شریف کے سخت موقف نے جہاں ملکی سیاست میں بڑی ہلچل پیدا کی وہاں سیاست دانوں اور فوجی قیادت کی خفیہ ملاقاتوں کے انکشاف کے بعد ایک نئی صورت حال سامنے آئی ہے۔
Read more
امریکہ کے ایک فیڈرل جج نے امیگریشن کی مختلف درخواستوں کے ساتھ جمع کروائی جانے والی فیسوں میں اضافے کے اقدام کو نافذالعمل ہونے سے روک دیا ہے۔
ان چارجز میں تقریباً 20 فی صد تک اضافہ جمعے کے روز سے لاگو کرنے کا فیصلہ کیا گیا تھا۔
ان اضافی فیسوں میں امریکہ میں پناہ لینے کے درخواست گزاروں کے لیے 50 ڈالر کے چارجز بھی شامل تھے۔ اگر اس پر عمل ہوتا تو امریکی تاریخ میں ایسا پہلی بار ہوتا کہ پناہ گزینو ں کو درخواست کے ساتھ فیس ادا کرنا پڑتی۔
Read more
واشنگٹن ڈی سی۔ جاپان کی ٖفضائی کمپنی جاپان ائرلائنز نے کہا ہے کہ وہ دوران پرواز اپنے طیاروں میں اعلانات کرنے سے قبل مروجہ الفاظ ’لیڈیز اینڈ جنٹلمین‘ یعنی ’خواتین و حضرات‘ کو ترک کر رہی ہے اور اس کی بجائے مسافروں کو متوجہ کرنے کے لیے ’ہیلو ایوری ون‘ کے الفاظ استعمال کیے جائیں گے۔
فضائی کمپنی کا کہنا ہے کہ اس تبدیلی کا مقصد جنس کی بنیاد پر عورت اور مرد کی تخصیص ختم کر کے برابری کی حیثیت کو متعارف کرانا ہے۔
Read more
بھارت کی مرکزی حکومت نے لداخ میں بودھ مت کے پیروکاروں کو یہ یقین دہانی کرائی ہے کہ لداخ کو محدود خود مختاری دے دی جائے گی۔
حکومت نے بودھ قیادت کو علاقے کے لوگوں کی اراضی اور سرکاری ملازمتوں کے تحفظ سمیت تعلیمی وظائف اور روزگار کے بہتر مواقعوں کی فراہمی کے لیے بہت جلد نیا قانون متعارف کرانے کی یقین دہانی کرائی ہے۔
لداخ کو یہ اندرونی خود مختاری بھارت کے آئین کے چھٹے شیڈول کے تحت دی جا رہی ہے۔
Read more
کراچی۔ پاکستان کی حزب اختلاف کی جماعتوں کی حال ہی میں ہونے والی آل پارٹیز کانفرنس میں جن نکات پر اتفاق ہوا ہے اور جنہیں قرارداد کا حصہ بنایا گیا ہے ان میں ایک نکتہ اعلیٰ عدلیہ کے ججز کی تقرری کا موجودہ طریقۂ کار تبدیل کیا جانا بھی ہے۔
اس ضمن میں پاکستان بار کونسل کی جانب سے کیے گئے مطالبے کی بھی حمایت کی گئی ہے۔
پاکستان بار کونسل نے 20 ستمبر کو ہونے والی آل پارٹیز کانفرنس سے مطالبہ کیا تھا کہ ججوں کے تقرر کے لیے آئین کے آرٹیکل 175۔ اے میں درج طریقۂ کار پر نظر ثانی کی جائے۔
بار کونسل کا مطالبہ ہے کہ انیسویں آئینی ترمیم ختم کی جائے۔ نیز اس سے متعلق نیا فورم تشکیل دیا جائے جس میں پارلیمان کا کردار مزید موثر ہو اور تمام اسٹیک ہولڈرز بشمول انتظامیہ، بار کونسلز اور عدلیہ عددی برابری کے ساتھ ایک ہی پلیٹ فارم پر مل بیٹھ کر شفاف انداز میں خالصتاً میرٹ پر تقرر سے متعلق فیصلے کریں۔
Read more
بدلتے ہوئے سعودی عرب میں اپنی نوعیت کا پہلا کیفے کھل گیا ہے جس میں گاہک اپنے کتوں اور دیگر پالتو جانوروں کے ساتھ بھی آ سکتے ہیں۔
سعودی عرب کے ساحلی شہر ’الخبر‘ میں رواں برس جون میں ’بارکنگ لاٹ‘ کے نام سے ایک کیفے قائم ہوا تھا جس میں پالتو جانور ساتھ لانے پر کوئی ممانعت نہیں۔ اس کیفے کو شہر میں خوب پذیرائی بھی مل رہی ہے۔
آذربائیجان اور آرمینیا کے درمیان ناگورنو کاراباخ کے علاقے پر تیسرے روز بھی جھڑپیں جاری رہیں جب کہ دونوں ممالک نے ایک دوسرے کی بین الاقوامی سرحدوں کے اندر بھی حملوں کے الزامات لگائے ہیں۔
کئی دہائیاں پہلے جنم لینے والے اس تنازع کے دوبارہ بھڑک اٹھنے کے نتیجے میں اب تک مسلح افواج کے اہلکاروں سمیت درجنوں افراد کے ہلاک ہونے کی اطلاعات ہیں۔
Read more
امریکہ کی دونوں بڑی سیاسی جماعتوں کے صدارتی امیدواروں کے درمیان پہلے صدارتی مباحثے میں تلخی دیکھی گئی۔ ری پبلکن امیدوار ڈونلڈ ٹرمپ اور ان کے ڈیموکریٹک حریف جو بائیڈن نے ایک دوسرے پر سخت تنقیدی جملوں کا تبادلہ کیا۔
Read more
امریکہ کی ریاست کیلی فورنیا کے شمالی علاقوں میں کئی مقامات پر ایک بار پھر جنگلات کی آگ بھڑک اٹھی ہے، جس کی زد میں آ کر مزید تین افراد ہلاک ہو گئے۔ جب کہ ہزاروں مقامی افراد کو نقل مکانی کرنی پڑی ہے۔
Read more
امریکی ریاست یوٹاہ پیٹھا کدو کی پیداوار میں ملک بھر میں شہرت رکھتی ہے، جہاں پیدا ہونے والے پیٹھے اپنے وزن اور سائز کے اعتبار سے دوسرے تمام علاقوں کی نسبت نمایاں طور پر آگے رہتے ہیں۔
Read more
فلسطینی علاقے مغربی کنارے کے شہر رملہ میں کرونا وائرس سے تمام کاروباروں، خاص طور پر ریستورانوں کو شدید نقصان پہنچا ہے، لیکن ایسے میں کھانے پینے کی چیزوں کا جو ایک کاروبار بہت ترقی کر رہا ہے، اس کا نام ہے فوڈ ٹرک۔
کرونا وائرس کا پھیلاؤ روکنے کی غرض سے نافذ پابندیوں کی وجہ سے زیادہ تر ریستوران اور کھانے پینے کی جگہیں بند ہیں تاہم حکام نے فوڈ ٹرک پر کھانے کی اشیا فروخت کرنے والوں کو اپنا کاروبار جاری رکھنے کی اجازت دے رکھی ہے۔
Read more
واشنگٹن ڈی سی۔ امریکہ کی دونوں بڑی سیاسی جماعتوں ری پبلکن اور ڈیموکریٹک پارٹی کے صدارتی امیدواروں کے درمیان صدارتی مباحثوں کا آغاز منگل سے ہو رہا ہے۔ تین نومبر کو ہونے والے صدارتی انتخاب سے قبل صدر ڈونلڈ ٹرمپ اور جو بائیڈن کے درمیان تین مباحثے ہوں گے جس کا پہلا اسٹیج ریاست اوہائیو کے شہر کلیو لینڈ میں منگل کو سجے گا۔
دونوں صدارتی امیدواروں کے درمیان 90 منٹ پر مشتمل اس مباحثے کو ٹیلی ویژن اور آن لائن پلیٹ فارمز پر براہ راست نشر کیا جائے گا جس کی میزبانی فاکس نیوز سے وابستہ صحافی کرس والس کریں گے۔
ایک اندازے کے مطابق صدر ٹرمپ اور جوبائیڈن کے درمیان مباحثے کو 10 کروڑ سے زائد افراد دیکھیں گے۔
آذربائیجان اور اس کے حریف آرمینیا کے درمیان ‘ناگورنو کاراباخ’ کے تنازع پر پیر کو جھڑپوں میں ایک مرتبہ پھر شدت آ گئی اور دوسرے روز میں داخل ہونے والی اِن جھڑپوں میں اب تک 29 افراد ہلاک ہو چکے ہیں۔
خبر رساں ادارے ‘رائٹرز’ کے مطابق اطراف سے ایک دوسرے پر راکٹوں اور توپ خانوں سے حملے کیے جا رہے ہیں۔ دونوں ملکوں کے درمیان ان جھڑپوں کو گزشتہ 25 برسوں میں ہونے والی شدید ترین جھڑپ کہا جا رہا ہے۔ خطرہ محسوس کیا جا رہا ہے کہ اگر بڑے پیمانے پر جنگ شروع ہوئی تو روس اور ترکی جیسی خطے کی دو بڑی طاقتیں اس جنگ کا حصہ بن سکتی ہیں۔
Read more
اکتوبر 2019 میں عراق کے حکمران طبقے کے خلاف ملک گیر احتجاج اور حکومت کے خاتمے کی تحریک کو ایک سال مکمل ہو گیا ہے۔
گزشتہ برس یکم اکتوبر سے شروع ہونے والا ملک گیر احتجاج اس وقت ایک تحریک کی صورت اختیار کر گیا جب ملک میں بڑھتی بے روزگاری، ناقص طرزِ حکمرانی، مہنگائی اور مبینہ کرپشن کے خلاف ہزاروں افراد سڑکوں پر نکل آئے۔
مظاہرین کا ماننا تھا کہ حکمران طبقہ عراقی شہریوں سے زیادہ امریکہ یا ایران کا وفادار ہے۔
حکومت مخالف تحریک کے دوران تقریباً 600 افراد ہلاک ہوئے۔
