تخت ہندوستان کے آخری تاجدار ابوالمظفر سراج الدین محمد بہادر شاہ غازی کی رسم تاج پوشی 1837ء میں قلعہ دہلی میں ادا کی گئی تو حسب روایت شاہ کا سایہ تا قیامت سلامت رہنے کی دعا دی گئی۔ خدام، مصاحب، امراء، خواص، عوام، شعراء، بھانڈ، میراثی، سائل، مساکین سب ہی لال قلعہ کے اندر باہر موجود تھے۔ غربا میں لنگر تقسیم ہوا اور امراء میں خلعتین اور خطابات۔ جشن امروز میں فکر فردا کس کو تھی۔ عالم پناہ اور ظل

دنیا کے کئی ممالک مسلح ا فواج کے بغیر تو ہیں مگر کوئی ملک ایسا نہیں جو پولیس کے بغیر ہو۔ ہماری پولیس کی تنظیم کا موجودہ ڈھانچہ برطانوی راج کے دور میں متشکل ہوا جس کا بنیا دی مقصد ریاستی گرفت کو مضبوط کرنا تھا۔ بندوبستی علاقے جہاں اینگلو سیکسن قانون کا نفاذ تھا لوگوں کی جان کی محافظ پولیس اور مال کا ذمہ دار محکمہ مال کو بنا دیا گیا تھا۔ موجودہ پاکستان میں پنجاب سابقہ برطانوی راج کے بندوبستی علاقے کا حصہ رہا ہے جس کی وجہ سے یہاں کا محکمہ مال اور پولیس دوسرے صوبوں سے مختلف نظر آتے ہیں۔ قبائلی علاقوں میں ایف سی آر کے قانون کے تحت تمام اختیارات کا منبع م قبائلی سردار بذریعہ مجسٹریٹ قرار دیے گئے تھے اور نیم قبائلی علاقوں میں جاگیردار وں اور تمنداروں کو مضبوط کردیا گیا تھا۔

ریڈیو ایک ایجاد ہی نہیں بلکہ بیسویں صدی میں رونما ہونے والے ابلاغی انقلاب کا نام ہے جب ریڈیائی لہروں نے جغرافیائی سرحدوں کو پاٹ کر ہر کان تک رسائی حاصل کی جو اس سے پہلے ممکن نہ تھی۔ یہ ریڈیو ہی تھا جس نے دنیا بھر میں سیاسی اور سماجی انقلابات کے پیغامات ایک سے دوسرے کونے تک پہنچائے۔ شکاگو کے مزدوروں کی قربانیوں کا پیغام روس کے پسے ہوئے طبقات تک پہنچانے اور عظیم جنگوں کی بے پناہ تباہ کاریوں سے دنیا کو با خبر بھی ریڈیائی مواصلاتی نظام کی بدولت ہی ممکن ہوسکا تھا۔

ویسے تو ہم جیسے تلاش معاش میں غریب الوطن ہونے والے گھر سے دور ہی رہتے ہیں مگر سالانہ چھٹیوں پر پہاڑوں کی یاترا زندگی کے معمول کا حصہ رہی ہے۔ چھٹیوں کے دوران سال بھر میں ہوئی دائمی جدائیوں کی تعزیتوں، دنیا میں نئے آنے والوں کی مبارکبادوں اور عزیز و اقارب سے میل ملاقاتوں کے بعد جو وقت بچتا ہے اسے کسی پہاڑ دیوتا کی آغوش میں گزارنے کی کوشش ہوتی ہے۔ کوہ پامیر میں واقع قرمبر کی

جمہوری جماعتی سیاست میں لوگ اپنے تمام دلدر سے نجات کسی خاص جماعت کے برسر اقتدار آنے میں دیکھتے ہیں اور اس جماعت کی ناکامی کے بعد دوسری جماعت سے امیدیں وابستہ رکھتے ہیں اور یہ سلسلہ ایک سے دوسری جماعت اور ایک سے دوسری نسل میں منتقل ہوتا رہتا ہے اور یہ ساراعمل سیاست کا ایک گھن چکرسا بن جاتا ہے۔ امید اور نا امیدی کا یہ سلسلہ برطانیہ جیسے قدیم جماعتی پارلیمانی سیاست میں صدیوں سے جاری ہے اور بعض ہماری جیسی جمہوریتوں میں اقتدار کی بساط کے کھلاڑی اپنی بے صبری اور عدم برداشت کی وجہ سے کھیل کو بگاڑ بھی دیتے ہیں۔

میں ایک عام نامعلوم شہری ہوں جس کا کوئی ایسا کاروبار نہیں جو اس کی شناخت ہو جیسا کہ منڈی والا، دانہ والا یا پھر کوئی ایسا برانڈ جو اس کے خاندان کے ساتھ منسوب ہو۔ نہ میں کوئی تاجر ہوں اور نہ کوئی زمیندار۔ مجھ پر بھی مہنگائی اور ٹیکس کے بڑھنے اور گھٹنے کا اتنا ہی اثر ہوتا ہے جتنا سب لوگوں پر تو پھر میں پریشان کیوں ہوں ؟ میں کوئی سیاست دان بھی نہیں جو اقتدار

اپنی زندگی میں ہی راز مسرت پانے والے ڈاکٹر غلام جیلانی برق ایک شخص نہیں بلکہ ایک عہد کا نام ہے۔ چالیس کے لگ بھگ کتب کے مصنف ہونے کے ساتھ عربی زبان کے مستند استاد بھی تھے۔ ان کو نہ صرف قران و حدیث پر عبور حاصل تھا بلکہ زبور، تورات اور انجیل کی بھی باقاعدہ تعلیم حاصل کی ہوئی تھی۔ ان کو مغربی فلسفے کے علاوہ گوتم بدھ کی تعلیمات پر بھی مکمل دسترس حاصل تھا۔ اس وقت

سنہ 1988ء میں ضیالحق کی ناگہانی موت کے بعد منعقد ہونے والے انتخابات میں چلائے گئے جھرلو کی باز گشت آج بھی نہ صرف گونجتی ہے بلکہ سپریم کورٹ میں چلے اصغر خان کیس کی شکل میں ایک بد نما داغ کی طرح ہمیشہ کے لئے باعث عبرت و ندامت ہے۔ یہ الگ بات ہے کہ نہ ہم کبھی تاریخ سے شرمسار ہوئے اور نہ ہم نے غلطیوں سے سیکھنے کی زحمت گوارا کی کیونکہ ہم بزعم خویش ایک عظیم

مچھر نے نمرود کو بمع اس کی فوج صرف اساطیر میں ہی تباہ نہیں کیا بلکہ انسانی تاریخ میں مچھروں نے جس قدر تباہی سے دوچار کیا ایسا کو ئی اور جاندار انسانوں کے ساتھ نہ کرسکا۔ اگر غور سے دیکھا جائے تو تمام تر دانائی اور حکمت کے باوجود انسان بے بسی کے ساتھ آج تک اس زرہ برابر مخلوق کے سامنے تالی ہی بجا تا رہا ہے۔ شاید اس لئے نانا پاٹیکر کا فلمی مکالمہ ضرب المثل بن گیاکہ ”ایک مچھر آدمی کو ہیجڑا بنا دیتا ہے“ ۔

دن کو گرمی ستاتی ہے تو رات کو مچھر بے سکون کر دیتے ہیں۔ دن بھر غائب رہنے کے بعد شام کو گھر کے اندر ایسے گھس جاتے ہیں جیسے لڑکے بالے دن بھر کی آواراہ گردی کے بعد، مجال ہے ان کو کوئی روک پائے۔ دروازے کھڑکیاں بند، اسپرے مار کر جب تمام تدابیر کر ڈالی تو رات کے کسی پہر چادر سے باہر نکلے جسم کے حصے پر ایسا انجکشن لگ جاتا ہے کہ نیند تو گئی ایک طرف باقی رات زخم سہلاتے، کھجاتے، مچھر کو کوستے اور اپنی بے بسی پر ماتم کرتے انکھوں میں کٹ جاتی ہے۔

جب آپ دلی شہر میں کتابوں میں پڑھے تاریخ کے گوشوں کو تلاش کرکے مطمئن نہ ہوں اورکچھ اور تلاش کرنے کے متمنی ہوں تو ایک اور نام سننے کو آتا ہے جو میری طرح آپ نے بھی کبھی پہلے نہ سنا ہو۔ ٹیکسی والا کہتا ہے ًجنتر منتر دیکھئے صاحب۔ یہاں بہت گورے لوگ دیکھنے آتے ہیں ً۔ جنتر منتر کا نام سنتے ہی پہلا خیال تو کسی جادو نگری کا آتا ہے جہاں نظروں کے سامنے دیکھتے ہی دیکھتے چیزیں چھومنتر سے غائب ہو جاتی ہوں۔ مگر دراصل یہ ریاست جے پور کے مہاراجہ جے سنگھ دوم کی 1724 ء میں شہنشاہ ارنگزیب کے زمانے میں بنائی ہوئی پانچ رصد گاہوں میں سے ایک ہے جو زمانے کے دھول میں دبنے سے بچ گئی ہے۔

انڈین سائنس کانگریس ایسوسی ایشن ایک صدی قبل وجود میں آئی تھی تب سے اب تک اس کے ممبران کی تعداد تیس ہزار سائنسدانوں سے بڑھ گئی ہے۔ اپنے وجود میں آنے کے بعد سے کانگریس اپنا سالانہ اجلاس کا بلا تعطل انعقاد کرتی آئی ہے اور اس سال جنوری میں منعقد ہوئے 106 ویں اجلاس میں بھی دنیا بھر سے سائنسدانوں نے شرکت کی۔ اس سال کے اجلاس میں بچوں کے لئے بھی ایک سیشن کا انتظام کیا گیا

الف لیلیٰ یا ہزار داستان ایک کہانی ہے جس میں ایک حسینہ ہر رات ایک نئی داستان سنا کر اپنی جان ایک ظالم بادشاہ کے عتاب سے ایک ہزار راتوں تک بچائے رکھتی ہے۔ نہ الف لیلیٰ کی اپنی کہانی کی صداقت کی کوئی سند ہے اور نہ اس میں سنائی جانے والی کہانیاں مصدقہ ہیں مگر صدیوں تک ہر ملک میں یہ کہانی اور اس میں سنائی جانے ولی داستانیں مختلف انداز میں سننے والوں کا دل بہلاتی رہی

ہمیں ٹیلی ویژن پر ہی حافظ سعید صاحب کو دیکھنے کا شرف حاصل ہے جو ضلع شیخوپورہ کے علاقے مرید کے میں اپنے گھوڑوں پر سواری کرتے ہوئے فرمارہے تھے کہ دشمن کے خلاف جنگ کے لیے ہمیشہ اپنے گھوڑے تیار رکھنے کا حکم ہے۔ کچھ ایسا ہی پچھلے عشروں میں پوٹھوہار سے محترم اکرم اعوان صاحب بھی کرتے اور کہتے دکھائی دیے تھے۔ ان کے تیار کردہ گھوڑوں اور تلواروں کا کیا بنا اس کے بعد ہمیں بھی نہیں معلوم۔ ہمارے قومی سیاسی منظر نامے میں ایسے کردار عموماً منظر عام پر آتے رہتے ہیں جو شکسپئیر کے کسی ڈرامے کے کرداروں کی طرح وقت کے ساتھ بدل بھی جاتے ہیں۔ مگر ان کرداروں کے تخلیق کار اور ہدایت کار تسلسل کے ساتھ اپنی فخریہ پیشکش جاری رکھے ہوئے ہیں۔

سال نو کے آغاز پر ہی ملک کے شمال میں واقع ضلع غذر کی تحصیل اشکومن میں ایک چودہ سالہ طالب علم دیدار حسین کے ساتھ پیش آنے والے اجتماعی جنسی زیادتی اور بہیمانہ قتل کے واقعہ نے اس پر امن اور پر سکون وادی میں ہیجان پرپا کر دیا ہے۔

اس سال ہونے والی بے پناہ برف باری اور پڑنے والی شدید ترین سردی کے باوجود لوگوں نے ہزاروں کی تعداد میں جمع ہوکر اپنا پر امن احتجاج ریکارڈ کروایا ہے۔ اب تک آٹھ ملزمان کی گرفتاری عمل میں آئی ہے، انسداد دہشت گردی کے قانون کے تحت مقدمہ درج کرکے ملزمان سے تفتیش کا آغاز کر دیا گیا ہے۔

مقدمہ درج ہوچکا ہے، ملزم گرفتار ہوچکے ہیں، تفتیش جاری ہے اور فیصلہ عدالت نے کرنا ہے اس لیے اس تحریر کا مقصد حکومت یا قانون نافذ کرنے والے اداروں پر اثر انداز ہونا نہیں بلکہ اس بحث کو آگے بڑھانا ہے جو بڑھتے ہوئے تشدد کے اسباب، عوامل اور سد باب کے بارے میں وقتاً فوقتاً جاری رہتی ہے۔ چونکہ اس واقعے کے خلاف ایک شدید عوامی رد عمل بھی موجود ہے جس کو اجتماعی مثبت سوچ کے دائرے میں لانے کی ضرورت ہے جو ایک حقیقت پسندانہ تجزیہ اور جائزہ کے بغیر ممکن نہیں۔

شکیلہ قاتل نہیں بلکہ مقتول ہے، وہ جسمانی طور پر تو اپنی جان نہ لے سکی مگر اس کی روح اس کی بیٹی کے ساتھ سمندر کے کنارے دو دریا کی ریت میں دفن ہوچکی ہے۔ اس کی روح کی موت اس وقت ہی ہو چکی تھی جب اس کے ماں باپ اور بہن بھائیوں نے اس کے وجود کو اپنے لئے بوجھ سمجھا۔ اس کے احساس کا اس روز ہی قتل ہوا تھا جب اس شوہر نے جس کے لئے وہ سب چھوڑ آئی تھی اس کوبیٹی سمیت گھر سے دھکے دے کر نکال دیا تھا۔ آج تو شکیلہ کا بے روح لاشہ ہی ہے جو اس کی بیٹی کے ساتھ ریت میں دفن نہ ہو پایا۔ ہم جس شکیلہ سے بات کر رہے ہیں وہ اس سماج کی ہزاروں لاکھوں دیگر نیم مردہ چلتی پھرتی لاشوں کی طرح ایک بے روح لاش ہے۔

جنگلوں، بیابانوں، صحراؤں اور غاروں میں رہنے والے اولین ادوار کے انسان کے لیے سب سے مہیب شے رات کا اندھیرا تھا جب وہ دیکھ نہیں پاتا تھا جس کی وجہ سے اس کا چلنا پھرناممکن نہیں رہتا اور وہ جہاں ہو وہیں تک محدود ہوجاتا تھا۔ ایسے میں چاند کی روشنی اس کے لیے دن کے اجالے کی نعم البدل بن کر اس کی مشکلات آسان کر دیتی یا پھر آسمان پر پر ٹمٹماتے ستارے اس کا سہارا بن جاتے۔ فطرت کے یہ مظاہر انسان کے لیے باعث تحیر و رحمت دونوں تھے۔ وقت کے ساتھ حیرت کو انسان نے تجسس، تعقل اور تفکر سے نئی دریافتوں میں بدل دیا اور رحمتوں کی تاویلات کو وسعت دے کر الیٰہات کے درجات تک پہنچا دیا۔

امریکا بہادر کا موجودہ صدر بھی یکتائے روزگار ہے۔ایسے لوگ بھی صدیوں میں کہیں ایک آدھ ہی پیدا ہوتے ہیں۔ سو سال کے مستقبل کی پیشگی منصوبہ بندی کی شہرت رکھنے والے امریکا کی ترقی کے عروج کا کمال ہے کہ ان کو ایک ایسا شخص ملا ہے جس کے دوسرے لمحےکے فیصلے کا پتہ نہیں چلتا۔ صدر ٹرمپ کبھی صبح ناشتے کی میز پر شمالی کوریا کے میزائل بوائے کو یاد کرتے ہیں تو کبھی آدھی رات کو پاکستان

معذوری جسمانی ہی نہیں نفسیاتی بھی ہوتی ہے اور یہ انفرادی ہی نہیں اجتماعی بھی ہوتی ہے۔ جسمانی معذوری پر تو متبادل صلاحیتوں سے قابو پایا جاسکتا ہے اور انفرادی معذوری بھی ختم کی جا سکتی ہے مگر نفسیاتی اور اجتماعی معذوری آسانی سے دور نہیں ہوتی۔ اگر انفرادی طور پر افراد اچھے اور برے میں تمیز کرنے سے معذور اور فہم و فراست سے عاری ہوں اور یہ رویہ جب اجتماعی نفسیات کا حصہ بن جائے تو پورا معاشرہ

سائنسدانوں کا خیال ہے کہ ہمارے کرہ ارض کو اپنے سورج سے ٹوٹ کر جدا ہوئے کم و بیش ساڑھے چار ارب سال کا عرصہ ہوا ہے۔ سورج سے ٹوٹ کر جدا ہونے والے آگ کے گولے کو ٹھنڈا ہو کر پہلے برفانی دور میں داخل ہوئے بھی ڈھائی ارب سال سے زیادہ بیت گئے اور کئی برفانی ادوار کے آخری دور کو اختتام پذیر ہوئے بھی گیارہ ہزار سال کا عرصہ گزر گیا ہے۔ ہر برفانی دور کے آغاز اور اختتام کے دوران انواع قسم کی مخلوقات کا جنم ہوا اور مٹ گئیں۔ مختلف جگہوں سے دریافت ہونے والے ہڈیوں کے ڈھانچے اور کھوپڑیاں ہی ان مخلوقات کے قد و قامت اور انواع کا پتہ دیتی ہیں۔ یہ بات بھی حقیقت ہے انسان نما مخلوق کی کھوپڑیاں جو پہلے کے برفانی ادوار کی ملی ہیں وہ بھی ہماری نوع سے مختلف ہیں اور ہماری نسل انسانی بھی موجودہ دور کی پیداوار ہے اور شاید اسی دور کے اختتام پر مفقود ہوجائے۔

گلگت میں موجود انگریز فوجی آفیسر میجر براؤن نے اپنی حکمت عملی کے تیسرے حصے پر عمل کرتے ہوئے ہنزہ، نگر، پونیال، یاسین، گوپس اور اشکومن کے راجوں سے اپنے علاقوں کی نئے وجود میں آنے والی مملکت پاکستان کے ساتھ الحاق کی دستاویزات حاصل کیں اور حکومت پاکستان کو اس خطے کے فوری الحاق کے لئے ایک ٹیلی گرام بھیجا۔ 16 نومبر 1947 ء کو پاکستان سے ایک تحصیلدارمحمد عالم خان نے گلگت آکر ڈوگروں سے نوآزاد اس علاقے کے انتظامی امور سنبھال لئے لیکن الحاق کے لئے دیے جانے والے اس ٹیلی گرام کے جواب کا ابھی تک انتظار ہے۔

پاکستان کے سب سے خوشحال اور آبادی کے لحاظ سے بڑے صوبے پنجاب کے ایک گاؤں اتانوالی کے فالسے کے کھیت میں ہونے والے خواتین کے آپس میں جھگڑے نے اب تک ایک گورنر، ایک وفاقی وزیرکے قتل کے علاوہ کئی عام شہریوں کی جانیں لینے، اربوں کی املاک کو تباہ کرنے، کھربوں روپے کا معاشی نقصان پہنچانے کے علاوہ ملک کا سماجی اور سیاسی منظر نامہ بدلنے میں کردار بھی کردار ادا کیا ہے۔ معاملہ اب بھی رکا نہیں

گلگت بلتستان کے ضلع دیامر میں ایک ہی رات میں 13 گرلز سکولوں کو تباہ یا جزوی طور پر نقصان پہنچایا گیا ۔ کچھ میں توڑ پھوڑ کرکے آگ لگادی گئی اور کچھ کو بارودی مواد سے اڈادیا گیا۔ پولیس کی طرف سے جاری کردہ اعلامیہ کے مطابق یہ سارے سکول زیر تعمیر اور تکمیل تعمیر کے قریب تھے۔ مقامی لوگوں کا کہنا ہے کہ تباہ کیے جانے والے سکولوں میں سے 9 فعال تھے جن میں آج کل گرمیوں

میں سیاسی نظریات کے اعتبار سے خود کو ایسا ترقی پسند اور جمہوریت پسند سمجھتا ہوں جو ملک کو سیاسی، فکری، سائنسی، معاشی اور معاشرتی بنیادوں پر ترقی کی راہ میں دنیا کےساتھ ہمقدم رہتے ہوئے آگے کی جانب بڑھتے دیکھتا ہے۔ میں اس خوش فہمی میں کبھی نہیں رہا کہ میرے ووٹ سے ملک کی تقدیر بدل جائے گی یا میرا ووٹ لینے والا انقلاب لائے گا۔ میں اس بات کو بھی سمجھتا ہوں کہ ووٹ سے آنے والی

مغرب میں جمہوریت اور صنعتی انقلاب کی پروان ایک ساتھ ہوئی ہے جو ایک دوسرے کی باہم ضرورت ہیں۔ صنعتی ترقی مسابقت اور برابری کی متقاضی ہے جو جمہوریت کے بغیر ممکن نہیں تو دوسری طرف جمہوریت کی بیل روشن خیالی اور برداشت کے بغیر منڈے نہیں چڑھتی جو صرف جمہوری اقدار کے تحت ہی ممکن ہے ۔ ایک صنعتی معاشرہ عدم استحکام او ر افراتفری کا متحمل نہیں ہوسکتا اور نہ ہی کسی قسم کی شخصی اور انفرادی آمرانہ

گلگت بلتستان کے عوام پاکستان کی سیاسی تاریخ میں تسلسل کے ساتھ دو سری بار کسی منتخب حکومت کا ’میرے عزیز ہموطنو‘ کی صدا پر بستر گول ہو نے کے بجائے خود ہی اپنے خیمے اکھاڑ کر پھر سے انتخابی معرکے میں اترنے پر ملک کے عوام کو تہہ دل سے مبارکباد پیش کرتے ہیں اورمستقبل میں اس تسلسل کے تسلسل کے لئے دعا گو ہیں ۔ گو اپنے دور اقتدار میں جمہوری حکومتیں اپنی مدت بھی ایک عدت کی

مسلم لیگ کی حکومت کو پانچ سال مکمل ہوگئے اور اب چل چلاؤ کا وقت ہے بقول شاعر جی کا جانا ٹھہر گیا ہے، صبح گیا یا شام گیا ۔ اپنے پانچ سالہ دور اقتدار میں پاکستان کی خالق کہلانے والی جماعت نے ملک کے سیاسی منظر نامے پر ایسے ان مٹ نقوش چھوڑے ہیں جو ملک کی آئندہ سیاست کی سمت کا تعین کریں گے۔ خاص طور پر اس جماعت کے اپنے حلقہ نیابت وسطی پنجاب پرخصوصی توجہ سے

صحافیوں اور قلمکاروں کے نام پر قلم اور ضمیر فروشوں کی فصل کا ہر دور میں اگنا اور بکنا کوئی اچھنبے کی بات نہیں، مگر اس فصل کی آبیاری کرنے والوں کی ہمت اور دیدہ دلیری پر حیرت ہے کہ بار بار بگیا لہو لہان ہونے کے باوجود ہر دور میں ایسی فصل کی ایک کھیپ تیار ملتی ہے۔ ایسے قلم فروشوں اور ضمیر کے سوداگروں کی قیمتیں بیت المال اور قومی خزانے سے چکانا اور ان کی خرافات کو

جلیلہ حیدر تادم مرگ بھوک پڑتال پر ہے اور اس نے سب کے سامنے مرنے کا فیصلہ کیا ہے۔ جب کسی کا عقیدہ، اس کی سوچ، اس کی زبان، اس کا لباس اور سب سے بڑھ کر اس کا چہرہ موت بن جائے تو اس سے مفر کیسا۔ نام، عقیدہ، سوچ، زبان اور لباس چھپایا بھی جا سکتا ہے مگر چہرہ تو بدلا نہیں جا سکتا۔ سکول کی بس سے اتار کر ماردیا جاتا ہے، دوکان میں گولی ماری جاتی