انڈیا میں دوران پرواز پائلٹ کی غلطی سے درجنوں مسافر زخمی
انڈیا میں دوران پرواز پائلٹ کی جانب سے جہاز کے اندر دباؤ کو برقرار رکھنے کے سوئچ کو آن نہ کرنے کی وجہ سے 30 سے زیادہ مسافروں کی ناک اور کانوں سے خون نکلنا شروع ہو گیا۔
جیٹ ایئر ویز کی فلائٹ 9 ڈبلیو 697 ممبئی سے جے پور جا رہی تھی اور پرواز کی تھوڑی دیر بعد حادثہ پیش آنے کی وجہ سے طیارے کو واپس لینڈ کرنا پڑا۔
طیارے میں سوار مسافروں نے ویڈیوز کو ٹوئٹر پر پوسٹ کیا ہے جس میں مسافروں کے لیے آکسیجن ماسک دیکھے جا سکتے ہیں۔
جیٹ ایئر ویز کے بوئنگ 737 جہاز میں 166 مسافر سوار تھے۔ شہری ہوا بازی کے وزیر کا کہنا ہے کہ جہاز کے عملے کو ڈیوٹی سے ہٹا دیا گیا ہے اور تحقیقات کی جا رہی ہیں۔
مسافر دریشک ہیتھی نے طیارے کے اندر سے ایک ویڈیو ٹویٹ کی جس میں دیکھا جا سکتا ہے کہ طیارے میں ہوا کا دباؤ کم ہونے کے بعد آکسیجن ماسک باہر نکل آئے۔
Panic situation due to technical fault in @jetairways 9W 0697 going from Mumbai to Jaipur. Flt return back to Mumbai after 45 mts. All passengers are safe including me. pic.twitter.com/lnOaFbcaps
— Darshak Hathi (@DarshakHathi) September 20, 2018
ایک دوسرے مسافر سیتش نائر نے ایک تصویر ٹویٹ کی ہے جس میں خود ان کے ناک سے خون بہہ رہا ہے اور ساتھ شکایت کر رہے ہیں کہ ایئر لائن نے مسافروں کی حفاظت کو بالکل نظر انداز کر دیا۔
@jetairways Flight 9W 697 made an emergency landing back in Mumbai. Airplane lost pressure immediately after taking off…scores of passengers including me bleeding from nose….no staff to help…no announcement on board to wear the oxygen mask.passengersafety completelyignored pic.twitter.com/vO9O95aMCP
— Satish Nair (@satishnairk) September 20, 2018
#jetairways #9w697 emergency landing at Mumbai. Stranded with no information. @jetairways @timesofindia @htTweets @firstpost pic.twitter.com/iTVUAVQJbT pic.twitter.com/L8tGyQF4iw
— Gravina pereira (@PereiraGravina) September 20, 2018
انڈیا میں شہری ہوا بازی کے نگران ادارے کے سینیئر اہلکار للت گپتا نے انڈین اخبار ہندوستان ٹائمز کو بتایا کہ جہاز کا عملہ دوران پرواز جہاز میں ہوا کے دباؤ کو برقرار رکھنے کا سوئچ آن کرنا بھول گیا تھا۔
جیٹ ایئر ویز نے ایک بیان میں کہا ہے کہ جمعرات کی صبح کیبن کے اندر ہوا کا دباؤ کم ہونے کے نتیجے میں پرواز واپس بلائی گئی اور انھیں مسافروں کو پہنچنے والی تکلیف پر شرمندگی ہے۔
بیان کے مطابق بوئنگ 737 میں 166 مسافر اور عملے کے 5 ارکان سوار تھے اور یہ پرواز بحفاظت ممبئی لینڈ کر گئی اور مسافروں کو ٹرمینل پر منتقل کیا گیا جہاں ان مسافروں کو ابتدائی طبی امداد دی گئی جنھوں نے کان اور ناک سے خون بہنے کی شکایت کی تھی۔
جنوری میں جیٹ ایئر ویز میں دو پائلٹس کو ان اطلاعات کے بعد گراؤنڈ کر دیا تھا کہ لندن سے ممبئی پرواز کے دوران ان کی کاک پٹ میں لڑائی ہوئی تھی۔ اس پرواز پر 324 مسافر سوار تھے اور یہ حفاظت سے لینڈ کر گئی تھی۔
Facebook Comments - Accept Cookies to Enable FB Comments (See Footer).