چاروں اطراف ہو کا عالم تھا۔ صبح کاذب کے اندھیرے اور کہر میں سب چھپا ہؤا تھا۔ شلوار قمیص میں ملبوس عدنان کمبل میں ٹھٹھرتا ہوا کچھ ٹھوکریں کھا کر ایک جگہ پہنچ کر رک گیا۔ ”مجھے معاف کر دو۔ میں تمہارے بارے میں سوچنے کے بجائے رابعہ کے بارے میں سوچتا رہتا ہوں۔ پتا نہیں کیوں میرے خواب و خیال پر رابعہ کا مکمل قبضہ ہے۔ حالانکہ مجھے اس سے ملے ہوئے چالیس سال گزر چکے ہیں۔ میں خدا

”اگر میں شخص نہیں ہوں تو کیا ہوں؟ “آٹھ سالہ منیر کے ذہن میں ایسے سوالات نے مستقل ڈیرا ڈالا ہوا تھا اور جب وہ سارے دن کی تھکن کے ساتھ بستر پر لیٹتا تو یہ الجھنیں اس کو نیند کی آغوش میں جانے سے روکنے کی کوشش کرتیں۔ لیکن آج اسے اتفاقاً اس سوال کا جواب مل گیا تھا کہ وہ اگر ایک شخص نہیں ہے تو کون ہے۔

پچھلے ہفتے جب شمع کی میت کو مسجد لے جایا گیا تو عقیلہ سے نہ رہا گیا۔ وہ بے اختیار بھاگ کر مسجد پہنچ گئی۔ بال بکھرے ہوئے اور سر سے دوپٹّہ سِرکا ہوا۔ اسے دیکھ کر مسجد کا امام مولوی امین الدّین گھبرا گیا۔ عقیلہ نے بڑھ کر امین الدّین کا گریبان پکڑ لیا۔ ’میری بچّی، میری شمع کے قاتل تم ہو! اگر تم یہ کلینک بننے دیتے تو شمع آج زندہ ہوتی، وہ ٹھیک ہو چکی ہوتی۔ ‘

اب وہی عقیلہ یہ تہیّہ کر رہی تھی کہ وہ باقاعدگی کے ساتھ ہفتے میں دو بار امین الدّین کو اچھا کھانا بنا کر بھیجے گی۔

جراہ جلوس میں پیچھے کی طرف رہنا چاہتا تھا۔ اس کو پتا تھا کہ اس کی ماں دوسری سمت سے آنے والے جلوس میں پیش پیش ہو گی۔ یہ مخالف سمت سے آیا ہو ا جلوس قدرے چھوٹا تھا مگر زیادہ پر جوش تھا۔ جراہ کی آنکھیں بیتابی سے ماں کو ڈھونڈ رہی تھیں لیکن وہ کہیں نظر نہیں آ رہی تھی۔ ”وہ تو ان سب لوگوں کی لیڈر ہے کہاں غائب ہو گئی ہے! “ وہ اور انتظار نہ کر سکا۔ اس نے اپنے ٹرک کو اسٹارٹ کیا اور ماں کے گھر کی طرف دوڑ پڑا۔ گھر کیا تھا ایک ویرانہ تھا۔ دروازے کو زور سے کھولتے ہوئے وہ ماں کے کمرے میں داخل ہوا۔ آج ماں کے چہرے پر کتنا سکون تھا۔ وہ کتنی گہری نیند سو رہی تھی۔

تقریباً دو سال سے جراہ کی ماں جس کا نام میکاک تھا اور جراہ کے درمیان ایک بحث چل رہی تھی۔ لیکن یہ دو باشعور لوگوں کی بحث تھی جس سے ماں اور بیٹے کی محبت میں ذرا سا بھی خم نہیں آیا تھا۔

سنتوش درختوں کے انسپکٹر کو بہت بے بسی اور غصے سے واپس جاتا ہوا دیکھ رہا تھا۔ پتا نہیں اسے اس درخت کو کاٹنے کی اجازت ملے گی یا نہیں۔ ادھر اس کی بیوی بضد تھی کہ یہ ساری رکاوٹیں اس بات کی نشان دہی کرتی ہیں کہ یہ درخت ان کے لئے پَوِترہے اور وہ اس کو نہیں کٹوانے دے گی۔ سنتوش کے ذہن میں یہ خیالی تصویر گھوم رہی تھی کہ دہلی میں اس کے بھائی سد ہیر نے پولیس کے ساتھ مل کر اپنے دشمن کو ایک دن کے اندر قتل کروادیا تھا اور یہاں درخت کا کٹوانا اتنا بڑا مسئلہ بنا ہوا تھا۔

سنتوش کو ٹورونٹو کے اس مکان میں رہتے ہوئے تیس سال گزر چکے تھے۔ اس کے تینوں بچے یہیں بڑے ہوئے۔ ابتدائی، ثانوی اور یونیورسٹی کی تعلیم اسی علاقے میں حاصل کی اور اب وہ شادی کر کے الگ رہ رہے تھے۔ سنتوش بھی اب ریٹائر ہو گیا تھا اور تقریباً سارا وقت گھر ہی میں رہتا تھا۔ اگر سردی زیادہ نہ ہو تو مکان کے اگلے لان میں وقت گزارنا پسند کرتا تھا۔ اگلے لان میں میپل کا بہت بڑا درخت تھا۔ موسم گرما میں یہ درخت پتوں سے بھر جاتا اور اور لان اور مکان کو اپنے سائے میں رکھتا۔ مگر یہ درخت اب کسی بیماری کا شکار تھا اور بہت ہی کم پتّے دیتا تھا۔

چارلس ڈی گریوز Charles de Gruse جب بھی پیرس میں میز بانی کرتا تو اپنے غیر ملکی مہمانوں سے یہی کہتا ”آپ کو ایک اعلی ریڈ وائن red wineسے لطف اندوز ہونے کے لئے فرانسیسی ہونا ضروری نہیں ہے، لیکن ایک عمدہ وائن کی پہچان کے لئے فرانسیسی ہونا ضروری ہے“ وہ یہ مسکرا کر کہتا تاکہ اس کے مہمان اس کی بات سے ہتک نہ محسوس کریں۔

فرانسیسی سفارتی عملے میں زندگی بھر کام کرنے کے بعد، کاؤنٹ چارلس ڈی گریوز اپنی بیوی کے ساتھ قوے وولٹیر میں ایک خوبصورت مکان میں رہتا تھا۔ وہ ایک قابل ِپسند شخص تھا، پر وضع بھی اور اپنی میزبانی اور دل نوازی کے لئے مشہور تھا۔

اس چلتی ہوئی ریل گاڑی کے باہر ایک ہجوم محسن کو کافر قرار دے کر اس کی جان کے درپے تھا۔ مگر اس کی نظریں سڑک کے اس پار مسجد کے خوبصورت گنبد اور میناروں پر پیوست تھیں جہاں اس نے آدھ گھنٹہ پہلے نماز ادا کی تھی۔ محسن کی یہ محسور کن کیفیت دیکھ کر ساتھ بیٹھے ہوئے شخص نے اس شہر کے لوگوں کی تعریف کی۔ اس کے ردّ عمل کے طور پر محسن بے ساختہ کچھ بڑبڑایا۔ ساتھ بیٹھا ہو ا نوجوان اور اس کے دو دوست فوراً کھڑاے ہوگئے۔ محسن نے مڑ کر دیکھا تو وہ نوجوان غصے میں آگ بگولہ ہوئے اسے گھور رہے تھے جیسے کہ وہ اس پر حملہ کرنے والے تھے۔ محسن کے اندر ایک عجیب و غریب اضطراب پیدا ہوا جیسے اس پر دل کا دورہ پڑنے لگا ہو۔ پھر اس کے اندر کی شعوری قوت اس کے اضطراب پر حاوی ہو گئی اور مسکرا کر اس نے آنکھیں بند کر لیں۔