میں جب بھی کوئی نیا کام کرنے کی کوشش کرتا ہوں تو مجھے پہلی بار میں ناکام ہونا زیادہ پسند ہے۔ یقین کریں کہ یہ والا مائنڈ سیٹ میرا پہلے سے نہیں تھا۔ میں بھی ہمیشہ پہلی کوشش میں ہی کامیاب ہونا چاہتا تھا مگر جب میں نے یہ سیکھا کہ ناکامی کے بعد ملنے والی کامیابی زیادہ فائدہ مند ثابت ہوتی ہے تو میں نے اب پہلی یا دوسری کوشش میں ہی کامیابی کی امید کبھی نہیں رکھی۔ ہو

ذرا سوچیں کہ آپ ایک مکمل انسان ہیں اور آپ کی آنکھیں بھی ہیں جن سے ہمیشہ آپ کوئی بھی چیز آسانی سے دیکھ سکتے ہیں۔ لیکن ذرا رکیں اور غور کریں کہ کیا واقعی ایسا ہی ہے؟

چلیں ایک تجربہ کر کے دیکھیں اور خود کو کسی اندھیرے کمرے میں لے کر جائیں اور محسوس کریں کہ آپ آنکھیں ہونے کو باوجود کیوں نہیں دیکھ پا رہے؟ نظریں جب ٹھیک ہیں تو پھر یہاں آ کر ہم اندھے کیوں بن گئے ہیں؟

کاپی رائٹس کا آسان الفاظ میں مطلب یہ ہے کہ آپ کے پاس گورنمنٹ سے تصدیق شدہ سرٹیفکیٹ کی صورت اپنی تخلیق کی ملکیت کا ثبوت ہو۔ یہاں پاکستان میں کسی بھی تخلیقی کام کے کاپی رائٹس کے بارے عام لوگوں کی معلومات بہت کم ہیں۔ اگر ہے تو اتنا پتا کہ شاید یہ کسی وکیل کا ہی کام ہے اور کافی مہنگا پڑتا ہے۔ اسی غلط فہمی کی وجہ سے بہت سے تخلیق کاروں، خاص کر نیے لوگوں کے

جیسا کہ آپ سب جانتے ہیں کہ ہماری اچھی اور بری عادتیں زندگی پر بہت گہرا اثر رکھتی ہیں۔ اگر یہ کہا جائے کہ کسی مقصد میں کامیابی یا ناکامی کا دارومدار ہماری عادات پر ہوتا ہے تو یہ بلاتامل ماننے والی بات ہوگی۔ جہاں پر اچھی عادتوں کی وجہ سے ہم اپنی منزل جلد پا لیتے ہیں، وہیں ان کی وجہ سے ہماری زندگی بھی خوش باش گزرتی ہے۔ مگر یاد رہے کہ اچھی عادتوں کا حصول اور بری

ہم یار لوگ جب کبھی بھی مل بیٹھ کر پرانی باتیں یاد کرتے ہیں تو سب سے زیادہ آلودگی سے پاک ماحول کا تذکرہ کرتے ہیں اور اس کے بعد شام کے بعد کا پرسکون ماحول۔ جہاں کاروباری لوگ عصر کی نماز پڑھ کر فارغ ہوتے ہی اپنی دکان داری سیمٹنے پر لگ جاتے۔ کوشش یہی ہوتی تھی کہ مغرب کی نماز گھر جاکر ادا ہو۔ اور ہوتا بھی ایسا ہی تھا۔ گھر کے بڑوں نے اپنے کام کاج بند

اگرچہ ڈر کی کئی اقسام ہیں مگر ان میں سے کوئی اتنی خاص سنگین نہیں ہوتی۔ کیونکہ اس میں کسی قسم کے جسمانی و جانی نقصان کا اندیشہ نہیں ہوتا۔ عام طرح کے ڈر میں صرف اپنی اندرونی گھبراہٹ پر قابو پاتے ڈر کا دفاع کرنا پڑتا ہے۔ جیسے اسٹیج پر کھڑے ہو کر لوگوں کے سامنے نہ بولا جاتا ہو، بلندی سے ڈر لگتا ہو یا پانی کی گہرائی سے وغیرہ، وہ ڈر ہیں جو اتنے شدید نہیں، جتنا

کسی بھی کام یا مقصد کو حاصل کرنے کا نام، کام یابی ہے۔ کون ہے جو نہیں چاہتا کہ زندگی کے ہر میدان میں کام یاب ہو یا کام یابی اس کا مقدر بن جائے۔ جس کے لیے وہ جی جان سے خوب محنت کرتا ہے۔ کوشش یہ ہی ہوتی ہے کہ وہ اپنے تمام مقاصد میں کام یاب ہو جائے مگر افسوس کبھی کبھار محنت کرنے کے باوجود وہ اپنا مقصد حاصل نہیں کر پاتا اور ناکامی کا سامنا

ہوسکتا ہے کہ آپ آج کل زندگی میں مشکل حالات سے دوچار ہوں۔ کسی ناکامی، حادثے، اردگرد کے ماحول یا پھر ماضی کے کسی پچھتاوے کی وجہ سے بہت افسردہ ہوں۔ کہیں دل نہ لگ رہا ہو۔ کہیں مسکرانا زبردستی لگتا ہو تو کہیں رونا جلدی آجاتا ہو۔ من کے اندر بھی اداسی ہو اور باہر بھی بے زاری سی کیفیت۔ سب سے بڑھ کر یہ کہ زندگی جینے میں دلچسپی ختم ہوتی جارہی ہو، تو جناب پھر میرا یہ بلاگ آپ ہی کے لیے ہے۔

جب ہمارے اردگرد سب کچھ ہماری توقعات کے برعکس ہورہا ہو تو منفی سوچوں کا پیدا ہوجانا بھی کوئی انہونی بات نہیں۔ ایسی ذہنی کیفیت ہر کسی کو ہی درپیش آتی ہے۔ فرق اس بات سے پڑتا ہے کہ کوئی فرد کتنی جلدی اس منفی کیفیت سے باہر آتا ہے۔ اپنی ذہنی حالت پر جلدی قابو پالینا ہی مضبوط شخصیت کو ظاہر کرتا ہے۔ اب سوال پیدا ہوتا ہے کہ ان مسائل پر قابو کیسے پایا جائے؟ تو پھر اس

عظیم مفکر دلائی لامہ کا کہنا ہے کہ خوشیاں ہمیں کبھی ریڈی میڈ نہیں ملتیں، بلکہ ان کو پانے کے لئے ہمیں کوشش کرنی پڑتی ہے۔ اگر ہم غور کریں تو احساس ہو گا کہ ہمارے شب و روز بھی خوشیاں کمانے کے لئے ہی گزرتے ہیں۔ کہیں ہمیں ملنے ملانے سے خوشی حاصل ہوتی اور کہیں کھانے کھلانے سے۔ ہر فرد صبح سے شام کمانے میں اسی لئے جتا رہتا ہے تاکہ اپنی فیملی کے ہمراہ، خوشحالی کی زندگی

یقین مانیں کہ میں نے قرآن پاک کا مطالعہ صرف اس وجہ سے نہیں کیا کہ میں جدی پشتی مسلمان ہوں اور اس کو پڑھنا میرے لئے فرض ہے۔ یا پھر اس کو پڑھنے کے فضائل کی دھاک سے بھی اس کی طرف مائل نہیں ہوا۔ میں اکثر سوچتا ہوں کہ اگر میں مسلمان نہ بھی ہوتا تو قرآن کو پڑھ اور سمجھ کر تب بھی اس پر فدا ہو چکا ہوتا۔ اس حوالہ سے میرا پیدا ہوتے ہی مسلمان کہلایا جانا ایک اضافی نعمت ہے جو مجھے بغیر کسی تگ و دو کے حاصل ہو گئی۔

یہ عنوان والا جملہ مجھے پہلی دفعہ تب سننے کو ملا جب میری بہن کے رشتہ کے لئے کچھ لوگ گھر آئے ہوے تھے۔ انہی میں سے موجود ایک آنٹی نے یہ بات امی سے کہی تھی۔ اگرچہ یہ بات انہوں نے بلند آواز کی بجاے امی کو کُھسر پُھسر کے انداز میں ہی کی تھی مگر امی کے قریب بیٹھے ہونے کی وجہ سے میرے کانوں میں بھی پڑ گئی۔ پھر امی کی طرف سے ان کو تسلی ملی کہ فکر نہ کریں شادی تک سمارٹ ہو جائے گی۔ مگر اس آنٹی نے بھی ”لگتا تو نہیں ہے“ کہہ کر بحث ہی سمیٹ دی۔ خیر اس جگہ رشتہ تو کیا ہونا تھا مگر اس رشتہ کا وجہِ انکار مجھے زندگی کی اک نئی تلخ حقیقت سے روشناس کروا گیا۔

دیکھیں جی بات چھوٹی سی ہی کیوں نہ ہو مگر دل توڑنے اور موڈ خراب کرنے کے لئے کافی ہوتی ہے۔ یہ ایسے ہی ہے جیسے ٹیکے کی چھوٹی سی سوئی لگواتے وقت چھبن ہوتی ہے۔ اکثر ہم کسی کو اصل نام کی بجاے اس کی جسمانی حالت جیسے موٹا، کالا، لمبو، کوڈو، بڑے منہ والا، گنجا، وغیرہ معذور کو لنگڑا، ٹنڈا، انّا وغیرہ اور طنز میں طلاقن، جاہل وغیرہ یا پھر کسی کو ان کے خاندانی کاموں کے حساب

آج کل تو ہمیں یہ جنسی بھوک کی زیادتی ہی لے کر بیٹھ گئی ہے۔ بات یہ نہیں ہے کہ یہ کوئی غیر فطری بات ہے یا پہلے زمانوں کے لوگوں میں یہ بھوک کم تھی اور اب زیادہ ہے۔ مگر مجھے یہ کہنے دیجئے کہ اب اس بھوک کی اشتہا کو بڑھانے میں خارجی چیزوں کا بہت بڑا حصہ ہے۔ چاہے وہ بے باک ڈراموں، فلموں، گانوں، ڈانسز، بولڈ اشتہارات و پوسٹرز کی صورت یا پھر فحش ویڈیوز کی

وہ دیکھو وہ کیسے گند اٹھا کر لے کے جا رہی ہے۔ توبہ توبہ، دیکھو ذرا یہاں تک بدبو آ رہی ہے، بھابی صاحبہ نے جب پاس بیٹھی ہمسائی کو کہا تو اسی وقت میں اسکول واپسی سے گھر داخل ہوا تھا تبھی یہ بات میرے کانوں میں پڑی۔ میں اپنے تایا جی اور تائی جان کے ساتھ رہتا تھا کہ اپنے والدین کی وفات کے بعد یہی میرا سب کچھ تھے۔ تایا جی بڑھاپے کی عمر میں شوگر اور

اس مضمون کے عنوان والا جملہ مجھے ہمیشہ مدر ڈے پر اس لئے یاد آتا ہے کہ اس دن لوگ اپنی ماؤں کو اچھے الفاظ سے یاد کرتے ہیں۔ ان کے لئے پیار بھرے جملے کہتے ہیں۔ تو جب ان اچھے فقروں کی بیچ ایسا جملہ سننے کو ملے تو پھر؟ کسی کی ماں کے بارے ایسا جملہ؟ کیا یہ الفاظ قابل اعتراض نہیں ہیں؟ کوئی ہماری ماں کے بارے ایسا کہے تو کیسا لگے گا؟ ٹھیک یہی سوالات میرے

اسی پلیٹ فارم پر ایک صاحب نے روزہ کیوں نہیں رکھا؟ کے موضوع پر اپنی ہی سوچ و فلسفہ کے مطابق اس ”روزہ“ کو بیان فرمایا جس کا ان کو ککھ ( زرہ برابر) نہیں پتا تھا۔ اپنی مرضی کی تشریح کر کے اس کے مطابق عمل کرنا آپ کا ذاتی فعل تو ہو سکتا ہے مگر اس کو پکڑ کر باقی روزہ رکھنے والوں کو بھی یہ کہنا کہ وہ زبردستی روزے رکھتے ہیں تو صاحب آپ کی یہ

آپ کسی کو بہت خواہش کے باوجود پا نہیں سکے۔ کسی کے ساتھ بہت دور چلنے کے بعد بھی آپ کو پتہ چلا کہ آپ تو وہیں کھڑے ہیں جہاں سے چلے تھے۔ آپ کا سفر تو لاحاصل رہا۔ آپ کا اندر ٹوٹتا ہے اور ہر طرف شور سا مچ جاتا ہے۔ وہ خوبرو، جو کبھی ہمیشہ آپ کے روبرو ہوتا تھا وہ اب کہیں موجود نہیں ہے۔ آپ سے یہی بات، یہی سوچ ہی تو برداشت نہیں ہوتی۔ اسی

لو جناب ہمارے دبئی آفس میں سنگاپور سے ایک لڑکی انٹرن شپ پر آ کیا گئی پورے آفس میں موجود لڑکوں و بزرگ نما مردوں کو ”وٙخت“ ہی پڑ گیا۔ وہ کہاں ہے، کیا کر رہی ہے، آج کیا پہن کر آئی ہے، کس کے ساتھ زیادہ بات کرتی ہے وغیرہ۔ یقین کریں کہ ٹی روم، لنچ روم، سموکنگ ایریا، غرض کہ آتے جاتے یہی بات سننے کو ملتی ’ھور فیر کی حال اودھا‘ (اور کیا حال ہے اس کا)۔

پاکستان کے کسی ادارے میں ایسا سب ہو رہا ہو تو بندہ سوچتا چلو یار یہاں کا ماحول و تربیت ہی ایسی ہے۔ مگر جب دبئی جیسے ملک کے کسی ملٹی نیشنل ادارے میں بھی ایسا سب دیکھنے کو ملے تو واقعی میں حیرت ہوتی ہے کہ ایسا کیا ہوتا ہے ہماری جینز میں کہ ٹھرک پن نہیں جا سکتا۔ اچھا اب میں صرف اپنے جیسے پاکستانی افراد کی بات نہیں کر رہا بلکہ اس میں وہاں کے لوکل، انڈین، مصری وغیرہ بھی ایسی ہی حرکات کر رہے ہوتے ہیں۔

جس طرح ہمارے آس پاس کوئی نا کوئی ایسا بے چارہ ضرور ہوتا ہے کہ اس کی قسمت اتنی ماڑی ہوتی ہے کہ سیدھے اور آسان کام کا بھی ہمیشہ ستیاناس کر دیتا ہے ٹھیک اسی طرح ہمارے ہاں کچھ ایسے تعلیم یافتہ نمونے وومین ڈے پر عورت مارچ کے نام پر اس دن کی اہمیت کا بیڑا غرق کر دیتے ہیں۔ چلو کوئی ان پڑھ یا بدتہزیب ایسا کرے تو سمجھ آتی ہے مگر جب اچھے خاصے پڑھے لکھے، سٹیٹس یافتہ ایسا کریں تو پھر سوال تو اٹھیں گے ہی، تنقید تو ہو گی ہی۔

کھسرا نام کی شخصیت کو میں بچپن سے ہی حیرت سے دیکھتا آیا ہوں۔ اور یہ عادت ابھی تک ہے۔ یہ کیا ہوتے ہیں، ان کا اصل نام کیا ہے، یہ ایسے کیوں دکھتے ہیں وغیرہ جیسے سوالات چھوٹے ہوتے میرے ذہن میں اٹھتے تھے، مگر کوئی بھی تسلی بخش جواب نہیں دے پاتا تھا۔ سب ہنس کر ٹال دیتے تھے یا پھر ان کے بارے عجیب باتیں بتا کر ڈرا دیتے تھے۔ جب ہم بڑے ہوئے تو ان کے

میری بیگم کا ایک ٹریننگ سیشن اسی اسکول میں ہونا تھا جہاں میں نے تعلیم حاصل کی ہوئی تھی۔ سو خوشی سے اسے وہاں چھوڑنے گیا کہ چلو تعلیمی دور کی یادیں تازہ ہو جائیں گی۔ اس نے گیٹ کے اندر کی جانب بیٹھے سیکورٹی والوں سے انٹری وغیرہ کروا کر مجھے اوکے کا ہاتھ سے اشارہ کر دیا۔ انہی سیکورٹی والوں کے پاس ہی کچھ بڑی عمر کے اساتذہ کا ٹولہ کھڑے دھوپ سینک رہا۔ میں مشاھدہ کر رہا تھا کہ وائف کی انٹری کے پراسیس اور اس کے ہال تک جانے کی چال پر ان کی مسلسل نظریں جمی رہیں۔
باتیں بھی ساتھ ساتھ چل رہی تھی۔ ان میں میرے عربی کے ٹیچر بھی شامل تھے۔

آپ نے پنجابی کا یہ محاورہ تو ضرور سنا ہو گا کہ ”سوچی پیا، تے بندا گیا“۔ تو جناب، سوچنا بہت اچھی بات ہے تبھی ہم بہترین فیصلہ سازی کر سکتے ہیں، مگر حد سے زیادہ سوچنا، سوچوں پر قابو نہ پانا جہاں ہم میں چڑچڑاپن پیدا کرتا وہاں پر اچھا و بروقت فیصلہ کرنا بھی بس میں نہیں رہتا۔ ہم الجھن کا شکار ہو جاتے ہیں۔ اس وجہ سے ہم کئی اہم مواقع ضائع کر دیتے اور پھر بعد میں پچھتاتے ہیں۔ اچھا سوچنا اور بر وقت سوچ کر فیصلہ کرنا ہی ہمیں کامیابی سے ہمکنار کرتا ہے۔ تو جناب اگر آپ بھی سوچتے میں بہت وقت گزار دیتے ہیں، سوچوں میں کھو کر وقت ضائع کردیتے ہیں، بر وقت فیصلہ نہیں کر پاتے، تو صاحب میرا آج کا مضمون خاص آپ کے لیے ہی ہے۔ آپ نے بس میری آگے لکھی جانے والی صرف 7 باتو ں پر عمل کرنا ہے جس سے آپ کو اپنی لامحدود سوچوں پر قابو پانا ضرور آجائے گا ان شا اللہ۔

اگر آپ دبئی میں ملازمت حاصل کرنا چاہ رہے ہیں تو میری یہ تحریر خاص آپ کے لیے ہی ہے۔ دبئی میں ملازمت کا حصول آج کل بہت سارے لوگوں کی آرزو ہے۔ نوجوانوں کو اپنی آمدن بڑھانے کے لیے، خوشحالی لانے کے لیے، قرضوں سے جلدی چھٹکارا پانے کے لیے یا اپنی محنت کا اچھا معاوضہ پانے کے لیے یو اے ای یا قریبی دوسرے خلیجی ممالک میں ملازمت تلاش کرنے کا اچھا موقع ہے کیونکہ ایک تو یہ

یقین کیجیے دوستو کہ خود شناسی یا پھر ’اپنے آپ کو جاننا‘ بہت ہی اہمیت رکھتا ہے۔ ہم میں کیا خوبیاں اور صلاحیتیں ہیں؟ کیا کرنا اچھا لگتا ہے اور کیا برا؟ ہم کس وجہ سے اداس ہو جاتے ہیں؟ ہم میں کیا کمیاں اور کمزوریاں ہیں؟ ہم میں کیا کچھ سنورنے اور نکھرنے والا ہے؟ ہمارے لیے خوشی کا باعث کیا باتیں ہوتی ہیں؟ ہمارے لیے کیا مفید ہے اور کیا کرنا نقصان دہ ہو سکتا ہے؟ وغیرہ۔ اس

کیا آپ تعلیم شوق سے حاصل کر رہے ہیں؟ یا کیا آپ اپنے شوق والی تعلیم حاصل کر رہے ہیں؟ ان دونوں باتوں کے فرق کو سمجھنا اور غور کرنا واقعی بہت ضروری ہے۔ مگر مجھے ان پر بات نہیں کرنی ہے کہ ان کی افادیت پر پہلے ہی بہت کچھ لکھا جا چکا ہے اور اب بھی لکھا جاتا ہے۔ ویسے بھی یہ باتیں ان کےلیے زیادہ اہم ہیں جنہوں نے اعلیٰ تعلیم حاصل کرنی ہو یا پھر A/A+

اگر میں روز شام کو کام سے آ کر یا کسی چھٹی والے دن اپنی بیوی کے پاؤں دباؤں، اس کے سر پر مالش کروں، سچی محبت کی نیت سے یا پھر اس خیال سےکہ وہ سارا دن گھر رہ کر بے شمار کام کرتی ہے، فیملی میں سب کا خیال رکھتی ہے، یا کہ وہ بھی جاب کرتی اور اس کے ساتھ ساتھ گھر بھار پر بھی پوری توجہ دیتی ہے سو وہ بھی تھک جاتی ہے اس کا