وہ 6 دسمبر 1992 ء کی ملگجی اور اداس دوپہر تھی۔ اتوار کا دن۔ جب اوچ شریف کے متروک ریلوے لائن کے ساتھ واقع ماسٹر احسان انجم صاحب کے سکول میں دوسری جماعت کا آٹھ سالہ طالب علم نعیم احمد ناز جو اہل و عیال اور ہم جماعت دوستوں میں نومی کی عرفیت سے جانا جاتا تھا، درگاہ حضرت محبوب سبحانی کے کُپ (مقبرہ موسیٰ پاک شہید کے اندر) میں دسمبر ٹیسٹ کے سلسلے میں ماسٹر مرید احمد صاحب کے

پاکستان کے پہلے سیکرٹری جنرل، 1956 ء کے پہلے دستور پاکستان کے خالق، سابق وفاقی وزیر خزانہ، چوتھے وزیراعظم چوہدری محمد علی کی 39 ویں برسی یکم دسمبر کو منائی جا رہی ہے، چوہدری محمد علی 15 جولائی 1905 ء کو ننگل انبیا، تحصیل نکودر ضلع جالندھر میں پیدا ہوئے۔ 1928 ء میں انڈین آڈٹ اینڈ اکاؤنٹس سروس میں شامل ہوئے اور تیزی سے ترقی کے مراحل طے کرتے ہوئے ایڈیشنل سیکریٹری کے عہدے تک پہنچے۔ قیام پاکستان سے پہلے

میں نے دیکھا کہ ایک ہوسٹل کے دروازے پہ پولیس کھڑی ہے اور ایک نوجوان ہندو لڑکی نمرتا کی بے بس لاش پنکھے سے جُھول رہی ہے۔ انتہائی ڈھٹائی اور بے حیائی سے قتل کو خود کشی سمجھا جا رہا ہے۔ پھر یوں ہوا کہ میں چشم تصور سے اس عظیم اسلامی مملکت کے سبز ہلالی پرچم کا اقلیتوں کے لئے مخصوص سفید حصہ سکڑتے سکڑتے ختم ہوتے یا خاکم بدہن سرخ رنگ میں ڈھلتے دیکھنے لگا۔ عدم برداشت اور

یادش بخیر: گزشتہ چند ماہ سے ہمارے کچھ فیس بکی محب الوطن گلابی نمک کا چورن بیچ کر قومی حمیت کی بیچ چوراہے پھوٹنے والی ہنڈیا کو جہالت کا تڑکا لگائے جا رہے ہیں۔ سادہ اور مختصر مگر جامع بات یہ ہے کہ ہم اپنے ”لون“ کے ساتھ ساتھ ”خون“ میں بھی ”نمک حلالی“ کی تاثیر پیدا کر لیں تو دہلی کے لال قلعہ پر سبز ہلالی پرچم لہرا سکتے ہیں۔ بتایا جا رہا ہے کہ پاکستان کا گلابی نمک

زمان و مکان کی کائناتی بندشوں، غم جاناں اور غم روزگار سے جب زیست گاہے جان سے گزر آتی ہے اور گاہے جان سے گزر جاتی ہے، تو اس ہمہ رنگ یکسانیت سے طبیعت اوبھ سی جاتی ہے۔ اس سمے تھوڑی سی تنہائی چاہیے ہوتی ہے اور محض لب دوز و لب ریز چائے کا ایک پیالہ۔ اس دل ستاں ساعتوں میں ہمارا بہترین رفیق عمران سریز کا ناول ہوتا ہے۔ ابن صفی کے بعد صفدر شاہین، ایم اے راحت اور ظہیر احمد نے عمران سیریز کے تسلسل کو اپنے اپنے انداز سے آگے بڑھایا اور مقبولیت حاصل کی لیکن لیجنڈری مظہر کلیم ایم اے کا رخش قلم جب قرطاس پر بگٹٹ دوڑتا تھا تو سربلندیوں اور سرشاریوں کو چھو لیتا تھا۔

گزشتہ دنوں ہمیں اپنے شہر اوچ شریف کے پڑوس میں واقع اوچ موغلہ کے گلیوں کوچوں کی طرف جانے کا اتفاق ہوا۔ یا حیرت! شنیدنی مناظر دیدنی ہوئے تو طلسم ہوشربا نگارستان کو اپنے سامنے پایا۔ پہلے پہر کی رات کے خواب جیسا ماحول، بغداد کی گلیوں کی طرح پراسراریت، مزاروں جیسے پر شکوہ مگر خاموش در و دیوار، درختوں کی شاخوں پر بندھے مٹی کے برتنوں سے بے فکری کے ساتھ دانہ چگتی چڑیوں کی دلپذیر چہچہاہٹ، کوئل کی کوکو، نیند کے ہلکورے لیتے صوفی مزاج کبوتر، گلہریوں کی معصوم شرارتیں، دو رویہ گھنے درختوں کے بیچوں بیچ کچا راستہ، مصنوعی تالاب اور کئی سو سال قدیم لگنے والے برگد کی مہربان چھاؤں میں بیٹھ کر ایسے محسوس ہوا جیسے ہم الف لیلوی دھرتی پر آ گئے ہوں کہ شہر زاد کی کہانیوں کو قرات کرتے کرتے نیند کے گھونٹ بھرنا شروع کر دیں گے۔

یادش بخیر: 31 برس پہلے سترہ اگست کے دن بہاول پور کے قریب بستی لال کمال میں ایک ایسا سانحہ رونما ہوا تھا جس کی ہولناک گونج پوری دنیا میں سنی گئی۔ صدر پاکستان جنرل محمد ضیاء الحق اور ان کے رفقاء کی طیارے کے اندوہناک حادثے میں ناگہانی موت نے ملک بھر میں صف ماتم بچھا دی تھی۔ جب یہ حادثہ وقوع پذیر ہوا تھا، اس وقت اس زمین زاد کی عمر محض چار سال چھے دن کی تھی اور اوچ شریف میں موجودہ رہائش گاہ پر رہائش پذیر ہوئے ہمیں چار مہینے ہی ہوئے تھے۔ اس قومی سانحے سے چند روز قبل ہی ابا جی ایک بڑا سا ڈبہ نما بلیک اینڈ وائٹ ٹی وی لے کر آئے تھے، جسے پوری شمس کالونی میں واحد ٹیلی ویژن سیٹ ہونے کا ”اعزاز“ حاصل تھا۔

یادش بخیر، اس زمین زاد نے اخباری دنیا میں زبان و بیاں کا سلیقہ دو شخصیات سے سیکھا ہے۔ ایک والد گرامی نسیم صاحب ہیں۔ ان سے تو براہِ راست کسب فیض کیا۔ سکول سے واپسی پر نسیم صاحب کو ”نوائے وقت” کا فکاہیہ کالم ”سر راہے” پڑھ کر سنانا ہماری ذمہ داری تھی۔ لہذا اسی وجہ سے زبان و بیاں کے معاملے میں سب سے زیادہ گوشمالی ہماری ہی ہوا کرتی۔ دوسری شخصیت جناب عرفان صدیقی کی ہے۔ ان

گزشتہ دو دہائیوں میں ہمارے نوسٹیلجیا سے جڑی بہت سی خوبصورت چیزیں قصہ پارینہ بنیں۔ عید کارڈ ان میں سے ایک ہے۔ اب جہاں ہم ترقی یافتہ بن چکے ہیں، وہاں اپنی خوبصورت روایات کے حوالے سے قحط الرجالی بھی ہمارے مقدر میں آئی ہے۔ عیدالفطر کو منانے کے لیے رمضان المبارک کے آغاز سے ہی تیاریاں شروع ہو جاتیں ہیں۔ ماضی میں اپنے پیاروں، رشتے داروں، عزیز و اقارب اور دوست و احباب کو عید کارڈز ارسال کرنے کی دل ستاں روایت بھی انہی تیاریوں کا حصہ ہوا کرتی تھی، جسے اب جدید ٹیکنالوجی کا اژدھا نگل گیا۔

14 اگست 1947 ء کو پاکستان معرض وجود میں آیا تو وہ طاغوتی طاقتیں جو اس کے قیام کے خلاف تھیں روز اول سے ہی اس کی وحدت کو نقصان پہنچانے کے درپے ہو گئیں۔ ریڈ کلف کی غیر منصفانہ جغرافیائی اور اثاثہ جات کی تقسیم کے باوجود ہندوستان پاکستان کو اس کے حصے کا ساز و سامان دینے سے صاف انکاری ہو گیا۔ اس کی اس گھٹیا حرکت کا مقصد نوزائیدہ مملکت پاکستان کو معاشی لحاظ سے نقصان پہنچانا تھا۔ ایسے نازک حالات میں جس شخص نے دامے، درمے، سخنے اور قدمے پاکستان کی مدد کی وہ نواب آف بہاول پور سر صادق محمد خان عباسی (پنجم) تھے جنہوں نے اپنا تخت و تاج پاکستان پر نچھاور کر دیا۔

تین مئی کو پاکستان سمیت دنیا میں آزادی صحافت کا عالمی دن منایا جاتا ہے۔ اقوام متحدہ کی جنرل اسمبلی نے 1991 ء کی اپنی 26 ویں اجلاس میں منظور قرارداد کو نافذ کرتے ہوئے 1993 ء سے ہر سال 3 مئی کو عالمی سطح پر یوم آزادئی صحافت کے انعقاد کا فیصلہ کیا تھا۔ جس کے تحت صحافتی تحریروں پر پابندی لگانے، انھیں سنسر کرنے، جرمانہ عائد کرنے نیز صحافیوں کو زدوکوب کیے جانے، ان پر جان لیوا حملہ

گزشتہ دنوں ایک جان پہچان والے صاحب ہمارے ہاں تشریف لائے، چہرے بشرے سے قدرے معقول لگے تھے۔ نظام تعلیم پر بات ہوئی تو فرمانے لگے کہ انہوں نے پی ایچ۔ ڈی کر لی ہے اور اب ایک گورنمنٹ بوائز پرائمری سکول میں اپنی اضافی قابلیت کا مبلغ پانچ ہزار روپے ماہانہ ”محنتانہ“ بھی وصول کر رہے ہیں۔ موصوف زمانے کے ساتھ ساتھ تعلیم کی ناقدری کا بھی رونا رو رہے تھے۔ اسی طرح ایک پرائمری سکول میں تعینات ہماری

ازمنہ گزشتہ سے انسان بقا کی جنگ لڑ رہا ہے۔ اس جنگ میں انسان کا سب سے موثر ہتھیار ماحول سے مطابقت ہے۔ وقت نے ثابت کیا ہے کہ جس ذی روح نے ماحول سے بہتر تطبیق کی وہ باقی رہی۔ اسی طرح تعمیر اور تخریب بھی انسانی فطرت میں شامل ہے اور اس کا سلسلہ انسان کے زمین پر آنے کے بعد سے جاری ہے۔ وقت بہت سے حقائق پر پردے ڈالتا رہا اور جب کسی خطے میں جنگ ہوئی تو باقی صرف کھنڈرات بچے۔ انہی جنگ و جدل کے نتیجے میں دنیا کی بڑی بڑی تہذیبیں صفحہ ہستی سے مٹ گئیں اور کہیں کہیں ان کے آثار باقی رہ گئے۔”مٹے نامیوں کے نشاں کیسے کیسے“۔ کچھ ایسی ہی صورت حال اوچ شریف کی بھی ہے۔

میلے کسی بھی سماج کے تہذیبی و ثقافتی نقوش اور سماجی روایات و ارتباط کا عکس ہوتے ہیں، موسم تبدیل ہوتے ہی مٹی کی قدیم روایات سے جڑے ہر شخص میں محبت کی کونپلیں پھوٹنے لگتی ہیں اور ہر سو رنگ وخوشبوکا ایک سیل رواں نظر آنے لگتا ہے۔ زندگی کے مختلف رنگ جب محبت کی لڑی میں پروئے جائیں تو وہ اس علاقے کی ثقافت بن جاتے ہیں۔ ثقافت زندگی کے مختلف دیدہ زیب رنگوں کا مجموعہ ہے جو لوگوں میں کبھی جھومر کی شکل میں نظر آتا ہے تو کبھی میلے کی صورت میں لوگوں کو تفریح مہیا کرتا ہے۔مقامی رنگ و روپ سے آراستہ میلے جہاں ثقافتی روایات کے امین ہوتے ہیں وہاں مذہبی رنگ ان کی افادیت میں دو چند اضافہ کر دیتا ہے۔ ان میلوں ٹھیلوں کا موسم اکثر موسم بہار کے ساتھ ہی شروع ہوتا ہے۔ وطن عزیز میں ان میلوں کی تاریخ کا جائزہ لیا جائے تو وہ کسی نہ کسی طور پر اولیائے کرام کی پاکیزہ محفل کی یاد تازہ کرتے ہیں۔ بکرمی مہینے چیت کے پہلے جمعتہ المبارک سے شروع ہو کر چوتھے جمعتہ المبارک تک جاری رہنے والا اوچ شریف کا تاریخی میلہ بھی بزرگان دین کی بابرکت محفلوں کی یاد میں منایا جاتا ہے۔

آج کے اس جدید دور میں بلاغ کا کوئی بھی ذریعہ چاہے جتنابھی پرانا کیوں نہ ہو گیا ہواس کی اہمیت اور افادیت سے انکار نہیں کیا جا سکتا۔ یہی صورت حال ریڈیو کے بارے میں بھی ہے۔ گزشتہ دو دہائیوں میں ہمارے نوسٹیلجیا سے جڑی بہت سی خوبصورت چیزیں قصہ پارینہ بنیں، جن میں ایک ریڈیو بھی شامل ہے۔ نجانے کتنی ہی نسلوں کا ریڈیو سے نوسٹیلجیا وابستہ ہے۔ جدید ابلاغ کی ہوشربا سہولیات میسر ہونے کے باوجود ریڈیو سماعت کرنے کا اپنا ہی ایک لطف ہے۔

ان سطور میں یہ زمین زاد ریڈیو کے حوالے سے اپنے بچپن کے رومانس کو آپ سے شیئرکرنا چاہے گا۔ ریڈیو کو ہمارے گھر میں خاص اہمیت حاصل تھی۔ ہمارا گھر شہر کے ان گنے چنے گھرانوں میں شامل تھا جہاں ڈاک خانہ سے ریڈیو کا لائسنس بنوانے کو فخر اور قانون پسندی کی علامت سمجھا جاتا تھا۔ اباجی (رسول بخش نسیم) اس سلسلے میں کوئی تساہل نہیں برتا کرتے تھے۔ اس دور میں ہمارا گھر کچا تھا۔ کچے آنگن میں کنواری مٹی کی روح پرور باس میں بسا ایک چھوٹا سا گھرجہاں سرشام ہی صحن میں چھڑکاؤ کرکے چارپائیوں کے ساتھ ایک چھوٹی سی میز پر لکڑی کے ڈبے کا ریڈیو رکھ دیا جاتاجو دن کو ابو کے کمرے میں میز پر دھرا رہتا۔

تعلیم کسی بھی معاشرے کی ترقی میں بنیادی کردار اداکرتی ہے۔ اس لئے دنیا بھر کی حکومتیں اپنے شہریوں کو تعلیمی سہولیات اورمعیاری تعلیم کی فراہمی کے لئے اقدامات کرتی ہیں۔ اپریل 2010 ء میں اٹھارویں آئینی ترمیم کے ذریعے پاکستان کی پارلیمان نے دستور میں آرٹیکل 25 (اے ) کا اضافہ کیا۔ جس کے تحت معیاری تعلیم کو کسی بھی شہری کا بنیادی حق قرار دیا گیا مگراسی اٹھارویں ترمیم کے ذریعے ہی تعلیم کے اہم ترین شعبے کوصوبوں کے سپرد کرکے اس بنیادی حق کی فراہمی کو کاغذی کارروائی تک محدود کر دیا گیا۔

نئے پاکستان کے معماروں سے یہ توقع نہیں تھی کہ وہ مذہبی انتہا پسندوں کے سامنے اتنی آسانی سے گھٹنے ٹیک دیں گے۔تین روز تک ریاست کی رٹ سولہ سنگھار کئے شاہراہ دستور پر جھانجریں چھنکاتی رہی ۔ مذہب کے نام پر” فساد فی سبیل اللہ” کے علمبردار مرصع و مسجع دین فروشوں نے ریاست کر یرغمال بنائے رکھا اور تبدیلی فیم حکومتی وزراء اپنے کھوکھلے پن کے ساتھ شاخ گل پہ زمزموں کی دھن تراشتے رہے۔ جب خطرہ ٹل

جمہوریت کی تعریف کے حوالے سے دیکھا جائے تو کچھ کچھ، جتنے منہ اتنی باتیں، قسم کی صورتحال سامنے آتی ہے۔ پولیٹیکل سائنس کی کتابوں میں سابق امریکی صدرمسٹر ابراہام لنکن کے الفاظ میں اسے کچھ اس طرح بیان کیا جاتا ہے کہ Democracy is a government, of the people, by the people, for the people. یعنی جمہوریت میں حکومت عوام کی ہوتی ہے، عوام پر کی جاتی ہے اور عوام کے لئے کی جاتی ہے۔ تاہم یہ جمہوریت کی

سوالاکھ اولیائے کرام کی نگری اوچ شریف برصغیر کی ان تاریخ ساز بستیوں میں سے ایک ہے جہاں اگر ایک طرف سلطنتوں کے عروج وزوال کی داستانیں مرتب ہوتی رہیں تو دوسری طرف تہذیب و ثقافت کے ان گنت نقوش ابھرتے اور مٹتے رہے۔ اسلامی تصوف و شریعت کی شمعیں جو کفروضلالت کے تاریک گوشوں کو منور کرنے کے لئے خطہ پاک اوچ میں جلائی گئی تھیں ایک دنیا نے ان سے اکتساب نور کیا۔ بہاول پور سے جنوب مغرب

1991 ء میں جب پہلی بار اوچ شریف کو ٹیلی فون کی سہولت نصیب ہوئی تو پہلے مرحلے میں ہمارا گھر بھی ان دو سو خوش قسمت گھروں میں شامل تھا جس کو ٹیلی فون کا کنکشن ملا، ہمارا ٹیلی فون نمبر 192 تھا، ڈائریکٹ ڈائلنگ کا نظام تھا نہیں سو پہلے ٹیلی فون آپریٹر سے بات کر کے اپنا مطلوبہ نمبر ملانے کی درخواست کرنا پڑتی تھی۔ دوسرے شہر بات کرنے کے لئے ایڈوانس بکنگ کرانا پڑتی تھی، کیا

میرے بچو! ’پرانے پاکستان‘ کا ایک بوسیدہ شہری، جو اداس نسلوں کے تسلسل کی آخری کڑی ہے، عمر رواں کی بے اعتبار سانسوں کی مالا جپتے جپتے جسے کہولت نے آ لیا ہے۔ نئے پاکستان کے قیام پر تمہیں وصیت کرتا ہے۔ یاد رکھنا کہ تم اس ملک کے شہری ہو جس ملک میں علیل قائداعظمؒ کی ایمبولینس خراب ہو جایا کرتی ہے اور یہاں آئین بنانے والے سولی چڑھ جایا کرتے ہیں جبکہ مقبول عوامی قیادتیں کبھی جلاوطن، کبھی