طالبان نے افغانستان کے ہمسایہ ممالک کو خبردار کیا ہے کہ وہ امریکی فوج کے ملک سے انخلا کے بعد افغانستان میں پھر کسی کارروائی کے لیے اسے فوجی اڈے نہ دیں۔ طالبان کی جانب سے بدھ کو جاری کیے گئے بیان میں کہا گیا ہے کہ ہمسایہ ممالک کی جانب سے امریکہ کے فوجی آپریشنز میں تعاون کرنا ان کی تاریخی غلطی اور رسوائی کا باعث بنے گی۔ طالبان نے خبردار کیا کہ افغانستان کے عوام اس گھناؤنے اور
Read more
ویب ڈیسک — امریکہ میں جہاز کے ذریعے سفر کرنے والے مسافروں کی تعداد میں اضافہ ہوا ہے جس کے پیشِ نظر ایئر لائنز کمپنیاں موسم گرما میں مقامی فضائی سفر میں اضافے کی تیاریاں کر رہی ہیں۔ حکومتی حلقوں میں بھی اس بات پر بحث ہو رہی ہے آیا مزید غیر ملکی سیاحوں کو ملک میں آنے کی اجازت دی جائے۔
Read more
ویب ڈیسک — افغان طالبان نے اقوامِ متحدہ کے توسط سے ترکی میں منعقد ہونے والی مجوزہ کانفرنس میں شرکت کے لیے نئی شرائط پیش کر دی ہیں۔ اس کانفرنس کا مقصد افغانستان کی صورتِ حال کو زیرِ غور لانا ہے۔
Read more
پاکستان اور امریکی حکام کے مابین حالیہ دنوں میں رابطوں اور ملاقاتوں میں تیزی آئی ہے اور افغانستان سے امریکی فوج کے انخلا کے تناظر میں آنے والے دنوں میں دونوں ممالک کے تعلقات میں مزید وسعت کے امکانات ظاہر کیے جا رہے ہیں۔
بعض ماہرین کے مطابق، افغان امن عمل اور طالبان پر پاکستان کے نام نہاد اثرورسوخ کے پیش نظر، امریکہ اب پاکستان کو زیادہ اہمیت دے رہا ہے۔
امریکی حکام یہ بھی دعویٰ کر رہے ہیں کہ افغانستان سے امریکہ کے انخلا کے بعد کسی بھی کارروائی کے لیے پاکستان، امریکہ کو زمینی اور فضائی رسائی دے گا۔
Read more
امریکہ کے وزیرِ خارجہ اینٹنی بلنکن نے اسرائیل کے دفاع کے حق کی حمایت کرتے ہوئے کہا ہے کہ حالیہ لڑائی کے دوران فلسطینی ’بڑے‘ نقصان سے گزرے ہیں۔ لہذٰا، امید، احترام اور اعتماد کی بحالی کے لیے ابھی بہت کچھ کرنا باقی ہے۔
منگل کو یروشلم میں اسرائیل کے وزیرِ اعظم بن یامین نیتن یاہو سے ملاقات کے بعد نیوز کانفرنس کرتے ہوئے، بلنکن نے کہا کہ ’’جانی نقصان اکثر محض اعداد و شمار سمجھے جاتے ہیں۔ لیکن ہر نمبر کے پیچھے ایک انسان ہوتا ہے، ایک بیٹی، ایک بیٹا، ایک باپ، ایک ماں، نانا دادا اور ایک بہترین دوست ہوتا ہے۔‘‘
Read more
پاکستان میں دیوبندی مدارس کی سب سے بڑی تنظیم ‘وفاق المدارس العربیہ’ کی جانب سے دو مدارس کا الحاق ختم کرنے کے فیصلے کو مبصرین حکومت کی کامیابی قرار دے رہے ہیں۔
وفاقی حکومت کی جانب سے رواں برس مارچ میں مسالک کی بنیاد پر مدارس کے متعدد نئے بورڈز متعارف کرانے کا جو سلسلہ شروع ہوا تھا وہ اب بھی جاری ہے۔ اس ضمن میں ابتدائی طور پر پانچ بورڈز تشکیل دیے گئے تھے جس میں رواں ماہ مزید دو کا اضافہ ہوا ہے۔
Read more
ہالی وڈ کی ایکشن اور تھرل سے بھرپور فلم سیریز کے معروف کردار ‘ہیری پوٹر’ کے چشمے سمیت کئی فلموں کی 1200 کے قریب یادگار اشیا نیلامی کے لیے پیش کی جائیں گی۔
تین روزہ نیلامی کا آغاز امریکہ کی ریاست کیلی فورنیا کے ایک پروپ اسٹور میں 29 جون سے ہو گا اور یہ نیلامی یکم جولائی تک جاری رہے گی۔
Read more
طالبان اور افغان سیکیورٹی فورسز کے درمیان لڑائی مزید شدت اختیار کر گئی ہے۔ طالبان کی پیش قدمی روکنے اور آپریشنز کی قیادت کے لیے افغان آرمی چیف جنرل محمد یاسین ضیا شورش زدہ صوبے لغمان پہنچ گئے ہیں۔
طالبان کی جانب سے جمعے کو لغمان صوبے کے ضلع دولت شاہ پر قبضے کے بعد مزید علاقوں کا کنٹرول سنبھالنے کی کوششیں جاری ہیں۔ اطلاعات کے مطابق اتوار کو طالبان نے کئی اہم سیکیورٹی پوسٹوں پر قبضے کیے جس کے بعد وہ لغمان صوبے کے دارالحکومت مھترلام کے بالکل قریب پہنچ گئے ہیں۔
Read more
"ہمیں ایجنٹوں نے دھوکہ دیا کیوں میرے بیٹے کو کشتی میں بھیجا؟ پہلے تو ایجنٹوں سے پوچھتے رہے کہ لڑکے کا فون کیوں نہیں آ رہا پھر کسی نے بتایا کہ ترکی کے قریب کشتی ڈوب گئی ہے۔ مرنے والوں میں سب سے پہلے میرے بیٹے کی تصویر آئی۔”
یہ الفاظ ہیں پنجاب کے شہر گجرات کی معمر خاتون ریاض بی بی کے جن کا 22 سالہ بیٹا علی شاہ غیر قانونی طور پر یورپ جا رہا تھا کہ یونان کے قریب سمندر میں کشتی ڈوبنے سے ہلاک ہو گیا۔
Read more
ویب ڈیسک — فلسطین کی مزاحمتی تنظیم ‘حماس’ اور اسرائیل نے لڑائی بند کرنے کا اعلان کرتے ہوئے 11 روز تک جاری رہنے والی جنگ میں فتح کے دعوے کیے ہیں۔
اسرائیل اور فلسطین کے درمیان جمعے کی رات دو بجے سے جنگ بندی پر عمل درآمد شروع ہوا جس کے بعد ہزاروں لوگ غزہ کی سڑکوں پر نکل آئے۔
کراچی — "میری بیٹی کا شمار اس ملک کے قابل ترین لوگوں میں ہوتا تھا۔ وہ برطانیہ سے وطن واپس آنا نہیں چاہتی تھی لیکن میں نے اسے کہا کہ آپ جیسے پڑھے لکھے لوگوں کی اس ملک کو ضرورت ہے۔ اس بات پر وہ پاکستان آگئی۔ مجھے کیا معلوم تھا کہ یہاں اتنے ظالم لوگ بیٹھے ہیں کہ وہ اس دنیا میں نہیں رہے گی۔ میری زندگی کے 30 برس اس پی آئی اے اور حکومت نے ضائع کر دیے۔ آخر کب تک یہ حادثے ہوتے رہیں گے؟ ہمارے بچے یوں ہی مار دیے جائیں گے؟ کب یہ نظام ٹھیک ہوگا؟ اور کون اسے ٹھیک کرے گا؟۔”
Read more
ویب ڈیسک —برطانیہ کے براڈ کاسٹنگ ادارے بی بی سی کو اپنے ہی ملک میں 1995 میں لیڈی ڈیانا کے انٹرویو کے سلسلے میں ایک سخت رپورٹ کے حوالے سے تنقید کا سامنا ہے۔
Read more
پاکستان میں حکومتی عہدیداروں اور کئی سوشل میڈیا کمنٹیٹرز کی جانب سے وزیرخارجہ کے بیان کا دفاع جبکہ واشنگٹن میں تھنک ٹینک اور کئی میڈیا شخصیات کی طرف سے مخالفت میں ٹویٹس کی بھرمار ہو گئی۔
پاکستانی عہدیدار جمعے کے روز ان الزامات کا دفاع کرتے نظر آئے، جن میں کہا گیا ہے کہ ملک کے وزیرخارجہ نے جمعرات کو ایک ٹی وی انٹرویو کے دوران اسرائیل فلسطینی تنازعے پر گفتگو کرتے ہوئے یہود دشمن بیان دیا۔
Read more
لاہور — پاکستان تحریک انصاف (پی ٹی آئی) کے رہنما جہانگیر ترین کے نامزد کردہ ارکانِ اسمبلی کے گروپ نے وزیرِ ِ اعلیٰٰ پنجاب عثمان بزدار سے ملاقات کی ہے جس میں وزیرِ ِ اعلیٰٰ نے گروپ کے اراکین کو تحفظات دور کرنے کی یقین دہانی کرائی ہے۔
لاہور میں ہونے والی ملاقات میں جہانگیر ترین گروپ کے وفد نے وزیرِ اعلیٰ پنجاب کو اپنے تحفظات سے آگاہ کیا۔ گروپ نے وزیرِ اعلیٰ پنجاب کی قیادت پر مکمل اعتماد کا اظہار کیا۔
Read more
کراچی — پاکستان میں چین کے تعاون سے جوہری توانائی سے بجلی پیدا کرنے والے ایک اور یونٹ کا افتتاح کر دیا گیا ہے۔ قومی گرڈ کو 1100 میگاواٹ بجلی فراہم کرنے لیے تیار کیے گئے کراچی نیوکلیئر پاور پلانٹ یونٹ-ٹو کی تعمیر سات سال میں مکمل ہوئی ہے۔
پاکستان اٹامک انرجی کمیشن کے ترجمان کے مطابق یہ جدید ترین نوعیت کا تھرڈ جنریشن نیو کلیئر پاور پلانٹ ہے جو حفاظت کے اعلیٰ ترین انتظامات سے لیس ہے۔ اس میں داخلی اور خارجی تحفظ اور حادثات سے بچاؤ کے علاوہ، بقول ترجمان، ایمرجنسی کی صورت میں تحفظ اور تدارک کی جدید ترین صلاحیتیں شامل ہیں۔
Read more
دنیا کے دیگر ممالک کی طرح پاکستان میں بھی کرونا ویکسین لگائے جانے کا عمل جاری ہے اور ملک بھر میں وائرس کی صورتِ حال پر نظر رکھنے والے ادارے نیشنل کمانڈ اینڈ آپریشن سینٹر (این سی او سی) کے اعداد و شمار کے مطابق اب تک 24 لاکھ 91 ہزار سے زائد افراد کو ویکسین کی پہلی خوراک جب کہ 11 لاکھ 56 ہزار سے زائد افراد کو ویکسین کی دونوں خوراکیں لگائی جا چکی ہیں۔
وزیرِ اعظم کے خصوصی مشیر برائے صحت ڈاکٹر فیصل سلطان کے مطابق پاکستان میں رواں سال جنوری میں پانچ لاکھ، فروری میں سات لاکھ، مارچ میں 10 لاکھ 60 ہزار اور اپریل میں 30 لاکھ ویکسین کی خوراکیں درآمد کی گئیں، جب کہ رواں ماہ مئی میں 67 لاکھ اور اگلے ماہ جون میں 63 لاکھ خوراکیں ملک میں آنے کی توقع ہے۔
Read more
پاکستان میں دو روز سے حکمراں جماعت پاکستان تحریکِ انصاف (پی ٹی آئی) کے ناراض رہنما جہانگیر ترین کی جانب سے بنائے جانے والے ‘ہم خیال گروپ’ اور اس کے حکومت پر ممکنہ اثرات پر تبصروں اور تجزیوں کا سلسلہ جاری ہے۔
بعض ماہرین کا کہنا ہے کہ ترین گروپ کی زیادہ توجہ پنجاب پر ہے اور وہ جب چاہیں یہاں تبدیلی لا سکتے ہیں۔ بعض تجزیہ کاروں کا کہنا ہے کہ جب تک ملک کے مقتدر حلقے نہیں چاہیں گے اس وقت تک تبدیلی نہیں آ سکتی۔
Read more
امریکہ کے ایوانِ نمائندگان نے رواں برس چھ جنوری کو کانگریس کی عمارت کیپٹل ہل پر ہوئے حملے کی تحقیقات کے لیے آزاد کمیشن بنانے کی منظوری دے دی ہے۔ ڈیموکریٹک پارٹی کے اکثریتی ایوان میں بدھ کو کمیشن کی تشکیل کے لیے ووٹنگ ہوئی جس میں ری پبلکن پارٹی کے 35 ارکان نے کمیشن کے حق میں ووٹ دیا۔ چار سو پینتیس ارکان پر مشتمل ایوان میں 252 نے کیپٹل ہل حملے کی تحقیقات کے لیے آزاد کمیشن بنانے
Read more
اسرائیل کے وزیرِ اعظم بن یامین نیتن یاہو نے غزہ کی پٹی میں فلسطینی تنظیم حماس پر اسرائیلی بمباری میں ”نمایاں کمی” کا امریکی صدر جو بائیڈن کا مطالبہ مسترد کر دیا ہے۔
نیتن یاہو نے ایک بیان میں کہا ہے کہ وہ ”اپنے مقاصد کے حصول تک اس آپریشن کو جاری رکھنے کے لیے پرعزم ہیں۔”
اسرائیلی وزیرِ اعظم کا کہنا ہے کہ وہ امریکی صدر کی حمایت کو بھرپور سراہتے ہیں لیکن اسرائیل اپنے شہریوں کی سیکیورٹی اور امن و سکون کے لیے مزید اقدامات اٹھائے گا۔
Read more
امریکہ نے ترکی کے صدر رجب طیب ایردوان کے غزہ میں اسرائیلی حملے کے تناظر میں دیے گئے اس بیان پر سخت تنقید کی ہے جو امریکہ کے بقول ”یہودیوں کے خلاف” ہے۔
امریکی محکمۂ خارجہ کے ترجمان نیڈ پرائس نے ایک بیان میں کہا ہے کہ امریکہ ترک صدر کی جانب سے حال ہی میں دیے گئے یہود مخالف بیان کی مذمت کرتا ہے۔
Read more
اسرائیل اور فلسطینیوں کے درمیان لڑائی کا سلسلہ جاری ہے اور کئی ملکوں کی جانب سے جنگ بندی پر زور دیا جا رہا ہے۔ البتہ اردن نے بڑھتی ہوئی کشیدگی کے پیشِ نظر اسرائیلی سفیر کو ملک سے بے دخل کرنے کی دھمکی دی ہے۔
اسرائیل نے منگل کو ایک مرتبہ پھر غزہ کی پٹی پر متعدد حملے کیے جب کہ فلسطین کے مزاحمتی رضاکاروں کی جانب سے بھی اسرائیل کی جانب کئی راکٹ فائر کیے گئے۔
Read more
آج ہم جو پکوان بہت شوق سے کھاتے ہیں اور ان تک ہماری رسائی بھی آسان ہے۔ ان میں سے کئی پکوان ایسے ہیں جو کبھی صرف شاہی دسترخوان کی زینت ہوا کرتے تھے۔
کئی پکوان صدیوں کا سفر طے کر کے ہم تک پہنچے ہیں اور ان کی تاریخ دراصل کئی سلطنتوں کے عروج و زوال کی بھی ہیں۔
اس اعتبار سے کھانے پکانے کی ترکیبوں کی ایک کتاب کسی خطے کی تاریخ سے متعلق کتنا اہم حوالہ ہو سکتی ہے؟ پانچ سو سال قبل مرتب ہونے والی کھانے پکانے کی تراکیب کی کتاب ’نعمت نامہ‘ سے اس کا اندازہ لگایا جاسکتا ہے۔
Read more
راولپنڈی اور اسلام آباد کے شہری علاقوں کو ٹریفک کے رش سے بچانے اور شہر کے اطراف میں دیگر شہروں کی طرح ایک بائی پاس یا رنگ روڈ منصوبہ اپنی تعمیر سے پہلے ہی متنازع ہو گیا ہے۔
منصوبے میں مبینہ بے ضابطگیوں اور بدعنوانی کے الزامات کے بعد وزیرِ اعظم کے مشیر برائے اوورسیز پاکستانی ذوالفقار بخاری عرف زلفی بخاری اپنے عہدے سے مستعفی ہو گئے ہیں۔ جب کہ راولپنڈی ڈویژن کے ایک کمشنر، دو ڈپٹی کمشنرز، اسسٹ کمشنرز اور کئی متعلقہ عہدے داروں کو عہدوں سے ہٹایا جاچکا ہے۔ یہ منصوبہ ہے کیا اور اس میں کرپشن کے الزامات کیا ہیں، آئیے جانتے ہیں۔
Read more
امریکہ کے صدر جو بائیڈن نے اسرائیل کے وزیرِ اعظم بن یامین نیتن یاہو سے ٹیلی فون پر رابطہ کیا ہے جس میں انہوں نے غزہ تنازع پر گفتگو کرتے ہوئے جنگ بندی پر زور دیا ہے۔
ایک ہفتے کے دوران صدر بائیڈن کا اسرائیلی وزیرِ اعظم سے یہ تیسری مرتبہ رابطہ ہوا ہے۔
دونوں رہنماؤں کے درمیان بات چیت ایسے موقع پر ہوئی ہے جب پیر کو اسرائیلی جیٹ طیاروں نے غزہ کے مختلف علاقوں کو نشانہ بنایا جب کہ حماس نے بھی اسرائیل کی جانب راکٹ برسائے۔
Read more
بحیرۂ عرب میں بننے والا سمندری طوفان ‘تاؤتے’ بھارت کی ریاست گجرات کے ساحلی علاقوں سے پیر کی شب ٹکرا گیا ہے جس کے بعد وہاں تباہی کے مناظر ہیں۔ بھارت کی مغربی ریاستوں میں اس طوفان کے سبب اب تک ایک درجن سے زائد افراد بھی ہلاک ہو چکے ہیں۔
ماہرین ’تاؤتے‘ کو گزشتہ 20 برسوں میں آنے والا سب سے طاقتور طوفان قرار دے رہے ہیں۔
ماضی میں بھی بحیرۂ عرب اور بحرِ ہند میں اس طرح کے طوفان بنتے رہے ہیں اور انہیں باقاعدہ کوئی نہ کوئی نام دیا جاتا رہا ہے۔
Read more
فسلطین کی مزاحمتی تنظیم حماس اور اسرائیل کے درمیان جاری لڑائی دوسرے ہفتے میں داخل ہو گئی ہے اور اب تک اس لڑائی میں 197 فلسطینی اور 10 اسرائیلی ہلاک ہو چکے ہیں۔
اسرائیل کے لڑاکا طیاروں نے پیر کی صبح ایک مرتبہ پھر غزہ شہر کے مختلف علاقوں کو نشانہ بنایا ہے۔
خبر رساں ادارے ‘ایسوسی ایٹڈ پریس’ کے مطابق اسرائیلی فوج کی کارروائی 10 منٹ تک جاری رہی جس سے پورا شہر لرز اٹھا۔
Read more
افغان سیکیورٹی فورسز اور طالبان کے درمیان عید الفطر کے موقع پر ہونے والی تین روزہ جنگ بندی ختم ہونے کے بعد فریقین کے درمیان ایک مرتبہ پھر لڑائی کا آغاز ہو گیا ہے۔
افغان فوج نے تصدیق کی ہے کہ ملک کے جنوبی صوبۂ ہلمند کے دارالحکومت لشکر گاہ کے قریب سیکیورٹی فورسز نے ‘انسداد دہشت گردی’ کے آپریشن کا آغاز کیا ہے۔
Read more
امریکہ کے صدر جو بائیڈن نے اسرائیلی وزیرِ اعظم بن یامین نیتن یاہو سے ٹیلی فونک رابطے کے دوران اسرائیل اور حماس کے درمیان جاری لڑائی پر تشویش کا اظہار کیا ہے۔ بائیڈن نے فلسطینی اتھارٹی کے صدر محمود عباس پر زور دیا ہے کہ وہ حماس کے راکٹ حملے رکوائیں۔
وائٹ ہاؤس سے جاری کیے گئے بیان کے مطابق صدر بائیڈن نے نیتن ہاہو اور محمود عباس سے ٹیلی فون پر بات ہفتے کو کی۔
Read more
اسرائیل کے وزیرِ اعظم بن یامین نیتن یاہو نے کہا ہے جب تک ضرورت رہے گی اسرائیل فلسیطنی عسکریت پسندوں کے خلاف زمینی اور فضائی حملے جاری رکھے گا۔
اسرائیلی وزیرِ اعظم کا یہ بیان ایسے وقت میں سامنے آیا ہے جب اتوار کی صبح اسرائیلی طیاروں نے غزہ میں مزاحمتی تنظیم حماس کے کمانڈر یحییٰ ال سنوار کے گھر پر بھی بمباری کی۔ البتہ، یہ واضح نہیں ہو سکا کہ ال سنوار گھر پر موجود تھے یا نہیں۔
Read more
اسرائیل اور فلسطینیوں کے درمیان جھڑپیں پانچویں دن بھی جاری رہیں اور اسرائیلی فورسز نے ہفتے کو غزہ پر فضائی حملے کیے جب کہ فلسطینی تنظیم ‘حماس’ کی طرف سے اسرائیل پر راکٹس داغے گئے۔
فلسطین کے وزارتِ صحت کے حکام کے مطابق ہفتے کی صبح غزہ پر کیے جانے والے دو فضائی حملوں میں کم از کم 12 افراد ہلاک ہوئے ہیں۔
Read more
امریکہ میں قائم مسلمانوں کی ایک تنظیم اسلامک سوسائٹی آف نارتھ امریکہ کی سابق صدر اور مسلمان دانشور اِنگرِڈ میٹسن نے رواں ہفتے سوشل میڈیا پر ایک پیغام میں لکھا ہے کہ ماہِ رمضان میں یروشلم میں مسجدِ الاقصیٰ اور فلسطینیوں پر حملوں پر چند حلقوں کی خاموشی سے انہیں ڈر ہے کہ امریکہ میں آباد مسیحیوں، مسلمانوں اور یہودیوں کے درمیان تعلقات خطرے میں پڑ سکتے ہیں۔
انہوں نے لکھا ہے کہ یہ ایک پوری نسل کا بحران ہے۔
Read more
اسرائیل اور فلسطنیوں کے درمیان جاری کشیدگی کا ایک تاریخی پسِ منظر ہے اور موجودہ صورتِ حال گزشتہ ایک صدی میں پیش آنے والے واقعات کے سلسلے کی ہی ایک کڑی ہے۔
اس تنازع کو سمجھنے کے لیے اس علاقے میں واقع مذہبی مقامات کی اہمیت سے آگاہی بھی ضروری ہے۔ کیوں کہ یروشلم کا تاریخی شہر، جسے اسرائیلی اور فلسطینی دونوں اپنی ملکیت قرار دیتے ہیں، مسلمانوں، یہودیوں اور عیسائیوں، تینوں مذاہب کے ماننے والوں کے لیے مقدس شہر ہے۔
Read more
ویب ڈیسک — اسرائیل اور فلسطینی مزاحمتی تنظیموں کے درمیان جاری لڑائی میں، جہاں اسرائیلی طیارے غزہ میں اہداف کو نشانہ بنا رہے ہیں، وہیں فلسطینی مزاحمتی تنظیم حماس کی جانب سے اسرائیلی علاقوں میں راکٹ داغے جا رہے ہیں۔
اسرائیلی حکام کا دعویٰ ہے کہ حماس کی جانب سے داغے جانے والے بیشتر راکٹوں کو میزائل شکن دفاعی نظام ‘آئرن ڈوم’ کی مدد سے ناکارہ بنایا جا رہا ہے۔
Read more
ویب ڈیسک — اسرائیل نے اعلان کیا ہے کہ اس کی فضائی فورس کے علاوہ زمینی فوج بھی جمعے کو غزہ کی پٹی پر حملوں میں شامل ہو گئی ہے۔ خطے میں بڑھتی ہوئی کشیدگی پر غور کے لیے اقوامِ متحدہ کی سلامتی کونسل کا اجلاس اتوار کو طلب کر لیا گیا ہے۔
اسرائیل کی دفاعی فورسز نے ایک ٹوئٹ میں کہا تھا کہ اس کی فوج غزہ کی پٹی پر حملے کر رہی ہے۔ لیکن بعد میں اسے "کمیونی کیشن کی غلطی” قرار دیتے ہوئے اسرائیل نے واضح کیا کہ اس کی زمینی فوج اسرائیلی سرحد کے اندر رہتے ہوئے غزہ پر گولہ باری کر رہی ہے۔
Read more
ویب ڈیسک — فلسطین کی مزاحمتی تنظیم حماس اور اسرائیل کے درمیان بدھ کو مسلسل تیسرے روز لڑائی جاری ہے جس کے نتیجے میں اب تک کم از کم 43 فلسطینی اور پانچ اسرائیلی شہری ہلاک ہو گئے ہیں۔
خبر رساں ادارے ‘رائٹرز’ کے مطابق اسرائیل نے بدھ کی علی الصباح حماس کے زیرِ کنٹرول علاقے غزہ پر سیکڑوں فضائی حملے کیے جب کہ حماس نے بھی اسرائیل کے شہروں تل ابیب اور بیئر شیبہ پر متعدد راکٹ فائر کیے۔
Read more
پشاور — پاکستان میں رواں برس بھی تین مختلف دنوں میں عید الفطر منانے کا امکان ظاہر کیا جا رہا ہے۔ مرکزی رویت ہلال کمیٹی کا اجلاس بدھ کی شام اسلام آباد میں ہو رہا ہے جس میں چاند کے شواہد ملنے کے بعد عید کے بارے میں فیصلہ اور اعلان کیا جائے گا۔ البتہ شمالی وزیرستان میں بدھ کو عید منا لی گئی ہے۔
Read more
ویب ڈیسک — فلسطینی مظاہرین گزشتہ ایک ہفتے سے ‘شیخ جراح’ کے علاقے سے فلسطینی خاندانوں کی بے دخلی کے خلاف احتجاج کر رہے ہیں۔ آٹھ فلسیطنی خاندانوں کو بے دخل کر کے یہودی آبادکاروں کو یہاں لانے پر ہونے والے احتجاج کے باعث اس علاقے میں کشیدگی پائی جاتی ہے۔
Read more
ویب ڈیسک — امریکہ کی موجودہ انتظامیہ نے سابق صدر ڈونلڈ ٹرمپ کی متعدد پالیسیوں کو تبدیل کرنے کی کوششوں کا آغاز کر دیا ہے۔ اس ضمن میں تازہ کوشش میں حکومتی سطح پر سائنس کو سیاسی رنگ دینے سے پیدا ہونے والے مسائل کو کھوجنے اور مستقبل میں سائنس کی ساکھ سے متعلق ضوابط کو سخت بنانا شامل ہے۔
Read more
واشنگٹن ڈی سی — پاکستان کے وزیرِ داخلہ شیخ رشید احمد نے کہا ہے کہ پاکستان اور سعودی عرب کے تعلقات میں اس وقت جو گرمجوشی ہے اس کی ماضیٔ قریب میں کوئی مثال نہیں ملتی۔
ان خیالات کا اظہار شیخ رشید احمد نے وزیرِ اعظم پاکستان کے ہمراہ دورۂ سعودی عرب کے دوران اتوار کو وائس آف امریکہ سے گفتگو کے دوران کیا۔
Read more
اسلام آباد — افغان طالبان نے عید الفطر پر تین روزہ جنگ بندی کا اعلان کیا ہے جس کا آغاز جمعرات سے ہو گا۔ جنگ بندی کا اعلان ایسے موقع پر سامنے آیا ہے جب اتوار کی شب افغان صوبے زابل میں ایک بس میں دھماکے کے نتیجے میں 11 افراد ہلاک اور متعدد زخمی ہو گئے ہیں۔
قطر کے دارالحکومت دوحہ میں موجود طالبان کے سیاسی دفتر کے ترجمان ڈاکٹر محمد نعیم نے پیر کو اپنے ایک ٹوئٹ میں بتایا ہے کہ جنگجوؤں کو عید کے تین روز حملے نہ کرنے کی ہدایت کی ہے تاکہ افغان عوام تہوار کی خوشیاں پرامن اور محفوظ ماحول میں منا سکیں۔
Read more
وزیرِ اعظم عمران خان کے معاونِ خصوصی برائے صحت ڈاکٹر فیصل سلطان نے کہا ہے کہ پاکستان میں کرونا ویکسین پراسیس ہونے کے بعد ماہانہ تیس لاکھ ویکسین کی خوراکیں پاکستان کے اندر تیار ہونا شروع ہو جائیں گی۔
دوسری جانب پاکستان میں بیرون ممالک سے ویکسین کی آمد کا سلسلہ جاری ہے اور ’کوویکس‘ پروگرام کے تحت پاکستان کو ایسٹرازینیکا ویکسین کی 12 لاکھ خوراکوں کی پہلی کھیپ موصول ہوگئی ہے۔
Read more
پاکستان کے وزیرِ اعظم عمران خان اور سعودی ولی عہد محمد بن سلمان نے دو طرفہ تعلقات میں مزید استحکام لانے پر اتفاق کیا ہے۔
وزیرِ اعظم عمران خان تین روزہ سرکاری دورے پر جمعے کی شب سعودی عرب پہنچے تو سعودی ولی عہد محمد بن سلمان نے جدہ کے شاہ عبد العزیز ایئر پورٹ پر خود ان کا استقبال کیا جس کے بعد قصرِ السلام جدہ کے ایوانِ شاہی میں عمران خان اور محمد بن سلمان کے درمیان دو طرفہ تعلقات کے استحکام پر گفتگو ہوئی اور وفود کی سطح پر مذاکرات کیے گئے۔
Read more
ویب ڈیسک — مسجدِ اقصیٰ میں فلسطینیوں اور اسرائیل کی فورسز کے درمیان ہونے والی جھڑپوں میں زخمی ہونے والے افراد کی تعداد 205 ہو گئی ہے۔ جب کہ اسرائیلی پولیس کے 17 اہلکاروں کے زخمی ہونے کی بھی اطلاعات ہیں۔
رمضان کے دوران یروشلم، جسے مسلمان القدس کہتے ہیں، اور مغربی کنارے میں جاری کشیدگی میں اضافہ ہوا ہے جس کی وجہ فلسطینی خاندانوں کی ان علاقوں سے بے دخلی ہے جس کے دعویدار یہودی آباد کار ہیں۔
Read more
لاہور — پاکستان مسلم لیگ (ن) کے صدر شہباز شریف کا نام عدالتی حکم پر بلیک لسٹ سے نکالے جانے کے باوجود انہیں بیرونِ ملک جانے سے روک دیا گیا ہے۔
قومی اسمبلی میں قائدِ حزبِ اختلاف شہباز شریف جمعے اور ہفتے کی درمیابی شب لاہور کے علامہ اقبال انٹرنیشنل ایئر پورٹ پہنچے جہاں سے انہیں قطر فضائی کمپنی کی پرواز کے ذریعے براستہ دوحہ، لندن کے لیے روانہ ہونا تھا۔
Read more
پاکستان کے وزیرِ اعظم عمران خان نے سعودی عرب کے تین روزہ دورے کا آغاز کر دیا ہے جس کو دیرینہ اتحادی ممالک کے درمیان تناؤ کے بعد تعلقات میں بحالی کی کوشش کے طور پر دیکھا جا رہا ہے۔
دورے پر روانہ ہونے سے قبل وزیرِ اعظم کے دفتر سے جاری بیان میں کہا گیا ہے کہ پاکستان اور سعودی عرب کے درمیان دیرینہ، تاریخی برادرانہ تعلقات ہیں جس کی جڑیں مشترکہ عقیدے، مشترکہ تاریخ اور باہمی حمایت کے ساتھ ہیں۔
Read more
امریکہ نے کرونا ویکیسین کے ‘پیٹنٹ’ یعنی جملہ حقوق ختم کرنے کی حمایت کی ہے۔
امریکہ کی نمائندہ برائے تجارت کیتھرین ٹائی نے اپنے ایک بیان میں بائیڈن انتظامیہ کے اس فیصلے کا اعلان کرتے ہوئے کہا ہے کہ عالمی وبا ایک غیر معمولی صورتِ حال ہے اور ان حالات میں غیر معمولی اقدامات اٹھانے کی ضرورت ہے۔
ان کا کہنا تھا کہ صدر بائیڈن کی انتظامیہ انٹیلیکچوئل پراپرٹی کے حقوق کے تحفظ کی علم بردار ہے۔ لیکن اس عالمی وبا کے خاتمے کے لیے اس سے دست بردار ہونے کے حق میں ہے۔
Read more
کراچی — پاکستان میں حکومتی شخصیات کا کہنا ہے کہ دنیا کا بڑا آن لائن شاپنگ پلیٹ فارم ’ایمیزون‘ پاکستان کو اپنی سیلر لسٹ یعنی فروخت کنندہ کی فہرست میں آئندہ چند روز میں شامل کر لے گا۔
وزیرِ اعظم کے مشیرِ تجارت و سرمایہ کاری عبد الرزاق داؤد اپنے ایک ٹوئٹ میں تصدیق کی ہے کہ پاکستانی حکام گزشتہ ایک سال سے ایمیزون سے رابطے میں تھے جس کے بعد اب یہ اقدام ممکن ہوا ہے۔
Read more
امریکہ نے کووڈ-19 سے بچاؤ کی ویکسین کے پیٹنٹ یعنی ویکسین تیار کرنے کے جملہ حقوق ختم کرنے کی حمایت کا اعلان کیا ہے جس کا مقصد ویکسین کی کمی اور اس ضمن میں عدم مساوات کو ختم کرنا ہے۔
صدر جو بائیڈن کی انتظامیہ کے اس اقدام کو عالمی وبا کے خلاف جنگ میں ایک اہم کامیابی قرار دیا جا رہا ہے۔
Read more
پاکستان کے وزیرِ اعظم عمران خان جمعے کو سعودی عرب کے دورے پر روانہ ہو رہے ہیں۔ جب کہ آرمی چیف جنرل قمر جاوید باجوہ سعودی عرب پہنچ چکے ہیں۔
اس دورے میں سیکیورٹی سمیت خطے کی صورتِ حال بالخصوص ایران اور سعودی عرب کے بہتر تعلقات پر بھی تبادلۂ خیال کیا جائے گا۔ مبصرین کا کہنا ہے کہ پاکستان ایران اور سعودی تعلقات کے حوالے سے اہم کردار ادا کر سکتا ہے۔
پاکستان کی فوج کے سربراہ جنرل قمر جاوید باجوہ گزشتہ روز سعودی عرب پہنچے ہیں۔ آرمی چیف کے ریاض پہنچنے پر پاکستان کے سعودی عرب میں سفیر لیفٹننٹ جنرل ریٹائرڈ بلال اکبر نے پاکستان میں سعودی سفیر نواف بن سعید المالکی کے ہمراہ ان کا استقبال کیا۔
Read more
افغانستان سے جہاں ایک جانب غیر ملکی افواج کی واپسی کی تیاریاں شروع ہو گئی ہیں وہیں طالبان اور افغان فورسز کے درمیان جھڑپوں میں بھی تیزی آگئی ہے۔ ایسے میں امریکہ نے فریقین کے درمیان مذاکرات کی بحالی پر زور دیا ہے۔
افغان فوج نے منگل کو ایک بیان میں ہلمند صوبے میں زمینی اور فضائی کارروائی کے دوران طالبان کے 100 ارکان کو ہلاک کرنے کا دعویٰ کیا تھا جب کہ بیان میں القاعدہ کے 22 جنگجوؤں کے مارے جانے کا بھی دعویٰ سامنا آیا تھا۔
Read more
عالمی وبا کروبا وائرس سے سب سے زیادہ متاثر ہونے والے ملک بھارت میں نئے کیسز اور ہلاکتوں میں مسلسل اضافہ ہو رہا ہے۔ اس صورتِ حال میں ماہرین نے انتباہ جاری کیا ہے کہ آنے والے ہفتے ملک کے لیے خطرناک ثابت ہو سکتے ہیں۔
بھارت کی وزارتِ صحت کے مطابق منگل کو ملک میں مزید ساڑھے تین لاکھ سے زیادہ کیسز سامنے آئے ہیں جس کے بعد کیسز کی مجموعی تعداد دو کروڑ سے تجاوز کر گئی ہے۔
Read more
پاکستان میں انسانی حقوق کی صورتِ حال پر نظر رکھنے والی غیر سرکاری تنظیم ہیومن رائٹس کمیشن آف پاکستان (ایچ آر سی پی) نے کہا ہے کہ عالمی وبا کی وجہ سے نہ صرف ملک میں موجود عدم مساوات میں مزید اضافہ ہو گیا ہے بلکہ اس سے لاکھوں افراد کے روزگار ختم ہونے کا خطرہ پیدا ہو گیا ہے۔
ہیومن رائٹس کمیشن آف پاکستان کی طرف سے 2020ء میں ملک میں انسانی حقوق کی صورتِ حال سے متعلق پیر کو ایک رپورٹ جاری کی گئی ہے۔
Read more
کراچی — دو مئی 2011 کو پاکستان کے شہر ایبٹ آباد میں امریکی فوج کی ایک کارروائی میں شدت پسند تنظیم القاعدہ کے سربراہ اسامہ بن لادن کی ہلاکت کو 10 سال مکمل ہو چکے ہیں۔ اس واقعے نے جہاں عالمی سطح پر کئی اثرات مرتب کیے وہیں القاعدہ کو بھی اپنے سربراہ کی ہلاکت سے دھچکہ لگا۔
القاعدہ کی سرگرمیوں پر تحقیق کرنے والے ماہرین کا خیال ہے کہ اسامہ بن لادن کی ہلاکت کے بعد دنیا کی سب سے خطرناک تنظیم سمجھی جانے والی القاعدہ مرکزی سطح پر بظاہر ٹوٹ پھوٹ اور قیادت کے بحران کا شکار نظرآتی ہے مگر اس کے باوجود دنیا کے مختلف خطوں میں اس سے جڑی ہوئی شاخیں ابھی تک مؤثر ہیں۔
Read more
ویب ڈیسک — "وہ ایک چھوٹے سے سیل میں رہتے ہیں جہاں وہ چل پھر سکتے ہیں اور وہیں ہلکی پھلکی ورزش بھی کر لیتے ہیں۔ قرآن کے علاوہ وہ کوئی کتاب یا اخبار پاس نہیں رکھ سکتے۔ اہلِ خانہ سے ملاقات میں انہیں اپنی مادری زبان پشتو میں بات کرنے کی بھی اجازت نہیں۔”
امریکہ میں ہیرو اور پاکستان میں ‘غدار’ تصور ہونے والے ڈاکٹر شکیل آفریدی کے روز و شب کی یہ تفصیل خبر رساں ادارے ‘اے ایف پی’ نے ان کے اہلِ خانہ اور وکیل کی مدد سے حاصل کی ہیں کیوں کہ ان کے علاوہ شکیل آفریدی تک کسی اور کو رسائی حاصل نہیں۔
Read more
اسلام آباد — افغان حکام کا کہنا ہے کہ افغانستان میں تعینات بین الاقوامی افواج کے انخلا کا عمل شروع ہو گیا ہے۔ ایک ہفتے تک بین الاقوامی فورسز متعدد اڈوں کا انتظام افغان سیکیورٹی فورسز کے حوالے کر دیں گی۔
افغانستان کے قائم مقام وزیرِ دفاع جنرل یاسین ضیا کا قومی سلامتی کے مشیر حمد اللہ محب اور دیگر افغان حکام کے ہمراہ مشترکہ پریس کانفرنس میں کہنا تھا کہ بین الاقوامی افواج بارام ایئر فیلڈ جائیں گی جس کے بعد وہ اپنی آخری منزل کی طرف روانہ ہو جائیں گی۔
Read more
پاکستان کی وزارتِ خارجہ نے یورپ کی پارلیمنٹ کی جانب سے اس قرارداد کی منظوری پر افسوس کا اظہار کیا ہے جس میں پاکستان میں توہینِ مذہب کے قوانین پر نظرِ ثانی نہ کرنے تک پاکستان کو اپنی برآمدات کے لیے حاصل ترجیحی اسٹیٹس ’جی ایس پی پلس‘ ختم کرنے کی تجویز پیش کی گئی ہے۔
Read more
پاکستان کی وزارتِ خارجہ نے یورپ کی پارلیمنٹ کی جانب سے اس قرارداد کی منظوری پر افسوس کا اظہار کیا ہے جس میں پاکستان میں توہینِ مذہب کے قوانین پر نظرِ ثانی نہ کرنے تک پاکستان کو اپنی برآمدات کے لیے حاصل ترجیحی اسٹیٹس ’جی ایس پی پلس‘ ختم کرنے کی تجویز پیش کی گئی ہے۔
Read more
"اگر ہمیں قونصلیٹ جانا پڑ جائے تو سمجھیں پورا دن ضائع ہو گا اور کوئی ضمانت نہیں ہے کہ جس کام سے گئے ہیں وہ ہو گا یا صرف چکر ہی لگے گا۔” افضل اعوان گزشتہ 15 برس سے سعودی عرب میں ملازمت کر رہے ہیں۔ وائس آف امریکہ سے بات کرتے ہوئے انہوں نے کہا کہ پاکستان کے سفارت خانے اور کونسل خانوں میں دستاویزات کی تصدیق یا پاسپورٹ کی تجدید جیسے معمولی کام بھی اُن جیسے افراد کے لیے صبر آزما اور وقت طلب عمل ہے۔
Read more
پینٹاگون نے افغانستان سے امریکہ کی فوج کے انخلا کے دوران طالبان کے ممکنہ حملوں کے پیشِ نظر تیاریاں شروع کر دی ہیں۔
امریکہ کے ایک سرکاری ادارے کی رپورٹ کے مطابق رواں سال کے ابتدائی تین ماہ میں افغانستان میں طالبان کے حملوں میں 37 فی صد اضافہ ہوا ہے۔
گزشتہ برس فروری میں طالبان اور ٹرمپ انتظامیہ کے مابین ہونے والے معاہدے کے مطابق یکم مئی تک افغانستان سے امریکی اور دیگر غیر ملکی افواج کا انخلا ہونا تھا۔
Read more
پاکستان کے وزیرِ اعظم عمران خان نے سعودی عرب کے ایران کے ساتھ امن کے بیان کا خیر مقدم کرتے ہوئے کہا ہے کہ یہ عمل مسلم امہ کے لیے باعث تقویت ثابت ہوگا۔
سعودی ولی عہد محمد بن سلمان نے گزشتہ دنوں ایک ٹی وی انٹرویو میں کہا تھا کہ سعودی اور عرب ایران کے مفادات ایک دوسرے کے ساتھ وابستہ ہیں۔ ریاض تہران کے ساتھ اچھے تعلقات کا خواہاں ہے۔
Read more
امریکہ کے صدر جو بائیڈن نے کانگریس کے مشترکہ اجلاس سے اپنے پہلے خطاب میں ملک میں کرونا وبا سے بچاؤ کے لیے حکومتی اقدامات، معیشت کی بحالی، معاشی مساوات، گن وائلنس کے خاتمے سمیت کئی اہم اقدامات کا اعادہ کیا ہے۔
بدھ کو اپنے خطاب کے دوران صدر بائیڈن نے ملکی داخلی امور کے ساتھ ساتھ افغانستان سے امریکی فوج کے انخلا، موسمیاتی تغیر، چین کے ساتھ تعلقات جیسے خارجہ امور پر بھی بات کی۔
Read more
بھارت میں کرونا وائرس کی دوسری لہر کی شدت برقرار ہے اور وبا کی سنگینی بڑھتی جا رہی ہے جب کہ یومیہ کیسز اور اموات میں بھی مسلسل اضافہ ہو رہا ہے۔ بدھ کو بھارت میں وائرس سے مزید 3293 یومیہ اموات رپورٹ ہوئی ہیں جو ایک نیا ریکارڈ ہے۔
ادھر یومیہ کیسز کی تعداد بھی مسلسل بڑھ رہی ہے اور بدھ کو مزید تین لاکھ 60 ہزار کیس رپورٹ ہوئے ہیں۔
Read more
امریکہ کے صدر جو بائیڈن اپنی حکومت کے سو دن مکمل ہونے پر آج کانگریس کے مشترکہ اجلاس سے خطاب کریں گے۔ حسب روایت اس خطاب میں صدر ملک کی موجودہ صورتِ حال، درپیش مسائل اور اپنی انتظامیہ کی کارکردگی پر اظہارِ خیال کریں گے۔
صدر کا یہ خطاب کئی اسباب سے اہمیت کا حامل ہے تاہم اس خطاب کو ’اسٹیٹ آف دی یونین‘ کا عنوان دیا جاسکتا ہے یا نہیں اور اس عنوان سے ہونے والے خطاب کا کیا تاریخی پس منظر ہے؟ اس کے بارے میں کچھ اہم تفصیلات یہاں دی جارہی ہیں۔
Read more
بھارت میں گزشتہ کئی روز سے کرونا کیسز کی یومیہ تعداد تین لاکھ سے اوپر آ رہی ہے۔ جب کہ وبا سے ہونے والی یومیہ اموات کی تعداد ڈھائی ہزار سے تین ہزار کے درمیان ہے۔
لیکن مبصرین کا کہنا ہے کہ کرونا سے ہونے والی اموات کی تعداد اس سے کہیں زیادہ ہے۔
ماہرین کے مطابق محکمۂ صحت کی جانب سے کرونا سے ہونے والی اموات کی جو تعداد بتائی جا رہی ہے وہ یقینی طور پر درست نہیں ہے۔ اصل تعداد اس سے کہیں زیادہ ہے۔
Read more
کالعدم تحریک طالبان پاکستان (ٹی ٹی پی) کے سابق نائب سربراہ مولوی فقیر محمد کو آٹھ سال بعد کابل جیل سے رہا کر دیا گیا ہے۔ افغان حکومت نے رواں ماہ 15 اپریل کو تین دیگر ساتھیوں سمیت مولوی فقیر محمد کو رہا کیا۔
ذرائع ابلاغ کی رپورٹس کے مطابق افغانستان کے خفیہ ادارے نیشنل ڈائیکٹوریٹ آف سیکیورٹی (این ڈی ایس) نے 26 فروری 2013 کو مولوی فقیر محمد کو چار دیگر ساتھیوں سمیت اُس وقت سرحدی صوبے ننگرہار کے ضلع نازیان سے گرفتار کیا تھا جب وہ طورخم سے ملحقہ پاکستان میں وادی تیراہ جا رہے تھے۔گرفتاری کے بعد مولوی فقیر محمد بگرام جیل میں زیرِ تفتیش رہے ۔
Read more
بھارت میں کرونا کیسز میں یومیہ اضافہ مسلسل جاری ہے۔ گزشتہ 24 گھنٹوں کے دوران تین لاکھ 52 ہزار 991 افراد میں کرونا کی تشخیص ہوئی جب کہ 2,812 افراد وبا کے باعث ہلاک ہو چکے ہیں۔
بھارت میں کرونا وائرس کی دوسری لہر سے پیدا ہونے والی سنگین صورت حال میں امریکہ، برطانیہ، سعودی عرب، متحدہ عرب امارات، فرانس، سنگاپور، جرمنی، ڈنمارک، روس اور یورپی یونین نے بھارت کی امداد کے اعلانات کیے ہیں۔
Read more
افغانستان میں امریکی فوج کے کمانڈر جنرل اسکاٹ ملر نے کہا ہے کہ امریکہ نے افغانستان سے اپنی فوجوں کے مکمل انخلا کا عمل شروع کر دیا ہے۔
اتوار کو کابل میں مقامی صحافیوں سے گفتگو کرتے ہوئے جنرل اسکاٹ ملر کا کہنا تھا کہ اُن کو موصول ہونے والے احکامات کے بعد افغانستان میں تعینات امریکی فوجی ‘پیچھے ہٹنے’ کی تیاری کر رہے ہیں۔
Read more
پاکستان تحریک انصاف (پی ٹی آئی) کے اہم لیکن ناراض رہنما جہانگیر خان ترین نے اسلام آباد سے رابطوں کی تصدیق کی ہے اور یہ دعویٰ کیا کہ وفاقی دارالحکومت اسلام آباد سے اشارہ ملنے پر انہوں اپنے حامی ارکانِ اسمبلی کے اعزاز میں افطاری کو منسوخ کیا ہے۔
ایک ماہ میں لگ بھگ یہ پہلا موقع ہے کہ جب جہانگیر ترین نے اسلام آباد سے رابطوں کے بارے میں کوئی دعویٰ کیا ہے۔
Read more
بھارت میں یومیہ کرونا کیسز میں ریکارڈ اضافہ جاری ہے اور گزشتہ 24 گھنٹوں کے دوران تین لاکھ 46 ہزار سے زائد افراد میں کرونا وائرس کی تشخیص ہوئی ہے جب کہ وبا کے سبب دو ہزار 624 اموات ہوئیں۔
بھارت میں ایک روز قبل تین لاکھ 32 ہزار سے زائد کیسز سامنے آئے تھے۔
نئی دہلی کے جے پور گولڈن اسپتال میں 25 مریض آکسیجن کی کمی کی وجہ سے دم توڑ گئے۔ سینئر کانگریس رہنما راہل گاندھی نے ان اموات پر اظہارِ تعزیت کیا ہے۔
Read more
وائٹ ہاوس میں موسمیاتی تبدیلیوں کی روک تھام پر غور کے لیے دو روز سے جاری وورچوئل کانفرنس جمعے کو ختم ہو گئی۔ صدر بائیڈن نے کانفرنس کے شرکا سے خطاب کرتے ہوئے کہا کہ ہمیں موسمیاتی تبدیلیوں کی روک تھام کے لئے جو کچھ کرنا ہے، مل کر کرنا ہوگا۔
کانفرنس میں دنیا کے چالیس ملکوں کے رہنما اور بڑی کمپنیوں اور اداروں کے سربراہ شریک تھے۔
Read more
افریقہ میں تعینات امریکی افواج چین کی سرگرمیوں پر گہری نظر رکھے ہوئے ہیں کیونکہ انہیں تشویش ہے کہ چین برِاعظم افریقه میں اپنے بری اور بحری اڈوں کا جال بچھانے کے قریب ہے۔
امریکی فوج کی افریقی کمان کے سربراہ جینرل سٹیفن ٹاؤن سینڈ نے جمعرات کو امریکی قانون سازوں کو بتایا کہ سب جانتے ہیں کہ چین دنیا بھر میں اپنی چھاؤنیوں کی تعمیر کی خواہش رکھتا ہے۔ ان کا کہنا تھا کہ ان کو زیادہ تشویش بحرِ اوقیانوس کے افریقی ساحل پر چین کی موجودگی سے ہے۔
Read more
پاکستان میں حکومت نے کرونا وائرس کی احتیاطی تدابیر میں عمل درآمد میں معاونت کے لیے فوج طلب کرنے کا فیصلہ کیا ہے۔
وزیرِ اعظم عمران خان نے کہا ہے کہ ایس او پیز پر عمل درآمد کے لیے فوج قانون نافذ کرنے والے اداروں کے ساتھ سڑکوں پر نکلے گی۔ لوگوں کی جانب سے احتیاط نہ کرنے کی وجہ سے کیسز تیزی سے بڑھ رہے ہیں۔
Read more
پاکستان کی پارلیمان کے ایوانِ زیریں کا اجلاس فرانس کے سفیر کو ملک سے نکالنے کی قرارداد پر بحث یا منظوری کے بغیر ہی غیر معینہ مدت تک ملتوی ہو گیا ہے۔
قومی اسمبلی کا اجلاس ڈپٹی اسپیکر قاسم سوری کی صدارت میں شروع ہوا تو حزبِ اختلاف کے اراکین نے قرارداد پر بات کرنا چاہی۔ تاہم اسپیکر نے وقفۂ سوالات کا آغاز کر دیا۔
Read more
مذہبی آزادی کی عالمی صورت حال پر نظر رکھنے والے امریکی کمیشن یونائٹیڈ اسٹیٹ کمیشن آن انٹرنیشنل ریلیجیئس فریڈم (یو ایس سی آئی آر ایف) نے اپنی تازہ رپورٹ میں محکمۂ خارجہ سے سفارش کی ہے کہ بھارت کو انسانی حقوق کی خلاف ورزی کے معاملے میں انتہائی تشویش والے ملکوں کی فہرست میں ڈال دیا جائے۔
Read more
امریکہ کی ریاست منی سوٹا کے شہر منی ایپلس کے ایک سابق پولیس اہلکار ڈیرک شاوین کو بارہ افراد پر مشتمل جیوری نے سیاہ فام امریکی شہری جارج فلائیڈ کے قتل کا مجرم قرار دے دیا گیا ہے۔
تین ہفتے سے جاری اس مقدمے کے فیصلے کے لیے تشکیل دی جانے والی جیوری دو دن تک غور و خوض کے بعد اپنے حتمی فیصلے پر پہنچی۔
Read more
امریکہ میں ایک بڑے احتجاج کی وجہ بننے والے جارج فلائیڈ کیس کا بالآخر فیصلہ آ گیا ہے۔ جیوری نے منگل کو ریاست منی سوٹا کے شہر منی ایپلس کے سابق پولیس اہلکار ڈیرک شاوین کو سیاہ فام شخص جارج فلائیڈ کے قتل کا ذمہ دار قرار دیا ہے۔ جیوری کے فیصلے کا کئی نامور شخصیات نے خیر مقدم کیا ہے۔
جارج فلائیڈ کے قتل نے امریکہ میں قانون نافذ کرنے والے اداروں کے سیاہ فام افراد کے ساتھ برتاؤ پر ایک نئی بحث کو جنم دیا تھا۔ پولیس اہلکار کے ہاتھوں فلائیڈ کے قتل کے بعد پولیس اصلاحات پر بھی زور دیا جا رہا تھا۔
Read more
امریکہ نے پاکستان کو آب و ہوا کے مسائل پر ورچوئل سربراہی اجلاس میں شرکت کے لیے مدعو کرلیا ہے۔ امریکی نمائندہ خصوصی برائے ماحولیات جان کیری نے پاکستان کے وزیر ماحولیات کو خط لکھ کر اجلاس میں شرکت کی دعوت دی ہے۔
پاکستانی وزارت کی جانب سے جاری ایک بیان میں کہا گیا ہے کہ امریکی صدر جو بائیڈن کے نمائندہ خصوصی جان کیری نے پاکستان کے وزیر ملک امین اسلم کو خط لکھا ہے۔
Read more
دنیا بھر میں کرونا وائرس سے بچاؤ کی ویکسین لگوانے کے عمل کی حوصلہ افزائی کے لیے کہیں ڈونٹ تو کہیں ڈسکاؤنٹ کوپنز تقسیم کیے جا رہے ہیں لیکن ہنگری میں ایک پیسٹری کی دکان ایسی بھی ہے جہاں کرونا وائرس کی تھیم پر مبنی سوئٹ ‘موس’ (جیلی اور مختلف چیزوں کی تہہ والی میٹھی ڈش) پیش کی گئی ہے۔
ہنگری کے دارالحکومت بڈاپیسٹ کے شمال مشرقی علاقے ویراسجہاز سے تعلق رکھنے والی سُلیان فیملی کرونا وائرس کی ویکسین لگوانے کے خوف کو کم کرنے کی کوشش میں پیش پیش ہے۔
Read more
پاکستان کے وزیرِ اعظم عمران خان کا کہنا ہے کہ پیغمبرِ اسلام کی توہین کے معاملے پر کالعدم تحریکِ لبیک پاکستان اور حکومت کا مقصد ایک ہی ہے تاہم فرانسیسی سفیر کو واپس بھیجنا مسئلے کا حل نہیں۔
پیر کو قوم سے اپنے مختصر خطاب میں عمران خان نے کہا کہ فرانس کے سفیر کو واپس بھیجنے اور تعلقات ختم کرنے سے پاکستان کو معاشی مشکلات کا سامنا کرنا پڑے گا۔
Read more
امریکہ کے قومی سلامتی کے مشیر جیک سلیوان نے کہا ہے کہ صدر جوبائیڈن کی جانب سے افغانستان میں طویل ترین جنگ کے خاتمے اور 11 ستمبر تک امریکی فوجیوں کے انخلا کے بعد کوئی بھی یہ یقین سے نہیں کہہ سکتا کہ افغانستان میں کیا ہو گا۔
اتوار کو امریکی نشریاتی ادارے ‘فوکس نیوز’ کے ایک پروگرام میں گفتگو کرتے ہوئے جیک سلیوان نے کہا کہ امریکہ افغان سیکیورٹی فورسز، افغان حکومت اور افغان عوام کے وسائل، استعداد اور تربیت کے لیے جو کرسکتا تھا وہ انہیں فراہم کیا گیا ہے۔
Read more
پاکستان کے وزیرِ اعظم عمران خان نے کہا ہے کہ مغرب میں دائیں بازوں کے سیاست دان اور آزادئ اظہار کی آڑ میں مذہبی منافرت پھیلانے والے انتہا پسندوں میں اپنے رویے پر ایک ارب 30 کروڑ مسلمانوں سے معافی مانگنے کی جرات ہونی چاہیے ۔
عمران خان کا کہنا تھا کہ وہ ان انتہا پسندوں سے معافی مانگنے کا مطالبہ کرتے ہیں۔
Read more
افغانستان میں دو دہائیوں سے جاری جنگ کے بارے میں جاری کی جانے والی ایک رپورٹ میں کہا گیا ہے کہ 20 برس کے دوران جنگ میں دو لاکھ 41 ہزار افراد ہلاک ہوئے جن میں امریکی بھی شامل ہیں۔
تحقیق کے مطابق یہ اموات براہِ راست اس جنگ کی وجہ سے ہوئیں۔ جن میں 71 ہزار 344 عام شہری، دو ہزار 442 امریکہ کے فوجی اہلکار، 78 ہزار 314 افغان سیکیورٹی اہلکار اور 84 ہزار 191 مخالفین کی ہلاکتیں شامل ہیں۔
Read more
صدر بائیڈن کی جانب سے افغانستان سے انخلا کی نئی تاریخ مقرر کیے جانے کے بعد افغان طالبان ترکی کی میزبانی میں ہونے والی استنبول کانفرنس میں شرکت سے متعلق کوئی واضح موقف اختیار نہیں کر رہے، تجزیہ کاروں کا کہنا ہے کہ دونوں فریقوں کا انحصار اور دباؤ پاکستان پر بڑھ گیا ہے۔
ماہرین یہ بھی سمجھتے ہیں کہ پاکستان کے ساتھ ساتھ علاقائی طاقتوں کا افغانستان امن عمل کا حصہ بننا نا گزیر ہو گیا ہے کیونکہ ان کے بقول ایک بار پھر طالبان اور امریکہ کے درمیان اعتماد کی فضا متاثر ہوئی ہے۔
Read more
امریکی ریاست انڈیانا کے شہر انڈیاناپلس کے پولیس حکام نے جمعے کے روز ایک پریس کانفرنس میں بتایا ہے کہ جمعرات اور جمعہ کی شب ایک کوئیرکمپنی فیڈ ایکس کی مقامی عمارت میں فائرنگ کر کے 8 افراد کو ہلاک کرنے والے شخص کا نام برینڈن سکاٹ ہول تھا، اس نے واقعے کے بعد مبینہ طور پر خودکشی کرلی تھی۔
پولیس کے مطابق، فائرنگ کرنے والے برینڈن سکاٹ کی عمر 19 برس تھی۔ اس کا تعلق انڈیانا شہر سے تھا۔ قانون نافذ کرنے والے اداروں نے انڈیاناپلس میں برینڈن سے تعلق رکھنے والے ایک گھر کی تلاشی لی اور کچھ ثبوت قبضے میں لیے ہیں، جن میں کمپیوٹر اور دیگر برقی سامان شامل ہے۔
Read more
پاکستان کے سب سے بڑے صوبے پنجاب کے وزیرِ قانون راجہ محمد بشارت نے کہا ہے کہ تحریک لبیک پاکستان (ٹی ایل پی) پر پابندی سے ثابت ہو گیا ہے کہ کوئی جتھا حکومت کو ملکی مفاد کے خلاف فیصلے پر مجبور نہیں کر سکتا.
پنجاب کے وزیرِ قانون راجہ محمد بشارت نے وائس آف امریکہ کو ایک انٹرویو میں مزید بتایا کہ ٹی ایل پی سے پاکستان کو درپیش خطرات کا مسئلہ کافی دن سے چل رہا تھا۔ لیکن گزشتہ چند دِنوں میں جو واقعات ہوئے اُن کی نوعیت مختلف تھی۔ ان میں ایسے واقعات تھے جن میں براہِ راست ریاست کو چیلنج کیا گیا تھا۔
Read more
وزیرِ اعظم عمران خان نے کابینہ میں ایک بار پھر رد و بدل کیا ہے اور حماد اظہر سے وزارتِ خزانہ کا قلم دان واپس لے کر شوکت ترین کو خزانہ اور ریونیو کی وزارت سونپ دی ہے۔
وفاقی حکومت کے اس فیصلے کی تصدیق وزیرِ اطلاعات و نشریات فواد چوہدری نے اپنے ٹوئٹر اکاؤنٹ پر کی ہے۔
حکومتی فیصلے کے مطابق حماد اظہر سے وزارتِ خزانہ کا قلم دان واپس لے کر انہیں وزیرِ توانائی مقرر کیا گیا ہے۔ جب کہ شوکت ترین کو وزارتِ خزانہ کا قلم دان دیا گیا ہے۔
Read more
امریکہ کے صدر کے افغانستان سے فوج کا انخلا ستمبر تک مکمل کرنے کے اعلان پر افغان صدر اشرف غنی کا کہنا ہے کہ صدر جو بائیڈن کے فیصلے سے افغانستان سے امریکہ کی فوج کے قیام یا انخلا کے بارے میں عوام کے خدشات ختم ہو گئے ہیں۔ ان کے بقول افغانستان نے اس فیصلے کا احترام کیا ہے۔
آذر بائیجان میں ہونے والے بین الاقوامی کانفرنس سے آن لائن خطاب میں صدر اشرف غنی نے کہا کہ صرف افغان کمانڈوز، خصوصی دستوں اور فضائیہ کے اہلکاروں کی تعداد 40 ہزار ہے۔ ان کا شمار خطے کے بہترین کمانڈوز میں ہوتا ہے۔
Read more
پاکستان میں وفاقی وزارتِ داخلہ نے جمعے کو ملک بھر میں سوشل میڈیا پر چار گھنٹوں کے لیے عارضی پابندی لگائی۔ سوشل میڈیا کی بحالی کے بعد بھی شہریوں کو استعمال میں مشکلات در پیش رہیں۔
وزارتِ داخلہ نے ایک حکم نامے کے تحت ملک بھر میں 16 اپریل کو ٹوئٹر، فیس بک، یوٹیوب، واٹس ایپ اور ٹیلی گرام پر دن 11 سے دوپہر تین بجے تک پابندی عائد کی تھی۔
Read more
امریکہ کی ریاست انڈیانا کے شہر انڈیانا پولس میں پولیس نے ایک کوریئر کمپنی ‘فیڈ ایکس’ کے احاطے میں فائرنگ سے آٹھ افراد کے ہلاک ہونے کی تصدیق کی ہے۔ جب کہ پولیس کا کہنا ہے کہ مشتبہ مسلح شخص نے فائرنگ کے بعد خود کشی کر لی ہے۔
خبر رساں ادارے ’ایسوسی ایٹڈ پریس‘ کے مطابق جمعے کی صبح پریس کانفرنس کرتے ہوئے مقامی پولیس ترجمان جینی کک کا کہنا تھا کہ پولیس جب جائے وقوع پر پہنچی تو کوریئر کمپنی کے احاطے میں فائرنگ جاری تھی۔
Read more
بھارت کی ریاست اُتر پردیش کے شہر بنارس کی ایک عدالت نے گزشتہ ہفتے اپنے ایک فیصلے میں محکمۂ آثار قدیمہ کو گیان واپی مسجد کا سروے کرنے کا حکم دیا ہے۔ تاہم سنی وقف بورڈ نے عدالت کے اس فیصلے کو الہ آباد ہائی کورٹ میں چیلنج کر دیا ہے۔
آٹھ اپریل کو دیے جانے والے ماتحت عدالت کے فیصلے کے بعد وشوا ناتھ مندر اور گیان واپی مسجد کا تنازع ایک بار پھر بھارت میں موضوعِ بحث بن گیا ہے جب کہ مسلم تنظیموں نے مسجد کے مستقبل سے متعلق خدشات کا اظہار کیا ہے۔
Read more
کراچی — پاکستان کی وفاقی کابینہ نے رواں ہفتے ملک کے مختلف شہروں بشمول لاہور اور کراچی میں پرتشدد مظاہروں اور نظامِ زندگی مفلوج کرنے والی مذہبی جماعت تحریک لبیک پاکستان (ٹی ایل پی) پر پابندی کی منظوری دے دی ہے۔ تحریک پر پابندی کی سفارش ملک کے سب سے بڑے صوبے پنجاب کی حکومت نے کی تھی۔
Read more
ویب ڈیسک — امریکہ کے صدر جو بائیڈن نے افغانستان سے گیارہ ستمبر تک امریکی اور اتحادی افواج کے انخلا کا اعلان کیا ہے۔ انہوں نے کہا ہے کہ امریکہ پر نائن الیون کے دہشت گرد حملے کے 20 سال بعد امریکی فوج کے افغانستان میں رہنے کا کوئی جواز نہیں۔ انہوں نے کہا کہ افغان جنگ کے اہداف حاصل کیے جا چکے ہیں۔
Read more
ترکی کے شہر استنبول میں افغانستان کے معاملے پر 10 روزہ کانفرنس کا آغاز 24 اپریل سے ہو گا لیکن طالبان نے کانفرنس میں اپنی شرکت غیر ملکی افواج کے افغانستان سے مکمل انخلا سے مشروط کر دی ہے۔
کانفرنس کے مشترکہ منتظمین ترکی، قطر اور اقوامِ متحدہ نے منگل کو جاری ایک مشترکہ بیان میں بتایا ہے کہ افغان حکومت اور طالبان کے درمیان استنبول میں ایک غیر معمولی کانفرنس کا انعقاد ہو گا جو 24 اپریل سے چار مئی تک جاری رہے گی۔
Read more
امریکہ نے 11 ستمبر 2021 تک افغانستان سے اپنے تمام فوجیوں کے انخلا کا فیصلہ کیا ہے جس کا اعلان صدر جو بائیڈن کریں گے۔
حکومت کے ایک ذمہ دار اہلکار نے منگل کو اعلان کیا کہ صدر جو بائیڈن سمجھتے ہیں کہ افغانستان میں 20 برس سے جاری جنگ کا خاتمہ امریکہ کے مفاد میں ہے اور اس سے متعلق وہ بدھ کو اہم اعلان بھی کریں گے۔
سینئر افسر نے بتایا کہ افغانستان سے افواج کی واپسی کا مقصد اس وقت عالمی سطح پر درپیش مسائل پر نظر رکھنے کے لیے ہے اور یہ وہ مسائل ہیں جن کا سامنا دو دہائی قبل نہیں تھا۔
Read more
امریکی ریاست منی سوٹا کے شہر بروکلین سینٹر میں اتوار کو پولیس کی فائرنگ سے سیاہ فام نوجوان کی ہلاکت کے خلاف مختلف شہروں میں مسلسل دوسرے روز بھی احتجاج کا سلسلہ جاری رہا۔
بروکلین سینٹر میں رات کے کرفیو کے باوجود درجنوں مظاہرین سڑکوں پر نکلے اور اس پولیس اسٹیشن کے باہر جمع ہوئے جس کے قریب فائرنگ کا واقعہ پیش آیا تھا۔ مظاہرین نے پولیس کے خلاف نعرے بازی بھی کی۔
Read more
تحریک لبیک پاکستان (ٹی ایل پی) کے سربراہ سعد حسین رضوی کی پیر کو گرفتاری کے بعد ان کے کارکنوں کی جانب سے ملک کے مختلف شہروں میں احتجاجی مظاہرے جاری ہیں۔ مظاہروں کے باعث ٹریفک کی روانی متاثر ہے جب کہ پولیس نے درجنوں افراد کو حراست میں لیتے ہوئے مقدمات بھی درج کیے ہیں۔
ٹی ایل پی کی جانب سے پیر سے شروع ہونے والے احتجاج اور مظاہروں کا سلسلہ منگل کو بھی جاری ہے۔ جس کے باعث ملک کی کئی اہم سڑکیں بند ہیں اور ٹریفک کا نظام بری طرح متاثر ہے۔
Read more
وسطی پنجاب کے شہر گوجرانولہ کے قریب مضافاتی علاقے کے رہائشی تلونڈی موسیٰ خان سے تعلق رکھنے والے کاشت کار محمد شہباز کی عمر 80 برس کے لگ بھگ ہے۔ عمر کا بیشتر حصہ کاشت کاری میں گزارنے کے بعد اب اُن کے پاس زرعی زمین نہ ہونے کے برابر ہے۔
محمد شہباز بتاتے ہیں ان کا گاؤں دن بدن سکڑتا جا رہا ہے، زرعی زمینوں کے ساتھ ساتھ وہ گلیاں اور بازار بھی ختم ہو رہے ہیں جہاں ان کا بچپن اور جوانی گزری تھی۔
Read more
گولڈن گلوب اور پروڈیوسرز گِلڈ آف امریکہ کے بعد ڈرامہ فلم ‘نومیڈ لینڈ’ نے ‘بافٹا’ ایوارڈز میں بھی بہترین فلم سمیت چار ایوارڈز حاصل کر کے میدان مار لیا۔
چوہترویں ‘بافٹا ایوارڈز’ کی رنگا رنگ ورچوئل یعنی آن لائن تقریب 11 اپریل کو لندن کے ‘رائل البرٹ ہال’ میں ہوئی جہاں وبا کی وجہ سے صرف میزبان ہی موجود تھے جب کہ دیگر شخصیات نے آن لائن شرکت کی۔
Read more
لاہور — حکومتی جماعت پاکستان تحریکِ انصاف (پی ٹی آئی) کے ناراض رہنما جہانگیر خان ترین نے جمعے کی شب لاہور میں ارکان پارلیمنٹ کو عشائیے پر مدعو کیا جس میں 29 اراکین قومی و صوبائی اسمبلی شریک ہوئے۔
Read more
نئی دہلی — بھارت کی ریاست اتر پردیش (یو پی) کی باندہ جیل سے جب رواں ماہ چھ اپریل کو 38 پولیس اہلکاروں کا آٹھ گاڑیوں پر مشتمل قافلہ گینگسٹر اور سیاست دان مختار انصاری کو پنجاب کی روپ نگر جیل سے لینے کے لیے روانہ ہوا۔ تو دیکھنے والوں کو ایسا محسوس ہوا کہ وہ کسی جرائم پیشہ شخص کو اپنی تحویل میں لینے کے لیے نہیں، بلکہ کسی وی وی آئی پی کے استقبال کے لیے جا رہے ہوں۔
Read more