ہم آج جس دور میں جی رہے ہیں کہا جاتا ہے کہ انسان نے ہر شعبہ زندگی میں جس قدر نئی ایجادات سے زندگی کو سہل بنا لیا ماضی میں کہیں بھی اس کا عکس نہیں ملتا۔ ہم اگر اس ترقی کے پیچھے چھپے محرکات ڈھونڈنے نکلیں تو ہمیں باآسانی دو عوامل ملیں گے اوّل غور و فکر اور دوسرا علم۔ اور ہمیں بحیثیت مسلمان قرآن پاک میں بار ہا جوحکم ملتا ہے تدبر اور غور و فکر کا ہے۔ کسی بھی انسان نے جب پہلی بار اپنے علم اور تجربہ کی بنیاد پر کچھ دریافت و ایجاد کیا ہوگا تو اس کے دل میں یہ خواہش ضرور پیدا ہوئی ہوگی کہ کسی طرح یہ دوسرے لوگوں تک پہنچ سکے اور اگلی نسلوں تک محفوظ رہے تو شاہد اسی خواہش نے ہی کتاب کو جنم دیا ہوگا۔

کسی کے بستر پر بکھری ہوئی کتابیں دیکھ کر مجھے بہت خوشی ہوتی ہے۔ کچھ لوگ ہیں جو خواب کم دیکھتے ہیں، کتاب زیادہ! اُس بستر پر بھی کتابیں بکھری ہوئی تھیں۔ کمرے میں ایک کرسی تھی اور ایک میز۔ ان پر بھی کتابیں دھری تھیں۔ ایک الماری تھی، وہ بھی کتابوں سے بھری ہوئی تھی۔ مجھے وہ کمرا اپنا اپنا سا لگا۔ لیکن میں اُس کمرے میں گھستے ہوئے جھجھک رہا تھا۔ بڑے صاحب کچھ لکھنے میں مگن تھے۔