شہر کے باہر ایک بوڑھا برگد تھا، جہاں آنے جانے والے سستایا کرتے تھے۔ پھر درخت کٹ گیا اور لوگ اٹھ گئے، اب شہر تو ہے پر لوگ نہیں ہیں۔ درخت کی مجبوری اپنی جگہ، مگر کچھ مسافر بھی سائے سے دوستی کر لیتے ہیں۔ پھر لاکھ ہوائیں چلیں اور آندھیاں آئیں، جڑوں سے بندھے لوگ، جڑانوالہ سے جا کر بھی یہیں رہتے ہیں۔ فیصل آباد کے ہنگام سے پرے، یہ ایک چپ چاپ اور خاموش سا شہر ہے۔ گاؤں کی لڑکی کی طرح اپنے نوجوان وجود سے کچھ کچھ آشنا اور کچھ کچھ شرمسار۔ مگر جڑانوالہ سے پہلے، کچھ ایسا بھی ہے جس کے بغیر یہ تعارف ادھورا ہے۔

یہ ایک لمبی مسافت ہے۔ تھکا دینے والی، مستقل بے یقینی سے منسلک۔ آپ ستمبر میں کاغذ بھجواتے، ایک ابتدائی طبی معائنہ کیا جاتا، اکتوبر کی آخری تاریخوں میں امتحان ہوا کرتے، دسمبر کے وسط میں انٹرویو ہوتا پھر ایک تفصیلی طبی معائنہ ہوتا اور اگر آپ ان سب مراحل میں کامیاب ہوئے ہوتے تو اپریل کے پہلے یا دوسرے ہفتے میں پی اے ایف کالج، سرگودھا پہنچ جاتے۔ وہ تمام آبادیاں، جو ابھی خواندگی کے نودریافت طلسم سے باہر واقع ہوتیں، جیسے یاسر بندیشہ کا کبیر والا، راجہ شعیب کا جسوال، عباس شاہ کا چارسدہ اور عمران جمالی کا ساٹھ میل، وہاں لوگ آپ کو حسب شعور کپتان، پائلٹ، افسر وغیرہ کہتے اور آپ انکسار میں ملفوف نرگسیت سے جواب دیتے ”نہیں جی۔ ابھی کدھر۔ “

محمد حسین صاحب سے پہلے، کامونکی کا حوالہ، سن سینتالیس میں ریلوے سٹیشن پہ جلنے والی شرنارتھیوں کی ٹرین تھی۔ 2012 میں ریل کی یہ کہانی لکھی تو انگلستان سے ایک سندیس  آیا۔ کوئی ابرار حسین تھے جو اپنے والد، محمد حسین صاحب سے میری بات کروانا چاہ رہے تھے۔ ایک آدھ ہفتے بعد جب ہمارا وقت آپس میں ملا تو اس طرف سے ایک گھنی آواز سنائی دی ۔ "معراج صاحب بول رہے ہیں” "جی۔ محمد حسین صاحب ۔۔

مرزا وحید کا ناول ہے۔
The book of gold leaves

حقییقت کے سفاک پانیوں میں اس وقت آسودگی کے بس وہی چند ٹاپو بچے ہیں جہاں کہانیاں کہنے والے آباد ہیں۔ مرزا صاحب کا یہ ناول کشمیر کی آزادی کے پس منظر میں محبت کی ایک کہانی ہے۔ مگر چونکہ پس منظر آزادی کا ہے اور کہانی بعد میں آتی ہے سو بات، آزادی سے شروع کرنا مناسب ہے۔

سلطان اور چندر بھان کے علاوہ بھی جھنگ  شہر کے کچھ حوالے ہیں، جن کے بارے میں قومی تاریخ عمدا ً خاموش ہے۔ ایسا ہی ایک حوالہ ڈاکٹر عبدالسلام کا بھی ہے جسے پاکستان کے حافظے سے مذہب کی آڑ میں حذف کرنے کی کوشش کی گئی ہے۔ ڈاکٹر صاحب کے ذکر پہ شاہی مورخ ایسے ورق پھلانگتا ہے جیسے مقامی سکول میں سائنس پڑھاتے وقت جینیات کے باب کے صفحے جوڑ کر یہ سمجھ لیا جاتا ہے کہ نہ کوئی کھولے گا اور نہ ہی آگے پڑھ پائے گا۔

سنتوک داس کے نواحی قصبے میں پیدا ہونے والے عبدالسلام نے جھنگ کو یوں اپنا گھر بنایا کہ پھر کبھی جائے پیدائش کی طرف مڑ کر نہیں دیکھا۔ آپ کے والد تعلیم کے محکمے میں تھے اور دادا اپنے وقت کے عالم، سو گھر میں درس و تدریس کا چلن عام تھا ۔ اب خاندان کے کچھ لوگ کہتے ہیں کہ ان کے ماں باپ نے کوئی خواب دیکھا تھا اور کچھ احباب سناتے ہیں کہ عبدالسلام جب پہلی جماعت  میں داخل ہونے گئے تو سکول ماسٹر نے انہیں سیدھا چوتھی میں بٹھا لیا۔ مگر بچپن کی باتوں سے بے نیاز عبدالسلام کی تعلیمی زندگی کامیابیوں سے مزین تھی۔ جب ہر شخص ان کی کم عمری کے امتحان اور ہر امتحان میں ریکارڈ کی کہانی پوچھتا تو اس وقت کا عبد السلام اوپر انگلی اٹھا کر اللہ کے کرم کا اشارہ کر دیتا۔ یہ انگریز کا دور تھا اور اس وقت پارلیمان کی کمیٹیاں مظاہروں کے زیر اثر لوگوں کے مذہب پہ فیصلے نہیں دیتی تھی سو سب مولویوں کے اس لڑکے کی مثالیں دیا کرتے۔

ایک ہوتی ہے ہنگامہ خیز زندگی۔ جیسے۔ جیسے۔ آپ بیسویں صدی کی اولین دہائیوں میں پیدا ہوں۔ والد ریلوے میں ہوں تو دور افتادہ قصبوں میں آپ ریل کی سیٹی، سننے کی بجائے، اس کے سنائے جانے کا اہتمام کریں۔ شہروں سے دوری کے سبب، ہسپتال یا ڈاکٹر صرف کلکتے سے وابستہ کوئی چیز ہو، سو بیماریوں سے بچنے کے لئے آپ کے والدین، ریل اور گھر، گرہستی سے بچ جانے والا وقت، طب کی کتابوں، مقامی لوگوں کی کہانیوں اور لوک سمجھ بوجھ سے ملنے والے علم کی نذر گزاریں اور ایک ڈھیلی ڈھالی گھریلو حکمت وضع کریں۔

زندگی آپ کو سکول کے راستے، لاہور لے آئے تو آپ مذہب کو دیکھنے والی عینک میں، عقیدت کی بجائے حقیقت کے عدسے جڑوائیں۔ آپ اسلامیہ کالج سے ہوتے ہوئے کنگ ایڈورڈ میڈیکل کالج پہنچیں مگر ساتھ ساتھ جلیانوالہ باغ کے شعلے، آپ کی وطنیت کو انچ دینے لگیں اور ششی تھرور سے قریب قریب ایک سو سال پہلے آپ یہ کہنے لگیں کہ ہندوستان کے قحط، غربت اور تعلیم کی عدم دستیابی کی سب سے بڑی وجہ، غیر ملکی راج ہے۔ طب کی مزید تعلیم حاصل کرنے کے لئے آپ انگلستان جائیں اور پھر وہیں کے ہو رہیں تا وقتیکہ آپ کے والد آپ کو ایک چٹھی لکھیں جس میں فیصلہ آپ پہ چھوڑ دیں مگر آپ واپس آ جائیں اور آ کر لاہور کی چھاؤنی میں ایک کیپٹن ڈاکٹر کی حیثیت سے ذمہ داری سنبھالیں۔

گریندر پال سنگھ جوسن کی درخواست تھی کہ میں پشاور کے کسی چرنجیت سنگھ سے سر پہ اوڑھنے والے رومال وصول کروں اور ریاض صاحب تک پہنچا دوں جو امریکہ میں ان کے ہمسائے تھے اور ان دنوں پاکستان میں تھے۔ میں نے چرنجیت سنگھ کو فون کیا تو انہوں نے میرے لہجے میں سفر کی معذوری ڈھونڈ لی۔ طے یہ پایا کہ پشاور کی بجائے میں حسن ابدل تک آ جاؤں گا اور وہ گردوارہ پنجہ صاحب میں مجھے

شبیر صاحب، ایک ایسے حوالدار تھے جن کی فراست اور نقشہ بینی پہ کرنل صاحب کو پورا اعتماد تھا۔ ان کی دو باتیں مجھے کبھی نہیں بھولتیں، گرقستان اور لال جھنڈی ۔ پنوں عاقل میں سال کے تین موسم ہوتے تھے۔  گرمی، مزید گرمی اور شدید گرمی۔ 2003 کی گرمیوں کا موسم، 2003 کی مزید گرمیوں میں داخل ہوتا تھا کہ اورئینٹئرنگ (Orienteering)   کے مقابلوں کا اعلان ہو گیا۔ نقشہ، کمپاس اور قطبی ستارے کے آسرے، مختلف مقامات سے ہوتے