اسلام آباد — افغان حکومت نے ایک مرتبہ پھر اس عزم کا اعادہ کیا ہے کہ افغانستان میں قیامِ امن کا واحد اور پائیدار حل ملک میں انتخابات کے انعقاد کے ذریعے ہی ممکن ہے۔ اس حوالے سے افغان صدر اشرف غنی نے نئی سیاسی حکومت کے قیام اور پائیدار امن کے لیے تین مراحل پر مشتمل ‘پیس روڈ میپ’ تیار کر لیا ہے۔
Read more
کراچی — پاکستان کی مذہبی جماعتیں خصوصاً جماعتِ اسلامی اور جمعیت علمائے اسلام کے دونوں دھڑے ماضی میں افغانستان کے معاملات میں کافی اثر و نفوس رکھتے تھے مگر پاک افغان امور کے ماہرین کے مطابق گزشتہ دو دہائیوں سے پاکستان کی ان جماعتوں کا افغانستان میں کردار نہ رہنے کے برابر رہ گیا ہے۔
گزشتہ ماہ کے وسط میں جماعتِ اسلامی کی دعوت پر حزبِ اسلامی افغانستان کے سربراہ گلبدین حکمت یار پاکستان کے دورے پر تھے۔
Read more
ویب ڈیسک — سعودی حکام نے کہا ہے کہ رمضان المبارک کے دوران صرف ان افراد کو عمرہ ادا کرنے کی اجازت ہو گی جو کرونا وائرس سے بچاؤ کے ٹیکے لگوا چکے ہوں گے۔
Read more
پاکستان میں ان دنوں چینی کی بڑھتی ہوئی قیمتوں کو کنٹرول کرنے کے لیے مختلف شوگر ملز اور بڑے ڈیلرز کے خلاف وفاقی تفتیشی ایجنسی (ایف آئی اے) کی جانب سے کریک ڈاؤن کا سلسلہ جاری ہے۔ حکومت کا یہ الزام ہے کہ شوگر ملز مالکان ملی بھگت کر کے ملک میں چینی کا مصنوعی بحران پیدا کرتے ہیں جس سے چینی مہنگی فروخت ہوتی ہے۔
البتہ، شوگر ملز مالکان ان الزامات کی تردید کرتے رہے ہیں۔
پاکستان میں یوں تو عرصۂ دراز سے کاروباری افراد پر گٹھ جوڑ اور ملی بھگت کے الزامات لگتے رہے ہیں۔ تاہم حالیہ عرصے میں چینی کی قیمتوں میں اچانک اضافے پر اسے ‘سٹے بازوں’ کی کارستانی قرار دیا جا رہا ہے۔
Read more
پاکستان میں نجی شعبے کی جانب سے بھی کمرشل بنیادوں پر لوگوں کو ویکسین لگانے کا آغاز کر دیا گیا ہے جس کے بعد ملک کے بڑے شہروں میں ان ویکسی نیشن مراکز میں عوام بالخصوص نوجوانوں کا رش دیکھا جا رہا ہے۔
خبر رساں ادارے ‘رائٹرز’ کے مطابق پاکستان میں بعض نجی کمپنیوں نے روس کی تیار کردہ ‘اسپوتنک فائیو’ کی ہزاروں خوراکیں درآمد کی ہیں جس کے بعد کراچی اور لاہور میں انہیں کمرشل بنیادوں پر شہریوں کو لگایا جا رہا ہے۔
Read more
بھارت میں پیر کو کرونا وائرس کے ایک لاکھ سے زائد نئے کیس رپورٹ ہوئے ہیں جس کے بعد سب سے زیادہ متاثرہ ریاست مہاراشٹرا میں رات کا کرفیو نافذ کر دیا گیا ہے۔
بھارت کی وزارتِ صحت کے مطابق ملک میں پیر کو کرونا کے مزید ایک لاکھ تین ہزار 558 کیس رپورٹ ہوئے۔ اس سے قبل صرف امریکہ اور برازیل میں ہی یومیہ کیسز کی تعداد ایک لاکھ سے تجاوز کرتی رہی ہے۔
Read more
بھارت میں ماؤ نواز باغیوں کے ساتھ جھڑپ کے دوران 22 سیکیورٹی اہل کاروں کی ہلاکت کے بعد حکومت نے فورسز کو باغیوں کے خلاف فیصلہ کن آپریشن شروع کرنے کے احکامات دیے ہیں۔
خیال رہے کہ ہفتے کو ریاست چھتیس گڑھ کے ضلع بجاپور میں ماؤ نواز باغیوں کے خلاف آپریشن کے دوران 22 سیکیورٹی اہل کار ہلاک ہو گئے تھے جس پر بھارت میں شدید غم و غصہ پایا جاتا ہے۔
Read more
ویب ڈیسک — ہالی وڈ کی سائنس فکشن اور سنسنی سے بھرپور ایکشن فلم ‘گوڈزیلا ورسز کونگ’ نے کرونا وبا کے دوران باکس آفس پر اچھا آغاز کر کے تھیٹر مالکان کے لیے امید کی کرن جگا دی ہے۔
Read more
ویب ڈیسک — الیکٹرانکس آلات بنانے والی جنوبی کورین کمپنی ‘ایل جی’ نے لگ بھگ چھ برس تک نقصان برداشت کرنے کے بعد اپنے موبائل ڈویژن کو بند کرنے کا اعلان کر دیا ہے۔
Read more
کراچی — پاکستان اور جنوبی افریقہ کے درمیان ون ڈے انٹرنیشنل سیریز ایک عجیب موڑ پر موجود ہے، اس وقت جب تین میچز کی سیریز ایک ایک سے برابر ہے۔ پاکستانی شائقین میزبان ٹیم کے وکٹ کیپر کوئنٹن ڈی کوک کو ‘چیٹر’ قررا دینے پر تلے ہوئے ہیں۔
ہوا کچھ یوں کہ جنوبی افریقہ کے خلاف اتوار کو کھیلے جانے والے دوسرے میچ میں پاکستان ٹیم سنسنی خیز مقابلے کے بعد 17 رنز سے ہار گئی۔
Read more
ویب ڈیسک — افغان سیکیورٹی فورسز اور طالبان نے اتوار کو جھڑپوں کے دوران ایک دوسرے کو بھاری نقصان پہنچانے کا دعویٰ کیا ہے۔
افغانستان کی وزارتِ دفاع نے ایک بیان میں کہا ہے کہ گزشتہ چوبیس گھنٹوں میں نیشنل سیکیورٹی فورسز نے مختلف صوبوں میں کارروائیوں کے دوران لگ بھگ 160 باغیوں کو ہلاک کیا ہے جب کہ درجنوں زخمی بھی ہوئے ہیں۔
Read more
بھارت میں کرونا وائرس کی نئی لہر تیزی سے پھیل رہی ہے۔ اب تک کئی معروف شخصیات وائرس سے متاثر ہوچکی ہیں جس میں حالیہ اضافہ بالی وڈ اسٹار اکشے کمار کا ہے۔
بالی وڈ اداکار اکشے کمار نے ایک ٹوئٹ میں کرونا وائرس سے متاثر ہونے کی تصدیق کی ہے۔
Read more
سن 1970 میں پاکستان کے عام انتخابات کا اعلان ہو چکا ہے۔ ایوب خان کی کابینہ میں وزیرِ خارجہ رہنے والے ذوالفقار علی بھٹو نے ان سے اپنی راہیں جدا کر کے جس سیاسی جماعت پیپلز پارٹی کی بنیاد رکھی تھی اب وہ سندھ میں اس کی انتخابی مہم چلا رہے ہیں۔
لاڑکانہ سے کشمور جاتے ہوئے ان کے پارٹی کارکنوں کے قافلے میں ایک شخص کچھ زیادہ ہی جوش میں آ گیا اور اس کی گاڑی بھٹو کی گاڑی سے جا ٹکرائی۔ زوردار دھچکہ لگا، بھٹو کی جناح کیپ دور جا گری اور ڈارئیور بھی بری طرح اسٹیئرنگ سے ٹکرایا لیکن اس نے بروقت گاڑی کو سنبھال لیا ورنہ تاریخ کا دھارا شاید کوئی اور رُخ اختیار کر لیتا۔
Read more
بھارت کی ریاست چھتیس گڑھ کے ضلع بجاپور میں ماؤ نواز باغیوں سے جھڑپ کے دوران بھارتی سیکیورٹی فورسز کے کم از کم 22 اہلکار ہلاک ہو گئے ہیں۔
اتوار کو بھارتی حکام نے تصدیق کی کہ ہفتے کو چھتیس گڑھ میں ماؤ نواز باغیوں کے خلاف ایک آپریشن کے دوران سینٹرل ریزرو پولیس کے کوبرا یونٹ، ڈسٹرکٹ ریزرو گارڈ اور اسپیشل ٹاسک فورس کے اہل کاروں کو نشانہ بنایا گیا۔
Read more
اقوامِ متحدہ کے ذیلی ادارے ‘یونیسکو’ کی جانب سے کیے گئے حالیہ سروے کے مطابق دنیا بھر میں نئی نسل کی اکثریت رواں دہائی کے دوران آب و ہوا کی تبدیلی کو سب سے بڑا چیلنج سمجھتی ہے۔
‘یونیسکو’ کی جانب سے حال ہی میں سروے رپورٹ جاری کی گئی ہے جس میں 100 میں سے 57 فی صد 35 سال سے کم جب کہ 35 فی صد 25 سال سے کم افراد سے رائے لی گئی ہے۔
Read more
پاکستان کی حکومت نے فیصلہ کیا ہے کہ بھارت کے ساتھ موجودہ حالات میں تجارتی تعلقات بحال نہیں کیے جائیں گے۔
یہ فیصلہ وزیرِ اعظم عمران خان کی زیرِ صدارت بھارت سے تجارتی روابط بحال کرنے سے متعلق مشاورتی اجلاس میں کیا گیا۔
اس سے قبل رواں ہفتے جمعرات کو وفاقی کابینہ نے وزارتِ تجارت کی تجویز پر اقتصادی رابطہ کمیٹی (ای سی سی) کی ہمسایہ ملک بھارت سے کپاس اور چینی درآمد کرنے کی سفارش پر فیصلہ مؤخر کر دیا تھا۔
Read more
پاکستان کے وزیرِ اعظم عمران خان نے کہا ہے کہ وہ امریکہ میں آب و ہوا میں تبدیلی سے متعلق ہونے والی کانفرنس میں مدعو نہ کیے جانے پر ہونے والے شور شرابے پر حیران ہیں۔
وزیرِ اعظم عمران خان کا ہفتے کو ٹوئٹس میں کہنا تھا کہ وہ ماحولیاتی تبدیلی کے حوالے سے ایک اجلاس میں پاکستان کو مدعو نہ کیے جانے پر بلاجواز اعتراضات سن کر حیران ہیں۔
Read more
امریکی کمپنی ‘نائیکی’ نے پیر کو نیو یارک کی وفاقی عدالت میں ‘بروکلین آرٹ کلیکٹو’ (ایم ایس سی ایچ ایف) کے خلاف اپنا ڈیزائن چوری کا مقدمہ درج کیا تھا۔
نیو یارک کی وفاقی عدالت میں دائر مقدمے میں نائیکی نے مؤقف اختیار کیا تھا کہ ایم ایس سی ایچ ایف نے نائیکی کی اجازت اور منظوری کے بغیر اس کا ڈیزائن استعمال کرتے ہوئے جوتے تیار کیے۔ جب کہ نائیکی کمپنی کا اس منصوبے سے کوئی تعلق نہیں ہے۔
Read more
صدر جو بائیڈن کی انتظامیہ نے پہلے 100 دن میں کرونا ویکسین کی 10 کروڑ خوراکیں لگانے کا ہدف مقرر کیا تھا۔ تاہم امریکہ کے کچھ علاقوں میں ابھی بھی کرونا وائرس کے کیسز میں اضافہ ہو رہا ہے۔
امریکی صدر بائیڈن کا رواں ہفتے جمعے کو کہنا تھا کہ وہ لوگوں سے درخواست کرتے ہیں کہ جو کچھ اس وبا کے خلاف حاصل کیا گیا ہے اسے ضائع مت کریں۔
Read more
پاکستان کے پارلیمان کے ایوانِ بالا (سینیٹ) میں حزبِ اختلاف کی پانچ جماعتوں نے الگ اتحاد بنانے کا فیصلہ کیا ہے جس کے بعد ایوانِ بالا میں اپوزیشن واضح طور پر دو دھڑوں میں تقسیم ہو گئی ہے۔
حکومت مخالف اتحاد پاکستان ڈیموکریٹک موومنٹ (پی ڈی ایم) کی پانچ جماعتوں مسلم لیگ (ن)، جمعیت علما اسلام (ف)، پختونخواہ ملی عوامی پارٹی، نیشنل پارٹی اور بی این پی (مینگل) نے اپوزیشن کے 27 سینیٹرز پر مشتمل الگ بلاک بنانے پر اتفاق کیا ہے۔
Read more
ایک اندازے کے مطابق، کرونا وائرس کی عالمی وبا کی وجہ سے تجارتی مال برداری کے لئے استعمال ہونے والے بحری جہازوں پر سوار ایک لاکھ کے قریب ملاح سمندری پانیوں میں پھنسے ہوئے ہیں۔ ان ملاحوں کی مدد کے لئے ایک مہم چلائی جا رہی ہے، جس پر دستخط کرنے والے اسے ایک ایسا انسانی بحران قرار دے رہے ہیں جس سے دنیا بھر میں ضروری اشیا کی رسد اور ترسیل میں مشکلات پیش آرہی ہیں۔
اس مہم کے ارکان نے دنیا بھر میں حکومتوں سے مطالبہ کیا ہے کہ وہ مال بردار بحری جہازوں پر کام کرنے والے سولہ لاکھ ملاحوں کا حوصلہ بڑھائیں،انہیں سرحدوں کے آر پار جانے کی اجازت دیں اور ترجیحی بنیادوں پر انہیں ویکسین فراہم کی جائے۔
Read more
گزشتہ مہینے امریکی شہر اٹلانٹا میں چھ ایشیائی امریکی خواتین کے قتل کے ایک روز بعد امریکہ میں کم از کم پانچ ایسے صحافیوں کو رپورٹنگ کے دوران ہراساں کیا گیا، جو نسلی لحاظ سے ایشیائی تھے۔
مبصرین کا کہنا ہے کہ ایشیائی امریکی صحافی بھی منفی رویوں کی اس بڑی لہر کی لپیٹ میں ہیں، جس کی شکایت کرونا وائرس کی عالمی وبا کے بعد امریکہ میں رہنے والی ایشیائی امریکی کمیونٹی تواتر کے ساتھ کر رہی ہے، یعنی ایشیائی امریکیوں کے خلاف نفرت پر مبنی جرائم۔
Read more
امریکہ اور ایران نے جمعے کے روز کہا ہے کہ وہ منگل سے ویانا میں بالواسطہ مذاکرات شروع کر رہے ہیں۔ یہ مذاکرات ایران اور عالمی طاقتوں کے درمیان دو ہزار پندرہ میں طے پانے والے جوہری معاہدے کی تجدید نو کے لئے ہونے والے وسیع پیمانے کے مذاکرات کا حصہ ہونگے۔
ایران نے ویانا میں امریکی عہدیداروں سے کسی براہ راست بات چیت کے امکان کو مسترد کیا ہے، لیکن مبصرین کا خیال ہے کہ ایرانی اور امریکی عہدیداروں کی آسٹریا کے دارالحکومت میں بیک وقت موجودگی ، جسے واشنگٹن نے ایک "صحت مندانہ پیش رفت” قرار دیا ہے، معاہدے کے تمام فریقوں کو اکٹھا کرنے میں اہم کردار ادا کرے گی۔
Read more
امریکہ میں گزشتہ سال مئی میں ایک سیاہ فام شخص جارج فلائیڈ کی ہلاکت میں نامزد پولیس افسر ڈیرک شووین کے خلاف مقدمے کی کارروائی میں جمعے کے روز منی آپلس پولیس ڈیپارٹمنٹ کے قتل کی تفتیش پر مامور ہومی سائڈ ڈیپارٹمنٹ کے سربراہ کی گواہی قلم بند کی گئی۔
پولیس اہلکار کے خلاف مقدمے کی یہ کارروائی امریکی ریاست منی سوٹا کے شہر منی ایپلس میں ہو رہی ہے اور گزشتہ پانچ دنوں سے گواہان کی شہادتیں ریکارڈ کرنے کا سلسلہ جاری ہے۔
Read more
سینچورین، جنوبی افریقہ — بابر اعظم کی قیادت میں پاکستان کرکٹ ٹیم نے دورہ جنوبی افریقہ کا آغاز کامیابی سے کیا۔ سنچورین میں کھیلے گئے پہلے میچ میں پاکستان نے میزبان ٹیم کو دلچسپ مقابلے کے بعد تین وکٹ سے شکست دے کر تین میچ کی سیریز میں ایک صفر کی برتری حاصل کرلی۔
پاکستان نے ٹاس جیت کر پہلے فیلڈنگ کا فیصلہ کیا، اور جنوبی افریقہ کو 50 اوورز میں صرف چھ وکٹ پر 273 رنز ہی بنانے دیے۔ جنوبی افریقہ کی جانب سے ریسی وین ڈیر ڈسن نے ناقابل شکست 123 رنز اسکور کئے، ڈیوڈ ملر نے 50 رنز بنا کر ان کا بھرپور ساتھ دیا۔
Read more
امریکہ میں نیو انگلینڈ کے علاقے کے مختلف مقامات سے دریافت ہونے والے چند سکوں سے دنیا کے ایک بےحد پرانے حل طلب جرم کی گتھی سلجھانا ممکن ہو گیا ہے۔
اس کہانی کا ولن ایک انگریز سمندری قذاق ہے، جو سترہویں صدی کے دوران بھارت سے مکہ جانے والے حاجیوں کے بحری جہاز کو لوٹنے کے بعد دنیا کا سب سے مطلوب شخص بن گیا تھا۔ یہ شخص بعد میں غلاموں کے بیوپاری کا ملمع اوڑھ کر قانون کی نظروں سے اوجھل ہو گیا۔
Read more
امریکی دارالحکومت واشنگٹن ڈی سی میں کیپیٹل ہل کی عمارت کے باہر جمعہ کے روز ایک کار کے سیکیورٹی چیک پوائنٹ سے ٹکرانے کے واقعے میں ایک پولیس اہلکار اور مشتبہ حملہ آور کی ہلاکت کی تصدیق کی گئی ہے۔
کیپیٹل پولیس کی عبوری سربراہ یوگا ناندا پٹ مین نے صحافیوں کو بتایا ہے کہ ویڈیو میں دیکھا جا سکتا ہے کہ حملہ آور کار ٹکرانے کے بعد ایک ہاتھ میں خنجر لے کر پولیس آفیسرز کی طرف دوڑ پڑا اور اس نے ایک آفیسر پر خنجر سے وار کیا۔ پولیس کی طرف سے فائرنگ کی گئی، جس سے حملہ آور زخمی ہو گیا۔ اسے ہسپتال پہنچایا گیا، جہاں وہ زخموں کی تاب نہ لا کر ہلاک ہو گیا۔
Read more
پاکستان کے شمال میں واقع گلگت بلتستان سے سخت سردی کا موسم رخصت ہو چکا ہے اور اب بہار اپنے تمام تر رنگوں کے ساتھ جلوہ گر ہے۔ موسمِ بہار شروع ہوتے ہی قدرتی حسن سے مالا مال اس خطے میں رنگ اور خوش بو کی ایک نئی دنیا بس جاتی ہے۔
Read more
جب بھی پاکستان میں لوک موسیقی کی بات ہوگی۔ گلوکار شوکت علی کا نام سرِ فہرست ہو گا انہوں نے امریکہ، برطانیہ اور بھارت سمیت دنیا بھر میں پاکستان کا نام روشن کیا۔ فلموں میں گلوکاری اور اداکاری کے ساتھ ان کی دو شعری مجموعے بھی کافی مقبول ہوئے۔ جگر کے عارضے میں مبتلا 77 برس کی عمر میں اس گلوکار کے انتقال کی خبر سے پنجابی اور اردو گیت سننے والوں کو دکھ پہنچا۔
شوکت علی تین مئی 1944 کو لاہور کے علاقے بھاٹی گیٹ میں میاں فقیر بخش کے گھر پیدا ہوئے۔ ان کے خاندان کا تعلق ضلع گجرات کے علاقے ملکوال سے تھا۔ ان کے والد پیشے کے اعتبار سے درزی تھے۔ وہ انہیں پہلوان بنانا چاہتے تھے لیکن بڑے بھائی عنایت علی نے، جو خود بھی ایک لوک گلوکار تھے، شوکت علی میں موسیقی سے لگاؤ دیکھا اور ان کی رہنمائی کی۔
Read more
ایمنسٹی انٹرنیشنل نے پاکستان کے ضلع اٹک کے علاقے فتح جنگ سے سوشل میڈیا ایکٹوسٹ سرمد سلطان کے لاپتا ہونے پر تشویش کا اظہار کیا ہے اور ان کی فوری بازیابی کا مطالبہ کیا ہے.
تاریخ کے حوالے سے ٹوئٹس کرنے والے سرمد سلطان کا غائب ہونا گزشتہ رات سے پاکستان میں ٹوئٹر پر ٹاپ ٹرینڈ رہا ہے۔
فتح جنگ کی پولیس کے مطابق اب تک ان کے پاس سرمد سلطان کے لاپتا ہونے کے حوالے سے کوئی درخواست موصول نہیں ہوئی۔
Read more
بھارت کے زیرِ انتظام کشمیر کی پولیس کا کہنا ہے کہ شورش زدہ علاقے میں بھارت سے الحاق کے حامی سیاسی رہنماؤں، بالخصوص حکمران جماعت بھارتیہ جنتا پارٹی (بی جے پی) کے لیڈروں اور کارکنوں کو علیحدگی پسند عسکریت پسندوں سے خطرہ ہے جس کے پیشِ نظر ان کو تحفظ فراہم کرنے کی حکمتِ عملی تبدیل کی جا رہی ہے۔
کشمیر کے انسپکٹر جنرل (آئی جی) پولیس افسر وجے کمار نے دارالحکومت سرینگر میں میڈیا سے گفتگو میں کہا کہ جمعرات کو شہر کے مضافاتی علاقے نوگام میں بی جے پی کے مقامی رہنما انور خان کے گھر پر حملہ کیا گیا تھا۔ حملے میں ملوث چار میں سے تین عسکریت پسندوں کو 24 گھنٹوں کے اندر اندر کارروائی کے دوران ہلاک کر دیا گیا ہے۔
Read more
پاکستان کے صوبے پنجاب کی پولیس نے فنگر پرنٹس حاصل کرنے کے بعد جعلی انگوٹھوں کے ذریعے فلاحی اکاؤنٹس سے رقوم چوری کرنے والے ایک مبینہ گروہ کے تین ملزمان کو گرفتار کرنے کا دعوٰی کیا ہے۔
پولیس کا کہنا ہے کہ اوکاڑہ سے گرفتار کیے جانے والے ملزمان فلاحی سرکاری پروگرام ‘احساس کفالت’ اور اس جیسے دیگر پروگرامز سے رقوم حاصل کرنے والے حق داروں کے پیسے چوری کرتے تھے۔
Read more
حکومتِ پاکستان کی طرف سے بیرونِ ملک پاکستانی سیاست دانوں کے اثاثوں کی چھان بین کے لیے خدمات فراہم کرنے والی کمپنی ‘براڈ شیٹ’ کو اربوں روپوں کی ادائیگی کی تحقیقات کرنے والے براڈشیٹ کمیشن کی تحقیقاتی رپورٹ جاری کر دی گئی ہے۔ رپورٹ میں بیوروکریسی پر ریکارڈ چھپانے کا الزام عائد کیا گیا ہے۔
حکومت کا کہنا ہے کہ کمیشن کی رپورٹ کی روشنی میں وکیل احمر بلال صوفی، حسن ثاقب، غلام رسول، عبدالباسط، شاہد علی بیگ کے خلاف کارروائی ہو گی۔ جب کہ برطانیہ میں موجود طارق فواد نامی شخص نے براڈشیٹ کا معاملہ شروع کرایا تھا اور اسے بھی قانون کی گرفت میں لایا جائے گا۔
Read more
حال ہی میں بھارتی بیڈمنٹن اسٹار سائنہ نہوال کی بائیو پک سنیما گھروں کی زینت بنی ہے۔ اس فلم میں جہاں ایک معمولی علاقے سے تعلق رکھنے والی لڑکی کے عالمی نمبر ایک بننے تک کے سفر کو فلمایا گیا ہے وہیں یہ فلم سرحد کے اس پار موجود پاکستانیوں کے لیے بھی ایک سوال چھوڑتی ہے۔
وہ سوال یہ ہے کہ پاکستان میں اسپورٹس لیجنڈز کی کمی نہ ہونے کے باوجود ملک میں ‘اسپورٹس بائیو پک’ کا فقدان کیوں ہے۔
‘لگان ‘اور ‘اقبال’ جیسی اسپورٹس فلموں کی کامیابی کی بعد بالی وڈ نے سال 2010 میں اسپورٹس بائیو پک کی جانب قدم بڑھایا۔ ‘پان سنگھ تومر’، ‘بھاگ ملکھا بھاگ’، ‘میری کوم ‘، ‘ایم ایس دھونی دی ان ٹولڈ اسٹوری’، ‘اظہر’ اور اب ‘سائنہ’۔
Read more
پاکستان کی سپریم کورٹ نے قومی اسمبلی کے حلقہ این اے 75 ڈسکہ کا ضمنی انتخاب دوبارہ کرانے سے متعلق الیکشن کمیشن کا فیصلہ برقرار رکھتے ہوئے حکمراں جماعت پاکستان تحریک انصاف کی درخواست مسترد کر دی ہے۔
جسٹس عمر عطا بندیال کی سربراہی میں سپریم کورٹ کے تین رکنی بنچ نے ڈسکہ میں دوبارہ انتخاب کے الیکشن کمیشن کے حکم کے خلاف اپیل پر سماعت کی۔
عدالت نے جمعے کو اپنے مختصر فیصلے میں قرار دیا کہ حلقے میں دوبارہ انتخاب ہو گا اور اس سلسلے میں الیکشن کمیشن کا فیصلہ برقرار رہے گا۔
Read more
پاکستان میں وفاقی کابینہ نے بھارت سے چینی اور کپاس منگوانے کی اقتصادی رابطہ کونسل (ای سی سی) کی تجویز کو مؤخر کر دیا ہے۔
وزیرِ خارجہ شاہ محمود قریشی کا کہنا ہے کہ وزیرِ اعظم عمران خان اور کابینہ کی واضح اور متفقہ رائے یہ تھی کہ جب تک بھارت کشمیر کی نیم خود مختار حیثیت بحال نہیں کرتا اس وقت تک بھارت کے ساتھ تعلقات کو معمول پر لانا ممکن نہیں۔
Read more
پاکستان میں کرونا کی تیسری لہر کے دوران جمعرات کو جون کے بعد سب سے زیادہ 4974 کیسز رپورٹ ہوئے ہیں۔ حکام کا کہنا ہے کہ اب تک آٹھ لاکھ افراد کی ویکسی نیشن کی جا چکی ہے۔
کیسز میں اضافے کے باوجود پاکستان کے وزیرِ اعظم کا کہنا ہے کہ معاشی مشکلات کے پیشِ نظر ملک مکمل لاک ڈاؤن کا متحمل نہیں ہو سکتا، لہذٰا کرونا وبا کی تیسری لہر سے نمٹنے کے لیے ایس او پیز پر عمل درآمد کو یقینی بنایا جائے۔
Read more
پاکستان کی ٹیم جنوبی افریقہ کے خلاف تین میچز پر مشتمل ون ڈے سیریز کا پہلا میچ دو اپریل کو سنچورین کے مقام پر کھیلے گی۔ دونوں ٹیموں کے کپتان نہ صرف سیریز جیتنے کے لیے پرعزم ہیں بلکہ پرامید ہیں کہ شائقینِ کرکٹ کو اچھا مقابلہ دیکھنے کو ملے گا۔
سیریز میں پاکستان کی قیادت بابر اعظم کر رہے ہیں جب کہ میزبان ٹیم کی کپتانی نئے کپتان ٹیمبا باووما کریں گے۔ بابر اعظم کی بحیثیت کپتان یہ دوسری اور باووما کی پہلی سیریز ہو گی۔
Read more
دلکش رنگوں کے چیری پھول ہر سال موسمِ بہار کی آمد کی علامت بنتے ہیں۔ لیکن اس برس جاپان کے پھولوں کے مرکز کیوٹو شہر میں گلابی رنگ کے پھول وقت سے پہلے کِھل کر اپنے جوبن کو پہنچ گئے ہیں۔
گزشتہ بارہ صدیوں میں یہ پہلا موقع ہے کہ کیوٹو میں چیری پھول 26 مارچ کو ہی کِھل کے اپنے عروج کو پہنچ گئے ہیں۔
Read more
سینئر بھارتی اداکارہ اور بھارت کی حکمران جماعت بھارتیہ جنتا پارٹی (بی جے پی) کی چندی گڑھ سے رکنِ پارلیمنٹ کرن کھیر خون کے کینسر میں مبتلا ہو گئی ہیں۔
سن 1983 سے بالی وڈ میں اداکاری کے جوہر دکھانے والی اداکارہ کرن کھیر کے شوہر و اداکار انوپم کھیر نے اپنے ٹوئٹ کے ذریعے اہلیہ کے کینسر میں مبتلا ہونے کی تصدیق کی۔
Read more
امریکہ کے صدر جو بائیڈن نے امریکی معیشت کو ترقی دینے کے لیے بدھ کو 23 کھرب ڈالر کے ایک انفرا سٹرکچر منصوبے کا اعلان کیا ہے۔ وائٹ ہاؤس کا کہنا ہے کہ اس منصوبے سے "ایک بالکل نئی معیشت وجود میں آئے گی جو چین کو پیچھے چھوڑ دے گی۔”
بدھ کو ریاست پینسلوینیا کے شہر پٹس برگ کے کارپینٹرز یونین ٹریننگ سینٹر میں اپنے منصوبے کے خدو خال واضح کرتے ہوئے صدر بائیڈن نے کہا کہ یہ امریکہ میں سرمایہ کاری کا ایسا منصوبہ ہے، جو کئی نسلوں میں ایک بار ہی پیش کیا جاتا ہے۔
Read more
سعودی عرب کے ولی عہد محمد بن سلمان نے چند روز قبل پاکستان کے وزیرِ اعظم عمران خان کو ٹیلی فون کیا تھا جس میں دونوں ممالک کے تعلقات کو بہتر بنانے کے عزم کے علاوہ عمران خان کو سعودی عرب کے دورے کی بھی دعوت دی گئی تھی جسے عمران خان نے قبول کر لیا تھا۔
گو کہ محمد بن سلمان نے ٹیلی فون کال میں کرونا وبا کا شکار ہونے والے وزیرِ اعظم عمران خان سے اُن کی خیریت دریافت کی تھی۔ تاہم تجزیہ کاروں کے مطابق محمد بن سلمان کے رابطے کے بعد گزشتہ ایک سال سے تناؤ کا شکار دونوں ممالک کے تعلقات میں بہتری کے آثار نظر آ رہے ہیں۔
Read more
امریکہ کی ریاست کیلی فورنیا کے شہر اورِنج میں بدھ کو فائرنگ کے واقعے میں بچے سمیت چار افراد ہلاک ہوئے ہیں جب کہ دو افراد زخمی ہیں جن میں مشتبہ حملہ آور بھی شامل ہے۔
پولیس کے مطابق فائرنگ کا یہ واقعہ ریاست کیلی فورنیا میں لاس اینجلس کے قریب واقع شہر اورِنج کی اس عمارت میں پیش آیا جہاں زیادہ تر دفاتر ہیں۔
Read more
پاکستان کے سب سے بڑے شہر کراچی سے قومی اسمبلی کے حلقہ این اے 249 میں 29 اپریل کو ضمنی انتخاب ہونا ہے۔ لیکن ایک ماہ قبل ہی حلقے میں سیاسی سرگرمیوں میں تیزی دیکھی جا رہی ہے۔
دلچسپ بات یہ ہے کہ اس حلقے میں مدِمقابل دو بڑی سیاسی جماعتوں، پاکستان تحریکِ انصاف اور پاکستان مسلم لیگ (ن) نے انتخابی مہم کے لیے خیبر پختونخوا سے اپنی جماعتوں کے مرکزی رہنماؤں کو مدعو کیا ہے۔
Read more
پشاور ہائی کورٹ نے سوشل میڈیا پلیٹ فام ’ٹک ٹاک‘ کی مشروط طور پر بحالی کی اجازت دیتے ہوئے پاکستان ٹیلی کمیونیکیشن اتھارٹی (پی ٹی اے) کو ہدایت کی ہے کہ ٹک ٹاک پر غیر مہذب مواد اپ لوڈ ہونے سے روکا جائے۔
پشاور ہائی کورٹ کے چیف جسٹس قیصر رشید اور جسٹس اعجاز انور پر مشتمل دو رکنی بینچ نے ٹک ٹاک کے بارے میں درخواست کی جمعرات کو سماعت کی۔
Read more
فٹبال کی عالمی تنظیم ‘فیفا’ نے پاکستان کو خبردار کیا ہے کہ اگر اس نے فٹبال فیڈریشن کے معاملات بدھ تک حل نہ کیے تو اس کی رکنیت معطل کر دی جائے گی۔
پاکستان کی وفاقی وزیر برائے بین الصوبائی رابطہ ڈاکٹر فہمیدہ مرزا نے فیفا سے اپیل کی ہے کہ وہ رکنیت معطل کرنے میں جلدبازی کے بجائے پاکستان کو مزید مہلت دے۔
Read more
امریکی محکمۂ خارجہ نے 2020 میں دنیا بھر میں انسانی حقوق کی صورتِ حال سے متعلق رپورٹ جاری کی ہے جس میں پاکستان اور بھارت میں انسانی حقوق کی صورتِ حال کو غیر تسلی بخش قرار دیا گیا ہے۔
منگل کو امریکی وزیرِ خارجہ اینٹنی بلنکن کی جانب سے جاری کی گئی رپورٹ میں کہا گیا ہے کہ پاکستان میں انسانی حقوق پامال کرنے والے اکثر سزاؤں سے بچ جاتے ہیں جب کہ بھارت میں شہری آزادیوں، آزادیٔ صحافت پر قدغن، عدم برداشت اور ماورائے عدالت ہلاکتوں جیسے مسائل ہیں۔
Read more
امریکہ کے محکمۂ خارجہ نے فوجی بغاوت کے بعد بحران کے شکار ملک میانمار سے غیر ضروری سفارتی عملے کو انخلا کا حکم دیا ہے۔
یکم فروری کو میانمار میں فوج کی جمہوری حکومت کے خلاف بغاوت کے بعد ملک بھر میں احتجاج اور مظاہرے جاری ہیں۔ فوج کے ماتحت انتظامیہ کی کارروائیوں میں احتجاج میں شریک 520 افراد ہلاک ہو چکے ہیں۔ عالمی طاقتوں نے مظاہرین کے خلاف طاقت کے استعمال کی شدید مذمت کی ہے۔
Read more
آئندہ سال قطر میں شیڈول فٹبال ورلڈ کپ فائنلز تک رسائی کے لیے کھیلے جانے والے کوالیفائنگ مقابلے میں پرتگال نے لگزمبرگ کو ایک کے مقابلے میں تین گول سے شکست دے دی۔ اسٹار فٹ بالر کرسٹیانو رونالڈو نے ٹیم کی کامیابی میں اہم کردار ادا کیا۔
پرتگال کی ٹیم کوالیفائنگ راؤنڈ میں کھیلے گئے تین میں سے دو میچز جیت کر پوائنٹس ٹیبل پر سرِ فہرست ہے۔
Read more
امریکہ کے صدر جو بائیڈن کے کتے ‘میجر’ نے رواں ہفتے وائٹ ہاؤس میں ایک اور شخص کو کاٹ لیا ہے۔ وائٹ ہاؤس کے مطابق ایک ماہ کے دوران پیش آنے والا یہ دوسرا واقعہ ہے۔
پیر کو خاتونِ اول جل بائیڈن کے پریس سیکریٹری مائیکل لاروسا نے بتایا کہ "میجر نے واک کے دوران ایک شخص کو کاٹ لیا۔”
اُن کے بقول وائٹ ہاؤس کی میڈیکل ٹیم نے متاثرہ شخص کا طبی معائنہ کیا جنہیں کوئی زخم نہیں ہوا اور وہ کام پر واپس بھی آ گئے۔
Read more
تاجکستان کے دارالحکومت دو شنبے میں ہارٹ آف ایشیا استنبول پروسیس کی نویں وزارتی کانفرنس منگل کو اختتام پذیر ہو گئی ہے۔ کانفرنس کے اختتام پر جاری کردہ ایک مشترکہ اعلامیے میں کہا گیا ہے کہ کانفرنس کے رکن ممالک نے افغانستان کے امن و استحکام کے لیے علاقائی کوششوں کو تیز کرنے پر اتفاق کیا ہے۔
مشترکہ بیان میں افغانستان میں جاری تشدد کے واقعات پر تشویش کا اظہار کرتے ہوئے فوری اور جامع جنگ بندی پر زور دیا گیا ہے۔ تاکہ فریقین کے درمیان سیاسی تصفیے کے حصول کے لیے سازگار ماحول پیدا کیا جائے۔
Read more
امریکہ اور دیگر 13 ملکوں نے عالمی ادارۂ صحت (ڈبلیو ایچ او) کی جانب سے کرونا وبا کے ماخذ سے متعلق جاری کردہ حالیہ رپورٹ پر تحفظات کا اظہار کیا ہے۔
امریکی محکمۂ خارجہ نے منگل کو اپنی ویب سائٹ پر ایک بیان جاری کیا ہے جس میں دیگر 13 ملکوں کے حکام کے دستخط بھی موجود ہیں۔ ان ملکوں نے مشترکہ بیان میں ڈبلیو ایچ او کی حالیہ رپورٹ پر کئی سوالات اٹھائے ہیں۔
بیان میں کہا گیا ہے کہ کرونا وائرس کی ابتدا کے بارے میں عالمی ماہرین کی رائے بہت تاخیر سے سامنے آئی ہے جب کہ ماہرین کو تحقیقات کے لیے ملنے والی مکمل رسائی، اصل ڈیٹا اور سیمپلز پر تحفظات ہیں۔
Read more
افغانستان میں پانچ روز انسداد پولیو مہم کا آغاز پیر کو ہوا تھا جس کے دوسرے روز منگل کو خواتین انسدادِ پولیو رضا کاروں پر حملہ کیا گیا ہے۔ رواں سال ملک میں انسدادِ پولیو کی یہ پہلی مہم ہے جس میں پانچ سال سے کم عمر کے لگ بھگ دس لاکھ بچوں کو پولیو کے قطرے پلانے کا ہدف مقرر کیا گیا تھا۔
Read more
پاکستان کے وزیرِ اعظم عمران خان نے مشیرِ خزانہ عبدالحفیظ شیخ کو ہٹا کر وفاقی وزیر صنعت و پیداوار حماد اظہر کو خزانہ کی وزارت بھی سونپ دی ہے۔
بعض تجزیہ کاروں کا کہنا ہے کہ حفیظ شیخ کو ہٹانے کی وجہ اسٹیٹ بینک سے متعلق حالیہ قانون سازی تھی جب کہ بعض ماہرین کہتے ہیں کہ کابینہ میں تبدیلیوں سے یہ تاثر مل رہا ہے کہ حکومتی ٹیم میں نتائج دینے کی صلاحیت نہیں ہے۔
خیال رہے کہ حماد اظہر موجودہ حکومت کے تیسرے وزیرِ خزانہ ہوں گے اس سے قبل وفاقی وزیر منصوبہ بندی اسد عمر بھی وزارتِ خزانہ کے منصب پر فائز رہ چکے ہیں۔
Read more
راولپنڈی کے پرانے قلعے میں قائم قدیم مندر کو دوبارہ کھولنے کے اعلان کے بعد نامعلوم افراد نے حملہ کر کے اسے نقصان پہنچایا ہے۔
مندر پر یہ حملہ ایسے وقت میں کیا گیا ہے جب متروکہ وقف املاک بورڈ اور ضلعی انتظامیہ ہندوؤں کی اس 100 برس قدیم عبادت گاہ کو بحال کرنے کے لیے تزئین و آرائش میں مصروف ہے۔
Read more
بھارت کے زیرِ انتظام کشمیر کے علاقائی پاسپورٹ دفتر نے سابق وزیرِ اعلٰی محبوبہ مفتی کو پاسپورٹ جاری کرنے سے انکار کر دیا ہے۔
محبوبہ مفتی کا کہنا ہے کہ حکام نے اُنہیں مطلع کیا ہے کہ اُنہیں پاسپورٹ جاری کرنے سے ملکی سلامتی کو خطرات لاحق ہو سکتے ہیں۔
خیال رہے کہ سابق وزیرِ اعلٰی اور پیپلز ڈیمو کریٹک پارٹی (پی ڈی پی) کی سربراہ کشمیر کی نیم خود مختار حیثیت ختم کرنے کے حکومتی اقدامات کی مخالفت کرتی رہی ہیں اور وہ کئی ماہ تک نظر بند بھی رہی ہیں۔
Read more
امریکہ کے صدر جو بائیڈن نے کہا ہے کہ امریکہ میں ہر 10 میں سے نو بالغ افراد آئندہ ماہ سے کرونا وائرس کی ویکسین لینے کے اہل ہوں گے۔
امریکہ کے صدر نے پیر کو یہ اعلان ایک ایسے موقع پر کیا ہے کہ جب ملک میں ایک بار پھر کیسز میں اضافہ دیکھا جا رہا ہے۔
جو بائیڈن کا مزيد کہنا تھا کہ اس وقت وبا کے ساتھ ہماری زندگی اور موت کی دوڑ جاری ہے۔ کرونا وائرس تیزی سے پھیل رہا ہے اور کیسز میں دوبارہ اضافہ ہو رہا ہے۔
Read more
میانمار میں فوجی بغاوت کے خلاف جمہوریت پسندوں نے احتجاج کا نیا طریقہ اپناتے ہوئے ‘کچرا ہڑتال’ شروع کردی ہے۔ جس کے بعد منگل کو ملک کے مرکزی شہر کی گلیوں میں کچرے کے انبار لگ گئے ہیں۔
جنوب مشرقی ایشیائی ملک میانمار میں یکم فروری سے فوجی بغاوت کے خلاف جمہوریت پسندوں کا احتجاج جاری ہے، جب کہ سیکیورٹی فورسز کے کریک ڈاؤن میں اب تک پانچ سو سے زیادہ افراد ہلاک ہوچکے ہیں۔
Read more
آپ نے زیورات، نقدی یا دیگر قیمتی اشیا کی چوری کے بارے میں تو اکثر سنا ہی ہو گا لیکن حال ہی میں امریکہ کی ایک یونیورسٹی سے قیمتی درخت چرا لیا گیا ہے۔
امریکی ریاست وسکونسن کے دارالحکومت میڈیسن کی ‘یونیورسٹی آف وسکونسن آربوریٹم’ میں موجود صنوبر کے نایاب درخت کی چوری کا انکشاف ہوا ہے۔
Read more
احمد علی بٹ کا شمار پاکستان کے ان چند اداکاروں میں ہوتا ہے جنہوں نے ٹی وی، فلم اور موسیقی تینوں شعبوں میں ہی نام کمایا ہے۔
پاکستان کی سب سے کامیاب فلموں ‘جوانی پھر نہیں آنی’، ‘جوانی پھر نہیں آنی ٹو’ اور ‘پنجاب نہیں جاؤں گی’ میں اداکاری ہو، ‘ای پی بینڈ’ کے ساتھ گلوکاری یا پھر ٹی وی پر ہوسٹنگ، احمد بٹ نے جس کام میں بھی ہاتھ ڈالا اس میں کامیابی ہی سمیٹی۔
Read more
اٹھارہ سالہ آمنہ کو جب کراچی کے ایک نجی اسپتال میں گردے کے مرض کے علاج کیے لیے داخل کرایا گیا تو پہلی بار داخلے کے وقت ان کا وزن 130 پونڈز تھا۔
گزشتہ چھ ماہ میں علاج کے دوران انہیں تین بار اسپتال میں داخل کیا گیا۔ گردے کے مرض سے تو افاقہ ہوا مگر چھ ماہ کے دوران آمنہ کے وزن میں 15 سے 17 کلو کمی دیکھنے میں آئی جو ڈاکٹرز کے مطابق اس عمر کی صحت مند لڑکیوں کے وزن سے کافی کم ہے۔
آمنہ کے وزن میں کمی ان کی غذائیت یا خوراک کی کمی کی وجہ سے تھی۔
Read more
بھارت کے صدر رام ناتھ کووند نے پارلیمنٹ کی جانب سے منظور کردہ اُس متنازع بل پر دستخط کر دیے ہیں جس کے تحت دہلی کی منتخب حکومت کے اختیارات کم اور لیفٹننٹ گورنر کے اختیارات میں اضافہ کر دیا گیا ہے۔ دستخط کے ساتھ ہی یہ بل قانون بن گیا۔
اس قانون کے مطابق دہلی کی کیجری وال حکومت اب کوئی بھی انتظامی فیصلہ نہیں کر سکے گی۔ اس کے ہر فیصلے کی لیفٹننٹ گورنر منظوری دیں گے۔
مذکورہ بل گزشتہ دنوں پہلے لوک سبھا نے منظور کیا اور پھر راجیہ سبھا نے بھی اس کی منظوری دے دی۔ حزبِ اختلاف نے اس بل پر پارلیمنٹ میں زبردست ہنگامہ کیا لیکن راجیہ سبھا میں اس کے واک آوٹ کے درمیان اس بل کو منظور کر لیا گیا۔
Read more
ساٹھ عالمی تنظیموں کی تیار کردہ تازہ ترین رپورٹ ‘سسٹین ایبل ڈویلپمنٹ رپورٹ 2021’ میں کہا گیا ہے کہ عالمی سطح پر اقتصادی سرگرمیوں کا رک جانا اور اس بحران سے مقابلے کے لیے دنیا کی امیر اور کم ترقی یافتہ ممالک کی صلاحیت میں پہلے سے موجود فرق ، یہ دو ایسے عوامل ہیں جنہوں نے اقتصادی امکانات کو مزید سخت ٹھیس پہنچائی ہے۔
Read more
امریکہ میں عالمی وبا پر قابو پانے کے لیے جہاں ایک جانب ملک بھر میں کرونا ویکسی نیشن مہم جاری ہے وہیں یومیہ کیسز کی تعداد میں بھی کمی واقع نہیں ہو رہی۔
امریکہ میں متعدی امراض کے ماہر اور کرونا وبا پر وائٹ ہاؤس کی مشاورتی ٹیم کے رکن ڈاکٹر انتھونی فاؤچی نے ملک میں کرونا کے حالیہ اضافے پر تشویش کا اظہار کیا ہے۔
Read more
بھارت کے زیرِ انتظام کشمیر کی پولیس کا کہنا ہے سری نگر کی ڈل جھیل کے کنارے ہونے والے میوزک کنسرٹ میں ہنگامہ آرائی کرنے والے ‘شر پسندوں’ کی نشان دہی ہو گئی ہے جنہیں جلد گرفتار کر لیا جائے گا۔
اتوار کو ڈل جھیل کے کنارے بادام واری کے علاقے کے ایک باغ میں نامعلوم افراد نے ایک میوزک کنسرٹ پر دھاوا بول دیا تھا اس دوران موسیقاروں اور گلوکاروں پر تشدد اور موسیقی کے آلات کو بھی نقصان پہنچایا گیا تھا۔
عینی شاہدین کا کہنا ہے کہ اتوار کی سہہ پہر کو دو درجن کے قریب نوجوان نعرے لگاتے ہوئے باغ میں داخل ہو گئے اور سیدھے باغ کے مشرقی کنارے پر بنائے گئے عارضی اسٹیج پر چڑھ گئے۔
Read more
انگلینڈ کی کرکٹ ٹیم نے جب بھارت کا دورہ شروع کیا تو ون ڈے کی چیمپئن ٹیم سے یہ توقع کی جا رہی تھی کہ وہ بھارت کو اُس کے ہوم گراؤنڈ میں بھی ٹف ٹائم دینے کی صلاحیت رکھتی ہے۔
ٹیسٹ میچز اور ٹی ٹوئنٹی سیریز کے بعد بھارت نے ایک روزہ میچز کی سیریز بھی اپنے نام کی۔ لیکن دونوں ٹیموں کے درمیان دلچسپ مقابلے ہوئے۔
اتوار کو کھیلے گئے تیسرے ایک روزہ میچ سے متعلق قیاس آرائیاں کی جا رہی تھیں کہ شاید انگلینڈ یہ میچ جیت کر اپنے دورے کے اختتام پر کوئی ٹرافی جیت جائے گی۔ لیکن ایسا نہ ہو سکا۔
Read more
عالمی وبا کرونا وائرس کی وجہ سے جہاں لاکھوں لوگ اپنی جانوں سے ہاتھ دھو بیٹھے ہیں وہیں وبا کے باعث بے شمار لوگوں کو دباؤ اور ذہنی مسائل کا سامنا بھی کرنا پڑ رہا ہے۔
وائرس سے سب سے زیادہ متاثر ہونے والے ممالک میں سے ایک امریکہ میں ویکسی نیشن کے باوجود بھی تاحال صورتِ حال مکمل کنٹرول میں نہیں آ سکی۔
وبا کے باعث گھروں میں محصور لوگوں میں ذہنی اضطراب اور دباؤ سے متعلق مسائل بھی دیکھنے میں آرہے ہیں جس سے تمباکو نوشی کے رحجان میں بھی اضافہ ہوا ہے۔
Read more
پاکستان کے صوبے خیبرپختونخوا کے ضلع بنوں سے ملحقہ علاقے جانی خیل میں چار کمسن لڑکوں کے قتل پر آٹھ روز سے دھرنا دینے والے قبائلی عوام اور صوبائی حکومت کے درمیان مذاکرات کامیاب ہوگئے ہیں۔ فریقین کے درمیان ایک مصالحتی جرگے کے توسط سے آٹھ نکاتی معاہدہ ہوا ہے۔
صوبائی حکومت اور مظاہرین کے درمیان ہونے والے معاہدے کو "تصفیہ جانی خیل امن و امان” کا نام دیا گیا ہے۔
معاہدے پر حکومت کی جانب سے کمشنر اور ڈپٹی کمشنر بنوں، جانی خیل قبیلے کے 13 رہنماؤں اور مصالحتی جرگہ میں شامل چھ اراکین نے دستخط کیے ہیں۔
Read more
امریکہ میں کار چھیننے کی ایک واردات کے دوران ہلاک ہونے والے پاکستانی ڈرائیور محمد انور کی آخری رسومات اور اہلِ خانہ کی مدد کے لیے سات لاکھ ڈالر سے زائد رقم اکھٹی کر لی گئی ہے۔
محمد انور کی ہلاکت کا واقعہ امریکی دارالحکومت واشنگٹن ڈی سی میں گزشتہ ہفتے اس وقت پیش آیا تھا جب دو کم عمر مسلح لڑکیوں نے ان سے گاڑی چھیننے کی کوشش کی تھی۔
Read more
امریکہ میں ایک خاتون نے اپنی 13 سالہ بیٹی کو کھو دینے کے بعد 57 برس کی عمر میں ایک بچے کو جنم دیا ہے۔
ریاست نیو ہیمپشر کے شہر کونکورڈ سے تعلق رکھنے والی باربرا ہیگنز اور ان کے 65 سالہ شوہر کینی بین زوف کے ہاں بچے کی پیدائش ان وٹرو فرٹیلائزیشن (آئی وی ایف) کے ذریعے ہوئی۔
Read more
سماجی رابطوں کی سب سے بڑی ویب سائٹ ‘فیس بک’ نے کہا ہے کہ کمپنی نے کووڈ-19 سے متعلق غلط معلومات کا پرچار کرنے پر وینزویلا کے صدر نکولس مدورو کا پیچ 30 دن کے لیے منجمد کر دیا ہے۔
فیس بک کے ایک ترجمان نے خبر رساں ادارے ‘رائٹرز’ کو بتایا کہ مدورو نے کرونا کے علاج کے لیے اپنے پیج پر جڑی بوٹیوں سے تیار کیے گئے ایک مشروب سے متعلق بغیر کسی طبی حقائق کے ایک ویڈیو شیئر کی تھی۔
Read more
پاکستان کے صوبۂ سندھ کے ضلع لاڑکانہ کے علاقے رتوڈیرو میں دو سال قبل پھوٹنے والی وبا ایچ آئی وی سے متاثر ہونے والے سیکڑوں بچوں میں مقامی صحافی گل بہار شیخ کی دو سالہ بیٹی بھی شامل تھی۔
گل بہار کے لیے یہ قبول کرنا انتہائی مشکل اور تکلیف دہ امر تھا کہ وہ اور ان کی اہلیہ اگر ایچ آئی وی سے متاثر نہیں تھے تو ان کی بیٹی کس طرح اس کا شکار ہو گئی؟
لیکن اب گل بہار کو یہ تشویش ہے کہ اس مہک بیماری کی روک تھام کے لیے امداد فراہم کرنے والے ادارے ‘گلوبل فنڈ’ کی جانب سے مہیا کی جانے والی سات کروڑ 20 لاکھ ڈالرز کی امداد حکومت کے بجائے اقوامِ متحدہ کے ادارے ‘یو این ڈی پی’ کے تحت خرچ کی جائے گی۔
Read more
انجم علی کراچی میں انفارمیشن ٹیکنالوجی (آئی ٹی) سیکٹر کے شعبے سے وابستہ ہیں اور دنیا بھر میں پھیلے اپنے مختلف صارفین کو سافٹ ویئرز بنا کر پاکستان کے لیے قیمتی زرِمبادلہ کماتے ہیں۔
سال 2005 میں قائم کی گئی ان کی چھوٹی سی کمپنی نے 15 سال میں خوب ترقی کی ہے اور اب ان کا کاروبار 27 ممالک میں پھیلا ہوا ہے جب کہ معقول آمدنی سے اب وہ اپنے کاروبار میں مزید وسعت کا سوچ رہے ہیں۔
Read more
میانمار میں فوجی بغاوت کے خلاف ہفتے کو ہونے والے مظاہروں اور جمہوریت پسندوں کے خلاف فوجی کریک ڈاؤن کے دوران ہلاک ہونے والوں کی تعداد 114 ہو گئی ہے۔ ہلاک شدگان میں بچے بھی شامل ہیں۔
امریکہ اور برطانیہ سمیت کئی ممالک اور عالمی رہنماؤں نے میانمار میں ہلاکتوں کی مذمت کی ہے۔
اقوامِ متحدہ کے سیکریٹری جنرل انتونیو گوتریس نے بھی ان واقعات پر تشویش کا اظہار کیا ہے۔
Read more
پاکستان پیپلز پارٹی (پی پی پی) سے تعلق رکھنے والے یوسف رضا گیلانی پاکستان کے ایوانِ (سینییٹ) میں قائد حزب اختلاف مقرر ہو گئے ہیں۔ تاہم حکومت مخالف اتحاد پاکستان ڈیموکریٹک موومنٹ (پی ڈی ایم) کی دو بڑی جماعتوں پاکستان مسلم لیگ (ن) اور پاکستان پیپلز پارٹی (پی پی پی) کے درمیان یہ معاملہ تنازع بن گیا ہے۔
اس حوالے سے مسلم لیگ (ن) کے سیکریٹری جنرل احسن اقبال کا کہنا تھا کہ اس تقرری سے حزبِ اختلاف کے اتحاد کے مقاصد، جدوجہد اور اعتماد کو دھچکہ لگا ہے۔
Read more
طالبان نے کہا ہے کہ اگر امریکہ اور نیٹو نے اپنی افواج طے شدہ معاہدے کے تحت رواں سال یکم مئی تک افغانستان سے نہ نکالیں تو وہ جنگ جاری رکھنے پر مجبور ہوں گے۔ شورش پسند گروہ طالبان کی جمعے کو یہ تنبیہ امریکی صدر جو بائیڈن کے اس بیان کے ایک دن بعد سامنے آئی ہے جس میں امریکی صدر کا کہنا تھا کہ افغانستان میں تعینات 2500کی تعداد میں امریکی فوج یکم مئی کی طے شدہ ڈیڈ
Read more
سپریم کورٹ آف پاکستان نے ڈینئل پرل قتل کیس کا تفصیلی فیصلہ جاری کر دیا ہے جس کے مطابق استغاثہ شواہد کے ساتھ قتل ثابت کرنے میں ناکام رہا۔
عدالت کا تفصیلی فیصلے میں کہنا تھا کہ ہتھکڑی لگا ملزم اعتراف جرم کرے بھی تو اس کی کوئی حیثیت نہیں۔ قتل کی پیش کی گئی ویڈیو میں ملزمان کی شناخت نہیں ہو سکی۔
تفصیلی فیصلہ دو ایک کی اکثریت سے سنایا گیا ہے۔
Read more
سپریم کورٹ نے پاکستان کے آبادی کے لحاظ سے سب سے بڑے صوبے پنجاب میں بلدیاتی اداروں کو بحال کرنے کا حکم دیتے ہوئے کہا ہے کہ عوام کو ان کے منتخب نمائندوں سے محروم کرنا کسی طور پر بھی آئینی نہیں ہے۔
رواں ہفتے جمعرات کو عدالتی حکم نامے میں کہا گیا کہ 2019 میں پنجاب اسمبلی سے پاس ہونے والے بلدیاتی ایکٹ کی شق تین، ماضی میں پاکستان کے آئین کا حصہ رہنے والے قانون 58 ٹو بی کے مترداف ہے۔
Read more
ورجینیا بیچ پولیس کے بیان کے مطابق فائرنگ کا واقعہ جمعے کی رات گیارہ بجے کے قریب پیش آیا۔ فائرنگ سے زخمی ہونے والے افراد کو اسپتال منتقل کیا گیا۔ تاہم کئی زخمیوں کی حالت تشویش ناک بتائی جا رہی ہے۔
بیان کے مطابق ایک خاتون گولی لگنے سے موقع پر ہی دم توڑ گئی تھیں۔
Read more
پاکستان میں حزبِ اختلاف کے اتحاد پاکستان ڈیمو کریٹک موومنٹ میں شامل ملک کی دو بڑی جماعتوں پاکستان مسلم لیگ (ن) اور پاکستان پیپلز پارٹی (پی پی پی) کے درمیان سینیٹ میں یوسف رضا گیلانی کے قائدِ حزبِ اختلاف بننے پر بیانات کا تبادلہ جاری ہے۔ دونوں سیاسی جماعتوں کی اعلیٰ قیادت بھی ایک دوسرے کی پالیسی پر تنقید کر رہی ہے۔
مسلم لیگ (ن) کی نائب صدر مریم نواز نے کہا ہے کہ پیپلز پارٹی نے ایک چھوٹے عہدے کے لیے جمہوریت کو نقصان پہنچایا ہے۔ ان کے بیان پر ردِ عمل دیتے ہوئے چیئرمین پیپلز پارٹی بلاول بھٹو زرداری کا کہنا ہے کہ مسلم لیگ (ن) سے سینیٹ میں اپنے امیدوار کی شکست کے بعد وزیرِ اعظم عمران خان جیسے ردِ عمل کی امید نہیں تھی۔
Read more
وائٹ ہاوس کی پریس سیکریٹری جان ساکی نے تصدیق کی ہے کہ صدر بائیڈن ملک کے اندر اسلحے پر کنٹرول کے لیے ایک صدارتی حکم نامہ جاری کرنے کا ارادہ رکھتے ہیں۔
پریس بریفنگ میں پوچھا گیا کہ کیا یہ توقع رکھی جائے کہ صدر بائیڈن اسلحے پر کنٹرول کے لیے ایگزیکٹو آرڈر جاری کر سکتے ہیں۔ تو وائٹ ہاؤس کی پریس سیکریٹری نے اس کا جواب اثبات میں دیا۔ البتہ انہوں نے کہا کہ اس مسئلے پر نظرِ ثانی کے عمل کے سبب ایگزیکٹو آرڈر کا نظام الاوقات ابھی واضح نہیں ہے۔
Read more
پشاور — پشاور کے ایڈیشنل ڈسٹرکٹ اینڈ سیشن جج سید شوکت اللہ شاہ نے اسلام آباد عورت مارچ کے منتظمین کے خلاف پشاور کے تھانہ شرقی میں مقدمہ درج کرنے کے احکامات جاری کر دیے ہیں۔ان پر مبینہ طور پر عورت مارچ کے دوران ‘گستاخانہ’ نعرہ بازی کرنے، توہین آمیز بینرز اور پوسٹرز کی نمائش کے الزامات ہیں۔
Read more
پشاور — پاکستان کے شمالی علاقے گلگت بلتستان کی ایک وادی میں نامعلوم افراد کی فائرنگ سے چھ افراد کی ہلاکت کے بعد ہلاک شدگان کے لواحقین نے لاشیں وزیراعلی ہاوس کے سامنے رکھ کر احتجاج شروع کر دیا ہے ۔
Read more
ویب ڈیسک — اقوام متحدہ کی ایک رپورٹ کے مطابق سال 2020 کے دوران پناہ کی تلاش میں یورپ پہنچنے والے مہاجرین کی تعداد میں کمی ریکارڈ کی گئی ہے،لیکن سمندری راستوں سے یورپ کا رخ کرنے والوں کی اموات اور ان کے لاپتہ ہونے کی شرح اب تک خوفناک حد تک بلند ہے۔
Read more
واشنگٹن ڈی سی — یہ سال تھا 1984 اور مہینہ تھا نومبر کا، جب مجھے کراچی سے پروڈیوسر محسن علی کا فون آیا کہ خالد تمہیں 25 تاریخ کو لاہور آنا ہے، 26 نومبر کو پی ٹی وی کا ایک شو ہے اس میں تم شامل ہو۔ مزید تفصیلات نہیں بتائیں۔
Read more
اسلام آباد — پاکستان میں 23 مارچ کو 81 واں یومِ پاکستان منایا گیا جس کے دو روز بعد فوجی پریڈ کا انعقاد بھی کیا گیا۔ ہر برس 23 مارچ کو اس پریڈ کا انعقاد کیا جاتا ہے تاہم کرونا وائرس کی وجہ سے گزشتہ برس اسے منسوخ کر دیا گیا تھا۔ رواں سال موسم کی وجہ سے دو روز کی تاخیر سے اس پریڈ کا انعقاد کیا گیا۔
Read more
نئی دہلی — بنگلہ دیش کے شہر چٹاگانگ میں بھارتی وزیر اعظم نریندر مودی کے دورہ بنگلہ دیش کے خلاف احتجاج کرنے والوں پر پولیس کی فائرنگ سے چار افراد ہلاک ہو گئے ہیں۔ چٹا گانگ میں پولیس اہلکار رفیق الاسلام نے خبر رساں ادارے رائٹرز سے بات کرتے ہوئے کہا کہ پولیس کو مظاہرین پر اس وقت آنسو گیس اور ربڑ کی گولیاں استعمال کرنی پڑیں، جب انہوں نے ایک پولیس سٹیشن میں داخل ہوکر توڑ پھوڑ شروع کی۔
Read more
کراچی — دنیا بھر میں جہاں جہاں پاکستانی ڈرامے دیکھے جاتے ہیں، وہاں لوگ حسینہ معین کے ڈراموں کو نہ صرف پسند کرتے ہیں بلکہ ان کے نام کو کامیابی کی ضمانت سمجھا جاتا ہے۔ نہ صرف انہوں نے پاکستان ٹیلی ویژن کے ڈراموں کو ہر گھر میں مقبول بنانے میں اہم کردار ادا کیا، بلکہ اپنی کہانیوں کے ذریعے ناظرین کی اصلاح کی بھی کوشش کی۔
Read more
کراچی — "میں پوری رات جاگتی ہوں۔ ایک رات کسی پہر میری آنکھ لگ گئی تو میرے پاس دو بلیاں اتنی زور سے چیخیں کہ میرا دل دہل گیا”۔ عطیہ پرویز کراچی کے ایک سکول میں ہیڈ مسٹریس ہیں اور سندھ اسمبلی کے سامنے احتجاج پر بیٹھے اساتذہ میں شامل ہیں۔
Read more
ویب ڈیسک — امریکہ کے صدر جو بائیڈن نے ماحولیاتی تبدیلیوں پر اپنی حکومت کی پہلے سربراہی کانفرنس میں شرکت کے لئے روس کے صدر ولادی میر پیوٹن اور چین کے صدر ژی جن پنگ کو بھی دعوت دی ہے۔ اس اجلاس میں دیگر ممالک کے سربراہوں کو بھی مدعو کیا گیا ہے۔
Read more
ویب ڈیسک — اسرائیل میں منگل کو ہونے والے انتخابات میں کسی واحد جماعت کو واضح اکثریت حاصل نہ ہونے کی وجہ سے پہلی مرتبہ مبصرین یہ خیال ظاہر کر رہے ہیں کہ پارلیمانی تعطل کو دور کرنے کی کنجی ممکنہ طور پر ایک عرب مسلم جماعت کے ہاتھ میں ہے۔
Read more
پاکستان کے ایوانِ بالا (سینیٹ) میں حزبِ اختلاف کی جماعت پاکستان پیپلز پارٹی کے سینیٹر یوسف رضا گیلانی کو قائدِ حزبِ اختلاف مقرر کر دیا گیا ہے۔
سینیٹ سیکریٹریٹ نے جمعے کو یوسف رضا گیلانی کی بطور اپوزیشن لیڈر تقرر کا نوٹی فکیشن بھی جاری کر دیا ہے۔
یہ تقرری ایسے موقع پر ہوئی ہے جب یوسف رضا گیلانی نے 12 مارچ کو ہونے والے سینیٹ انتخابات کے نتائج کو اسلام آباد ہائی کورٹ میں چیلنج کیا تھا۔ تاہم عدالت نے ان کی درخواست پارلیمانی معاملہ قرار دیتے ہوئے مسترد کر دی تھی۔
Read more
پچاس سال قبل مشرقی پاکستان سے بنگلہ دیش بننے والے ملک کے شہری اپنا 50 واں یومِ آزادی منا رہے ہیں۔ بنگلہ دیش کے بہت سے شہری اب بھی اپنے ملک کی تشکیل کے وقت کے چشم دید گواہ ہیں اور ہر سال 26 مارچ کو 1971 میں پیش آنے والے واقعات کی یاد تازہ کرتے ہیں۔
اپنے قیام کے پچاس سال کے عرصے میں بنگلہ دیش نے کئی عروج و زوال دیکھے ہیں۔ تاہم حالیہ ایک دہائی کے دوران ماہرین کے بقول معاشی میدان میں بنگلہ دیش نے کئی کامیابیاں سمیٹی ہیں۔
Read more
پاکستان کی نامور ڈرامہ و ناول نگار حسینہ معین جمعے کو کراچی میں انتقال کر گئی ہیں۔ ان کے لکھے گئے کئی ڈرامے آج بھی اپنا اثر رکھتے ہیں۔
حسینہ معین کے انتقال کی خبر سن کر ان کے چاہنے والے افسردہ ہو گئے ہیں جب کہ فن کاروں اور مختلف شعبۂ ہائے زندگی سے تعلق رکھنے والی شخصیات کی جانب سے سوشل میڈیا کے ذریعے اپنے جذبات کا اظہار کیا جا رہا ہے۔
Read more
اکثر اداروں میں نوکری چھوڑنے والے ملازمین کو ان کی آخری تنخواہ کے ساتھ ساتھ دیگر واجبات بھی ادا کیے جاتے ہیں۔ البتہ آپ نے کبھی ایسا سنا ہے کہ ایک ملازم کو نوکری چھوڑنے کے بعد آخری تنخواہ چیک کے بجائے سکوں کی صورت میں ادا کی گئی ہو۔
امریکہ کی ریاست جارجیا کے ایک شہری نے بتایا کہ نومبر 2020 میں انہوں نے ایک جگہ سے ملازمت چھوڑ دی تھی جہاں سے انہیں 915 ڈالرز کے بقایا جات ادا کیے جانے تھے۔
Read more
پاکستان میں جب بھی پاپ میوزک کا ذکر ہو گا تو ‘اسٹرنگز’ کا نام ہمیشہ ٹاپ بینڈز میں آئے گا۔ 1988 میں قائم ہونے والے اس میوزک بینڈ نے 2021 تک نہ صرف انڈسٹری پر راج کیا بلکہ لاتعداد ہٹ گانوں سے پاکستان میں پاپ میوزک کو زندہ بھی رکھا۔
اسٹرنگز کے ایک رکن بلال مقصود نے جمعرات کو سماجی رابطے کی ویب سائٹ کے ذریعے 33 سال بعد اسٹرنگز کو ‘ڈس بینڈ’ کرنے کا فیصلہ کیا تو ان کے چاہنے والوں کے دل ٹوٹ گئے۔
Read more
پاکستان میں حال ہی میں حکومتی سرپرستی میں مسالک کی بنیاد پر پانچ نئے مدارس بورڈز کے قیام کی منظوری دی گئی ہے جس کے بعد یہ سوالات جنم لے رہے ہیں کہ مسلک کی بنیاد پر نئے مدارس بورڈز قائم کرنے کی آخر کیوں ضرورت پیش آئی؟
بعض تجزیہ کاروں کا خیال ہے کہ سالہا سال سے سرگرم پرانے مدارس بورڈز کی اجارہ داری ختم کر کے متوازی بورڈ کے قیام کا مقصد مدارس اصلاحات اور انہیں قومی دھارے میں لانے کے حکومتی منصوبے کی راہ میں حائل رکاوٹیں دُور کرنا ہے۔
تاہم اطلاعات کے مطابق پہلے سے فعال مدارس بورڈز کی نمائندہ تنظیم اتحاد تنظیماتِ مدارسِ دینیہ (آئی ٹی ایم پی) ماہِ رمضان کے بعد حکومت پر دباؤ ڈالنے کی حکمتِ عملی طے کر رہی ہے۔
Read more
کیا کرونا وائرس سے بچاؤ کی ویکسین لگوانے سے پہلے یا بعد میں درد کم کرنے کی دوا کا استعمال کیا جا سکتا ہے؟َ عالمی وبا کرونا وائرس نے پوری دنیا کو اپنے شکنجے میں جکڑ رکھا ہے اور اب وائرس سے بچاؤ کی ویکسین سامنے آنے کے بعد لوگوں کے ذہن میں متعدد سوالات جنم لے رہے ہیں۔
ایک طرف تو لوگوں کے ذہن میں یہ سوچ ہے کہ آیا ویکسین لگوانے کے کوئی مضر اثرات تو نہیں۔
Read more
سپریم کورٹ آف پاکستان نے پنجاب کے بلدیاتی اداروں کو فوری طور پر بحال کرنے کا حکم دیا ہے۔ عدالت نے ریمارکس دیے کہ عوام نے بلدیاتی نمائندوں کو پانچ سال کے لیے منتخب کیا تھا، لہذٰا ایک نوٹی فکیشن کے ذریعے اُنہیں ختم کرنے کی اجازت نہیں دی جا سکتی۔
پنجاب حکومت نے عدالت میں مؤقف اختیار کیا تھا کہ یہ معاملہ مشترکہ مفادات کونسل میں زیرِ التوا ہے۔ تاہم عدالت نے اس بات کو تسلیم کرنے سے انکار کیا اور پنجاب میں بلدیاتی ادارے بحال کر دیے۔
Read more
بحیرۂ احمر کے شمال مشرق میں 13 روز سے بحری جہاز پر کھلے سمندر میں پھنسے چھ پاکستانیوں کی امید اس وقت بھر آئی جب پاکستان نیشنل شپنگ کارپوریشن( پی این ایس سی) کے ایک آئل ٹینکر جہاز ‘خیرپور’ نے انہیں کھانے پینے کی اشیا اور کچھ ضروری سامان 23 مارچ کو پہنچایا۔
دوسری جانب پاکستانی عملے کے اکثر افراد کی صحت اور ٹگ بوٹ کا انجن خراب ہونے کے باوجود عملہ ‘مہر’ نامی بحری جہاز کو چھوڑنے کو تیار نہیں۔ کیوں کہ ان کے مطابق ان کی آٹھ ماہ کی تنخواہیں جہاز کے مالک کے پاس پھنسی ہوئی ہیں اور جہاز کو یوں چھوڑ کر جانے سے انہیں اس رقم اور ملازمت سے بھی ہاتھ دھونا پڑسکتے ہیں۔
Read more