وزیراعظم پاکستان عمران خان تین روزہ سرکاری دورے پر ایک کمرشل فلائٹ کے ذریعے براستہ قطر امریکہ پہنچ گئے ہیں جہاں وہ امریکی صدر ڈونلڈ ٹرمپ سمیت دیگر امریکی عہدے داروں سے ملاقاتیں کریں گے۔ حکومت کی جانب سے جاری ایک اعلامیے کے مطابق واشنگٹن پہنچنے پر وزیر اعظم کا استقبال امریکی دفتر خارجہ کے سینیئر اہلکاروں، پاکستانی وزیرِ خارجہ شاہ محمود قریشی اور امریکہ میں پاکستان کے سفیر ڈاکٹر اسد خان نے کیا۔ https://twitter.com/pid_gov/status/1152760232415772672 واشنگٹن میں سنیچر کے روز

جنوبی ایشیا میں بہت سی خواتین اپنا رنگ گورا کرنے کے لیے مختلف طریقے استعمال کرتی ہیں شروما پریرا (فرضی نام) نے بھرائی ہوئی آواز میں کہا کہ ’میں اپنی شادی کے روز بہت بری لگ رہی تھی۔ اس دن میں انتہائی بدصورت نظر آ رہی تھی۔‘ وہ سری لنکا کے دارالحکومت کولمبو کے نزدیک رہتی ہیں۔ بہت ساری ایشیائی خواتین کی طرح انھوں نے بھی شادی کے دن سے قبل اپنی جلد کو نکھارنے کی ٹھانی۔ وہ امید کر

وزیر محمد برطانیہ میں برمنگھم شہر کی ہنگامہ خیزی سے دور سولی ہل کے پرسکون علاقے میں گذشتہ 45 برس سے مقیم ہیں پاکستان کے سابق ٹیسٹ کرکٹر وزیر محمد کے تعارف میں صرف یہ کہہ دینا کافی نہیں ہے کہ وہ لٹل ماسٹر حنیف محمد، مشتاق محمد اور صادق محمد کے بڑے بھائی ہیں۔ انھوں نے اپنے ان تین بھائیوں کے مقابلے میں بہت کم ٹیسٹ میچ کھیلے لیکن کھیل کی باریکیوں پر وہ اپنے بھائیوں سے زیادہ گہری

خواتین نے بھی پہلی بار ہونے والے انتخابات میں حصہ لیا خیبر پختونخوا میں ضم ہونے والے قبائلی علاقوں کی 16 نشستوں پر پہلی بار ہونے والے انتخابات کا پہلا مرحلہ پرامن طور پر اختتام پذیر ہو چکا ہے۔ اس وقت ووٹوں کی گنتی کا مرحلہ جاری ہے اور غیر حتمی اور غیر سرکاری نتائج درجنوں ٹی وی سکرینوں پر نمودار ہونا شروع ہو گئے ہیں۔ سیاسی مبصرین طویل عرصے سے فوجی آپریشنز، جنگی صورتحال اور شورش سے متاثرہ ان

کمیونٹی طائفے میں نوجوان اور بوڑھوں سب کو گانے کی صلاحیتوں میں فرق کے باوجود اکٹھا گانے کا موقع ملتا ہے۔ موسیقی یا گانا روح کی غذا ہے اور بقول شاعر، ’ہر دل جو پیار کرے گا، گانا گائے گا‘۔ تاہم جدید تحقیق ظاہر کرتی ہے کہ اس کے جسمانی اور ذہنی فائدے بھی ہو سکتے ہیں۔ گانا سانس کی شکایت والے افراد کے پھیپھڑے بہتر کرتا ہے اور یادداشت کی کمزوری کی بیماری یعنی ڈیمینشیا کی علامتوں سے نمٹنے

شام میں حراست میں لیے گئے امریکی شہری پر امریکی حکومت نے الزام عائد کیا ہے کہ انھوں نے دولتِ اسلامیہ کے ایک گروہ کے لیے سنائپر کے فرائض سرانجام دیے۔ رسلان مراٹووِچ ایسینوو پر الزام ہے کہ انھوں نے دہشت گردوں کے گروہ کی مالی امداد کی ہے اور دہشتگردوں کو تربیت دی ہے۔ رسلان کا تعلق قزاقستان سے ہے اور انھوں نے بعد میں امریکہ کی شہریت حاصل کی تھی۔ انھیں کرد افواج نے پکڑ کر ایف بی

پاکستان کے صوبے خیبر پختونخوا میں ضم ہونے والے قبائلی اضلاع میں ملکی تاریخ کے پہلے صوبائی انتخابات میں پولنگ کا عمل سخت سکیورٹی میں جاری ہے اور بیشتر اضلاع میں غیر معمولی گہما گہمی دیکھنے میں آرہی ہے تاہم خواتین کے پولنگ سٹیشنوں پر بظاہر زیادہ جوش وخروش نظر نہیں آیا۔ پشاور شہر سے متصل واقع ضلع خیبر کے علاقے جمرود میں آج صبح ہی سے پولنگ سٹیشنوں پر راویتی گہما گہمی دیکھی گئی۔ شہر کا قریبی علاقہ ہونے

امریکی سینٹرل کمانڈ کے کمانڈر جنرل کینتھ میکنزی نے جمعرات کو سعودی عرب کا دورہ کیا امریکی وزارت دفاع پینٹاگون نے کہا ہے کہ خطے میں امریکی مفادات کو ’درپیش قابلِ یقین خطرات’ کے پیشِ نظر امریکی افواج کو سعودی عرب میں تعینات کیا جا رہا ہے۔ یہ اقدام خلیج میں ایران کے ساتھ کشیدگی میں اضافے کے دوران بحری راستوں کی حفاظت کے لیے اٹھایا جا رہا ہے۔ سعودی عرب نے تصدیق کی ہے کہ شاہ سلمان نے علاقائی

حبیبہ کا آپریشن 10 گھنٹے طویل تھا جس کے فوراً بعد پلاسٹک سرجری بھی کی گئی۔ (فائل فوٹو) پاکستان اور افغانستان میں اس وقت پاکستانی نیورو سرجن پروفیسر ڈاکٹر عبدالعزیز، ان کے زیرِ تربیت افغان سرجن ڈاکٹر خالد خان زردان اور ان کے ساتھیوں کی پذیرائی ہو رہی ہے جنھوں نے ایک پانچ سالہ افغان بچی کے ڈھائی کلو وزنی ٹیومر کا 10 گھنٹے طویل، نازک اور پیچیدہ آپریشن کامیابی کے ساتھ کیا ہے۔ بچی اب صحت مند ہے اور

پاکستان انٹرنیشنل ایئر لائنز کا ایک اے ٹی آر طیارہ گلگت ہوائی اڈے پر لینڈنگ کے دوران پائلٹ سے بے قابو ہو کر رن وے پر نہ رکا اور رن وے سے آگے چلا گیا ہے۔ رن وے کے بعد طیارہ کچی زمین والے ایک میدان میں جا کر ایک طرف کو جھک کر جا رکا ہے۔ اس واقعے میں تمام مسافر محفوظ رہے اور انھیں باحفاظت طیارے سے نکال لیا گیا ہے۔ طیارہ اسلام آباد سے گلگت پرواز کر

ضم شدہ اضلاع میں انتخابات کے انعقاد کی تمام تر تیاریاں مکمل کرلی گئی ہیں پاکستان میں کچھ عرضہ قبل ہی صوبہ خیبر پختونخواہ میں ضم کیے گئے قبائلی اضلاع میں آج صوبائی اسمبلی کے انتخابات ہونے جا رہے ہیں۔ کئی دہائیوں میں پہلی مرتبہ قبائلی اضلاع کے لوگ صوبائی اسمبلی کی 16 نشستوں پر لڑنے والے امیدواروں کو منتخب کرسکیں گے۔ ان 16 نشستوں میں سے پانچ مخصوص نشستیں ہیں، جن میں سے چار نشستیں خواتین کے لیے جبکہ

برطانوی وزیر خارجہ جریمی ہنٹ نے خبردار کیا ہے کہ اگر ایران نے خلیجِ فارس میں روکے جانے والے برطانوی آئل ٹینکر نہ چھوڑا تو اس کے سنگین نتائج ہوں گے۔ دی سٹینا امپیرو نامی اس آئل ٹینکر کے مالکان کا کہنا ہے کہ اس آئل ٹینکر پر عملے کے 23 افراد سوار ہیں اور ان کا رابطہ جہاز کے عملے سے نہیں ہو پا رہا۔ مسٹر ہنٹ نے بتایا کہ بحری جہاز کو چار کشتیوں اور ایک ہیلی کاپٹر

خیبر پختونخوا کے ضلع ڈیر اسماعیل خان میں پانچ نوجوان لڑکے اچانک کہیں چلے گئے ہیں اور ان کے بارے میں ان کے والدین کو بھی کچھ معلوم نہیں ہے کہ وہ کہاں گئے ہیں۔ غریب والدین کے پانچ لڑکے اپنے اپنے گھروں میں چٹھی لکھ کر چھوڑ گئے ہیں کہ وہ جہاد پر جا رہے ہیں اور اب شاید اس زندگی میں ملاقات نہ ہوسکے اور وہ جنت میں ملیں گے۔ یہ واقعہ ٹانک روڈ پر چہکان کے علاقے

ہلاک ہونے والے تین مسلمانوں کے رشتے دار بہار کے ایک ہسپتال کے سامنے بین کر رہے ہیں۔ مقامی پولیس کے مطابق انڈیا کی مشرق ریاست بہار کے ضلع ساران میں ایک ہجوم نے تین افراد کو گائیں چرانے کے الزام میں پکڑ کر مار مار کر ہلاک کردیا ہے۔ پولیس کا کہنا ہے کہ جمعہ کی صبح ہلاک ہونے والوں کو چور کہہ کر ایک گاؤں کے مقامی لوگوں نے پکڑ لیا تھا جب وہ بھینسوں اور ایک بچھڑے

کرکٹ کے کھیل میں سب سے زیادہ رنز بنانے والے مایہ ناز انڈین بلے باز کو بالآخر آئی سی سی کے ہال آف فیم میں شامل کر لیا گیا ہے کرکٹ کے کھیل میں سب سے زیادہ رنز بنانے والے مایہ ناز انڈین بلے باز کو بالآخر آئی سی سی کے ہال آف فیم میں شامل کر لیا گیا ہے۔ آئی سی سی نے جمعرات کے روز جن تین کھلاڑیوں کو ہال آف فیم میں شامل کیا ان میں انڈیا

انڈیا کی جنوبی ریاست تلنگانہ میں اپریل میں سکول کے آخری سال کے امتحانات کے نتائج کے اعلان کے بعد کم سے کم 23 نوجوان خود کشی کر چکے ہیں۔ بی بی سی تیلوگو کی دپتی بھتانی نے جائزہ لینے کی کوشش کی کہ 12 ویں جماعت کے امتحانات کے نتائج متنازع کیوں ہو گئے؟ تھوڈا وینیلا کو کھانے بنانے، مزاحیہ شو دیکھنے اور ٹھیلوں پر ملنے والے کھانوں کا شوق تھا۔ ان کے بڑے بھائی 19 سالہ وینکٹیش نے

بین سٹوکس کو اب بھی بہت سے نیوزی لینڈر ‘اپنا’ ہی سمجھتے ہیں کرکٹ ورلڈ کپ 2019 کے فائنل میں مین آف دی میچ قرار دیے جانے والے انگلینڈ کے کرکٹر بین سٹوکس کو نیوزی لینڈ کے باشندوں نے سال کے بہترین نیوزی لینڈر کے طور پر بھی نامزد کیا ہے۔ بہت سوں کو حیرت تو ضرور ہو گی کہ نیوزی لینڈ کو ہرا کر ان کا دل توڑنے والے کو ہی بہترین نیوزی لینڈر کے طور پر نامزد کیا

وزیر اعظم عمران خان 21 جولائی کو تین روزہ سرکاری دورے پر امریکہ روانہ ہو رہے ہیں جہاں 22 جولائی کو ان کی ملاقات صدر ڈونلڈ ٹرمپ سے ہو گی۔ وائٹ ہاؤس سے جاری ایک اعلامیے میں کہا گیا تھا کہ اس ملاقات کے دوران امریکہ اور پاکستان کے درمیان تعاون کو مزید مستحکم کرنے پر توجہ مرکوز کی جائے گی تاکہ خطے میں امن، استحکام اور معاشی آسودگی کی راہ ہموار ہو سکے۔ بی بی سی اردو کے پروگرام

‘ہڑبڑاہٹ میں جج اور نیب اپنا ہی تماشہ بنا بیٹھے’ اسلام آباد کی احتساب عدالت نے پاکستان مسلم لیگ نون کی نائب صدر مریم نواز کے خلاف قومی احتساب بیورو (نیب) کی جانب سے جعلی ٹرسٹ ڈیڈ کے معاملے میں داخل کی گئی درخواست کو ناقابلِ سماعت قرار دے دیا ہے۔ جمعے کو احتساب عدالت نے اس معاملے کی سماعت کی تو مریم نواز بھی عدالت میں موجود تھیں۔ احتساب عدالت کے جج محمد بشیر نے مختصر سماعت کے بعد

مشرقی فرانس میں ایک 60 سالہ معذور شخص اس وقت حیران رہ گیا جب اس نے سگریٹ کے پیکٹ پر اپنی کٹی ہوئی ٹانگ کی تصویر دیکھی۔ یہ تصویر تمباکو نوشی کے مضر صحت ہونے کے حوالے سے استعمال کی جانے والی تنبیہ کے طور پر شائع کی گئی تھی۔ تصویر کے ساتھ یہ پیغام لکھا گیا کہ ‘سگریٹ نوشی آپ کی شریانوں کو بند کر سکتی ہے۔’ تاہم اس تصویر کو استعمال کرنے سے قبل اس شخص سے اجازت

پاکستان کے صوبہ بلوچستان کے دارالحکومت کوئٹہ میں دفعہ 144 کا نفاذ تو کوئی نئی بات نہیں لیکن اس مرتبہ اس کی لپیٹ میں لاپتہ افراد کی بازیابی کے لیے دس برس سے قائم احتجاجی کیمپ بھی آ گیا ہے۔ کوئٹہ پولیس کی جانب سے لاپتہ افراد کی بازیابی کے لیے قائم علامتی بھوک ہڑتالی کیمپ کو ایک نوٹس جاری کیا گیا ہے جس میں کہا گیا ہے کہ کیمپ لگانے کے لیے ڈسٹرکٹ مجسڑیٹ سے این او سی کا

فواد عالم ڈومیسٹک کرکٹ میں رنز کے انبار لگا رہے تھے، پورا میڈیا چیختا رہ گیا مگر انضمام بھائی ‘غیر ارادی طور’ پہ مستحق پلئیرز کو نظر انداز کرتے رہے کی مِرے قتل کے بعد اس نے جفا سے توبہ ہائے اس زود پشیماں کا پشیماں ہونا انضمام الحق چیف سلیکٹر کے عہدے سے مستعفی ہو گئے۔ جاتے جاتے اور تو کافی کچھ کہا، یہ بھی کہہ گئے: ’میرے اس عہدے پہ ہوتے ہوئے، ہو سکتا ہے ٹیم کی پرفارمنس

پاکستان میں خودکشی کے بارے میں سرکاری یا غیر سرکاری سطح پر اعدادوشمار موجود نہیں ہیں ‘ہمارے بیٹے کی موت پر ہمیں کہا گیا کہ اگر آپ سچ بتا دیں گے تو مولوی جنازہ نہیں پڑھائے گا۔ میرے شوہر نے جواب دیا کہ کہاں لکھا ہے کہ مولوی کو جنازہ پڑھانا ہے، میں اپنے بیٹے کا جنازہ خود پڑھا لوں گا-‘ 24 سالہ عماد نقوی، عطیہ اور اظفر نقوی کی پہلی اولاد تھے اور گذشتہ برس مئی میں عماد نے

امریکی صدر ڈونلڈ ٹرمپ نے کہا ہے کہ امریکی بحریہ نے آبنائے ہرمز میں ایک ایرانی ڈرون کو مار گرایا ہے۔ انھوں نے کہا کہ یو ایس ایس باکسر شپ نے جمعرات کو اس وقت ’مدافعانہ کارروائی‘ کی جب یہ ڈرون بحری جہاز کے 1000 گز قریب آیا۔ ادھر ایران نے کہا ہے کہ اس کے پاس اپنے ڈرون کے تباہ ہونے کے حوالے سے کسی قسم کی معلومات نہیں ہیں۔ اس سے پہلے تہران نے اتوار کو کہا تھا

آج کل ہر کوئی فیس ایپ کے بارے میں بات کر رہا ہے۔ یہ ایک ایسی ایپ ہے جس کی مدد سے صارفین اپنے چہروں کو بوڑھا اور جوان دکھا سکتے ہیں۔ ہزاروں لوگ اس ایپ کے استعمال سے اپنے تجربے کی تصاویر سوشل میڈیا پر لگا رہے ہیں۔ لیکن کیونکہ یہ چہرے کی بناوٹ تبدیل کرنے والا فیچر پچھلے کچھ دنوں سے وائرل ہو چکا ہے تو کچھ لوگوں نے اس ایپ کی شرائط و ضوابط کے بارے میں

جن علاقوں میں پانی 70 سے 80 فٹ کی گہرائی پر ملتا تھا اب وہ تین سو سے چار سو فٹ نیچے چلا گیا شام پانچ بجے کا وقت تھا، طوفانی ہوا کے جھکڑ چل رہے تھے اور چاروں طرف ریت کا گرد و غبار تھا۔ دو بچے جو جنگل میں بکریاں چرانے گئے تھے محرم چانڈیو کے پاس آئے اور بتایا کہ جنگل میں ایک عورت اور بچے کی لاش موجود ہے۔ محرم چانڈیو ضلع دادو کے علاقے کاچھو

ذوالفقار علی بھٹو جن کی حکومت کا تحتہ الٹنے کے بعد جنرل ضیاالحق نے پھانسی پر لٹکا دیا۔ جمعرات کو قومی احتساب بیورو (نیب) نے سابق وزیرِ اعظم شاہد خاقان عباسی کو ایل این جی کی درآمد کے سکینڈل میں گرفتار کر لیا۔ پاکستان مسلم لیگ (ن) سے تعلق رکھنے والے یہ دوسرے وزیرِ اعظم ہیں جنھیں گرفتاری کا سامنا کرنا پڑا ہے۔ مجموعی طور پر شاہد خاقان عباسی پاکستان کے چھٹے سابق وزیرِ اعظم ہوں گے جنھیں گرفتار کیا

نریندر مودی نے عالمی عدالتِ انصاف کے فیصلے کو ‘سچ اور انصاف کی فتح’ جبکہ عمران خان نے ‘قابلِ تحسین’ قرار دیا ہے مبینہ انڈین جاسوس کلبھوشن جادھو کیس میں عالمی عدالتِ انصاف کی جانب سے بدھ کے روز سنائے گئے فیصلے کے بعد سے انڈیا اور پاکستان میں اسے اپنی اپنی فتح قرار دیا جا رہا ہے۔ انڈین وزیر اعظم نریندر مودی نے اسے ’سچ اور انصاف کی فتح‘ جبکہ پاکستانی وزیر اعظم عمران خان نے فیصلے کو ’قابلِ

ابھی تک اس بات کی تصدیق نہیں ہوئی ہے کہ کیا یہ متحدہ عرب امارات کا ریح نامی ٹیکر ہے جس نے اتوار کو آبنائے ہرمز سے گزرتے ہوئے اپنا سگنل بھیجنا بند کر دیا تھا۔ ایران کا کہنا ہے کہ انھوں نے اتوار کے روز عملے کے بارہ اراکین سمیت ایک ’غیر ملکی‘ ٹینکر کو تیل سمگل کرنے پر قبضے میں لے لیا ہے۔ ایران کے ریاستی ٹی وی چینل نے پاسدارانِ انقلاب کے حوالے سے بتایا کہ یہ

بنگلہ دیش کی اداکارہ شبم کو لکس سٹائل ایوارڈز میں لائف ٹائم اچیومنٹ ایوارڈ سے نوازا گیا ہے۔ بی بی سی کی فیفی ہارون سے بات کرتے ہوئے انھوں نے کہا کہ میرے لیے یہ بڑی خوشی کی بات ہے کہ یہ ایوارڈ میری زندگی میں مجھے ملا ہے، جو کام میں نے کیا، جو کام مجھے ملا، اس کی خوشی میں لفظوں میں بیان نہیں کر سکتی ہوں مگر یہ خوشی ہے کہ یہ ایوارڈ مجھے میری زندگی میں

کیا کچھ بدلنے کا امکان ہے کیا آپ کا دماغ پہلے سے معین شدہ ہے یا پلاسٹک کا ہے؟ کیا ہم ایک ایسی مربوط اور دیرپا مشین ہیں جو ان سرکٹس پر چل رہی ہے جن میں ہم کوئی تبدیلی نہیں لا سکتے اور جس کی زندگی کی حد اس دماغ نے پہلے ہی مقرر کی ہوئی ہے جس کے ساتھ ہم پیدا ہوتے ہیں۔ یا ہم اس قابل ہیں کہ اپنے دماغ کے تار پھر بدلیں، اسے ری پروگرام

انڈیا نے 10 ارب ڈالرز کا قرضہ بیرونی کرنسی میں حاصل کرنے کا اعلان کیا ہے۔ لوک سبھا میں 5 جولائی کو اپنا پہلا بجٹ پیش کرتے ہوئے انڈیا کی پہلی خاتون وزیرِ خزانہ نرملا سیتھارامن نےاعلان کیا تھا کہ انڈیا عالمی منڈی سے قرضے لینے کا منصوبہ بنا رہا ہے۔ قرضے لینے کی حمایت میں انھوں نے یہ دلیل دی تھی کہ انڈیا مجموعی قومی پیداوار کے لحاظ سے سب سے کم قرضے لینے والے ممالک میں ہے۔ انڈیا

نیب نے سابق وزیراعظم کو ایل این جی کی درآمد کے معاملے میں تحقیقات کے لیے جمعرات کو طلب بھی کیا ہوا تھا۔ پاکستان میں احتساب کے قومی ادارے نے سابق وزیراعظم شاہد خاقان عباسی کو گرفتار کر لیا ہے۔ پاکستان مسلم لیگ ن کی ترجمان مریم اورنگزیب نے شاہد خاقان عباسی کی گرفتاری کی تصدیق کر دی ہے۔ مسلم لیگ ن کے ذرائع کا کہنا ہے کہ شاہد خاقان عباسی جماعت کے صدر شہباز شریف کی پریس کانفرنس میں

Dan Abbott برطانیہ میں کورنوال کے ساحل کے قریب سمندر میں ایک بڑی جیلی فش کو دیکھنے والے غوطہ خوروں کا کہنا ہے کہ اس دیو قامت مخلوق سے ملاقات ایک عجیب تجربہ تھا۔ ڈین ایبٹ اور لزی ڈیلی زیرِ آب سمندری مخلوقات کے بارے میں ایک ہفتہ بھر طویل منصوبے پر کام کر رہے تھے کہ سمندر میں ان کا سامنا بیرل جیل فش سے ہوا۔ منصوبے کے تحت انھیں نیلی شارک مچھلیوں کی فلم بندی کرنی تھی لیکن

گوزمین سنہ 2015 میں ایک سرنگ کے ذریعے جیل سے بھاگنے میں کامیاب ہو گئے تھے امریکی عدالت نے منشیات کی دنیا کے بدنام ترین مجرموں میں سے ایک خواکین ’ایل چاپو‘ گوزمین کو 30 اضافی سال سمیت عمرقید کی سزا سنائی ہے۔ رواں برس فروری میں امریکہ کی وفاقی عدالت نے 62 سالہ گوزمین کو منشیات کی سمگلنگ کے مقدمے میں ان پر عائد کردہ تمام دس الزامات میں قصور وار قرار دیا تھا۔ منشیات کی دنیا کے نام

گزشتہ سال جولائئ میں حکومت نے ایک فائنل ڈرافٹ جاری کیا تھا جس میں چالیس لاکھ لوگوں کے نام شامل تھے انڈیا کی ریاست آسام کو ’غیر قانونی تارکین سے پاک کرنے کی مہم‘ کے دوران اب تک 40 چالیس لاکھ لوگوں کو ان کی انڈین شہریت سے محروم کیا جا رہا ہے۔ ان افراد کو ملک بدری کا سامنا ہے اور ان لوگوں کے رشتے داروں اور سماجی کارکنوں کا دعویٰ ہے کہ کچھ لوگوں نے تو اس خوف

تقریباً نصف صدی ہونے کو آئی ہے جب امریکہ چاند پر جانے والا پہلا ملک بنا تھا۔ ‘اپولو 11’ مشن امریکہ اور دنیا کی تاریخ میں ایک عظیم لمحہ تھا لیکن اس وقت واقعتاً کیا ہوا اور اس کی اتنی اہمیت کیوں ہے؟ آخر امریکہ چاند پر کیوں جانا چاہتا تھا؟ سنہ 1957 میں جب سویت روس نے اپنا پہلا ‘سویت سپوتنک’ سیٹلائٹ لانچ کیا تو امریکہ اور سویت یونین کے درمیان ایک خلائی مقابلہ شروع ہو گيا۔ جب جان

’پہلے دہشتگرد تھے، مسلح افراد کھلم کھلا گھومتے تھے، جو خود کو طالبان کہتے تھے، اب وہ تو نہیں ہیں۔ لیکن ان کی مچائی ہوئی تباہی اور ان کے خلاف ہونے والے آپریشن کے نتیجے میں ہونے والی تباہی آج بھی ویسے ہی موجود ہے۔ انھی مسمار شدہ علاقوں میں ہم انتخابی مہم چلانے جاتے ہیں۔‘ اورکزئی ایجنسی کے درہ منی خیل سے تعلق رکھنے والے 25 سالہ احمد عباس کا یہ تبصرہ پاکستان کے صوبہ خیبر پختونخوا میں قبائلی

اس مضمون میں کچھ مواد ایسا ہو سکتا ہے جو قارئین کی طبعیت پر گراں گزرے۔ ولید خان، عمر 16 سال جب میں نے برمنگھم میں سکول میں داخلہ لیا تو میرے ساتھی طالب علموں کے پاس مجھ سے پوچھنے کے لیے کافی سوالات تھے۔ ‘آپ کا تعلق کہاں سے ہے؟’ ‘آپ کو کیا ہوا ہے؟’ ‘آپ کے چہرے کو کیا ہوا ہے؟’ اور یہ سب میرے چہرے پر موجود زخموں کے رہ جانے والے نشانات کے سبب تھا۔ پاکستان

عالمی عدالت انصاف نے مبینہ انڈین جاسوس کلبھوشن کی سزائے موت کی معطلی اور بریت کی انڈین اپیل رد کر دی ہے تاہم فیصلے میں یہ بھی کہا ہے کہ پاکستان نے کلبھوشن جادھو کو قونصلر رسائی کی سہولت نہ دے کر ویانا کنونشن کی شق 36 کی خلاف ورزی کی ہے۔ بدھ کو ہیگ میں جاری ہونے والے فیصلے میں عالمی عدالت نے کہا کہ پاکستان مبینہ جاسوس کی سزائے موت پر نظر ثانی کرے اور مبینہ جاسوس کلبھوشن

میاں طارق پر الزام ہے کہ انھوں نے ہی جج ارشد ملک کی وہ ویڈیو بنائی تھی جس میں وہ یہ کہتے دیکھے جا سکتے تھے کہ نواز شریف کو سزا دینے کے لیے ان پر دباؤ تھا پاکستان کے وفاقی تحقیقاتی ادارے نے اسلام آباد کی احتساب عدالت کے سابق جج ارشد ملک کے ویڈیو سکینڈل کی تحقیقات کے سلسلے میں مبینہ طور پر ویڈیو بنانے والے شخص کو گرفتار کر لیا ہے۔ میاں طارق پر الزام ہے کہ

جماعت الدعوۃ کے ذرائع کے مطابق انھیں بدھ کے روز لاہور سے گجرانوالہ جاتے ہوئے گرفتار کیا گیا۔ پاکستان کے صوبہ پنجاب کے محکمۂ انسدادِ دہشتگردی نے کالعدم تنظیم جماعت الدعوۃ کے سربراہ حافظ سعید کو گرفتار کر لیا ہے۔ جماعت الدعوۃ کے ذمہ داران کے مطابق انھیں بدھ کے روز لاہور سے گوجرانوالہ جاتے ہوئے حراست میں لیا گیا ہے۔ حافظ سعید پر دہشت گردوں کی مدد کے لیے فنڈز اکٹھا کرنے کے الزامات ہیں اور جماعت الدعوۃ کے

PA Mediaڈورسٹ، میڈفورڈ میں ایون ساحل سے جزوی چاند گرہن کا منظر دیکھا جا سکتا ہے چاند پر انسانی قدم رکھے جانے کے امریکی خلائی مشن کی 50ویں سالگرہ کے موقع پر پاکستان اور جنوبی ایشیا کے دیگر ممالک سمیت دنیا کے مختلف علاقوں میں ستاروں کا مشاہدہ کرنے والے افراد کے علاوہ عوام کی بڑی تعداد نے منگل کی شب جزوی چاند گرہن کا منظر دیکھا۔ 16 جولائی 1969 میں خلاباز نیل آرمسٹرانگ، بز آلڈرِن اور مائیکل کولنز کو

‘میں خود سے مسلسل یہ سوال پوچھتا ہوں کہ کیا میں نے اپنی گلوکاری سے کوئی حد تو پار نہیں کر دی۔’ فلسطینی گلوکار بشر مراد خطروں سے کھیلنے کے عادی ہیں خواہ وہ شادی کے لباس میں پرفارم کر رہے ہوں یا پھر جنسی آزادی یا ایل جی بی ٹی کمیونٹی کے مسائل کو اجاگر کرنے کے لیے گا رہے ہوں۔ یروشلم میں ایک عرب ہوتے ہوئے وہ اپنے معاشرے کے قدامت پرست عناصر کے خلاف بات کرتے ہیں

کلبھوشن پہلے بھارتی جاسوس تھے جو بلوچستان سے گرفتار ہوئے عالمی عدالت انصاف تخریب کاری اور دہشت گردی کے الزامات میں پاکستان کی ایک فوجی عدالت سے موت کی سزا پانے والے مبینہ بھارتی جاسوس کلبھوشن جادھو سے متعلق انڈیا کی درخواست پر بدھ کو فیصلہ سنا رہی ہے۔ عالمی عدالت انصاف نے رواں برس 18 سے 21 فروری تک کلبھوشن جادھو کی درخواست پر اس وقت عام سماعت کی تھی جب انڈیا اور پاکستان میں پلوامہ میں دہشت گردی

انسان کو چاند تک لے جانے والے اپالو پروگرام کو اب 50 سال گزر چکے ہیں مگر یہ اب بھی انسان کی سب سے بڑی ٹیکنالوجیکل کامیابی ہے۔ 16 جولائی 1969 میں خلاباز نیل آرمسٹرانگ، بز آلڈرِن اور مائیکل کولنز کو سیٹرن فائیو راکٹ کے اوپر اپالو خلائی جہاز میں بٹھا کر صرف 11 منٹ کے اندر مدار میں پہنچا دیا گیا۔ چار دن بعد نیل آرمسٹرانگ اور بز آلڈرن چاند کی سطح پر قدم رکھنے والے پہلے انسان بنے۔

کینیا کے دارالحکومت نیروبی کے بیچ و بیچ جہاں ایک طرف ریل گاڑیاں اور ٹریک ویران پڑے ہیں تو وہیں ابھرتے ہوئے فنکار اپنے فن کی نمائش سے توجہ کا مرکز بنے ہوئے ہیں۔ مصروف سڑک سے چند میٹر کے فاصلے پر یہ سٹیشن اونچے درختوں اور بڑھی ہوئی گھاس سے ڈھکا ہوا ہے۔ گذشتہ ایک سال سے زائد عرصے تک یہ جگہ بم سکواڈ یا بی ایس کیو نامی سٹریٹ آرٹ گروہ کے پاس رہی ہے۔ گرافیٹی والی ریل

‘کیا آپ نذرانہ کا انٹرویو نشر کریں گی؟ اگر نہ کریں تو۔ مخصوص نشست ہے ناں تو جلسے کی تو ضرورت نہیں۔ ویسے بھی یہاں عورتوں کا جلسہ جلوس کرنے کی روایت نہیں ہے۔ تصویر تو کوئی نہیں ہے، یہاں عورت کی تصویر نہیں نکالی جاتی۔ ابھی ہم گھر سے دور ہیں، بہن کو اسمبلی میں بھیج رہا ہوں تو فون پر آپ سے بات کیوں نہیں کرواؤں گا، ضرور کرواؤں گا۔’ یہ وہ باتیں ہیں جو مجھے ٹیلی فونک

پاکستان کے صوبہ بلوچستان کے علاقے ڈیگاری میں کوئلے کی کان میں پھنس جانے والے دس کان کنوں میں سے صرف ایک بچ سکا۔ مزدور تنظیموں کے رہنماﺅں کا کہنا ہے کہ اگر بروقت موثرکاروائی کی جاتی تو شاید زیادہ کان کن بچ سکتے۔ یہ کان کن اس علاقے میں پاکستان منرل ڈویلیپمنٹ کارپوریشن (پی ایم ڈی سی) کی کوئلہ کان میں گذشتہ اتوار کو 11بجے پھنس گئے تھے۔ جائے وقوعہ پر موجود مزدرو رہنما اقبال یوسفزئی نے بتایا کہ

ناجیہ نے گھر اس لیے چھوڑ دیا کہ ان سے معاشرے میں روا سلوک برداشت نہیں ہو رہا تھا کہا جاتا ہے کہ مسلم خواتین کو جیل جانے کے داغ کے ساتھ جینے میں مشکلات کا سامنا کرنا پڑتا ہے بعض کو تو ان کے اہل خانہ چھوڑ دیتے ہیں اور بعض اپنے اور اپنے بچے کا مستقبل سنوارنے میں ناکام نظر آتی ہیں۔ اب ان کے لیے آواز اٹھائی جا رہی ہے کہ انھیں زیادہ سے زیادہ توجہ اور

مون سون کے موسم میں آنے والے سیلاب سے ہر سال شمالی انڈیا اور نیپال کے کئی علاقے زیرِ آب آ جاتے ہیں جب بات پانی کے ذخائر کی ہوتی ہے تو انڈیا اور نیپال کے درمیان تعلقات اتنے آسان نہیں نظر آتے۔ لیکن حالیہ برسوں میں ان تعلقات میں مزید کشیدگی اس وقت آتی ہے جب مون سون کا موسم آتا ہے جو کہ جون سے ستمبر کے درمیان ہے۔ سیلابی ریلے ہمسایوں میں تناؤ بڑھا دیتے ہیں اور

انڈیا کے بک میکر موبائل فون ایپس کے ذریعے شرطیں وصول کرتے ہیں۔ آئی سی سی کا کرکٹ ورلڈ کپ 2019 انگلینڈ کی فتح کے ساتھ اپنے اختتام کو پہنچ چکا ہے۔ نیوزی لینڈ کے گپٹل کا کریز سے فاصلہ اتنا ہی تھا جتنا کہ ان کے ملک کا پہلی مرتبہ ورلڈ کپ جیتنے سے، مگر یہ نہیں ہوسکا۔ نیوزی لینڈ کی شکست پر ان کی ٹیم اور ان کی قوم تو سوگ میں ہے مگر کھلاڑیوں اور مداحوں سے

اگرچہ سعودی عرب روایتی طور پر بین الاقوامی موسیقی کے دوروں کے لیے رکنے کی کوئی اہم جگہ نہیں ہے لیکن پھر بھی بڑے نامور موسیقار ادھر رکتے رہتے ہیں۔ گذشتہ جنوری میں ماریہ کیری وہاں رکنے والی مشہور گلوکارہ تھیں۔ اس کے بعد نکی مناج نے جدہ میں کنسرٹ کرنے کی حامی بھری لیکن بعد میں عورتوں اور ایل جی بی ٹی برادری کے حقوق کے حمایت میں وہاں جانے کا ارادہ بدل لیا۔ یہ بھی پڑھیئے سعودی عرب

پاکستان نے ساڑھے چار کی مکمل اور پھر جزوی بندش کے بعد اپنی فضائی حدود کمرشل پروازوں کے لیے کھول دی ہے۔ پاکستان سول ایوی ایشن کی جانب سے ہوابازوں کو جاری کیے گیے نوٹم یعنی مراسلے میں پاکستانی فضائی حدود کھولے جانے کے بارے میں بتایا گیا ہے۔ سول ایویشن کے نوٹم ونگ کے ایک اہلکار نے بی بی سی اردو سے بات کرتے ہوئے تصدیق کی ہے کہ 15 اور 16 جولائی کی درمیانی شب رات 12 بج

دھڑ جڑے جڑواں بچے نہایت نایاب ہوتے ہیں۔ اس حالت میں کہ دونوں کے سر ایک دوسرے سے جڑے ہوتے ہیں۔ بی بی سی کو یہ موقع ملا کہ وہ برطانیہ کے ایک ایسے ہسپتال کا جائرہ لیں جہاں کئی آپریشنز کے بعد باہم ملی دو جڑواں بہنوں کو الگ کیا گیا۔ آپریشن تھیٹر میں ایک ہجوم ہے لیکن 20 لوگوں کی ٹیم یک جان ہو کر کام کر رہی ہے۔ ان کی ہر حرکت نپی تلی ہے اور وہ

پاکستان کے صوبے خیبر پختونخوا میں ضم ہونے والے قبائلی اضلاع میں ملکی تاریخ میں پہلی مرتبہ صوبائی اسمبلی کے انتخابات منعقد ہو رہے ہیں اور مقامی افراد نے اس عمل سے کافی امیدیں وابستہ کر رکھی ہیں۔ 20 جولائی کو ہونے والے ان انتخابات کو سابق قبائلی علاقوں کے قومی دھارے میں شمولیت کا باقاعدہ آغاز قرار دیا جارہا ہے۔ سات قبائلی اضلاع اور ایک ایف آر ریجن سے کل 16 جنرل نشستوں پر انتخابات کا انعقاد کیا جارہا

امجد نے کہا کہ وہ چاہتے ہیں جیسے وہ سیکھ کر دوسروں کی مدد کر کے اُن کی زندگی آسان بنا رہے ہیں ویسے ہی اُن کے اس چینل سے سیکھنے والے آگے دوسرے نابینا افراد کی زندگی کو آسان بنانے میں مدد کریں ’آپ یہ نہ دیکھیے کہ کوئی بینائی والا شخص یا کوئی دوسرا نابینا شخص آپ کی مدد کرے بلکہ خود سے کوشش کریں، خود میں اعتماد پیدا کریں۔ اپنے کام خود کریں۔‘ یہ خیالات امجد سہیل

ہم خدا کا شکر ادا کرتے ہیں کہ ہمارے پاس کھانے کے لیے روٹی کا ایک ٹکڑا اور پنیر موجود ہے ایران کی امریکہ اور اس کے دیگر اتحادیوں کے ساتھ کشیدگی بڑھتی جا رہی ہے۔ اس صورتحال میں بی بی سی کو ایران کے اندرونی حالات کا جائزہ لینے کا منفرد موقع ملا ہے۔ ایران کے لوگوں میں اس بات پر سخت غصہ پایا جاتا ہے کہ امریکی صدر ڈونلڈ ٹرمپ گزشتہ برس ایران امریکہ نیو کلیئر معاہدے سے

کرکٹ کا عالمی کپ تو اتوار کی شب لارڈز کے تاریخی میدان میں اختتام پزیر ہو گیا لیکن انگلینڈ اور نیوزی لینڈ کے درمیان کھیلے گئے سنسنی خیز میچ سے ایک نئی بحث نے جنم لے لیا ہے۔ یہ کیسی جیت ہے؟ دونوں ٹیمیں ایک دوسرے کے مد مقابل آئیں۔ ایمپائروں سمیت ہر کسی کو سکور بورڈ پر دونوں کا سکور بھی ایک ہی نظر آیا لیکن ایک نے ورلڈ کپ اٹھایا اور دوسری چپ چاپ چلی گئی۔ شاید یہی

پاکستان کے زیرِ انتظام کشمیر کی وادی نیلم میں ’کلاؤڈ برسٹ‘ یعنی بادل پھٹنے کے واقعے کے بعد آنے والے سیلابی ریلے کے نیتجے میں کم از کم 22 افراد لاپتہ جبکہ 50 زخمی ہو گئے ہیں۔ صحافی اورنگزیب جرال کے مطابق ‘کلاؤڈ برسٹ’ کا یہ واقعہ وادی نیلم کے گاؤں لیسوا میں اتوار اور پیر کی درمیانی شب پیش آیا۔ پاکستان کے زیر انتظام کشمیر میں قدرتی آفات سے نمٹنے کے ادارے سٹیٹ ڈیزاسٹر مینجمنٹ اتھارٹی کے مطابق بادل

بین سٹوکس، مورگن اور معین علی کے ساتھ جوفرا آرچر کو یہاں دیکھا جا سکتا ہے اتوار کو کرکٹ ورلڈ کپ 2019 کا پل پل توازن بدلتا ہوا فائنل میچ اپنے سنسنی خیز عروج پر تھا جہاں کھیل سے زیادہ قسمت کا کھیل جاری تھا۔ اور اس ڈوبنے ابھرنے کے کھیل میں نیوزی لینڈ کے خلاف انگلینڈ فاتح قرار پایا۔ اس میچ کے بعد پریس کانفرنس میں جب انگلینڈ کے کپتان اوئن مورگن سے پوچھا گیا کہ آیا آئرش خوش

’انسانیت کی ایک بڑی پیشرفت‘ کا یہ مفہوم بھی لیا جاتاہے کہ اپالو مشن کے بعد انسانی زندگی میں بڑی مثبت تبدیلیاں آئیں۔ ‘یہ چھوٹا سا انسانی قدم انسانیت کے لیے ایک بہت بڑی چھلانگ ہے۔’ نیل آرمسٹرونگ کا یہ مشہور قول سائنس اور ٹیکنالوجی کی دنیا میں ہونے والی ان کامیابیوں کی جانب اشارہ تھا جو 50 برس قبل جولائی 1969 میں پہلی مرتبہ انسان کے چاند پر اترنے کی شکل میں حاصل کی گئی تھیں۔ چاند پر انسان

صدر ٹرمپ نے ڈیموکریٹ سے تعلق رکھنے والی چار خواتین کو اپنی ٹویٹ میں تنقید کا نشانہ بنایا امریکی صدر ڈونلڈ ٹرمپ پر ڈیموکریٹ پارٹی سے تعلق رکھنے والی خواتین کے حوالے سے ٹویٹس کرنے پر ایک مرتبہ پھر نسل پرستی کا الزام لگ گیا ہے۔ انھوں نے اپنی ٹوئٹس میں ان خواتین کو ’واپس جانے‘ کا مشورہ دینے سے پہلے کہا تھا کہ یہ خواتین’ دراصل ان ممالک سے آئیں ہیں جن کی حکومتیں مکمل طور پر تباہی کا

مصر میں حکام نے ملک میں سیاحت کے وسیع پیمانے پر فروغ کے لیے دارالحکومت قاہرہ کے نزدیک واقع ’بینت اہرام‘ کو سیاحوں کے لیے کھول دیا ہے۔ دہسر میں واقع ان اہرام کو تقریباً 2600 قبل مسیح میں فرعون کے لیے تعمیر کیا گیا تھا۔ درحقیقت ان اہرام کو 54 ڈگری زاویے کے ساتھ ڈیزائن کیا گیا تھا لیکن یہ ایسی مٹی پر تعمیر کیے جا رہے تھے جس میں ٹھہراؤ اور استحکام کے مسائل کا سامنا تھا۔ لہٰذا

عرب دنیا میں بی بی سی کے ایک حالیہ جائزے میں ایک غیرمتوقع بات سامنے آئی اور وہ یہ کہ یہاں خواتین کی نسبت مردوں کی طرف سے یہ شکایت زیادہ سامنے آئی کہ انھیں زبانی اور جسمانی طور پر جنسی ہراس کا سامنا کرنا پڑتا ہے۔ کیا واقعی یہ بات سچ ہے؟ سامی (فرضی نام) 13 برس کے ہیں۔ وہ اپنے سکول کے بیت الخلاء میں تھے کہ ان سے بڑے دو لڑکے آئے اور انھوں نے سامی کو

فائنل میں بھی امپائرنگ کا معیار اچھا نہیں رہا اور ریویو پر فیصلے تبدیل ہوئے کرکٹ میچ کے بعد اگر خبروں کی زینت کھلاڑی کے بجائے کوئی امپائر بن جائے تو تصور کر لینا چاہیے کہ امپائرنگ یا تو بہت عمدہ رہی یا بے حد ناقص۔ کرکٹ ورلڈ کپ 2019 انگلینڈ کی فائنل میچ میں ایک سنسنی خیز مقابلے کے بعد انگلینڈ کی فتح کے علاوہ بدقسمتی سے ٹورنامنٹ کے دوران ناقص امپائرنگ کی وجہ سے بھی یاد رہے گا۔

انڈیا کے خلائی تحقیقاتی ادارے کا کہنا ہے کہ تیکنیکی مسائل کی وجہ سے انڈیا نے چاند کی جانب روانہ کیے جانے والا اپنا دوسرا مشن اس کی لانچنگ سے ایک گھنٹہ قبل روک دیا ہے۔ انڈیا کے خلائی تحقیقاتی ادارے ‘انڈین سپیس ریسرچ آرگنائزیشن’ کا ایک ٹویٹ میں کہنا تھا کہ ’لانچنگ سے ایک گھنٹہ قبل خلائی گاڑی کے سسٹم میں ایک تیکنیگی مسئلہ دیکھا گیا ہے۔ حفظ ماتقدم کے طور پر چندرایان-2 (خلائی گاڑی کا نام) کی آج

جب پہلے بیس اوورز میں ہی انگلینڈ اپنے تین بہترین بلے بازوں سے محروم ہو گیا تو سبھی امکانات کا پلڑا نیوزی لینڈ کے حق میں جھکتا دکھائی دیا نیوزی لینڈ کی قسمت اچھی رہی یا بری، یہ سوال بھی اس یادگار میچ کی طرح ہمیشہ کے لئے ٹائی ہو گیا۔ کیونکہ کچھ لمحے ایسے ہوتے ہیں جب کرکٹ بھی آفاقی قوانین کی طرح نہایت بے رحم سی دکھائی دیتی ہے۔ کرکٹ کے گھر ’لارڈز‘ کی پچ عموماً سپن کے

ومبلڈن کی تاریخ کا یہ سب سے لمبے دورانیے والا فائنل مقابلہ تھا جو ریکارڈ چار گھنٹے اور 57 منٹ تک جاری رہا نوواک جوکووچ نے ایک سنسنی خیز مقابلے کے بعد عالمی نمبر تین راجر فیڈرر کو آخری سیٹ میں ٹائی بریک پر شکست دے کر اپنا پانچواں ومبلڈن ٹائٹل جیت لیا ہے۔ سربیا کے نوواک جوکووچ نے فیڈرر کو دو کے مقابلے میں تین سیٹس سے شکست دی اور اس کے ساتھ انھوں نے اپنا 16واں گرینڈ سلیم

پاکستان اور انڈیا کے درمیان تعمیر کی جانے والی کرتارپور راہداری کے ذریعے روزانہ کی بنیاد پر کتنے سکھ یاتری پاکستان میں واقع گرودوارہ دربار صاحب کرتارپور کے درشن کو آ پائیں گے؟ کیا اس کے لیے انہیں ویزا لینا پڑے گا یا ان کو بغیر ویزا کسی خصوصی اجازت نامے کے ذریعے داخلے کی جازت ہو گی؟ کرتارپور راہداری کے حوالے سے اس طرح کے سوالات کے بارے میں پاکستانی حکام نے مذاکرات کے دوسرے دور کے بعد بھی

سابق وزیراعلی پنجاب شہباز شریف نے برطانوی اخبار ڈیلی میل کے خلاف قانونی چارہ جوئی کا اعلان کرتے ہوئے کہا ہے کہ ڈیلی میل کی خبر میں ان پر لگے الزامات وزیر اعظم عمران خان اور ان کے معاون خصوصی شہزاد اکبر کے ایما پر لگائے گئے ہیں۔ شہباز شریف نے اپنے ٹویٹ میں کہا ہے کہ ’ڈیلی میل کے خلاف قانونی چارہ جوئی کا فیصلہ کیا گیا ہے۔ خود ساختہ اور گمراہ کن خبر عمران خان اور شہزاد اکبر

ریکوڈک منصوبے سے پاکستان کو 5 ارب97 کروڑ ڈالر بطورہرجانہ ادا کرنا پڑے گا ریکوڈک فیصلے کے نتیجے میں پاکستان کو آئی ایم ایف کے 6 بلین ڈالرز کے قرض جتنے حجم کے نقصان کی خبر موصول ہونے کے فوراً بعد اس نقصان ذمہ داروں کے تعین کے لیے وزیراعظم عمران خان نے ایک انکوائری کمیشن بنانے کا حکم دیا ہے۔ پاکستان کے خلاف ہرجانے کا یہ فیصلہ ورلڈ بینک کے بین الاقوامی ثالثی فورم انٹرنشینل سینٹر فار سیٹلمنٹ آف

امریکہ میں برطانیہ کے سابق سفیر کے لیک ہو جانے والے ایک میمو کے مطابق صدر ڈونلڈ ٹرمپ نے ایران کے ساتھ جوہری معاہدے کو سابق صدر براک اوباما کو تکلیف پہنچانے کے لیے ختم کیا۔ معروف اخبار میل آن سنڈے کے مطابق برطانوی سفیر سر کم ڈیروک نے صدر ٹرمپ کے اس قدم کو ‘سفارتی غارت گری’ کے عمل سے تعبیر کیا ہے۔ اس میں کہا گیا ہے کہ یہ میمو سنہ 2018 میں اس وقت بھیجا گیا جب

انگلینڈ کی ٹیم کے بارے میں کہا جاتا ہے کہ وہ گھریلو ماحول میں اچھے کھیل کا مظاہرہ کرتی ہیں اور لارڈز کے میدان پر وہ ورلڈ کپ جیتنے کے لیے فیورٹ ہو گی لیکن نیوزی لینڈ کس طرح اپ سیٹ کرے گی یہ بڑا سوال ہے۔ کرکٹ اور پیش گوئیاں ایک دوسرے کی بہترین ساتھی نہیں رہی ہیں۔ ورلڈ کپ کے پہلے مرحلے میں 15 پوائنٹس کے ساتھ سر فہرست آنے والی انڈیا کی ٹیم سیمی فائنل میں نیوزی

پاکستان میں کم عمر لڑکوں اور لڑکیوں کے ساتھ جنسی زیادتی اور تشدد کے بڑھتے واقعات کے بعد ایک غیر سرکاری تنظیم نے اس سلسلے میں آگہی مہم شروع کی ہے۔ یہ مہم ملک کے چار شہروں میں شروع کی گئی ہے جس میں بچوں کو یہ بتایا جاتا ہے کہ وہ اپنا تحفظ کیسے کر سکتے ہیں۔ گذشتہ سال پاکستان میں بچوں کے ساتھ زیادتی کے تقریباً پونے چار ہزار واقعات پیش آئے۔ غیر سرکاری تنظیم ساحل کے مطابق

’جب میرے رشتہ داروں اور دوست احباب کو خبر ہوئی کہ مجهے دو تین دن کے لیے پاکستان جانا ہے تو سبهی نے محتاط رہنے کا مشورہ دیا۔ کچھ نے کہا کہ ضرورت ہی نہیں پاکستان جانے کی، ایک دوست نے کہا کہ پاکستان جانے کی صورت میں انڈیا والے بلیک لسٹ کر دیں گے، جبکہ کچھ نے یہ کہا کہ پاکستان پہنچنے پر آئی ایس آئی والے تنگ کریں گے اور واپس آنے پر اپنے ملک کی ایجنسیاں سوال

’ایرانی تیل بردار بحری جہاز کو اس شرط پر چھوڑا جا سکتا ہے اگر برطانیہ کو اس بات کی ضمانت دی جائے کہ خام تیل شام نہیں لے جایا جا رہا‘ برطانیہ کے سیکرٹری خارجہ جیریمی ہنٹ نے کہا ہے جبرالٹر سے تحویل میں لیے گئے ایرانی تیل بردار بحری جہاز کو اس شرط پر چھوڑا جا سکتا ہے اگر برطانیہ کو اس بات کی ضمانت دی جائے کہ خام تیل شام نہیں لے جایا جا رہا۔ چار جولائی کو

لارڈز کے تاریخی گراؤنڈ پر فائنل کی تیاریاں مکمل ہو چکی ہیں کرکٹ کے شائقین اور خاص طور پر انگلینڈ کی کرکٹ ٹیم کے حامیوں کو خبردار کیا گیا ہے کہ لاڈرز کے میدان پر اتوار کو ہونے والے فائنل کے بلیک میں غیر سرکاری ویب سائٹس سےخریدے گئے تمام ٹکٹوں کو منسوخ کر دیا جائے گا۔ یہ تنبیہہ کرکٹ کی عالمی تنظیم انٹرنیشنل کرکٹ کونسل کی طرف سے ان تمام شائقین کرکٹ کو جاری کی گئی جو اتوار کو

انڈیا کی سرکاری نیوزی ایجنسی، پریس ٹرسٹ آف انڈیا’ کے مطابق جنرل راوت پاکستان کو خبردار کرتے ہوئے کہا کہ پاکستانی فوج کی جانب سے ہر قسم کی طالع آزمائی کی سزا دی جائے گی اور کسی بھی طرح کی دہشتگردی کا خمیازہ بھگتنا پڑے گا۔

انڈیا کے کئی علاقوں میں ہندو دیوتا رام کا نام اکثر ایک دوسرے سے ملتے یا بغل گیر ہوتے وقت مثبت انداز میں استعمال ہوتا ہے، لیکن بی بی سی دہلی کی نامہ نگار گیتا پانڈے کے مطابق گذشتہ کچھ برسوں سے مشتعل ہندو گروہوں نے اس دیوتا کے نام کو قتل و غارت گری کا نعرہ بنا دیا ہے۔ گذشتہ ماہ ملک کی مشرقی ریاست جھارکھنڈ کی ایک ویڈیو سوشل میڈیا پر وائرل ہوئی جس میں ایک سہمے ہوئے

18 سال میں پہلی مرتبہ لگ رہا ہے کہ امریکہ افغانستان سے اپنی فوجیں واپس لے جانے کے بارے میں سنجیدہ ہے اور اپنی تاریخ کی طویل ترین جنگ ختم کرنے والا ہے۔ گذشتہ اکتوبر سے اب تک امریکی حکام اور طالبان کے نمائندے سات مرتبہ براہِ راست مذاکرات کر چکے ہیں جن کا مقصد امریکی فوج کے انخلا کے بدلے اس بات کو یقینی بنانا ہے کہ افغان سر زمین پر غیر ملکی دہشت گردوں کو رہنے کی اجازت

انڈیا کے کئی علاقوں میں ہندو دیوتا رام کا نام اکثر ایک دوسرے سے ملتے یا بغل گیر ہوتے وقت مثبت انداز میں استعمال ہوتا ہے، لیکن بی بی سی دہلی کی نامہ نگار گیتا پانڈے کے مطابق گذشتہ کچھ برسوں سے مشتعل ہندو گروہوں نے اس دیوتا کے نام کو قتل و غارت گری کا نعرہ بنا دیا ہے۔

گذشتہ ماہ ملک کی مشرقی ریاست جھارکھنڈ کی ایک ویڈیو سوشل میڈیا پر وائرل ہوئی جس میں ایک سہمے ہوئے مسلمان کو بجلی کے کھمبے کے ساتھ بندھا ہوئے ایک مشتعل ہندو ہجوم کے ہاتھوں مار کھاتے دیکھا جا سکتا ہے۔