جب سے اچھے والے طالبان نے کابل کے ایوانوں میں بنا کسی پنجہ آزمائی کے قدم رنجہ فرمائے ہیں، بہت سے ایوانوں میں ملا جلا رجحان دیکھنے کو مل رہا ہے۔ اب یہ ایوان چاہے وائٹ ہاؤس کا ہو، اسلام آباد کا، بیجنگ کا یا نئی دلی کا۔

آج کا نیا کابل گویا کہ ”لوٹ پیچھے کی طرف اے گردش ایام کچھ اور“ کا منظر پیش کر رہا ہے، طالبان کو سمجھنے کے لئے کرکٹ کے ٹاس کو اچھالنے والے سکے کو سمجھنا ہوگا۔ یعنی ہیڈ یا ٹیل، چاند یا چھاپ، اب اس نئے سکے کی ایک جانب دراز زلفوں والے میلے کچیلے کپڑوں میں ملبوس کلاشنکوف لئے طالبان دکھائی دیں گے تو دوسری جانب، کلف لگی دستار اور صاف ستھرے لباس میں ملبوس میں معصوم سا چہرہ لئے فر فر انگریزی اور اردو بولتے ہوئے ترجمان اور ماہر ڈپلومیٹ دکھائی دیتے ہیں۔

یہ کہانی ہے افغانستان میں علم کی طلب کے نام پر کچھ نوجوانوں کی جنہیں آج کی دنیا طالبان کے نام سے جانتی ہے، ویسے یہ پہلے بھی کوئی علم کے طالب والب نہیں تھے بس ایک نام پڑ گیا تھا، اور دنیا کو روس کو بھگانے کے لئے ان سے کام پڑ گیا تھا۔ رونالڈ ریگن کو ان سے پیار ہو گیا تھا کیونکہ پیار تو ہونا ہی تھا۔ امریکہ ایسے وقت میں ہمیشہ یہی کہتا ہے کہ میں

 آئیے جانتے ہیں کہ یہ نفرت کا معاملہ ہے کیا؟ کیا ایوب خان نے الیکشن جیتنے کی طمع میں اہلِ کراچی کی ہر دلعزیز فاطمہ جناح کو اُس وقت کی اخلاقی گراوٹ کا شکار بنا کر وفاقی پاکستان کی بنیادوں میں نفرت کی دراڑ ڈالی؟ کیا پیپلز پارٹی نے اپنے ایک دورِ حکومت میں سِندھ اسمبلی میں لِسانی بل پاس کرواکر سِندھی کو سرکاری زبان قرار دے کر اردو کو مکمل نظر انداز کرنے کے عمل کا آغاکیا یا پھر جنرل ضیا الحق نے کوٹہ سسٹم کی وفاقی نا منصفانہ تلوار کا نشانہ بھی اسی اُردو بولنے والی آبادی کو بنا کر نفرت کی آگ بھڑکائی گئی؟

پانچ برس کی جفا کش محنت، اربوں روپے اخراجات، عدلیہ، میڈیا، مقننہ، اور عسکریہ، ایک صفحہ پر ہونے کے بعد بھی نو دسمبر کا کراچی ایسا لگا جیسے کہ تھا۔ یعنی جیسا بائیس اگست سے بھی پہلے تھا، غضب ہو گیا یہاں تو سب کچھ ویسا ہی ہے۔ ، بس اداروں کی انتھک محنت، اربوں روپے، نیشنل ایکشن پلان اور ہر دلعزیز منصوبہ مائنس ون وغیرہ سب کے سب ”تھے“ ہو گئے۔ پتہ نہیں یہ ”تھے“ والی بد دعا بھی

”ہر وہ لیڈر جو یو ٹرن لیتا ہے وہ عظیم لیڈر ہوتا ہے“، یہ وہ بازگشت ہے جو اب تک ذہن ودل میں گونجتی رہتی ہے۔ جب بات عظیم شخصیات کی ہو رہی تھی تو علامہ اقبال شدت سے یاد آئے جن کے شاہین آج کل اونچی اُڑان بھرنے کے بجائے چھوٹے چھوٹے ڈیم بھرنے کی کوشش کر رہے ہیں اور اس کے لئے جب جہاں موقع ملتا ہے، تیز پرواز کے د وران ہی یوٹرن لے لیتے ہیں۔

موجودہ حکومت کے بیانات دیکھ کر بچپن یاد آگیا جب ہر عید سے قبل ہی آدم جی آڈیٹوریم میں عمر شریف کا نیا مزاحیہ اسٹیج ڈرامہ ریلیز کیا جاتا تھا۔ اب عمر شریف کا بکرا قسطوں پر تو ڈرامہ سمجھ کر لطف اٹھایا جا سکتا ہے لیکن ایک ریاست کے امیر یعنی وزیر اعظم کا مرغی اور انڈے قسطوں پر کسی کو بھی ہضم نہیں ہو رہے۔ اس قدر مزاحیہ کلمات، بیانات و تقاریر تواتر سے جاری ہیں کہ کوئی عدالت از خود نوٹس ہی نہ لے لے کہ عوام کو اتنا مت ہنسائیں، آپ نے تو رلانے کا وعدہ کیا تھا جو صرف لاکھ دو لاکھ خاندانوں کے گھر اور دوکانیں گرانے سے پورا نہیں ہو گا۔