ملائیشیا کے 94 سالہ وزیراعظم مہاتیر محمد نے اپنا استعفی ملائیشیا کے بادشاہ کو بھجوا دیا ہے۔ مہاتیر محمد کا استعفی ایسے وقت میں سامنے آیا ہے جب یہ افواہیں گرم ہیں کہ وہ اپنے نامزد جانشین انور ابراہیم کے بغیر ایک نیا سیاسی اتحاد تشکیل دینے کا سوچ رہے ہیں۔ ملائیشین وزیراعظم کے آفس کا کہنا ہے کہ مہاتیر محمد کا استعفی مقامی وقت کے مطابق ایک بجے ملائیشیا کے بادشاہ کو بھیجا گیا۔ وزیراعظم آفس سے جاری ہونے

سپریم کورٹ نے اب اس معاملے میں ایڈیشنل اٹارنی جنرل کو عدالت کی معاونت کے لیے کہا ہے پاکستان کے نئے اٹارنی جنرل خالد جاوید خان نے سپریم کورٹ کے جج جسٹس قاضی فائز عیسیٰ کے خلاف صدارتی ریفرنس کے سلسلے میں سپریم کورٹ میں دائر درخواستوں میں حکومت کی نمائندگی سے معذرت کر لی ہے۔ پیر کو جب سپریم کورٹ میں اس معاملے کی سماعت شروع ہوئی تو اٹارنی جنرل خالد جاوید نے عدالت کو بتایا کہ جسٹس عیسیٰ

انڈین کپتان وراٹ کوہلی اس ٹیسٹ میچ کی دونوں اننگز میں بڑا سکور نہ کر سکے نیوزی لینڈ نے دو کرکٹ ٹیسٹ میچوں کی سیریز کے پہلے میچ میں انڈیا کو باآسانی دس وکٹوں سے شکست دے کر سیریز میں ایک صفر سے برتری حاصل کر لی ہے۔ ولنگٹن کے بیسن ریزرو سٹیڈیم میں کھیلے جانے والے میچ کا فیصلہ چوتھے دن کی صبح دوسرے گھنٹے ہی ہو گیا جب انڈیا کی جانب سے دیا گیا نو رنز کا ہدف

امریکی صدر ڈونلڈ ٹرمپ دو روزہ دورے پر انڈیا سوموار کو انڈیا پہنچ رہے ہیں اور اس دوران وہ دہلی سے دو گھنٹے کی مسافت پر موجود محبت کی یادگار اور مغل فن تعمیر کا نمونہ تاج محل بھی دیکھنے جائیں گے۔ ان کی آمد سے قبل آگرہ میں کئی دنوں سے سکیورٹی کے سخت انتظامات کیے جا رہے ہیں۔ انسان تو انسان وہاں جانوروں سے بھی حفاظت کا خاص خیال رکھا جا رہا ہے کیونکہ تاج محل کے آس

Science Photo Library بانجھ پن کے علاج کے ماہر ڈاکٹر لارڈ ونسٹن کے مطابق منجمد بیضوں کے استعمال کے بعد شرح پیدائش محض ایک فیصد ہے جبکہ دوسرے یہی شرح زیادہ بتاتے ہیں۔ لارڈ رابرٹ ونسٹن بی بی سی ریڈیو 4 کے پروگرام میں بیضے کو منجمد رکھنے کی 10 سالہ مدت کے حوالے سے بات کر رہے تھے۔ لارڈ ونسٹن لندن کے ایمپیریئل کالج میں پروفیسر ہیں انھوں نے خبردار کیا ہے کہ ’یہ ایک ناکام ٹیکنالوجی تھی‘ اور

اسرائیلی فوج نے دعویٰ کیا ہے کہ ایک راکٹ حملے کے جواب میں اسرائیل نے غزہ اور شام میں فلسطینی جنگجو گروپ کے خلاف فضائی کارروائی کی ہے۔ اسرائیلی فوج نے کہا ہے کہ اس نے اتوار کے روز جنوبی دمشق اور غزہ کی پٹی میں جنگجو گروپ ’اسلامک جہاد‘ کے اہداف کو نشانہ بنایا ہے۔ شام پر حملے کا اعتراف کرتے ہوئے اسرائیل نے کہا ہے کہ اس حملے میں ’اسلامک جہاد کی سرگرمیوں کے مرکز‘ کو نشانہ بنایا

انڈین میراج 2000 طیارے جو اس حملے میں استعمال کیے گئے تھے تاریخ: 14 فروری، 2019 مقام: پلوامہ، جموں و کشمیر واقعہ: سینٹرل ریزرو پولیس فورس (سی آر پی ایف) کے اہلکاروں کا ایک دستہ سرینگر کو جموں سے ملانے والی نیشنل ہائی وے پر پلوامہ میں لیت پورہ کے مقام سے گزر رہا تھا جب ایک بڑے دھماکے میں 40 اہکار موقع پر ہی ہلاک ہو گئے۔ یہ سب تب ہوا جب انڈیا میں عام انتخابات ہونے جا رہے

تصور کریں آپ کو ایک ہی امتحان بار بار دینا پڑے، یا ایک ہی ملازمت کے لیے کئی کئی بار انٹرویو کا بلاوا آئے یا پھر عدالت میں کسی مقدمے کے لیے تاریخ پر تاریخ بھگتنی پڑے۔ یقیناً آپ جنھجلا جائیں گے۔ لیکن کیا آپ کو احساس ہے کہ جنوبی ایشیا کے قدامت پسند معاشرے میں اَن گنت عورتیں روز اِس تکلیف دہ تجربے سے گزرتی ہے۔ وہ میک اَپ کر کے کھانے کی ٹرالی تیار کرتی ہیں۔ پھر یہ

جارجیا لی کو اب بھی اپنے یونیورسٹی کے دنوں کے بارے میں کچھ یاد نہیں ہے۔ ایک عرصے تک 23 برس کی جارجیا کو اپنے بوائے فرینڈ تک کے بارے میں کچھ یاد نہیں تھا۔ جارجیا نے اپنی یادداشت میں سے پانچ برس اس وقت کھوئے جب وہ 22 برس کی عمر میں اینکیفالائٹس کے عارضے کا شکار ہوئیں۔ یہ ایک خطرناک عارضہ ہے جس میں جسم میں مختلف وائرسز کے پھیلنے سے دماغ پر سوجن ہو جاتی ہے۔ جارجیا

امریکی کانگریشنل ریسرچ سروس (سی آر ایس) نے ایک حالیہ رپورٹ میں انڈیا کی جانب سے اس کے زیرِ انتظام کشمیر کی خصوصی آئینی حیثیت کے خاتمے کو صدر ٹرمپ کی جانب سے کشمیر پر ’ثالثی کے دعوؤں‘ سے منسلک کیا ہے۔ رپورٹ کے مطابق ’یہ واقعات (صدر ٹرمپ کی ثالثی کی پیشکش) انڈیا کی جانب سےاگست میں کیے جانے والے اقدامات کی وجہ ہو سکتے ہیں۔‘ صدر ٹرمپ نے انڈیا اور پاکستان کے درمیان ثالث کا کردار ادا کرنے

پاکستان میں پہلی مرتبہ پاکستان سپر لیگ کے تمام میچ کھیلے جا رہے ہیں پاکستان سپر لیگ میں کوئٹہ گلیڈی ایٹرز اور کراچی کنگز کے درمیان نیشنل اسٹیڈیم کراچی میں کھیلے گئے میچ میں اسوقت کھیل کچھ دیر کے لیے رکا رہا جب ڈی آر ایس ٹیکنالوجی نے کام کرنا چھوڑدیا جس کی وجہ سے ٹی وی امپائر ریویو کے بارے میں کسی فیصلے پر پہنچنے سے قاصر رہے۔ کراچی کنگز کی بیٹنگ کے دوران جب بابراعظم 25 رنز پر

پاکستان کے صوبہ بلوچستان کی حکومت نے فیصلہ کیا ہے کہ وہ صوبے کی سرحدی علاقوں سے تاحکم ثانی کسی کو بھی ایران جانے کی اجازت نہیں دے گی۔ بلوچستان حکومت نے وفاقی حکومت سے اپیل کی ہے وہ ایرانی حکومت سے رابطہ کرکے ان پانچ ہزار زائرین کو اس وقت تک پاکستان نہیں بھیجے جب تک ان کی 14یوم کی کوارنٹین کی مدت پوری نہیں ہوجاتی۔ یہ بھی پڑھیے ایران میں کورونا وائرس، تفتان کی سرحد عارضی طور پر

پاکستان سپر لیگ کے ساتویں میچ میں لاہور قلندرز کی ٹیم کا قذافی سٹیڈیم میں اسلام آباد یونائیٹڈ کے خلاف مقابلہ ہے جہاں شاداب خان نے ٹاس جیت کر قلندرز کو پہلے بیٹنگ کی دعوت دی ہے۔ اس ٹورنامنٹ میں یہ لاہور کا دوسرا جبکہ اسلام آباد کا تیسرا میچ ہے۔ لاہور قلندرز نے اس میچ میں اپنی ٹیم میں دو تبدیلیاں کی ہیں اور محمد فیضان اور انگلینڈ کے سمت پٹیل کو جگہ دی ہے جبکہ اسلام آباد نے

افریقی ملک کانگو کے مشرق میں واقع گوما کے مقام پرگذشتہ ہفتے 36000 افراد ڈر اور خوف کو بالائے طاق رکھتے ہوئے جمع ہوئے اور وہ امانی فیسٹیول میں افریقی میوزک سے خوب لطف اندوز ہوئے۔ Ley Uwera سالانہ میلہ جسے ’سواہیلی‘ یعنی امن میلے کا نام دیا گیا ہے، ایک ایسا منفرد موقع ہے جہاں اتنی بڑی تعداد میں لوگ ایک جگہ اکھٹے ہوئے ہیں۔ گوما خطے کا سب سے بڑا شہر ہے جہاں حالیہ چند ماہ میں تشدد

سعودی عرب میں حکام ایک ایسی خاتون ریپر کی گرفتاری کا مطالبہ کر رہے ہیں جنھوں نے اپنے ’مکہ گرل‘ نامی گانے کی میوزک ویڈیو نشر کی ہے۔ اس ویڈیو میں مسلمانوں کے مقدس شہر مکہ میں رہنے والی خواتین کو ’طاقتور اور خوبصورت‘ کے طور پر بیان کیا گیا ہے۔ سوشل میڈیا صارفین نے اس پر غصے کا رد عمل ظاہر کرتے ہوئے حکام کو ’منافقانہ‘ قرار دیا ہے۔ سنہ 2018 میں سعودی ولی عہد محمد بن سلمان نے

پاکستان سپر لیگ جب پاکستان میں نہیں ہورہی تھی تو پاکستان کرکٹ بورڈ متحدہ عرب امارات کے خالی میدان دیکھ کر پریشان ہوتا رہتا تھا اور انھیں اسوقت کا انتظار تھا کہ یہ لیگ جتنا جلد ہو سکے پاکستان چلی آئے تاکہ یہاں کے میدان شائقین سے کھچا کھچ بھر سکیں۔ پچھلی تین پی ایس ایل کے فائنل جب پاکستان میں ہوئے تو شائقین کی غیرمعمولی تعداد دیکھ کر پاکستان کرکٹ بورڈ کے حوصلے بلند ہو گئے تھے۔ پی سی

رواں برس امریکہ کے صدارتی انتخابات میں شامل امیدوار مائیکل بلوم برگ نے بدھ کو موسمیاتی تبدیلی روکنے کی سمت میں چین کے مقابلے میں انڈیا کو بڑا مسئلہ قرار دیا ہے۔ صوبہ نیویارک میں میئر کے عہدے پر رہنے والے مائیکل بلومبرگ نے ڈیموکریٹک پارٹی کی جانب سے صدارتی پرائمری کی بحث کے دوران یہ بات کہی۔ بحث کے دوران بلومبرگ سے سوال کیا گیا ’آپ کی کمپنیوں نے چین میں بہت زیادہ سرمایہ کاری کی ہے اور چین

پاکستان سپر لیگ (پی ایس ایل) سیزن 5 کا چھٹا میچ اتوار کو نیشنل سٹیڈیم کراچی میں کھیلا جا رہا ہے جہاں کوئٹہ گلیڈی ایٹرز کے خلاف کراچی کنگز نے ٹاس جیت کر پہلے بیٹنگ کا فیصلہ کیا ہے۔ پوائنٹس ٹیبل میں کراچی کنگز ایک میچ میں جیت کے ساتھ پہلے نمبر پر ہے جبکہ کوئٹہ گلیڈی ایٹرز نے اب تک دو میچ کھیلے ہیں۔ دفاعی چیمپئین کوئٹہ گلیڈی ایٹرز نے اسلام آباد یونائٹڈ کے خلاف پی ایس ایل 5

’ملکہ کو یہ نئی طرز کا برتن اتنا پسند آیا کہ انھوں نے نہ صرف اسے ایک نام دیا بلکہ سرپرستی دینے کا اعلان بھی کیا۔ انھوں نے حکم جاری کیا کہ اس کو ’کوئینز ویئر‘ یا ملکہ کا برتن کہا جائے اور اس برتن کو تیار کرنے والے شخص کی عزت افزائی اسے ذاتی کُوزہ گر تعینات کر کے کی گئی۔‘ یہ جوسایا ویج وڈ کی کہانی ہے۔ جوسایا کے سوانح نگار برائن ڈولن کا خیال ہے کہ ملکہ

جاپانی کووں نے اخروٹ کو توڑنے کے لیے گاڑیوں کی مدد لینا شروع کردی کئی صدیوں سے جاپان کے شہر سینڈائی میں، کوے اپنے پسندیدہ کھانے اخروٹ کو لے کر مصیبت میں مبتلا ہیں۔ کوے اتنے طاقت ور نہیں کہ اخروٹ اپنی چونچ سے توڑ سکیں۔ اس لیے وہ اسے اونچائی پر لے جا کر زمین پر پھینکتے ہیں۔ لیکن 1970 کی دہائی میں ایک سائنسدان نے دیکھا کہ کووں نے ایک نیا طریقہ اپنایا ہے۔ وہ اخروٹ کو سڑک

10 برس کی فاطمہ اجمل دبئی میں چھٹی جماعت کی طالبہ ہیں۔ گذشتہ برسوں کے دوران پاکستان سپر لیگ (پی ایس ایل) کے شروع ہوتے ہی وہ خاصی پُرجوش ہوجاتی تھیں اور اپنی والدہ کے ساتھ دبئی اور شارجہ کرکٹ اسٹیڈیم کا رخ کرتی تھیں جہاں وہ چوکوں چھکوں سے لطف اندوز ہونے سے زیادہ ان مواقعوں کی تلاش میں رہتی تھیں کہ کسی طرح کرکٹرز کے ساتھ تصاویر بنوا سکیں۔ فاطمہ اجمل کو اب اسی بات کا دکھ ہے

تاریخ میں پہلی مرتبہ سائنسدانوں نے مصنوعی ذہانت کی مدد سے ایک نئی طرز کی ’طاقت ور‘ اینٹی بائیوٹک دریافت کی ہے۔ = ماہرین کا ماننا ہے کہ یہ دریافت دواؤں سے مدافعت کے بڑھتے مسئلے کے حوالے سے ایک اہم پیش رفت ہے۔ اس دوا کو بنانے کے لیے ایک طاقت ور ایلگورتھم استعمال کیا گیا تھا جس کے ذریعے 10 کروڑ کیمیائی مرکبات کا چند ہی دنوں میں جائزہ لیا گیا۔ محققین کا کہنا ہے کہ اس نئے

ایران میں کورونا وائرس سے ہلاکتوں کے بعد پاکستان کے صوبہ بلوچستان کے ایران سے متصل اضلاع میں طبی ایمرجنسی نافذ کر دی گئی ہے۔ گذشتہ روز ایران میں کورونا وائرس سے ہلاکتوں کی تعداد چار جبکہ اس وائرس سے سامنے آنے والے کیسز کی تعداد 18 ہو گئی تھی جس میں مزید اضافے کا خدشہ ہے۔ بلوچستان حکومت کی جانب سے جاری کردہ ایک اعلامیے کے مطابق قدرتی آفات سے نمٹنے کے صوبائی ادارے پی ڈی ایم اے کی

چین میں کورونا وائرس پھوٹنے والے شہر ووہان کے ہسپتال سے مریضوں کا علاج کرتی ایک حاملہ نرس کی ویڈیو پر پورے چین سے شدید ردِعمل سامنے آ رہا ہے۔ ریاستی میڈیا آؤٹ لیٹ سی سی ٹی وی کے ذریعہ نشر کی گئی اس ویڈیو کا مقصد نو ماہ کی حاملہ نرس ’زاؤ یو‘ کو ہیرو کے طور پر پیش کرنا تھا۔ لیکن اس کا الٹا اثر ہوا اور سوشل میڈیا صارفین نے وائرس سے متاثرہ ماحول میں ایک حاملہ

وکٹ کیپر بیٹسمین کامران اکمل کوئٹہ گلیڈی ایٹرز کے بولرز کا اعتماد سے سامنا کرنے کے بعد جب میڈیا کے سامنے آئے تو انھیں اپنی شاندار سنچری سے زیادہ اپنے بھائی عمراکمل کے بارے میں کیے گئے سوالات کا سامنا کرنا پڑا۔ واضح رہے کہ کوئٹہ گلیڈی ایٹرز کی نمائندگی کرنے والے عمر اکمل کو پی ایس ایل کے آغاز سے ایک روز قبل اینٹی کرپشن ضابطہ اخلاق کی خلاف ورزی کی پاداش میں پاکستان کرکٹ بورڈ معطل کر دیا

خیبر پختونخوا کے ضلع بنیر میں کان پر پہاڑی تودا گرنے سے کم از کم نو افراد ہلاک جبکہ سات زخمی ہوئے ہیں۔ بی بی سی کے نامہ نگار عزیزاللہ کے مطابق مقامی پولیس نے تصدیق کی ہے کہ لاشوں اور زخمیوں کو بنیر کے مقامی ڈگر ہسپتال میں پہنچا دیا گیا ہے جبکہ دیگر افراد کو نکالنے کے لیے امدادی کارروائیاں جاری ہیں۔ عینی شاہدین کے مطابق جس جگہ پہاڑی تودا گرا ہے وہاں موجود افراد کی تعداد بیس

جسٹس قاضی فائزعیسیٰ نے سنیچر کو سپریم کورٹ میں جواب جمع کراتے ہوئے موقف اختیار کیا کہ ان کے خلاف صدارتی ریفرنس بدنیتی پر مبنی ہے، اسے کالعدم قرار دیا جائے اور صدر، وزیر اعظم، وزیر اعظم کے معاون خصوصی، وزیر قانون اور اٹارنی جنرل سمیت غیر قانونی جاسوسی کے عمل میں ملوث افراد کے خلاف توہین عدالت کی کارروائی کی جائے۔ سپریوم کورٹ کے جج کے مطابق فیض آباد دھرنا نظرثانی کیس کے بعد ان پر الزامات لگائے گئے۔

انڈیا کی سب سے بڑی ریاست اترپردیش کے ضلع سون بھدر میں سینکڑوں ٹن سونے کے ذخیرے کا پتہ چلا ہے۔ بتایا جارہا ہے کہ ریاستی حکومت کو کافی عرصہ پہلے ہی اس کے بارے میں معلومات حاصل تھی۔ سونے کی تلاش میں جیولوجیکل سروے آف انڈیا (جی ایس آئی) کی ٹیم گذشتہ پندرہ برسوں سے سون بھدر میں اس سلسلے میں کام کر رہی تھی اور آٹھ سال پہلے ٹیم نے زمین کے اندر سونے کے خزانے کی تصدیق

حکومتِ پاکستان نے ویسٹ انڈین کرکٹر اور پاکستان سپر لیگ میں حصہ لینے والی پشاور زلمی کے کپتان ڈیرن سیمی کو پاکستان کا اعلی ترین شہری ایوارڈ دینے کا اعلان کیا ہے۔ ساتھ ہی انھیں پاکستان کی اعزازی شہریت دینے کا بھی اعلان کیا گیا ہے۔ اس بات کا اعلان پاکستان کرکٹ بورڈ نے ایک ٹویٹ کے ذریعے کیا جس میں مزید کہا گیا ہے کہ صدرِ پاکستان ڈاکٹر عارف علوی 23 مارچ کو اسلام آباد میں ہونے والی تقریب

اس نے پوری منصوبہ بندی کر رکھی تھی۔ اس نے نگرانی کے لیے لگے کیمروں کی تاریں کاٹ ڈالیں۔ اس نے طویل نائٹ ڈیوٹی کے لیے اپنی خدمات پیش کیں، حتیٰ کہ اس نے اپنے جوتے بیرونی دروازے کے باہر اُس کے لیے رکھ دیے تھے۔ جیان نے کِم کو نصف شب میں جگایا اور انھیں اس راستے پر لے گیا جس کا پلان اس نے پہلے سے بنا رکھا تھا۔ فرار سے ایک رات قبل اس نے دو بیگ

خواتین کا الزام ہے کہ انھیں 10، 10 کے گروپس میں تقسیم کر کے ان کے ‘فنگر ٹیسٹ’ لیے گئے اور اس دوران انھیں ایک ساتھ کمرے میں برہنہ حالت میں کھڑے رہنے پر مجبور کیا گیا انڈیا میں حکام ایسے دعوؤں کی تفتیش کر رہے ہیں جن میں درجنوں خواتین کے مطابق انھیں دفاتر یا کام کی جگہوں پر اپنی فٹنس ثابت کرنے کے لیے نسوانی ٹیسٹ کروانے پر مجبور کیا گیا۔ گجرات کے شہر سورت میں خواتین، جو

امریکی صدر ڈونلڈ ٹرمپ کے انڈیا دورے کے ساتھ یہ توقعات وابسطہ کی جا رہی ہیں کہ انڈیا میں ان کا بڑے پیمانے پر عوامی سطح پر استقبال کیا جائے گا۔ امریکی عہدیداروں کا خیال ہے کہ حالیہ برسوں میں انڈیا میں کسی بھی غیر ملکی رہنما کو دیے جانے والے اعزاز سے کہیں بڑے پیمانے پر صدر ٹرمپ کا استقبال ہو گا۔ ٹرمپ انتظامیہ سے وابستہ افراد کا یہ بھی کہنا ہے کہ پیر سے شروع ہونے والا ٹرمپ

چین کے باہر 26 ممالک میں اس وائرس کے تصدیق شدہ کیسز کی تداد 1152 ہو چکی ہے اور مجموعی طور پر آٹھ افراد ہلاک ہو چکے ہیں عالمی ادارہ صحت کے سربراہ نے کورونا وائرس کے ایسے کیسز پر تشویش کا اظہار کیا ہے جن کا چین سے براہِ راست یا دیگر تصدیق شدہ کیسز سے کوئی تعلق واضح نہیں ہے۔ ڈاکٹر ٹیڈروس ایڈہانوم کا یہ بیان ایران کے اس اعلان کے بعد سامنے آیا ہے جس میں ایران

بفر کمپنی نے اپنے ملازمین کے چھٹی لینے کی حوصلہ افزائی کے لیے کمپنی نے ایک نئی پالیسی بنائی سنہ 2014 میں سوشل میڈیا مینجمینٹ کمپنی بفر کے اعلیٰ حکام نے کچھ عجیب محسوس کیا۔ کمپنی نے سنہ 2012 میں لامحدو چھٹیوں کی ایک پالیسی نافذ کی تھی لیکن کمپنی کے ملازمین بمشکل ہی چھٹی لے رہے تھے۔ بفر کے ملازمین دنیا بھر میں پھیلے ہوئے ہیں اور خاص طور پر امریکہ اور یورپ میں ہیں اور چھٹی لینے کی

پاکستان سپر لیگ کے پانچویں ایڈیشن کے چوتھے میچ میں آج پشاور زلمی اور کوئٹہ گلیڈی ایٹرز آمنے سامنے ہیں۔ پشاور زلمی نے ٹاس جیت کر کوئٹہ گلیڈی ایٹرز کو پہلے بیٹنگ کرنے کی دعوت دی ہے۔ اب سے کچھ دیر قبل چار اوورز کے اختتام پر کوئٹہ گلیڈی ایٹرز نے بغیر کسی نقصان کے 33 رنز بنائے تھے۔ کوئٹہ کی جانب سے جیسن رائے اور شین واٹسن اننگز کا آغاز کیا ہے۔ پی ایس ایل فائیو پر بی بی

’جوائنٹ فیملی سسٹم میں آپ اپنا آپ تو جیتے ہی نہیں، وہ صرف دکھاوا ہوتا ہے، اپنا کمرہ صاف کر کے نکلنا ہے، کھانا اچھا ہونا چاہیے، تیار اچھا ہونا چاہیے، کوئی کچھ نہ بھی کہے تو آپ کو محسوس ہوتا کہ کوئی آپ کے بارے میں نجانے کیا کہے گا، جتنے زیادہ لوگ ہوتے ہیں، اتنی ہی آپ کی پرائیویسی کم ہوتی ہے، نہ چاہتے ہوئے بھی مسائل ہو جاتے ہیں۔‘ ایسا کہنا ہے مومنہ ارشاد کا، جو اپنے

پاکستان سپر لیگ کے پانچویں ایڈیشن کے تیسرےروز دن کے دوسرے میچ میں آج لاہور کے قذافی سٹیڈیم میں اسلام آباد یونائیٹڈ اور ملتان سلطانز مدِمقابل ہیں جہاں اسلام آباد یونائیٹڈ نے ٹاس جیت کر ملتان سلطان کو بیٹنگ کی دعوت دی ہے۔ دونوں ٹیمیں اب سے کچھ دیر میں میدان میں اتریں گی۔ پی ایس ایل 2020 کا پوائنٹس ٹیبل میچ کا تفصیلی سکور کارڈ پی ایس ایل فائیو پر بی بی سی اردو کی خصوصی کوریج یہ بھی

گذشتہ برس جون سے مبینہ طور پر متعدد بار جنسی زیادتی کا نشانہ بننے والی 14 سالہ لڑکی نے ایک بچی کو جنم دیا ہے۔ پاکستان کے صوبہ پنجاب کے ضلع راولپنڈی کے ایک ہسپتال میں ڈیوٹی پر موجود ڈاکٹروں نے بی بی سی کو بتایا کہ جمعرات کی رات متاثرہ لڑکی کو ہسپتال لایا گیا اور ان کے ہاں نارمل ڈلیوری ہوئی ہے۔ انھوں نے بتایا کہ لڑکی اور ان کی نومولود بیٹی دونوں بالکل خیریت سے ہیں اور

سنہ 2016 میں ایک امریکی ڈرون حملے میں ہلاک ہونے والے افغان طالبان کے سربراہ ملا اختر منصور کے پاس سے پاکستانی قومی شناختی کارڈ برآمد ہوا تھا چار برس قبل بلوچستان میں ڈرون حملے میں مارے جانے والے افغان طالبان کے کمانڈر ملا منصور کی پاکستان کے سب سے بڑے شہر کراچی میں تقریباً نو کروڑ روپے مالیت کی املاک نیلام کر کے رقم پاکستان کے قومی خزانے میں جمع کرائی جائے گی۔ کراچی کی انسداد دہشت گردی کی

مستعفی ہونے والے اٹارنی جنرل انور منصور خان کے میڈیا بیانات نے ایک نیا پنڈورا باکس کھول دیا ہے جس کے بعد حکومت نے سپریم کورٹ میں ایک درخواست جمع کراتے ہوئے بھی سابق اٹارنی جنرل کے متنازع بیان سے لاتعلقی ظاہر کی ہے۔ سابق اٹارنی جنرل نے نجی ٹی وی کے مختلف ٹاک شوز میں شریک ہو کر حکومتی موقف کی تردید کی اور کہا کہ ان کے مستعفی ہونے کے بارے میں نہ تو کسی حکومتی شخصیت نے

کلعدم دہشت گرد تنظیم آئی ایس کی ایک ہمدرد نے لندن میں سینٹ پال کیتھیڈرل کو خودکش حملے میں بم سے اڑانے کے منصوبے کا اعتراف کیا ہے۔ مغربی لندن کے علاقے ’ہیز‘ سے تعلق رکھنے والی صفیہ شیخ اس منصوبے کے تحت لندن کے اس مشہور مقام اور ایک ہوٹل کا جائزہ لینے گئی تھیں۔ 36 سالہ صفیہ شیخ کو، جن کا پہلا نام مشیل ریمسڈن تھا، اس وقت گرفتار کیا گیا جب انہوں نے خفیہ پولیس کے ایک

برطانیہ میں 20 پاؤنڈ کا نوٹ عنقریب کھاد کی صورت اختیار کر جائے گا۔ بینک آف انگلینڈ 40 ارب پاؤنڈ مالیت کے کاغذ کے نوٹ ختم کرنے کا عمل شروع کر رہا ہے۔ ان نوٹوں کی جگہ پولیمر کے بنے 20 پاؤنڈ لے لیں گے۔ اس عمل کے دوران کاغذ کے تقریباً 2 ارب نوٹ سرکولیشن سے نکالے جائیں گے اور ان کو کھاد میں تبدیل کر دیا جائے گا۔ برطانیہ کے دو تہائی نوٹوں کی ذمہ دار ’جی 4

منی لانڈرنگ اور ٹیرر فنانسنگ کی روک تھام کے عالمی ادارے، فنانشل ایکشن ٹاسک فورس کی طرف سے پاکستان کو ‘گرے لسٹ’ سے نکالنے یا نکالنے کے بارے میں فیصلہ عنقریب متوقع ہے۔ ایف اے ٹی ایف کے پیرس کے اجلاس میں پاکستان کو گرے لسٹ سے نکالنے سے متعلق غور کیا گیا۔ انڈیا اور اسے اتحادیوں کی کوشش تھی کہ پاکستان کو ایف اے ٹی ایف کے دیئے اہداف کو پورا کرنے میں ناکام رہا ہے لہذا اسے گرے

امریکی وزیر خارجہ مائیک پومپیو نے کہا ہے کہ افغانستان میں قیام امن کے لیے طالبان کے ساتھ معاہدہ 29 روری کو ہو سکتا ہے۔ امریکی وزیر خارجہ مائیک پومپیو نے سعودی عرب کے دورے کے بعد ایک بیان میں کہا ہے کہ تشدد میں کمی کے حوالے سے ہونے والی مفاہمت پر کامیابی سے عمل درآمد کی صورت میں امریکہ اور طالبان کے مابین 29 فروری کو معاہدہ ہو سکتا ہے۔ ادھر طالبان کے ترجمان نے کہا ہے کہ

Justin Merrimanلوئس وان آہن کی پیدائش گوئٹے مالا میں پوئی اور وہ وہیں پلے بڑھے اگر کسی کو شک ہو کہ دوسرے ممالک سے آنے والے لوگوں سے اُس ملک کو فائدہ نہیں ہوتا، تو اسے لوئس وان آہن کی کہانی ضرور سنائیے گا۔ جی ہاں وسطی امریکی ملک گوئٹے مالا سے تعلق رکھنے والے اس 41 سالہ شخص کی کہانی جو سنہ 1996 میں امریکہ چلا گیا تھا جہاں اس نے ریاست نارتھ کیرولائنا کی یونیورسٹی آف ڈیوک سے

پاکستان سپر لیگ کے پانچویں ایڈیشن میں جمعے کو دوسرے میچ میں پشاور زلمی نے کراچی کنگز کے خلاف نیشنل سٹیڈیم میں ٹاس جیت کر پہلے فیلڈنگ کا فیصلہ کیا ہے۔ یہ اس ٹورنامنٹ میں دونوں ٹیموں کا پہلا میچ ہے۔ کراچی کی ٹیم: چیڈوک والٹن، بابر اعظم، شرجیل خان، افتخار احمد، کیمرون ڈیلپورٹ،محمد رضوان، عماد وسیم، عمید آصف، محمد عامر،کرس جارڈن،ارشد اقبال۔ پشاور کی ٹیم: ٹام بینٹن، لائم لونگسٹون،کامران اکمل، حیدر علی، محمد محسن شعیب ملک،ڈیرن سیمی، لائم ڈاسن،

اگلے ہفتے پیر کے روز امریکی صدر ڈونلڈ ٹرمپ انڈیا کا اپنا پہلا سرکاری دورہ شروع کر رہے ہیں اور اس موقعے پر انڈیا انھیں متاثر کرنے کی بھرپور تیاریاں کر رہا ہے۔ اس ضمن میں انڈیا کے وزیراعظم نریندر مودی کی آبائی ریاست گجرات کے شہر احمد آباد میں ہزاروں کی تعداد میں لوگ امریکی صدر کو خوش آمدید کہنے سڑکوں پر آئیں گے۔ صدر ٹرمپ وہاں ایک لاکھ سے زائد افراد کی موجودگی میں دنیا کے سب سے

انڈیا کے جنوبی شہر بنگلور میں ایک مظاہرے کے دوران ’پاکستان زندہ باد‘ کے نعرے لگانے پر ایک خاتون کو گرفتار کر کے ان پر غداری کا مقدمہ دائر کیا گیا ہے۔ آمولیا لیونا نامی یہ خاتون انڈیا میں شہریت کے متنازع قانون کے خلاف ایک مظاہرے ہیں حصہ لے رہی تھیں۔ اس قانون کے ناقدین کے مطابق اس کی وجہ سے مسلمانوں کے ساتھ امتیازی سلوک ہو رہا ہے۔ تاہم اس مظاہرے میں موجود معروف مسلمان سیاسی رہنما اسد

سنی لیونی بھی اس کیلنڈر کا حصہ ہیں بالی ووڈ کے تمام ہیرو اور ہیروئنز کی خواہش ہوتی ہے کہ وہ انڈسٹری کے ہر بڑے فلمساز کے ساتھ کام کریں۔ لیکن انڈسٹری میں کامیابی کی دو اور اہم سیڑھیاں بھی ہیں۔۔۔ ایک بڑے میگزین کے صفحہ اول پر آنا اور دوسرا ڈبو رتنانی کے کیلنڈر کا حصہ بننا۔ ڈبو رتنانی ایک فیشن فوٹو گرافر ہیں اور 1999 سے ہر سال ایک کیلنڈر نکالتے ہیں جو شوبز میں کمال کی مقبولیت

پاکستان سپر لیگ (پی ایس ایل) کے پانچویں ایڈیشن کے افتتاحی میچ میں جب کوئٹہ گلیڈی ایٹرز نے اسلام آباد یونائیٹڈ کو تین وکٹوں سے شکست دی تو ایک نوجوان کا نام نمایاں رہا اور اس پر سوشل میڈیا پر بھی کافی بات چیت ہوئی۔ یہ نام گلیڈی ایٹرز کے کوچ معین خان کے صاحبزادے اعظم خان کا تھا۔ اعظم خان ایسے وقت میں بلے بازی کے لیے کریز پر پہنچے تھے جب 169 رنز کے تعاقب میں ٹیم کے

وفاقی حکومت نے خالد جاوید خان کو پاکستان کا نیا اٹارنی جنرل مقرر کیا ہے وفاقی حکومت نے خالد جاوید خان کو پاکستان کا نیا اٹارنی جنرل مقرر کر دیا ہے۔ وزیر اعظم کی مشیر برائے اطلاعات و نشریات فردوس عاشق اعوان نے ٹوئٹر پر ایک پیغام میں خالد جاوید کی تعیناتی کی تصدیق کی اور کہا کہ انھیں ملک کا نیا چیف لا افسر یعنی اٹارنی جنرل مقرر کرنے کا فیصلہ کیا گیا ہے۔ یہ بھی پڑھیے اٹارنی جنرل

یہ بات مئی 1981 کی ہے۔ راجیو گاندھی اترپردیش کے انتخابی حلقے امیٹھی سے الیکشن لڑنے والے تھے۔ وہ اپنے انتخابی حلقے کا دورہ کررہے تھے۔ چند گھنٹوں بعد انھیں لکھنو سے دلی کی فلائٹ پکڑنی تھی۔ لیکن تبھی خبر موصول ہوئی کہ امیٹھی سے 20 کلومیٹر دور تیلوئی کے علاقے میں 30 سے 40 جھوپڑ پٹیوں میں آگ لگ گئی ہے۔ انھوں نے لکھنو جانے کے بجائے اپنی کار کا رخ تیلوئی کی طرف موڑ دیا۔ یہ بھی پڑھیے

ڈھاکہ میں یادگار شہدا 21 فروری سنہ 1952 کو ڈھاکہ کی سڑکوں پر ایسا واقعہ رونما ہوا جس نے نئی ریاست بنگلہ دیش کی بنیاد رکھی۔ سنہ 1947 میں جب برطانوی نو آبادیاتی حکمران برصغیر سے واپس لوٹے اور یہاں مذہب کی بنیاد پر دو ملک انڈیا اور پاکستان بنائے تو عدم اعتماد اس وقت بھی موجود تھا۔ دو ایسی قوموں کے ساتھ پاکستان کی تخلیق ہوئی جن میں دو ہزار میل کا فاصلہ تھا، الگ زبانیں بولتے تھے اور

’مجھے نہیں معلوم تھا کہ ویٹ لفٹر سے لوگ ڈرتے ہیں۔ یونیورسٹی میں ایک لڑکی نے مجھے بتایا کہ فلاں لڑکا تم سے بہت ڈرتا تھا، میں نے پوچھا ایسا کیوں ہے، تو اس نے بتایا کہ اسے لگتا ہے کہ تم کسی کو بھی اٹھا کر پٹخ دو گی۔‘ یہ کہنا ہے پاکستانی ویٹ لفٹر رابعہ شہزاد کا، جنھوں نے حال ہی میں گلاسگو اوپن کلاسک ویٹ لفٹنگ چیمپئن شپ 2020 میں سونے کا تمغہ جیتا ہے۔ 21 سالہ

عالمی سطح پر آزادی مذہب پر نظر رکھنے والے امریکی کمیشن ’یو ایس سی آئی آر ایف‘ نے بدھ کو اپنی سالانہ رپورٹ جاری کی جس میں کہا گیا ہے کہ بھارت میں مذہب کے نام پر استحصال کے واقعات میں اضافہ ہو رہا ہے۔ شہریت کے متنازع قانون سی اے اے اور این آر سی کی مخالفت میں پورے ملک میں احتجاج ہو رہے ہیں اس کا رپورٹ میں ذکر ہے اور اسے بھی بھارت میں مذہب کے نام

منی لانڈرنگ اور ٹیرر فناسنگ کی روک تھام کے لیے بنایا گیا بین الاقوامی ادارہ، فنانشل ایکشن ٹاسک فورس آج پاکستان کو ‘گرے لسٹ’ میں رکھنے یا اس کی حیثیت بدلنے سے متعلق فیصلے کا اعلان کرنے جارہا ہے۔ اجلاس کا فیصلہ آنے سے قبل اس سلسلے میں حتمی رائے تو نہیں دی جاسکتی لیکن پاکستان کی نمائندگی کرنے والا وفد پر اعتماد ہے کہ پاکستان کے اقدامات کی بدولت اسے گرے لسٹ سے جلد نکال دیا جائے گا۔ گذشتہ

لندن میں پولیس نے شہر کی مشہور ریجنٹ پارک مسجد میں چھرا گھونپنے کی واردات کے بعد ایک شخص کو قتل کرنے کی نیت سے حملہ کرنے کے الزام میں گرفتار کر لیا ہے۔ حملہ میں ایک 70 سالہ شخص زخمی ہوئے۔ پولیس اس واقعے کو دہشت گردی کے واقعے کے طور پر نہیں دیکھ رہی۔ زخمی شخص کو ہسپتال پہنچا دیا گیا ہے جہاں ان کی حالت کو خطرے سے باہر قرار دیا گیا ہے۔ حملہ آور ایک 29

SM Viral Grab راجستھان میں ناگور ضلع کے کرنوں گاؤں میں دو دلت نوجوان کو محض شک کی بنیاد پر بہت بے رحمی سے پیٹا گیا اور ان کے اعضاء مخصوصہ میں پیٹرول بھی ڈالا گیا۔ انہیں اذیتیں دی گئیں اور اس پورے واقعے کا ویڈیو بھی بنایا گیا جس میں ملزمان کو مسکراتے ہوئے دیکھا جاسکتا ہے۔ چار دن پرانے اس وقعے کی ویڈیو جب سوشل میڈیا پر وائرل ہوئی تو سنسنی پھیل گئی۔ پولیس حرکت میں آئی اور

ایک رنگارنگ افتتاحی تقریب کے بعد پاکستان سپر لیگ کے پانچویں ایڈیشن کا افتتاحی میچ کوئٹہ گلیڈی ایٹرز اور اسلام آباد یونائیٹڈ کے مابین کھیلا جا رہا ہے۔ کراچی کے نیشنل سٹیڈیم میں جمعرات کی شب کھیلے جانے والے میچ میں کوئٹہ گلیڈی ایٹرز نے ٹاس جیت کر اسلام آباد یونائیٹڈ کو بیٹنگ کی دعوت دی ہے۔ پاکستان سپر لیگ کے پانچویں ایڈیشن پر بی بی سی اردو کی خصوصی کوریج کوئٹہ گلیڈی ایٹرز کی ٹیم اس ٹورنامنٹ کی دفاعی

سپریم کورٹ نے پاکستان کی فضائیہ کے سربراہ سے کہا ہے کہ اگر وہ چاہیں تو وہ ائر مارشل ارشد محمود ملک کی، جنھیں پی آئی اے کا چیف ایگزیکٹیو تعینات کیا ہے، خدمات واپس لے سکتے ہیں۔ عدالت نے آبزرویشن دی کہ ائرمارشل ارشد محمود ملک ایک ساتھ دو عہدے نہیں رکھ سکتے اور ڈیپوٹیشن پر کسی بھی ادارے کے سربراہ کی تقرری غیرقانونی ہے۔ وفاقی حکومت نے ائرمارشل ارشد محمود ملک کو پی آئی اے کا چیف ایگزیکیٹیو

PA Mediaپریتی پٹیل کو حال ہی میں وزارتِ داخلہ کی ذمہ داری سونپی گئی ہے خیال کیا جا رہا ہے کہ برطانوی وزیر داخلہ پریتی پٹیل نے اپنے محکمے میں انتہائی سینیئر افسر کو ان عہدے سے ہٹانے کی کوشش کی ہے۔ روز نامہ ٹائمز میں شائع ہونے والی رپورٹ کے جواب میں باخبر ذرائع نے بی بی سی کو بتایا کہ محترمہ پٹیل اور سر فلِپ رتنام کے درمیان اختلافات ہیں تاہم ذرائع نے ان دعوؤں کو مسترد کیا

بالی ووڈ اداکارہ تاپسی پنوں جو پنک، ملک، بدلہ اور سانڈ کی آنکھ جیسی فلموں میں ایک مضبوط عورت کا کردار ادا کر چکی ہیں، نوجوان اداکاراؤں میں خواتین کے مرکزی کردار ادا کرنے والی اداکارہ کے طور پر اپنا نام بنا رہی ہیں۔ لیکن تاپسی کا کہنا ہے کہ خواتین پر مبنی فلموں کےلیے اداکاراؤں میں مقابلہ کم ہے کیونکہ فلم انڈسٹری میں بہت سے خواتین فلموں کا وزن اپنے کندھوں پر اٹھانا نہیں چاہتیں۔ وہ کہتی ہیں ’اگر

کمپیوٹر میں ’کٹ، کاپی، پیسٹ‘ جیسی اہم جدت لانے والے سائنسدان لیری ٹیسلر 74 سال کی عمر میں وفات پا گئے ہیں۔ لیری ٹیسلر کمپیوٹنگ کی دنیا میں ایک آئیکون کے طور پر جانے جاتے تھے۔ انھوں نے 1960 کی دہائی میں جب کمپیوٹرز تک عام لوگوں کی رسائی محدود تھی، اس دوران سیلیکون ویلی میں کام کرنا شروع کیا۔ ان کی ’کٹ، کاپی، پیسٹ‘ اور ’فائنڈ اینڈ ریپلیس‘ جیسی اہم جدت کی وجہ سے پرسنل کمپیوٹر سیکھانا اور استعمال

شام کا شمالی صوبہ ادلب وہ واحد علاقہ ہے جہاں صدر بشار الاسد کی مخالف قوتوں کا کنٹرول ہے۔ ایرانی ملیشیا اور روسی فضائی حملوں کی مدد سے شامی حکومت متواتر ادلب میں داخل ہونے کی کوشش جاری رکھے ہوئے ہے۔ درجنوں قصبے اور دیہات شامی حکومت کی فوج نے کنٹرول میں لے لیے ہیں۔ ایک اہم ہائی وے بھی شامی فورسز کے کنٹرول میں ہے۔ یہ ملک کی معاشی شہ رگ ہے، شام کے شمال کو جنوب سے ملاتی

پی ایس ایل کی پریس ریلیز کے مطابق اس ترانہ میں کل 22 سازوں کا استعمال کیا گیا ہے جبکہ اس ترانے میں بیک وقت راک، فوک پاپ سنگرز کی آوازیں شامل ہیں کرکٹ پیسہ کمانے والا کھیل ہے خواہ وہ ٹکٹوں کی فروخت کی مد میں ہو یا اشتہارات کے ریونیو سے۔ اٹھارہویں صدی کے اوائل سے ہی برطانوی امرا کرکٹ ٹورنامنٹس کے دلدادہ ہو چکے تھے۔ تقریباتی کرکٹ میچز ایک تو امرا کو خود نمائی کے لیے بہترین

ایسے مسافر جن میں کورونا وائرس کی تشخیص نہیں ہوئی انھیں بحری جہاز سے نکلنے کی اجازت مل گئی ہے جاپان میں ایک ڈاکٹر کو ڈر ہے کہ ڈائمنڈ پرنسز نامی جس تفریحی بحری جہاز میں کم از کم 540 مسافر اور عملے کے اہلکار کورونا وائرس کا شکار ہوئے تھے، اس میں قرنطینہ کے لیے مناسب انتظامات نہیں تھے۔ بدھ کو ایسے 100 سے زیادہ لوگوں کو جہاز سے روانہ کر دیا گیا تھا جن میں وائرس کی تشخیص

پاکستان کے اٹارنی جنرل کیپٹن ریٹائرڈ انور منصور خان اپنے عہدے سے مستفی ہو گئے ہیں اور انھوں نے اپنا استعفی صدر مملکت کو بھجوا دیا ہے۔ اپنے استعفے میں کیپٹن ریٹائرڈ انور منصور خان نے پاکستان بار کونسل کی طرف سے گذشتہ روز یعنی 19 فروی کو جاری ہونے والی ایک پریس ریلیز کا ذکر کیا ہے جس میں انھوں نے اٹارنی جنرل کے مستعفی ہونے کا مطالبہ کیا تھا۔ یہ بھی پڑھیے ’ابھی ہم آپ کو کھیلنے کے

جرمن حکام کا کہنا ہے کہ اس واقعے کی تحقیقات جاری ہیں اور تاحال واضح نہیں کہ یہ حملے کیوں کیے گئے جرمنی کے مغربی شہر ہاناؤ میں پولیس کا کہنا ہے کہ دو شیشہ بارز پر ایک مسلح شخص کی فائرنگ سے مرنے والوں کی تعداد آٹھ ہو گئی ہے جبکہ حملہ آور کی لاش سمیت دو لاشیں اس کے مکان سے ملی ہیں۔ فائرنگ کے واقعات بدھ کی شب مقامی وقت کے مطابق رات 10 بجے کے بعد

قطر کے دارالحکومت دوحہ میں قائم طالبان کے دفتر کے ترجمان سہیل شاہین کا کہنا ہے کہ امریکہ اور طالبان کے درمیان جاری امن مذاکرات کے تحت افغانستان میں فریقین پہلے پُرتشدد کارروائیاں روکنے کے حوالے سے ایک اعلامیہ جاری کریں گے اور پھر اس مہینے کے آخر تک امن معاہدے پر دستخط ہوں گے۔ سہیل شاہین نے ٹیلیفون پر بی بی سی اردو سے بات کرتے ہویے بتایا کہ اعلامیہ جلد جاری کر دیا جائے گا جس میں یہ

راکیش نے اجمل قصاب کو محفوظ رکھنے کے حوالے سے کچھ معلومات ظاہر کی ہیں جو پہلے کہیں بتائی نہیں گئی تھیں تم کیسے ہو لڑکے، تم ہو کہاں کے؟ جب ممبئی پولیس کے جوائنٹ چیف راکیش ماریا نے پنجابی لہجے میں یہ سوال پوچھا تو ان کا مخاطب شخص ایک لمحے کے لیے دنگ رہ گیا۔ اس کی آنکھوں میں شناسائی کی چمک ابھری اور اس نے جواب دیا ’اوکاڑہ‘۔ اوکاڑہ پاکستان کے صوبہ پنجاب کا ایک ضلع ہے

انڈیا میں چیتے صدیوں سے موجود تھے لیکن 20ویں صدی میں وہ مکمل طور پر ختم ہو گئے لیکن اب انڈین سپریم کورٹ کی اجازت کے بعد انڈین شہریوں کو ایک بار پھر اس تیز رفتار جانور کو دیکھنے کا موقع ملے گا۔ عہد وسطیٰ میں مغلوں کے زمانے سے ہی انڈین بادشاہ اور راجے مہاراجے چیتے پالنے کا شوق رکھتے تھے اور شکار کے دوران ان کا استعمال کیا کرتے تھے۔ کولھا پور، بڑودہ، بھاؤنگر جیسی شاہی ریاستیں چیتے

رواں ہفتے پاکستان کے مشہور کامیڈین عمر شریف کی بیٹی حرا عمر کی ہلاکت سے ملک میں اعضا کی غیرقانونی پیوند کاری کا معاملہ ایک مرتبہ پھر خبروں میں ہے۔ حرا عمر گردے کی غیرقانونی پیوندکاری کے بعد پیدا ہونے والی طبی پیچیدگیوں کی وجہ سے منگل کی شب لاہور میں وفات پا گئی تھیں۔ ان کی وفات کے بعد ان کے بھائی جواد شریف کی جانب سے ہیومن آرگن ٹرانسپلانٹ اتھارٹی (ہوٹا) میں ایک درخواست دی گئی جس میں

پی سی بی کا کہنا ہے کہ عمر اکمل کو اینٹی کرپشن کوڈ کی دفعہ 4.7.1 کے تحت فوری طور پر معطل کیا گیا ہے پاکستان کرکٹ بورڈ نے قومی ٹیم کے سابق رکن اور پاکستان سپر لیگ میں دفاعی چیمپیئن کوئٹہ گلیڈی ایٹرز کی نمائندگی کرنے والے بلے باز عمر اکمل کو معطل کر دیا ہے۔ پی سی بی کی جانب سے جمعرات کو جاری ہونے والے بیان کے مطابق یہ فیصلہ بورڈ کے اینٹی کرپشن کوڈ کے تحت

جب اینڈی فلاور زمبابوے کی طرف سے بین الاقوامی کرکٹ کھیلے تو انھوں نے کرکٹ کی دنیا کی کمزور ٹیم کے کامیاب بلے باز کے طور پر شہرت حاصل کی۔ وہ انگلینڈ کے کوچنگ سیٹ اپ کا حصہ بنے تو اپنی ذہانت کے بل پر انگلینڈ کو کرکٹ کی دنیا میں بلند مقام پر لے گئے۔ لیکن اب اینڈی فلاور کے وسیع تجربے سے پاکستان سپر لیگ (پی ایس ایل) کی ٹیم ملتان سلطانز استفادہ حاصل کر رہی ہے جس

ہمارے پاس امریکہ اور یورپ سے آرڈر تھے، سب کچھ ختم ہو گیا: تاجر عارفہ جان گذشتہ برس اگست میں انڈیا کے زیر انتظام کشمیر کی نیم خود مختاری کے خاتمے سے قبل عارفہ جان دستکاری کی نمایاں ایکسپورٹر کے طور پر اُبھر رہی تھیں۔ لیکن اب صورتحال کچھ مختلف ہو چکی ہے۔ سرینگر میں قائم اپنے پہلے کارخانے کی کامیابی کے بعد عارفہ نے شہر کے کئی علاقوں میں کارخانے لگائے، جہاں درجنوں لڑکیاں روزگار حاصل کرتی تھیں۔ لیکن

MBC ہم میں سے بہت سے افراد کے لیے غم المناک مگر زندگی کی اٹل حقیقت ہے اور اگر کسی شخص کے بچے کی وفات ہو جائے تو ان کے غم کو بھلا پانا اور بھی مشکل ہو جاتا ہے۔ لیکن جنوبی کوریا میں ایک خاتون ورچوئل ریئلٹی کی مدد سے اپنی سات سالہ بچی کی وفات کے دکھ کو بھلا رہی ہیں۔ چار سال قبل ایک ناقابلِ علاج خون کا مرض جینگ جی سونگ کی تیسری بیٹی نا یوان

کراچی کے علاقے منگھو پیر میں مذہبی اجتماع کے باہر دو افراد میگا فون پر اعلان کے ساتھ ساتھ چندہ وصول کر رہے تھے کہ پولیس نے دونوں کو گرفتار کرکے میگا فون، الجہاد تحریر شدہ دو جھنڈے اور 7000 رپے برآمد کرلیے۔ یہ واقعہ گذشتہ برس 2 فروری کو پیش آیا تھا۔ پولیس نے دونوں پر انسداد دہشت گردی ایکٹ کے تحت مقدمہ درج کیا اور ان کی شناخت نام معین الدین اور محمد یونس ظاہر کی اور دعویٰ

پاکستان کرکٹ بورڈ کے چیئرمین احسان مانی کا کہنا ہے کہ گیارہ ماہ قبل انہوں نے پوری پی ایس ایل پاکستان لانے کی بات کی تھی۔ انہوں نے تمام چھ ٹیموں کے مالکان کے ساتھ یہ وعدہ پورا کردکھایا ہے۔ احسان مانی نے بدھ کے روز نیشنل اسٹیڈیم کراچی میں پاکستان سپر لیگ کی ٹرافی کی تقریب رونمائی کے بعد پریس کانفرنس میں کہا کہ پی ایس ایل درحقیقت ایک ایسا دروازہ ہے جسے کھول کر دیکھیں تو ایک خوبصورت

سندھ میں رہنے والی ہندو کمیونٹی کی شکایت رہی ہے کہ ان کی نو عمر لڑکیوں کو مبینہ طور پر اغوا کرنے کے بعد جبری مذہب تبدیل کیا جاتا ہے (فائل فوٹو) سندھ کی مشہور خانقاہ اور جمعیت العلما الہند کے مرکز خانقاہ امروٹ شریف کے گدی نشین کے خلاف نوعمر ہندو لڑکی کا نکاح کرانے کے الزام میں مقدمہ درج کر لیا گیا ہے۔ جیکب آباد کی عدالت نے پولیس کو مہک کماری عرف علیزہ سے شادی کے دعویدار

فائل فوٹو حکومت سندھ نے کراچی کے علاقے کیماڑی میں سانس کی تکلیف میں ہلاکتوں اور متاثرہ افراد کی بیماری کی وجہ ’سویا ڈسٹ‘ کو قرار دے دیا ہے۔ محکمہ صحت نے اپنی ایڈوائزری میں اس کی تصدیق کی ہے۔ نامہ نگار ریاض سہیل کے مطابق ایڈوائزری میں کہا گیا ہے کہ ماہرین اور انٹرنینشل سینٹر فار کیمیکل اینڈ بائیولوجیکل سائنس کی رپورٹ کے مطابق ’یہ شدید الرجی کی ایک قسم ہے۔ اگر کوئی شخص سویا ڈسٹ سے بلواسطہ رابطے

فیس بُک کا کہنا ہے کہ سنگاپور کی حکومت نے اپنے حکم میں ’اعتدال‘ کا مظاہرہ نہیں کیا گیا سنگاپور کی جانب سے خبروں والے فیس بُک پیجِز تک رسائی بند کرنے کے حکم پر فیس بُک نے فکرمندی کا اظہار کیا ہے۔ سنگاپور کا کہنا تھا کہ ’سٹیٹ ٹائمز ریویو‘ نامی سائیٹ نے ملک میں ’فیک نیوز‘ کے خلاف حالیہ عرصے میں متعارف کرائے جانے والے قانون کی خلاف ورزی کی ہے اور یہ سائیٹ بار بار ’جھوٹ‘ پھیلانے

بدھ کے روز چین میں پھنسے پاکستانی طلبہ کے بارے میں ہونے والی بریفنگ کے دوران طلبا کے والدین اور حکام کے درمیان بحث چھڑ گئی جس کے نتیجے میں شرکا کو اپنی بات ادھوری چھوڑ کر والدین کی شکایات سننی پڑیں۔ چین میں کورونا وائرس کی تشخیص کے بعد سے پاکستانی طلبا کی چین کے شہر ووہان میں پھنسنے کی خبریں منظرِ عام پر تب آئیں جب وہاں پر موجود پاکستانی طلبا نے اپنے ویڈیو بیانات جاری کرنا شروع

چین نے وال سٹریٹ جرنل میں چھپنے والے ایک مضمون کو نسل پرستانہ قرار دیتے ہوئے اخبار کے تین صحافیوں کو ملک سے نکل جانے کا حکم دیا ہے۔ امریکی اخبار وال سٹریٹ جرنل میں تین فروری کو چھپنے والے اس مضمون میں کورونا وائرس کی وباء سے نمٹنے کے لیے چینی حکومت کے اقدامات پر تنقید کی گئی تھی۔ چینی وزارتِ داخلہ کا کہنا ہے کہ اخبار سے کئی مرتبہ کئی کہا گیا کہ وہ معافی مانگے لیکن اس

PA انڈیا سے ڈی پورٹ کیے جانے کے بعد برطانوی رکن پارلیمنٹ ڈیبی ابراہمز بدھ کو پاکستان میں کیمروں کی توجہ کا مرکز بن گئیں۔ پاکستان کی وزارت خارجہ میں انھوں نے وزیر خارجہ شاہ محمود قریسی کے ہمراہ ایک پریس کانفرنس سے خطاب کرتے ہوئے برطانوی گروپ کو انڈیا اور انڈیا کے زیر انتظام کشمیر کے دورے کی اجازت نہ ملنے کو بدقستمی قرار دیا۔ ڈیبی ابراہمز غیر سرکاری گروپ اے پی پی جی (آل پارٹیز پالیمینٹیرین گروپ فار

برطانیہ نے بريگزٹ کے بعد امیگریشن کا جو منصوبہ جاری کیا ہے اس کے تحت کم ہنر رکھنے والے افراد یا ملازمین کو ویزا نہیں دیا جائے گا۔ اس میں ملازمت دینے والوں سے کہا گیا ہے کہ یورپ سے ’سستی مزدوری‘ پر انحصار کرنے سے ’گریز‘ کیا جائے اور متبادل کے طور پر سٹاف کو روکنے اور آٹومیشن یا خودکار ٹیکنالوجی کو فروغ دینے کے لیے سرمایہ کاری کی جائے۔ وزارت داخلہ کے دفتر نے کہا ہے کہ 31

AFP/Getty imagesطالبان نے فوزیہ کوفی کو قتل کرنے کی کوشش بھی کی فوزیہ کوفی کو بچپن سے ڈاکٹر بننے کا خواب تھا لیکن وہ خواب تب ٹوٹ گیا جب افغانستان میں طالبان نے قبضہ کر لیا۔ انھوں نے فوزیہ کے شوہر کو جیل میں ڈال دیا۔ وہاں فوزیہ کے شوہر تپِ دق میں مبتلا ہو گئے، پھر رہائی کے بعد ان کی وفات ہو گئی۔ بعد میں فوزیہ سیاست میں آ گئیں اور طالبان نے انھیں قتل کرنے کی کوشش

ہر شخص کے لیے اس کی مادری زبان قابلِ فخر ہوتی ہے اور ہر کسی کی خواہش ہوتی ہے کہ اس کی زبان زندہ رہے۔ لیکن حال ہی میں سوشل میڈیا پر ایک ویڈیو وائرل ہونے کے بعد پنجابی زبان سے متعلق ایک بحث چھڑ گئی۔ وائرل ہونے والی ویڈیو پاکستان کے دارالحکومت اسلام آباد میں موبائل سے بنائی گئی ہے جس میں ایک خاتون نے پولیس چوکی پر روکے جانے کے بعد پولیس اہلکار کو اُن سے پنجابی میں

انڈیا کے قومی پرندے، یعنی مور کی تعداد میں خاصا اضافہ ہوا ہے ایک نئی تحقیق کے مطابق گدشتہ چند عشروں میں انڈیا میں بہت سے پرندوں کی آبادی میں نہایت تیزی سے کمی دیکھنے میں آئی ہے۔ ’انڈیا میں پرندوں کی صورتِ حال‘ کے عنوان سے جاری کی جانے والی رپورٹ پرندے دیکھنے کے شوقین 15 ہزار ایسے افراد کے جمع کیے ہوئے اعداد وشمار پر مبنی ہے جو گذشتہ کئی برسوں میں ملک میں 867 مختلف اقسام کے

پاکستان سپر لیگ کی سب سے مضبوط ٹیم کونسی ہے؟ یہ فیصلہ کرنا مشکل ہے۔ لیگ کی کونسی ٹیم مقبولیت میں سب سے آگے ہے؟ اس بارے میں بھی کوئی حتمی رائے قائم نہیں کی جا سکتی لیکن کوئٹہ گلیڈی ایٹرز اس اعتبار سے نمایاں ہے کہ اس کی مجموعی میچوں میں کامیابی کی اوسط 61.90 ہے جو دیگر تمام ٹیموں سے زیادہ ہے۔ لیکن جو بات کوئٹہ گلیڈی ایٹرز کو دیگر ٹیموں میں منفرد بناتی ہے وہ یہ کہ

بی بی سی سے گفتگو کرتے ہوئے تاج بی بی نے یہ دعویٰ کیا کہ اسمائیل نے انھیں ابھی طلاق نہیں دی ہے ‘جج صاحب نے کہا اسماعیل لڑکا کہاں ہے؟ جب میرا 100 سالہ بھائی چھڑی کے سہارے سے چل کر عدالت میں پیش ہوا تو جج صاحب سمیت باقی لوگوں کو بھی ہنسی آگئی، کہ کہاں لڑکا اور کہاں یہ بابا۔’ لاہور کی فیملی کورٹ میں ایک انوکھا دعویٰ دائر کیا گیا جس میں 95 سالہ تاج بی

’میں سی سیکشن کو بہت آسان سمجھ رہی تھی۔ مجھے لگا کہ یہ تو کچھ دنوں کی بات ہے۔ لیکن سی سیکشن کے بعد جب میں باقاعدہ بیڈ پر آ گئی اور نرس آ کر میرے لیے میرا بیڈ اوپر نیچے کرتی تھی، یہاں تک کہ میں ہل نہیں سکتی تھی، تو مجھے لگا میری زندگی ختم ہو گئی ہے۔‘ کراچی سے تعلق رکھنے والی حبیبہ خان سکوائش کی کھلاڑی ہیں اور حالیہ دنوں میں پشاور میں ہونے والے ایک

انڈیا کے متنازع اسلامی مبلغ ڈاکٹر ذاکر نائیک نے تقریباً تین سال قبل انڈیا چھوڑ کر ملائشیا میں اپنی نئی زندگی کا آغاز کیا تھا۔ اس وقت سے وہ بعض اوقات مودی سرکار اور ہندو معاشرے پر تنقید کے باعث زیرِ بحث رہے۔ ذاکر نائیک آج کل کیا کر رہے ہیں اور ملائشیا میں زندگی کس طرح گزار رہے ہیں اس بارے میں مزید معلومات اکٹھا کرنے کے لیے ہم نے ان کا انٹرویو کرنے کی کوشش کی۔ اس کے

چین کے سرکاری اعداد و شمار کے مطابق منگل کو کورونا وائرس کی وجہ سے ہلاک ہونے والے افراد کی تعداد 1868 جبکہ متاثرہ افراد کی کل تعداد 72436 ہو گئی ہے۔ کورونا وائرس کے بارے میں سب سے بڑی ریسرچ چین میں صحت کے حکام نے کورونا وائرس کا شکار ہونے والے 44000 افراد کی ابتدائی تفصیلات شائع کی ہیں۔ چائنیز سینٹر آف ڈیزیز کنٹرول اینڈ پریوینشن کے ڈیٹا کے مطابق 80 فیصد کیسز خطرناک نوعیت کے نہیں ہیں

انڈیا کے زیر انتظام کشمیر میں گذشتہ سال ہونے والے پلوامہ حملے کے بعد سے انڈیا اور پاکستان کے درمیان تجارتی تعلقات منقطع ہیں۔ دونوں ممالک نے ایک دوسرے کو معاشی طور پر نقصان پہنچانے کے لیے بعض سخت اقدامات کیے۔ انڈیا نے پاکستان سے درآمد کی جانے والی تمام چیزوں پر 200 فیصد محصول بڑھا دیا اور ‘موسٹ فیورڈ نیشن’ کی حیثیت کو ختم کر دیا جبکہ پاکستان نے انڈیا کے ساتھ دو طرفہ تجارت کو ختم کر دیا۔

عدالت نے حکم دیا ہے کہ مہک سے شادی کے دعویدار علی رضا سولنگی اور اس کے مددگاروں کے خلاف 24 گھنٹے کے اندر چائلڈ میریج ایکٹ کے تحت مقدمہ درج کیا جائے (فائل فوٹو) پاکستان کے صوبہ سندھ کی ایک عدالت نے نومسلم نابالغ لڑکی کو تحفظ اطفال یونٹ بھیج دیا ہے جبکہ پولیس کو شادی کے دعویدار نوجوان اور مددگاروں پر چائلڈ میریج ایکٹ کی خلاف ورزی کا مقدمہ درج کرنے کا حکم جاری کیا ہے۔ جیکب آباد

سپریم کورٹ کے جج جسٹس قاضی فائز عیسیٰ کے خلاف صدارتی ریفرنس پر سپریم جوڈیشل کونسل کی کارروائی روکنے سے متعلق درخواستوں کی سماعت کے دوران اٹارنی جنرل کیپٹن ریٹائرڈ انور منصور خان نے اپنے دلائل میں کہا ہے کہ مذکورہ جج کی طرف سے بیرون ملک اثاثے ظاہر نہ کرنا بدعنوانی کے زمرے میں آتا ہے۔ انھوں نے کہا کہ سپریم کورٹ کے جج جسٹس قاضی فائز عیسیٰ کے خلاف صدارتی ریفرنس میں اثاثے ظاہر نہ کرنے کے ساتھ

Irish Coast Guard/PA اس جہاز کو آئرلینڈ لانے والی کہانی کا آغاز ستمبر 2018 میں ہوا جب اس پر عملہ سوار تھا اور یہ یونان سے ہیٹی کی جانب رواں دواں تھا یورپ میں آنے والے سمندری طوفان ڈینس کے دوران خراب موسم ایک ’لاورث‘ کارگو جہاز کو آئرلینڈ کی کاؤنٹی کارک کے ساحل پر لے آیا ہے۔ اس لاوارث جہاز کو سب سے پہلے ایک راہگیر نے ماہی گیروں کے گاؤں بلیکٹن کے پتھروں پر دیکھا۔ ایسا لگتا ہے