فوج کو بطور ادارہ ملک کو خانہ جنگی سے بچانے کے لئے آگے آنا ہو گا۔ عوام مضطرب ہیں۔ ہر طرف جھوٹ دھوکہ اور فراڈ کا بازار گرم ہے۔ پی ٹی ایم کی خاتون رہنما گلالئی اسماعیل نے ننھی فرشتہ کے قتل اور زیادتی پر جو زبان استمال کی وہ قابل مذمت ہے اور قانون کے تحت اس کے خلاف کارروائی ہونا چاہے، لیکن اس کے ساتھ ساتھ اس نجی چینل کے خلاف بھی کارروائی ہونا چائے جس نے ننھی فرشتہ کے قتل اور جنسی زیادتی کو جواز فراہم کیا اس کا والد افغانی ہے۔ ہسپتال کی انتظامیہ کے خلاف بھی یکساں کارروائی ہو جس نے پوسٹ مارٹم کرنے سے انکار کیا اور پی ٹی ایم والوں کو احتجاج کا موقع فراہم کیا۔

دنیا کی سب سے بڑی جمہوریت بھارت بھی پاکستان کی راہ پر چل نکلا ہے۔ سیاست میں غیر سیاسی مداخلت سے جو تباہی اور بربادی پاکستان میں آئی ہے بھارت کو بھی ایک دن اس کا سامنا کرنا پڑے گا۔ سفر شروع ہو گیا ہے، منزل بھی مل جائے گی۔ بھارتی فوج، الیکشن کمیشن اور بھارتی عدلیہ کی معاونت سے اندازوں کے عین مطابق بی جے پی کو عام انتخابات میں بھاری اکثریت حاصل ہوئی ہے۔ بھارتی جنتا پارٹی کے

جتنے ڈول مرضی کنویں سے نکال لیں، پانی صاف ہونے کا نہیں۔ تاریخ اٹھا کر دیکھ لیں، آئی ایم ایف سے جب بھی بیل آوٹ پیکیج لیا۔ حصص بازار نے مثبت ردعمل ظاہر کیا۔ یہ انہونی بھی ہو چکی۔ اتوار کی رات آئی ایم ایف معاہدہ کی پریس ریلیز جاری ہوئی۔ پیر کی صبح حصص بازار ڈوب گیا اور سرمایہ کاروں کے اربوں روپیہ بھی۔ منگل کے روز حصص بازار کے گھاگ بروکرز کو ریکوری کی امیدیں تھیں۔ حصص اتنے

پشتون تحفظ موومنٹ کو نیشنل پریس کلب میں پریس کانفرنس کی اجازت نہیں ملی انہوں نے پریس کلب کے صحن میں میڈیا سے بات چیت کر لی۔ کس نے پر یس کلب کے صدر کو اجازت منسوخ کرنے کیلئے کہا، کوئی نہیں مانے گا۔ غیر ملکی فنڈنگ کا الزام نیا نہیں ہے، پہلے بھی لگایا جا چکا ہے۔ یہ الزام سچا ہے تو قانونی کارروائی کریں۔ اگر قانونی کارروائی نہیں کرنا تو الزام واپس لیں۔ اپریشن ردالفساد عام پختونوں کی

یاسر پیرزادہ کا واٹر گیٹ اسکینڈل کے حوالہ سے کالم پڑھا بقول سودا یوں لگا ”سینے میں جیسے کوئی دل کو ملا کرے ہے“ مغلیہ سلطنت کی تباہی کے اسباب گرچہ پہلے سے موجود تھے لیکن احمد شاہ رنگیلا کی بادشاہت نے گویا تابوت میں آخری کیل ٹھونکی تھی۔ صدر نکسن جمہوریت کی علامت امریکی صدر تھا اور بے پناہ شہرت کا حامل بھی۔ امریکی جمہوریت میں طاقتور عہدیدار نکسن کے ذاتی ملازمین کی طرح غیر آئینی اور غیر قانونی کام کرتے رہے اور اپنے ضمیر کو سلاتے رہے۔

بندہ کس کا یقین کرے اور کس کا نہ کرے۔ دونوں آنکھ کا تارہ ہیں۔ ایک ضد کرتا ہے اوماڑا پر حملہ کرنے والے ایران سے آئے تھے وہاں ان کے تربیتی کیمپ ہیں۔ دوسرا مصر ہے پاکستانی سرزمین سے ایران پر حملے ہوتے ہیں۔ پہلے کے بہت سارے نام ہیں یہ مخدوم امین فیہم ہے، یہ بینظیر بھٹو کے دور کا وکیل افتخار گیلانی ہے، کبھی اس کا نام مشاہد حسین اور کبھی چوہدری نثار اور کبھی اعتزاز احسن۔ اس کی بات کا کیوں یقین نہ کریں اگر پہلا دوسرے کے دورہ ایران سے ایک روز قبل کہتا ہے کوسٹل ہائی وے پر ہونے والی دہشت گردی کے پیچھے ایرانی خفیہ ایجنسیاں ہیں تو یہ وہی بات ہے جب ایرانی صدر کے عین دورہ پاکستان کے دوران کلبھوشن یادو پکڑ لیا تھا اور جنہوں نے پکڑا تھا وہ بعد میں سعودی اتحاد کے سربراہ بن گئے تھے۔ یہ بات تو چین اف کمانڈ کا تسلسل ہے غلط ہو ہی نہیں سکتی۔ افغانستان سے شام تک یہ ایک ہی کڑی کا تسلسل ہے۔

لوگ اس قدر ظالم ہیں تصور نہیں کیا جا سکتا۔ اسلام آباد کے سی ڈی اے ہسپتال میں روز رات دس بجے پانی بند کر دیا جاتا ہے۔ سینکڑوں مریض ان کے تیمار دار ہسپتال کے مختلف یونٹ اور وارڈز میں عملی طور پر روز کربلا برپا ہو جاتا ہے۔ ڈاکٹر نرسیں پانی کے لئے بلکتی ہیں۔ ہسپتال کے تمام واش روم اور باتھ روم پانی کی عدم دستیابی سے گندگی کے ایسے ڈھیر میں بدل جاتے ہیں قدم نہیں رکھا جا سکتا۔ مرد ڈاکٹروں کو باتھ روم جانا ہو وہ رات کے وقت باہر کسی جگہ پر فارغ ہو آتے ہیں۔لیڈی ڈاکٹر اگر اسلام آباد کی رہائشی ہے وہ اوبر یا کریم سے گھر جاتی ہے یہی حال نرسز کا ہے۔ لیکن جو لیڈی ڈاکٹر یا نرس دور سے آتی ہے یا کوئی خاتون مریض ہے اس کے لئے کوئی جائے پناہ نہیں۔

سوشل میڈیا کے اسٹیبلشمنٹ مخالف عقاب افغان عبوری حکومت کے متعلق وزیرآعظم کے ایک بیان کو لے کر طوفان مچائے ہوئے ہیں۔ عوامی نیشنل پارٹی کی طرف سے تو باقاعدہ ایک بیان جاری کیا گیا ہے اور بیان کو افغانستان کے اندرونی معاملات میں مداخلت قرار دیتے ہوئے افسوس کا اظہار کیا گیا ہے۔ افغان اور بھارتی میڈیا نے اس بیان پر الگ سے کہرام مچایا ہوا ہے۔ ملکی سیاست میں اسٹیبلشمنٹ کی 70 سالوں سے مسلسل مداخلت یقینی طور

گزشتہ دو سال کے دوران بے شمار خوشخبریاں سنائی گئیں اور آج پھر قوم کو تین ہفتے مزید انتطار کرنے کا کہا گیا ہے۔ ابھی ہم 200 ارب ڈالر ملک میں آجائیں گے کی خوشخبری کی بات نہیں کریں گے۔ وزیراعظم ہاوس کو یونیورسٹی بنانے کا معاملہ بھی یاد نہیں دلائیں گے۔ قوم کو خوشخبریوں کا ایک عظیم پیکیج سب نے مل جل کر دیا تھا، کچھ نے دشمن قوتوں کو ووٹ کی طاقت سے شکست دینے کا کہا تھا کچھ عزت اور ذلت اللہ تعالی کے اختیار میں ہے کا ذکر کرتے پائے گا۔کچھ نے الیکشن کے بعد کے وقت کو تبدیلی کا سال کہا تھا۔ اس ملک میں ہر روز پانچ سو ارب روپیہ کی منی لانڈرنگ ہوتی تھی وہ ختم کرنے کی خوشخبری سنائی گئی تھی۔ اس ملک میں طاقت ور مافیا والے ماہانہ ایک ہزار ارب روپیہ کی کرپشن کرتے تھے وہ ختم کرنے کی خوشخبری دی گئی تھی۔ قوم کو ایک خوبصورت ٹرک کی جلتی بجھتی لائٹ کے پیچھے لگایا گیا تھا کہ پاکستان کشکول لے کر بھیک نہیں مانگے گا بلکہ اتنے پیسے آئیں گے تمام بیرونی قرضے اتار دیے جائیں گے اور پاکستان دنیا کو قرض دینے والے ملکوں میں شامل ہو جائے گا۔

پاکستان کا ایٹمی بلف اپنی جگہ برقرار ہے بھارت کا روایتی جنگ میں سبقت کا بلف دنیا کے سامنے ننگا ہو گیا ہے۔ بھارتیوں نے پاکستان پر رات کی تاریکی میں ناکام حملہ کیا اور پاکستانیوں نے دن کی روشنی میں جس طرح جواب دیا اس نے بھارتیوں کی روایتی ہتھیاروں میں سبقت کا تماشا بنا دیا ہے بھارتیوں نے پاکستانیوں کے جوابی حملے کا جواب نہیں دیا اور پاکستانیوں نے للکار کر دن کے اجالے میں معنی خیز حملہ کیا جس میں جنگی اہداف سے چند فٹ کے فاصلے پر میزائل مارے گئے اور بمباری کی گئی۔

پاکستانیوں نے بھارتیوں کو پیغام دیا تمہارا بالا کوٹ میں نشانہ چوک گیا تھا اور ہم تمہیں نشانے پر لے کر بھی چھوڑ رہے ہیں۔ پاکستانیوں نے بھارتی فضائیہ کو نو خیز حسینہ کی طرح ورغلایا اور اپنے پیچھے لگا کر اپنے علاقے میں لے آئے مار گرایا اور گرفتار پائلٹ جذبہ خیر سگالی کے طور پر بھارت کے حوالہ کر دیا۔ بالا کوٹ پر بھارتی حملہ ایک مکمل ناکام داستان ہے جو خفیہ اطلاعات، آپریشن اور نتایج کے حوالہ سے بھارتی فوجی اور انتہا پسند ہندو سیاسی قیادت دونوں کے لئے ڈوب مرنے کا مقام ہے۔

موجودہ دنیا معیشت کی دنیا ہے۔ بھارت ایک ارب صارفین کی منڈی ہے دنیا ان صارفین کی طرف للچائی نظروں سے دیکھتی ہے۔ یہاں کوئی اسلامی امہ نہیں صرف مارکیٹ ہے۔ بھارتی وزیرخارجہ اسلامی کانفرنس تنظیم کے اجلاس میں دھڑلے کے ساتھ جھوٹ بول رہی تھی۔پاکستان کی طرف اشارہ کرتے ہوئے کہہ رہی تھی ”دنیا کو دہشت گردی کی حمایت کرنے والی ریاستوں کے خلاف متحد ہونا چاہے“۔ اسلامی ممالک کے مندوب ڈیسک بجا کر اس بھارتی وزیر خارجہ کی تحسین کر رہے تھے جنہوں نے افغانستان کو ٹھکانا بنا کر اپنی پراکسیوں کے ذریعے پاکستان کو آگ اور خون میں نہلا دیا۔ سقوط ڈھاکہ کے روز آرمی پبلک سکول میں دہشت گردی کرنے والے دہشت گرد بھارتیوں کی پراکسی تھے۔ جی ایچ کیو پر ہی حملہ نہیں ہوا 70 ہزار پاکستانی بھی شہید ہوئے تھے اور دہشت گردی کا الزام بھی پاکستان پر۔

جنگ کا سودا مہنگا ہے اور ہم سدا کے غریب۔ آج کل تو ویسے ہی بے روزگاری کا موسم ہے۔ امریکی افغانستان سے اپنا پاندان اٹھا رہے ہیں اور ہمارے پاس اب بیچنے کو بھی کچھ نہیں بچا۔ ہم نے بھارتیوں سے نہیں لڑنا یہ ایٹمی میزائلوں کی باتیں تو صرف لہو گرم رکھنے کا بہانہ ہے حقیقت میں جنگ بہت مہنگی ہے۔ ہم صرف چھیڑ چھاڑ کرتے ہیں اگر اگلا بندہ سیریس ہو جائے تو ہم کمانڈو ہونے کے باوجود سارک کانفرنس میں واجپائی سے سلام کرنے پہنچ جاتے ہیں بھلے ہماری بے پناہ گرم جوشی کے جواب میں وہ صرف دو انگلیاں مصافحہ کے لئے بڑھائے کس کے منہ میں اتنے دانت ہیں وہ ہمیں واجپائی کا یار کہے۔

ہماری زنبیل میں ایٹم بم بھی ہیں لیزر گائیڈڈ میزائل بھی بے شمار ٹینک بھی دور مار توپیں بھی سارے جدید ہتھیار ہم رکھتے ہیں بس جنگ اچھی چیز نہیں۔ ہم ملک کو جنگ سے بچانے میں بہت سنجیدہ ہوتے ہیں اگلا جنگ پر تل جائے تو ہم کرکٹ ڈپلومیسی میں بھی ماہر ہیں چاہے راجیو گاندھی ہو ہم جنگ روکنے کے لئے کرکٹ میچ دیکھنے کے بہانے پہنچ جاتے ہیں۔

وزیراعظم نے پھر اعلان کیا ہے زرداری اور نواز شریف نے ملک لوٹا, انہیں این آر او دینا ملک سے غداری ہو گا۔ یہ بھی کہا کہ قومی خزانہ میں چوری کی وجہ سے ملکی قرضہ 30 ہزار ارب پر پہنچ گیا۔ خود کو پاک دامن ظاہر کر کے دوسروں کو چور کہنے والوں کے متعلق سپریم کورٹ نے حال ہی میں ایک فیصلہ دیا ہے۔ اس فیصلہ میں سیاسی جماعتوں کے غیرملکی فنڈنگ کے متعلق ہدایات دی گئی ہیں

فیض آباد دھرنا ختم کرنے کے لئے ریاست نے بھرپور کوشش کی لیکن زبردست پولیس ایکشن مکمل طور پر ناکام ہو گیا۔ پولیس افسران آف دی ریکارڈ کہتے سنے گے کہ اچانک مری روڈ سے تربیت یافتہ مظاہرین نمودار ہوئے جن کے پاس شاندار غلیلیں تھی جن میں خوفناک چکنے پتھر تھے پولیس جو اگلے پندرہ منٹ میں مولوی خادم حسین کو گرفتار کرنے کو تھی پسپا ہو گئی بہت سارے پولیس اہلکار ہسپتالوں میں پہنچ گئے اور پھر ”اپنے

لوگ ہر بات میں سازش تلاش کرتے ہیں۔ لاہور سے شادی میں شرکت کے لئے جانے والے خاندان کو خون میں نہلا دینے کے المناک سانحہ کے پیچھے بھی سازش تلاش کر رہے ہیں اس افسوسناک اور دل کو ہلا دینے والے واقعہ نے پوری قوم کی توجہ معاشی بحران، ادائیگیوں کے توازن میں نادہندگی کے خطرات اور حکومت کی حلیف جماعتوں کی طرف سے اچانک تحفظات ظاہر کرنے کے تمام معاملات سے ہٹا دی ہے۔ تمام نجی چینلز اور

ہمارے بچپن میں اکثر بازاروں میں لوگ سانڈے کا تیل فروخت کرتے تھے۔ بلا کے چرب زبان ہوتے تھے اور دائرے میں موجود ہر عمر کے لوگوں کی نفسیات سے کھیلنے کے ہنر سے واقف ہوتے تھے۔ یہ لوگ آخر میں کامیابی کے ساتھ چھوٹی چھوٹی شیشوں میں موجود تیل فروخت کر جاتے تھے۔ گاڑیوں میں مسافروں کو رقت بھرے لہجے میں المناک داستان سنا کر رقم مانگنے والے اور چٹکی بھر منجن سے دانتوں کو شیشے کی طرح چمکانے کا عملی مظاہرہ کرنے والے سب ایک جیسے ہیں۔

امریکیوں کو افغانستان میں جی ایچ کیو یا جنرل مشرف نہیں لایا تھا۔ افغانستان میں امریکی بھارتی اتحاد کے پیچھے بھی جی ایچ کیو کا کوئی جنرل نہیں تھا۔ بگرام ائر بیس پر پاکستان کے ایٹمی اثاثوں کو دہشت گردوں سے بچانے کے بہانے تعینات کردہ امریکیوں کی خصوصی ڈیلٹا فورس کے پیچھے بھی کوئی فوجی کمانڈر نہیں تھا۔ جنرل مشرف پر غداری کے جو الزامات دل کرے لگائیں کم از کم افغانستان میں اچھے اور برے طالبان کا جو

صحافیوں کو یقینی طور پر شعور ہے کہ نجی چینلز کی بہار کارگل کے بعد آئی تھی۔ نواز شریف آپریشن کی کامیابی کے بعد اس بہار کو خزاں میں تبدیل کرنے کا فیصلہ بھی انہوں نے کیا ہے جنہوں نے کبھی بھارتی میڈیا کو منہ توڑ جواب دینے کے لئے میڈیا کو آزاد کیا تھا۔

جو لوگ جانتے ہیں عام انتخابات میں عوامی ووٹ کی توہین کی گئی۔ جو لوگ جانتے ہیں الیکٹرانک میڈیا کے اینکرز کو پراپیگنڈہ کے لئے استعمال کیا گیا۔ جو لوگ جانتے ہین مولوی خادم کو مخصوص سیاسی مقاصد کے لئے استعمال کیا گیا تھا۔ جو لوگ جانتے ہیں جیپ کا انتخابی نشان دینے میں کسی نے کوئی کردار ادا کیا تھا۔ جو لوگ جانتے ہیں لبیک اور ملی مسلم لیگ بنانے کا فیصلہ نواز شریف کے ووٹ کاٹنے کے لئے کیا گیا تھا۔ جو لوگ جانتے ہیں نظام انصاف اور نیب کو مسلم لیگ، پیپلز پارٹی، نواز شریف اور آصف علی زرداری کو ہدف بنانے کے لئے استعمال کیا جا رہا ہے، وہ لوگ یہ بھی جانتے ہیں میڈیا میں ہزاروں لوگوں کی بے روزگاری کے پیچھے بھی ایک مخصوص حکمت عملی ہے۔

خود کش دھماکوں کے بے شمار زخمی دیکھے ہیں اور جسم سے جان نکلنے کے مناظر بھی رٹے جا چکے ہیں۔ دو دن پرانے اور ایک ہفتہ پرانے مردہ جسم کی بو بھی لاشعور میں پختہ ہو چکی ہے۔ دھماکوں کے فوری بعد انسانی جسم اور ذہن کا ردعمل کیسا ہوتا ہے اپنی آنکھوں سے متعدد بار دیکھا ہے۔ موت کیسے کسی کو چھوڑ دیتی ہے اور کسی کو اپنا لیتی ہے بہت تجربہ ہے۔ کوئی کس اطمینان سے خود

محترمہ بینظیر بھٹو کے لیاقت باغ جلسے سے نصف گھنٹہ قبل ہم نیوز کے رپورٹر اور روزنامہ جنگ کی اپنی خاتون کولیگ کے ساتھ قریب کے ہوٹل میں بیٹھے چائے پی رہے تھے۔ ہماری گفتگو کا موضوع رات کو خفیہ ایجنسی کے عہدیدار کی بینظیر بھٹو سے ملاقات اور اسی ہفتہ کوئٹہ میں بینظیر بھٹو کی جلسہ گاہ کے باہر ہونے والا بم دھماکہ تھا۔ پیپلز پارٹی کے بیٹ رپورٹر ہونے کی وجہ سے ہمیں پتہ تھا رات کو بینظیر

تین مرتبہ کے وزیراعظم کو سزا سنا دی، ہاتھ کیا آیا؟ عدالتوں سے سیاستدانوں کو سزا سنانے سے ان کا ووٹ بینک کم نہیں ہوتا، اس میں اضافہ ہوتا ہے۔ ذوالفقار علی بھٹو کے خلاف کرپشن اور مذہب کا چورن فروخت کیا لیکن یہ جماعت دو فوجی مارشل لاوں کو بھگت گئی اور آج بھی سینوں پر مونگ دل رہی ہے۔ نواز شریف کے بعد آصف علی زرداری کو بھی سزا سنا دیں، اس جماعت کو پھر سے زندہ کر

امریکی افغانستان سے واپس جا رہے ہیں لیکن کسی کو کچھ نہیں پتہ کس قیمت پر۔ سابق چیرمین سینٹ میاں رضا ربانی گزشتہ روز ایوان میں خارجہ پالیسی کا نوحہ پڑھ رہے تھے۔ وہ کہتے تھے عوام کے منتخب نمائندوں سے خارجہ پالیسی کی ملکیت چھین لی گئی ہے۔ ہمیں نہیں معلوم سابق چیرمین سینٹ کتنے معصوم ہیں اور وہ کس دور کی بات کر رہے تھے جب خارجہ پالیسی کی ملکیت پارلیمنٹ کے پاس تھی۔ قوم کو کچھ نہیں

عاطف میاں کو اقتصادی مشاورتی کمیٹی سے ہٹائے جانے کو لے کر سوشل میڈیا پر متفکرین کا کہرام جاری ہے۔ یار لوگ دور دور کی کوڑیاں لا رہے ہیں۔ طنزیہ پیرا گراف لکھے جا رہے ہیں۔ مفکرین کے رونے پیٹنے سے لگتا ہے گویا پاکستان دنیا کی سپر پاور بننے جا رہا تھا جو اب ممکن نہیں رہا۔ عاطف میاں نے آنے سے پہلے پاکستان کی معاشی ترقی کا جو نقشہ پیش کیا تھا اس کو ہم نے غور سے

ان کے پاس ایک جادو کی چھڑی ہے گھمائیں گے پاکستان کی برامدات جنگی رفتار سے بڑھنا شروع ہو جائیں گی۔ جب برامدات بڑھ جائیں تو ادائیگیوں کے توازن کامسئلہ چٹکی بجاتے ہی حل ہو جاتا ہے۔ پھونک ماریں گے بیرون ملک مقیم پاکستانی دھڑا دھڑ اپنی تمام جمع پونجی پاکستان بھیجنا شروع کر دیں گے۔ ان کی آنکھ کا ایک اشارہ ہو گا بیرون ملک چھپائے گئے اربوں ڈالر پاکستان آجائیں گے۔ یہ اپنی چھڑی سے ان تمام جگہوں

گزشتہ روز ورکشاپ گاڑی کی مرمت کرانے گئے زیادہ کام نکل آیا رات کے آٹھ بج گئے۔ نوٹس کیا ساتھ ساتھ میں درجن بھر مکینک اکھٹے بیٹھے موبائل فون پر مصروف ہیں۔ تجسس ہوا جا کر دیکھا تمام مکینک جن میں سات آٹھ چھوٹے اور تین چار استاد تھے اپنے فون پر مختلف چینلز کی خبریں دیکھ رہے تھے۔ کچھ معلوماتی ویڈیو اور ایک دو تو اخبارات کی ان لائیں خبریں پڑھ رہے تھے۔ خوشگوار حیرت ہوئی ان کے ساتھ

2014 میں بین الاقوامی فوجیں افغان جنگ کی کامیابی کے اعلانات کے لہراتے پھرپھراتے جھنڈے تلے اپنے ملکوں میں واپس جا رہی تھیں امریکیوں کے لئے سنہری موقع تھا پتلی گلی سے نکل جاتے انگریزوں اور سوویت یونین کی طرح وعدہ کر لیتے پھر کبھی یہاں نہیں آئیں گے۔ برا ہو ان تمام اہداف اور تمام قوتوں کا جنہوں نے امریکیوں کو پھنسا لیا ورغلا لیا۔ اگر افغانستان میں قیام کا مقصد پاکستان کی تباہی تھی ایٹمی اثاثوں پر ہاتھ

کوئی پروگرام نہیں ملکی معیشت کس طرح مستحکم کرنا ہے۔ برامدات میں اضافہ کی حکمت عملی کیا ہو گی۔ ٹیکس وصولی میں کس طرح اضافہ کرنا یے۔ سرمایہ کاروں کا اعتماد کیسے بحال ہو گا ادائیگیوں کے توازن کی جو تلوار سر پہ لٹک رہی ہے اس سے کس طرح جان بچائی جائے گی۔ صنعتکاروں کو کس طرز کی ترغیبات دی جائیں وہ اپنی بیمارصنعتیں چلائیں ان صنعتوں کے واجب قرضے ری شیڈول کریں نئی صنعتوں کے قیام کے لئے

ہم بدترین میڈیا کے دور میں زندہ ہیں۔ مفادات کے تحفظ میں وہ سانپ بن چکے ہیں جو اپنی ہی نسل کو کھا جاتا ہے۔ جھوٹ، فراڈ، دھوکہ اور مکاری نئی نسل کو سیکھا رہے ہیں اس پر فخر بھی کرتے ہیں۔ میڈیا جب کسی معاملہ پر پوزیشن لے لے تو وہ میڈیا نہیں رہتا پارٹی بن جاتا ہے اور جب میڈیا پارٹی بن جائے تو معاشرہ سچ سے محروم ہو جاتا ہے جھوٹ اور دھوکہ دہی کا شکار ہو

جھوٹ اور فراد کا بوجھ اٹھانا ممکن نہیں ہوتا یہ پلٹ کر آتا ہے جھوٹ کی بنیادوں پر قائم عمارت گرتی ہے معمار اس کے بوجھ تلے دب مرتے ہیں یہ تاریخ کا سبق ہے اور بار بار دہرایا جاتا ہے۔ ابھی عشق کی ابتدا ہے مدینہ کی مثالی ریاست کے خدوخال سامنے انے لگے ہیں کچھ وقت گزرے گا سب کچھ صاف صاف سامنے آجائے گا۔ کہتے ہیں وزیر اعظم نے عید کی نماز نہیں پڑھی تو ذاتی فعل

نومنتخب وزیراعظم نے اعلان کیا ہے کسی کو این آر او نہیں ملے گا انہوں نے کینٹنر دھرنے اور ڈاکو کے الفاظ اسی طرح استمال کیے جیسے اپوزیشن لیڈر کے طور پر استمال کرتے تھے۔ تبدیلی کا بہت مایوس کن آغاز ہے عمران خان کو کم از کم ایک سال ملنا چاہے تاکہ مدینہ کی مثالی ریاست کے دکھائے گئے خواب کی تعبیر مل سکے۔ ایوان میں پہلے روز جو تقریر کی گئی وہ نومنتخب وزیراعظم کے بلند آہنگ دعووں

پہنچے ہوئے فنکار ہیں۔ بازی گر ہیں کھلا دھوکہ دیتے ہیں کبھی مدینہ کی مثالی ریاست فروخت کرتے ہیں اور مسلم لیگ ن میں نقب لگا کر 15 اراکین صوبائی اسمبلی کو خرید کر نئے پاکستان کا آغاز کرتے ہیں۔ تبدیلی حقیقت میں آ نہیں رہی آ گئی ہے۔ یہ نیا پاکستان ہے جس میں وہی کام کیا ہے جس کا الزام کبھی مسلم لیگ نواز پر لگایا جاتا تھا۔ 2013 کے انتخابات میں خیبر پختونخواہ میں کبھی بھی تحریک

ملکوں کی معیشت سیاسی استحکام اور اقتصادی پالسیوں کے تسلسل سے مضبوط ہوتی ہے۔ سیاسی بے یقینی، فراڈ الیکشن اور ریاستی اداروں کے یکطرفہ اور غیر آئینی اقدامات سے معاشی تباہی تو ممکن ہے معاشی استحکام کا سوال ہی پیدا نہیں ہوتا۔ معاشرے کا آئینہ سمجھے جانے والے میڈیا کا گلا گھونٹ دیا جائے تو عوام کو مودی کا یار، بد عنوانی اور مذہب کے نام پر جھوٹ بول کر گمراہ کرنا تو ممکن ہے لیکن حب الوطنی کا لباس

امریکیوں کو اصل خوف چینیوں سے ہے۔ چینی بہت تیزی کے ساتھ عالمی بساط پر امریکیوں کو مات دیتے جا رہے ہیں۔ ون بیلٹ ون روڈ منصوبہ چینیوں کی ناقابل شکست عالمی سبقت کا منصوبہ ہے اور سی پیک چینوں کے ون بیلٹ ون روڈ منصوبے کا مرکز ہے۔ سی پیک کی تکمیل امریکیوں کے ساتھ بھارتیوں اور جاپانیوں کے لئے بھی ایک ڈراونا خواب ہے۔ بھارتیوں کو خوف ہے اس منصوبے کی تکمیل سے پاکستان بھی ناقابل شکست ہو

آرمی چیف کی درخواست پر قوم نے اپنے ووٹ کی طاقت سے دشمن قوتوں کو شکست فاش دے دی ہے اور محب وطن قوتیں کامیاب ہو چکی ہیں، قوم سے کی گئی درخواست میں لفظ Inimical forces کا لفظ استعمال کیا گیا تھا ہم نے ڈکشنری سے رجوع کیا تو اس کا مطلب نقصان دہ، خطرناک وغیرہ ملے اور جو طاقت خطرناک اور نقصان پہنچانے والی ہو تو وہ ہرگز محب وطن نہیں ہو سکتی اور ان کا خاتمہ ووٹ

تحریک انصاف کے سربراہ نے کراچی جلسہ میں الزام عائد کیا ہے عالمی اسٹیبلشمنٹ ان کے خلاف ہے اور انہیں ہرانا چاہتی ہے جبکہ ہمارے پاس بے شمار دلائل ہیں حقیقت میں عمران خان کو عالمی اسٹیبلشمنٹ کی بھر پور معاونت حاصل ہے جو عمران خان کے حریف میاں نواز شریف کی راہ میں دیدہ اور نہ دیدہ رکاوٹیں کھڑی کر رہی ہے۔ پاکستان میں امریکہ اور اس کے حواری ممالک کے ساتھ ساتھ یہودی اور ہندو لابی کو پاکستان

دنیا کے بیشتر ممالک جہاں جمہوریت موجود ہے وہاں جنرل الیکشن ہوتے ہیں، عوام آزادی کے ساتھ حق رائے دہی استمال کرتے ہوئے اپنے نمائندوں کا انتخاب کرتے ہیں، جن ملکوں میں جنرل الیکشن ہوتے ہیں ان میں بیشتر مغربی ممالک ہیں جبکہ انڈونیشا، ملایشیا اور ترکی جیسے تین ممالک بھی ان میں شامل ہیں ان ملکوں نے طویل جدوجہد کے بعد میجر جنرل انتخابات سے نجات حاصل کی اور اب ان ملکوں میں جمہوریت مستحکم ہو چکی ہے عوام

سابق وزیرخزانہ اگر ریڈ ورانٹ سے نہیں آ تے ایک اعلی سطحی وفد بھیجا جائے اور درخواست کر کے انہیں وطن واپس لایا جائے، ملک میں لانے کے بعد خوشامد کی جائے اور منت کی جائے کہ وہ اپنی روایتی چالاکی سے کام لیتے ہوئے عالمی مہاجن آئی ایم ایف حکام سے بات چیت کریں اور انہیں روپیہ کی قدر میں کم کمی پر آمادہ کریں۔ یہاں تو لگتا ہے خاتون وزیر خزانہ جنہیں چند سال پہلےگورنر اسٹیٹ بینک بھی