امریکہ کے ایوانِ نمائندگان کے ری پبلکن ارکان نے اپنی ہی پارٹی کے صدر ڈونلڈ ٹرمپ کی جانب سے کرونا وائرس امدادی بل میں ترمیم کے مطالبے کی منظوری روک دی ہے۔

ایوانِ نمائندگان میں ڈیموکریٹس نے جمعرات کو کرونا امدادی پیکج میں ایک فرد کو دو ہزار ڈالر اور جوڑے کی صورت میں چار ہزار ڈالر کی رقم بطورِ امداد دینے کے صدر ٹرمپ کے مطالبے کو منظور کرنا چاہا تو ری پبلکن ارکان نے اس کی مخالفت کی۔

امریکہ میں آبادی میں اضافے کی رفتار 2019 سے 2020 کے دوران گزشتہ 120 برسوں کی کم ترین سطح پر رہی۔ یہ اعداد و شمار منگل کو امریکی سینسس بیورو نے جاری کیے ہیں۔ ماہرین کا کہنا ہے کہ آبادی میں اس کمی کی وجہ کرونا وائرس سے بڑی تعداد میں ہلاکتیں ہے۔

دی بروکنگز انسٹی ٹیوٹ کے میٹرو پولیٹن پالیسی پروگرام کے سینئر فیلو ولیم فرے کا کہنا ہے کہ امریکہ میں پچھلے کئی برسوں سے امیگریشن پر پابندیوں اور شرح پیدائش میں کمی کے باعث پہلے ہی آبادی میں اضافے میں کمی دیکھنے میں آ رہی تھی، مگر کرونا وائرس کی وجہ سے ہونے والی ہلاکتوں کے باعث یہ کمی زیادہ محسوس کی جا رہی ہے۔

ویب ڈیسک — کرونا کی عالمی وبا دنیا کے آخری حصے تک پہنچ گئی۔ برِاعظم انٹارکٹیکا میں بھی کرونا وائرس کے کیسز سامنے آ گئے ہیں جس کے بعد یہ عالمگیر وبا دنیا کے ساتوں براعظموں تک پہنچ گئی ہے۔

امریکہ میں حال ہی میں منظور کی جانے والی کرونا سے بچاؤ کی ایک اور ویکسین کی تقسیم کا آغاز کر دیا گیا ہے۔

اتوار کو امریکی دوا ساز کمپنی ‘موڈرنا’ کی تیار کی گئی ویکسین کی خوراکیں ملک بھر میں صحت کے مراکز میں پہنچانے کا سلسلہ شروع کر دیا گیا۔

حکام کا کہنا ہے کہ پیر کی صبح سے لوگوں کو ویکسین لگانے کا عمل شروع ہو جائے گا۔

‘فائزر’ کے بعد ‘موڈرنا’ دوسری کمپنی ہے جس کی ویکسین کو امریکی حکام نے کرونا وائرس کے وبائی مرض کے خلاف ہنگامی بنیادوں پر استعمال کی اجازت دی تھی۔

ویب ڈیسک — امریکی نائب صدر مائیک پینس اور ان کی اہلیہ سیکنڈ لیڈی کیرن پینس نے جمعرات کے روز اپنی کرونا وائرس کی ویکسین کی پہلی خوراک لائیو ٹی وی پر لی۔ یہ اقدام عوام کو کرونا ویکسین کے محفوظ ہونے کی یقین دہانی کروانے کے لیے اٹھایا گیا۔

امریکی ماہرین کے ایک پینل نے کرونا کے خلاف ایک اور ویکسین کے فوری استعمال کی توثیق کر دی ہے۔ یہ منظوری جمعرات کو دی گئی۔ اس طرح اب امریکہ میں کرونا سے بچاؤ کے لیے دو ویکسینز استعمال کی جا سکیں گی۔

امریکہ میں خوراک و ادویات کے نگراں ادارے، فوڈ اینڈ ڈرگ ریگولیشن ایجنسی (ایف ڈی اے) کے غیر جانبدار ماہرین کی کمیٹی نے سات گھنٹے کے غور و خوض کے بعد ووٹ دیا اور امریکی دوا ساز کمپنی ‘موڈرنا’ کی تیار کردہ ویکسین کے استعمال کی سفارش کی۔

امریکہ کے نو منتخب صدر جو بائیڈن نے ڈیمو کریٹک پارٹی کے ٹکٹ کے لیے صدارتی نامزدگی کی دوڑ میں شامل رہنے والے پیٹ بٹیجج کو وزیرِ ٹرانسپورٹ نامزد کر دیا ہے۔

ساؤتھ بینڈ، انڈیانا کے سابق میئر پیٹ بٹیجج جب ڈیمو کریٹک پارٹی کے صدارتی اُمیدواروں کی دوڑ میں شامل ہوئے تو بعض حلقوں کی جانب سے اس پر حیرانگی کا اظہار کیا گیا۔ وہ کھلے عام ہم جنس پرست ہونے کا اعتراف کرنے والے پہلے ڈیموکریٹک اُمیدوار تھے جنہیں کچھ ڈیلیگیٹس کی حمایت بھی حاصل ہوئی۔