برطانوی پارلیمان نے بریگزٹ ڈیل مسترد کر دی
برطانوی وزیرِ اعظم کی جانب سے پیش کردہ بریگزٹ معاہدہ ملکی پارلیمان نے 230 ووٹوں سے مسترد کر دیا گیا ہے جبکہ جیمری کاربن نے حکومت کے خلاف عدم اعتماد کی تحریک پیش کر دی ہے۔
وزیرِ اعظم ٹریسا مے کو ہونے والی یہ شکست کسی بھی موجودہ برطانوی حکومت کی تاریخ کی سب سے بڑی شکست ہے۔
ارکانِ پارلیمان نے 202 کے مقابلے میں معاہدہ کو مسترد کرنے کے لیے 432 ووٹ دیے۔ اس معاہدے میں برطانیہ کے یورپی یونین سے 29 مارچ کو انخلا کے لیے شرائط طے کی گئی تھیں۔
اسی بارے میں
بریگزٹ: کیا برطانیہ تاریخی بحران کی طرف بڑھ رہا ہے؟
لیبر پارٹی کے رہنما جیرمی کوربن نے حکومت کے خلاف عدم اعتماد کی تحریک پیش کر دی ہے جو کامیاب ہو گئی تو عام انتخابات کا انعقاد کیا جائے گا۔
ٹریسا مے نے کہا ہے کہ بدھ کو اس تحریک کے حوالے سے مباحثے کا وقت دیں گی۔
ڈیموکریٹک یونینسٹ پارٹی کے ذرائع نے بی بی سی کو بتایا کہ وہ عدم اعتماد میں مسز مے کا ساتھ دیں گے۔
اگر تحریکِ عدم اعتماد کامیاب ہوتی ہے تو حکومت یا اکثریت کے ساتھ اقتدار سنبھالنے کی اہلیت رکھنے والی جماعت کے پاس 14 دن ہوں گے کہ وہ پارلیمان سے اعتماد حاصل کرے۔ اگر وہ ایسا کرنے مںی کامیاب نہیں ہوتے تو ملک مںی عام انتخابات کا انعقاد کروایا جائے گا۔
Facebook Comments - Accept Cookies to Enable FB Comments (See Footer).