تبدیلی کی رات: ’جب ڈالر 140 سے گر کر 76 روپے کا ہو گیا‘
گذشتہ سال پاکستانی روپے پر کافی بھاری رہا اور 12 ماہ کے عرصے میں پانچ مرتبہ ڈالر کے مقابلے میں اس کی قدر میں کمی ہوئی۔
2018 کے آغاز میں ایک ڈالر پاکستانی 110 روپے کا تھا، دسمبر 2018 کے آخر میں بتدریج کمی کے بعد یہ 139 روپے تک پہنچ گیا۔
لیکن 15 اور 16 جنوری کی درمیانی شب جب پاکستانی سوشل میڈیا پھر متحرک رہنے والے ڈاکٹر فرحان ورک نے جب اپنی ٹویٹ میں سوال کیا کہ ‘گوگل پر ڈالر کا یہ ریٹ کیوں آرہا ہے’ تو اس کے بعد تو جیسے ٹوئٹر پر بھونچال سا آ گیا۔
اس ٹویٹ میں دیکھا جا سکتا تھا کہ گوگل ڈالر کی شرحِ تبادلہ 76 روپے کے لگ بھگ دکھا رہا تھا۔
جب گوگل پر ہی روپے کے مقابلے میں یورو کی قیمت جانچی گئی تو وہ بھی 158 روپے سے گر کر 87 روپے پر نظر آئی اور برطانوی پاؤنڈ 178 روپے سے گر کر 98 روپے پر نظر آیا۔
https://twitter.com/FarhanKVirk/status/1085257747157917696
اس کے بعد واٹس ایپ ہو یا ٹوئٹر، ہر جگہ پر سب کی زبانوں پر ایک ہی سوال تھا، کیا ڈالر کی قیمت واقعی اتنی گر گئی ہے اور کیا فوراً انھیں خرید لیا جائے۔
قدر میں تبدیلی کی یہ باتیں ایک ایسے وقت میں ہو رہی تھی جب برطانیہ میں بریگزٹ پر ہونے والا معاہدہ پارلیمان سے منظور نہیں ہو سکا تھا، تو کئی لوگوں کی ذہنوں میں یہ سوال بھی اٹھا کہ آیا یہ تبدیلی اصل ہو۔
فرحان ورک نے اس پر ٹویٹ کرتے ہوئے لکھا کہ ‘سب دعائیں کریں کہ گوگل سچا نکل آئے اور یہ کرنسی کی قیمت برطانیہ میں بریگزٹ ڈیل کی ناکامی کی وجہ سے بڑھی ہو۔’
تحریکِ انصاف کے حامی یہ صارف اس خیال سے بھی پرجوش دکھائی دیے کہ ایسا ہونے سے تو ’پاکستان کا قرضہ بھی خودبخود آدھا رہ جائے گا۔‘
https://twitter.com/FarhanKVirk/status/1085276283595120643
رات گئے ہونے والی اس تبدیلی پر ایک صارف نے لکھا کہ میں کتنا خوش قسمت ہوں کہ میں نے ڈالر کو روپے کے مقابلے میں صرف 76 روپے میں دیکھا اور جو لوگ سو رہے ہیں ان کے لیے یہ وقت دوبارہ کبھی نہیں آئے گا۔
How lucky I'm I saw #dollar equal to 76 pkr in my life those who're sleeping can't see this time again thanks #Google pic.twitter.com/NVz5t2QEMP
— Talha Memon (@its__Talha) January 15, 2019
صارف فضا خان غوری نے اس پر سوال اٹھایا کہ کیا یہ کوئی غلطی ہے یا واقعی تبدیلی آگئی ہے۔
Glitch or Tabdeeli? 🤔🤔🤔 #usdtopkr #google #tabdeeli pic.twitter.com/DItBIkWxOX
— Fizzah Khan Ghouri (@imfizzahkhan_) January 15, 2019
وزیر اعظم عمران خان نے اپنے انتخابی مہم میں متعدد بار وعدہ کیا تھا کہ وہ ڈالر کی قدر میں کمی لا ئیں گے۔ انھی وعدوں کا حوالے دیتے ہوئے چند صارفین نے عمران خان کا شکریہ ادا کیا تو وہیں دیگر نے عمران خان کی وزیر خزانہ اسد عمر کو سراہا۔
Thank you Imran Khan#pakistan #us #dollar pic.twitter.com/gvyDER69vE
— abrar ulhaq gurmani (@abrar_gurmani) January 16, 2019
اور پاکستانیوں کا خاصا ہے کہ وہ ہر معاملے کو سیاسی رنگ دیتے ہیں اور ایسا ہی کچھ یہاں بھی دیکھنے میں آیا۔
گذشتہ روز حزب اختلاف کے مل بیٹھنے پر ایک صارف نے تبصرہ کیا کہ پاکستان مسلم لیگ نواز کا پاکستان پیپلز پارٹی سے اتحاد کے بعد اب گوگل نے بھی پاکستان تحریک انصاف سے اتحاد کر لیا ہے۔
After PMLN's alliance with PPP
Google made an alliance with PTI#usdtopkr pic.twitter.com/r9DwniRvY9— Sheikh Abdullah 🇵🇰 (@iSheikhAbdullah) January 16, 2019
اس کے علاوہ سوشل میڈیا پر حال ہی میں جاری ایک نیا ٹرینڈ #10yearchallenge کے نام سے جاری ہی جس میں صارفین اپنی دس سال پرانی تصویر کو اپنی تازہ ترین تصویر کے ساتھ پیش کرتے ہیں۔
اس حوالے سے کئی لوگوں نے تبصرہ کیا کہ گوگل نے ڈالر کی قیمت میں کمی اسی چیلنج کے پیش نظر دکھائی ہے۔
Google left everyone behind in the 10years ago challenge!🙌🏼#Google #usdtopkr #dollar pic.twitter.com/JXB6gPjA2p
— Maryam (@maryamabbas802) January 16, 2019
لیکن ان تمام خوش فہمیوں پر پانی پھیرتے ہوئے صحافی عمر علی نے ٹویٹ کی کہ انٹرنیٹ پر دو بڑے سرچ انجن، گوگل اور بنگ دونوں ہی کرنسی کی قدر کے لیے معلومات جس ذریعے سے حاصل کرتے ہیں شاید اُس میں کچھ خرابی تھی کیونکہ دیگر ذرائع سے درست ریٹس دکھائی دے رہے تھے۔
Both Google and Bing take their currency exchange data from @MorningstarInc. Perhaps that is where the current glitch lies. Otherwise, Reuters, Bloomberg, XE and Yahoo has USD to PKR at the normal rates. #Dollar
— Umer Ali (@IamUmer1) January 15, 2019
اس پر صارف برہان رضا نے لکھا کہ ’تھی تو یہ غلطی لیکن اس کی وجہ سے ملنے والی خوشی کے نتیجے میں تقریباً دل کا دورہ پڑ گیا تھا۔‘
Just a glitch,almost had an heart attack from the happiness #usdtopkr 😂
— Burhan Raza (@BurhanRaza1) January 15, 2019
صارف کرن بھی لکھتی ہیں کہ ’یہ تو معلوم تھا کہ ایسا نہیں ہو سکتا لیکن دل ہی دل میں دعائیں جاری تھیں کہ یہ درست ثابت ہو۔‘
When you know its not possible but somewhere in your heart you’re still praying! 😂 #dollar #usdtopkr
— Potato face (@ImKiranTariq) January 15, 2019
اور بدھ کی صبح تک لوگوں کے ارمانوں کو دغا دیتے ہوئے وہ غلطی بھی درست کر دی گئی اور گوگل پر ڈالر کی قیمت واپس 140 تک پہنچ گئی۔ ماہرین کا کہنا ہے کہ اس فرق کی وجہ ممکنہ طور پر تکنیکی خرابی ہو سکتی ہے لیکن گوگل کی جانب سے فی الحال اس حوالے سے کچھ نہیں کہا گیا ہے۔
Reality hitting hard again! 🙃#Google #usdtopkr #dollar pic.twitter.com/r42biKR4bA
— Maryam (@maryamabbas802) January 16, 2019
منگل کی شب کے وہ چند گھنٹے ہی شاید وہ وقت تھا جس کے بارے میں غالب کہہ گئے تھے کہ ’دل کے بہلانے کو غالب یہ خیال اچھا ہے۔۔۔‘
- ’سہیل سلیم کو نوکری پر رکھنے والوں کا بھی احتساب ہونا چاہیے‘: احسان اللہ کی انجری کی غلط تشخیص کرنے پر پی سی بی ڈائریکٹر مستعفی - 02/05/2024
- ’جب تک زندہ ہوں دلتوں کے کوٹے کو مسلمانوں میں تقسیم نہیں ہونے دوں گا‘: مودی مسلمان مخالف بیانیے سے کیا پیغام دینا چاہتے ہیں؟ - 02/05/2024
- ڈیٹنگ ایپ سے قطری جیل تک: جب ’جیو‘ کی تلاش میں ایک شخص پولیس کے چُنگل میں پھنس گیا - 02/05/2024
Facebook Comments - Accept Cookies to Enable FB Comments (See Footer).