پاکستان کے خلاف دوسرے کرکٹ ٹیسٹ کے چوتھے دن آسٹریلیا کی ٹیم کھیل پر حاوی ہے اور اننگز کی شکست کے خطرے سے دوچار پاکستانی ٹیم کی دوسری اننگز میں بھی پانچ وکٹیں گر چکی ہیں۔ اب سے کچھ دیر قبل تک پاکستان نے 201 رنز بنا لیے تھے اور اسے اننگز کی شکست سے بچنے کے لیے مزید 86 رنز درکار ہیں۔ میچ کا مکمل سکور کارڈ اس وقت کریز پر محمد رضوان اور افتخار احمد موجود ہیں اور

انڈیا میں سوشل میڈیا پر صبح جب بالی وڈ اداکارہ ‘پرینکا چوپڑا’ کا ٹرینڈ دیکھا تو یہ خیال آیا کہ یکم دسمبر کو ان کی شادی کی سالگرہ کے حوالے سے بات ہو رہی ہوگی۔ لیکن جب مسلسل کئی ٹویٹس پر نظر گئی تو مقبولیت اور حماقت دونوں کا بیک وقت احساس ہوا۔ دراصل گذشتہ روز انڈیا کے دارالحکومت دہلی میں کانگریس پارٹی کی ایک ریلی میں ‘پرینکا چوپڑا زندہ باد’ کے نعرے لگائے گئے۔ نعرہ لگانے والے کو اس

برطانیہ کی یونیورسٹی آف ایسٹ اینگلیا سے تعلق رکھنے والے ادبی سکالر لائبریری میں معروف رومن مؤرخ ٹیسیٹس کے ترجمے ڈھونڈ رہے تھے جب ان کے ہاتھ 42 صفحات پر مشتمل ایک مسودہ لگا جو انتہائی خاص قسم کے کاغذ پر لکھا گیا تھا۔ یہ وہی کاغذ تھا جسے 1590 کے ٹیوڈر دربار میں ’خاص درجہ‘ حاصل تھا۔ اور اس خاص کاغذ پر لکھی گئی تحریریں ایک ایسی کتاب کا ترجمہ تھیں جس میں ٹیسیٹس نے شہنشاہیت کے فوائد کے

آپ کے پاس 20 روپے کا نوٹ ہو گا؟ گبھرائیں نہیں۔ ہم آپ سے اُدھار نہیں مانگ رہے۔ صرف اِس نوٹ کی اصل قدر و قیمت کا احساس دلانے کی کوشش کر رہے ہیں۔ شاید آپ کے نزدیک 20 روپے کے اِس نوٹ کی کوئی خاص وقعت نہ ہو لیکن پاکستان میں ایک جگہ ایسی ضرور ہے جہاں بیس روپے کا یہ معمولی نوٹ 20 ہزار کی مالیت کا لگنے لگتا ہے۔ اُس جگہ کا نام موئن جو دڑو ہے۔

روجا اگناتووا خود کو کرپٹو کرنسی کی رانی یا ’کرپٹو کوئین‘ کہلوانا پسند کرتی تھیں۔ وہ لوگوں کو بتاتی تھیں کہ انھوں نے بِٹ کوائن کے مقابلے میں ایک نئی کرپٹو کرنسی ایجاد کر لی ہے اور لوگوں کو چاہیے کہ وہ اربوں ڈالر کا سرمایہ اس کرنسی میں لگا دیں۔ اور پھر دو سال پہلے، روجا اچانک غائب ہو گئیں۔ جیمی بارٹلٹ گذشتہ کئی ماہ سے یہ کھوج لگانے کی کوشش میں رہے ہیں کہ کرپٹو کوئین آخر گئیں

حکمراں جماعت پاکستان تحریکِ انصاف (پی ٹی آئی) کے سینیئر رہنما اور سپریم کورٹ کے وکیل حامد خان کی اتوار کے روز پارٹی کی بنیادی رکنیت معطل کر دی گئی ہے۔ پارٹی کے جنرل سیکریٹری عامر محمود کیانی کی جانب سے حامد خان کو ایک شوکاز نوٹس جاری کیا گیا ہے جس میں انھیں کہا گیا ہے کہ انھوں نے متعدد بار بلاجواز پارٹی کے خلاف پرنٹ اور الیکٹرانک میڈیا میں بات کی ہے۔ نوٹس میں بتایا گیا ہے کہ

پیشاب کا سیمپل موصول ہونے پر سنیما ہال کو لوگوں سے خالی کروا کر آس پاس کی سڑکیں بھی بند کر دی گئیں جبکہ فائر فائٹرز موقع پر پہنچ گئے (فائل فوٹو) امریکہ کی ریاست واشنگٹن میں ایک سنیما گھر کو اس وقت لوگوں سے خالی کروانا پڑا جب اسے ایک پیکج میں انسانی پیشاب موصول ہوا۔ اس پیکج پر ’شدید متعدی انسانی مواد‘ تحریر تھا اور اسے غلطی سے نارتھ بینڈ شہر کے نارتھ بینڈ تھیٹر میں جمعے کی

’اگر آپ کی امید ٹوٹ جائے تو پھر کچھ باقی نہیں رہتا‘ تعلیم کے شعبے سے وابستہ آسٹریلوی شہری ٹموتھی ویکس نے ایک طویل عرصے تک افغانستان میں طالبان کی قید بھگتنے کے بعد کہا ہے کہ انھیں طالبان سے کوئی نفرت نہیں بلکہ رہائی پانے پر وہ کچھ سے گلے مل کر آئے ہیں۔ طالبان اور امریکی حکام کے درمیان قیدیوں کے تبادلے کے نتیجے میں ٹموتھی ویکس اور ایک امریکی شہری کیون کنگ کو رہائی نصیب ہوئی ہے۔

پہلی مرتبہ ان بین البراعظمی میزائلوں کو رات کے وقت تجربہ کیا گیا ہے انڈیا کی بری فوج نے ہفتے کو پہلی مرتبہ جوہری ہتھیار لے جانے کی صلاحیت رکھنے والے اور طویل فاصلے پر مار کرنے والے اگنی تین بلاسٹک میزائل کا رات کے وقت تجربہ کیا ہے۔ انڈیا کے سرکاری خبررساں ادارے کی طرف سے جاری کی گئی خبروں کے مطابق اس تجربے کے نتائج کا تاحال انتظار ہے جب کہ انڈیا کے کئی نشریاتی ادارے سطح سے

چین کئی سالوں سے ایسے ضوابط نافذ کرنا چاہ رہا ہے تاکہ انٹرنیٹ استعمال کرنے والا ہر شخص اپنے ‘حقیقی نام’ سے ہی انٹرنیٹ استعمال کرے چین میں اب لوگوں کو نئی موبائل فون سروسز کے حصول کے لیے اپنے چہروں کو سکین کروانا لازم ہوگا۔ یہ اقدام حکام کی جانب سے ملک کے کروڑوں انٹرنیٹ صارفین کی شناختوں کی تصدیق کے لیے اٹھایا گیا ہے۔ نئے ضوابط کا اعلان ستمبر میں کیا گیا تھا اور انھیں اتوار کو نافذ

لندن برِج حملے میں چاقو کے وار سے ہلاک ہونے والے 25 سالہ نوجوان جیک میرٹ کے والد نے اپنے بیٹے کو کچھ یوں بیان کیا ہے: ‘ایک خوبصورت نوجوان جس نے ہمیشہ کمزور کا ساتھ دیا۔’ اس حملے میں ایک خاتون بھی ہلاک ہوئیں مگر ابھی تک ان کی شناخت نہیں ہو سکی۔ اس کے علاوہ تین افراد زخمی بھی ہوئے ہیں۔ حکام نے اس حملے کو دہشت گردی کا واقعہ قرار دیا ہے۔ قانون اور جُرمیات میں تعلیم

پاکستان کے صوبہ پنجاب کے شہر لاہور کی پولیس نے شہر کے مال روڈ پر طلبا یکجہتی مارچ کے سینکڑوں شرکا کے خلاف مقدمہ درج کر لیا ہے۔ جمعے کے روز لاہور سمیت پاکستان بھر میں سینکڑوں طلبا اپنے حقوق کے مطالبہ کرتے وئے سڑکوں پر نکل آئے اور انھوں نے اپنا احتجاج ریکارڈ کرایا۔ لاہور میں احتجاج کا حصہ بننے پر پولیس نے مشال خان کے والد اقبال لالا کو بھی ایف آئی آر میں نامزد کیا ہے۔ مشال

سیب کی ایک نئی قسم جسے تیار کرنے میں دو دہائی کا عرصہ لگا ہے، کو ممکنہ طور پر ایک سال تک فریج میں بغیر خراب ہوئے رکھا جا سکتا ہے اور اتوار سے امریکہ میں اس کی فروخت شروع ہو رہی ہے۔ سیب کی اس نئی قسم کو ’کاسمک کرسپ‘ کا نام دیا گیا ہے اور یہ ہنی کرسپ اور انٹرپرائز سیب کی پیوند کاری سے وجود میں آیا ہے۔ اسے پہلی بار سنہ 1997 میں واشنگٹن سٹیٹ یونیورسٹی

پاکستان میں مختلف شعبہ ہائے زندگی کی طرح کھیلوں کے انتظامی معاملات میں بھی مسلح افواج کے حاضر یا ریٹائرڈ افسران کی موجودگی کوئی نئی بات نہیں ہے تاہم اس ضمن میں بحری اور فضائی فورسز کے مقابلے میں بری فوج کا اثرورسوخ ہمیشہ نمایاں نظر آتا ہے۔ پاکستان میں کھیلوں کے معاملات چلانے کے دو بڑے ادارے پاکستان سپورٹس بورڈ اور پاکستان اولمپک ایسوسی ایشن ہیں۔ پاکستان اولمپک ایسوسی ایشن میں حال ہی میں انتخابات منعقد ہوئے جن میں

پاکستان میں صوبہ بلوچستان کے علاقے آوران سے مقامی پولیس اور لیویز نے ایک کارروائی کے دوران چار خواتین کو گرفتار کر کے اسلحہ برآمد کرنے کا دعویٰ کیا ہے۔ خواتین کا تعلق مبینہ طور پر بلوچ عسکریت پسند تنظیموں سے بتایا جا رہا ہے۔ سرکاری اعلامیے کے مطابق آواران کے مقامی افراد کی شکایات اور نشاندہی پر پولیس اور لیویز نے مشترکہ کارروائی کر کے ان خواتین کو گرفتار کیا ہے۔ گرفتار خواتین سے دستی بم، تین پستول اور

پاکستان کے ضلع لاڑکانہ کے علاقے رتو ڈیرو کے ایک دیہی مرکزِ صحت میں ڈاکٹر مظفر گھاگرو ایک سات سالہ بچے کا چیک اپ کر رہے تھے۔ اپنے والد کی گود میں بیٹھا بچہ بہت پرسکون نظر آ رہا تھا۔ ڈاکٹر بچے کے والد سے اس کی کیفیت کی بابت معلومات لیتے ہیں اور اس دوران بچے کی نظریں ڈاکٹر صاحب پر جمی تھیں۔ بچے کی آنکھیں چیک کرنے کے بعد ڈاکٹر مظفر کاغذ پر کچھ لکھا اور پھر لڑکے

Love Dalenمحققین کا کہنا ہے کہ یہ جانور کتا، بھیڑیا، یا درمیان کا کوئی جانور ہو سکتا ہے دنیا کے سرد ترین علاقوں میں سے ایک سائبیریا سے 18 ہزار سال قدیم ایک پِلّا دریافت ہوا ہے جس کے متعلق محققین جاننے کی کوشش کر رہے ہیں کہ یہ بھیڑیا ہے یا کتا؟ اس کی موت تقریباً دو ماہ کی عمر میں ہوئی تھی اور یہ روس کے برفانی میدانوں میں حیرت انگیز طور پر صدیوں تک محفوظ رہا ہے۔

مقامی پولیس نے لڑکی کا نمازِ جنازہ پڑھانے والے پیش امام مشتاق لغاری کو گرفتار کر لیا ہے جبکہ واقعے کی تفتیش کے لیے ہلاک کیے جانے والی لڑکی کے والدین کو بھی تھانے منتقل کر دیا گیا۔ بچی کے والد کا دعویٰ ہے کہ ان کی بیٹی کی موت حادثاتی طور پر پتھر لگنے سے ہوئی۔ یہ واقعہ واہی پاندھی تھانے کی حدود کھیر تھر کے پہاڑی علاقے میں سندھ اور بلوچستان کے سرحدی گاؤں شاھی مکان کے قریب

ڈیوڈ وارنر کا بلا گھومتا رہا اور پاکستانی بولر کچھ نہ کر سکے ڈیوڈ وارنر کا بلا گھومے جا رہا تھا، سکور بورڈ چڑھتا جا رہا تھا اور پاکستانی فیلڈرز کے چہرے اترتے جا رہے تھے۔ لگ بھگ ساڑھے تین سو منٹ تک ڈیوڈ وارنر کریز پر موجود رہے۔ یہ ساڑھے تین سو منٹ پاکستانی بولرز، فیلڈرز، فینز اور ڈریسنگ روم پہ قہر کی مانند گزرے۔ یہ بھی پڑھیے حارث سہیل کیا سوچ رہے ہیں؟ آسٹریلیا نے برسبین ٹیسٹ ایک

سعودی عرب اور متحدہ عرب امارات نے انڈیا میں کم از کم 70 ارب ڈالر کی لاگت سے ایک تیل ریفائنری لگانے کے منصوبے کا اعلان کیا ہے۔ یہ پلانٹ انڈیا کی ریاست مہاراشٹر میں لگایا جائے گا۔ خبر رساں ادارے ایسوسی ایٹڈ پریس کے مطابق سعودی ولی عہد محمد بن سلمان اور ابو ظہبی کے ولی عہد محمد بن زاید کے درمیان اس بارے میں متحدہ عرب امارات میں بدھ کو گفتگو ہوئی تھی۔ اس سے قبل انھوں نے

TWITTER/@pid_gov پاکستان کے وزیرِ اعظم عمران خان نے کہا ہے کہ ان کی حکومت پہلی مرتبہ آلودگی سے نمٹنے کے لیے ایک جامع منصوبہ لے کر آ رہی ہے۔ وہ لاہور میں ماحولیاتی آلودگی اور اس حوالے سے حکومتی اقدامات پر پریس کانفرنس سے خطاب کر رہے تھے۔ وزیرِ اعظم نے کہا کہ لاہور میں گذشتہ 10 سال میں 70 فیصد درخت کاٹے گئے ہیں جس کی وجہ سے آلودگی میں اضافہ ہوا ہے۔ انھوں نے کہا کہ حکومت یورو

لوگوں کی قوت خرید کم ہوئی یا نہیں لیکن انھوں نے خریدنا کم ضرور کر دیا ہے انڈیا میں رواں سال کی تیسری سہ ماہی کے اعداد و شمار جاری کر دیے گئے ہیں جن میں ملک کی مجموعی پیداوار کی ترقی کی شرح میں مسلسل گراوٹ نظر آ رہی ہے۔ خدشات سچ ثابت ہوئے ہیں اور جی ڈی پی کی شرح نمو ساڑھے چار فیصد رہی ہے۔ خبر رساں ادارے روئٹرز نے کچھ عرصہ قبل ترقی کی شرح کے

برطانوی پولیس نے لندن برج حملے میں دو افراد کو ہلاک اور تین کو زخمی کرنے والے کا نام عثمان خان بتایا ہے جنھیں اس سے قبل شہر کی سٹاک ایکسچینج پر حملے کی منصوبہ بندی کرنے کے الزام میں جیل بھیجا گیا تھا۔ 28 برس کے عثمان خان مشروط ضمانت پر جیل سے باہر تھے جب انھوں نے جمعے کو لندن برج پر چاقو کے حملے سے دو افراد کو قتل جبکہ تین کو زخمی کر دیا۔ اس کے

پاکستان مسلم لیگ (ن) کے صدر اور قومی اسمبلی میں حزب اختلاف کے قائد شہباز شریف نے چیف الیکشن کمشنر کے لیے تین مجوزہ نام وزیرِ اعظم عمران خان کو خط میں بھجوا دیے ہیں۔ شہباز شریف کی جانب سے وزیرِ اعظم عمران خان کو ناصر محمود کھوسہ، جلیل عباس جیلانی اور اخلاق احمد تارڑ کے نام تجویز کیے گئے ہیں۔ ناصر محمود کھوسہ سابق چیف سیکرٹری پنجاب و بلوچستان اور وزیرِ اعظم کے پرنسپل سیکریٹری رہ چکے ہیں۔ وہ

ہندوستان کے آخری مغل بادشاہ بہادر شاہ ظفر کے 157ویں عرس کی تقریبات کا سلسلہ میانمار کے شہر رنگون میں جوش و خروش سے منایا گیا۔ بہادر شاہ ظفر کو انگریز سرکار نے سنہ 1857 کی بغاوت اور جنگ کو جاری رکھنے کے جرم میں جلا وطن کر کے رنگون بھیج دیا تھا۔ بہادر شاہ نے زندگی کے آخری چار سال اپنی بیوی زینت محل کے ساتھ رنگون میں شویڈاگون پاگوڈہ کے جنوب میں ملٹری کنٹونمنٹ میں گزارے۔ شاہ ظفر

انڈیا کی جنوبی ریاست تیلنگانہ کے دارالحکومت حیدرآباد میں جانوروں کی ایک 27 سالہ ڈاکٹر کے ساتھ مبینہ گینگ ریپ کے بعد انھیں زندہ جلانے کا واقعہ سامنے آیا ہے، جس پر سوشل میڈیا پر سخت ردعمل سامنے آیا ہے۔ حیدرآباد پولیس کے مطابق اس معاملے میں چار افراد کو گرفتار کیا ہے۔ تیلگو میڈیا کی رپورٹس کے مطابق خاتون نے اپنی موٹر سائیکل(سکوٹی) ٹول پلازہ کے پاس کھڑی کی اور ٹیکسی سے کہیں آگے گئیں لیکن واپس آنے پر

لندن ایشین بزنس ایوارڈز میں پاکستانی شیف اور ’شعلہ کراچی کچن‘ ریستوران کی مالک عائدہ خان کو فوڈ انٹرپرینیور ایوارڈ سے نوازا گیا ہے۔ عائدہ کہتی ہیں کہ انھوں نے اپنے ریستوران کا نام ’شعلہ کراچی کچن‘ اس لیے رکھا کیوں کہ وہ لندن میں پاکستانی باربی کیو اور گھر کا کھانا لانی چاہتی تھیں۔ بی بی سی کی فیفی ہارون سے بات کرتے ہوئے عائدہ نے کہا کہ لندن میں انڈین اور بنگالی ریستوران تو بہت ہیں لیکن پاکستانی

گذشتہ ہفتے وزیر اعظم پاکستان عمران خان کی جانب سے یہ اشارہ دیا گیا کہ صوبہ پنجاب میں حکومتی کارکردگی کو بہتر بنانے کے لیے انتظامی سطح پر افسران کی تقرریاں اور تبادلے کیے جائیں گے جس کے بعد رواں ہفتے منگل کی شب آئی جی پنجاب اور چیف سیکرٹری پنجاب کو تبدیل کر دیا گیا۔ وزیر اعلیٰ پنجاب عثمان بزدار کو تحریک انصاف کی ڈیڑھ سالہ دور حکومت میں شدید تنقید کا سامنا رہا ہے جبکہ وزیراعظم عمران خان

کوک سٹوڈیو کے 12ویں سیزن میں حدیقہ کیانی اور علی سیٹھی کی جانب سے گائے گئے گانوں پر تعریف اور تنقید کا سلسلہ فی الحال جاری ہے۔ بی بی سی ایشین نیٹ ورک کی شبنم محمود نے حال ہی میں کوک سٹوڈیو سیزن 12 میں اپنے فن کا مظاہرہ کرنے والے گلوکاروں حدیقہ کیانی اور علی سیٹھی سے خصوصی گفتگو کی ہے جو قارئین کے لیے پیشِ خدمت ہے۔ گلوکارہ حدیقہ کیانی نے کوک سٹوڈیو کے 12ویں سیزن میں ’ڈاچی

مرکزی لندن میں واقع لندن برِج پر ایک شخص چاقو کے وار کرکے کئی افراد کو زخمی کرنے کے بعد پولیس کی گولی سے ہلاک ہوگیا ہے۔ میٹروپولیٹن پولیس نے اسے دہشتگردی کا واقعہ قرار دیا ہے۔ پولیس کے مطابق حملہ آور جو موقعے پر ہلاک ہوگیا، خیال ہے کہ جعلی دھماکہ خیز مواد سے لیس تھا۔ موقعے پر موجود بی بی سی کے ایک رپورٹر کا کہنا ہے کہ اس نے برج کے اوپر جھگڑا ہوتے دیکھا، اور ایسا

بلوچستان کے ساحلی علاقے جیونی سے ایک عظیم الجثہ وہیل مردہ حالت میں ملی ہے۔ ماحولیات کے بقا کے لیے کام کرنے والے ادارے ڈبلیو ڈبلیو ایف کے مطابق 31 فٹ لمبی وہیل کی ہلاکت ماہی گیروں کی جانب سے بچھائے گئے ایک جال میں پھنسنے کے باعث واقع ہوئی ہے۔ اس کی باقیات جیونی کے علاقے گنز سے ملی ہیں۔ تنظیم کے ٹیکنیکل مشیر محمد معظم نے بی بی سی کو بتایا کہ 26 نومبر کو انھیں اطلاع ملی

چیف جسٹس آف پاکستان آصف کھوسہ نے کہا ہے کہ پہلے عدالت میں بدمزگی نہیں ہوتی تھی لیکن اب حالات وہ نہیں رہے، ہمیں اپنے پیشے کی عزت واپس لانا ہو گی۔ ملتان ہائی کورٹ بار میں ایک تقریب سے خطاب کرتے ہوئے انھوں نے کہا کہ ماضی میں جج صاحبان کے پاس کم کیس ہوا کرتے تھے۔ اس لیے وکلا شکوہ نہیں کرتے تھے کہ جج نے تسلی سے بات نہیں سنی۔ انھوں نے مزید کہا کہ اب کیسوں

دریا ای پریکس نے ریاض میں فارمولہ ای سیزن کا آغاز کیا کھیلوں کے بڑے مقابلے اب سعودی عرب میں ہو رہے ہیں۔ فارمولہ ای سیزن کا آغاز ریاض میں ہونے والی ریس سے ہوا۔ دسمبر میں ہیوی ویٹ باکسر اینتھونی جوشوا اور اینڈی روئز کے مابین مقابلہ سعودی عرب میں ہوگا۔ فارمولہ ون (ایف ون) کا مقابلہ سعودی عرب میں کرانے کی منصوبہ بندی کی جا رہی ہے۔ چند ہفتے پہلے سپین میں منتظمین نے اعلان کیا تھا کہ

لاہور، کراچی، اسلام آباد اور پشاور سمیت پاکستان کے کم از کم 28 شہروں میں طلبا یکجہتی مارچ میں طالب علم اور نوجوان اپنے مطالبات کے حق میں نعرے بازی کرتے سڑکوں پر نکل آئے ہیں۔ احتجاج میں شریک نوجوانوں نے بینرز اور پلے کارڈز بھی اٹھا رکھے ہیں۔ یہاں اس مارچ کی چند تصویری جھلکیاں پیش کی جا رہی ہیں۔ کراچی میں طلبہ یکجہتی مارچ میں طلبا کے علاوہ سابق طلبا یونینز کے عہدیدار، انسانی حقوق کی تنظیموں کے

خواتین پر تشدد کے خلاف کام کرنے والے کارکنوں کا کہنا ہے کہ برطانیہ میں رضامندی سے ہونے والے سیکس کے دوران بھی تشدد معمول کی بات بن چکی ہے۔ بی بی سی ریڈیو فائیو کے لیے ہونے والی ایک تحقیق میں معلوم ہوا ہے کہ برطانیہ میں 40 برس سے کم عمر کی ایک تہائی سے زیادہ خواتین کو دوران سیکس تھپڑ مارنے، سانس بند کرنے، منھ بند کرنے اور تھوکنے جیسے تشدد کا سامنا کرنا پڑتا ہے۔ ایسی

پاکستان کے بڑے شہروں سے چھوٹے قصبوں تک بڑھتی ٹریفک نے سب کو پریشان کر رکھا ہے۔ جہاں یہ ماحولیاتی، صوتی آلودگی کا سبب بنتی ہے وہیں سڑکوں پر بے ہنگم انداز سے دوڑتی ٹریفک منٹوں کے سفر کو گھنٹوں میں تبدیل کر دیتی ہے۔ کراچی، لاہور اسلام آباد جیسے ملک کے بڑے شہروں میں تو یہ مسئلہ عام ہے۔ ملک کی ٹریفک پولیس سڑکوں پر دوڑتی گاڑیوں کے نظام کو بحال رکھنے کے لیے اپنے قوانین کے تحت چالان

باغیوں کے زیرِانتظام المسيرہ ٹی وی چینل کے مطابق ہیلی کاپٹر سعودی سرحد کے قریب پرواز کر رہا تھا جب اسے نشانہ بنایا گیا یمن کے حوثی باغیوں نے دعویٰ کیا ہے کہ انھوں نے ایک جدید نئے میزائل کے ذریعے سعودی عرب کا ایک جنگی ہیلی کاپٹر مار گرایا ہے۔ باغیوں کے زیرِانتظام المسيرہ ٹی وی چینل کے مطابق ہیلی کاپٹر کو جب نشانہ بنایا گیا یب وہ سعودی سرحد کے قریب پرواز کر رہا تھا۔ چینل کے مطابق

بی جے پی 2017 میں انڈیا کے 71 فیصد حصے پر برسرِ اقتدار تھی لیکن اب اس کا کنٹرول سمٹ کر 40 فیصد ریاستوں تک ہی محدود ہے انڈیا کی دوسری بڑی ریاست مہاراشٹر میں جمعرات کو سیاسی جماعتوں شیوسینا، کانگریس اور نیشنیلسٹ کانگریس کی اتحادی حکومت قائم ہوئی ہے۔ اس کے ساتھ ہی نریندر مودی کی حکمران جماعت بھارتیہ جنتا پارٹی (بی جے پی) ملک کی ایک اور ریاست کے اقتدار سے بے دخل ہو گئی۔ بی جے پی

پاکستان کے صوبہ بلوچستان میں حکام نے ایسے 1600 چکوروں کو تحویل میں لیا ہے جن کو ایران سے لایا جارہا تھا۔ ان چکوروں کو ایران سے متصل بلوچستان کے سرحدی علاقے تفتان سے تحویل میں لیا گیا۔اس سلسلے میں دو افراد کی گرفتاری بھی عمل میں لائی گئی ہے۔ محکمہ جنگلات و جنگلی حیات کے ڈویژنل کنزرویٹر نیاز کاکڑ نے بی بی سی کو بتایا کہ ابتدائی تحقیقات سے معلوم ہوا ہے کہ یہ چکور ایران کے علاقے مشہد

عمران ہاشمی کہتے ہیں کہ اب وہ بطور اداکار اس شبیہہ کو توڑ کر مختلف اور چیلنجِنگ رول کرنا چاہتے ہیں کچھ لوگ بیچارے اپنے امیج کے مارے ہوتے ہیں اور ایسا ہی ایک نام ہے اداکار عمران ہاشمی کا۔ فلموں میں دوسروں کی بیویوں کو گمراہ کرنے والے اور ’سیریل کِسر‘ کی ان کی شبیہ جیسے ان کی شخصیت کے ساتھ جڑ سی گئی ہے اور شاید یہی وجہ ہے کہ انھیں ہمیشہ ایک ہی طرح کے کردار آفر

پاکستان میں جمعے کو ملک بھر میں طلبہ یکجہتی مارچ کی کال دی گئی ہے۔ بی بی سی نے مارچ کے منتظمین سے گفتگو کی اور چند سوالات پوچھے تاکہ ہم یہ جان سکیں کہ یہ مارچ کیوں کیا جا رہا ہے اور اس کا آغاز کہاں سے ہوا۔ سٹوڈنٹ مارچ کیا ہے اور کب شروع ہوا؟ پروگریسیو سٹوڈنٹ کلیکٹیو تنظیم کے بانیوں میں سے ایک حیدر کلیم نے بی بی سی کو بتایا کہ اس تنظیم کا آغاز ستمبر

برسبین ٹیسٹ میں پاکستان کو شکست دینے کے بعد آسٹریلیا نے دوسرے میچ میں پہلے بیٹنگ کا فیصلہ کیا ہے۔ پاکستان نے تین تبدیلیاں کی ہیں جن میں محمد عباس اور امام الحق کی واپسی شامل ہے۔ جمعے کو ایڈلیڈ کے اس ڈے نائٹ ٹیسٹ میں آسٹریلین کپتان ٹم پین نے ٹاس جیت کر پہلے بیٹنگ کا فیصلہ کیا ہے۔ آسٹریلیا نے اپنی وننگ ٹیم کو برقرار رکھا ہے جبکہ پاکستان نے تین تبدیلیاں کی ہیں۔ عمران خان، نسیم شاہ

پاکستان کی سپریم کورٹ نے ملکی فوج کے سربراہ کی مدت ملازمت کے حوالے سے مختصر فیصلہ سناتے ہوئے جنرل قمر جاوید باجوہ کو چھ ماہ کی مشروط توسیع دینے کا فیصلہ کیا ہے۔ عدالت نے اپنے فیصلے میں کہا ہے کہ آئین کے آرٹیکل 243، آرمی ایکٹ 1952 اور آرمی ریگولیشنز رولز 1998 میں کہیں بھی مدت ملازمت میں توسیع یا دوبارہ تعیناتی کا ذکر نہیں تاہم وفاقی حکومت نے یقین دلایا ہے کہ اس معاملے میں قانون سازی

میولٹ کوسوگلو نے صحافیوں سے گفتگو میں کہا میکخواں یورپ کے لیڈر بننا چاہتے تھے مگر ناکام ہوئے ترکی کے وزیر خارجہ نے فرانسیسی صدر ایمنیوئل میکخواں پر ‘دہشت گردی کو سپانسر’ کرنے کا الزام عائد کیا ہے۔ انھوں نے یہ بیان شام میں ترکی کے حملوں پر فرانسیسی صدر کی تنقید کو مسترد کرتے ہوئے دیا ہے۔ میولٹ کوسوگلو نے صحافیوں سے گفتگو میں کہا میکخواں یورپ کے لیڈر بننا چاہتے تھے مگر وہ ناکام ہو گئے ہیں۔ گذشتہ

Bangor Daily Newsفضائی کمپنی کے حکم مین کے ہوائی اڈے پر ہائی جیک ہوئے جہاز کی طرف دیکھ رہے ہیں 1960 کی دہائی میں جب ہائی جیکنگ کی وارداتیں عام تھیں اس وقت امریکہ میں اوسطً ہر چھ دن میں ایک مسافر طیارہ اغوا کیا جا رہا تھا۔ پندرہ سال پہلے اس ہفتے رافیلی منیکیلو ہائی جیکنگ کی ان وارداتوں میں سے ایک کے ذمہ دار تھے جسے اُس وقت طویل ترین اور سب سے سنسنی خیز واردات قرار دیا

بمبئی یعنی نئے نام کے بعد آج ممبئی۔ یہاں 1966 میں ہندو نظریاتی علاقائی جماعت شیو سینا وجود میں آئی۔ پارٹی کے بانی بال ٹھاکرے کا یقین تھا کہ ان کی ریاست مہاراشٹر میں نوجوانوں کے مفاد کا خیال رکھنا سب سے اہم کام ہے۔ 2019 سے پہلے یا یہ سمجھیے کہ بال ٹھاکرے کے فرزند اُدھو ٹھاکرے سے قبل ٹھاکرے خاندان سے تعلق رکھنے والا کوئی بھی شخص کبھی وزیر اعلیٰ نہیں بنا۔ حالانکہ شیو سینا پارٹی کے دو

پاکستان کے وزیراعظم عمران خان نے کہا ہے کہ آج کا دن ان عناصر کے لیے مایوسی کا باعث بنا ہو گا جو ملک کو اداروں کے درمیان تصادم کے ذریعے غیر مستحکم ہوتا دیکھنا چاہتے تھے۔ ان کی جانب سے یہ بیان پاکستان کی سپریم کورٹ کی جانب سے برّی فوج کے سربراہ جنرل قمر جاوید باجوہ کو چھ ماہ کی مشروط توسیع دیے جانے کے بعد ٹوئٹر پر سامنے آیا ہے۔ عمران خان نے کہا کہ اداروں میں

آج کل تو ہم بس اپنا منھ اور سینہ دونوں چھپائے پھرتے ہیں اور فکر بس یہ ہے کہ انڈیا میں جب شمال مشرقی ریاست آسام کی طرز پر شہریت کا قومی رجسٹر یا این آر سی ترتیب دیا جائے گا تو اس میں کھیں سینے کی پیمائش کا خانہ شامل نہ ہو۔ بلاوجہ مذاق بن جائے گا۔ اور اگر ہو بھی تو ایسا نہ ہو کہ رجسٹر میں شمولیت کے لیے کم سے کم پیمائش کا کوئی معیار لازمی

پاکستانی بلے باز فواد عالم نے ڈومیسٹک کرکٹ میں اپنی 33ویں سنچری کے ساتھ نہ صرف پاکستان کرکٹ بورڈ (پی سی بی) کے دروازے پر ایک بار پھر دستک دی ہے بلکہ شائقین کو بھی متواتر کارکردگی دکھا کر انھیں اپنے لیے متحرک کر دیا ہے۔ پاکستانی کرکٹ ٹیم دورہ آسٹریلیا میں پہلے ٹیسٹ میچ میں شکست کے بعد بظاہر مشکل میں نظر آ رہی ہے۔ دسمبر میں سری لنکن ٹیم پاکستان میں دو میچوں کی ٹیسٹ سیریز کھیلے گی۔

سنہ 2007 میں اردن کے قدیم شہر پیٹرا کو ’دنیا کے سات نئے عجائب‘ میں شامل کیا گیا تھا۔ گذشتہ دو سالوں سے اردن آنے والے سیاحوں کی تعداد میں اضافہ ہو رہا ہے اور ٹور آپریٹرز اسے مشرق وسطیٰ میں سیاحوں کے لیے محفوظ مقامات میں شمار کرتے ہیں۔ خبر رساں ادارے روئٹرز سے بات کرتے ہوئے پیٹرا ڈیولپمنٹ اینڈ ٹورزم اتھارٹی کے چیف کمشنر، سلیمان فراجات کا کہنا تھا ’آج ہم پیٹرا کے روز سٹی آنے والے سیاحوں

کیا ہمیں اپنے ماں باپ سے آنکھوں یا بالوں کے رنگ کی طرح ہی تنہائی بھی ورثے میں ملتی ہے؟ دو خواتین بتاتی ہیں کہ کس طرح تنہائی نے ان کی زندگی کو متاثر کیا اور اِس احساس کا ان کے والدین اور بچوں سے کیا تعلق ہے۔ ’تنہائی میری زندگی کا مسلسل حصہ ہے چاہے میں کہیں بھی ہوں اس سے پیچھا ہی نہیں چھوٹتا۔ ایسا لگتا ہے جیسے تنہائی آپ کے اندر سما چکی ہو۔ آپ کو شدت

سپریم کورٹ نے سابق جنرل اشفاق پرویز کیانی اور جنرل راحیل شریف کی ایکسٹنشن اور ریٹائرمنٹ سے متعلق دستاویزات طلب کی ہیں پاکستان کے چیف جسٹس آصف سعید کھوسہ نے آرمی چیف کی مدت ملازمت میں توسیع کے حوالے سے کیس کی سماعت کرتے ہوئے سابق فوجی سربراہان جنرل اشفاق پرویز کیانی اور جنرل راحیل شریف کی ایکسٹینشن اور ریٹائرمنٹ سے متعلق دستاویزات طلب کیے ہیں۔ سپریم کورٹ میں آرمی چیف کی مدت ملازمت میں توسیع کے حوالے سے کیس

دنیا کے جمہوری ملکوں میں سٹوڈنٹ یونین کو سیاست کی نرسری کے طور پر تسلیم کیا جاتا ہے جہاں ایک پڑھے لکھے ماحول میں اپنی بات کرنا اور خدشات کا کھل کر اظہار کرنا تعلیمی اداروں کا خاصہ ہوتا ہے۔ مگر پاکستان میں کئی دہائیوں سے یہ عمل رکا ہوا ہے۔ ستر کی دہائی میں جب جنرل ضیا الحق نے ان طلبا یونینز پر پابندی عائد کی تو ان نرسریوں میں نئی سیاسی قیادت کے بیج ڈلنا بند ہو گئے

اُس روز دنیا صحیح معنوں میں جہانگیر خان کے نام سے آشنا ہوئی تھی جب وہ ٹورنٹو میں کھیلی گئی ورلڈ اوپن کے فائنل میں آسٹریلیا کے جیف ہنٹ کو شکست دے کر دنیا کے سب سے کم عمر ورلڈ چیمپین بنے تھے۔ دوسرے لفظوں میں یہ ایک فاتح عالم کی طویل حکمرانی کا آغاز تھا۔ جہانگیر خان کے لیے ورلڈ چیمپین بننا دراصل ایک خواب کی تعبیر تھا جسے کسی اور نے نہیں بلکہ ان کے اپنے بڑے بھائی

دو ماہ کی افراتفری میں 344 افراد ہلاک ہوئے عراق میں مظاہرین کے ایک گروہ نے ایرانی قونصلیٹ کو آگ لگا دی ہے۔ حکومت مخالف مظاہروں کی لپیٹ میں آنے والے ایرانی قونصلیٹ کی عمارت نجف شہر کے جنوب میں واقع ہے۔ مظاہرین ’ایران عراق سے نکلو‘ کے نعرے لگا رہے تھے۔ رپورٹس کے مطابق قونصلیٹ کا سٹاف عمارت سے باہر نکلنے میں کامیاب ہو گیا تھا۔ یہ ایک ماہ میں ایرانی قونصلیٹ پر ہونے والا دوسرا حملہ ہے۔ اس

بنارس ہندو یونیورسٹی سے ایک سنسکرت کے ایک پروفیسر کی تعیناتی کے خلاف احتجاج کی خبریں آئیں۔ کہا گیا کہ اس احتجاج کی وجہ اس پروفیسر کا مسلمان ہونا ہے۔ فیروز خان نے بچپن سے اپنے دادا غفور خان اور والد رمضان خان کی روایت پر چلتے ہوئے سنسکرت کا علم حاصل کیا۔ فیروز نے ایک اخبار کو انٹرویو دیتے ہوئے کہا کہ جب ان کے دادا سنسکرت میں بھجن گایا کرتے تھے تو سینکڑوں کی بھیر جھومنے لگتی تھی۔

ایک امریکی جوڑا بلیک فرائیڈے سیل کی لمبی قطاروں میں لگ کر آپ کے لیے جگہ رکھنے کے لیے اپنی خدمات پیش کر رہا ہے۔ الیکسز گریناڈو کا کہنا ہے کہ ’جہاں پیسے کی بات آتی ہے تو میرے شوہر کو بہت غطیم آئیڈیاز آتے ہیں‘۔ ان کے شوہر سٹیون ویلاسکز کی حال ہی میں نوکری چلی گئی ہے۔ یاد رہے کہ امریکہ میں بلیک فرائیڈے کی سیل کے لیے رات سے ہی دکانوں کے باہر قطاریں لگ جاتی ہیں

امریکی ریاست میری لینڈ میں غلط الزام پر سزا پانے والے تین افراد کو 36 سال بعد جیل سے رہا کر دیا گیا ہے۔ الفرڈ چیسنٹ، اینڈریو سٹیورٹ اور رینسم وِٹکنز کو سنہ 1984 میں ایک 14 سالہ لڑکے کے قتل میں عمر قید کی سزا سنائی گئی تھی۔ تینوں قیدیوں کو پیر کو بالٹی مور میں جج کی جانب سے نظرثانی کیس کی سماعت کے موقع پر جرم ختم کیے جانے کے بعد رہا کر دیا گیا۔ یہ کیس

کراچی میں ایک خاتون کی ٹریفک پولیس اہلکار سے بدتمیزی کی ویڈیو سوشل میڈیا پر وائرل ہو گئی ہے جس کے بعد ان پر شدید تنقید کی جا رہی ہے۔ یہ ویڈیو ٹریفک پولیس کے افسر نے خود بنائی ہے اور ان کے مطابق مذکورہ خاتون کو ’خیابان شجاعت شہباز سگنل توڑنے پر روکا گیا تھا‘۔ اس ویڈیو میں خاتون کو ان کے علاوہ ایک دوسرے اہلکار سے بھی بدتمیزی کرتے دیکھا جا سکتا ہے۔ اس سے قبل بھی کراچی

امریکہ میں ایک نوجوان لڑکی کی جانب سے چین میں مسلمانوں کو ’حراستی مراکز‘ میں رکھے جانے پر بنائی گئی ویڈیو وائرل ہو گئی ہے۔ یہ ویڈیو ٹک ٹاک پر جاری کی گئی جو کہ ایک چینی سوشل میڈیا کمپنی ہے۔ فیروزہ عزیز نامی لڑکی ویڈیو کے آغاز میں خوبصورتی کے حوالے سے مشورے دیتی ہیں لیکن اچانک وہ اپنے دیکھنے والوں کو ‘ایک نئے ہالوکاسٹ’ کے حوالے سے آگاہی دینے لگ جاتی ہیں۔ ان کا دعویٰ ہے کہ ٹک

انڈیا میں بدعنوانی سے متعلق جاری ہونے والی ایک تازہ رپورٹ میں کہا گیا ہے کہ بدعنوانی اور کرپشن کے خلاف تمام تر اقدامات کے باوجود رشوت لینے اور دینے کا عمل جاری ہے۔ انڈیا کرپشن سروے 2019 میں حصہ لینے والے آدھے سے زیادہ لوگوں کا کہنا تھا کہ انھوں نے اپنے کام کروانے کے لیے رشوت دی ہیں جبکہ بعض لوگوں کا کہنا ہے کہ رشوت کے بغیر کوئی کام نہیں ہوتا۔ سروے کرنے والے ادارے ٹرانسپیرنسی انٹرنیشنل

وہ چار سال کی تھیں جب شدید بخار نے ان سے ان کی ٹانگیں چھین لیں۔ گردن توڑ بخار کب ٹائیفائیڈ میں بدلا اور کب زندگی بھر کے لیے معذور بنا گیا، انھیں پتا ہی نہ چلا۔ سیدہ امتیاز فاطمہ بتاتی ہیں کہ ہوش میں آنے پر جب انھیں محسوس ہوا کہ وہ زندگی بھر نہیں چل پائیں گی تو اس وقت انھیں یوں لگا کہ ان کی پوری زندگی اندھیرے میں ڈوب گئی ہے۔ ’میری والدہ نے مجھے گھر

امریکی کانگریس نے صدر ٹرمپ ڈونلڈ ٹرمپ کو دعوت دی ہے کہ وہ چار دسمبر کو ان کے خلاف مواخذے کی کارروائی کی پہلی سماعت میں شریک ہوں۔ ڈیموکریٹک پارٹی کی ہاؤس جیوڈیشری کمیٹی کے چیئرمین جیرولڈ نیڈلر نے کہا ہے کہ یا تو صدر مواخدے کی کارروائی کے موقع پر آئیں یا پھر شکوہ کرنا بند کریں۔ ان کا کہنا تھا کہ اگر صدر سماعت کے موقع پر آئیں گے تو وہ گواہوں سے سوال کرنے کے مجاز ہوں

سابق صدر جنرل ریٹائرڈ پرویز مشرف کے خلاف سنگین غداری کے مقدمے کی سماعت کرنے والی خصوصی عدالت اٹھائیس نومبر کو اس مقدمے کا فیصلہ سنائے گی یا نہیں، اس بارے میں آج اسلام آباد ہائیکورٹ میں فیصلہ متوقع ہے۔ اسلام آباد ہائیکورٹ کے چیف جسٹس اطہر من اللہ کی سربراہی میں تین رکنی بنچ بدھ کے روز حکومت پاکستان کی اس درخواست کی سماعت کرے گی جس میں عدالت عالیہ سے استدعا کی گئی ہے کہ وہ اپنے ماتحت

سیاسی جماعتوں کی غیرملکی فنڈنگ (عطیات) کی جانچ پڑتال کرنے والی الیکشن کمیشن آف پاکستان کی سکروٹنی کمیٹی نے پاکستان تحریک انصاف کو اٹھائیس نومبر جبکہ پاکستان پیپلز پارٹی اور مسلم لیگ ن کو انتیس نومبر کو گوشواروں کی تفصیلات کے ساتھ طلب کیا ہے۔ سکروٹنی کمیٹی کا یہ اجلاس بند کمرے میں ہوا۔ تاہم مذکورہ سیاسی جماعتوں کے راہنماؤں نے بعد میں میڈیا کو ان تفصیلات کے بارے میں بتایا جو سکروٹنی کمیٹی نے ان سے طلب کی ہیں۔

وفاقی وزیر قانون فروغ نسیم نے سپریم کورٹ میں آرمی چیف جنرل قمر جاوید کی مدت ملازمت میں توسیع سے متعلق مقدمے میں وفاقی حکومت کی نمائندگی کرنےکے لیے کابینہ سے استعفی دے دیا ہے۔ وزیرا عظم عمران خان نے وزیر قانون کا استعفیٰ منظور کر لیا ہے۔ منگل کے روز وفاقی کابینہ کے اجلاس کے بعد میڈیا کو بریفنگ دیتے وفاقی وزیر ریلوے شیخ رشید اور وفاقی وزیر تعلیم شفقت محمود نے بتایا کہ بیرسٹر فروغ نسیم بدھ کے

اسما شویخ کا کہنا ہے کہ انھیں جو صحیح لگا وہی کیا ‘سچ تو یہ ہے کہ میں نے سوچا کہ ایک ماں، ایک باعمل مسلمان، اور اس ملک کی شہری ہونے کے ناتے یہ میرا فرض ہے کہ میں (اُس موقع پر) کچھ بولوں۔’ یہ الفاظ ہیں اسما شُویخ کے جنھیں دو یہودی بچوں کو ایک شخص کی بدزبانی اور جارحیت سے بچانے پر بہت سراہا گیا ہے۔ ان بچوں کے والد کا کہنا ہے کہ وہ اسما کی

جانے کی باتیں جانے دو۔۔۔ والے ’ناگزیر‘ جنرل راحیل شریف کی رخصتی کے بعد آرمی چیف کا عہدہ سنبھالنے والے جنرل قمر جاوید باجوہ کے سامنے کئی طرح کے چیلنجز تھے جن میں دہشت گردی کا مکمل خاتمہ، جنرل راحیل شریف کے متاثر کن امیج کے بعد اپنی الگ پہچان، فوج سے ’ناراض‘ وزیراعظم نواز شریف سے ریاستی امور پر ہم آہنگی، سرفہرست قرار دیے جا سکتے ہیں۔ پہلے مرحلے میں پُر اعتماد آغاز کے لیے آٹھ میجر جنرلز کو

انڈین کھانوں میں برصغیر کے انواع اقسام کے کھانے شامل ہیں انڈین کھانوں کے بارے میں ایک امریکی ماہر تعلیم کی ٹویٹ نے کھانوں کی دنیا میں ثقافتی عدم رواداری اور نسل پرستی پر گرما گرم بحث چھیڑ دی ہے۔ اپنی ٹویٹ میں بین الاقوامی امور کے پروفیسر ٹام نیکولس نے لکھا ’انڈین کھانے بد ذائقہ ہیں۔ ہم یہ تاثر دیتے ہیں کہ ایسا نہیں ہے لیکن یہ درست نہیں ہے۔‘ تاہم ناقدین ان کے بیان کو ’بے مزا جنرلائیزشن‘

رواں برس سینکڑوں پورن سٹارز اور سیکس ورکرز کے انسٹا گرام اکاؤنٹس ڈیلیٹ ہو چکے ہیں جبکہ متعدد افراد کا خیال ہے کہ ان سے عام سلیبریٹیز سے ہٹ کر سلوک روا رکھا جا رہا ہے۔ ایڈلٹ پرفارمرز ایکٹرز گِلڈ کی صدر ایلانا ایونز کا کہنا ہے کہ ’مجھے انسٹاگرام پر شیرن سٹون یا دوسری کسی سلیبریٹی کے طرح اپنا اکاؤنٹ چلانے کی اجازت ہونی چاہیے، لیکن حقیقت یہ ہے کہ ایسا کرنے سے میرا اکاؤنٹ ڈیلیٹ کر دیا جائے

پاکستان کرکٹ ٹیم ان دنوں دورہِ آسٹریلیا پر ہے اور بھلے ہی وہ ٹیسٹ میچ جیتیں یا نہ جیتیں، اپنے برتاؤ سے انھوں نے پاکستان اور انڈیا کی سرحد کے دونوں جانب رہنے والوں کے دل ضرور جیت رہے ہیں۔ سوشل میڈیا پر پانچ پاکستانی کرکٹرز اور ایک انڈین ٹیکسی ڈرائیور کی ایک ساتھ تصویر گردش کر رہی ہے۔ تصویر میں پانچوں کرکٹرز کو ایک سکھ کے ساتھ انڈین ریستوران میں کھانے کی میز پر بیٹھے دیکھا جا سکتا ہے۔

لاہور ہائی کورٹ نے سابق صدر اور آرمی چیف جنرل ریٹائرڈ پرویز مشرف کی درخواست پر وفاقی حکومت کو نوٹس جاری کر دیئے ہیں۔ سابق جنرل پرویز مشرف نے اپنے خلاف سنگین غداری کے الزام میں قائم مقدمے کی سماعت کرنے والی خصوصی عدالت کی تشکیل کو چیلنج کیا ہے اور عدالت کے محفوظ کردہ فیصلے کو سنانے سے روکنے کی استدعا کی ہے۔صحافی عباد الحق کے مطابق پرویز مشرف کی درخواست پر لاہور ہائی کورٹ کے جسٹس مظاہر علی

پاکستان کی سپریم کورٹ کے تین رکنی بینچ نے بری فوج کے سربراہ جنرل قمر جاوید باجوہ کی مدتِ ملازمت میں توسیع کا نوٹیفیکیشن معطل کرتے ہوئِے جنرل قمر جاوید باجوہ کو نوٹس جاری کر دیا ہے۔ آرمی چیف کی مدتِ ملازمت میں توسیع کے خلاف درخواست پیر کو جیورسٹس فاؤنڈیشن کی جانب سے دائر کی گئی تھی اور منگل کو چیف جسٹس آصف کھوسہ کی سربراہی میں تین رکنی بینچ نے اس معاملے کی سماعت کی۔ سماعت شروع ہوئی تو

پاکستان کے صوبہ سندھ کے پرائمری اور سکینڈری نصاب تعلیم میں خواتین کے بارے میں متعصب مواد پایا جاتا ہے جس میں مردوں کی حوصلہ افزائی کی جاتی ہے جبکہ خواتین کا کردار گھر کے کام کاج تک محدود رکھا گیا ہے۔ یہ نتیجہ سندھ کی شاہ عبدالطیف یونیورسٹی کی جانب سے سندھی نصابی کتابوں میں صنفی نمائندگی اور شناخت پر تحقیق سے اخذ کیا گیا ہے۔ یہ تحقیق شاہ عبدالطیف یونیورسٹی کے شعبہ سوشیالوجی کی ڈاکٹر نادیہ آغا، پروفیسر

سابق اداکار حمزہ علی عباسی اور ماڈل اور اداکارہ ایمان سلیمان مختلف وجوہات کی وجہ سے ایک عرصے سے خبروں کی ذینت بنے رہے ہیں۔ تاہم گذشتہ روز ایمان سلیمان نے اپنے انسٹاگرام اکاؤنٹ پر شادی کا اعلان اس انداز میں کیا جس نے کچھ لوگوں کو خوش، کچھ کو ناراض اور کچھ کو ہنسنے پر مجبور کر دیا۔ یہ بتانے سے پہلے کہ ایمان نے کیا کہا ان کی پوسٹ کا پسِ منظر بتانا بھی ضروری ہے۔ کچھ ماہ

فلپائن کے دارالحکومت منیلا میں پارلیمان کو بتایا گیا ہے کہ چین، فلپائن کو بجلی سپلائی کرنے والے نیشنل گرِڈ کو بند کر سکتا ہے۔ نیشنل ٹرانسمیشن کارپوریشن کے سربراہ نے اس امکان کا اظہار سینیٹ کے اجلاس میں کیا۔ فلپائن کے نیشنل گرِڈ کی کچھ ملکیت سنہ 2009 سے چین کے ہاتھ میں ہے۔ اسی حقیقت کی بنیاد پر ایک سینیٹر نے یہ سوال اٹھایا کہ کیا چین کے ’بالادستی کے عزائم‘ فلپائن کی سلامتی کے لیے خطرہ پیدا

بری فوج کے سربراہ جنرل قمر جاوید باجوہ نے اپنے دوسرے دور ملازمت شروع ہونے سے دو روز قبل پاکستانی فوج کے اہم عہدوں ہر بعض تبدیلیاں کی ہیں۔ پاکستانی فوج کے تعلقات عامہ کے شعبے کے مطابق بعض اہم نوعیت کے تبادلوں کے علاوہ دو میجر جنرلوں کو لیفٹیننٹ جنرل کے عہدوں پر ترقی دے کر انھیں بھی اہم عہدوں پر تعینات کیا گیا ہے۔ جنرل قمر جاوید باجوہ کی بری فوج کے سربراہ کے طور پر مدت ملازمت

سابق آرمی چیف پرویز مشرف کے خلاف سنگین غداری کیس میں فیصلہ رکوانے کے لیے تحریک انصاف کی حکومت نے اسلام آباد ہائی کورٹ سے رجوع کرتے ہوئے استدعا کی ہے کہ عبوری ریلیف کے طور پر خصوصی عدالت کا 19 نومبر کا فیصلہ معطل کیا جائے۔ خیال رہے کہ 19 نومبر کو پرویز مشرف کی مسلسل غیر حاضری کی وجہ بتاتے ہوئے سنگین غداری کیس سننے والی تین رکنی خصوصی عدالت نے اس ٹرائل کا فیصلہ محفوظ کرتے ہوئے

خلائی جہاز کی تعمیر کوئی ایسا کام نہیں ہے جس میں آپ جلد بازی سے کام لیں۔ مثال کے طور پر جہاز بنانے والی کمپنی ’لاک ہِیڈ مارٹن‘ میں ایک کاریگر کو ایک خمدار پینل پر 309 مقامات پر نشان لگانے کے لیے دو دن کا وقت لگتا تھا۔ تاہم اس کمپنی کی سربراہ شیلی پیٹرسن کا کہنا ہے کہ تیزی سے ترقی کرتی نئی ٹیکنالوجی کی بدولت اب یہی کام کرنے میں دو گھنٹے سے تھوڑا زیادہ وقت لگتا

پاکستان کی عدالتِ عظمیٰ نے فاٹا اور پاٹا ایکٹ اور صوبہ خیبر پختونخوا میں حراستی مراکز کے قیام سے متعلق پشاور ہائی کورٹ کے فیصلے کے خلاف وفاق اور صوبائی حکومت کی طرف سے دائر کی گئی اپیلوں کی سماعت کرتے ہوئے کہا ہے کہ ان مراکز میں رکھے گئے افراد کی حراست کو جائز یا ناجائز قرار دینا ججز کا کام ہے حکومت کا نہیں۔ چیف جسٹس آصف سعید کھوسہ کی سربراہی میں سپریم کورٹ کے پانچ رکنی بینچ

انڈیا میں سوشل میڈیا پر ’گو بیک مودی‘ پہلے نمبر پر ٹرینڈ کر رہا ہے۔ کیا یہ منظم ٹرولنگ کا نتیجہ ہے یا پھر وزیر اعظم نریندر مودی کی مقبولیت میں واضح کمی کی طرف اشارہ ہے؟ ٹوئٹر صارف اس ہیش ٹیگ پر حیرت کا اظہار بھی کر رہے ہیں لیکن یہ پہلی بار نہیں کہ انڈیا میں ’گو بیک مودی‘ ٹرینڈ کر رہا ہو۔ بعض صارف حیرت کے اظہار کے ساتھ پوچھ رہے ہیں کہ کہیں نریندر مودی انڈیا

پاکستان کے وزیرِ اعظم عمران خان نے کہا ہے کہ پہلے سمجھا جاتا تھا کہ دلی میں بہت آلودگی ہے لیکن اب لاہور بھی دنیا کے آلودہ ترین شہروں میں سے ایک ہے۔ وہ اسلام آباد میں کلین اینڈ گرین انڈیکس کی افتتاحی تقریب سے خطاب کر رہے تھے۔ کلین اینڈ گرین انڈیکس پاکستان کا اپنا ماحولیاتی معیار ہے جس کے تحت کسی بھی شہر کو ماحول کے اعتبار سے سکور دیا جا سکے گا۔ انھوں نے کہا کہ ’جب

اتوار کو امریکی ریاست لاس اینجلس میں منعقد ہونے والے امریکن میوزک ایوارڈر میں نامور امریکی گلوکارہ ٹیلر سوئفٹ نے سال کی بہترین گلوکارہ کا ’امریکن میوزک ایوارڈ‘ جیت لیا ہے۔ اس طرح انھوں نے مائیکل جیکسن کا سب سے زیادہ ایوارڈز جیتنے کا ریکارڈ بھی توڑ دیا ہے۔ اس سے قبل یہ اعزاز 24 ایوارڈز کے ساتھ امریکی گلوکار مائیکل جیکسن کو حاصل تھا۔ لاس انجیلس کے مائیکرو سافٹ تھیٹر میں منعقد ہونے والی تقریب میں شائقین سے خطاب

خواتین کو سفر کے معاملے میں خودمختار بنانے کی غرض سے پاکستان کے سب سے بڑے صوبے پنجاب سے شروع ہونے والے ’ویمن آن ویلز‘ کے منصوبے کے تحت موٹر سائیکل چلانا سیکھنے والی خواتین کا خیال ہے کہ مردوں کی سوچ میں تبدیلی لانا لڑکیوں کو موٹر سائیکل سکھانے سے زیادہ ضروری ہے۔ گذشتہ روز ’اپنی سواری خود مختاری‘ کے نظریے کے تحت پنجاب سے شروع ہونے والے اس پراجیکٹ کو صوبہ سندھ میں متعارف کروایا گیا ہے۔ مگر

سعودی عرب کے ولی عہد شہزادہ محمد بن سلمان ان دنوں بالکل ہی مختلف وجوہات کے سبب سوشل میڈیا پر ٹرینڈ کر رہے ہیں۔ اس ٹرینڈ کی وجہ ایک جیکٹ ہے جو انھوں نے سعودی دارالحکومت ریاض میں ’فارمولا ای‘ ریس کی تقریب کے دوران پہنی تھی۔ محمد بن سلمان نے ایویئٹر سن گلاسز اور سپورٹس شوز کے ساتھ اپنے روایتی سفید لباس پر یہ جیکٹ پہنی اور مشرقِ وسطیٰ اور مغربی طرز کا ایک مرکب پیش کیا۔ یہ جیکٹ

CBS Miamiپروفیسر بیگلے امریکی حکام نے یونیورسٹی آف میامی کے ایک ایسے پروفیسر پر وینیزویلا سے 25 لاکھ ڈالر کی منی لانڈرنگ کرنے کا الزام عائد کیا ہے جو خود منشیات کی سمگلنگ اور منظم جرائم پر ایک کتاب لکھ چکے ہیں۔ استغاثہ کا دعویٰ ہے کہ پروفیسر بروس بیگلے نے ایک بڑی رقم سوئٹزر لینڈ اور متحدہ عرب امارات کے بینک اکاؤنٹس سے وصول کی اور اس رقم کا ڈھائی لاکھ ڈالرز کا حصہ اپنے پاس رکھا۔ چار سال

چین کی انتہائی سکیورٹی والی جیلوں کے نیٹ ورک میں ہزاروں مسلم اویغوروں کے زبردستی ذہنی خیالات تبدیل کرنے کا انکشاف ہوا ہے۔ چین کی جیلوں کے نیٹ ورک کے بارے میں لیک ہونے والی سرکاری دستاویزات میں ملنے والی تفضیلات سے پہلی بار اس بات کا انکشاف ہوا ہے کہ کس طرح چین منظم نظام کے ذریعے مسلم اویغورں سمیت دیگر قیدیوں کی ’سوچ کو زبردستی تبدیل‘ کر رہا ہے۔ چینی حکومت نے مسلسل یہ دعویٰ کیا ہے کہ

انڈیا میں اردو زبان کو عام طور پر مسلمانوں کی زبان سمجھا جاتا ہے اور اس کی ترقی اور فروغ کو مسلمانوں کی ترقی اور فروغ کے ساتھ جوڑ کر دیکھا جاتا لیکن حالیہ دنوں میں اردو کی مقبولیت میں خاطر خواہ اضافہ نظر آیا ہے جس میں سرکاری اداروں کے تعاون سے زیادہ مختلف افراد کی کوششیں بھی نظر آتی ہیں۔ اگر صرف دلی کا ذکر کیا جائے تو یہاں اردو کے بہت سے پروگرامز ادبی کیلنڈر کا حصہ

اتوار کے روز نیویارک کے سابق میئر مائیکل بلومبرگ نے اعلان کیا ہے کہ وہ بھی امریکی صدر بننے کی دوڑ کا حصہ بنیں گے۔ اس اعلان کے ساتھ وہ بھی ڈیموکریٹ پارٹی کے امیدواروں کی اس طویل فہرست کا حصہ بن گئے ہیں جو صدر ڈونلڈ ٹرمپ کا مقابلہ کرنے کے خواہش مند ہیں۔ 77 سالہ بلومبرگ نے اپنی ویب سائٹ پر لکھا کہ ’میں صدر بننے کی دوڑ میں اس لیے شامل ہوا ہوں تاکہ ڈونلڈ ٹرمپ کو