اختر مینگل کا گلہ برحق۔ ہمارے میڈیا نے ان کی جماعت کے ایک اہم رہ نما کے قتل کو تقریباََ نظر انداز کیا۔ مقتول سردار نوروز خان کے جان نشین اور سیاسی وارث تھے۔ ان کے قافلے پر خضدار میں حملہ ہوا۔ مذکورہ خاندان کی چوتھی نسل کا ایک پڑپوتا بھی اس کی نذر ہوگیا ۔ جو قتل ہوا ہے اس کے سنگین مضمرات ہوسکتے ہیں۔ اختر مینگل کو مگر یہ بھی سمجھنا ہوگا کہ میرے نوجوان ساتھیوں کی اکثریت

1990 کی دہائی میں انٹرنیٹ کا استعمال شروع ہوا تو مجھ جیسے خوش فہم لوگ اس گماں میں مبتلا ہوگئے کہ ظلم اب دُنیا کے کسی بھی کونے میں ہو خلقِ خدا سے چھپایا نہ جاسکے گا۔ یہ دریافت کرنے میں بہت دیر لگی کہ ”تازہ ترین خبر“ کوفی الفور ناظرین وقارئین تک پہنچانے کے جدید ترین ذرائع نے دُنیا بھر کی حکمران اشرافیہ کوپریشان کردیا۔ ہرریاست نے خواہ وہ چھوٹی ہو یا سپرطاقت والی شہرت کی حامل تہیہ کرلیا کہ جدید ترین ٹیکنالوجی کو اپنی پسند کا بیانیہ پھیلانے کے لئے استعمال کیا جائے گا۔

”ہم ہوئے، تم ہوئے کہ میرؔ ہوئے“ تابعدار قسم کے لوگ ہیں۔ حاکموں کے اشاروں کو حکم کا درجہ دیتے ہیں اور ”جھٹ پٹ اپنے بچنے“ کی فکر میں مبتلا ہوجاتے ہیں۔

عید سے تین روز قبل قومی اسمبلی کے حالیہ سیشن کا آخری اجلاس جمعہ کی صبح ہوا تھا۔ آرٹیکل 370 کے یک طرفہ خاتمے کے بعد مقبوضہ کشمیر میں ابھرتی ایک نئی صورت حال کا اس اجلاس میں سرسری ذکر ہوا۔ ساری توجہ شہباز شریف صاحب کی تقریر اور وزیر تعلیم شفقت محمود صاحب کی جانب سے آئی جوابی تقریر پر مرکوز رہی۔ مریم نواز شریف کی گرفتاری گرما گرم بحث کا باعث تھی۔ شفقت محمود نرم گو شخص ہیں۔ جمعہ کے روز مگر اپنی تقریر کے ذریعے بہت درشتی سے یہ پیغام دینے کومجبور ہوئے کہ کشمیر پر لائن آف کنٹرول کے اس پار صورتحال جو بھی رہی ہو تحریک انصاف کی حکومت ”سیاست دانوں کا بھیس بنائے مجرموں“ کو عبرت کا نشان بنانے کی مہم کو بھلانہیں پائے

منگل اور بدھ کے روز جب پارلیمان کے دونوں ایوانوں کا مشترکہ اجلاس ہورہا تھا، میری اپوزیشن کے چند رہ نماؤں سے پارلیمانی راہداریوں میں سرگوشیوں میں گفتگو ہوئی، ان رہ نماؤں میں سے تین ا فراد ماضی کی حکومتوں میں چند ایسے عہدوں پر فائز رہے ہیں جہاں ”حساس معاملات“ تک بھی کافی رسائی حاصل ہوجاتی ہے۔

ان رہ نماؤں کا اصرار تھا کہ وزیر اعظم کو ”فروری۔ مارچ“ کے مہینوں میں چند ”غیر ملکی سربراہوں“ کے ذریعے بتادیا گیا تھا کہ اپریل۔ مئی میں ہوئے انتخابات جیتنے کے بعد نریندرمودی بھارتی وزیر اعظم کے منصب پر لوٹتے ہی مقبوضہ کشمیر کی ”خصوصی خود مختاری“ کا وعدہ کرتے آرٹیکل 370 کو ختم کردے گا۔ پاکستان کو اس فیصلے کی مزاحمت نہ کرنے کے لئے تیار رہنا چاہیے۔

مشرف اور واجپائی کے مابین بہت دھوم دھڑکے کے بعد ہوئی ”آگرہ سمٹ“ بالآخر ناکام ہوگئی تو اسے ناکام بنانے والے ”سازشیوں“ میں سشما سوراج کا نام سرفہرست تھا۔ وہ ان دنوں بھارت کی وزیر اطلاعات تھی۔ انتہا پسند ایل۔ کے ایڈوانی کی وفادار گردانی جاتی تھی۔ میں نے اس سے انٹرویو کا ارادہ باندھ لیا۔

آگرہ ملاقات کی ناکامی کے بعد پاکستان اور بھارت کے مابین معاملات دوبارہ تلخ ہو چکے تھے۔ میں لیکن دلی میں قیام کو بضد رہا۔ اگرچہ ان دنوں کوئی وزیر تو دور کی بات ہے سرکار کا نچلی سطح کا افسر بھی کسی پاکستانی صحافی سے بات کرنے کو تیار نہیں تھا۔ بہت دنوں کی مشقت اور ذلت کے بعد بالآخر سشما سوراج سے ملاقات کا وقت حاصل کرنے میں کامیاب ہو گیا۔ اس ضمن میں اس کے سکھ پرسنل سیکرٹری نے اہم کردار ادا کیا۔ ملاقات کا وقت طے ہوجانے کے باوجود صاف الفاظ میں مجھے بتا دیا گیا کہ باقاعدہ اور آن دی ریکارڈ انٹرویو کی امید نہ رکھی جائے۔

ہمیں گماں تھا کہ چونکہ امریکی صدر مسئلہ کشمیر کے حل کے لئے ثالثی کا کردار ادا کرنے کو تیار ہوگیا ہے اس لئے مودی کا بھارت جنوبی ایشیاء میں کشیدگی بڑھانے سے پہلے سوچابار سوچے گا۔ ہمارے اندازے غلط ثابت ہوئے۔ پیر کے روز مودی سرکار نے انتہائی ڈھٹائی سے بھارتی آئین کی اس شق کو ختم کرنے کا فیصلہ کرلیا جس کی بدولت مقبوضہ کشمیر کو ابھی تک کم از کم دکھاوے کی حد تک ”خصوصی خودمختاری“ میسر

نفسیاتی جنگ کے تمام حربوں کے استعمال کی بدولت پھیلائی افواہوں کے ذریعے مقبوضہ کشمیر میں سراسیمگی پھیلانے کے بعد مودی حکومت نے بالآخر پیر کی صبح وہ فیصلہ کرلیا جس کے لئے ذہن تیار کیے جارہے تھے۔ اتوار کی رات دیگر سیاسی قیادت کے علاوہ ماضی میں کٹھ پتلی رہے دو وزرائے اعلیٰ۔ عمر عبداللہ اور محبوبہ مفتی۔ کو بھی ان کے گھروں میں نظر بند کردیا گیا۔ مقبوضہ کشمیر میں موبائل فون اور انٹرنیٹ ہی نہیں بلکہ لینڈ لائن والے فون بھی بند کردیے گئے ہیں۔

جمعرات کی صبح اُٹھنے کے بعد یہ کالم لکھ رہا ہوں۔ سینٹ کا اجلاس دوپہر دو بجے ہونا ہے۔ گزشتہ کئی روز سے میڈیا میں یہ سوال اٹھاتے ہوئے رونق لگی ہوئی ہے کہ اپوزیشن اس ایوان کے چیئرمین صادق سنجرانی کو تحریک عدم اعتماد کے ذریعے ہٹانے میں کامیاب ہوجائے گی یا نہیں۔ شدتِ جذبات سے اُکھڑے سانسوں کے ساتھ سینٹ چیئرمین کے مستقبل کو زیر بحث لاتے ہوئے ہم لوگوں کو یاد ہی نہیں رہا کہ ٹھوس حقائق

امریکی حکومت کامل یکسوئی سے ان دنوں عالمی منڈی میں تیل کی قیمت پر نگاہ رکھے ہوئے ہے۔ اس کا عزم ہے کہ اسے کسی صورت بڑھنے نہ دیا جائے۔ بنیادی طور پر اس کا عزم اقتصادی نہیں سیاسی ترجیحات کے تابع ہے۔ دُنیا کو یہ بتانا مقصود ہے کہ اسے ایران سے تیل درآمد کرنے کی ضرورت نہیں۔ دُنیا کے ہر ملک کو اس کی ضرورت کا تیل خلیجی ممالک کے علاوہ دیگر ذرائع سے مناسب بلکہ سستے نرخوں

شہباز صاحب سیاست میں نووارد نہیں۔ تین بار پاکستان کے آبادی کے اعتبار سے سب سے بڑے صوبے کے وزیر اعلیٰ رہے ہیں۔ 2008 سے 2018 تک انہوں نے اس صوبے پر قابل رشک اختیار کے ساتھ حکمرانی کی۔ چٹکی بجا کر افسروں کو فارغ کرتے رہے۔ ان کے چاہنے والوں کا اصرار یہ بھی ہے کہ پاکستانی جمہوریت کی ”اوقات“ کے بارے میں وہ اپنے بھائی نواز شریف صاحب سے کہیں زیادہ آگاہ ہیں۔ وطنِ عزیز میں قوت واختیار کے اصل مراکز کو خوب پہچانتے ہیں۔ ان سے بنائے رکھنے ہی میں عافیت محسوس کرتے ہیں۔ پاکستان مسلم لیگ (نون) کو لہٰذا یکسو ہو کر بہت خلوص سے ان کی عملیت پسندی (Pragmatism) کی پیروی کرنا چاہیے۔

پاکستانی وزیر اعظم کو اپنے دائیں ہاتھ بٹھاکر امریکی صدر نے 22 جولائی کے روز صحافیوں سے گفتگو کرتے ہوئے یہ دعویٰ کیا کہ بھارتی وزیر اعظم نے جاپان کے شہر اوساکا میں ہوئی ایک ملاقات میں اس سے کشمیر کا مسئلہ حل کروانے میں ثالثی کا کردار ادا کرنے کی درخواست کی تھی۔ بھارتی میڈیا میں ٹرمپ کے اس بیان کے بعد ہاہاکارمچ گئی۔ حالیہ انتخابات میں بدترین شکست سے مایوس ہوئی اپوزیشن جماعتوں کو انگڑائی لے کر اُٹھنے کا موقعہ مل گیا۔

لکھنا مجھے کسی اور موضوع پہ تھا۔ منگل کی صبح اخبارات کا پلندہ اُٹھا کر مگر شہ سرخیوں پر سرسری نظر ڈالی تو دل منیر نیازی کے شعر والے لہو سے بھر گیا۔پیر کے روز IMFنے ایک نئی رپورٹ جاری کی ہے۔ اسے اپنے تئیں پڑھ کر علم معاشیات سے مجھ ایسا نابلند شخص آپ کو آسان زبان میں بیان نہیں کر سکتا۔ ان ساتھیوں کے مضامین سے رجوع کرنا ہو گا جو ملکی معیشت کے بارے میں تواتر سے

آپ کے قیمتی وقت کا خلوصِ دل سے احترام کرتے ہوئے آغاز ہی میں بتائے دیتا ہوں کہ میں آج کے کالم میں ہفتے کے روز دھماکے کے ساتھ رونما ہوئی وڈیو کے بارے میں کوئی تجزیہ نما شے لکھنے نہیں جارہا۔ پاکستان پر ان دنوں ہر شخص کی نیت پر شبہ کرنے کا عذاب نازل ہے۔ صحافیوں کی اکثریت ’’لفافہ‘‘ ٹھہرائی جاچکی ہے۔ان کے لکھے اور کہے الفاظ کا بھروسہ نہیں رہا۔ اس حقیقت کو ذہن میں رکھتے ہوئے

بدھ کی رات وزیر خزانہ ڈاکٹر حفیظ شیخ صاحب نے ایک ٹویٹ لکھ کر عوام کو خوش خبری پہنچائی کہ آئی ایم ایف نے پاکستان کے لئے 6 ارب ڈالر کے امدادی پیکیج کی منظوری دے دی ہے۔ اس پیکیج میں سے ایک ارب ڈالر فوری طورپر فراہم کردیے جائیں گے۔ بقیہ رقم مختلف اقساط میں آئندہ تین برسوں کے دوران ادا کی جائے گی۔ طے شدہ اقساط کی فراہمی کو یقینی بنانے کے لئے پاکستان کو ہر تین مہینوں کے بعد آئی ایم ایف کو یقین دلانا ہوگا کہ اس کے ساتھ طے ہوئی شرائط پر مکمل عملدرآمد ہورہا ہے۔

مذہب کے نام پر سیاست کرنے والی جماعتوں سے خوف آتا ہے۔ مولانا فضل الرحمن صاحب کی سیاسی بصیرت کا مگر دل سے معتقد ہوں۔ بہت کم لوگوں کو اس حقیقت کا احساس ہے کہ وہ مزاحمت کی اس سیاست کے جانشین ہیں جو برطانوی استعمار کے عروج کے دنوں میں ہمارے علمائے کرام کے ایک گروہ نے انتہائی ثابت قدمی سے اختیار کی تھی۔ اس سیاست میں اقتدار کے کھیل پر توجہ نہیں دی جاتی۔ مولانا اور ان کی

محترمہ کشورزہرا غالباً ایم کیو ایم کے بنیادی اراکین میں سے ایک ہیں۔ ان دنوں قومی اسمبلی میں اس جماعت کے لئے مختص ہوئی خواتین کی نشستوں میں سے ایک پر تشریف فرما ہیں۔ منگل کے روز انہوں نے عمران حکومت کے پہلے بجٹ پر عمومی بحث میں حصہ لیا۔ ان کی مختصر تقریر نے مجھے حیران کے بجائے پریشان کردیا۔ کسی بھی سیاسی جماعت کے نظریے اور اندازِ سیاست کے بارے میں ہزار ہا تحفظات رکھنے کے باوجود میں ان کے کارکنوں کا دل سے احترام کرتا ہوں۔

قومی اسمبلی کے بجٹ اجلاس نے جو صبح سے رات تک جاری رہتا ہے مجھے ان دنوں پارلیمان ہائوس تک محدود کررکھا ہے۔ اُردو اور انگریزی کالموں کے لئے مواد کی ضرورت ہوتی ہے۔اس مواد سے ’’کام کی شے‘‘ ڈھونڈنے کے لئے سرکھپانا پڑتا ہے۔ تحریر کو دلچسپ اور رواں رکھنے کی فکر اور بڑھتی عمر کے ساتھ نازل ہوئی تھکن دل ودماغ پر اضافی بوجھ ہیں۔فرصت کے لمحات میسر ہوتے تو وقت نکال کر لیپ ٹاپ کھولتا۔ نادرا اورایف

ہفتے کے پانچ دن صبح اُٹھتے ہی یہ کالم لکھنے کے بعد جن دنوں اسلام آباد میں قومی اسمبلی کا اجلاس ہورہا ہو، پارلیمان پہنچنا ضروری ہوجاتا ہے۔ کئی گھنٹے پریس گیلری، لاؤنج اور راہداریوں میں خوراک کی تلاش میں سرگرداں جنگلی جانوروں کی طر ح ”مزے کی باتیں“ یا ”خبر“ کو ڈھونڈنے کے بعد گھر لوٹ کر ”دی نیشن“ کے لئے انگریزی کالم لکھنا ہوتا ہے۔ اتوار کی صبح یہ کالم لکھنے کے بعد خود کو بہت تھکا ہوا محسوس کیا۔ گھر سے نکلنے کی ہمت نہیں تھی۔ قومی اسمبلی نہ جاسکا جہاں اتوار کے باوجود دوپہر میں بجٹ پر تقاریر کرنے حکومتی اور دیگر اراکین رسم دُنیا نبھانے کے لئے جمع ہوئے تھے۔

شہباز شریف صاحب سے اگست 2018کے بعد قومی اسمبلی کی راہداریوں میں صرف دوبارملاقات ہوئی ہے۔بہت گرم جوشی اور عزت واحترام سے ملے۔ رسمی حال احوال پوچھنے کے بعد ایک دوسرے سے لاہوری جپھی ڈال کر ہم جدا ہوگئے۔ تفصیلی ملاقات کی اس کے باوجود کبھی ضرورت محسوس نہیں کی۔ سیاست دانوں سے فاصلہ رکھنے کی چند برسوں سے عادت اپنا لی ہے۔ ’’خبر‘‘ ان سے ملتی نہیں۔ملاقاتیں بڑھیں تو آنکھ کا لحاظ قلم کی روانی کو متاثر کرتا ہے

میرے ایک بہت ہی پیارے دوست ہیں۔ مجلسی آدمی ہیں۔مختلف النوع کاروباری افراد سے ان کا مسلسل رابطہ رہتا ہے۔ریستورانوں کے مالکان آڑھتیوں اور پراپرٹی کے دھندے سے متعلق لوگوں سے گپ شپ کی بدولت ’’منڈی‘‘ میں پھیلے رحجانات کے بارے میں ہمیشہ Update۔ آج سے چند ہفتے قبل انہوں نے مجھے فون کیا اور اپنی ہنسی پر قابو پاتے ہوئے مجھے ’’ہماری قوم کے بے تحاشہ تخلیقی ذہن‘‘ کی بدولت ابھرے ایک تازہ ترین ’’شاہکار‘‘ کے بارے میں تفصیل

میری بیوی اور بچیاں کافی حیران اور تھوڑا پریشان ہو گئیں۔ ہوا یہ کہ اتوار کی دوپہر بھارت اور پاکستان کا ورلڈ کپ کے لئے کھیلا میچ شروع ہوا تو میں ٹی وی لگا کر اپنے کمرے میں تنہا بیٹھے ہوئے اسے شدید انہماک سے دیکھنے میں مصروف ہو گیا۔ کرکٹ سے ایسی رغبت میں نے کبھی نہیں دکھائی۔ میرے پیاروں کے ذہن میں اگرچہ ”خیرہو“ والا سوال اٹھا تو حیرانی نہ ہوئی۔

کرکٹ کے میدان میں پاک۔ بھارت ٹاکرا ہورہا ہو تو مجھ ایسے ”بالغ“ ہونے کے دعوے دار بھی تو دوسروں کو ”کھیل کو کھیل ہی سمجھو، تخت یا تختہ والا معرکہ نہیں“ والی ہدایت دیتے رہتے ہیں، جذباتی ہوجاتے ہیں۔ دل کی پژمردگی کو مٹانے کے لئے ”اچھی خبر“ کی توقع دُعا کی صورت اختیار کرلیتی ہے۔

اپنی صحافتی عمر کی کم از کم دو دہائیاں خارجہ امور کے بارے میں رپورٹنگ میں صرف کرنے کی بدولت بہت اعتماد سے میں یہ دعویٰ کرتا رہا کہ بھارتی انتخابات کے نتائج آجانے کے بعد مودی سرکار بتدریج پاکستان کے ساتھ مذاکرات کے راستے پر لوٹنا شروع ہوجائے گی۔ جمعرات سے کرغزستان میں شروع ہونے والا شنگھائی کوآپریشن آرگنائزیشن ( ایس سی او ) کا سربراہی اجلاس اس ضمن میں انگریزی محاورے والی کھڑکی کھولنے میں کلیدی کردار ادا کر سکتا ہے۔

اس کالم کے باقاعدہ قارئین کو بخوبی علم ہے کہ عمران خان صاحب اکثر میری بے رحم تنقید کا نشانہ بنے رہے ہیں۔ میری ان سے مگر کوئی ذاتی عداوت نہیں اور ٹھوس حقیقت یہ بھی ہے کہ وہ اس وقت میرے ملک کے وزیر اعظم ہیں۔ وزیر اعظم کے منصب کا ایک وقار ہوتا ہے۔ اگرچہ اپوزیشن میں رہتے ہوئے عمران خان صاحب بذاتِ خود اس وقار کا تیا پانچہ کرتے رہے۔

وزیر اعظم کا ”قوم سے خطاب“ ایک بہت ہی سنجیدہ واقعہ ہوتا ہے۔ 22 کروڑ آبادی والے پاکستان کا وزیر اعظم اپنی قوم سے خطاب کررہا ہو تو اسلام آباد میں موجود غیر ملکی سفارت کار اس کے ایک ایک لفظ کو بھرپور توجہ سے سننے اور اس کا تجزیہ کرنے کو مجبور ہوتے ہیں۔ ایٹمی قوت کے حامل ملک کے وزیر اعظم اور ان کے رفقاء کے لئے ہمہ وقت یہ حقیقت ذہن میں رکھنا ضروری ہے۔ منگل کی رات عمران حکومت کا پہلا بجٹ قومی اسمبلی میں پیش ہوجانے کے تقریباً 3 گھنٹے بعد ٹی وی سکرینوں پر اچانک ٹکر چلنا شروع ہوگئے کہ وزیر اعظم ”تھوڑی دیر میں“ قوم سے خطاب فرمائیں گے۔

اتوار کی رات بہت دیر سے آنکھ لگی۔ اطمینان سے مگر سو نہیں پایا۔ سرکاری اعلان ہوچکا تھا کہ وزیراعظم پیر کی صبح قوم کو ”اہم پیغام“ دیں گے۔ جی کو دھڑکالگارہا کہ ان کی تقریر براہِ راست سن نہیں پاؤں گا۔ پریشانی نے گہری نیند سے محروم رکھا۔ صبح اٹھتے ہی ٹی وی لگالیا۔

مجھے قوی امید تھی کہ قومی اسمبلی میں بجٹ پیش ہونے سے ایک دن قبل وزیر اعظم بہت تفصیل سے اپنی حکومت کی معاشی ترجیحات کا اعلان کریں گے۔ دیہاڑی دار مزدوروں اور تنخواہ دار طبقے پر مہنگائی کے عذاب میں جو اضافہ ہونا ہے اسے ذہن میں رکھتے ہوئے خلقِ خدا کا حوصلہ بڑھانے کے لئے چند ٹھوس اقدامات کا اعلان بھی کریں گے۔ ایسا ہرگز نہیں ہوا۔ وزیر اعظم کا ”خطاب“ درحقیقت قوم کے نام ایک مختصر پیغام تھا۔ ایسے پیغامات عموماً اشتہاری ادارے لوگوں کو چند اشیائے صرف سے رغبت اجاگرکرنے کے لئے دیا کرتے ہیں۔ سیلز پچ پر مبنی مختصر ترین پیغامات۔

انسانوں کے ساتھ شاید روزِ ازل سے ایسا ہی ہورہا ہے۔ ڈونلڈ ٹرمپ کے امریکی صدر منتخب ہوجانے کے بعد مگر Post Truth Era کی اصطلاح زبان زدعام ہوئی۔ آسان ترین لفظوں میں اسے سمجھنا ہوتو کہہ سکتے ہیں کہ ایک شے ہوا کرتی ہے -’’معروضی حقیقت‘‘- مثال کے طورپر سورج کو میں دیکھوں یا نہ دیکھوں یہ اپنی جگہ قائم ایک حقیقت ہے۔ 16ویں صدی سے عقل پرست فلسفیوں نے بہت استقامت اور ثابت قدمی سے یہ پیغام پھیلانا

یقین مانیں میرے دلِ خوش فہم کو قوی امید تھی کہ تحریک انصاف کی حکومت کے دوران آئی پہلی عید واقعتا ’’دو نہیں ایک پاکستان‘‘ کا پیغام دے گی۔ دریں اثناء ہر وقت کچھ نیا کرنے کو ہمہ وقت بے چین فواد چودھری صاحب نے قمری کیلنڈر بھی ’’ایجاد‘‘ کردیا۔ اس کے مطابق اس بارماہِ رمضان 30نہیں 29دنوں کا ہونا تھا۔میرا خیال تھا کہ اس کیلنڈر کو نظرانداز کرتے ہوئے بھی مفتی منیب الرحمن اور پشاور کے پوپلزئی صاحب منگل

زرتاج گل صاحبہ سے میں کبھی نہیں ملا۔ ان کی ذات، خاندان اورسیاسی تاریخ سے بھی ہرگز آگاہ نہیں۔ ڈیرہ غازی خان کے لغاری خاندان کو مگر خوب جانتا ہوں۔ مرحوم سردار فاروق خان لغاری سے پہلی ملاقات 1982 میں ہوئی تھی۔ اپنے خاندانی اور بیوروکریٹک پس منظر کی وجہ سے وہ روایتی سیاست دانوں کی طرح رپورٹروں کی دلجوئی سے اجتناب برتتے تھے۔ میری تحریروں کی انہوں نے پہلی ملاقات ہی میں کافی تعریف کی۔ اس ملاقات کے بعد

دیدۂ بینا تو نصیب والوں کو ملتا ہے۔ ہر رپورٹر کے لئے مگر ضروری ہے کہ اس کی آنکھ بتدریج جبلی طورپر روزمرہّ زندگی کے معمولات کے ہجوم میں ’’ذراہٹ‘‘ کے ہوئی باتوں کو فوراََ نوٹس میں لائے۔ عمر کا بیشتر حصہ رپورٹنگ کی نذر کیا ہے۔بہت عرصہ یہ مان رہا کہ میری آنکھ مذکورہ صلاحیت کی حامل ہے۔گزشتہ چند ماہ سے مگر ’’کس زمانے کی بات کرتے ہو۔دل جلانے کی بات کرتے ہو‘‘ والی سوچ لاحق ہونا شروع ہوگئی

ایک سنسنی خیز وڈیو کی رونمائی کی وجہ سے اُٹھا طوفان ابھی پوری طرح تھما ہی نہیں تھا کہ وزیرستان والا واقعہ ہوگیا۔ اس کے بعد چند عزت مآب ججوں کے خلاف ریفرنسز دائر ہونے کی خبر آگئی اور بدھ کے روز بلاول بھٹو زرداری نیب کے دفتر پیش ہونے گئے تو اسلام آباد میں ہنگامہ ہوگیا۔

نظر بظاہر ان تینوں معاملات کا ایک دوسرے سے تعلق نہیں۔ ان تینوں کو مگر ایک ساتھ رکھ کر غور کریں تو گماں ہوتا ہے کہ عمران حکومت بیک وقت کئی محاذ کھول بیٹھی ہے اور یہ سب نیا بجٹ متعارف کروانے سے قبل ہورہا ہے۔

کمر کی تکلیف کے باعث ان دنوں گاڑی چلانا بہت تکلیف دہ محسوس ہو رہا ہے اور ہفتے میں تین دن سفر میں گزارتا ہوں۔ ذاتی اور پیشہ وارانہ مجبوریوں کی وجہ سے لہٰذا اسلام آباد میں موجود ہوتے ہوئے بھی قومی اسمبلی نہیں جاپاتا۔ نفسیاتی اعتبار سے یہ غیر حاضری میرے لئے بہت تکلیف دہ ہے۔ صحافت کے شعبے میں تھوڑا مقام فقط قومی اسمبلی کی بدولت نصیب ہوا تھا۔ 1985سے قائم ہوئی ہر اسمبلی کے اجلاس کو باقاعدگی

اطلاع مجھے بہت ہی قابل اعتماد ذرائع سے یہ ملی تھی کہ بھاری اکثریت سے انتخاب جیتنے کے بعد نریندر مودی پاکستان کے وزیراعظم کو اپنی حلف برادری کی تقریب میں بلانا چاہ رہا ہے۔ اسی باعث اس کی حلف برادری کی تقریب کے بارے میں پہلی خبر یہ چلوائی گئی کہ سری لنکا کا صدر وہاں موجود ہو گا۔ اس خبر کے بارے میں ’’چلوائی‘‘ کا لفظ میں نے سوچ سمجھ کر لکھا ہے۔ مقصد اس خبر کا پاکستان

بڑے ادب کی اصل شناخت یہ ہے کہ آپ اسے ایک بار پڑھ لیں تو تاحیات بہت سے واقعات کی وجہ سے یاد آتا رہتا ہے۔ میرے ساتھ گزشتہ کئی دنوں سے ایسا ہی ایک واقعہ ہورہا ہے۔لاطینی امریکہ کے شہرہ آفاق لکھاری گبرائیل گارسیامارکیز کا ایک ناول ہے۔انگریزی ترجمے میں اسے "In Evil Hour”کا نام دیا گیا۔ اس کالم میں شاید ایک دو بار کسی حوالے سے اس ناول کا ذکر ہوچکا ہے۔غالباََ اس وقت میں نے اسے ’’بدی

اس کالم کے باقاعدہ قارئین یقینا یہ طے کرسکتے ہیں کہ نریندرمودی کے بھارتی وزیر اعظم کے منصب پر ’’گج وج‘‘ کے واپس لوٹ آنے نے مجھے ہرگز حیران نہیں کیا ہوگا۔ پریشان ہوا ہوں۔فوری فکر مقبوضہ کشمیر کے بارے میں ہے جسے مودی اور اس کی جماعت جنوبی ایشیاء کا غزہ بنانے پر تلے بیٹھے ہیں۔ بھارتی مسلمانوں کی لاچارگی اور بے بسی میں بھی اضافہ ہوگا۔ نچلی ذات والے خود کو واقعتا ’’ہریجن‘‘ سے ’’شودر‘‘میں بدلتا محسوس کرنا

یرا یہ کالم چھپنے تک بھارتی انتخابات کے حتمی نتائج آچکے ہوں گے۔ ان کے باقاعدہ اعلان سے قبل ’’تجزیاتی کالم‘‘ لکھنا حماقت ہو گی۔ ذہنی طور پر اگرچہ میں مودی کا وزارتِ عظمیٰ کے منصب پر لوٹنا کئی ہفتوں سے یقینی سمجھ رہا ہوں۔ اب سوال فقط یہ ہے کہ وہ کس نوعیت کی اکثریت حاصل کرے گا۔ اگر یہ اکثریت 2014کے مقابلے میں خاطر خواہ انداز میں بڑھی تو مودی کا رویہ مزید انتہاپسندانہ ہوجائے گا۔ ممکنہ انتہاء

کچھ عرصہ قبل تک معیشت میرے لئے لاطینی زبان کی طرح تھی۔ GNP اور GDP کے مابین فرق کو آج بھی اس کالم کے ذریعے سمجھا نہیں پائوں گا۔ 2017کے ستمبر میں ایک بزرگ نے مجھے نسبتاََ درشتی سے سمجھانے کی کوشش کی کہ ملکی سیاست میں جو ہنگامہ برپا ہے وجہ اس کی محض معیشت ہے۔ ان دنوں پانامہ کا قصہ چل رہا تھا۔ اس قصے کی وجہ سے آف شور کمپنی کا تصور ابھرنے کی وجہ سمجھ میں

فقط ٹی وی سکرینوں کے ذریعے ملکی سیاست کو سمجھنا چاہیں تو محسوس ہوتا ہے کہ اتوار کے روز بلاول بھٹو زرداری کے دئیے افطار ڈنر نے حکومت کو ہرگز پریشان نہیں کیا۔اینکر خواتین وحضرات ان کلپوں کو دکھاتے ہوئے چسکہ لے رہے ہیں جن میں آصف علی زرداری نواز شریف کو ’’قومی ناسور‘‘ پکاررہے تھے۔ محترمہ مریم نواز’’زرداری-عمران بھائی بھائی‘‘کے نعرے لگوارہی تھیں۔ ان کے شوز میں پیپلز پارٹی اور پاکستان مسلم لیگ (نون) کی جانب سے آئے مہمان

میرے گھر سے چند قدم کے فاصلے پر اتوار کی شام ایک افطار ڈنر جاری تھا۔ٹی وی سکرینوں پر اس کی وجہ سے رونق لگی ہوئی تھی۔ سوشل میڈیا پر کلپس کا طوفان برپا تھا۔ حکومتی ترجمان ’’چوروں اور لٹیروں‘‘ کے یکجا ہونے کا تمسخر اُڑارہے تھے۔حکومت کے مخالفین کو بلاول بھٹو زرداری اور مریم نواز شریف کی صورت نوجوان قیادت میسر ہوئی نظر آرہی تھی۔ میں لیکن اپنے بستر پر لیٹا رہا۔ بالآخر ٹی وی بند کردیا۔ ٹیلی فون

لاہورکے ایک ہوٹل کے کمرے میں تھکن سے چور لیٹا اپنی توانائی بحال کرنے کی اذیت میں مبتلا تھا کہ بیرون ملک سے فون آ گیا۔ میرے ایک شناسا بہت محتاط انداز میں قمرزمان کائرہ کے ساتھ ہوئے سانحے کی تصدیق چاہ رہے تھے۔ لاعلمی کے اظہار کے بعد فون بند کر دیا۔ ٹی وی کھولا تو ’’تصدیقی‘‘ ٹکر چل رہے تھے۔ میں حواس باختہ ہوگیا۔ اسلام آباد لوٹنے کے ایک دن بعد بھی ہمت نہیں ہورہی کہ کائرہ صاحب

ملکی سیاست پر طاری مسخرے پن نے ہمیں دُنیا کے اہم معاملات سے بیگانہ اور بے خبر بنارکھا ہے۔ حالانکہ ان معاملات میں سے چند ہماری روزمرہّ زندگی کی مشکلات میں بے پناہ اضافے کا باعث بھی ہوسکتے ہیں۔مثال کے طورپر ایران کی امریکہ سے مسلسل بڑھتی کشیدگی۔یہ کشیدگی اگر جنگ کی صورت اختیار نہ بھی کرے تو طویل بے یقینی تیل کی قیمت میں ہر صورت اضافہ کرے گی۔ اپنی ضرورت کا تقریباََ تمام تیل ہم غیر ملکی منڈیوں

اپنے نوجوان ساتھیوں سے جنہیں اپنے کیرئیر کے اس حصے میں سرکاری اور غیر سرکاری پریس کانفرنسوں میں شرکت کی اذیت سے گزرنا ضروری ہے، ہاتھ باندھ کر استدعا کررہا ہوں کہ خدارا سمجھنے کی کوشش کریں کہ ڈاکٹر حفیظ شیخ صاحب سیاست دان نہیں ’’ٹیکنوکریٹ‘‘ ہیں۔ ایسے ذہین وفطین افراد میڈیا میں اپنے بارے میں ’’اچھی خبریں‘‘ دیکھنے کے محتاج نہیں ہوتے۔ ان کی عقل ودانش بورڈ میٹنگوں، بین الاقوامی کانفرنسوں اور سیمینارز وغیرہ میں لشکارے دکھاتی ہے۔ وہ

منگل کی صبح جو کالم چھپا ہے اسے پیر کے دن لکھ کر دفتر بھجوا دینے کے بعد دل میں ٹھان لی تھی کہ کم از کم اس ہفتے معیشت کے بارے میں مزید نہیں لکھا جائے گا۔ دوسرے موضوعات پر بات ہو گی۔ چند روز سے مختلف وجوہات کی بنا پر قومی اسمبلی نہیں جاسکا۔ میڈیا کے ذریعے یہ جان کر خوش گوار حیرت ہوئی کہ قبائلی عوام کی ’’محبت‘‘ میں پیپلز پارٹی، نواز شریف کے نام سے منسوب

کسی بھی ریاست کی اصل قوت کیا ہے؟ اس سوال پر ذرا غور کریں تو یہ دریافت کرنے میں دیر نہیں لگے گی کہ اس کی اصل قوت ٹیکس جمع کرنا ہوتی ہے۔ تاریخی اعتبار سے ہمارے ہاں ٹیکس کو مالیہ اور محصولات کہا جاتا رہا ہے۔ جلال الدین، اکبر اعظم کہلایا تو بنیادی سبب اس کا راجہ ٹوڈرمل کے ذریعے مغل سلطنت کے لئے مالیہ جمع کرنے کا نظام وضع کر کے اسے مؤثر ترین انداز میں لاگو کرنا

پارلیمانی راہداریوں میں یہ تاثر شدت سے پھیل رہا ہے کہ تحریک انصاف کی حکومت اپنا پہلا بجٹ عیدالفطرسے قبل تیار کرکے اسے بہت عجلت میں قومی اسمبلی سے منظور کروانے پر تلی بیٹھی ہے۔نظر بظاہر یہ عجلت معقول نظر نہیں آرہی۔ اسد عمر کی جگہ حال ہی میں ڈاکٹر حفیظ شیخ نے وزارتِ خزانہ کا چارج لیا ہے۔ گورنر سٹیٹ بینک بھی چند ہی روز قبل اپنے عہدے پر فائز ہوئے۔ یہ کالم لکھنے تک شبر زیدی کی بطور

’’کتنے بندے تھے؟‘‘ والا سوال غیر ضروری۔ اندھی نفرت وعقیدت میں تقسیم ہوئے معاشرے میں ’’سزا یافتہ‘‘ کی ’’سج دھج‘‘کے ساتھ جیل روانگی کو ’’اخلاقی بنیادوں‘‘ پر زیر بحث لانا بھی وقت کا زیاں۔ مقصد منگل کی رات ہوئی ریلی کا ایک پیغام دینا تھا اور وہ یہ کہ ’’نااہل‘‘ قرار پائے نواز شریف کی ذات سے جڑا ووٹ بینک اب بھی Intactہے۔ لاہوریوں کی ایک مؤثر تعداد موصوف سے ہمدردی کے جذبات رکھتی ہے۔ انہیں کئی حوالوں سے Ownکرتی

سچ تو یہ ہے کہ وقت کبھی ایک سا نہیں رہتا۔ ثبات دھوکہ ہے۔ تغیر حقیقت۔ وقت گزرنے کے ساتھ ساتھ بہت کچھ چپکے سے معدوم ہوتا رہتا ہے۔ روزمرہّ زندگی کی الجھنوں میں گھرے مگر ہمیں بہت سی اشیاء اور روایات کے ختم ہوجانے کا احساس تک نہیں ہوتا۔ ہم انہیں انگریزی زبان والے Taken for Granted لیتے ہیں۔ اچانک ان اشیاء اور روایات کی معدومیت ’’دریافت‘‘ ہوجائے تو اداسی لاحق ہو جاتی ہے۔ گزشتہ ہفتے میرے ساتھ بھی

اسد عمر اور ان کے ساتھی آئی ایم ایف کو نظرانداز کرتے ہوئے پاکستان کی معیشت میں رونق لگانے کے لئے کوئی دیرپا اور معقول منصوبہ نہ سوچ پائے۔ برادر اور دوست ممالک کے فراہم کردہ سہارے بھی اسے کھڑا نہ کر پائے۔ بالآخر کابینہ سے فارغ ہوئے۔ اسد عمر کی جگہ اب ڈاکٹر حفیظ شیخ کو تعینات کر دیا گیا ہے۔ تعلق ان کا تاحیات ورلڈ بینک سے رہا ہے۔ وقتاََ فوقتاََ پاکستانی معیشت کو ’’بہتر‘‘ بنانے کے لئے

فواد چودھری تو خواہ مخواہ بدنام ہوئے۔حقیقت مگر یہ ہے کہ وزیر اعظم عمران خان بذاتِ خود شہباز شریف کو کسی صورت قومی اسمبلی کی پبلک اکائونٹس کمیٹی کا چیئرمین منتخب ہوتا نہیں دیکھنا چاہتے تھے۔اس ضمن میں ’’دودھ کی رکھوالی کے لئے بلے کی تعیناتی‘‘ والی سوچ ان کی دین تھی۔ قومی اسمبلی کے سپیکر اسد قیصر کو مگر یہ دریافت کرنے میں دیر نہ لگی کہ اگر شہباز شریف کو اس کمیٹی کی قیادت نہ ملی تو 88اراکین

جن دنوں اسلام آباد میں قومی اسمبلی کا اجلاس ہورہا ہو تو اس کالم کے علاوہ میں The Nationکے لئے پریس گیلری بھی لکھتا ہوں۔ گیلری والا کالم پارلیمانی کارروائی کی تکنیکی اعتبار سے محض رپورٹنگ نہیں ہوتا۔ایوان میں اٹھائے سوالات یا کسی موضوع پر ہوئی تندوتیز بحث اکثر کوئی ایک نکتہ اجاگر کر دیتی ہے۔ اسے ذہن میں رکھتے ہوئے تاریخی حوالوں کے تناظر میں تجزیہ کی کوشش ہوتی ہے۔ مزے کا موضوع مل جائے تو پارلیمان میں موجودرہنے

’’لوگ کیا کہیں گے؟‘‘ والی پریشانی میرے اور آپ جیسے عامیوں کو لاحق ہوا کرتی ہے۔حکومتوں کو مگر ملک چلانا ہوتے ہیں۔معیشت اس ضمن میں کلیدی کردار کی حامل ہے۔معاشی بحران سے نبردآزما ہونے کے لئے کبھی کڑے فیصلے کرنا ہوتے ہیں۔بسااوقات ’’اصولوں پر سمجھوتہ‘‘ بھی ضروری ہوجاتا ہے۔ ’’سمجھوتے‘‘ کو لیکن ہمارے ہاں ہنگامی صورتوں میں اپنائی لچک کے بجائے یوٹرن کہتے ہوئے تضحیک کا نشانہ بنایا جاتا ہے۔اقتدار سنبھالنے کے چند ہی ماہ بعد اگرچہ عمران خان صاحب

آج سے تقریباً تین ماہ قبل میرے ایک کاروباری دوست نے Whatsapp فون کے ذریعے ’’خبر‘‘ دی کہ اسد عمر کو وزارتِ خزانہ سے ہٹایا جا رہا ہے۔ میرا یہ دوست سیاست میں زیادہ دلچسپی نہیں رکھتا۔ تحریک انصاف کو ووٹ البتہ دیتا رہا۔ نواز حکومت سے وہ بنیادی طورپر اس وجہ سے ناراض رہا کہ اس کا دھندا برآمدات کی بدولت چمکا تھا۔ اس کی دانست میں اسحاق ڈار نے پاکستانی روپے کی قدر امریکی ڈالر کے مقابلے میں

سوشل میڈیا پر ہمارے کئی جید دانشور ان دنوں یہ طے کرنے میں مصروف ہیں کہ پاکستان کی بقاء اور خوش حالی کے لئے صدارتی نظام بہتر ہے یا پارلیمانی نظام۔ فرض کیا بالآخر یہ طے ہوبھی جائے کہ پارلیمانی نظام قطعاََ بے سود ہے جب بھی صدارتی نظام کو لاگو کرنے کے لئے ایک طویل آئینی راستہ اختیار کرنا ہوگا۔ اس راستے پر پہلاقدم رکھنے کے لئے کافی وقت درکار ہے۔ سوال اٹھتا ہے کہ اس سفر پر روانگی

سوشل میڈیا کی بدولت مجھ سے رابطے میں رہنے والے کئی دوستوں کا اصرار ہے کہ Whatsapp گروپس کے ذریعے لوگوں کی رائے بنانے کے دعوے دار ان دنوں بہت شدومد سے ملک میں صدارتی نظام متعارف کروانے کی راہ بنارہے ہیں۔ انہیں حیرت ہے کہ میں اس ’’مہم‘‘ کے بارے میں بے خبر نظر آیا۔ اپنی رائے کا اظہار نہیں کیا۔ بنیادی طورپر ایک رپورٹر ہونے کے ناطے مجھے اندیشہ ہائے دورودراز میں مبتلا ہونے کی عادت نہیں۔خود کو

گزشتہ دو دنوں میں چند نئے لوگوں سے شناسائی نصیب ہوئی۔ مختلف کاروباری شعبوں میں وہ امریکہ جیسے ممالک میں بھی اپنا مقام بنانے میں کامیاب رہے۔ بنیادی طورپر غیر سیاسی لوگ ہیں۔ عمران حکومت سے مگر خیر کی توقع رکھتے ہیں۔

اس توقع کے باوجود وہ وزیر خزانہ کی کارکردگی سے مطمئن نہیں تھے۔ ان کا خیال ہے کہ اسد عمر کی سربراہی میں پاکستان کی معیشت ایک طے شدہ سمت کی طرف رواں نظر نہیں آرہی۔ سمت طے ہوئی نظر آئے تو سفرمیں درپیش متوقع یا غیر متوقع پریشانیوں سے دل نہیں گھبراتا۔ اپنے محدود علم کے باعث ان کی باتوں کو غور سے سنتے ہوئے معیشت کے نئے پہلو سمجھنے کی کوشش کرتا رہا۔ علم معاشیات کی باریکیاں نہ جانتے ہوئے بھی فقط عام لوگوں سے ہوئی گفتگو کی بنیاد پر اس کالم میں تواتر کے ساتھ اس پریشانی اور اداسی کا ذکر کرتا رہا ہوں جو عمران خان صاحب کی جانب سے وزارتِ عظمیٰ کا منصب سنبھالنے کے بعد متوسط طبقے کی مختلف سطحوں سے تعلق رکھنے والوں پر نازل ہوئی نظر آرہی ہیں۔

نسلوں سے ”اپنے حلقے“ کی بنیاد پر سیاست کرنے والے اتوار کے دن ووٹروں کی شادی/غمی والے معاملات سے تعلق جوڑنے میں مصروف رہتے ہیں۔ ہنگامی صورتوں میں بھی ہم صحافیوں کو ان سے رابطہ کرنے میں بہت مشکلات کا سامنا کرناپڑتا ہے۔ 24 گھنٹے قبل کا اتوار مگراس تناظر میں مجھے غیر معمولی محسوس ہوا۔

پاکستان کے وزیر خارجہ شاہ محمود قریشی نے اس روز اپنے آبائی شہر ملتان میں تقریباً دن چڑھتے ہی ایک پریس کانفرنس کا انعقاد کیا۔ اس کے ذریعے قوم اور عالمی برادری کو واضح الفاظ میں خبردار کردیا گیا کہ پاکستان کو ٹھوس ذرائع کی بنیاد پر حاصل ہوئی معلومات عندیہ دے رہی ہیں کہ 16 اپریل سے 20 اپریل کے درمیان بھارت ہمارے خلاف کسی جارحانہ حملے کی تیاری کررہا ہے۔ یقینی بات ہے کہ ایسا ہوا تو پاکستان کی جانب سے مؤثر جواب آئے گا۔

نصاب کی کتابوں میں جو پڑھایا جاتا ہے عملی زندگی میں اکثر کام نہیں آتا۔ مثال کے طورپر اپنے ذاتی تجربے کی بنیاد پر یہ دعویٰ کرسکتا ہوں کہ میں نے شاذ ہی ایسا صحافی دیکھا جو صحافت میں ماسٹر کی ڈگری لینے کی وجہ سے اس شعبے میں بہت نمایاں نظر آیا۔ اپنے کیرئیر کے بیشتر برس خبروں کی تلاش میں خرچ کرتے ہوئے صحافت کی نصابی کتابوں میں وہ ٹرکس ڈھونڈنے کی کوشش کی جو چند دھواں دھار خبریں تلاش کرنے کے لئے میں نے ڈو اٹ یور سیلف رویے کی وجہ سے استعمال کیے تھے۔

یہ ٹرکس کتابوں میں پڑھنے کو نہیں ملے۔ صحافت کے مقابلے میں معیشت کا علم کئی اعتبارسے بہت زیادہ ”سائنسی“ ہے۔ اس کے باوجودچٹے اَن پڑھوں کو ککھ سے لکھ پتی بنتے ہوئے دیکھا ہے۔ دُنیا کی بہترین یونیورسٹیوں سے علم معاشیات کی بھاری بھر کم ڈگریاں لینے والے میرے کئی دوست ذاتی کاروبار کی کوششوں میں ناکام ہوئے۔ بالآخر سرکاری یا غیر سرکاری اداروں کی نوکریاں کرنے کو مجبور ہوئے۔ علم معاشیات کی مبادیات سے بھی میں ہرگز واقف نہیں۔

نیرو تو بانسری بجانے میں اس وقت بھی مشغول رہا جب روم جل رہا تھا۔ زمانۂ قدیم کی ایک بہت بڑی Empire کے اس دارالحکومت میں اکھاڑے مگر کئی صدیوں سے موجود تھے۔خلقِ خدا کے حقیقی مسائل سے توجہ ہٹانے کے لئے اس دور کی اشرافیہ ان اکھاڑوں میں غلاموں کو شیروں کے سامنے پھینک کر تماشے رچایا کرتی تھی۔ خلافتِ عباسیہ کے زوال کی طرف بڑھتے ہوئے زمانے میں علماء کو بازاروں میں ’’آزادیٔ اظہار‘‘ کے جلوے دکھانے پر

عمران خان صاحب نے اپنی کابینہ میں 40کے قریب وزراء کا جو ہجوم اکٹھا کررکھا ہے ان میں سے کوئی ایک بھی حقیقی معنوں میں موجودہ حکومت کے امیج کے بارے میں متفکر ہوتا تو انتہائی دردمندی سے یہ جاننے کی کوشش کرتا کہ مارچ کے آغاز میں سوئی ناردرن گیس نے اپنے صارفین کو کس نوعیت کے بل بھیجے ہیں۔ انہیں فکر لاحق ہوتی تو محض دس پندرہ نمبروں پر فون کرکے جان لیتے کہ موسم بدلنے کے باوجود

صحافی سیاست دان یا انٹیلی جنس ادارے اقتدار کے کھیل پر نگاہ رکھنے کو مجبور ہیں۔ ان کی اس کھیل سے دلچسپی ہم سب کے علم میں ہے۔ اسلام آباد میں لیکن ایسے افراد بھی رہائش پذیر ہیں جو مختلف کاروباری اداروں کو باخبر رکھنے کے لئے اس دھندے پر کڑی نگاہ رکھتے ہیں۔ شہرِ اقتدار کے پوش علاقوں میں مقیم یہ لوگ بڑے اور بارُعب مکانوں میں رہتے ہیں۔ان کے گھر کئی حوالوں سے رات گئے تک Open Houseکی

لاہور میرا آبائی شہر ہے۔ بچپن سے جوانی تک پہنچتے ہوئے اس شہر سے بے تحاشہ جذباتی رشتے استوار ہوئے۔ رزق کی تلاش بالآخر اسلام آباد لے آئی۔ یہاں منتقلی کے کئی برس بعد تک بھی خود کو اس شہر کے مطابق ڈھال نہ پایا۔ موقع ملتے ہی لاہور روانہ ہو جاتا۔ وہاں رہتے ہوئے خود کو انگریزی لفظ میں بیان ہوا Rootedمحسوس کرتا۔ بتدریج لاہور جانے کے سفر کم سے کم تر ہونا شروع ہو گئے۔ مزاجاً ہر حوالے

پنجابی کا ایک محاورہ غصے کی اس صورت کا ذکر کرتا ہے جو گدھے پر سے گرنے کی وجہ سے کمہار پر اُتارا جاتا ہے۔ افغانستان کے صدر ان دنوں ویسے ہی غصے کا شکار ہوئے نظر آرہے ہیں۔ امریکی صدر ٹرمپ نے انہیں اعتماد میں لئے بغیر افغانستان سے اپنی فوجیں واپس بلانے کا بظاہر ’’عاجلانہ‘‘ اعلان کردیا۔ زلمے خلیل زاد کو یہ ذمہ داری سونپی گئی کہ وہ اس کی خواہش پورا ہونے کی راہ نکالے۔طالبان سے باقاعدہ