علی بن حمزہ کسائی ( امام کسائی) عباسی خلیفہ ہارون الرشید کے صاحبزادگان مامون الرشید اور امین الرشید کے اتالیق تھے۔ ایک دفعہ امام کسائی مجلس سے اٹھے تو دونوں شہزادگان استاد کے نعلین اٹھانے دوڑے اور اس بات پہ تکرار کرنے لگے کون استاد کے جوتے اٹھائے گا۔ بلآخر دونوں جوتے کا ایک ایک پاؤں لے کر استاد کے پاس پہنچے۔ خلیفہ ہارون الرشید یہ سارا منظر دیکھ رہا تھا۔ اگلے دن اس نے اپنے مصاحبین وزراء اور درباریوں

محلہ کی نکڑ پہ پانی کا نل تھا۔ سارا محلہ اور راہ گیر مسافر اس نل کے پانی سے فیضیاب ہوتے۔ نل سے رسنے والے پانی سے چھوٹا سے جوہڑ بن گیا جس پہ دن رات مکھیاں مچھر اور دوسرے جراثیم پرورش پانے لگے۔ نل سے پانی رسنے کے پیچھے بھی اک کہانی تھی۔ ہوا کچھ یوں نل کی ٹوٹی اک رات نشئی قسم کے چور اتار کر لے گئے اور اس کی جگہ نل کے منہ پہ چھوٹی سی

ہندی میں نر کوبرا کو ناگ اور مادہ کوبرا کو ناگن کہا جاتا ہے۔ ہندو مذہب میں پوجے جانے والے خداؤں کی تعداد کروڑوں میں ہے۔ بعض کتب میں ہندوؤں کے خداؤں کی تعداد ساڑھے تین کروڑ اور کچھ کتب میں ان کے خداؤں کی تعداد پانچ کروڑ رقم کی گئی ہے۔ ہندو جن لاتعداد خداؤں کو پوجتے ہیں ان میں بندر، پیپل، مور، گھڑیال، ہنس، طوطا، چوہا، انجیر، تلسی، ببول، گنگا ( دریائے گنگا ) ، گائے اور سانپ بھی شامل ہے۔

اک عورت نے اژدھا ( سانپ ) پالا ہوا تھا۔ اس عورت کو اژدھا بچوں کی طرح عزیز تھا۔ وہ اس کو اپنے ساتھ کھلاتی، پلاتی، سلاتی تھی۔ کچھ عرصے بعد اژدھے نے کھانا پینا چھوڑ دیا۔ عورت پریشان ہوئی اور اس کو جانوروں کے ڈاکٹر کے پاس لے گئی۔ ڈاکٹر نے اژدھے کو بغور دیکھا اور عورت سے پوچھا آپ اس کو اپنے ساتھ سلاتی ہیں۔ عورت نے اثبات میں جواب دیا۔ ڈاکٹر نے پھر پوچھا کیا یہ آپ کے ساتھ لیٹ کر اپنے اپنا جسم اکڑاتا ہے۔ عورت نے پھر اثبات میں جواب دیا۔ ڈاکٹر نے کہا یہ سانپ آپ کو کھانے کی تیاری کر رہا ہے۔

ہرنام سنگھ اور پربنت کور کی شادی کے کئی سال بعد بیٹا پیدا ہوا۔ بہت دوائیں کیں۔ پیروں فقیروں، گردواروں کے گرد ماتھے ٹیکے تب کہیں خدا خدا کرکے ڈھلتی عمر میں اوپر والے نے اسے پرنام سنگھ کی صورت میں اولاد نرینہ اور وارث عطا کیا۔ اب دونوں میاں بیوی کے جینے کا سہارا اور آسوں امید کا مرکز پرنام سنگھ کے لیے ہرنام سنگھ اور پربنت کور نے کئی کئی خواب دیکھے کئی کئی خیال سوچے۔ انہی سوچوں میں گم ہرنام سنگھ چاہتا تھا پرنام سنگھ پہلوان بنے اکھاڑے میں کثرت کرے۔

اگلے وقتوں کی بات ہے۔ ہرنام سنگھ اور کھڑک سنگھ دو ہمسائے ہوا کرتے تھے۔ دونوں کے گھر اور کھیت ساتھ ساتھ تھے۔ جہاں دو برتن ہوں کھنکھناہٹ تو ہوتی ہے۔ سو دونوں میں نوک جھوک چلتی رہتی۔ ہرنام سنگھ کے پاس زمیں جائیداد نوکر چاکر سب کچھ تھا مگر کھڑک سنگھ کا گزارا بمشکل ہوتا تھا۔ صبح ہوتی ہے شام ہوتی ہے زندگی سبک اور تیز رواں تھی۔ دونوں میں توتکرار معمول تھا۔ ایک دن کھڑک سنگھ جسے کھانے

ایک دفعہ کا ذکر ہے ہرنام سنگھ ٹرین میں اپنے اہل و عیال کے ساتھ محو سفر تھا۔ ہر نام سنگھ تھوڑا سا سرشار بھی تھا۔ اہل و عیال میں اس کی بیوی بیٹی بیٹا چھوٹا بھائی اور دو ملازم شامل۔ ہرنام سنگھ سے کچھ دور اک دوشیزہ پرنام کور بھی اپنی ماں کے ساتھ اپنی منزل کی جانب رواں تھی۔ اکیلی لڑکی ٹرین کا لمبا سفر ہرنام سنگھ نے موقع غنیمت جانا اور اپنے اہل و عیال کو لے کر پرنام کور کے قریب ہو کے بیٹھ گیا۔ پرنام کور کی الہڑ جوانی مستانی آنکھیں لانبے گیسو دراز مژگاں دل پھینک ہرنام سنگھ کو بے چین کر گئی۔

جنرل پرویز مشرف صاحب کا دور صدارت تھا۔ یہ دور تھا نئی نئی متعارف ہونے والی روشن خیالی کا۔ اس دور میں اک فلم بننا شروع ہوئی تھی ”ہر فن مولا“۔ اس سے پہلے مولا کا نام لے کر بہت سی فلمی بنی تھیں مثلاً مولا جٹ، مولے دا کھڑاک، مولا گجر، مولا تے مکھو وغیرہ۔ مگر وہ سب پنجابی فلمیں تھیں اور ان میں پرانے چہرے پرانے ادارکار اور صدا کار تھے۔ فلم ہر فن مولا کی انفرادیت تھی

بڑے دنوں کی بات ہے۔ لاہور کے مضافات پتوکی کے گاؤں میں ماسٹر محمد حسین ہوا کرتے تھے۔ مسلم لیگی کارکن ماسٹر محمد حسین ولد غلام رسول۔ نیک دل، سادہ طبیعت حق بات کہنے والے اور حق بات پہ ڈٹ جانے والے۔ جنرل مشرف صاحب نئے نئے صاحب اقتدار و اختیار ہوئے تھے۔ سوائے ان کے کسی کا بس نہ چلتا تھا۔ کل کے شاہ، آج گدا قصہ پارینہ ہوئے جاتے تھے۔ میاں صاحباں اور ان کے چند جانثار ساتھی پس زنداں تھے۔

ایسے میں مرحومہ کلثوم نواز جان ہتھیلی پہ رکھ کر نکلیں۔ چاہے لوگ اسے شوہر بچانے کی تحریک کہیں لیکن اس وقت وہ مزاحمت کی علامت تھیں۔

لاہور میں آپ اگر قرطبہ چوک فیروز پور روڈ سے کلمہ چوک کی طرف جائیں تو ڈسٹرک جیل کے بعد بائیں ہاتھ پر شادمان سے پہلے ٹولنٹن مارکیٹ آتی ہے۔ ٹولنٹن مارکیٹ کی وجہ شہرت بہت سی ہیں جن میں سے ایک عام اور نایاب پرندوں کی خرید و فروخت ہے۔ میں اور میرا محترم دوست شیر زمان اکثر بٹیرے لینے ٹولنٹن مارکیٹ جاتے رہتے ہیں۔ پچھلے دنوں وہاں جانا ہوا تو نئی مرسیڈیز سے اترتے ہوئے اک شخص پر

قدیم ہندوستان کی ریاست مارونڈہ کا راجہ دلیر سنگھ دلبر بڑی محنت مشقت بڑی جدوجہد کے بعد تخت نشین ہوا۔ تخت نشینی سے پہلے وہی دعوے وعدے، لڑائیاں، محلاتی شازشیں، جنگ و جدل اور قید بند کی کہانیاں جو عموماً راجوں مہاراجوں اور تخت کے حاصل وصول کا لازمی حصہ ہوتیں ہیں۔ تخت نشینی کے لیے دلیر سنگھ دلبر نے اپنی جوانی کے کئی سال تج دیے۔ راجہ کا اصل نام تو دلیر سنگھ تھا لیکن وہ اپنی شخصیت اور

بادشاہ سلامت نے ایک نئی شاہراہ تعمیر کروائی جس کے اردگرد سایۂ دار درختوں کی قطاریں لگوائیں۔ کچھ فاصلہ پر کنویں کھدوائے اور پانی کا انتظام بھی کیا۔ مسافروں کے لیے سرائیں بھی تعمیر ہوئیں جہاں سوار اور سواری دم لے سکے۔ بادشاہ سلامت نے اس شاہراہ کے افتتاح کے لئے ایک دوڑ یا چہل قدمی کا اعلان کیا اور کہا کہ اس دوڑ میں تمام شہری حصہ لیں اور اِس کے اختتام پر شاہراہ کے متعلق اپنے تاثرات کا

عمر بھر سنگ زنی کرتے رہے اہل وطن یہ الگ بات کہ دفنائیں گے اعزاز کے ساتھ اہل وطن نے اتنے سنگ سمیٹ لیے ہیں کہ اب کے پس مرگ بھی سنگ زنی جاری ہے۔ یہ کم و بیش سترہ برس ادھر کی بات ہے۔ ابھی وقت نے آمریت کی رعونت پہ خاک نہ ڈالی تھی۔ کوئی بول رہا تھا خدا کے لہجے میں۔ وقت ناں وقت ہوا چاہتا تھا۔ چشم زدن میں حالات نے ایسے پلٹا کھایا کہ بیشتر

شیریں فرہاد اک رومانوی داستان ہے۔ بعض کتب میں انہیں ایرانی کہا گیا اور بعض کتب میں شیریں فرہاد کا وطن بلوچستان بتایا گیا ہے۔ شیریں فرہاد کا مزار ایران میں بھی ہے اور بلوچستان میں آواران کے مقام پر بھی شیریں فرہاد کی قبر ہے۔ بہت سی دوسری لوک داستانوں کی طرح شیریں فرہاد کے بارے میں زیادہ معلومات دستیاب نہیں بہت سے قصے کہانیاں ہیں جو سینہ بہ سینہ چلے آرہے ہیں۔ بلوچ داستان گو کے مطابق فرہاد

اگلے وقتوں کی بات ہے۔ گاؤں میں انتہا کی پسماندگی تھی۔ کھانا کسی کسی تو ملتا وہ بھی اک پہر، دو پہر۔ نہ کوئی سکول مدرسہ نہ مکتب پاٹ شالا۔ تیز تھا سر ہر خار۔ ڈاکٹر حکیم دوا دارو بھی مفقود۔ ہر جگہ بھوک ننگ افلاس کا راج تھا۔ ہر روش خاک اڑاتی تھی صبا۔ مال مویشی بد حال پیاسے۔ مال ڈھور ڈنگر سے بھی بدتر آدم زاد۔ اوّل تو پانی کوسوں دور۔ کہیں کہیں برساتی تالاب۔ وہ پانی بھی

بوڑھا شکاری اپنے ساتھیوں، بالکوں کو لے کر شکار پر نکلا۔ شکاری پرانا گھاگ اپنے نشانہ میں طاق تھا۔ تیر تیشے بالے چلتے رہے۔ کچھ جانور شکار ہوئے کچھ گھائل کچھ زخمی ہو کے بھاگ نکلے۔ شکار کے ساتھ ساتھ جنگل کا فاصلہ بھی طے ہوتا رہا۔ چلتے چلتے جنگل کا وسط آگیا لیکن اتنا شکار ہاتھ نہ آیا جسے کامیابی کہا جائے۔ استاد نے بالکوں کو حکم دیا واپسی کا رخت سفر باندھیں۔ سب حیران لب بستہ دلگیر۔ اتنی

حکیم الامت علامہ محمد اقبال کا جو بھی کام اور کلام تھا، ہم اس پہ عمل تو کیا کرتے؛ بس چند نظموں و غزلوں کو حوالہ نصاب کر کے ہمارا قومی فریضہ ادا ہوگیا۔ باقی ان کا کچھ کلام ملاؤں کے ہاتھ لگا۔ کچھ گویوں، قوالوں کی نذر ہوا۔  ملا، علامہ اقبال کی زندگی میں ان سے زیادہ تر نالاں رہے۔ طرفین کے خیالات اک دوسرے کے بارے میں کوئی زیادہ خوش کن نہیں تھے۔ ملا کی ساری شریعت مستی گفتار اور

اندرون لاہور کے کوچہ کمان گراں میں جب ملنگی نے آنکھ کھولی تو گھر میں اداسی، یاسی و غربت کی لا متناہی چادر پہرہ زن تھی۔ شعور کی منزلیں بھی طے ہوتی رہیں اور لا شعور میں بھوک بھی بڑھتی رہی۔ دو وقت کی روٹی کی خاطر جگہ جگہ خاک چھنتی رہی۔ کبھی محفل کی جوتیوں کے اوپر کبھی جوتیوں کے نیچے گویا۔ کبھی عرش پر کبھی فرش پر، کبھی اُن کے در کبھی دربدر۔ کہتے ہیں ملنگی کے بڑے

اگلے وقتوں کی بات ہے پورے ملک میں قحط سالی تھی پانی نایاب تھا۔ بمشکل تمام میٹھے پانی کا اک کنواں دریافت ہوا۔ لیکن جو بھی اس کا پانی پیتا اس کی ذہنی حالت خراب ہو جاتی۔ جس کی ذہنی حالت خراب ہوتی وہ باقی سب کو پاگل سمجھنے لگتا۔ دو چار چھ کرتے کرتے آدھا ملک پاگلوں سے بھر گیا۔ اب طرفین اک دوسرے کو پاگل کہتے اور سارا دن بہتری کی ترکیبیں سوچتے۔ لیکن ہر روز پانی پینے