وزیر اطلاعات فواد چوہدری نے اعلان کیا ہے کہ وزیراعظم نے اقتصادی ماہر عاطف  میاں کا نام واپس لے لیا ہے فواد چوہدری کی ٹویٹ ‏حکومت نے فیصلہ کیا ہے کہ عاطف میاں کی اقتصادی مشاورتی کمیٹی سے نامزدگی واپس لے لی جائے. حکومت علماء اور تمام معاشرتی طبقات کو ساتھ لے کر ہی آگے بڑھنا چاہتی ہے اور اگر ایک نامزدگی سے مختلف تاثر پیدا ہوتا ہے تو یہ مناسب نہیں۔ حکومت نے فیصلہ کیا ہے کہ عاطف میاں

وزیر اعظم عمران خان نے منگل کو ہونے والے اجلاس میں گیس کی قیمت میں اضافے کی منظوری دے دی۔ انہیں بتایا گیا کہ پچھلے پانچ برس میں گیس کی قیمت میں کوئی اضافہ نہ کرتے ہوئے اسے فریز رکھا گیا تھا۔ سب سے غریب طبقے کے سلیب کے گھریلو اور کمرشل صارفین کے لئے 180 فیصد تک اضافہ کیا گیا ہے۔ جبکہ انڈسٹریل، سیمنٹ، سی این جی، پاور اور کمرشل درجے کے لئے 27 سے 31 فیصد تک اضافہ

آج ایڈیشنل سیشن جج چنیوٹ کی عدالت نے مشہور قتل کیس کافیصلہ سنا دیا۔ ملزم اکرام نے دو افراد کو مسجد آسیاں والا چنیوٹ میں قتل کر دیا تھا۔ ملزم کو دو دفعہ سزائے موت اور چھ لاکھ روپے جرمانہ کی سزا دی گئی۔ اس مقدمے میں مقتول پارٹی کی طرف سے ثناءاللہ خان نیازی ایڈووکیٹ (ریٹائرڈ ڈسٹرکٹ اینڈ سیشن جج)نے وکالت اور پیروی کی۔ اگست 2017 میں دو سگے بھائیوں نے مسجد میں سوئے ہوئے تبلیغی جماعت کے افراد

نوازشریف کے خلاف العزیزیہ اسٹیل مل اور فلیگ شپ ریفرنسز کی سماعت کرتے ہوئے احتساب عدالت نے خواجہ حارث کے اعتراض پر 30 اگست کی سماعت کے دوران قلمبند نیب پراسیکیوٹر کے بیان کا آخری پیرا حذف کر دیا۔ نواز شریف کی ایک روزہ حاضری سے استثنی کی درخواست منظور کرتے ہوئے سماعت کل تک ملتوی کر دی گئی۔ نوازشریف کے خلاف العزیزیہ اسٹیل مل اور فلیگ شپ ریفرنسز کی سماعت احتساب عدالت کے جج ارشد ملک نے کی۔ عدالت

کراچی: پیپلز پارٹی کے رکن سندھ اسمبلی شرجیل انعام میمن کے کمرے سے شراب کی بوتلیں ملنے کے معاملے کی تحقیقات کے لیے جیل انتظامیہ نے ان کا ڈی این  اے ٹیسٹ کرانےکی سفارش کا فیصلہ کیا ہے۔ ذرائع کے مطابق جیل انتظامیہ نے ڈی این  اے ٹیسٹ کے لیے تحقیقاتی کمیٹی کو زبانی درخواست کردی تاہم تحریری درخواست جیل انتظامیہ کی انکوائری کے بعد کی جائے گی۔ یاد رہے کہ شرجیل میمن محکمہ اطلاعات میں پونے 6 ارب روپے

اسلام آباد: چیف جسٹس پاکستان جسٹس ثاقب نثار نے ایک کیس کی سماعت کے دوران شرجیل میمن کے کمرے سے شراب کی برآمدگی سے متعلق ریمارکس دیے کہ میں شرجیل میمن کے کمرے میں شہد کی کوئی بوتل دیکھ کر نہیں آیا اور ہمیں پتہ ہے کس کے قبضے میں بعد میں نمونے بدل دیے گئے۔ سپریم کورٹ میں غیر فعال ٹربیونلز کیس کی سماعت کے دوران اسپتال میں شرجیل میمن کے کمرے سے شراب کی برآمدگی کا بھی تذکرہ

اسلام آباد: ڈسٹرکٹ پولیس افسر (ڈی پی او) پاکپتن کے تبادلے پر از خود نوٹس کیس کی سماعت کے دوران سپریم کورٹ نے پولیس میں سیاسی مداخلت کی تحقیقات کا حکم دیتے ہوئے ایک ہفتے میں رپورٹ طلب کرلی۔ چیف جسٹس آف پاکستان جسٹس ثاقب نثار کی سربراہی میں 3 رکنی بینچ نے ڈی پی او تبادلہ از خود نوٹس کی سماعت کی، اس موقع پر آئی جی پنجاب کلیم امام، سابق ڈی پی او پاکپتن رضوان گوندل، خاور مانیکا

لاہور: ایئرپورٹ سیکیورٹی فورس کی خاتون اہلکار کو گانے پر رقص کرتے ہوئے ویڈیو انٹرنیٹ پر اپ لوڈ کرنا مہنگا پڑگیا۔ ایئرپورٹ سکیورٹی فورس (اے ایس ایف) کی ایک خاتون اہلکارکی ویڈیو انٹرنیٹ پر وائرل ہوئی ہے جس میں سیالکوٹ ایئرپورٹ پرتعینات خاتون اہلکار گانے پر اپنی ویڈیو بنارہی ہے۔ ویڈیو انٹرنیٹ پر وائرل ہونے کے بعد اے ایس ایف نے اس کا نوٹس لے لیا اور خاتون اہلکار کے خلاف تحقیقات شروع کردی گئی ہیں۔ اے ایس ایف نے

بہاول نگر: بہاول نگر کے علاقے ہارون آباد میں خواجہ سراؤں نے 15 سالہ ملازم لڑکے کو تشدد کا نشانہ بنایا۔ پولیس کے مطابق 15 سالہ شیر خان ہارون آباد میں ضیاء الحق روڈ پر خواجہ سراؤں کے ہاں 6 ہزار روپے ماہوار پر نوکری کرتا تھا۔ پولیس کا کہنا ہے کہ شیر خان کو خواجہ سرا بنانے کی کوشش کی گئی تھی اور لڑکے کے انکار اور مزاحمت پر خواجہ سراؤں نے اسے شدید تشدد کا نشانہ بنایا۔ خواجہ

ممتاز صحافی اعزاز سید نے ٹویٹر پر انکشاف کیا ہے کہ نادرا نے آر ٹی ایس (ریزلٹ ٹرانسمیشن سسٹم) کے بند ہونے کی تردید کی ہے اور کہا ہے کہ آر ٹی ایس سے آر ایم ایس (ریزلٹ مینیجمنٹ سسٹم) میں کوئی ڈیٹا نہیں کہا تھا۔ ”نادرا کادھماکہ:واضح کرنا چاہتے ہیں کہ آرٹی ایس مکمل طور پر فعال رہا اور بند نہیں ہوا۔آر ٹی ایس کا آر ایم ایس سے کوئی تعلق نہیں تھا۔یہ بات کہ آر ٹی ایس سے

عمران، پومپیو گفتگو: امریکہ نے پاکستان کو تحریری ریکارڈ بھیج دیا، حکومت کو شرمندگی کا سامنا۔ اسلام آباد (شفقت علی+ دی نیشن رپورٹ) امریکہ نے وزیرخارجہ مائیک پومپیو اور وزیراعظم عمران خان کے درمیان ٹیلیفونک گفتگو کا تحریری ریکارڈ پاکستان کو بھیج دیا ہے جس سے صاف ظاہر ہوتا ہے کہ گفتگو کے دوران کیا بات ہوئی تھی۔ سفارتی ذرائع کا کہنا ہے تحریری ریکارڈ سے حکومت کو شرمندگی ہوئی ہے۔ امریکی دفتر خارجہ کی طرف سے بیان میں کہا

پنجاب کے صوبائی وزیر اطلاعات فیاض الحسن چوہان نے سوشل میڈیا پر اپنے دھواں دھار پیغامات سے ہل چل مچا دی ہے۔ وفاقت وزیر اطلاعات فواد چوہدری کی طرف سے ہیلی کاپٹر میں 55 روپے فی کلو میٹر سفر کی خوش خبری کے بعد پنجاب کے صوبائی وزیر اطلاعات فیاض الحسن چوہان نے زور دار بیانات سے پاکستانی قوم، بالخصوص پاکستان تحریک انصاف کی صفوں میں جوش و جذبہ بھر دیا ہے۔ فیاض الحسن چوہان نے ٹویٹ کیا کہ عمران خان کے

پاکپتن: وزیراعظم عمران خان کی اہلیہ بشریٰ بی بی کے سابق شوہر خاور مانیکا کو ناکے پر روکنے والے ڈسٹرکٹ پولیس افسر (ڈی پی او) کا ٹرانسفر کر دیا گیا۔ ذرائع کے مطابق پولیس نے جمعرات 23 اگست کو خاور مانیکا کو ناکے پر رکنے کا اشارہ کیا لیکن وہ نہ رکے، لیکن جب پولیس نے ان کی کار کو روکا تو انہوں نے غلیظ زبان استعمال کی۔ ذرائع کے مطابق واقعے کے بعد حکومت پنجاب نے ریجنل پولیس افسر

وزیر خارجہ شاہ محمود قریشی نے کہا کہ وقت بدل گیا ہے اور اب پاکستان مغرب کا محبوب نہیں ہے۔ وزارت خارجہ میں پریس کانفرنس کرتے ہوئے شاہ محمود قریشی کا کہنا تھا کہ وزیراعظم عمران خان کو خارجہ امور کے حوالے سے پاکستان کو درپیش مسائل کے حوالے سے تفصیلی بریفنگ دی۔ وزیر خارجہ شاہ محمود قریشی نے کہا کہ وزیراعظم نے ہدایت کی ہے کہ مؤثر اور ٹھوس انداز سے پاکستان کی ترجمانی کی جائے گی۔ ان کا

وفاقی وزیر اطلاعات و نشریات فواد چوہدری نے سرکاری ٹی وی(پی ٹی وی) سے سیاسی سنسرشپ کے خاتمے کا اعلان کردیا۔ میڈیا سے گفتگو میں فواد چوہدری نے کہا کہ وزیر اعظم کے وژن کے مطابق سرکاری ٹی وی چینل پر سنسر شپ ختم کر دی۔ وفاقی وزیر نے کہا کہ ریڈیو پاکستان کو غیر جانبدار رہنے کی ہدایت کر دی، اطلاعات کے شعبے میں 3 ماہ کے دوران کئی تبدیلیاں آئیں گی۔ انہوں نے کہا کہ پی ٹی وی

حج کے دوران شلوار قمیض پہنے ہوئے ایک بزرگ دیسی خاتون اپنے جوتے کھو بیٹھیں۔ ان کے ساتھی موجود شخص ان کے لئے گتے کی مدد سے جوتے بنا کر ان کو پہنانے لگا تاکہ ان کے پیر تپتی ہوئی زمین سے نہ جلیں۔ اسی دوران ایک سعودی اہلکار کی نظر ان پر پڑ گئی۔ وہ ان کے قریب آیا اور اپنی وردی کے جوتے اتار کر ان خاتون کو پہنا دیے اور خود ننگے پاؤں ہو کر فرائض انجام

وزیر اعظم عمران خان کی اہلیہ بشریٰ بی بی کے استخارہ کے نتیجہ میں سردار عثمان بزدار کے وزیراعلیٰ پنجاب بننے کا انکشاف ہوا ہے۔ لاہور کے ایک روزنامہ اخبار کے مطابق سردار عثمان بزدار کو بشریٰ بی بی کے استخارہ نے وزیراعلیٰ پنجاب بنوایا، ان کی نامزدگی میں جہانگیر ترین کا کوئی ہاتھ نہیں۔ عمران خان نے پنجاب کی وزارت اعلیٰ کیلئے اپنی اہلیہ بشریٰ بی بی کو استخارہ کیلئے کہا تھا۔ امیدوار کی نامزدگی میں تاخیر استخارہ کی

اسلام آباد: وزیراعظم عمران خان نے کہا ہے کہ وہ گھبرانے والے نہیں، قوم تیار ہوجائے اب یا تو ملک بچے گا یا کرپٹ افراد۔ ایک گھنٹہ اور 9 منٹ طویل خطاب میں ان کا کہنا تھا کہ پاکستان کی تاریخ میں کبھی اتنے مشکل مالی حالات نہیں تھے جیسے اب ہیں، پاکستان 28 ہزار ارب روپے کا مقروض ہوچکا ہے۔ انہوں نے بتایا کہ 10 سال قبل پاکستان کا قرضہ 6 ہزار ارب روپے تھا جو کہ 2013 میں

لاہور: تحریک انصاف کے نامزد امیدوار عثمان بزدار پنجاب کے نئے وزیراعلیٰ منتخب ہوگئے۔ اسپیکر چوہدری پرویز الہٰی کی زیرصدارت اجلاس کے دوران نئے قائد ایوان کا انتخاب عمل میں لایا گیا جس کے دوران تحریک انصاف کے عثمان بزدار نے 186 ووٹ حاصل کیے جب کہ ان کے مدمقابل مسلم لیگ ن کے حمزہ شہباز نے 159 ووٹ حاصل کیے۔ وزیراعلیٰ کا انتخاب خفیہ رائے شماری کے بجائے اراکین کو اسپیکر کے دائیں اور بائیں جانب جمع ہو کر

نو منتخب وزیراعظم عمران خان نے عام انتخابات 2018 میں اپنی پارٹی کی کامیابی کی صورت میں حکومت کے پہلے 100 دن کے ایجنڈے کا اعلان کرتے ہوئے کہا تھا کہ تعلیم، صحت، مکان، انصاف اور روزگار ایجنڈے پر سرفہرست ہوں گے۔ عمران خان کا کہنا تھا کہ 100 روزہ پلان کا مقصد پالیسیوں کو تبدیل کرنا ہے اور ہماری حکومت کے ابتدائی 100 دن اس بات کی عکاسی کریں گے کہ پارٹی کس راستے پر گامزن ہے۔ اس پلان

اسلام آباد: وزیراعظم عمران خان نے 20 رکنی وفاقی کابینہ کے ارکان کے نام اور ان کی وزارتوں کی منظوری دے دی۔ ترجمان پی ٹی آئی فواد چوہدری کے مطابق وزیراعظم عمران خان نے 20 رکنی وفاقی کابینہ کی منظوری دی ہے جس میں 15 وزراء اور 5 مشیر شامل ہیں جب کہ وزرا پیر کے روز اپنے عہدوں کا حلف اٹھائیں گے۔ فواد چوہدری کے ٹوئٹر اکاؤنٹ سے جاری لسٹ کے مطابق ایم کیوایم کے سینیٹر فروغ نسیم کو

اسلام آباد: پاکستان تحریک انصاف کے سربراہ عمران خان ملک کے 22ویں وزیراعظم منتخب ہو گئے ہیں۔ وزیراعظم کے انتخاب کے لیے قومی اسمبلی کا اجلاس جاری ہے جہاں نئے قائد ایوان چننے کے لیے رائے شماری ہوئی جس میں پاکستان تحریک انصاف کے سربراہ عمران خان نے 176 ووٹ لیے جب کہ شہباز شریف کو 96 ووٹ ملے۔ اسپیکر قومی اسمبلی اسد قیصر نے اجلاس کے آغاز میںاراکین کو قائد ایوان کے انتخاب کے طریقہ کار سے متعلق آگاہ

کراچی: بینکنگ کورٹ نے جعلی بینک اکاؤنٹس سے منی لانڈرنگ کے کیس میں سابق صدر آصف زرداری کے ناقابل ضمانت وارنٹ گرفتاری جاری کردیئے۔ کراچی کی بینکنگ عدالت میں جعلی بینک اکاؤنٹس سے منی لانڈرنگ کے کیس کی سماعت ہوئی جس سلسلے میں دو ملزمان انور مجید اور عبدالغنی مجید کو عدالت میں پیش کیا گیا جہاں عدالت نے ایف آئی اے کی استدعا پر دونوں ملزمان کو 24 اگست تک جسمانی ریمانڈ پر ایف آئی اے کے حوالے کردیا۔

لاہور: تحریک انصاف کے نامزد چوہدری پرویز الہیٰ پنجاب اسمبلی کے اسپیکر منتخب ہوگئے اور انہوں نے اپنے عہدے کا حلف بھی اٹھالیا۔ سبکدوش ہونے والے اسپیکر رانا اقبال کی زیر صدارت پنجاب اسمبلی کے اجلاس کے نئے اسپیکر کا انتخاب خفیہ رائے شماری کے ذریعے کیا گیا، اس موقع پر تحریک انصاف اور ن لیگ کے اراکین نے شدید احتجاج کیا اور نعرے بازی بھی کی۔ ووٹنگ کا عمل مکمل ہونے کے بعد اسپیکر رانا اقبال نے تحریک انصاف

اسلام آباد: ہائی کورٹ کے جسٹس اطہر من اللہ نے عمران خان نا اہلی کیس سننے سے معذرت کر لی ہے جس کے باعث عدالت عالیہ کا بینچ ایک مرتبہ پھر ٹوٹ گیا۔ عمران خان نا اہلی کیس کی سماعت کے لیے جسٹس شوکت عزیز صدیقی کی سربراہی میں اسلام آباد ہائی کورٹ کا 2 رکنی بینچ تشکیل دیا گیا تھا، بینچ کے دوسرے رکن جسٹس اطہر من اللہ تھے تاہم سماعت کے آغاز پر جسٹس اطہر من اللہ نے

اسلام آباد:پاکستان تحریک انصاف (پی ٹی آئی) کے امیدوار اسد قیصر اسپیکر قومی اسمبلی منتخب ہوگئے۔ سبکدوش ہونے والے اسپیکر سردار ایاز صادق کی زیر صدارت قومی اسمبلی کا اجلاس ہوا، جہاں خفیہ رائے شماری کے ذریعے پہلے مرحلے میں اسپیکر کا انتخاب کیا گیا۔ اسد قیصر نے 176 جبکہ خورشید شاہ نے 146 ووٹ حاصل کیے . کل 330 ووٹ کاسٹ ہوئے ، 8 مسترد۔ پاکستان تحریک انصاف کی جانب سے اسد قیصر جبکہ اپوزیشن اتحاد کی جانب سے

کراچی: پاکستان تحریک انصاف کی جانب سے نامزد گورنر سندھ عمران اسماعیل نے بلاول ہاؤس گرانے سے متعلق اپنے وضاحتی بیان میں کہا ہے کہ اس قسم کا کوئی بیان نہیں دیا اور بلاول ہاؤس گرانے سے متعلق سوچ بھی نہیں سکتا۔ گزشتہ روز پاکستان تحریک انصاف کی جانب سے نامزد گورنر سندھ عمران اسماعیل نے میڈیا سے گفتگو میں کہا تھا کہ پیپلز پارٹی سے بلاول ہاؤس کی حفاظتی دیوار گرانے کی بات کریں گے، بیرونی دیوار نہیں گرائی

کولام: بھارتی ریاست کیرالہ میں خاتون ٹیچر کو مسلسل ایک سال تک زیادتی کا نشانہ بنانے والے مزید 2 پادریوں نے خود کو قانون کے حوالے کر دیا۔ بھارتی میڈیا کے مطابق شادی شدہ خاتون ٹیچر کو بلیک میل کر کے ایک سال تک مسلسل زیادتی کا نشانہ بنانے والے مزید دو پادریوں نے سرنڈر کر دیا ہے۔ ’فادر ابراہام ورگیسے‘ نے تھرو ولا مجسٹریٹ کورٹ اور ’فادر جیسی جارج‘ نے کرائم برانچ آفس میں خود کو پیش کر دیا۔

مبینہ جعلی بینک اکاؤنٹس سے متعلق کیس کی سپریم کورٹ میں سماعت کے دوران چیف جسٹس آف پاکستان میاں ثاقب نثار کا کہنا ہے کہ اومنی گروپ کی اگر جائیدادیں اور بینک اکاؤنٹس ایف آئی اے نے قرق کی ہیں تو اب ہم بھی قرقی کاحکم دیتے ہیں۔ مبینہ جعلی بنک اکاؤنٹس سے متعلق کیس کی سپریم کورٹ میں سماعت ہوئی تاہم اومنی گروپ کے مالکان عدالتی حکم کے باوجود عدالت میں پیش نہ ہوئے، عدالت نے پیش نہ ہونے

اسلام آباد: تحریک انصاف نے قومی اسمبلی کے اسپیکر اور ڈپٹی اسپیکر کے انتخاب کے لیے پیپلز پارٹی سے ووٹ مانگ لیے۔ ترجمان تحریک انصاف فواد چوہدری کہتے ہیں کہ انہوں نے اسپیکر قومی اسمبلی کے لیے خورشید شاہ سے اسد قیصر کے حق میں دستبردار ہونے کی درخواست کی ہے۔ پی ٹی آئی وفد نے پیپلزپارٹی کے رہنما خورشید شاہ سے اسلام آباد میں ملاقات کی جس میں ملکی سیاسی صورتحال سمیت کئی معاملات پر بات چیت ہوئی۔ ملاقات

اسلام آباد: ووٹ کی رازداری پامال کرنے سے متعلق کیس میں الیکشن کمیشن نے چیئرمین تحریک انصاف عمران خان کی معافی قبول کرتے ہوئے ازخود نوٹس واپس لے لیا۔ چیف الیکشن کمیشن کی سربراہی میں 4 رکنی بنچ نے چیئرمین تحریک انصاف عمران خان کے خلاف ووٹ کی رازداری پامال کرنے سے متعلق کیس کی سماعت کی، اس موقع پر عمران خان کے وکیل بابر اعوان الیکشن کمیشن میں پیش ہوئے اور عمران خان کا بیان حلفی جمع کرایا جس

اسلام آباد: الیکشن کمیشن نے ناشائستہ زبان کے استعمال کے کیس میں عمران خان، پرویز خٹک، ایاز صادق اور مولانا فضل الرحمان کی غیر مشروط معافی قبول کرلی۔ چیف الیکشن کمشنر کی سربراہی میں 4 رکنی بینچ نے عمران خان، سابق وزیراعلیٰ خیبرپختونخوا پرویز خٹک، اسپیکر قومی اسمبلی ایاز صادق اور مولانا فضل الرحمان کے خلاف ناشائستہ زبان استعمال کرنے پر ضابطہ اخلاق کی خلاف ورزی پر سماعت کی۔ ایاز صادق کے وکیل کامران مرتضیٰ نے مؤقف اپنایا کہ وہ

اسلام آباد: (دنیا نیوز) سپریم کورٹ نے این اے131 لاہور میں دوبارہ گنتی رکوانے کے لئےعمران خان کی درخواست منظور کر لی۔ لاہور ہائیکورٹ کا دوبارہ گنتی کرانے کا فیصلہ معطل کر دیا گیا۔ چیف جسٹس ثاقب نثار کی سربراہی میں تین رکنی بینچ نے این اے 131 لاہور میں دوبارہ گنتی روکنے کی عمران خان کی درخواست پر سماعت کی۔ جسٹس اعجازالاحسن نے ریمارکس دیے کہ حلقے کی نمائندگی کیسے روک سکتے ہیں، مرتب ہونے والا نتیجہ حتمی ہے،

لاہور: سابق وزیراعظم نواز شریف، ان کی صاحبزادی مریم نواز اور داماد کیپٹن (ر) صفدر کی سزا کے خلاف اپیل پر سماعت کے لیے تشکیل دیے گئے لاہور ہائیکورٹ کے فل بنچ کے سربراہ جسٹس شمس محمود مرزا نے درخواست کی سماعت سے معذرت کرلی، جس کے باعث بنچ ٹوٹ گیا۔ جسٹس شمس محمود مرزا نے یہ معاملہ چیف جسٹس لاہور ہائیکورٹ کو بھجواتے ہوئے موقف اختیار کیا کہ وہ ذاتی وجوہ کی بنیاد پر کیس کی سماعت نہیں کرسکتے۔

عمران خان آرٹیکل 62 کے تحت وزیراعظم کے عہدے کیلئے اہل نہیں ہیں۔ اسلام آباد ہائیکورٹ نے چیئرمین پی ٹی آئی عمران خان کو وزارت عظمیٰ کا حلف اٹھانے سے روکنے کیلئے درخواست سماعت کیلئے منظور کر لی۔ اسلام آباد ہائیکورٹ کے جسٹس عامر فاروق سوموار کو درخواست پر سماعت کریں گے۔ اسلام آباد ہائیکورٹ نے درخواست کو قابل سماعت قرار دیتے ہوئے کہا ہے کہ اسلام آباد ہائیکورٹ کے جسٹس عامر فاروق سوموار کو درخواست پر سماعت کریں گے۔

ویب ڈیسک: گزشتہ روز راولپنڈی میں، ایئر پورٹ ہاوسنگ سوسائٹی کی حدود سے ممتاز مصنف احمد اقبال کی گاڑی ان کے گھر کے سامنے سے اٹھا لی گئی۔ تفصیل کے مطابق نا معلوم چور صبح ساڑھے نو دس بجے کے قریب گھر کے باہر کھڑی گاڑی ایم این یو 186، انجن نمبر 128489، چیسس نمبر 440786، چرا لے گئے۔ چوری کا علم ہوتے ہی ایئر پورٹ ہاوسنگ سوسائٹی کو مطلع کیا گیا، اور 15 پر کال کی۔ تھانے میں کار

چاہے اسے تقدیر کا لکھا سمجھیں یا نیب اور سی ڈی اے کی جانب سے جان بوجھ کر علیم خان کے وزیراعلیٰ پنجاب بننے کی کوشش کو ناکام کرنا، لیکن پی ٹی آئی لیڈر کو دو سرکاری اداروں کی جانب سے اس وقت مشکلات کا شکار کیا گیا جب انہیں صوبے کے اعلیٰ عہدے کیلئے اہم امیدوار سمجھا جا رہا تھا۔ جس بات سے شک پیدا ہوتا ہے وہ یہ ہے کہ سینئر نیب افسر نے ذاتی طور پر مختلف

گرینڈ اپوزیشن الائنس نے شہباز شریف کو وزیراعظم اور خورشید شاہ کو سپیکر قومی اسمبلی کے امیدوار کے طور پر سامنے لانے کا فیصلہ کر لیا جبکہ ایم ایم اے ڈپٹی سپیکر کیلئے آئندہ چوبیس گھنٹوں میں اپنے امیدوار کا نام سامنے لے آئے گی۔ تحریک انصاف کا وزیراعظم بننے کی صورت میں اپوزیشن لیڈر بھی شہباز شریف کو بنانے پر اتفاق رائے طے پا گیا۔ تفصیلات کے مطابق جمعرات کو مسلم لیگ (ن) ، پاکستان پیپلزپارٹی ، متحدہ مجلس

صدر مملکت ممنون حسین نے مسلم لیگ (ن) کے قائد میاں نواز شریف کی تجویز پر صدر کے عہدے سے مستعفی ہونے کا فیصلہ کرلیا تاہم وہ متوقع وزیراعظم عمران خان سے حلف لینے اور دورہ برطانیہ کے بعد اپنا استعفیٰ دے دیں گے جبکہ گورنر پنجاب رفیق رجوانہ اور گورنر خیبرپختونخوا اقبال ظفر جھگڑا نے استعفیٰ دینے سے انکار کر دیا ہے، گورنر سندھ محمد زبیر کا استعفیٰ صدر مملکت ممنون حسین نے منظور کرلیا ہے جس کا نوٹیفکیشن

نواز شریف سے آج جیل میں ملنے والے ملاقاتیوں کی لسٹ رشتہ دار شہباز شریف میاں یوسف عباس میاں عزیز عباس ناصر احمد قادری عمیر عثمان اسرار خان خوشدل خان ملازم عبداللہ طاہر فاروق شکیل احمد مسلم لیگی و دیگر سیاسی راہنما شاہد خاقان عباسی رانا محمد اقبال سابق سپیکر پنجاب ایاز صادق سپیک قومی اسمبلی محمود خان اچکزئی خرم دستگیر عاتط شبیر خان پرویز رشید محمد زبیر گورنر سندھ مفتاح اسماعیل امیر مقام برجیس طاہرمصدق ملک راجہ ظفر الحق

پشاور: خیبرپختونخوا کے حلقہ پی کے 70 میں دوبارہ گنتی پر عوامی نیشنل پارٹی کے خوشدل خان کامیاب ہوگئے جب کہ پی ٹی آئی کے شاہ فرمان ہارگئے۔ عام انتخابات میں خیبرپختونخوا کے حلقے پی کے 70 پشاور 5 سے تحریک انصاف کے امیداور شاہ فرمان نے 15 ہزار 404 ووٹ لیے تھے اور ان کے مدمقابل اے این پی کے خوشدل خان کے حصے میں 15 ہزار 357 ووٹ آئے تھے اور اس طرح شاہ فرمان 47 ووٹوں سے

شہباز شریف کی سخت ہدایات کے باوجود مسلم لیگ ن کے بیس منتخب نمائندے آج پارٹی میٹنگ میں شریک نہیں ہوئے جو پارٹی سے وفاداری یقینی بنانے اور مستقبل کا لائحہ عمل ترتیب دینے کے لئے بلائی گئی تھی۔ مسلم لیگ ن کے تمام منتخب نمائندگان کو پارٹی کے ماڈل ٹاؤن کے دفتر میں بلایا گیا تھا۔ مسلم لیگ ن کے 129 امیدواروں نے انتخاب جیتا ہے لیکن ذرائع کے مطابق صرف 106 میٹنگ میں آئے تھے۔ بیشتر امیدواروں نے

لاہور: پنجاب کی وزارتِ اعلیٰ اور کابینہ کے لیے پی ٹی آئی کے نام سامنے آگئے۔ عام انتخابات میں پنجاب میں (ن) لیگ اور تحریک انصاف بھاری اکثریت سے کامیاب ہوئی ہیں اور دونوں جماعتوں کی جانب سے صوبے میں حکومت سازی کے لیے رسہ کشی جاری ہے، دونوں جماعتیں سادہ اکثریت کا دعویٰ کررہی ہیں تاہم کوئی حتمی صورتحال واضح نہیں ہوسکی ہے۔ پنجاب میں وزیراعلیٰ کے لیے بھی تحریک انصاف میں لابنگ جاری ہے اور اب صوبے کے

اسلام آباد: چیئرمین تحریک انصاف عمران خان نے وزیراعلی خیبرپختونخوا کے لیے عاطف خان کا نام فائنل کرلیا۔ ذرائع کے مطابق وزیراعلی خیبرپختونخوا کے لیے پرویز خٹک اور عاطف خان کے درمیان مقابلہ تھا تاہم اب پارٹی چیئرمین نے خیبرپختونخوا اسمبلی کے قائد ایوان کے لیے عاطف خان کا نام فائنل کرلیا۔ ذرائع کا کہنا ہے کہ پرویزخٹک کی بھی وزیراعلی کے عہدے کے لیے لابنگ جاری ہے اور دوسرےآپشن کے طور پر وہ اسد قیصر کو وزیراعلی بنانے کے

اسلام آباد: چیئرمین تحریک انصاف عمران خان نے میانوالی کی نشست رکھنے کا فیصلہ کیا ہے جس کے بعد انہیں قومی اسمبلی کی 4 نشستیں چھوڑنا ہوں گی۔ چیئرمین تحریک انصاف عمران خان عام انتخابات میں قومی اسمبلی کی 5 نشستوں پر کامیاب ہوئے تھے تاہم اب انہوں نے فیصلہ کیا ہے کہ وہ این اے 95 میانوالی کی نشست اپنے پاس رکھیں گے اور دیگر 4 نشستیں چھوڑ دیں گے۔ ذرائع کے مطابق عمران خان اسلام آباد کے حلقہ

اسلام آباد: میاں نوازشریف کا معائنہ کرنے والے پمز کے پانچ رکنی میڈیکل بورڈ کے سربراہ کو دل کا دورہ پڑ گیا۔ ذرائع کے مطابق سابق وزیراعظم کا معائنہ کرنے والی پمز کی پانچ رکنی ٹیم کے سربراہ ڈاکٹر اعجاز قدیر کی گزشتہ رات اچانک طبعیت بگڑ گئی جس پر انہیں کارڈیک سینٹر منتقل کیا گیا۔ ذرائع کا کہنا ہےکہ ڈاکٹر اعجاز قدیر عارضہ قلب میں مبتلا ہیں اور انہیں دل کا دورہ پڑا ہے جس پر ان کا کارڈیک

لاہور: مسلم لیگ (ن) نے پنجاب میں حکومت سازی کے لیے چوہدری نثار سے رابطہ کرلیا۔ پنجاب میں حکومت سازی کے لیے مسلم لیگ (ن) اور تحریک انصاف کے درمیان رسہ کشی جاری ہے اور دونوں جماعتوں کی جانب سے مطلوبہ ارکان کی تعداد حاصل ہونے کے دعوے کیے جارہے ہیں تام صورتحال اب تک واضح نہیں ہوسکی ہے۔ ذرائع کے مطابق مسلم لیگ (ن) نے پنجاب میں حکومت سازی کےلیے اپنی پارٹی کے ناراض رہنما چوہدری نثار علی سے

اسلام آباد: نگران حکومت نے سابق وزیراعظم نواز شریف کو طبیعت بگڑنے پر اڈیالہ جیل سے پمز اسپتال منتقل کرنے کا فیصلہ کیا ہے جب کہ اسپتال کے باہر پولیس کی بھاری نفری تعینات کردی گئی۔ اڈیالہ جیل میں قید سابق وزیراعظم نواز شریف کے بائیں بازو اور سینے میں تکلیف کے باعث ڈاکٹروں نے ان کا معائنہ کیا جس کے بعد انہیں فوری طور پر کورنری کیئر یونٹ (سی سی یو) منتقل کرنے کا مشورہ دیا جس کے بعد

خیبر پختونخوا پولیس نے گزشتہ دنوں ایک کتے کو تحریک انصاف کا پرچم پہنا کر اس پر تشدد کرنے اور بالآخر گولی مار دینے والے مجرموں کو گرفتار کر لیا ہے۔ خیبر پختونخوا پولیس نے سوشل میڈیا کے صارفین کا شکریہ ادا کرتے ہوئے کہا ہے کہ پولیس نے ساری رات کام کرتے ہوئے 12 گھنٹے کی مدت میں دو ملزموں کو صبح پونے سات بجے گرفتار کر لیا ہے جو اس جانور پر تشدد کرنے، اس قتل کرنے اور

پنجاب میں حکومت سازی کے لیے ن لیگ اور تحریک انصاف میں رسہ کشی کا سلسلہ جاری ہے جب کہ پی ٹی آئی نے آزاد امیدواروں سے رابطے تیز کردیئے ہیں۔ پنجاب میں کس کے نام کا سکہ چلے گا، کون تخت لاہور پر بیٹھے گا، حکمرانی کی بساط پر مسلم لیگ ن اور تحریک انصاف آمنے سامنے آگئے، نمبر گیم کی چالوں سے مد مقابل کو زچ کرنے کی بازی شروع ہوگئی۔ دونوں سیاسی جماعتوں کی جانب سے حکومت

عمران خان نے اپنا ووٹ ڈالتے ہوئے انتخابی ضابطہ اخلاق کی خلاف ورزی کر دی۔ ووٹر نے اسسٹنٹ پریزائیڈنگ افسر سے بیلٹ پیپلز اور مہر وصول کرنے کے بعد اسے دوسروں سے چھپا کر اپنے پسندیدہ امیدوار کے نام کے آگے مہر لگانی ہوتی ہے۔ اس عمل کو خفیہ رکھنے کی خاطر ہی پولنگ بوتھ پر موبائل فون پر پابندی لگائی گئی ہے۔ لیکن عمران خان نے ضابطہ کار کے مطابق چھپا کر ووٹ لگانے کی بجائے آج میڈیا کے

لاہور: سپریم کورٹ نے قومی اسمبلی کی نشست این اے 60 پر انتخاب ملتوی کیے جانے کے خلاف عوامی مسلم لیگ کے سربراہ شیخ رشید کی درخواست منظور اور اپیل مسترد کردی جب کہ اس حوالے سے اسلام آباد ہائیکورٹ نے پیپلز پارٹی کی درخواست مسترد کردی۔ سپریم کورٹ لاہور رجسٹری میں چیف جسٹس پاکستان جسٹس میاں ثاقب نثار نے شیخ رشید کی درخواست پر سماعت کی جب کہ اسلام آباد ہائیکورٹ کے جسٹس عامر فاروقی نے پیپلز پارٹی کی

اسلام آباد (جنگ نیوز) پاکستان میں چین کے سابق سفیر سن وائی ڈانگ نے سابق وزیراعلیٰ پنجاب شہباز شریف کے نام خط میں پاک چین اقتصادی راہ داری(سی پیک) کے تحت پنجاب میں منصوبوں کو بروئے کار لانے میں تعاون پر ان سے تشکر کا اظہار کیا ہے۔ ان پروجیکٹس میں کوئلے سے چلنے والا ساہیوال پاور پلانٹ، زوزجی سولر پروجیکٹ اور اورنج لائن میٹرو وغیرہ اہمیت کے حامل ہیں۔ جن سے مقامی آبادیاں بھرپور استفا دہ کر سکیں گی۔

اسلام آباد ( زاہد گشکوری ) 2013 کی قومی اسمبلی کے 43 فیصد سے زائد (272میں سے115) ارکان ایسے ہیں جنہوں نے یا تو اپنی سیاسی وفاداری تبدیل کر لی ہے یا پھر وہ 2018کے الیکشن میں آزاد امیدوار کے طور قسمت آزما رہے ہیں۔ پاکستان مسلم لیگ کے 54 فیصد (115میں سے61)سابق ارکان قومی اسمبلی یا تو پارٹی چھوڑ گئے ہیں یا پھر وہ آزاد امیدوار کے طور الیکشن میں حصہ لے رہے ہیں یا سرے سے الیکشن ہی

لاہور: قومی اسمبلی کی نشست این اے 60 پر انتخاب ملتوی کیے جانے کے خلاف عوامی مسلم لیگ کے سربراہ شیخ رشید کی درخواست سماعت کے لیے مقرر کردی گئی۔ شیخ رشید کی درخواست پر سپریم کور ٹ لاہور رجسٹری میں چیف جسٹس پاکستان جسٹس میاں ثاقب نثار کی سربراہی میں بینچ سہ پہر 3 بجے سماعت کرے گا۔ شیخ رشید بھی پیروی کے لیے اسلام آباد سے لاہور کے لیے روانہ ہوئے، درخواست گزار نے سماعت اسلام آباد کے

راولپنڈی: ایون فیلڈ ریفرنس میں سزا یافتہ سابق وزیراعظم نواز شریف کی ناساز طبیعت کے باعث پمز کی میڈیکل ٹیم اڈیالہ جیل پہنچ گئی۔ جیل ذرائع کا کہنا ہے کہ سابق وزیراعظم نواز شریف کو طبی معائنے کے لیے سیل سے نکال کر جیل اسپتال منتقل کردیا گیا جہاں پمز اسپتال کی میڈیکل ٹیم موجود ہے۔ ذرائع کے مطابق نواز شریف کے علاج کے لیے میڈیکل ٹیم جدید موبائل لیبارٹری بھی ہمراہ لے کر آئی ہے۔ آئی جی جیل خانہ

کراچی: سیاسی جماعت کی ریلی کے دوران تشدد کا نشانہ بننے والا گدھا چل بسا۔ کراچی میں گزشتہ دنوں ایک سیاسی جماعت کی ریلی کے دوران گدھے کو بری طرح تشدد کا نشانہ بنایا گیا جس سے اسے شدید چوٹیں آئیں اور وہ بے ہوش ہوگیا۔ جانوروں کے تحفظ کے لیے کام کرنے والی تنظیم اے سی ایف اینیمل کی جانب سے اس گدھےکو ریسکیو کیا گیا اور علاج کی سہولت فراہم کی گئی۔ اےسی ایف اینیمل کے مطابق سیاسی

راولپنڈی: سابق وزیراعظم نواز شریف کے اڈیالہ جیل میں گردے فیل ہونے کا خدشہ ہے۔ ایکسپریس نیوز کے مطابق اڈیالہ جیل میں قید سابق وزیراعظم نوازشریف کے خون میں یوریا کی مقدار خطرناک حد تک پہنچ گئی ہے جس سے ان کی کڈنی فیل ہونے کا خدشہ ہے، نوازشریف کے جسم میں پانی کی شدید کمی اور دل کی دھڑکن بھی ناہموار ہے۔ میڈیکل بورڈ نے ہیلتھ سیکریٹری پنجاب کو ایمرجنسی سے مطلع کردیا ہے جب کہ ڈاکٹرز نے نوازشریف

پاکستان تحریک انصاف (پی ٹی آئی) کے چیئرمین عمران خان نے کہا ہے کہ سابقہ اہلیہ اور اینکرپرسن ریحام خان سے شادی کرنا ان کی زندگی کی سب سے بڑی غلطی تھی۔ برطانوی اخبار کو انٹرویو دیتے ہوئے ان کا کہنا تھا کہ آج سے پہلے ریحام کے بارے میں کچھ نہیں کہا، زندگی میں کئی غلطیاں کیں، ریحام سے شادی سب سے بڑی غلطی ہے۔ ان کا کہنا تھا کہ شادی سے پہلے بشریٰ بی بی کا چہرہ تک

جسٹس شوکت عزیز نے چیف جسٹس ثاقب نثار کو خط لکھا ہے جس میں انہوں نے کہا ہے کہ یہ ان کے لئے بہت عزت کی بات ہے کہ ان کو 23 برس وکالت کرنے کے بعد 2011 میں اسلام آباد ہائی کورٹ کا جج بنایا گیا۔ انہوں نے مزید کہا کہ ان کو اس بات پر تشویش ہے کہ ان کے ادارے کی آزادی چند افراد اور قابل عزت اداروں کی وجہ سے متاثر ہوئی ہے اور مختلف مواقع

الیکشن کمیشن نے آج حنیف عباسی کے حلقے راولپنڈی این اے 60 میں ہونے والے انتخابات ملتوی کرنے کا اعلان کر دیا ہے۔ اس حلقے میں حنیف عباس کے مقابل شیخ رشید تھے۔ الیکشن کمیشن نے کہا ہے کہ حنیف عباسی کو انتخابات سے محض دو دن قبل نااہل کر دیا گیا ہے جس کے نتیجے میں میڈیا اور سیاسی حلقوں میں شدید بحث شروع ہو چکی ہے جس سے ماحول بہت زیادہ اور نہایت منفی انداز میں گرم ہو

راولپنڈی: پاک فوج کے ترجمان میجر جنرل آصف غفور نے اسلام آباد ہائیکورٹ کے جج جسٹس شوکت عزیز صدیقی کی جانب سے ریاستی اداروں پر لگائے جانے والے الزامات کی تحقیقات کا مطالبہ کیا ہے۔ ڈی جی آئی ایس پی آر نے ٹوئٹر پر جاری بیان میں اسلام آباد ہائیکورٹ کے سینئر جج جسٹس شوکت عزیز صدیقی کی تقریر پر ردعمل کا اظہار کیا اور کہا کہ اسلام آباد ہائیکورٹ کے معزز جج نے عدلیہ اور سیکیورٹی ایجنسیوں سمیت ملک

کراچی: چیف جسٹس پاکستان جسٹس میاں ثاقب نثار نے اسلام آباد ہائیکورٹ کے جج جسٹس شوکت عزیز صدیقی کے بیان پر شدید ردعمل کا اظہار کیا ہے۔ سپریم کورٹ کراچی رجسٹری میں مقدمات کی سماعت کے دوران چیف جسٹس پاکستان نے کہا کہ اسلام آباد کے ایک جج کا بیان پڑھا جس پر بہت افسوس ہوا، بطور عدلیہ سربراہ یقین دلاتا ہوں کہ ہم پر کسی کا دباؤ نہیں۔ جسٹس میاں ثاقب نثار نے کہا کہ ہم پوری طرح آزاد

راولپنڈی: مسلم لیگ (ن) کے رہنما حنیف عباسی کو ایفی ڈرین کیس میں عمر قید کی سزا سنادی گئی۔ راولپنڈی کی انسداد منشیات کی عدالت کے جج سردار محمد اکرم خان کی سربراہی میں کیس کی سماعت ہوئی اور حنیف عباسی کے وکیل تنویر اقبال نے عدالت کی دی ہوئی 12 بجے کی ڈیڈ لائن میں اپنے حتمی دلائل مکمل کیے۔ حنیف عباسی کے وکیل نے مؤقف اپنایا کہ جو دوائیں فروخت کی گئیں ان کی بینک ٹرانزکشن موجود ہیں،

امریکا میں کال سینٹر اسکینڈل میں ملوث 21 بھارتی شہریوں کو20 سال تک کی سزا سنادی گئی ہے۔ ذرائع کےمطابق ایجنٹس نے جعلی کال سینٹرکے ذریعے ہزاروں امریکی شہریوں کو کروڑوں ڈالر سے محروم کردیا تھا۔ تفصیلات کے مطابق امریکی عدالت نےاسکینڈل میں ملوث 21 بھارتی نوجوانوں کو 4 سے 20 سال کی سزا سنائی ہے، کال سینٹر ایجنٹ مصیبت میں پھنسےامریکیوں کو ویلیو کارڈز خریدنے پر دباؤ ڈالتے تھےجبکہ انکار کی صورت میں انہیں گرفتاری کی دھمکی دیتے تھے۔

اسلام آباد: سابق وزیراعظم نواز شریف، مریم نواز اور کیپٹن (ر) صفدر کی سزاؤں کے خلاف اپیلوں پر اسلام آباد ہائیکورٹ نے تحریری حکم نامہ جاری کردیا جس میں کہا گیا ہے کہ وکلاء صفائی کے اٹھائے گئے نکات زیر بحث لانے کی ضرورت ہے۔ جسٹس محسن اختر کیانی اور جسٹس میاں گل حسن اورنگزیب نے ایون فیلڈ ریفرنس میں سزا پانے والے مجرموں کی اپیلوں پر فیصلہ تحریر کیا۔ تحریری حکم نامے میں کہا گیا ہے کہ نواز شریف

1992 میں پاکستان ٹیلی ویژن (پی ٹی وی) پر نشر ہونے والے ڈرامہ سیریل ’دھواں‘ سے شہرت کی بلندیوں پر پہنچنے والے اداکار، ہدایتکار اور مصنف عاشر عظیم نے پاکستان چھوڑ دیا۔ اپنے ٹوئٹر پیغام میں عاشر عظیم نے وطن چھوڑنے کی تصدیق کرتے ہوئے لکھا، ’میں نے ملک چھوڑ دیا ہے، کیونکہ میں مایوس ہوگیا ہوں۔ شریف یا زرداری کی وجہ سے نہیں، یہ تو ہمیشہ ایسے ہی تھے، میں یہاں کے لوگوں سے مایوس ہوگیا ہوں۔ ‘ عاشر

کراچی: پاکستانی روپے کی قدر میں کمی کا سلسلہ جاری ہے اور امریکی ڈالر ملکی تاریخ کی بلند ترین سطح 127 روپے 99 پیسے تک پہنچ گیا۔ انٹر بینک فارن ایکسچینج مارکیٹ میں کاروبار کے دوران امریکی ڈالر کی قیمت میں 6 روپے 75 پیسے کا اضافہ دیکھا گیا جس کے بعد ایک ڈالر 128 روپے 26 پیسے کا ہوگیا۔ کاروبار کے دوران ایک موقع پر ڈالر 126 روپے کی سطح پر پہنچا جس کے بعد اس میں کمی دیکھی

لاہور کو جگہ جگہ کنٹینر لگا کر بند کیا جا چکا ہے۔ یہ لاہور کی معلوم تاریخ میں پہلی مرتبہ ہوا ہے کہ لاہور شہر کی اندرونی سڑکوں کو بھی کنٹینر لگا کر مکمل طور پر بند کیا گیا ہے۔ اس سے پہلے مختلف مواقع پر یہ روایت تو شروع ہو گئی تھی کہ کسی بڑے جلسے یا جلوس کی صورت میں لاہور کے داخلی راستے بند کیے جانے لگے تھے مگر شہر کی اندرونی سڑکیں ہمیشہ کھلی رہی رہی

بنوں: جمعیت علمائے اسلام (ف) کے رہنما اور سابق وفاقی وزیر اکرم خان درانی کے قافلے کے قریب بم حملے کے نتیجے میں 4 افراد جاں بحق اور 10 سے زائد زخمی ہوگئے، تاہم وہ خود اس واقعے میں محفوظ رہے۔ اکرم خان درانی قومی اسمبلی کے حلقے این اے 35 سے متحدہ مجلس عمل (ایم ایم اے)کے ٹکٹ پر پاکستان تحریک انصاف کے چیئرمین عمران خان کے مدمقابل الیکشن لڑ رہے ہیں۔ پولیس کے مطابق اکرم خان درانی انتخابی

جیو کے پروگرام ’’آپس کی بات‘‘ میں میزبان منیب فاروق سے گفتگو کرتے ہوئے پاکستان تحریک انصاف (پی ٹی آئی) چیئرمین کی سابقہ اہلیہ ریحام خان نے کہا ہے کہ آپ کو جیسے نظر آتا ہے یا کسی اور کو جیسے نظر آتا ہے مجھے اس سے کوئی لینا دینا نہیں ہے، میں نے کتاب لکھی ہے جس نیت سے لکھی ہے مجھے پتا ہے، میں نے جس intention سے بھی لکھی ہے اور جو motivation بھی رہی ہے وہ

پاکستان کی تاریخ کی پہلی اسکول لیگ، پاکستان کی تاریخ میں پہلی بار گلوبل لیگ کے انعقاد کے بعد پاکستان سپر لیگ کی نمبرون برانڈ پشاور زلمی اور زلمی فاؤنڈیشن نے پاکستان کی پہلی ”زلمی مدرسہ کرکٹ لیگ“ کے انعقاد کا اعلان کیا۔ جاوید آفریدی نے کہا کہ لیگ کے انعقاد کا مقصد محبت، مذہبی ہم آہنگی اور رواداری کے پیغام کو فروغ دینا ہے۔ زلمی فاونڈیشن اور ورلڈ کونسل آف ریلیجنز (مذاہب کی عالمی کونسل) نے اس بات پر

لندن: گرفتاری کے امکان کے باوجود سابق وزیراعظم اور پاکستان مسلم لیگ نواز کے قائد نواز شریف نے جمعے کو وطن واپسی کے موقع پر لاہور ایئرپورٹ پر عوام سے خطاب کا اعلان کردیا۔ لندن میں پاکستانی کمیونٹی سے خطاب میں ان کا کہنا تھا کہ اس مشکل وقت پر اپنی قوم کو تنہا نہیں چھوڑ سکتا۔ نواز شریف نے کہا ہے کہ راستے میں جیل آئے یا پھانسی پر چڑھادیا جائے لیکن اب ان کے قدم نہیں رکیں گے۔

لندن میں زیر علاج سابق وزیر اعظم نواز شریف کی اہلیہ کلثوم نواز نے ایک ماہ میں پہلی مرتبہ اپنی آنکھیں کھولیں۔ بیگم کلثوم نواز کی ایک ماہ بعد پہلی بار آنکھیں کھولنے کی تصدیق مریم نواز اور حسین نواز نے بھی کی ہے۔ سابق وزیر اعظم کی اہلیہ کی عید سے دو روز قبل ہارٹ اٹیک کے باعث طبیعت بگڑگئی تھی جس کے بعد سے وہ بے ہوش تھیں۔ مریم نواز کا اپنی ٹوئٹ میں کہنا تھا کہ 30

راولپنڈی: ہائیکورٹ نے انسداد منشیات کی عدالت کو حنیف عباسی کے خلاف ایفی ڈرین کیس کا فیصلہ 21 جولائی کو سنانے کا حکم دے دیا۔ مسلم لیگ (ن) کے رہنما حنیف عباسی کے خلاف شاہد اورکزئی نے لاہور ہائیکورٹ کے راولپنڈی بینچ میں درخواست دائر کی۔ انسداد منشیات کی خصوصی عدالت میں گزشتہ سماعت پر حنیف عباسی پیش ہوئے تھے جہاں انہوں نے عدالت سے بینک اکاؤنٹس بحال کرنے کی استدعا کی تھی جسے عدالت نے مسترد کردیا تھا۔ جیونیوز

راولپنڈی: پاک فوج کے شعبہ تعلقات عامہ (آئی ایس پی آر) کے سربراہ میجر جنرل آصف غفور کا کہنا ہے کہ افواج پاکستان کا انتخابات میں براہ راست کوئی تعلق نہیں اور فوج الیکشن کے عمل کو غیر سیاسی غیر جانبدار ہوکر ادا کرے گی۔ ڈی جی آئی ایس پی آر میجر جنرل آصف غفور نے پریس کانفرنس کرتے ہوئے کہا کہ الیکشن سے متعلق شکوک و شبہات کا اظہار ہوتا رہا ہے، آپ نے دیکھا کہ تمام شکوک و

پسنی (ظریف بلوچ) نیشنل پارٹی کے مرکزی رہنما کہدہ علی نے نیشنل پارٹی کے مرکزی کمیٹی اور بنیادی رکنیت سے استفعی دے کر بی این پی میں شمولیت کا اعلان کرلیا۔ نوری ہاؤس پسنی میں سابق ایم پی اے میر حمل کلمتی اور سید معیار جان نوری کے ہمراہ ایک ہنگامی پریس کانفرنس سے بی این پی میں شمولیت کا اعلان کیا۔ پریس کانفرنس سے خطاب کرتے ہوئے کہدہ علی نے کہا کہ آج میں ایک بڑا فیصلہ کرچکا ہوں

ممتاز تحقیقاتی صحافی اعزاز چیمہ نے احتساب عدالت سے تازہ ترین صورت حال بتاتے ہوئے کہا ہے کہ بیشتر صحافیوں تک فیصلہ لیٹرین کے ذریعے پہنچے گا۔ یہ صحافی بقیہ قوم کو اس فیصلے سے آگاہ کریں گے۔ انہوں نے صحافیوں کی لیٹرین کے باہر جمع قطار کی تصویر دیتے ہوئے یہ ٹویٹ کیا ہے: لیٹرین سے فیصلہ : احتساب عدالت میں صرف پندرہ صحافیوں کو جانے کی اجازت ہے باقی صحافی عدالتی عمارت میں موجود ایک لیٹرین کی کھڑکی

مریم نواز ٹویٹر پر مسلسل پیغامات بھیج رہی ہیں اور ان کی ٹویٹس سے اندازہ ہو رہا ہے کہ ان کی کیا توقع ہے کہ فیصلہ کیسا آئے گا۔ پاکستان میں آئین، قانون اور جمہوریت کی بالادستی چاہنے والا ہر شخص نواز شریف ہے۔ بڑھتے چلو۔ یہ وہ جنگ ہے جس میں ہار ہے ہی نہیں۔ انشاءالّلہ ! پاکستان میں آئین، قانون اور جمہوریت کی بالادستی چاہنے والا ہر شخص نواز شریف ہے۔ بڑھتے چلو۔ یہ وہ جنگ ہے جس

اسلام آباد: سابق وزیراعظم نواز شریف اور ان کی صاحبزادی مریم نواز کی جانب سے ایون فیلڈ ریفرنس کا فیصلہ موخر کرنے کی درخواست مسترد کردی گئی۔ احتساب عدالت کے جج محمد بشیر ایون فیلڈ ریفرنس کا فیصلہ آج ساڑھے 12 بجے سنائیں گے۔ سابق وزیراعظم نواز شریف اور ان کی صاحبزادی مریم نواز لندن میں موجودگی کی وجہ سے آج پیش نہیں ہوئے جبکہ نواز شریف کے داماد کیپٹن (ر) محمد صفدر مانسہرہ میں موجودگی کی وجہ سے عدالت

اسلام آباد: سابق وزیراعظم نواز شریف اور ان کی صاحبزادی مریم نواز کی جانب سے ایون فیلڈ ریفرنس کا فیصلہ موخر کرنے کی درخواست پر فیصلہ محفوظ کرلیا گیا۔ احتساب عدالت کے جج محمد بشیر نے 9 بجکر 40 منٹ پر سماعت کا آغاز کیا۔ سابق وزیراعظم نواز شریف اور ان کی صاحبزادی مریم نواز لندن میں موجودگی کی وجہ سے آج پیش نہیں ہوئے جبکہ نواز شریف کے داماد کیپٹن (ر) محمد صفدر مانسہرہ میں موجودگی کی وجہ سے

ایگزیکٹ جعلی ڈگری کیس میں شعیب شیخ سمیت دیگر ملزمان کو مجموعی طور پر20 سال قید کی سزا سنادی گئی۔ اسلام آباد کی ڈسٹرکٹ اینڈ سیشن عدالت نے ایگزیکٹ جعلی ڈگری کیس کا فیصلہ سنایا۔ شعیب شیخ کو 4 مقدمات میں مجموعی طور پر 20 سال قید اور 12 لاکھ روپے جرمانے کی سزا سنائی گئی ہے، تمام سزاؤں کا اطلاق ایک ساتھ ہو گا یعنی شعیب شیخ کو 7 سال کے لئے جیل جانا ہوگا۔ ڈسٹرکٹ اینڈ سیشن جج