واشنگٹن میں نئی انتظامیہ آنے کے بعد امریکہ کے صدر جوبائیڈن اور اسرائیل کے وزیرِ اعظم بن یامین نیتن یاہو کے درمیان پہلی بار ٹیلی فونک رابطہ ہوا ہے۔
امریکہ اور اسرائیل میں گہرے تعلقات ہونے کے باوجود جو بائیڈن کا صدارت کا عہدہ سنبھالنے کے لگ بھگ ایک ماہ بعد وزیرِ اعظم نیتن یاہو سے رابطہ ہوا ہے۔
Read more
پاکستان کے سابق وزیرِ اعظم اور پیپلز پارٹی کے اسلام آباد سے سینیٹ کی نشست کے لیے امیدوار یوسف رضا گیلانی کے کاغذات نامزدگی پر حکمران جماعت پاکستان تحریک انصاف کے اعتراضات ریٹرننگ افسر نے مسترد کر دیے ہیں۔
اسلام آباد کی جنرل نشست پر یوسف رضا گیلانی پی ڈی ایم کے مشترکہ امیدوار ہیں اور ان کے اس نشست پر انتخاب کے حوالے سے اپوزیشن جماعتیں بھرپور کوشش کر رہی ہیں۔
Read more
ویب ڈیسک — نیوزی لینڈ کی حکومت نے اعلان کیا ہے کہ رواں سال جون سے ملک کے تمام اسکولوں میں طالبات کو ایامِ ماہواری کے دوران سینیٹری اشیا مفت دستیاب ہوں گی۔
Read more
ویب ڈیسک — طنز و مزاح پر مبنی جنوبی کوریا کی آسکر ایوارڈ یافتہ فلم ‘پیراسائٹ’ کے بعد ایک اور کورین فلم ہالی وڈ میں دھوم مچانے کو تیار ہے۔
کورین فلم ‘مناری’ سے متعلق ہالی وڈ میں ایسے موقع پر چرچے ہو رہے ہیں جب ایوارڈز کے دن قریب آ رہے ہیں۔ یہ فلم امریکی سنیما گھروں میں دکھائی جا رہی ہے اور مارچ میں اسے جنوبی کوریا میں نمائش کے لیے پیش کیا جائے گا۔
Read more
کراچی — پاکستان سپر لیگ کے چھٹے ایڈیشن کا میلہ 20 فروری کو شروع ہونے والا ہے جس میں شرکت کے لیے دنیا کے مختلف ملکوں سے کھلاڑی کراچی پہنچ گئے ہیں۔
ایونٹ میں چھ ٹیمیں مدِ مقابل ہوں گی۔ کراچی کنگز اپنے اعزاز کا دفاع کرے گا جب کہ لاہور قلندرز کی ٹیم گزشتہ سال فائنل میں شکست کے بعد نئی حکمت عملی کے ساتھ میدان میں اترے گی۔
باقی چار ٹیمیں بھی ایونٹ کے فائنل راؤنڈ میں پہنچنے کے لیے پرعزم ہیں۔ لیکن کون سی ٹیم فائنل میں جگہ بنا پائے گی اور ایونٹ اپنے نام کرے گی اس کے لیے ٹیموں میں شامل اسٹار بلے بازوں کے بارے میں جاننا ضروری ہے۔
Read more
ویب ڈیسک — امریکی فوج کے ہزاروں اہلکاروں نے کرونا ویکسین لگوانے سے انکار کر دیا ہے۔ البتہ افسران مسلسل اُنہیں ویکسین سے متعلق انٹرنیٹ پر موجود افواہوں پر دھیان نہ دینے کی ہدایت کر رہے ہیں۔
Read more
نئی دہلی میں تعینات غیر ملکی سفارت کاروں کا ایک 24 رکنی وفد بھارت کے زیرِ انتظام کشمیر کی زمینی صورتِ حال کا جائزہ لینے کے لیے دو روزہ دورے پر سرینگر پہنچ گیا ہے۔
بھارت کی جانب سے پانچ اگست 2019 کو کشمیر کی نیم خود مختار حیثیت ختم کرنے کے بعد سفارت کاروں کا یہ تیسرا دورہ ہے۔
دورے کا اہتمام بھارت کی وزارتِ خارجہ نے کیا ہے اور اس کا مقصد بھارتی کشمیر کی تازہ ترین صورتِ حال اور مقامی حکومتوں کے انتخابات کے بعد بھارتی حکومت کے مطابق علاقائی سیاست میں آنے والی مثبت تبدیلیوں سے عالمی برادری کو آگاہ کرنا ہے۔
Read more
ایسے میں جب یورپ میں ویکسین پاسپورٹ کے اجرا کے امکانات روشن ہو رہے ہیں، زیادہ تر یورپی ممالک نہ صرف سفر کرنے والوں کے لیے ویکسین لگوانے کا ثبوت پاس رکھنے کو لازمی قرار دینے کا سوچ رہے ہیں بلکہ اس پاسپورٹ کو بارز، ریستورانوں اور کنسرٹ ہالز کو بھی دوبارہ کھولنے میں مدد کے طور پر دیکھ رہے ہیں۔
برطانیہ کے وزیرِاعظم بورس جانسن سے جب سوال کیا گیا کہ آیا ویکسین پاسپورٹ متعارف کرائے جانے کا امکان ہے تو انہوں نے صحافیوں کو بتایا کہ بعض بین الاقوامی سفر کے لیے ویکسی نیشن کا ثبوت درکار ہو سکتا ہے۔
Read more
عالمی مالیاتی ادارے (آئی ایم ایف) نے دس ماہ کے تعطل کے بعد پاکستان کے ساتھ معاشی پروگرام بحال کرنے کا اعلان کر دیا ہے۔ معاشی ماہرین اس اقدام کو پاکستان کی معیشت کے لیے خوش آئند قرار دے رہے ہیں۔
آئی ایم ایف کا کہنا ہے کہ پاکستان کے ساتھ سٹاف لیول پر ایک معاہدہ ہو گیا ہے جس کے مطابق ایگزیگٹو بورڈ سے منظوری کے بعد پاکستان کو 500 ملین ڈالر کی قسط جاری کر دی جائے گی۔
Read more
امریکی سینیٹ میں سابق صدر ڈونلڈ ٹرمپ کے ٹرائل کے دوران اُن کے خلاف ووٹ دینے والے سات ری پبلکن اراکینِ سینیٹ اور 10 اراکینِ ایوانِ نمائندگان کو ریاستی اور مقامی ری پبلکن عہدے داروں کی جانب سے باز پرس کا سامنا ہے۔
امریکی سینیٹ نے ہفتے کو ٹرمپ کو اُن الزامات سے بری کر دیا تھا کہ اُنہوں نے اپنے حامیوں کو کیپٹل ہل پر حملے کے لیے اُکسایا تھا۔
ریاست نارتھ کیرولائنا اور لوزیانا کے مقامی ری پبلکن عہدے داروں کی جانب سے ٹرمپ کے خلاف ووٹ دینے والے دو ری پبلکن سینیٹرز رچرڈ بر اور بل کیسیڈی کے اقدامات کی مذمت کی جا رہی ہے۔
Read more
ویب ڈسک — امریکہ کی کئی ریاستیں شدید سردی، یخ بستہ ہواؤں، برف باری اور بارشوں کی زد میں ہیں جب کہ مختلف حادثات میں کم سے کم 20 افراد ہلاک ہو گئے ہیں۔ کئی علاقوں میں بجلی کی فراہمی کے نظام میں خلل پڑنے سے لاکھوں افراد بجلی سے محروم ہیں۔
Read more
ویب ڈیسک — نیوزی لینڈ نے افغانستان سے رواں برس مئی میں اپنی فوج کے مکمل انخلا کا اعلان کیا ہے۔
Read more
اسلام آباد — پاکستان کی نوبل انعام یافتہ خاتون ملالہ یوسف زئی نے دھمکیاں ملنے پر سوال اٹھایا ہے کہ کالعدم تحریک طالبان کے ترجمان احسان اللہ احسان کس طرح فرار ہوئے اور وہ کس طرح سوشل میثیا پر دھمکیاں دے رہے ہیں؟ تاہم حکومت پاکستان کا کہنا ہے کہ احسان اللہ احسان کے جس اکاؤنٹ سے ملالہ کے لیے دھمکی آمیز ٹوئٹ کی گئی وہ ایک جعلی اکاؤنٹ تھا۔
Read more
ویب ڈیسک — پاکستان سپر لیگ (پی ایس ایل) کے چھٹے ایڈیشن کے میچز گراؤنڈ میں دیکھنے کے لیے ٹکٹوں کی آن لائن بکنگ شروع ہو گئی ہے۔
Read more
ٹیکنالوجی کمپنی ‘گوگل’ کو فرانس کے ہوٹلوں کی درجہ بندی درست نہ دکھانے پر جرمانہ ہو گیا ہے۔
خبر رساں ادارے ‘ایسوسی ایٹڈ پریس’ کے مطابق گوگل نے فرانس کے سرکاری ادارے کی جانب سے عائد کردہ 11 لاکھ یوروز (لگ بھگ 13 لاکھ ڈالرز) جرمانہ ادا کرنے کی حامی بھی بھر لی ہے۔
Read more
پاکستان بار کونسل نے سپریم کورٹ آف پاکستان کے جج جسٹس قاضی فائز عیسیٰ کے خلاف چیف جسٹس کی جانب سے فیصلہ لکھے جانے پر تحفظات کا اظہار کرتے ہوئے کہا ہے کہ اس معاملے میں بھی کوئی نادیدہ ہاتھ نظر آرہا ہے۔
پاکستان بار کونسل کے وائس چیئرمین خوشدل خان کہتے ہیں کہ سپریم کورٹ کے ججز میں تفریق نہیں ہونی چاہیے۔ لہذٰا ہم جسٹس فائز عیسیٰ کا ہر مرحلے پر دفاع کریں گے۔
سینئر وکلا کا کہنا ہے کہ جسٹس فائز عیسیٰ نے کوئی خلافِ قانون کام نہیں کیا۔ ان کے بارے میں ایسا فیصلہ درست نہیں ہے۔ دوسری جانب بعض وکلا کا کہنا ہے کہ پاکستان بار کونسل کسی جج کے فیصلے پر اعتراض نہیں کر سکتی۔
Read more
امریکی ایوانِ نمائندگان کی اسپیکر نینسی پلوسی کا کہنا ہے کہ کانگریس، کیپٹل ہل پر ہونے والے ہلاکت خیز حملے کی تحقیقات کے لیے نائن الیون طرز کا کمیشن تشکیل دے گی۔
پلوسی نے کہا کہ کمیشن تحقیقات کرے گا اور حقائق سامنے لائے گا کہ چھ جنوری کو کیپٹل ہل پر ان کے بقول اندرونی دہشت گرد حملے اور پرامن انتقالِ اقتدار کے عمل میں رکاوٹ کی وجوہات کیا تھیں۔
ڈیمو کریٹک پارٹی کے ساتھیوں کے نام خط میں پلوسی نے کہا کہ ایوانِ نمائندگان، کیپٹل ہل کی سیکیورٹی بڑھانے کے لیے اضافی رقوم صرف کرے گا۔
Read more
نائیجیریا سے تعلق رکھنے والی ماہرِ اقتصادیات این گوزی اوکونجا اویلا کو عالمی تجارتی تنظیم (ڈبلیو ٹی او) کی سربراہ مقرر کر دیا گیا ہے۔ وہ یہ عہدہ سنبھالنے والی پہلی خاتون اور افریقہ سے تعلق رکھنے والی پہلی شخصیت ہیں۔
چھیاسٹھ سالہ اویلا کو پیر کو ڈبلیو ٹی او کے 164 رُکن ممالک کی جانب سے عالمی تنظیم کی ڈائریکٹر جنرل مقرر کیا گیا۔
اپنی تقرری کے بعد آن لائن نیوز کانفرنس کرتے ہوئے اویلا نے کہا کہ وہ عالمی تنظیم میں اصلاحات اور اسے 21 ویں صدی کے تقاضوں کے مطابق ڈھالنے کے لیے پرجوش ہیں۔
Read more
بھارت نے چنئی ٹیسٹ میں انگلینڈ کو 317 رنز سے شکست دے کر چار میچز کی سیریز ایک ایک سے برابر کر دی ہے۔
بھارت نے جیت کے لیے مہمان ٹیم کو 481 رنز کا ہدف دیا تھا جس کے تعاقب میں میچ کے چوتھے روز انگلینڈ کی پوری ٹیم 164 رنز پر ڈھیر ہو گئی۔
انگلینڈ نے منگل کو اپنی نامکمل اننگز 53 رنز تین وکٹوں کے نقصان سے دوبارہ شروع کی تو بھارتی بالروں نے شاندار بالنگ کا مظاہرہ کرتے ہوئے کسی بھی انگلش بلے باز کو زیادہ دیر کریز پر جمنے کا موقع نہ دیا اور پوری ٹیم 164 رنز ہی بنا سکی۔
Read more
مغربی ملکوں کے عسکری اتحاد (نیٹو) کے سیکرٹری جنرل جینز اسٹولٹن برگ نے کہا ہے کہ مناسب وقت آنے سے قبل افغانستان سے فوج کا انخلا نہیں کیا جائے گا۔
بیلجیئم کے دارالحکومت برسلز میں پیر کو صحافیوں سے گفتگو کرتے ہوئے نیٹو چیف نے خبردار کیا کہ غیر ملکی افواج کے مکمل انخلا کے بعد افغانستان عالمی دہشت گرد تنظیموں کا محفوظ ٹھکانہ بن سکتا ہے۔
انہوں نے اس بات پر زور دیتے ہوئے کہا کہ افغانستان میں ہماری موجودگی مشروط ہے اور کوئی بھی اتحادی ضرورت سے زیادہ وہاں رہنا نہیں چاہتا۔ تاہم ہم مناسب وقت آنے تک افغانستان سے نہیں نکلیں گے۔
Read more
پاکستان کی وزارت برائے انسانی حقوق نے اپنی ایک سالہ کارکردگی رپورٹ جاری کی ہے اور محکمے کی وزیر ڈاکٹر شیریں مزاری کا کہنا ہے کہ جبری طور پر لاپتا افراد سے متعلق قانون سازی سے دستبردار نہیں ہو رہے۔
وزارتِ انسانی حقوق نے 2019 میں جبری طور پر لاپتا افراد کے حوالے سے قانونی بل ایوانِ زیریں (قومی اسمبلی) میں پیش کیا تھا جسے قانونی جائزے کے لیے وزارتِ قانون کو بھجوایا گیا تھا۔
یہ بل تاحال وزارتِ قانون کے پاس موجود ہے اور وزیر انسانی حقوق نے امید ظاہر کی ہے کہ وزیرِ اعظم عمران خان کی ہدایت کے بعد یہ قانون جلد منظور ہو جائے گا۔
Read more
فائل فوٹو نئی دہلی — بھارت میں متنازع زرعی قوانین کے خلاف کسانوں کی تحریک کے درمیان کسان رہنماؤں اور ان کے حامیوں کی جانب سے سماجی رابطے کی ویب سائٹ ٹوئٹر کے استعمال کے بعد بھارتی حکومت اور ٹوئٹر کے درمیان تنازعے نے جنم لیا ہے۔ بھارتی حکومت چاہتی ہے کہ ٹوئٹر ان اکاونٹس کو بلاک کر دے جن پر حکومت اور وزیرِ اعظم نریندر مودی اور حکومت کے خلاف ہیش ٹیگ چلائے جا رہے ہیں۔ حکومت کی جانب
Read more
فائل فوٹو پشاور — خیبر پختونخوا کے مختلف علاقوں میں افغان خمیہ بستیوں کے اسکولوں سے منسلک 71 اساتذہ نے اپنی برطرفی پر احتجاج کرتے ہوئے حکومت سے پینشن اور دیگر مراعات کا مطالبہ کیا ہے۔ اقوامِ متحدہ کے ادارہ برائے مہاجرین (یو این ایچ سی آر) کے ترجمان قیصر آفریدی نے وائس آف امریکہ کو بتایا کہ ان اساتذہ کو عمر اور تعلیمی قابلیت کی بنیاد پر برطرف کیا گیا ہے جو ان کے بقول خیبرپختونخوا کی تعلیمی پالیسی
Read more
بھارت میں کسانوں کے احتجاج کی حامی ایک ماحولیاتی کارکن کی گرفتاری پر خاصا شور ہے۔ سیاسی و سماجی کارکن اور دیگر حلقے دیشا روی کی گرفتاری کی سخت الفاظ میں مذمت کر رہے ہیں۔
بھارت میں حزبِ اختلاف کی جماعت کانگریس کے راہول گاندھی اور پریانکا گاندھی سمیت کئی رہنماؤں نے دیشا روی کی گرفتاری پر ٹوئٹ کیے ہیں۔
راہول گاندھی اور پریانکا گاندھی دونوں نے اپنے ٹوئٹ میں اشعار کے ذریعے دیشا کی حمایت کی۔ راہول گاندھی نے لکھا کہ "بول کہ لب آزاد ہیں تیرے، بول کہ سچ زندہ ہے اب تک۔”
Read more
غلام محمد سدپارہ کا دل بجھا بجھا سا ہے۔ لیکن ان کی نظریں آج بھی اپنے موبائل فون کی اسکرین پر ایک ایسے میسج کی منتظر ہیں کہ کب ان کے بچپن کے دوست محمد علی سدپارہ کا پیغام آئے اور وہ روایتی جملہ دیکھ سکیں کہ ‘کاکا کہاں ہیں’؟
غلام محمد لبوں پر مسکراہٹ سجائے یہ جملہ تصور میں لاتے ہیں لیکن کئی روز گزر جانے کے باوجود کوئی پیغام موصول نہیں ہو رہا۔
دنیا کی دوسری بلند ترین چوٹی، کے ٹو کو موسمِ سرما میں سر کرنے کی کوشش میں پاکستانی کوہ پیما محمد علی سدپارہ، آئس لینڈ کے جان سنوری اور چلی سے تعلق رکھنے والے ہوان پابلو مور پانچ فروری سے لاپتا ہیں۔
Read more
عالمی ادارۂ صحت (ڈبلیو ایچ او) نے خبردار کیا ہے کہ کرونا وائرس کے خاتمے کے بعد بھی مریضوں میں اس کی علامات کے اثرات عالمی صحت پر ہوں گے اور اس کی وجہ وبا کی شدت ہے۔
ڈبلیو ایچ او اس بارے میں تحقیق کر رہا ہے کہ کرونا وائرس سے صحت یاب ہونے کے چھ ماہ بعد بھی لوگ کیوں کر مختلف تکالیف کا شکار رہتے ہیں۔
ڈبلیو ایچ او کی ہیلتھ کیئر ریڈی نیس کی ٹیم ڈائریکٹر جینیٹ ڈیاز کا کہنا ہے کہ کووڈ نائنٹین کے بعد کی علامات کے ساتھ کچھ لوگ جنہیں لانگ کووڈ کے نام سے بھی شناخت کیا جاتا ہے، کام پر واپس جانے کے قابل نہیں ہوئے۔ ایسے مریضوں میں معذوری کی علامات اُن کی مکمل بحالیٔ صحت کے عمل کو طویل بنا رہی ہیں۔
Read more
امریکہ کے سابق صدر ڈونلڈ ٹرمپ کو سینیٹ نے عوام کو بغاوت پر اکسانے کے الزامات سے تو بری کر دیا ہے لیکن ری پبلکن پارٹی میں ان کے سیاسی مستقبل کے حوالے سے اب بھی کئی سوالات موجود ہیں۔
ری پبلکن پارٹی کے کئی رہنما ٹرمپ کی پالیسیوں کا دفاع کرتے ہیں جب کہ بعض ان پالیسیوں سے اختلاف رکھتے ہیں۔
امریکی سینیٹ نے ہفتے کو سابق صدر ٹرمپ کو کانگریس کی عمارت کیپٹل ہل پر حملے کے لیے اپنے حامیوں کو اکسانے کے الزام سے بری کیا تھا۔
Read more
حکومتِ پاکستان نے ملک بھر میں 65 برس اور اس سے زائد عمر کے افراد کے لیے کرونا ویکسی نیشن کی رجسٹریشن کا اعلان کیا ہے۔ یہ اعلان ایسے موقع پر ہوا ہے جب حکومت نے نجی شعبے کو ویکسین کی خریداری اور درآمد کی اجازت دی ہے۔
پاکستان کے وفاقی وزیر منصوبہ بندی اسد عمر نے پیر کو اپنے ایک ٹوئٹ میں کہا ہے کہ ملک بھر میں 65 برس یا اس سے زائد عمر کے افراد اپنا شناختی کارڈ نمبر 1166 پر میسج کر کے کرونا ویکسی نیشن کے لیے رجسٹر کرا سکتے ہیں۔
Read more
پاکستان نے تیسرے اور آخری ٹی ٹوئنٹی میچ میں جنوبی افریقہ کو چار وکٹوں سے شکست دے کر سیریز 1-2 سے اپنے نام کر لی۔ اس کامیابی کے ساتھ ہی پاکستان 100 ٹی ٹوئنٹی میچ جیتنے والی دنیا کی پہلی کرکٹ ٹیم بن گئی ہے۔
محمد نواز کو مین آف دی میچ کا ایوارڈ دیا گیا جب کہ وکٹ کیپر بیٹسمین محمد رضوان کو بہترین کارکردگی دکھانے پر سیریز کا بہترین کھلاڑی قرار دیا گیا۔
Read more
کیا آپ کو معلوم ہے کہ دنیا میں ایک ایسا ملک بھی ہے جو کرونا وائرس کی تیزی سےپھیلنے والی عالمی وبا اور آب و ہوا کی تبدیلی جیسے دونوں بڑے مسائل سے کامیابی سے نمٹ رہا ہے؟
یہ ملک نہ تو دنیا کے امیر ترین ممالک میں شامل ہے اور نہ ہی صحتِ عامہ کی جدید ترین سہولیات اور ٹیکنالوجی سے لیس۔ اور نہ ہی یہ ملک دنیا کے کرونا وائرس سے متاثرہ ملکوں سے کہیں دور دراز واقع ہے۔
Read more
پاکستان کے کئی فن کار اور مختلف شعبوں سے تعلق رکھنے والے افراد ویڈیو شیئرنگ پلیٹ فارم ‘یوٹیوب’ پر اپنی شیئر کردہ ویڈیوز سے شہرت حاصل کر چکے ہیں۔ جن میں معروف ٰیوٹیوبر اور گلوکار تیمور صلاح الدین بھی شامل ہیں۔
تیمور صلاح الدین ‘مورو’ کے نام سے جانے جاتے ہیں اور ان کا شمار ان اولین پاکستانیوں میں ہوتا ہے جو یوٹیوب پر اپنی ویڈیوز سے شہرت کی بلندیوں پر پہنچے۔
تاہم یہ سفر اتنا آسان نہیں تھا۔ اس راہ میں کئی چیلنجز اور مشکلات کا صبر اور حوصلے سے سامنا کرنا پڑتا ہے۔
Read more
خاتون صحافی کو مبینہ طور پر دھمکی دینے والے وائٹ ہاؤس کے ڈپٹی پریس سیکریٹری ٹی جے ڈکلو اپنے عہدے سے مستعفی ہو گئے ہیں۔
ڈکلو کو جمعے کو ایک مقامی میگزین میں ایک رپورٹ شائع ہونے کے بعد ایک ہفتے کے لیے بغیر تنخواہ کے معطل کر دیا گیا تھا۔ ایسو سی ایٹڈ پریس کی ایک رپورٹ میں بتایا گیا تھا کہ ڈکلو نے ایک اور خاتون سیاسی رپورٹر کے ساتھ اپنے تعلقات سے متعلق خبر پر کام کرنے والی خاتون صحافی کو دھمکایا اور کہا کہ "وہ اُنہیں تباہ کر دیں گے۔”
Read more
افغانستان کے مغربی صوبے ہرات میں ہفتے کو ایرانی سرحد کے قریب سیکڑوں فیول ٹینکرز پھٹنے سے آگ لگ گئی جس میں کم از کم 60 افراد کے زخمی ہونے کی اطلاعات ہیں۔
سرحدی علاقے اسلام قلعہ میں واقع کسٹم پوسٹ پر کھڑے فیول ٹینکرز میں آتش زدگی سے افغانستان کے صوبۂ ہرات میں بجلی کی ترسیل کا نظام متاثر اور لاکھوں ڈالرز کے نقصان کی اطلاعات ہیں۔
Read more
پاکستان میں ایک نجی لیب بہت جلد روس کی تیار کردہ’اسپتنک فائیو’ کرونا ویکسین درآمد کرے گی جسے کمرشل بنیادوں پر عوام کو لگایا جائے گا۔
خیال رہے کہ سرکاری سطح پر ویکسی نیشن کے علاوہ حکومتِ پاکستان نے نجی شعبے کو بھی ویکسین درآمد کرنے کی اجازت دے رکھی ہے۔
پاکستان کی بڑی نجی ٹیسٹنگ لیبارٹریز میں شمار ہونے والی ‘چغتائی لیب’ کے ڈائریکٹر عمر چغتائی نے خبر رساں ادارے ‘رائٹرز’ کو بتایا کہ انہیں امید ہے کہ ویکسین کی ہزاروں خوراکوں پر مشتمل پہلی کھیپ انہیں اگلے ہفتے تک مل جائے گی۔
Read more
امریکی سینیٹ میں سابق صدر ڈونلڈ ٹرمپ کے مواخذے کی دوسری کوشش ناکام ہو گئی ہے۔ سابق صدر پر امریکی دارالحکومت میں کیپٹل ہل پر چھ جنوری کو ہونے والے حملے کے ذمہ داروں کو اکسانے کا الزام تھا۔ مواخذے کے مقدمے کو سینیٹ کے دو تہائی اراکین کی حمایت حاصل نہیں ہو سکی۔
ہفتے کو 100 نشستوں والی امریکی سینیٹ میں اس معاملے پر ہونے والی رائے شماری کا نتیجہ 57 کے مقابلے میں 43 رہا۔ سینیٹ کے 50 ری پبلکن اراکین میں سے سات نے ڈیمو کریٹک پارٹی کے 50 اراکین کے مؤقف کی حمایت کی۔ تاہم یہ تعداد صدر ٹرمپ کو چھ جنوری کے واقعات کے لئے ذمہ دار ٹھیرانے کے لیے درکار دوتہائی یعنی 67 ووٹوں سے کم تھی۔
Read more
ویب ڈیسک — اس سال ویلنٹائن ڈے منانے کی تیاریاں امریکہ کے وائٹ ہاوس میں بھی کی جارہی ہیں۔ خاتونِ اول جل بائیڈن نے وائٹ ہاؤس کے شمالی لان میں ویلنٹائن ڈے کی مناسبت سے خصوصی سجاوٹ کا اہتمام کیا ہے جس کا مقصد امریکی عوام کو ایک خوش گوار امید دلانا ہے۔
دنیا کے کئی ملکوں میں ویلنٹائن ڈے ہر سال 14 فروری کو محبت کے اظہار کے دن کے طور پر منایا جاتا ہے ۔ اس دن چاکلیٹس اور دیگر تحائف کا تبادلہ بھی کیا جاتا ہے۔
Read more
دنیا بھر میں کرونا وائرس سے جہاں لوگ اجنبی افراد سے ملنے سے گریز کر رہے ہیں۔ وہیں ڈیٹنگ ایپس میں ایک نیا رجحان دیکھنے میں آ رہا ہے۔ لوگ اپنی ڈیٹنگ ایپس کی پروفائل پر ‘ویکسی نیٹڈ’ لکھ رہے ہیں۔
امریکہ کے ادارے سینٹر فار ڈیزیز کنٹرول اینڈ پریوینشن (سی ڈی سی) کے مطابق 14 دسمبر سے اب تک کرونا ویکسین کی چار کروڑ ساٹھ لاکھ خوراکیں دی جا چکی ہیں۔
Read more
دوسرے ٹی ٹوئنٹی میچ میں جنوبی افریقہ نے پاکستان کو چھ وکٹوں سے شکست دے دی ہے۔
پاکستان نے جنوبی افریقہ کو کامیابی کے لیے 145 رنز کا ہدف دیا تھا جو مہمان ٹیم نے 17ویں اوور میں چار وکٹوں کے نقصان پر باآسانی حاصل کر لیا۔
جنوبی افریقہ نے ٹاس جیت کر پہلے پاکستان کو بیٹنگ کی دعوت دی۔ جنوبی افریقہ کا یہ فیصلہ درست ثابت ہوا۔
Read more
افغانستان میں مشرقی اور جنوبی صوبوں میں ہونے والے بم دھماکوں میں ایک اعلیٰ سیکیورٹی افسر سمیت چار اہلکار ہلاک، جب کہ سات شدید زخمی ہوئے ہیں۔
حکام کے مطابق ملک کے مشرقی حصے میں ہونے والے دھماکے میں تین شہری بھی زخمی ہوئے ہیں۔
خبر رساں ادارے ‘رائٹرز’ کے مطابق ان تین حملوں کی کسی گروپ کی طرف سے ذمہ داری قبول نہیں کی گئی۔ جو کہ ایسے وقت میں ہوئے ہیں کہ جب افغان فورسز اور طالبان جنگجوؤں کے درمیان پر تشدد کارروائیوں میں اضافہ دیکھا جا رہا ہے۔
Read more
پاکستان کے دارالحکومت اسلام کے نیشنل پریس کلب کے سامنے ایک تصویر اٹھائے 30 سالہ سمی بلوچ درجنوں افراد کے ساتھ صوبہ بلوچستان سے دھرنا دینے اسلام آباد آئی ہیں۔
ایک چھوٹے سے میدان میں دھرنا دینے والے ان درجنوں افراد کا ایک ہی مطالبہ ہے اور وہ ہے ‘اپنے لاپتا عزیز و اقارب کی بازیابی’۔
پاکستان میں جبری گمشدگیوں کا مسئلہ نیا نہیں ہے۔ بلکہ سالہا سال سے موجود ہے۔
اس مسئلے کی سنجیدگی کو مدِ نظر رکھتے ہوئے ہی 2011 میں ایک کمیشن بھی قائم کیا گیا تھا جس کا مقصد ایسے افراد کو تلاش کرنا تھا جو کسی نہ معلوم وجہ سے لاپتا ہو چکے ہیں۔
Read more
نائلہ شفیق اسپتال میں نرس کے طور پر کام کرتی ہیں جب کہ ڈیوٹی سے فارغ ہو کر انہیں گھریلو ذمہ داریاں بھی نبھانا ہوتی ہیں۔
تین بچوں کی ماں ہونے کے ناطے ان کا اشیا خور و نوش کی خریداری کے لیے ہفتے میں کم از کم ایک بار مارکیٹ جانا لازمی ہوتا تھا. لیکن مصروفیت اور پھر کرونا وبا کے باعث اب ان کا مارکیٹ آنا جانا بے حد کم ہو گیا ہے اور اب وہ اپنے اسمارٹ فون میں موجود مختلف ایپس کے ذریعے کافی ساری چیزیں آن لائن ہی منگوا لیتی ہیں۔
Read more
امریکہ کے ایوانِ بالا سینیٹ میں سابق صدر ڈونلڈ ٹرمپ کے مواخذے کی کارروائی آخری مراحل میں داخل ہو رہی ہے۔ جب کہ ہفتے کو ان کی دفاعی ٹیم کے دلائل مکمل ہونے کے بعد مواخذے پر امریکی سینیٹ میں ووٹ کے ذریعے رائے شماری ہو گی۔
سابق صدر کے وکلا کے دلائل کے مطابق کیپٹل ہل پر حملے کی ذمہ داری صدر ٹرمپ پر عائد نہیں کی جا سکتی۔ وکلا کے مطابق سابق صدر کو 6 جنوری کے واقعات کے لیے عہدے سے سبکدوش ہونے کے بعد موردِ الزام ٹھیرانا غیر قانونی ہے۔
Read more
وزیرِ اعظم عمران خان نے گزشتہ دنوں اسلام آباد میں صحافیوں سے گفتگو میں کہا تھا کہ حکومتِ پاکستان تحریک لبیک پاکستان کے مطالبات کو رواں سال 20 اپریل کے بعد پارلیمنٹ میں لے کر جائے گی۔ وزیرِ اعظم پاکستان کے اس بیان کے بعد ملک کے بعض حلقوں میں یہ بحث شروع ہو گئی ہے کہ حکومت پریشر گروپس کے سامنے کمزوری کا مظاہرہ کر رہی ہے تو کیوں؟ اور مستقبل میں آنے والی حکومتوں کے لئے ایسے اقدامات سے کیا اثرات مرتب ہونگے۔
تحریک لبیک نے 16فروری تک فرانس میں مبینہ طور پر توہینِ مذہب کے معاملے پر پاکستان سے فرانس کے سفیر کو نکالنے اور فرانسیسی مصنوعات کے بائیکاٹ کا مطالبہ کر رکھا تھا۔ لیکن گزشتہ ماہ 11 جنوری کو حکومت سے طے پانے والے معاہدے کے تحت اس احتجاج کو ملتوی کرنے کا اعلان کر دیا گیا۔
Read more
میگن مارکل ویب ڈیسک — ایک برطانوی عدالت نے جمعرات کے روز اپنے فیصلے میں قرار دیا کہ برطانوی اخبار ‘میل آن سنڈے’ نے برطانوی شہزادی میگن مارکل کے اپنے ناراض والد کو لکھے گئے خط کو شائع کر کے اِن کی نجی زندگی میں مداخلت کی۔ اس فیصلے کو میگن مارکل کے لئے ایک بڑی فتح قرار دیا جا رہا ہے۔ برطانوی شہزادی اور سابقہ اداکارہ میگن مارکل نے اخبار ‘میل آن سنڈے’ اور ‘میل آن لائن’ ویب سائٹ
Read more
فائل فوٹو ویب ڈیسک — ڈنمارک کی عدالتِ اعظمی آئندہ ہفتے یہ فیصلہ کرے گی کہ کیا کھانسنا ایک جرم ہے، اور کیا کسی کو کھانس کر ڈرانا، قابل سزا جرم ہے، یا ہنسی مذاق کی بات ہے؟ جب کسی کو کھانسی آتی ہے تو وہ پورا منہ کھول کر کھانس لیتا ہے۔ جو لوگ محتاط ہوتے ہیں وہ کھانستے وقت اپنا منہ ڈھانپ لیتے ہیں یا دوسری جانب کر لیتے ہیں تاکہ اس کی کھانسی سے سامنے والا متاثر
Read more
لندن میں واقع بی بی سی کا نشریاتی دفتر۔ فائل فوٹو ویب ڈیسک _ چین کے نشریاتی ریگولیٹر کا کہنا ہے کہ اس نے بی بی سی ورلڈ نیوز کی نشریات، بقول اس کے، مواد کی سنگین خلاف ورزیوں کی وجہ سے بندکر دی ہیں۔ چین کا یہ فیصلہ برطانیہ کے نشریاتی ریگولیٹر، آفس آف کمیونیکیشنز کی جانب سے ‘چائنا گلوبل ٹیلی ویژن نیٹ ورک’ کا لائسنس منسوخ کرنے کے ایک ہفتہ بعد آیا ہے۔ برطانیہ کے نشریاتی ریگولیٹر دفتر
Read more
پشاور — افغانستان کی سرحد کے قریب پاکستان کے علاقے شمالی وزیرستان میں سیکیورٹی پوسٹ پر حملے کے نتیجے میں چار اہلکار ہلاک ہو گئے ہیں۔
Read more
نئی دہلی — بھارت اور چین کے درمیان مشرقی لداخ میں نو ماہ سے جاری سرحدی تنازع کو حل کرنے کے مقصد سے معاہدے کے تحت دونوں ممالک کی فوجیں اپنی پوزیشن سے واپسی کا عمل جاری رکھے ہوئے ہیں۔ مبصرین کے مطابق اس عمل میں کئی ماہ لگ جائیں گے۔
Read more
مائیکروسافٹ کے صدر بریڈ اسمتھ نے ایک بیان میں کہا ہے کہ ان کی کمپنی آسٹریلیا میں اس مجوزہ قانون سازی کی مکمل حمایت کرتی ہے جو گوگل اور فیس بک کو پابند کرتی ہے کہ وہ میڈیا اداروں کو ان کی خبروں کی اپنے نیٹ ورکس پر اشاعت کے بدلے معاوضہ ادا کریں۔
Read more
پاکستان کرکٹ ٹیم کی تاریخ پر نظر ڈالی جائے تو بہت سے ایسے کھلاڑی ملیں گے جن کی انفرادی کارکردگی کی بدولت پاکستان نے شاندار کامیابی حاصل کی۔ ٹیسٹ کرکٹر حنیف محمد کے 337 رنز ہوں، یونس خان کے 313 یا پھر اظہر علی کے ناقابلِ شکست 302۔ پاکستانی بلے بازوں نے کئی ریکارڈ اننگز کھیلی ہیں جو شائقین کو آج بھی یاد ہیں۔
پاکستان ٹیسٹ کرکٹ کی 69 سالہ تاریخ میں صرف سات ایسے وکٹ کیپر آئے ہیں جنہوں نے ٹیسٹ کرکٹ میں سینچری بنائی۔
حال ہی میں محمد رضوان کی جنوبی افریقہ کے خلاف ٹیسٹ اور ٹی ٹوئنٹی انٹرنیشنل میچ میں سینچری کی اہمیت کا اندازہ اس بات سے لگایا جاسکتا ہے کہ وہ انٹرینشنل کرکٹ کے تینوں فارمیٹس میں سینچری بنانے والے پاکستان کے پہلے اور نیوزی لینڈ کے وکٹ کیپر برینڈن مکلم کے بعد دنیا کے دوسرے وکٹ کیپر بن گئے ہیں۔
Read more
کوہ پیمائی سے تعلق رکھنے والے ماہرین کا کہنا ہے کہ آٹھ ہزار میٹر سے زائد بلندی پر صرف چند گھنٹے تک ہی زندہ رہنا ممکن ہے۔
دنیا کی بلند ترین چوٹی ‘ایورسٹ’ سر کرنے والی پاکستان کی پہلی خاتون کوہ پیما ثمینہ بیگ نے وائس آف امریکہ سے گفتگو میں کہا کہ محمد علی سدپارہ کا کھو جانا نہ صرف پاکستان بلکہ پوری کوہ پیما برادری کے لیے افسوس ناک خبر ہے۔
انہوں نے کہا کہ لوگ دعائیں کر رہے ہیں اور معجزوں کی توقع کر رہے ہیں۔ لیکن حقیقت یہ ہے کہ اتنی زیادہ بلندی اور درجہ حرارت میں زیادہ سے زیادہ 10 گھنٹے تک ہی زندہ رہا جا سکتا ہے۔
Read more
پاکستان ڈرامہ انڈسٹری کی تاریخ میں کئی ایسے ڈرامے بن چکے ہیں جنہوں نے معاشرے میں ہونے والے مظالم اور نا انصافیوں کی نہ صرف عکاسی کی بلکہ ناظرین کو ان موضوعات سے آگاہ کرنے میں بھی اہم کردار ادا کیا۔ چاہے پھر وہ کامیڈی ڈرامے ہوں یا تاریخی، رومانوی کہانیاں ہوں یا کسی ایک واقعے کے گرد گھومنے والے لانگ پلے۔ ڈرامہ انڈسٹری نے شائقین کو کبھی مایوس نہیں کیا۔
لیکن گزشتہ کچھ برسوں میں طلاق، ساس بہو کے جھگڑے، تھپڑ اور دوسری شادی جیسے موضوعات نے مقصدیت سے بھرے ڈراموں کی جگہ لے لی ہے۔ جس کے باعث ناظرین ٹی وی ڈراموں سے زیادہ اسٹریمنگ سروسز کی جانب مائل ہو رہے ہیں۔
Read more
امریکی سینیٹ میں سابق صدر ڈونلڈ ٹرمپ کے مواخذے کی کارروائی کے دوران پراسیکیوٹرز نے مؤقف اختیار کیا ہے کہ ٹرمپ کے خلاف واضح اور ٹھوس ثبوت موجود ہیں کہ انہوں نے چھ جنوری کو کیپٹل ہل پر حملے کے لیے اپنے حامیوں کو اکسایا تھا۔
سینیٹ میں جمعرات کو مسلسل تیسرے روز مواخذے کی کارروائی جاری رہی جس کے دوران ایوانِ نمائندگان کی پراسیکیوشن ٹیم کے مرکزی رکن جیمی راسکن نے اپنے حتمی دلائل میں کہا کہ کانگریس کی عمارت میں چھ جنوری کو جو کچھ ہوا اس بارے میں ارکان کو منطقی انداز میں سوچنے کی ضرورت ہے۔
Read more
پشاور — پاکستان کے صوبے خیبرپختونخوا کی پولیس نے پشاور کے علاقے بڈھ بیر میں احمدی کمیونٹی سے تعلق رکھنے والے ایک ڈاکٹر کے قتل کی تصدیق کی ہے۔
Read more
ویب ڈیسک — امریکہ کے سابق صدر ڈونلڈ ٹرمپ سے ناراض ری پبلکن پارٹی کے درجنوں رہنماؤں نے ٹرمپ مخالف دائیں بازو کی نئی جماعت یا پارٹی کے اندر نیا دھڑا بنانے کے لیے مشاورت شروع کر دی ہے۔
Read more
کراچی — ایک حالیہ رپوٹ میں بتایا گیا ہے کہ قیامِ پاکستان سے لے کر اب تک پاکستان کے اوسط درجۂ حرارت میں ایک ڈگری سینٹی گریڈ کا اضافہ دیکھا گیا ہے جس کے اثرات ماحولیات، زراعت اور پانی کے ذخائر پر بھی پڑ رہے ہیں۔ بارشوں کے سلسلوں میں بھی 20 فی صد فرق سامنے آیا ہے۔ کہیں بارشوں کے ہونے کا وقت تبدیل ہو گیا ہے تو کہیں بارشیں زیادہ اور کم ہونے کے مقامات میں فرق دیکھا جا رہا ہے۔
Read more
ویب ڈیسک — ٹوئٹر انتظامیہ کا کہنا ہے کہ سابق امریکی صدر ڈونلڈ ٹرمپ کا ٹوئٹر اکاؤنٹ مستقل طور پر بند کر دیا گیا ہے۔ حتیٰ کہ اگر وہ دوبارہ امریکہ کے صدر بھی بن گئے پھر بھی ٹوئٹر استعمال نہیں کر سکیں گے۔
Read more
ویب ڈیسک — سعودی عرب نے سرگرم سماجی کارکن لجین الھذلول کو لگ بھگ تین برس بعد جیل سے رہا کر دیا ہے۔
Read more
نئی دہلی — بھارت کے وزیرِ دفاع راج ناتھ سنگھ نے پارلیمنٹ میں بیان دیتے ہوئے کہا ہے کہ بھارت اور چین نے مشرقی لداخ میں اپنی اپنی افواج کو پیچھے ہٹانے پر اتفاق کیا ہے۔
Read more
ویب ڈیسک — عالمی ادارۂ صحت کے سائنس دانوں کی ٹیم نے چین کے شہر ووہان میں کرونا وائرس کی ابتدا کے بارے میں تحقیقات مکمل کر لی ہے۔ جس کے بعد چین نے بدھ کو امریکہ سے مطالبہ کیا ہے کہ وہ عالمی ادارۂ صحت کی ٹیم کو اپنے ملک میں بھی کرونا وائرس کی ابتدا پر تحقیق کرنے کی دعوت دے۔
Read more
ویب ڈیسک — امریکہ میں صحت کے نگران ادارے ‘سینٹر فور ڈیزیز کنٹرول اینڈ پری وینشن’ (سی ڈی سی) نے تجویز دی ہے کہ ایک کے بجائے دو ماسک پہننے سے کرونا وائرس کے خلاف زیادہ تحفظ مل سکتا ہے۔
Read more
ویب ڈیسک — امریکہ کے سابق صدر ڈونلڈ ٹرمپ کے خلاف سینیٹ میں مواخذے کی کارروائی کے دوسرے روز ایوانِ نمائندگان کے ارکان نے اپنے دلائل کے ساتھ ساتھ سابق صدر کے بیانات کی نقول اور چھ جنوری کو کیپٹل ہل پر حملے کی ویڈیو بطور ثبوت پیش کی۔
Read more
ویب ڈیسک — امریکہ کے صدر جو بائیڈن نے بدھ کو اپنے چینی ہم منصب شی جن پنگ کو فون کر کے مختلف امور پر تبادلۂ خیال کیا ہے اور کئی امور پر اپنے تحفظات کا بھی اظہار کیا ہے۔
Read more
پاکستان میں ہر سال نو فروری کو مختلف شہروں میں طلبہ مظاہرے کرتے نظر آتے ہیں۔ اس احتجاج کا مقصد تعلیمی اداروں میں طلبہ یونینز کی بحالی ہوتا ہے۔
رواں برس سال تعلیمی اداروں میں طلبہ یونینز پر پابندی کو 37 برس ہو گئے ہیں۔ یہ پابندی نو فروری 1984 کو اس وقت کے صدر جنرل ضیا الحق کے مارشل لا کے دوران لگائی گئی تھی۔ اس کے بعد کئی جمہوری ادوار بھی آئے۔ لیکن طلبہ یونینز پر پابندی برقرار رہی۔
اس بارے میں صحافی اور سینئر تجزیہ کار مظہر عباس کا کہنا ہے کہ جب پابندی لگائی گئی تو اس کی وجہ طلبہ یونینز میں تشدد کا بڑھتا رجحان بتایا گیا تھا۔ ان کے بقول کسی حد تک یہ درست بات تھی۔ لیکن ان پر پابندی کا فیصلہ سر اسر زیادتی تھی۔ کیوں کہ اصل ہدف اس وقت بھی اختلاف رائے کو دبانا تھا۔
Read more
سپریم کورٹ آف پاکستان نے وزیرِ اعظم عمران خان کی طرف سے اراکین اسمبلی کو ترقیاتی فنڈز دینے سے متعلق کیس کی سماعت کے دوران وزیرِاعظم کے سیکرٹری کی طرف سے بھجوایا گیا خط مسترد کر دیا۔ حکومت نے عدالت میں مؤقف اختیار کیا کہ کسی رکنِ اسمبلی کو پیسہ نہیں دیا جائے گا۔
کیس کی سماعت چیف جسٹس جسٹس گلزار احمد کی سربراہی میں ہوئی، عدالت عظمیٰ کا پانچ رکنی لارجر بینچ اس کیس کی سماعت کر رہا ہے۔
دورانِ سماعت وزیرِاعظم کے سیکرٹری کا خط عدالت میں پیش کیا جس پر جسٹس قاضی فائز عیسیٰ نے سوال کیا کہ وزیرِاعظم کے سیکرٹری کا خط کس نے ڈرافٹ کیا؟ خط کی انگریزی درست نہیں ہے اور خط میں عدالتی سوالات کے جوابات نہیں دیے گئے۔
Read more
ویب ڈیسک — فلم ‘ونڈر وومن’ کے اپنے کردار کی طرح گال گڈوٹ ایک بار پھر ایک نئے مشن کا آغاز کرنے جا رہی ہیں۔ اس بار وہ دستاویزی فلم پر کام کر رہی ہیں۔
Read more
لاہور — پاکستان کی عدالتِ عظمٰی نے ذہنی امراض میں مبتلا دو قیدیوں کی سزا کے خلاف اپیلوں پر فیصلہ سناتے ہوئے ان مجرمان کی سزائے موت کو عمر قید میں تبدیل کر دیا ہے۔
عدالت نے دونوں مجرموں کو پنجاب کے ذہنی امراض کے اسپتال منتقل کرنے کا بھی حکم دیا ہے۔
ویب ڈیسک — امریکہ کی خاتونِ اول جل بائیڈن وائٹ ہاؤس میں آنے کے باوجود واشنگٹن ڈی سی کے قریب واقع کمیونٹی کالج میں بدستور پڑھاتی رہیں گی۔
عام طور پر خاتونِ اول وائٹ ہاؤس آنے کے بعد اپنی ملازمت چھوڑتی رہی ہیں۔ تاہم ایجوکیشن میں ڈاکٹریٹ کی ڈگری کی حامل جل بائیڈن نے تدریسی سرگرمیاں جاری رکھنے کا اعلان کیا تھا۔
Read more
بالی وڈ کی مشہور اداکارہ پریانکا چوپڑا جونز نے اپنی زندگی کی یاداشتوں پر مبنی کتاب ‘ان فینشڈ، پریانکا چوپڑا جونز’ میں گمنامی سے لے کر شہرت کی بلندیوں تک کی کہانی بیان کی ہے۔
اس کتاب میں ان کی اس زندگی کا احاطہ بھی کیا گیا ہے جب کوئی ان کے نام سے واقف نہیں تھا۔
پریانکا چوپڑا جونز کا کبھی بھی یہ ارادہ نہیں تھا کہ وہ بین الاقوامی طور پر مشہور اداکارہ بنیں اور جس طرح آج مشہور ہیں اس طرح ان کی شہرت ہو۔
Read more
سال 2020 میں سب سے زیادہ عطیات دینے والے 50 صاحبِ ثروت امریکیوں اور کاروباری افراد کی فہرست جاری کر دی گئی ہے جس کے مطابق ای کامرس کمپنی ‘ایمیزون’ کے بانی جیف بیزوس اربوں ڈالر کے عطیات دے کے سرِفہرست ہیں۔
سال 2020 میں مجموعی طور پر صاحبِ ثروت طبقات اور کاروباری افراد کی جانب سے 24.7 ارب ڈالرز عطیہ کیے گئے۔ یہ رقم سال 2019 میں عطیہ کی جانے والی رقم 15.8 ارب ڈالرز سے کہیں زیادہ ہے۔
Read more
امریکہ کے صدر جو بائیڈن نے سینیٹ میں اپنے پیش رو ڈونلڈ ٹرمپ کے خلاف جاری مواخذے کی کارروائی پر کہا ہے کہ اُن کی توجہ اس ٹرائل پر نہیں بلکہ کرونا وائرس کے خاتمے پر ہو گی۔
منگل کو وائٹ ہاؤس کے ‘اوول آفس’ میں ایک نشست کے دوران جب صحافیوں نے صدر بائیڈن سے سوال کیا کہ کیا وہ سینیٹ میں ڈونلڈ ٹرمپ کے مواخذے کی کارروائی ٹی وی پر دیکھ رہے ہیں؟ اس پر بائیڈن کا کہنا تھا کہ نہیں، وہ ایسا نہیں کر رہے۔
Read more
دنیا کی دوسری بلند ترین پہاڑی ‘کے ٹو’ کو سر کرنے کی مہم ختم کر دی گئی ہے جس کے بعد بیس کیمپ پر موجود تمام غیر ملکی کوہ پیما اسکردو روانہ ہو گئے ہیں۔
دسمبر کے وسط میں تقریباً 18 ممالک سے 60 کوہ پیماؤں نے موسمِ سرما میں کے ٹو کو سر کرنے کے لیے کے-ٹو کے بیس کیمپ پر ڈیرے ڈالے تھے۔
مسلسل خراب موسم کی صورتِ حال کے پیشِ نظر مہم جو بیس کیمپ سے اسکردو روانہ ہو گئے ہیں۔
Read more
امریکی سینیٹ نے سابق صدر ڈونلڈ ٹرمپ کے مواخذے کا ٹرائل جاری رکھنے کی منظوری دے دی ہے۔ ٹرمپ پر چھ جنوری کو کانگریس کی عمارت کیپٹل ہل پر حملے کے لیے اپنے حامیوں کو اکسانے کا الزام ہے۔
سابق صدر کے خلاف سینیٹ میں ٹرائل شروع کرنے کی آئینی حیثیت پر منگل کو چار گھنٹے تک بحث ہوئی۔ ایوانِ نمائندگان کی پراسیکیوشن ٹیم کے نو ارکان نے ٹرمپ کا مواخذہ کرنے کے حق میں دلائل دیے۔
ایوان کے ڈیمو کریٹک ارکان نے اپنا مقدمہ پیش کرتے ہوئے سینیٹ کو کانگریس پر حملے کی ایک ویڈیو بھی دکھائی۔ بعد ازاں سابق صدر کے وکلا نے مقدمہ چلانے کی مخالفت میں اپنے دلائل پیش کیے۔
Read more
متحدہ عرب امارات (یو اے ای) کے خلائی ادارے نے منگل کو اعلان کیا ہے کہ اس کا تحقیقاتی خلائی مشن مریخ پر کامیابی سے پہنچ گیا ہے۔
یو اے ای اسپیس سینٹر دبئی میں گراؤنڈ کنٹرولرز اس وقت خوشی سے اچھل پڑے اور پر جوش انداز میں تالیاں بجانے لگے جب یہ خبر پہنچی کہ خلائی مشن زمین سے روانگی کے سات ماہ بعد کامیابی سے اپنی منزل پر پہنچ چکا ہے۔
Read more
ویسے تو ٹیسٹ کرکٹ میں پاکستان کی قیادت کئی کھلاڑیوں نے کی۔ لیکن پہلی ہی سیریز میں کامیابی صرف چند ایک کے حصے میں آئی۔ کچھ نے پہلا میچ جیتا لیکن سیریز ہار گئے۔ چند نے ایک میچ جیتا لیکن یا تو سیریز برابری پر ختم ہوئی یا پھر وہ اگلے میچ میں مستقل کپتان کی واپسی پر قیادت سے دست بردار ہو گئے۔
ایسے میں نئے کپتان بابر اعظم کا نہ صرف جنوبی افریقہ کو ٹیسٹ سیریز میں شکست دینا حیران کن تھا بلکہ انہوں نے ان لیجنڈز کی فہرست میں جگہ بنائی جنہیں دنیائے کرکٹ میں آج بھی بہترین کپتان سمجھا جاتا ہے۔ اس سے قبل کون کون سے پاکستانی کھلاڑی بحیثیت کپتان اپنی پہلی سیریز میں کامیابی سمیٹ چکے ہیں، آئیے جانتے ہیں۔
Read more
بھارت کی فوج کے سابق سربراہ اور مرکزی وزیر جنرل ریٹائرڈ وی کے سنگھ نے دعویٰ کیا ہے کہ بھارت نے چین کے مقابلے میں زیادہ مرتبہ لائن آف ایکچوئل کنٹرول (ایل اے سی) کو عبور کیا ہے۔
ان کے اس بیان پر چین نے کہا کہ بھارت کے سابق آرمی چیف کا یہ بیان نئی دہلی کی جانب سے سرحد کی مسلسل خلاف ورزی کا نادانستہ اعتراف ہے۔
چین کی وزارتِ خارجہ کے ترجمان نے نیوز بریفنگ میں بھارت سے کہا کہ وہ چین کے ساتھ طے پانے والے معاہدوں کی پابندی کرے اور ٹھوس اقدامات سے سرحدی علاقوں میں امن و استحکام قائم کرے۔
Read more
دنیا کی دوسری بلند ترین چوٹی کے-ٹو کو موسم سرما میں سر کرنے کی کوشش میں لاپتا ہونے والے پاکستان کے کوہ پیما محمد علی سد پارہ، آئس لینڈ کے جان سنوری اور چلی کے ہوان پابلو مور کی تلاش کے لیے جاری آپریشن خراب موسم کے باعث عارضی طور پر روک دیا گیا ہے۔
الپائن کلب آف پاکستان کے مطابق موسم کے صاف ہونے کا انتظار کیا جا رہا ہے۔ اس سے قبل پیر کو سرچ آپریشن میں ٹیم کو چند مقامات پر کوہ پیماؤں کے چند شواہد ملے تھے۔
Read more
انگلینڈ نے بھارت کو چنئی ٹیسٹ میں 227 رنز کے بڑے مارجن سے شکست دے کر چار میچز کی سیریز میں ایک صفر کی برتری حاصل کر لی ہے۔
چنئی کے چدم برم اسٹیڈیم میں انگلینڈ نے میزبان ٹیم کو میچ جیتنے کے لیے 420 رنز کا ہدف دیا تھا جس کے تعاقب میں بھارت کی پوری ٹیم کھیل کے آخری روز 192 رنز پر ڈھیر ہو گئی۔
بھارت کی جانب سے کپتان وراٹ کوہلی 72 رنز کے ساتھ نمایاں رہے جب کہ شبمن گل نے 50 اور چتیسور پجارا نے 15 رنز کی اننگز کھیلی۔
Read more
بٹ کوائن نامی ڈیجیٹل کرنسی کے ان دنوں دنیا بھر میں چرچے ہیں۔ ہر دوسرے دن بٹ کوائن کی قیمت میں اضافے یا کمی کی خبریں آتی رہتی ہیں اور سوشل میڈیا پر اس کا تذکرہ رہتا ہے۔ لیکن اب بٹ کوائن میں سرمایہ کاری کرنے والوں کے لیے گاڑیاں بنانے والی معروف امریکی کمپنی ٹیسلا بھی ایک سہولت متعارف کرانے جا رہی ہے۔
الیکٹرک گاڑیاں بنانے والی امریکی کمپنی ٹیسلا نے اعلان کیا ہے کہ وہ اپنی گاڑیوں کی قیمت بٹ کوائن کے ذریعے بھی وصول کرنے کا منصوبہ بنا رہی ہے۔ ٹیسلا نے بٹ کوائن میں تقریباً ڈیڑھ ارب ڈالرز کی سرمایہ کاری بھی کی ہے۔
Read more
بھارتی پارلیمان پر دسمبر 2001 میں ہونے والے حملے کے مجرم قرار دیے گئے کشمیری باغی محمد افضل گورو کی آٹھویں برسی پر منگل کو وادیٔ کشمیر میں جزوی ہڑتال جاری ہے۔
ہڑتال کی وجہ سے گرمائی دارالحکومت سری نگر کے مرکزی مقام لال چوک، ملحقہ علاقوں، پُرانے شہر اور افضل گورو کے آبائی علاقے سوپور سمیت وادیٴ کشمیر کے بعض دوسرے حصوں میں کاروبارِ زندگی متاثر رہا۔ باقی ماندہ وادی میں جزوی ہڑتال کی جارہی ہے۔
Read more
امریکی وزیرِ خارجہ اینٹنی بلنکن نے پیر کے روز انسانی حقوق سے متعلق اقوامِ متحدہ کی کونسل میں بطور مبصر واپسی کا اعلان کیا ہے۔
ایک بیان میں اینٹنی بلنکن کا کہنا تھا کہ یہ اقدام بائیڈن انتظامیہ کی جمہوریت، انسانی حقوق اور مساوات سے متعلق خارجہ پالیسی سے دوبارہ منسلک ہونے کے عہد پر عمل ہے۔
Read more
امریکی صدر کے چیف میڈیکل ایڈوائزر ڈاکٹر انتھونی فاؤچی نے خبردار کیا ہے کہ کرونا وائرس کی برطانوی قسم اس قدر تیزی سے پھیل رہی ہے کہ مارچ کے آخر تک امریکہ میں یہ غالب آ سکتی ہے۔
ڈاکٹر فاؤچی نے پیر کو وائٹ ہاؤس کی کرونا وائرس رسپانس ٹیم کی ایک ورچوئل بریفنگ میں گفتگو کرتے ہوئے کہا کہ کرونا کی اپنی ابتدائی قسم اب بھی امریکہ میں غالب ہے۔
Read more
نیوزی لینڈ نے میانمار کے ساتھ ہر قسم کے تعلقات منقطع کرنے اور میانمار کی فوجی قیادت پر سفری پابندیاں عائد کرنے کا اعلان کیا ہے۔
نیوزی لینڈ کی وزیرِ اعظم جیسنڈا آرڈرن نے منگل کو اعلان کیا ہے کہ اُن کا ملک یہ یقینی بنائے گا کہ ایسے تمام پروجیکٹس روک لیے جائیں جس سے میانمار کی فوجی حکومت کو فائدہ پہنچ سکتا ہو۔
Read more
امریکی صدارتی دفتر وائٹ ہاؤس نے واضح کیا ہے کہ امریکہ کی ایران سے متعلق پالیسی میں کوئی نمایاں تبدیلی نہیں آئی ہے۔
ترجمان وائٹ ہاؤس جین ساکی نے پیر کو نیوز بریفنگ کے دوران صدر جو بائیڈن کے اس بیان کی بھی وضاحت کی جس میں اُن کا کہنا تھا کہ امریکہ اس وقت تک ایران پر عائد معاشی پابندیاں نہیں ہٹائے گا جب تک ایران 2015 کے جوہری معاہدے کے تحت یورینیم کی افزودگی کم نہیں کرتا۔
اتوار کو امریکی ٹی وی ‘سی بی ایس’ پر نشر ہونے والے انٹرویو میں صدر جو بائیڈن نے اس تاثر کو رد کر دیا تھا کہ امریکہ ایران پر عائد پابندیاں ہٹا کر مذاکرات کے لیے پہل کرے گا۔
Read more
امریکہ کے صدر جو بائیڈن نے بھارت کے وزیرِ اعظم نریندر مودی سے ٹیلی فون پر بات چیت کی۔ اور اس بات کا اعادہ کیا کہ امریکہ اور بھارت کرونا وائرس سے پھیلنے والی عالمی وبا کے خلاف جنگ، ماحولیاتی تبدیلی پر شراکت داری کی بحالی کے ساتھ ساتھ عالمی معیشت کی تعمیر نو کے لیے مل کر کام کریں گے۔
وائٹ ہاؤس سے جاری ایک بیان میں بتایا گیا ہے کہ دونوں رہنماؤں نے پیر کو ٹیلی فونک گفتگو کے دوران اس بات پر اتفاق کیا کہ وہ ایک آزاد اور وسیع علاقائی تعاون کو فروغ دیں گے جس میں پانیوں ٘میں آزادانہ نقل و حرکت، علاقائی سالمیت اور ایک مضبوط اتحاد شامل ہے۔
Read more
افغانستان سے ملحقہ قبائلی ضلع باجوڑ کے سرحدی علاقے ماموند میں چند روز قبل روایتی جرگے میں خواتین پر لگائی گئی پابندیوں کی سماجی اور سیاسی سطح پر شدید مذمت کی جا رہی ہے۔
جرگے کے فیصلوں میں ایف ایم ریڈیوز پر خواتین کو گپ شپ کرنے کی ممانعت، خواتین کی نشوونما کے مراکز اور نیوٹریشن سینٹرز جانے پر پابندی بھی شامل ہے۔ ان پابندیوں کو سماجی کارکن غیر قانونی اور غیر آئینی قرار دے رہے ہیں۔
قبائلی ضلع اورکزئی سے تعلق رکھنے والی خواتین کے حقوق کے لیے سرگرم نوشین فاطمہ نے جرگے کے فیصلوں کی مذمت کرتے ہوئے کہا کہ قبائلی اضلاع میں خواتین کو ان کے جائز اسلامی، انسانی اور آئینی حقوق سے محروم رکھا جا رہا ہے۔ لہذٰا قبائلی رہنماؤں کو ان مسائل پر جرگہ کرنا چاہیے تھا۔
Read more
پاکستان میں حزبِ اختلاف کی جماعت جمعیت علمائے اسلام (ف) نے سینیٹ انتخابات خفیہ رائے شماری کی بجائے اوپن بیلٹ کے ذریعے کرانے کے لیے جاری ہونے والے صدارتی آرڈیننس کو سپریم کورٹ میں چیلنج کر دیا ہے۔
دوسری طرف قومی اسمبلی میں ہنگامہ آرائی کرنے پر اسپیکر قومی اسمبلی اسد قیصر نے تین اراکین کو شو کاز نوٹس جاری کر دیے ہیں۔
جن اراکین کو نوٹس جاری کیے گئے ہیں اُن میں پیپلز پارٹی کے سید نوید قمر، مسلم لیگ (ن) کے حامد حمید اور تحریکِ انصاف کے عطا اللہ خان شامل ہیں۔
Read more
پاکستان نے جنوبی افریقہ کو راولپنڈی ٹیسٹ میں 95 رنز سے شکست دے کر دو میچز کی سیریز 0-2 سے اپنے نام کر لی ہے۔
پاکستان نے آخری مرتبہ 2003 میں جنوبی افریقہ کو ٹیسٹ سیریز میں شکست دی تھی۔
پیر کو راولپنڈی ٹیسٹ کے پانچویں اور آخری دن جنوبی افریقہ کی پوری ٹیم 370 رنز کے ہدف کے تعاقب میں 274 رنز پر ڈھیر ہو گئی۔
Read more
بھارت کی ریاست اترکھنڈ میں کوہ ہمالیہ سے گلیشیئر سے علیحدہ ہونے والا ایک بڑا ٹکڑا قریبی ڈیم کو بہا لے گیا جس کے نتیجے میں تیز رفتار پانی کے بہاؤ میں 14 افراد ہلاک اور 170 لاپتا ہو گئے ہیں۔
گلیشیئر کے تودے نے 13 اعشاریہ دو میگاواٹ کے رشی گنگا ہائیڈرو الیکٹرک پروجیکٹ کو نقصان پہچایا جب کہ تودے سے سڑکوں اور پلوں کو بھی نقصان پہنچا۔
گلیشیئر کے ٹوٹنے سے پیدا ہونے والے سیلاب کے راستے میں آنے والے کئی گاؤں خالی گرا دیے گئے ہیں۔ تاہم اب تک یہ واضح نہیں ہو سکا کہ سیلاب کا موسم نہ ہونے کے باوجود اتنا بڑا واقعہ کیسے رونما ہوا۔
Read more
آسٹریلوی حکام کا کہنا ہے کہ چین کے سرکاری ٹی وی سے وابستہ آسٹریلین خاتون اینکر کو چھ ماہ تک حراست میں رکھنے کے بعد باضابطہ طور پر گرفتار کر لیا گیا ہے۔ خاتون اینکر پر سرکاری راز دوسرے ممالک کو افشا کرنے کا الزام عائد کیا گیا ہے۔
آسٹریلیا کی وزیرِ خارجہ میریس پین نے بتایا ہے کہ اُنہیں چینی حکام نے مطلع کیا کہ خاتون اینکر چنگ لائی کو پانچ فروری کو باضابطہ طور پر گرفتار کر لیا گیا ہے۔ وہ گزشتہ سال اگست سے زیرِ حراست تھیں۔
Read more
موسمِ سرما میں کے ٹو سر کرنے کی کوشش کرنے والے پاکستانی کوہ پیما محمد علی سدپارہ اور اُن کے دو غیر ملکی ساتھیوں سے تین روز گزر جانے کے باوجود کوئی رابطہ نہیں ہو سکا جس کے بعد اُن کے زندہ بچ جانے کی اُمیدیں دم توڑ رہی ہیں۔
الپائن کلب آف پاکستان کے سیکریٹری کرار حیدری کا کہنا ہے کہ آج موسم بہت زیادہ خراب ہے۔ ہیلی کاپٹرز بلند پراوزیں نہیں کر سکیں گے۔
اُن کے بقول علی سدپارہ کے بیٹے ساجد سد پارہ اپنے علاقے میں پہنچ چکے ہیں اور وہی اپنے والد کے بارے میں کوئی باضابطہ خبر شیئر کریں گے۔
Read more
امریکہ کے صدر جو بائیڈن نے واضح کیا ہے کہ امریکہ اس وقت تک ایران پر عائد معاشی پابندیاں نہیں ہٹائے گا جب تک ایران 2015 کے جوہری معاہدے کے تحت یورینیم کی افزودگی کی شرح کم نہیں کرتا۔
اتوار کو امریکی ٹی وی ‘سی بی ایس’ کو دیے گئے انٹرویو میں بائیڈن نے اس تاثر کو رد کیا کہ امریکہ ایران پر عائد پابندیاں ہٹا کر مذاکرات کے لیے پہل کرے گا۔ اُن کا کہنا تھا کہ ایسا نہیں ہو گا۔
Read more
امریکہ میں ہر سال فروری کے پہلے اتوار منعقد ہونے والا ‘سپر باؤل’ امریکی قومی فٹ بال لیگ (این ایف ایل) کا محض نقطۂ عروج ہی نہیں، بلکہ اس کھیل کے شائقین اور عوام کے لیے جوش و خروش سے دیکھا جانے والا ایک جشن کا سماں بھی ہوتا ہے۔ تاہم کرونا وبا کے باعث حکام نے خبردار کیا ہے کہ یہ ایونٹ ‘سپر اسپریڈر’ بن سکتا ہے۔
‘کینسس سٹی چیفس’ اور ‘ٹمپا بے بکنیئرز’ کے درمیان اتوار کی شام ہونے والے مقابلے سے پہلے حکام نے لوگوں سے اپیل کی ہے کہ وہ اکٹھے ہو کر مقابلہ دیکھنے کے بجائے آن لائن ایپ ‘زوم’ پر ہی یہ مقابلہ دیکھیں اور لطف اندوز ہوں۔ تاکہ لوگوں کو اس مہلک وائرس سے زیادہ سے زیادہ محفوظ رکھا جا سکے۔
Read more
ایران نے خبردار کیا ہے کہ اگر امریکہ رواں ماہ 21 فروری تک اس پر عائد پابندیوں میں نرمی نہیں کرتا تو جوہری معاہدے کو مزید خطرات کا سامنا ہو سکتا ہے۔
ایران کے وزیر خارجہ محمد جواد ظریف نے ہفتے کو ایک ایرانی اخبار کو دیے گئے انٹرویو میں بتایا کہ پارلیمنٹ میں حال ہی میں کی جانے والی قانون سازی نے حکومت کو پابند کر دیا ہے کہ وہ اس معاملے میں سخت مؤقف اپنائے۔
Read more
میانمار میں ہزاروں مظاہرین نے ملک میں مارشل لا نافذ کرنے اور آنگ سان سوچی کی گرفتاری کے خلاف اتوار کو دوسرے روز بھی پورے ملک میں مظاہرے کیے۔
انٹرنیٹ اور فون لائنز کی بندش کے باوجود ملک بھر میں یہ مظاہرے 2007 کے بعد سب سے بڑے مظاہرے قرار دیے جا رہے ہیں۔
خیال رہے کہ 2007 میں فوجی حکومت کی جانب سے تیل کی قیمتوں میں سبسڈی کے خاتمے کے بعد حکومت مخالف مظاہروں کا سلسلہ شروع ہو گیا تھا جس میں ہزاروں افراد شریک ہوئے تھے۔
Read more
پاکستان سپر لیگ (پی ایس ایل) کے چھٹے سیزن کا آفیشل سانگ ‘گروو میرا’ گزشتہ روز یو ٹیوب اور سوشل میڈیا پلیٹ فارمز پر ریلیز کیا گیا۔ جس کے بعد گلوکارہ نصیبو لال، آئمہ بیگ اور ہپ ہاپ بینڈ ‘ینگ اسٹنرز’ کے گائے ہوئے گانے کو اب تک لاکھوں لوگ دیکھ اور سن چکے ہیں۔
اس بار پی ایس ایل کے آفیشل گانے میں ماضی کی نسبت کچھ نیا کرنے کی کوشش کی گئی ہے۔
علاوہ ازیں گانے کا آغاز پنجابی فلموں میں اپنی لبھاتی آواز کا جادو دکھانے والی نصیبو لعل کرتی ہیں۔ جس کی ویڈیو میں رنگ برنگے بادلوں کے جھرمٹ میں سے آشکار ہونے والے گیند اور بیٹ دکھائی دیے جانے کے بعد پرانے ٹی وی سیٹس دکھائی دیتے ہیں۔
Read more
دنیا کی دوسری بلند ترین چوٹی کے ٹو کو موسمِ سرما میں سر کرنے کی کوشش میں پاکستانی کوہ پیما علی سد پارہ اور ان کی ٹیم کے لاپتا ہو جانے کے بعد اتوار کو ان کی تلاش کے لیے دوبارہ سرچ آپریشن شروع کر دیا گیا ہے۔
علی سد پارہ اور ان کی ٹیم کا جمعہ کی شام سے بیس کیمپ سے رابطہ منقطع ہے۔ جس کے بعد گزشتہ روز آرمی ہیلی کاپٹرز کے ذریعے سات ہزار میٹر کی بلندی تک لاپتا کوہ پیماؤں کی تلاش کے لیے سرچ آپریشن شروع کیا گیا تھا۔ جس میں خراب موسم اور تیز ہواؤں کے سبب مشکلات پیش آئیں۔
Read more
سپریم کورٹ آف پاکستان کے حکم پر ڈینئل پرل کیس میں گرفتار ملزمان کو تقریباً 19 سال بعد پہلی بار بیرکس سے باہر منتقل کر دیا گیا ہے جہاں وہ اب اپنے اہل خانہ کے ہمراہ وقت گزار سکیں گے۔
محکمۂ داخلہ سندھ کی جانب سے جاری کردہ نوٹی فکیشن کے مطابق احمد عمر شیخ، فہد نسیم، سید سلمان ثاقب، اور شیخ محمد عادل کو ہفتے کی شب جیل بیرک سے باہر جیل کے احاطے میں ہی موجود کمروں میں منتقل کر دیا گیا ہے۔
Read more
ویب ڈیسک — کیریبین جزیرے جمیکا میں، جو گانجے اور چرس کی کاشت کی وجہ سے عالمی شہرت رکھتا ہے، شدید بارشوں کے بعد طویل عرصے تک خشک سالی، مقامی طور پر چرس کی طلب میں اضافے اور گانجے کی کاشت میں کمی کی باعث قلت پیدا ہو گئی ہے۔
Read more
ویب ڈیسک — پاکستان اور جنوبی افریقہ کے درمیان راولپنڈی میں جاری ٹیسٹ میچ کی دوسری اننگز میں میزبان ٹیم کی بیٹنگ ایک بار پھر لڑکھڑا گئی اور تیسرے روز کے اختتام پر صرف 129 رنز پر چھ کھلاڑی آؤٹ ہو چکے ہیں۔
Read more