امریکہ میں تین نومبر کو ہونے والے صدارتی انتخابات سے قبل ری پبلکن جماعت کے امیدوار صدر ڈونلڈ ٹرمپ اور اُن کے حریف ڈیموکریٹک پارٹی کے جو بائیڈن کے درمیان آخری مباحثہ جمعرات کو ہوگا جس کے قواعد میں تبدیلی کردی گئی ہے۔

مباحثے کے منتظمین نے کہا ہے کہ دونوں صدارتی امیدواروں کے درمیان مباحثے میں ‘میوٹ’ بٹن متعارف کرایا جائے گا جس کے نتیجے میں امیدوار کو بلا روک ٹوک بولنے کی اجازت ہو گی۔

ڈیموکریٹک صدارتی امیدوار جو بائیڈن نے صدر ڈونلڈ ٹرمپ کی کرونا سے نمٹنے کی پالیسیوں کو تنقید کا نشانہ بنایا ہے جب کہ صدر نے اپنی حکمتِ عملی کا بھرپور دفاع کیا ہے۔

ویب ڈیسک —  وائٹ ہاؤس کے ڈاکٹر نے تصدیق کی ہے کہ کرونا وائرس میں مبتلا امریکہ کے صدر ڈونلڈ ٹرمپ سے اب دوسروں میں وائرس پھیلنے کا خدشہ ختم ہو گیا ہے جس کے بعد اُنہیں آئسولیشن ختم کرنے کی اجازت دے دی گئی ہے۔

وائٹ ہاؤس کے ڈاکٹر شان کونلی کی جانب سے جاری کیے گئے بیان میں بتایا گیا کہ ہفتے کی صبح صدر کا دوبارہ کرونا ٹیسٹ کیا گیا جس کے بعد یہ پتا چلا کہ اب صدر کسی دوسرے میں وائرس کی منتقلی کا باعث نہیں بن سکتے اور وہ احتیاط کے ساتھ اب آئسولیشن بھی ختم کر سکتے ہیں۔

ویب ڈیسک۔ امریکہ میں آئندہ ماہ ہونے والے صدارتی انتخابات سے قبل ​صدر ڈونلڈ ٹرمپ اور ڈیموکریٹک پارٹی کے امیدوار جو بائیڈن کے درمیان ہونے والا دوسرا مباحثہ​ کرونا وائرس سے متعلق حفاظتی اقدامات پر اختلافات کی وجہ سے منسوخ کر دیا گیا ہے۔

صدارتی مباحثے کے کمیشن نے جمعے کو اس بات کی تصدیق کی کہ دوسرا صدارتی مباحثہ صدر ٹرمپ کے کرونا وائرس سے متاثر ہونے کی وجہ سے ورچوئل کرنے کی تجویز دی گئی تھی۔ البتہ صدر ٹرمپ نے یہ تجویز رد کر دی تھی جس کے بعد یہ مباحثہ منسوخ کر دیا گیا ہے۔

امریکہ کی فوڈ اور ڈرگ انتظامیہ (ایف ڈی اے ) نے کووڈ۔ 19 ویکسین کے استعمال کی اجازت کے لیے نئے رہنما اصول جاری کیے ہیں جس کے تحت دوا ساز کمپنیوں کی طرف سے آخری مرحلے کی جانچ کے دوران رضاکار کو اس ویکسین کی دوسری اور آخری خوراک دیے جانے کے بعد ان کی کم سے کم دو ماہ تک نگرانی کرنا لازمی قرار دیا گیا ہے۔

کرونا وائرس کی تشخیص کے بعد اسپتال میں زیر علاج امریکہ کے صدر ڈونلڈ ٹرمپ نے کہا ہے کہ اب وہ بہتر محسوس کر رہے ہیں اور بہت جلد واپس آئیں گے۔