کراچی کے پرہجوم علاقے میں جہاں گاڑیوں کے ہارن، خوانچہ والوں کی پکار اور طوطے کی مدد سے قسمت کا حال بتانے والوں کے باعث کان پڑی آواز نہیں سنائی دیتی، بس اسٹاپ سے کچھ دور پہلے اسٹیل گرے رنگ کی گاڑی رکتی ہے۔ گاڑی چلانے والی خاتون کو پہچان کر آٹھ دس سال کا بچہ یوں بھاگ کر آتا ہے جیسے صرف اسی انتظار میں تھا۔ آنکھوں میں چمک، ہاتھ میں صفائی کا کپڑا لیے وہ جانفشانی سے گاڑی

اکثر لوگ ملازمت سے سبکدوش ہونے کے بعد زندگی سے بیزاری، قنوطیت اور مایوسی کی مالا جپنے لگتے ہیں۔ جیسے خانگی اور ملازمتی ذمہ داریوں کی تکمیل کے ساتھ زندگی کی معنویت بھی اختتام پذیر ہونے کو ہے۔ ایسے لوگوں کو چاہیے کہ جاپان سے درآمد شدہ دو الفاظ اپنی گرہ سے باندھ لیں۔ 1۔ اکی گائی (Ikigai) یعنی زندگی میں مقصدیت 2۔ موئی (Moai) ایسے سماجی گروہ کا باہم میل جول جن کے شوق مشترکہ ہوں۔ ان دونوں الفاظ

وہ عجب وقتِ بے اماں تھا، کربلا میں لمحہ لمحہ اترتی تیرگی، پیاسی بنجر زمین پہ محاصرہِ کاروانِ حسینی۔ خیموں سے بھوک اور پیاس کی شدت سے نڈھال معصوم بچوں کی العطش العطش کی صدائیں، ٹھاٹھیں مارتے، ایڑیاں رگڑتے بے بس فرات کا بہاؤ اور لیلائے شب پہ تنی بے کراں سوگواری کی چادر۔ ایسے میں آلِ رسولؐ کے خیموں سے دور ایک شخص کسی گہری سوچ میں غلطاں متفکر و بے چین ہے۔ یہ مضمحل شخص فوجِ کوفہ کا

عجیب مانوس اجنبی تھا مجھے تو حیران کر گیا وہ ناصر کاظمی کے اس مصرع کے حوالے سے مجھے ایک ایسی شخصیت یاد آ رہی ہے جو میرے لئے بظاہر بالکل اجنبی تھی مگر جن کی انسان دوستی نے مجھے حیران کر دیا۔ 2011 کو برس تھا اور اگست کا مہینہ تھا۔ میں ایک شادی میں شرکت کے لئے واشنگٹن ڈی سی میں تھی۔ میرے شوہر کا فون آیا کہ کوئی بزرگوار ہیں جو کینیڈا سے فون کررہے ہیں اور

سورج کیوں نہیں نکلا؟ آتش دان میں آگ کیوں نہیں جل رہی؟ پانچ چھ سالہ ننھا لوئی اپنے گھر والوں سے اس قسم کے سوالات کرتا رہتا تھا جن کا ان کے پاس کوئی جواب نہ تھا۔ کیونکہ اس بچے کی دنیا اب بالکل اندھیری ہو گئی تھی۔ وہ مکمل نابینا تھا۔ لیکن کسے خبر تھی کہ اندھیری دنیا میں گم یہ بچہ بڑا ہو کر اپنے بریل طریقہ تعلیم سے پوری دنیا کے نابینا لوگوں کی زندگیوں کو علم

یہ کہانی ایک ایسی بہادر لڑکی کی ہے جو نہ بول سکتی ہے۔ اور نہ چل سکتی ہے۔ مگر قدرت نے اس کو بہترین ذہن دیا ہے۔ اپنی سوچوں کو دوسروں تک پہنچانے کے لیئے وہ قلم کو پاؤں کے انگوٹھے اور انگلی کے ساتھ پھنسا کر تیزی سے کاغذ پر لکھتی ہے۔ اس جرات مند اور ذہین ادیبہ کا نام ہے جھمک کماری۔جس نے نیپال کا سب سے بڑا ادبی ’’مدن پالیکر ایوارڈ (2011) حاصل کیا ہے۔ اس نے

مجھے نہیں پتہ کہ میری صحیح تاریخ پیدائش کیا ہے ؟کیونکہ جب میں پیدا ہوئی تو میرے جسم پر مکمل ہاتھوں کی بجائے صرف اس کے نشان تھے۔ سب نے میری ماں کو مشورے دیے کہ بچی کو اپنے جسم سے دور رکھو، اپنا دودھ نہ پلاؤ ، افیون کھلا دو۔ ان کا خیال تھا کہ اس طرح میں خود ہی مر جاؤں گی۔ ان کی نظر میں ایک معذور بچی کا مر جانا ہی بہتر تھا۔ اسی پریشانی میں

مہینہ تھا مارچ کا اور سال 1887۔ ہیلن کیلر کو اپنے گھر میں عام دنوں سے زیادہ گہما گہمی محسوس ہو رہی تھی۔ باورچی خانہ سے مزے دار کھانے کی خوشبو آ رہی تھی۔ اس کی ماں نے بھی اچھے کپڑے پہنے ہوئے تھے۔ شاید کوئی آ رہا ہے، کوئی مہمان۔ اتنی دیر میں گھوڑے کے ٹاپوں اور ویگن کے رکنے کی آواز آئی۔ کون آ رہا ہے؟ ہیلن نے سوچا۔ اس کو پتہ نہیں تھا کہ آج آنے والی مہمان

شہر میں آ کر پڑھنے والے بھول گئے کس کی ماں نے کتنا زیور بیچا تھا (اسلم کولسری ) بچپن میں سنا کسی شاعر کا یہ شعر باوجود کم عمری کے میرے حافظہ میں محفوظ ہو گیا۔ شاید اس لیئے کہ عورت ہونے کے ناطے ماں بننا میرا اعزاز بھی ٹھہرا تھا۔ اولادوں سے ماؤں کی بے غرض ایثار وقربانی کی مثالیں عہد و مکان کی قید سے آزاد ہیں۔ہر دور میں راتوں کو نیندیں حرام کر کے اپنی گود

جب سعیدہ کو اس کے شوہر ریاض نے لاتیں گھونسے مارے اور پھر دھکے دے کر گھر سے نکالا تو سرمئی شام اترنے ہی کو تھی۔ ”خبردار جو دوبارہ اس گھر میں قدم رکھا۔ “ ریاض نے غصے سے ڈھارتے ہوئے دیارِ غیر کے اس واحد گھر کا دروازہ بند کر دیاجس سے وہ آشنا تھی۔ سعیدہ خاصی دیر تک باہر کھڑی گھٹی گھٹی سسکیوں کے ساتھ آنسو بہاتی رہی۔ تکلیف خوف اور بے بسی سے اس کے جسم پر لرزہ طاری تھا۔ نہ وہ اس ملک سے آشنا تھی اور نہ ہی زبان سے واقف۔

پاکستان سے امریکہ آئے اسے ابھی اسے بمشکل سات ماہ ہی گزرے تھے۔ پنجاب کے ایک گاؤں سے آٹھویں پاس سعیدہ کا شوہر یونیورسٹی کے کیمپس میں بطور پی ایچ ڈی طالبعلم رہتا تھا۔ امریکہ اس کی خوابوں کی سرزمین تھی اور خود وہ سعیدہ کے خوابوں کا شہزادہ۔ اس کے بچپن کے ٹھیکرے کی مانگ اس کا چچا زاد۔ سعیدہ جو بمشکل سال بھر پہلے اس کی بیوی بنی تھی۔ آج اپنے گھر سے باہر بے بسی کے عالم میں کھڑی تھی۔ اسی پریشانی میں اس نے اپنی کوکھ میں پلنے والے بچے کی حرکت سے ایک امید سی بندھی کہ شاید دروازہ کھل جائے اور ریاض کہے ”مجھے معاف کر دو میں غصہ میں بھول گیا تھا کہ تمہاریے جسم میں پلنے والا بچہ میرا بھی تو ہے۔

( جان ایلڈر کی کتاب ’’ لک می ان دی آئی‘‘ نے اسے معذوری کو سمجھنے میں مدد دی ۔) ’’آپ وہیل چئیر پر ہوں تو لوگ آپ کے ساتھ ہمدردی کا سلوک کریں گے ۔ با آسانی ( آپ کی معذوری کو) قبول کریں گے ، لیکن آٹزم اسپیکٹرم ڈس آرڈر میں مبتلا لوگوں کے لیئے ہینڈی کیپ پارکنگ اسپاٹ( معذوروں کی پارکنگ کی جگہ ) نہیں کیونکہ یہ ایک نہ نظر آنے والی معذوری ہے ‘‘ یہ جملے

اسلامی جمہوریہ پاکستان کا شمار ان ترقی پذیر ممالک میں ہے کہ جہاں باوجود اکیسویں صدی میں سانس لینے کے آج بھی نمناک آنکھوں کے ساتھ لڑکیاں بالیاں یہ بول دھراتی ہیں۔ اب جو کہو ہو داتا ایسا نہ کیجیو اگلے جنم موہے بیٹا نہ کیجیو اس اداس خواہش کی وجہ کوئی انہونی نہیں۔ سب جانتے ہیں کہ دنیا کے ترقی پذیر معاشروں کی طرح پاکستان کے جاگیردارانہ نظام کی چکی میں پسنے والی عورتوں کی حیثیت بھیڑ بکریوں کے

چند برس قبل کی بات ہے 11 اور 13 مئی 1998 کو گوتم بدھ کی زمین پوکھرن (ہندوستان) میں چھ جوہری دھماکے ہوئے۔ پھر 27 اور 29 مئی چاغی بلوچستان میں پاکستان نے چھ ایٹمی دھماکے کر کے اینٹ کا جواب پتھر سے دیا۔ واضح رہے کہ یہ دونوں وہ ممالک ہیں کہ جہاں کے کڑوروں عوام بھوک، غربت اور جہالت کے آسیب سے نبرد آزما ہیں۔ لیکن ان کا دفاعی بجٹ اربوں ڈالرز ہے۔ اربوں ڈالرز کے ایٹمی دھماکوں

کراچی جہاں عرصے سے بدامنی نے اپنا ڈیرہ ڈالا ہوا ہے وہیں پہ امن کی پیامبر ایک ایسی فنکارہ بھی رہائش پذیر ہے جو پچھلی چار دھائیوں سے بڑی جراتمندی اور استقامت کے ساتھ انصاف، انسانی حقوق اور سچائی کے محاذ پر ڈٹی ہوئی ہے۔ اس کے ہتھیار ڈرامہ، رقص، شاعری، تھیٹر اور موسیقی ہیں۔ جو دل کے تاروں کو چھوتے، دل و دماغ روشن کرتے ہیں۔ اور جو سماجی تبدیلی کے غماز اور امن و آشتی سے مہکتی صبح

پچھلے دنوں میرے پاس ایک ایسے صاحب کی جانب سے خط آیا جو اپنی حساس طبیعت اور آنسو بہائے جانے کی عادت کے ہاتھوں پریشان بلکہ پشیمان تھے اور مشورہ چاہتے تھے، لکھتے ہیں: ”میں اصل زندگی ہو یا فلمی منظر کی جذباتی صورتحال، جلد ہی رو پڑتا ہوں۔ میری یہ عادت محفلوں میں تمسخر کا باعث بنتی ہے۔ کیا آپ مجھے اس کیفیت پر قابو پانے کا طریقہ بتاسکتی ہیں؟ ‘‘ میرے استفسار پر انہوں نے مزید یہ بھی