گزشتہ ایک سال کے دوران حکومت اور عمران خان کی پرجوش ترجمان رہنے والی فردوس عاشق اعوان کو اچانک برطرف ہونے کے بعد یہ علم ہو گیا ہو گا کہ بدعنوانی کے جس ڈھکوسلے پر نئے پاکستان کی دعویدار حکومت استوار ہے، وہ کس قدر بودا اور کمزور ہے۔ اب وہ خود بدعنوانی اور سرکاری سہولتوں کے ناجائز استعمال کے الزام میں برطرف ہوئی ہیں تو ان کے علاوہ، بدعنوانی یا اسی قسم کے کسی دوسرے عذر کی بنیاد پر

وزیر اعظم عمران خان نے سینیٹر شبلی فراز کو وزیر اطلاعات اور لیفٹیننٹ جنرل (ر) عاصم سلیم باجوہ کومعاون خصوصی برائے اطلاعات و نشریات مقرر کیا ہے۔ اس کے ساتھ ہی فردوس عاشق اعوان کو فوری طور سے معاون خصوصی کے عہدےسے فارغ کردیا گیا ہے۔ اخبارات میں سامنے آنے والی رپورٹوں کے مطابق انہیں بدعنوانی کے الزام کے بعد مستعفی ہونے کے لئے کہا گیا تھا تاہم ان کے انکار پر وزیر اعظم نے برطرفی کا حکم جاری کردیا۔

پاکستان میں ایک دن میں کورونا کے ایک ہزار سے زیادہ مریض سامنے آئے ہیں۔ سندھ کے وزیر اعلیٰ مراد علی شاہ کے علاوہ وزیر اعظم کے مشیر برائے صحت ڈاکٹر ظفر مرزا نے متنبہ کیا ہے کہ رمضان کے دوران کورونا خطرناک حد تک پھیل سکتا ہے۔ اس لئے لوگوں کو احتیاط کرنی چاہئے۔ انہوں نے تسلیم کیا کہ رمضان المبارک کے آغاز میں ہی مساجد اور بازاروں میں جس طرح لوگ بڑی تعداد میں جمع ہوئے ہیں ،

دو روز قبل وزیر اعظم ہاؤس میں پوری قوم اور میڈیا کو جھوٹا قرار دینے والے دعائیہ بیان کے بعد مولانا طارق جمیل نے میڈیا سے معافی مانگی ہے۔ سوشل میڈیا پر خواتین گروپس کی طرف سے بے حیائی کے حوالے سے بیان پر تنقید کے بعد مولانا نے کہا ہے کہ ان کا مقصد کسی کی دل آزاری نہیں تھا۔ اس دوران وزیر اعظم عمران خان نے پاکستانی میڈیا کے بعض حصوں کو غیر ذمہ دار اور جھوٹا قرار

حوروں کے تذکروں اور حکمرانوں کی خوشامد سے شہرت پانے والے مولانا طارق جمیل ایک بار پھر خبروں میں ہیں۔ کہنا چاہئے کہ انہیں خبرمیں رہنے کا ڈھنگ آتا ہے۔ جس طرح بکنے والی یا مقبول ہونے والی خبر پر ہر ’صحافی‘ کی نگاہ ہوتی ہے ، بالکل اسی طرح میڈیا کے ذریعےمقبولیت حاصل کرنے والے کرداروں کو بھی ایسے میڈیا شوز اور سماجی مواقع کی تلاش رہتی ہے جن کے ذریعے ان کی شہرت کا گراف قائم رہے۔ میڈیا

عالمی ادارہ صحت نے دنیا بھر کے ملکوں کو کورونا وائرس کے بارے میں لاپرواہی برتنے سے متنبہ کرتے ہوئے کہا ہے کہ یہ وائرس جلدی ختم ہونے والا نہیں ہے بلکہ ویکسین دستیاب ہونے تک موجود رہے گا۔ اس کے پھیلاؤ کو روکنے کے لئے احتیاط اور ضروری اقدامات کو پس پشت نہ ڈالا جائے۔ پاکستان میڈیکل ایسوسی ایشن اور انسانی حقوق کمیشن نے بھی حکومت پاکستان سے اپیل کی ہے کہ وہ لاک ڈاؤن کے معاملہ کی اہمیت

عمران خان وزیر اعظم ہیں۔ وہ اس عہدے پر برقرار رہنا چاہتے ہیں۔ ایک منتخب لیڈر کے طور پر انہیں یہ حق حاصل ہے کہ وہ آئندہ انتخابات تک اس عہدہ پر قائم رہیں۔ موجودہ حالات میں جبکہ کورونا وائرس سے پوری دنیا کی طرح پاکستانی عوام کی صحت و زندگی کو اندیشے لاحق ہیں، ملک میں سیاسی تسلسل اور حکومتی استحکام کی ضرورت بڑھ چکی ہے۔ شہباز شریف اپوزیشن لیڈر ہیں۔ وہ وزیر اعظم بننا چاہتے ہیں۔ اس مقصد

یہ بات پاکستان کی سیاسی تاریخ میں سنہری حروف سے لکھی جانی چاہئے کہ ملک کے جمہوری طور سے منتخب وزیراعظم نے واضح کیا ہے کہ پاکستان ایک خود مختار ملک ہے، اس لئے وہ مساجد کھولنے یا بند رکھنے کے بارے میں جو چاہے فیصلہ کرے۔ ایسا ملک جہاں جمہوریت اور اس کے لوازمات کو ہمیشہ خطرہ لاحق رہا ہو اور جس معاشرے کی سیاست میں فوج کے تعاون کے بغیر حکومت سازی کو ناممکن امر کے طور پر

دنیا بھر کے جمہوری ممالک میں عوام کے ووٹوں سے منتخب ہونے والی اسمبلیاں کورونا وائرس کے خلاف حکومتوں کی کارکردگی پر مباحث کررہی ہیں اور ان میں تصحیح اور بہتری کے لئے کوشاں ہیں۔ پاکستان میں عدالت عظمیٰ آئین کی شق 184(3) کے تحت سوموٹو اختیار کا فائدہ اٹھاتے ہوئے پارلیمنٹ کا ’کردار‘ خود ادا کرنے کی کوشش کررہی ہے۔ دنیا بھر کے لیڈر طبی ماہرین کے ساتھ مل کر کورونا وائرس کی ساخت اور اس سے نمٹنے کے

پاکستان میں کورونا وائرس کے حوالے سے سامنے آنے والے مباحث کے کئی پہلو قابل غور ہیں جو پاکستانی سماج کی سیاست کے علاوہ سماجی اور دینی رویوں اور مزاج کا پتہ بھی دیتے ہیں۔ ملک کا وزیر اعظم اس بات پر ہراساں ہے کہ بھارتی وزیر اعظم اپنی سیاسی کمزوری اور لاک ڈاؤن کے بارے میں ’غلط‘ فیصلوں پر پردہ ڈالنے کے لئے مسلمان اقلیت کے خلاف نفرت کو فروغ دے رہا ہے لیکن وہ اپنے ملک میں اس

کورونا وبا نے پاکستانی سیاست کے ایسے پہلو نمایاں کردیے ہیں جنہیں بظاہر خفیہ رکھا جاتا ہے لیکن یہ ایک کھلے راز کے طور پر زبان زد عام بھی رہتے ہیں۔ ان پہلوؤں کا سراغ لگانے کے لئے زیادہ دور جانے کی ضرورت نہیں ہے ۔ وزیر اعظم اور حکومتی نمائیندوں کی طرف سے ’ایک پیج‘ کی گردان، منتخب وزیر اعظم کے لئے نامزد یا سلیکٹڈ کی پھبتی، میڈیا کی ہر دوسری رپورٹ میں مقتدر حلقوں یا اسٹبلشمنٹ کا ذکر

یوں تو پاکستان میں آئین سے غدار ی کرنے والوں اور قوم فروشوں کی گنتی کی جائے تو شاید یہ تعداد اس کی آبادی سے بھی زیادہ نکل آئے ۔ ایک دوسرے پر الزام تراشی کا ایسا رجحان ملک میں فروغ پاچکا ہے کہ ہر اختلاف رائے کرنے والے کو ’غدار‘ کے نام سے نوازا جانا روزمرہ کا معمول بن چکا ہے۔ اس صورت حال میں آئین، قانون، مجاز اتھارٹی کا حکم یا حکومت کی عمل داری بے معنی الفاظ

پاکستان یوں تو ایک ملک ، ایک ریاست اور ایک وفاق کا نام ہے لیکن اس ایک اکائی کے بیچ سیاسی ، مذہبی اور فرقہ وارانہ تقسیم کی وجہ سے بیک وقت کئی حکمرانوں کی موجودگی کو دیکھا اور محسوس کیا جاسکتا ہے۔ یہ ’حکمران ‘ ایک ہی وقت میں متضاد اور ایک دوسرے سے متصادم احکامات جاری کرتے ہیں۔ جیسے آج ایک حکم وزیر اعظم عمران خان نے جاری کیا اور چند صنعتوں کو کھولنے کے علاوہ مزید دو

آئین و قانون کی بالادستی، انصاف اور غریبوں سے ہمدردی کے نام پر جو تماشہ آج چیف جسٹس گلزار احمد کی قیادت میں سپریم کورٹ کے پانچ رکنی بنچ نے رچایا ہے، وہ اگرچہ پاکستان کی تاریخ میں کوئی نیا وقوعہ نہیں ہے لیکن یہ رویہ قانون کی حکمرانی اور جمہوی اداروں کے احترام و خود مختاری کے بنیادی اصولوں و تقاضوں سے متصادم ہے۔ سپریم کورٹ کے تمام تر احترام کے باوجود اختیار سے تجاوز اور عہدہ کی آڑ

حال ہی میں چینی اور گیہوں  کی قیمتوں  کے حوالے سے سامنے آنے والی تحقیقاتی رپورٹوں کے بعد   حکمران جماعت کے سیاسی مستقبل اور وزیر اعظم عمران خان کے آپشنز کے بارے میں مباحث زوروں پر ہیں۔   اگرچہ   گزشتہ ہفتہ کے دوران  شکر اور گیہوں  کی قیمتوں میں اچانک اضافے کے حوالے سے دو  رپورٹیں سامنے آئی تھیں لیکن   چینی کی برآمد اور اس پر پنجاب حکومت کی سبسڈی کے معاملہ پر زیادہ  گرم جوشی دیکھنے میں آئی ہے۔ اس

صدر عارف علوی نے آج نماز جمعہ کے بعد قومی اسمبلی کے اسپیکر اسد قیصر اور چئیرمین سینیٹ صادق سنجرانی کے ہمراہ ایوان صدر میں نماز توبہ ادا کی اور کورونا وائرس کی تباہ کاری سے اللہ کی پناہ مانگی۔ آج ہی مشتعل نمازیوں نے کورنگی کراچی میں نماز جمعہ کے اجتماع سے منع کرنے پر خاتون ایس ایچ اور پر حملہ کر کے انہیں زخمی کردیا۔ پاکستان کی حکومت کو صرف یہ طے کرنا ہے کہ کورونا کا علاج

دنیا اس وقت کووڈ۔19 سے درپیش خطرہ سے نمٹنے کی کوشش کررہی ہے۔ فوری طور پر ہرملک کی خواہش ہے کہ زیادہ سے زیادہ انسانی جانوں کو بچایا جائے یا انہیں اس مہلک وائرس سے محفوظ رکھنے کی کوشش کی جائے۔ تاہم اس وائرس کے ختم ہونے کے بعد پوری دنیا کے سماجی و سیاسی رویوں کے علاوہ معیشت، نظام ہائے حکومت اور اس سے متعلق امور پر مرتب ہونے والے اثرات کو نظر انداز نہیں کیا جاسکتا۔ قیاس کیا

حکومت نے سپریم کورٹ کو مطلع کیا ہے کہ رواں ماہ کے دوران ملک میں کورونا وائرس سے متاثرین کی تعداد 50 ہزار تک پہنچ سکتی ہے لیکن ا س کے ساتھ ہی وزیر اعظم کے معاون خصوصی برائے صحت ڈاکٹر ظفرمرز ا نے متنبہ کیا ہے کہ ان اندازوں کو حتمی نہ سمجھا جائے کیوں کہ کورونا وائرس کے پھیلاؤ کی درست معلومات دستیاب نہیں ہیں اور اس حوالے سے صرف اندازےقائم کئے جارہے ہیں۔ ملک میں جس رفتار

کورونا وائرس سے پیدا ہونے والے بحران نے عمران خان کو یہ نادر موقع فراہم کیا تھا کہ وہ صرف تحریک انصاف کے وزیر اعظم بننے کی بجائے ملک بھر کے رہنما بن جاتے۔ متعدد وجوہ کی بنا پر وہ اس مقصد میں ناکام ہوئے ہیں۔ کووڈ۔19 سے پیدا ہونے والا بحران ابھی تک جاری ہے۔ خود وزیر اعظم عمران خان نے آج اقرار کیا ہے کہ کوئی نہیں جانتا کہ یہ بحران دو تین ہفتے میں کیا صورت اختیار

دیوبندی علما کے علاوہ پنجاب اسمبلی کے اسپیکر پرویز الہیٰ نے تبلیغی جماعت والوں پر کورونا پھیلانے کا الزام لگانے کی مذمت کی ہے۔ مسلم لیگ (ق) پنجاب میں حکومت کی اتحادی ہے تاہم پرویز الہیٰ کا کہنا ہے کہ وزیر اعلیٰ پنجاب عثمان بزدار بھی تبلیغی جماعت والوں کا تحفظ کرنے میں بے بس ہیں اور ان کی بات سنی نہیں جاتی۔ انہوں نے متنبہ کیا کہ ’تبلیغی جماعت والے پرامن ہیں لیکن لاوارث نہیں ہیں ۔ ان پر

پاکستان کا ہر لیڈر پاکستانیوں کو عظیم قوم قرار دیتا ہے اور اس کے ثبوت میں مشکل آنے پر عوام کے جذبہ ایثار کو مثال کے طور پر پیش کیا جاتا ہے۔ کہا جاتا ہے کہ 2005 کا زلزلہ ہو یا 2010 کا سیلاب، اہل پاکستان نے ایک دوسرے کا ساتھ دینے کی یادگار مثالیں قائم کی ہیں۔ اس لئے پاکستانی عوام ایک ایسی قوم ہیں جو بحران میں مل کر کام کرنے کی صلاحیت رکھتی ہے۔ موجودہ کورونا وائرس

وزیر اعظم عمران خان نے ایک بار پھر پاکستانی قوم کی عظمت کے گن گاتے ہوئے واضح کیا ہےکہ یہ قوم اپنی فراخدلی اور ایک دوسرے کی مدد کرنے کے حوالے سے یکتا ہے اور اسی صلاحیت کی وجہ سے کورونا وائرس سے پیدا ہونے والے بحران کا مقابلہ کرسکتی ہے۔ پرانے دلائل دہراتے ہوئے وزیر اعظم نے ایک بار پھر لاک ڈاؤن کی شدید مخالفت کی ہے۔ ان کا کہنا ہے کہ ہمارا ایمان اور ہمارے نوجوان اس جنگ

کورونا وائرس کی تباہ کاری  تیز رفتاری سے جاری ہے۔ صدر ڈونلڈ  ٹرمپ نے نیویارک  کو مکمل قرنطینہ میں رکھنے کا فیصلہ سیاسی  دباؤ اور  متعدد گورنروں کی  مخالفت کی وجہ سے واپس  لے لیا ہے تاہم امریکہ میں   کورونا وائرس کے پھیلاؤ کے سبب خوف اور بے یقینی کی دھند گہری ہورہی ہے۔ کچھ ایسے ہی حالات یورپ  میں بھی ہیں جہاں حکومتیں لاک ڈاؤن اور متعدد پابندیوں کے ذریعے عوام کی اکثریت کو کورونا وائرس سے  محفوظ رکھنے

پاکستان میں کورونا وائرس سے متاثرین کی تعداد 1500 سے تجاوز کرگئی ہے اور اس ہلاکت خیز وائرس کی وجہ سے 12 افراد جاں بحق ہوچکے ہیں لیکن یہ جاننا مشکل ہے کہ ملک میں فیصلے کرنے کا اختیار کس کے پاس ہے۔ نیویارک ٹائمز نے ایک رپورٹ میں کورونا وائرس کے حوالے سے المناک تصویر پیش کی ہے اور کہا ہے کہ فوج نے وزیر اعظم کی مرضی کے بغیر صوبائی حکام کے ساتھ مل کر لاک ڈاؤن کا

گزشتہ روز اداریے میں یہ سوال اٹھایا گیا تھا کہ کورونا وائرس کی وجہ سے ملک و قوم کو جس بحران کا سامنا ہے اور حکومت کی ہٹ دھرمی اور بے عملی کی وجہ سے جو بے یقینی پیدا ہوئی ہے، کیا اس تعطل کودور کرنے کا واحد راستہ مارشل لا کا نفاذ ہے ۔ تاکہ ایک اتھارٹی پوری قوت سے لوگوں کی جان بچانےکے لئے فیصلے کرسکے اور بروقت مناسب اور ضروری اقدام کئے جاسکیں، قومی یک جہتی کی

ملک کی حکومت اور اپوزیشن پارٹیاں بدستور ایک دوسرے سے فاصلے پر کھڑی ہیں۔ اگرچہ اپوزیشن لیڈر اور مسلم لیگ (ن) کے صدر شہباز شریف اور پیپلز پارٹی کے چئیرمیں بلاول بھٹو زرداری نے کورونا وائرس سے نمٹنے کے لئے ملک بھر میں لاک ڈاؤن کا مطالبہ کیا ہے لیکن وزیر اعظم بدستور اس کی مخالفت کررہے ہیں۔ وہ اپوزیشن کے ساتھ کسی بھی قسم کا ڈائیلاگ کرنے کے لئے بھی تیار نہیں ہیں ۔ اسی لئے آج قومی اسمبلی